https://www.facebook.com/101033752305553/

我怕醜老婆Helen Suen入行保險的故事

我老婆Helen由怕醜空中小姐變身成保險業Top Sales的故事（第一篇）
（閱讀時間約5分鐘）
我最初點樣識得我老婆Helen嘅呢？（追緊她的個時），其實佢當時係日本航空當空中小姐，從溫哥華飛東京的萬呎高空的旅途上她坐在我對面靠著艙門位置。當時我一直偷看她因為覺得她好面熟，當我發現她胸口上的名牌的姓氏並不是日本名而是香港人，我突然就大膽起來撩佢傾計，後來發現她從小到大住在附近，阿哥又同我同校，話題打開了就順其自然做咗朋友，我就係咁樣認識到我現在的老婆Helen。同Helen結婚後她也辭去空中你小姐的工作了，然後我們相繼生了兩個小朋友。太太辭職後家庭的唯一經濟支柱當然自自然然地落在我身上。為了尋求多一些發展的機遇和空間，那我一個人就移居了上海加入了一家地產四大行之一的顧問公司。要做到家庭工作兩兼顧，我盡可能週五飛回香港陪同家人然後週日最晚的航班自己飛回上海啦。 2019有一天，我老婆同我講細路都大了，想出來揾份工作。當過空中小姐的朋友都知道，除非你申請跟航空業相關的職位，要不出來揾份工作也不容易。 Helen都投遞咗唔少申請表，但是都無回音。她又不是一個好Career mind 的人，就算揾工都只能揾到一啲幫補下生活費的工作。又有一個週五晚上，我從上海飛回香港，返到屋企老婆突然同我講佢好想試試做保險。吓？咩話？做保險？！！？唔係啩？完全同你嘅性格唔匹配喔！當晚幾乎鬧交，最後我還是投降，算啦，你咪試試囉。我真心認為浪費時間，遲早都係會放棄，因為我subjectively 認為佢嘅性格完全不適合做保險。

當時我認為老婆Helen唔適合做保險的3個理由：
1） Not an expressive person, 佢唔係一個表達能力很強的人，你問佢我地啱啱個Trip點樣？好唔好玩呀？佢嘅答案只有：“”唔錯啦”， “”幾好啦”。
2）沒有執行力，做事不夠主動再帶些拖延症
3）唔鐘意交際應酬，點樣約cold call做銷售呀？
個晚同我老婆差唔多鬧大交，我話唔係潑你冷水呀！呢份工真心唔適合你。但係佢同我講話牌都已經考咗啦，我咪唯有話不妨試試囉！坦白講，我個心99%預咗佢會放棄，遲早的事。

入行第3個月
之後兩個月如我所料，什麼都無發生過，沒有約客見，日日都係維持一副咀喪的模樣，只係係親朋戚友面前輕輕帶過自己做保險，親朋戚友們又沒有什麼反應。我叫我老婆你當我係客sell我一次，我問你問題玩下role play。點知我問佢保險產品的問題佢都答唔到我，我同老婆講，你好似沒Ready喔。

入行第6個月
入行六個月後來就變了日日打電話俾我（當時我還在上海）叫我介紹朋友俾佢開單。好啦好啦！我係內地都工作了十幾年，還在清華和復旦大學讀過書，都又累積一啲人脈嘅，那我就嘗試介紹我內地啲朋友和同學們俾我老婆認識下啦。我老婆帶著佢嘅好同事叫‘啊餅‘’開始她了飛往內地出差認識朋友的‘’第一波‘’，然後又接第二波，第三波，哇哇發達囉！
隨著“第三波認識朋友“的熱潮過後（聲明香港的保險從業員在內地不能推銷保險，所以只是限於認識新朋友而已，香港有牌的保險經紀只能在香港本地推銷保險）。回港後一個月，在內地見得朋友沒有來港的打算，只是久不久問一下，”香港保險為什麼比內地的保險好呀”？隨著光陰的蹉跎，香港慶祝回歸二十幾週年，我老婆那副咀喪的臉又同樣跟著回歸。七個月暫時還沒有close到一張單，保險收入是零狀態。

