Cosmo for QC

/ Marinus - Queen‘s College Annual Open Days 2024 /

Majestic waves of knowledge pushing our voyage.
Azure sky shining on our mast, a vessel of brothers so vast.
Rippling tides we conquered, howling storms we endured.
In the deep a treasure was found.
Nautical dreams of ours in its finest hour.
Unisonant choirs singing our praise.
Sailing to a harbour we call home.

MARINUS, Queens College Annual Open Days 2024

Opening Time：
22/3 (Fri) 10:00 a.m. - 7:00 p.m.
23/3 (Sat) 10:00 a.m. - 5:45 p.m.
*Closing Ceremony starts at 6:00 p.m. on 23/3

/ Subcom Recruitment Result /

附屬委員招募嘅面試已經於十月十三日順利完成，經執委會委員評價表現、商討及篩選後，現公佈第39屆學生會附屬委員名單。

Cosmo於此衷心感謝每一位報名希望成為附屬委員嘅同學。Cosmo希望咁多位附屬委員可以盡力為學生會嘅活動提供協助；而落選嘅同學都唔好因而氣餒，希望大家可以喺唔同崗位繼續各展所長、發光發亮，為QC服務。

-
老師專訪－/伍志森老師/

伍sir將會離開QC喇，我哋 COSMO 同伍sir進行咗一次訪問。伍sir原來跑開長跑？離開QC後會唔會返嚟㗎？即刻去COSMO嘅YouTube Channel睇訪問片段啦！

https://youtu.be/rm9zsSqn-qY?feature=shared

Channel name : Cosmo for QC

感謝伍sir接受 COSMO 嘅訪問，相信大家都會獲益良多。祝願伍sir實現人生目標！

-
老師專訪－/林子园老師/

Miss Lin 將會離開QC喇，我哋 COSMO 同 Miss Lin 進行咗一次訪問。想知 Miss Lin 點睇QC仔？對大家又有咩寄望？即刻睇睇以下嘅訪問啦！

問：你現在對QC仔的觀感，跟你一開始對QC仔的印象有沒有相同或不同之處？

一開始的觀感是QC仔反應好快，亦好聰明，同QC仔上堂都幾開心同有趣，因為他們成日都會提出有趣的點子和意見。我現在也是這樣覺得，並認為他們思考能力很強。不同之處是我一開始認為男仔有時會好直接和粗魯（其實不應該先入為主，僅用外表批判他人），我以為他們甚少表達自己感受和對所有事都漠不關心，但和同學仔相處這一年，我間唔中會收到同學的關心和照顧。有時在LWL堂和同學傾計，平時在堂上不善言辭的他們竟然會和我談論很多事，亦給予好多意見，令我好感動，原來QC也有人情味。

問：在你任教期間，有甚麼令你最印象深刻或者最感動的事情？

在任教期間發生左很多事情，令我印象深刻的大多數都是同同學還未識得正確處理情緒，或者有時發洩情緒的方法太激烈，甚至影響其他同學。但人無完人，事無完美，正正是同學還處在學嘢的階段，才要慢慢學習如何同人相處。我從來沒有責怪過任何同學唔識收起脾氣或者和人爭拗（當然粗言穢語和歧視除外），但更加重要的是事後如何反思和改善態度，能令到和人相處少點摩擦，多點關懷和同理心。
而感動的事情亦有很多，不能一一細數。但望住中一中二的同學長大，開始生性，有同學成績大大進步（講緊由幾分去到幾十分），同學學習態度的轉變令我十分動容。

問：L&S 和 Geography 裏都有各種學習主題，你最喜歡哪一個課題呢？

地理科的城市規劃。這個課題我同中一同學上堂都上得幾開心。

問：你認為QC仔現在最應該留意的國際議題是什麼？

由於我中二教緊自然災害，我希望同學能多點關心每日發生在世界各地的災害，並了解災害帶來的影響和後果。不同的災害對發達國家和欠發達國家也產生不同影響，同學能否列舉不同應變措施，令傷害減至最少呢？同學不單止生在香港，了解香港時事，更應該擁有世界公民的觀念，掌握世界各地的資訊，甚至成為能夠改變現況的人，於水深火熱中拯救萬千災民。全球化的趨勢上升，唯有通透的世界觀和包容謙讓的人，才能成為強者。

問：你對未來有何打算？

嚟緊我會在大學工作，希望有緣可以見到同學。

問：你對QC仔有什麼寄語？

QC仔好醒，亦天資聰穎，這是大家的共識。但我認為除此之外，QC仔也一定能保持謙遜和沉著冷靜的態度，令學校氛圍更加有愛和其樂融融。
我身任班主任時，希望2D班會是一個有愛的，大家互相扶持的班，於是我盡我所能愛錫他們，教導他們。發生矛盾時循循善誘，講道理化解誤會，最後果然如我所想。希望各位同學能再接再厲，持續關愛他人；）

感謝 Miss Lin 接受 COSMO 嘅訪問，相信大家都獲益良多。祝願 Miss Lin 前程似錦！

-
/關關難過 KwanKwan過/

黨魁 5A 葉瀚鈞

Hiiiiii 大家好!!!!!!! 我係COSMO嘅黨魁葉瀚鈞, 大家叫我Kwan或者全名都得㗎 😛
我份人好奇心好重，所以好鍾意周圍試吓唔同嘢，運動、音樂、攝影每樣都識少少咁啦 :0) 大家可以多啲嚟搵我吹水，話題實源源不絕;) 鍾意做運動嘅同學可以去South Court 同我切磋吓球技，出身汗人都開心啲啦 😀
諗返起中一嘅時候，俾選學生會嘅師兄嘅熱血同埋對我哋嘅關心打動到，好想好似佢哋咁為大家出一分力！希望各位可以俾我哋 COSMO 12 位一個機會，盡我哋最大嘅努力去服務皇仁呢個家，令大家過一個精彩難忘嘅學年 ❤
Please support COSMO!!!!!!!!!!!!!

-
/文修「武」備 融會「冠」通/

副黨魁 5A 曹冠武

大家好啊～我係COSMO嘅副黨魁曹冠武，英文名是Benny，大家平時喜歡叫我賓尼，大家隨便用邊個稱呼叫我都得㗎啦～

用三個字母形容我的興趣，就是ACG啦～A就係anime，C就係comic，我平時都睇幾多動漫，各位平時可以隨便搵我討論啊！G係game。除左手機game，PS5，Xbox，switch上面嘅游戲我都有玩㗎～大家都可以同我交流啊～除此之外，我都幾鍾意砌模型:-D，平時會砌一啲高達咁

學生會最重要就係團結，作為學生會副黨魁，我會喺團隊中支持各位成員，喺大家需要幫手時，我都會盡我能力。而COSMO亦都希望能夠十二位兄弟一齊盡力服務學校，團結全校同學～

Please support COSMO!!!

-
/「政」氣凛然 玉樹「霖」風 /

外務袐書 5C 陳政霖

Hi hi! 大家好rrr ~ 我係COSMO外務秘書陳政霖，大家可以用全名稱呼我就OK，叫我Alvin都無妨。 大家通常會喺班房見到我，或者喺操場同人打波，喺走廊同人傾計，總而言之就係周圍走啦:))

就興趣而言，除咗大家都會嘅打機睇片之外，我仲會打波，畫畫，間唔中讀吓書咁。雖然唔多人知，我仲識朗誦添>w

-
/存「鴻」鵠之志 猶桂「林」一枝 /

內務袐書 5A 林鴻賢

大家好呀~ 我係COSMO嘅內務袐書林鴻賢，不過全名咁拗口就唔好叫啦，叫Mike就得啦 🙂

睇我啲posts都知，我份人有好多唔同興趣，特別鍾意試新嘢，有咩得意嘢想搞又冇人陪嘅話，不妨摻埋我一份 😉

得閒嗰陣我鍾意落街跑吓步、踢吓波、打吓網球咁，喺屋企就會聽歌、睇波，如果對香港、華語流行樂壇，或者係歐洲球壇歷史有研究，一定要搵我交流吓啊！

學生會俾我嘅第一印象，係促進學校兄弟情嘅重要一環，我一直都希望可以參與其中。雖然幾年嚟遇上唔同嘅阻滯，我哋心中嗰團火依然如初。希望大家嚟緊可以親身感受到我哋十二個服務QC嘅熱誠，俾我哋一個發揮嘅機會～

Please support COSMO!!!