入行第7個月的逆轉！
暑假到了，時來運到，大批之前前係內地見面的朋友們都帶著小朋友都來香港放暑假。有啲要我老婆安排打HPV針，有啲又話要揾我老婆幫眼買呢樣個樣。那一周Helen終於開了第一份危疾的保險單了！恭喜恭喜！接著的一周一連開7單。

真係有客戶出事，買咗保險唔夠兩個月患上胰脏癌
其中一位客戶不得不提，是我復旦大學的同學介紹。呢位客戶本身係上海做醫生（楊醫生），佢2019年中來港透過我老婆買了份危疾保險。不幸的事買了保險不足兩個月內做身體檢查時發現患了胰脏癌。當時我老婆都只算是一個保險從業員的新手，我地第一個反應時，剛剛才買了保險究竟可唔可以幫到佢成功申請到理賠呢？老婆即時替他遞交申請，擔心了足足一個月，最終申請受理獲理賠100幾十萬港幣。

脫胎換骨，空中小姐變了保險Top Sales
我老婆終於係呢份工得到了無限的滿足感，實實在在的替朋友獲得理賠渡過了難關。後來我復旦的同學把故事傳出去。在9月份到年底我老婆足足開了40多張單，成功做到百萬年薪並獲得MDRT的殊榮！

我的感受：我自己本身也是從事銷售行業，產業測量師。什麼專業也好律師也好，會計師也好升到Partner的層面之後工作內容也逃不過攞生意銷售專業服務。未來很多專業都會被AI取代，唯獨是文化，創意，藝術和銷售是有將來，因為銷售也是一門藝術不能給AI取代。我認為小朋友在大學時期應該想辦法找一份與銷售有關的part-time job, 把銷售這門技能在年輕時得到體驗。

我老婆Helen由怕醜空中小姐變身成保險業Top Sales的故事
（第二篇 – COVID19點算？老婆話保險越來越難做，你的思維不正確，點解？）
（閱讀時間約5分鐘）
進入了COVID 19的這一年，老婆真的亂了陣腳，因為這意味著今年唔使旨意開到內地客戶的單了。點算好？轉戰香港人市場囉！ 2019年頭幾個月老婆雖然攞了個top sales存了一些底氣，但係性格是不能改變的，她還是帶著4分積極6分怕醜的模樣再一次向親朋戚友主動提起她是從事保險業。親戚不是容易推的，我都唔知點解？有無人可以話俾我知點解？沒有了內地客戶的靠山，老婆去年建立的自信從高處有如雪球般滾到谷底。COVID令到很多人失業，老婆意識到越來越多人想投入保險行業，有一天佢同我講觉得保险越来越難做。我問佢何以見得？我本人正正持相反的思維，我認為未來2年將會係保險行業的黃金期，因為：
1）疫情下只會令人加強對自己和家人健康保障的重要性，更多人買自願醫保，危疾等保險類型的產品。我自己就是一個典型例子，我患有不算嚴重的頑疾7年，每個月都要看到私家診所花3000元以上開藥以及做治療。我今年從上海移居回香港後就打算試試看公立醫院揾專科醫生諗住可以節省醫藥費。睇完公立醫院後攞咗張輪候紙一睇，最快要到2022年5月先有得睇公立醫院專科醫生，無知的我才知道在香港看病的輪候時間要咁長！點解無人早啲提醒我買自願醫保呢？現在買已經太遲了，已發生的疾病無得Claim。
2）在目前經濟的大環境下，很多國家都步入Stagflation，通貨膨脹但經濟規模沒有跟上，未來只有越來越多人選擇投資保險得理財產品，我叫老婆放心啦，安穩的投資渠道嚴重缺乏。係香港攞住幾十萬甚至乎100萬現金的人不少，在低息的大環境下攞住呢筆唔多唔少啲錢可以攞嚟做咩呢？搞生意的話風險太大， 10個創業9個失敗，除非能有本事用天使基金或VC投資，bud funding等攞嚟投資生意啦，如果唔好話風險唔大。我自己就係過來人， 2013年投資中央廚房，頭兩年蝕到趴係到，壓力山大。好彩有我能幹嘅細佬兩公婆接管業務，才把我的生意Turnaround。回想起當時我應該買一些投資性質回報起碼8厘以上的投資產品算吧啦。
3）係，每年能都好多無知做咩好嘅人投身保險行業，因為從事保險行業門檻Entry Barrier低, 但係10個做保險9個Hea做（不認真，随便敷衍地做），你跟本就是跟一班懶惰的人競爭。我自認自己係個自發和積極強嘅人，我相信如果我能full time 做保險我都可以攞到top sales囉. 推銷保險得難度跟我現在的工作相比之下實在太容易了。我日日都分析不同的十幾個不同的地產項目對著包羅萬有不同類型的投資方呀，CFA呀，但係保險賣來賣去都係個幾款產品，我擔保可以讀到滾瓜爛熟。做銷售沒老闆管就一定要管好自己，把經濟壓力化為動力，如果你係一個沒有自管能力的人你得揾個身邊嘅親人或同事係旁邊鞭你啦！