-
/「志」以理財 錢箱滿載 /

司庫 5A 曹志剛

Hiiiiiiii 大家好!!! 我係COSMO 嘅司庫曹志剛Carlton :)))))

我平時鍾意聽歌，廣東歌同K-Pop都有聽㗎，唔使返學嘅時候就最鍾意宅係屋企度睇Netflix，睇書，畫下畫:-) 雖然睇落去我好似喺I咁，但係其實我係E㗎喎，所以好歡迎大家過嚟搵我傾計:D

參加學生會，係因為希望可以搞唔同嘅活動俾QC兄弟們玩，讓大家可以喺中學生涯同朋友創造美好嘅回憶，亦都希望貢獻返比學校。有11位兄弟一齊拍住上，加上自己活躍嘅數學細胞，我一定會盡我所能管好SC呢盤數!!

請大家支持 COSMO!!!!!!!!!!!!!!!!!

-
/宣傳有卓峯 從不揼波「鍾」 /

宣傳部主任 5C 鍾卓峯

Hiii~~ 我係COSMO嘅宣傳部主任鍾卓峯，你哋可以叫我全名或者Brian都得㗎！

如果平時喺學校見到我都可以同我say個hi，我都會應你嘅;) 我平時都好鍾意喺South Court打吓波踢吓波咁，如果見到我都可以過嚟切磋吓㗎。再唔係都可以同我傾吓偈，無論運動音樂打機whatever我都可以同你傾到㗎:)

仲有呀COSMO嘅design多數都係由我負責，希望大家鍾意啦!!!
最後希望大家可以支持學生會選舉，俾我哋12個兄弟服務QC~

Please support COSMO!!!

-
/「曉華」萬事通，活動必成功 /

活動部主任 5B 李曉華

Ayooooo~~~~Hello 大家好，吾乃COSMO活動部主任李曉華，歡迎大家叫我Jason或者AJ啊(。・`ω´・)

小弟平時鍾意踢吓波聽吓歌咁，平時打開籃球但係睇足球多。另外小弟都有聽開jpop，歡迎各位jpop fans搵小弟交流下啊(✪ω✪)。唔單止咁，小弟都鍾意打機睇動漫同埋玩各路梗，一圖在手，迷因不斷有，大家平時可以同小弟分享一下你哋覺得好睇嘅動漫或者好笑嘅meme啊。

作為COSMO嘅活動部主任，小弟定會盡力搞好每個活動，為各位QC仔提供更新鮮更獨特嘅活動體驗。希望大家多多支持Cosmo，俾我哋12位兄弟服務大家，盡情享受Cosmo舉辦嘅活動啦！

Please support COSMO!!!

-
/申訴之聲 「謹」此恭聽 /

申訴部主任 5A 謝謹隆

Halooo大家好~我係COSMO嘅申訴部主任謝謹隆，大家可以叫我全名或者Rico都得;)

我嘅興趣都幾廣，運動音樂咩都有玩吓咁，最鍾意就係打籃球!! 如果你唔介意我唔係好勁嘅話，平時喺south court見到我過黎say個hi，猜個隊又點話:p 我平時都有追吓K-pop，大家不妨同我交流一番~另外我咩都可以傾一餐架，只要你開個話題我就可以陪你吹好耐，所以大家有咩想傾都可以搵我;)

作為申訴部主任，我都會認真回覆各位QC仔對COSMO或者校政嘅疑問，另QC仔嘅各種問題得到解答。希望大家可以俾個機會我地12個回饋母校!!

Please support COSMO!!!

-
/「子軒」DO IT ALL，福利夠曬多 /

福利部主任 5A 徐子軒

Halo大家好ah，我係COSMO嘅福利部主任徐子軒，大家可以直接叫我Hannes :D。

識我嘅人都知，其實我有啲慢熱，但熟咗之後嘅我都會玩得好開，所以希望各位可以多啲搵我傾計 😀 另外，我係一個徹頭徹尾嘅足球迷，所以歡迎咁多位同我地一齊睇波講波 🙂

身為COSMO嘅福利部主任，我都會盡心盡力咁為各位QC仔爭取最多的福利，俾QC仔享有最多嘅着數，陪住11個兄弟齊上齊落，互相扶持幫助。望可以喺來年服務QC、服務大家！

Please support COSMO!!!

-
/「景文」在線，隨時致電 /

聯絡部主任 5D 張景文

Hellooo!! 大家好，我係COSMO嘅聯絡部主任張景文 🙂 大家可以叫我英文名Bosco～

平時都鍾意聽吓歌踢吓波咁~如無意外去south court就會見到我，淨係識射窩利嗰個就係我 ;-; 有咩想傾都可以搵我傾的!! 特別係音樂同運動，咩歌手出咗新歌，咩group回歸呢d無論係廣東歌定kpop通通都歡迎同我傾的!! 運動方面都係睇足球多，歡迎各位戰術大師同轉會專家一齊交流下 😀

身為聯絡部主任，我一定會同11個兄弟齊上齊落，本着為QC仔服務嘅初心，回饋母校，並且做好我嘅責任，為同學爭取更加多嘅joint school合作同活動!

最後嘅最後～都要講返句 請支持COSMO!!

-
/匯聚四「周」眾人聲，編作「凱」歌予君聽/

匯聲總編輯 5B 周凱翹

Bello~~ 我係COSMO嘅《匯聲》總編輯周凱翹，英文名叫Marcus，都有人叫我 Marchow ;)))) 我份人就比較文靜，睇身形都知我冇乜運動細胞咁。

作為總編，我喺COSMO入面嘅角色主要係寫作。話咁快喺皇仁讀咗四年，我都希望能夠回饋母校；同11位兄弟選學生會，將每屆內閣服務QC嘅精神傳承落去，都係我嘅榮幸。我會盡力做到匯聚眾聲，將大家嘅意見寫落匯聲當中，真真正正表達返QC仔嘅心聲。

Please support COSMO!!

-
/公關小「黃子」，做事無亂子/

公關部主任 5A 黃子軒

大家好!!! 我係COSMO嘅公關部主任黃子軒，大家可以叫我Rex!!!

我平時鍾意游水、打波，玩吓唔同運動咁，水運會應該都可以見到我嘅蹤影，有游水嘅記得嚟交流吓啊！平時喺south court打波爭個人都可以摻埋我，一齊切磋下啊

除咗運動之外，聽Kpop睇動漫我都樣樣齊，歡迎大家隨時嚟同我交流自己鍾意嘅idol，或者分享吓自己最近不停loop嘅歌都得㗎!

公關公關，自然係要幫COSMO嘅言論把關。雖然我未必係最做得嘢嗰個，但係都希望可以通過自己嘅能力，同呢11個兄弟順順利利咁競選，一齊迎接每一個挑戰。

最後，請大家支持COSMO!!!~

-
/ Cosmo 天后大坑餐廳獨家福利 19-26 /

1️⃣9️⃣ 卷卷壽司 📍
地址：天后電氣道83號利景閣地下2號舖
電話：9247 6060
1. 外賣全單九折 ‼️
*(需身穿QC校服或出示QC學生證)

2️⃣0️⃣ Aozora Bakery 📍
地址：天后天后廟道14號地下 B 及 C 號舖
電話：9477 3690
1. 全單總計$50或以上，享受九折優惠‼️
*(需身穿QC校服或出示QC學生證)