我老婆Helen由怕醜空中小姐變身成保險業Top Sales的故事
第三篇 – COVID19點算？你話越來越難做，但最終2020年還是攞到Top Sales，點樣做到？（閱讀時間約5分鐘）
你認為保險行業越來越難做，呢個分析完全不正確，你連自己都分析清楚市場的正面性你有點樣可以繼續做下去？你唔係話自己熱愛這行業並把它當作為終身職業，你對行業沒有正念的態度你又點樣可以請到團隊同你一齊打拼呢？今年由於疫情的原因，有充分的理由和時間去學習digital marketing, 只要抱著實實在在幫助身邊朋友的心態去做就可以。係2020年的4月份，我打開我的卡片盒，睇下有咩朋友可以介紹俾我老婆。我認為找一哟好耐都冇catch up嘅朋友如果要sell 保險產品之前應該做一些準備功夫preparation。首先你先看看你朋友的職業和家庭背景。然後看看你自己是一個相對空閒時間比較多的人，怎麼可以善用你自己的時間去換取給朋友提供一些幫助呢？你自己的人脈資源有什麼synergy協同效應可以產生呢？比如說你想約一個想進軍內地市場的設計師出嚟食飯，你可以利用你自己的時間去幫佢向生產力促進局申請啟動基金funding, 呢啲事你都可以善用自己的空餘時間去幫助你的朋友，你的資源為什麼你自己不可以主動分享俾你朋友呢？更重要的不要抱著他一定要幫你買保險得心態去幫助你的朋友，就算佢最終不買，你又唔俾佢日後佢紹朋友揾幫襯你呢？我可以話現在我老婆絕大部份的工作就是幫助朋友解決問題，當然是自己能力範圍內所及的問題啦。你只要讓你朋友知道你從事保險行業就可以了，如果佢有需求時自然會查詢，自自然然會幫襯你。2020年COVID year, 老婆又連續攞到MDRT了。雖然在保險界MDRT不算是什麼最高的榮譽，更厲害的還有COT， TOT。但係以一個初入行2年的老婆來說，我已經俾佢10個讚！

我記得有一次做義工探望老人院，我睇到白頭皆老的長者夫妻時我都揾佢地同一個問題，到底你地怎樣做到白頭皆老嘅呢？最經典，令我印象最深刻的答案是：“好簡單啫，互氹咪得囉！” “互氹“，對的，夫妻要互氹，生意拍檔也要，朋友之間也一樣。試試勇敢地真心地挖掘对方的有點坦率地讚美對方，你會發覺當中的Magic確確實實是存在！
今天由這裡開始，把自己心扉放開，給我一個Like！