2️⃣1️⃣ CAFFE KENON 📍
地址：天后電氣道54號亨環天后地下3號舖
電話：5702 0321
1. 享學生外賣自取優惠 ‼️
2. 訂購10份或以上，可享額外九折 ‼️
*(需身穿QC校服或出示QC學生證)

2️⃣2️⃣ 錦尚甜 (天后) 📍
地址：天后清風街2號地下A2-3號舖
電話：3482 4818
1. 堂食正價九折 ‼️
*(需身穿QC校服或出示QC學生證)

2️⃣3️⃣ 天天素食香港有限公司 📍
地址：天后英皇道14號天后蘋果商場G6-7號舖
電話：2566 0096
1. 全日購買飯盒減$3 ‼️
*(需身穿QC校服)

2️⃣4️⃣ 十二味 📍
地址：大坑銅鑼灣道130號地下
電話：9871 1986
1. 午市可享受「學生優惠午市套餐」優惠 ‼️
*(需身穿QC校服或出示QC學生證)

2️⃣5️⃣ Satay Pop 📍
地址：天后電氣道54號亨環天后地下7號舖
電話：9308 1409
1. 特定套餐可享受學生優惠價格 ‼️
2. 除學生優惠套餐以外全部食物八折‼️
*(需身穿QC校服或出示QC學生證)

2️⃣6️⃣ Peace Cafe 📍
地址：天后銅鑼灣道146-146A號地下
電話：6692 3271
1. 午市堂食八五折 ‼️
2. 外賣$50 ‼️
*(需身穿QC校服)

-
/ Cosmo 天后大坑餐廳獨家福利 10-18 /

1️⃣0️⃣ 大哥雞飯 📍
地址：天后銀幕街23號地舖
電話：9611 1006
1. 凡惠顧堂食或外賣每一客飯送罐裝汽水一罐 ‼️
*(需身穿QC校服或出示QC學生證)

1️⃣1️⃣ 珍姐廚房 📍
地址：大坑施弼街3號地下
電話：6903 6100
1. 所有午餐套餐減$7 ‼️
*(需身穿QC校服)

1️⃣2️⃣ 順興 📍
地址：大坑安庶庇街5號地舖
電話：5996 4448
1. 早餐減$3 ‼️
2. 車仔麵餐減$5 ‼️
3. 午餐(飯)減$8 ‼️
4. 外賣預訂自取(WhatsApp)10個或以上減$10 ‼️
*(需身穿QC校服)

1️⃣3️⃣ 亞谷特蘭州牛肉麵 📍
地址：天后留仙街3號雅景樓部份地下B1&B2號舖
電話：9157 2777
1. 逢星期一至五(11:30-17:00)，指定套餐享有七折優惠 ‼️
*(需身穿QC校服或出示QC學生證)

1️⃣4️⃣ 乜餸小廚 📍
地址：天后電氣道68-70號金輪新天地地下A號舖
電話：5110 9817
1. 外賣送贈飲品一罐‼️
*(需身穿QC校服或出示QC學生證)

1️⃣5️⃣ 川亭 📍
地址：天后電氣道74-78號金基大廈地下3A號舖
電話：2402 4668
1. 外賣總單消費滿$500享八五折，滿$1000則享有八折優惠‼️
*(需身穿QC校服或出示QC學生證)

1️⃣6️⃣ 肉骨皇 📍
地址：大坑浣紗街45號浣紗花園地下1號舖
電話：6178 1271
1. 午市全單享減$10優惠‼️
*(需身穿QC校服或出示QC學生證)

1️⃣7️⃣ 華姐清湯腩 📍
地址：天后電氣道13號A地舖
電話：6014 2733
1. 堂食和外賣九折，並贈送細豆漿一杯 ‼️
*(需身穿QC校服或出示QC學生證)

1️⃣8️⃣ 營豐海南雞專門店 (天后) 📍
地址：天后電氣道83號地舖
電話：2331 2838
1. 逢星期一至日，飯餐和小食九折 (只限天后分店) ‼️
*(需身穿QC校服或出示QC學生證)

-
/ Cosmo 天后大坑餐廳獨家福利 1-9 /

1️⃣ 和順記 📍
地址：天后電氣道39號地舖
電話：5729 1538
1. 全日堂食和外賣全單85折 ‼️
*(需身穿QC校服或出示QC學生證)

2️⃣ 民聲冰室 📍
地址：大坑浣紗街16號地下
電話：6902 2688
1. 午市和晚市堂食兼外賣全單9折‼️
*(需身穿QC校服)

3️⃣ 鍾意餅店 📍
地址：天后英皇道2號A鴻安大廈C1舖
電話：9678 1248
1. 午市購買飯盒贈送飲品一包 ‼️
2. 訂購到會服務全單9折‼️
*(需身穿QC校服或出示QC學生證)

4️⃣ 椒椒相見 (興發街) 已經停業🥲
大家如果想繼續支持椒椒相見，請到中環街市地下G-10舖 🙌🏻

5️⃣ 鍾記粉面店 📍
地址：天后電氣道65號地舖
電話：3428 8179
1. 堂食送一杯豆漿‼️
*(需身穿QC校服或出示QC學生證)

6️⃣ 源品 📍
地址：大坑京街18號地下
電話：6828 9737
1. 逢星期一至星期日惠顧，可以$40購買三餸車仔麪及凍飲‼️

7️⃣ 華勝燒鵝 📍
地址：天后電氣道69號地下
電話：2364 8869
1. 外賣$33，兼贈送汽水一罐‼️
*(需身穿QC校服或出示QC學生證)

8️⃣ Korean Obar 📍
地址：大坑浣紗街7號地舖
電話：5515 4804
1. 堂食全單九折，並贈送飲品一杯‼️
2. 訂購到會服務，全單八折 (全單總計需達$300或以上，外賣將送至皇仁書院正門)‼️
*(需身穿QC校服或出示QC學生證)

9️⃣ Mr. W. Bakery 📍
地址：天后電氣道67號地下D號舖
電話：5944 0431
1. 外賣全單九折‼️
*(需身穿QC校服或出示QC學生證)

-
[你有一則嚟自 Cosmo 嘅溫馨提示～]
-
/大暑/
見post飲水啦各位!!
-
今日係夏季節氣中嘅最後一個節氣—大暑。

由於大暑係一年入面陽光最猛烈、天氣最炎熱嘅節氣，Cosmo 呼籲各位同學避免喺強烈嘅陽光下逗留，或者喺中午時分進行過多嘅戶外活動。本黨亦都建議同學儘量穿著淺色、通爽嘅衣物，並適時飲水，預防中暑。如果同學感到不適，記得要即刻去陰涼嘅地方休息降溫，並尋求協助。

最後，天氣咁熱，不妨關心一下身邊嘅家人朋友，飲番支水啦！

-
/申訴/

新學年又開始喇！各位QC仔係唔係有好多意見想表達或者提問呢？冇問題！今年 COSMO推出咗唔同申訴平台，大家唔使驚怕醜，唔使驚尷尬，我哋都會有專人回覆大家嘅訴求！

【NGL】
唔想俾其他人知道你問咗啲咩問題？我哋嘅NGL申訴平台就係為所有匿名申訴而設，大家只需要去我哋嘅linktree條link，就可以好輕鬆咁喺匿名地同我哋講返你嘅問題！

【申訴箱】
咦~~~~ 點解嗰度有人攞住個申訴箱周圍走嘅？講到申訴又點少得我哋傳統嘅申訴箱呢？只要大家有嘢想同我哋反映，或者純粹想同我哋申訴部靚仔交流吓，我哋都好歡迎各位將你哋嘅紙仔投入 COSMO 嘅申訴箱入面。喂！搞錯呀！點解又唔見申訴部主任㗎？唔使擔心！我哋申訴部主任都會無時無刻咁喺校園走動， 所以如果有嘢想用申訴箱同我哋講，就可以預先用紙寫低，等申訴部靚仔嚟再放入申訴箱入面啦。申訴部主任攞住個咁重嘅箱都幾慘架 ╥﹏╥...大家見到佢嗰陣不妨寫多啲嘢放入個箱到，佢心情就會好啲㗎啦

【社交平台】
除咗以上途徑，各位同學仲可以透過IG，Facebook，Discord等社交平台聯絡我哋 COSMO， 又或者係WhatsApp度message我哋，咁大家想申訴嘅時候，就唔怕冇門路啦！搞得咁多申訴渠道，都係想大家提出學校可以改善嘅哋方，令大家可以有一個更完善嘅校園環境。所以如果大家有嘢想講，就千祈唔好收埋啦！

#39

-
/財政/

無論小至班會，大至跨國企業，財政目標當中不可或缺嘅一部分就係收支平衡。收支平衡嘅意思，即係總收入同埋總支出嘅金額相同，而我哋嘅目標亦一樣，希望喺成個學期當中可以達致收支平衡，甚至有盈餘留畀下屆學生會就最好啦！
-
[ 用得其所 ]
喺每一項活動開始之前，我哋都會製作一份列表，列出所有需要嘅物資，然後我哋會再開會討論，確保每一樣嘢我哋都係有需要，並且係用得其所。而報價嘅時候我哋會搵多幾間公司，務求搵到最適合我哋嘅公司，製作一個更完善嘅預算。
-
[ 財政透明 ]
各位QC仔可能對學生會嘅財政狀況唔太了解，例如學生會嘅資金用咗喺邊度。有見及此，Cosmo 承諾提高財政狀況嘅透明度，俾大家更清楚我哋資金嘅進出。
為咗令同學能夠更完全地理解我哋嘅財務狀況，我哋除咗會整一份年度預算案之外，亦都會定期喺 Excel 記錄低我哋活動嘅開支，包括金額、商戶同埋之所以選用該商戶嘅原因，同時亦都會將所有收據上傳，同學只要用學校嘅 Google Account，就隨時都可以查詢啲錢到底用咗喺邊～
我哋會喺當選後製作一份全年財政預算案，亦都會喺每一個活動前製作一份更詳盡嘅預算。而喺活動之後，我哋會公布財政報告，等大家可以了解我哋喺當中賺取同埋支出的金額。
-
[ 節省 ]
而除咗公開透明之外，節省不必要嘅開支，以及善用資源都係財政非常重要嘅一環。而 Cosmo 為咗能夠用好一分一毫，會喺每個活動之前嘅準備會議上商討好只購入必須嘅物質，善用前人留下嘅物資，並且喺正式購買前詢問多過一間公司嘅報價，務求能夠用最低嘅價錢，做到最高質嘅嘢。如此一來，先可以喺盡量減少所需要收嘅會費之下，同時有更多嘅資源嚟舉辦更多活動，並且降低產品嘅銷售價格，為 QC 仔服務 💪
-
[ 平衡 ]
收支平衡和避免虧損，可以話係上至公司，下至家庭最重要且必需達成嘅任務，Cosmo 都非常明白。而我哋之所以想做好呢件事，除咗想為同學儘可能咁節省非必要的開支，同時亦都希望做到「前人栽樹，後人乘涼」，為下屆學生會打好良好嘅基礎，留下資金舉辦新嘅活動~

#39

-
/宣傳/

「點樣可以令同學知道我哋新鮮滾熱辣嘅福利啊？」「點樣先可以令同學了解到我哋精心籌備嘅 joint-school event 啊？」「宣傳囉。」樣樣嘢都要宣傳，但宣傳又係咪真係「宣傳易」？到底 Cosmo 又做咗啲咩去宣傳，令同學第一時間接收到我哋嘅資訊呢？

[ IG Posts ]
IG 嘅空間寸土寸金，每個post都要「出得其所」，先能夠令大家一眼睇到重點之餘，又可以將排版整理的井然有序。我哋一直致力兼顧每個post嘅視覺美觀同資訊性，既要畫好每個設計，帶出我哋 Cosmo 嘅風格；又要考慮點樣將重要訊息喺每個post中列好，務求將資訊有效傳達到各位同學。大家依家見到咁多靚靚嘅posts，正係我哋努力做好宣傳嘅見證；我哋亦都準備緊更創新嘅內容，大家記住留意啦！

[ YouTube Channel ]
「十幾廿分鐘一條片，好悶啫。」冇錯，相信大家都唔想用太多時間睇一條 YouTube 片㗎喇。正正係因為咁，Cosmo 每一條片先會以「簡而精」為我哋嘅宗旨，令大家睇到「快靚正」嘅片，包保各位chill住都可以知道 QC 最新資訊！p.s. 未 subscribe 我哋 YouTube channel 嘅QC仔就快啲去啦！:)

[ 活動資訊多籮籮 ]
Cosmo 無論係校內 workshop 比賽，又或者大型嘅活動如 Christmas ball、聯校 city tracing，都會喺 IG，YouTube ，Discord 等各大渠道發放第一手資訊，等大家唔會錯過任何精彩嘅活動，過一個充實嘅學年。同時，我哋會同唔同嘅學會合作宣傳，令大家可以了解多啲QC唔同學會嘅活動，無論係高form或者低form都好，都可以盡情投入 QC 呢個大家庭。

除咗透過社交平台宣傳之外，Cosmo 都會喺開學之後發放宣傳單張，同學就可以更詳細咁了解到各項活動同福利啦！如果大家有嘢想宣傳嘅話，亦都歡迎dm我哋。

如果唔想錯過 Cosmo 嘅最新消息，就記得快啲 follow 我哋 IG，再順便 subscribe 埋 YouTube channel 喇！！:)) 咁樣就可以緊貼我哋動向，保證所有著數都攞到！

#39

-
Cosmo 核心價值 [3/3]
-
[傳承]
-
皇仁有著傳統名校之名，向來以其歷久不衰的不屈精神和輝煌歷史自傲。皇者仁風，並非虛言， 而為不負皇仁之名，傳承成為了我們的使命。 常言道：前人種樹，後人乘涼。然而我們不只要成為乘涼之人，我們也要成為巨樹上的枝幹，茁壯生長，蓬勃發展，讓樹下的人得到更好的蔭蔽。

過往將近兩個世紀，由前人贏取的榮譽和成就，為我們構築了堅實的基石，假如有幸成為第三十九屆學生會，Cosmo 希望在過往學生會的基礎上，繼續努力讓皇仁發光發熱，並為皇仁學生提供服務，完善學校的各個領域。往年各種活動如聖誕舞會， 開放日，聯校交流等在疫情消退的趨勢下陸續復辦，作為皇仁的一分子，相信各位目睹此景況，心情必然興奮澎拜。 Cosmo 冀於任期內，不僅能復辦過往活動，也望更臻完善，重現昔日皇仁氣象。

沒有盤古初開時開天闢地的苦勞，就沒有如今廣瀚無涯的宇宙。Cosmo 願繼往開來，讓皇仁這片可能性無限的天地，繼續綻放出璀璨的光芒。

//磐岩以築高樓，堅木以作廣廈//

#39

-
Cosmo 核心價值 [2/3]
-
[超越]
-
太空人超越大氣層，探索星宿；建築師超越湍急洪流，興建跨海大橋；登山者超越暴雪嚴寒，立足於珠峰之巔。看似無法逾越的天險，人類都能一一戰勝。故此Cosmo 承諾，若有幸當選，將突破自身與時並進，助皇仁跨越以往未能克服的限制。

於創新方面，Cosmo希望能有所突破。活動將不僅限於班際比賽、聖誕舞會等每年皆有的活動，而即使常見的活動，Cosmo 也會加添昇華元素，能從歷年中突出。至於福利，Cosmo 將拓展至補習社、網店等，循更多渠道為同學的衣、食、行提供便利。

疫情前，學生會、功能組別、以至大小學會間亦合作無間，無懼資源束縛、既有限制，憑永不言敗、勤能補拙的精神，常於學術、運動比賽中斬獲佳績，開放日更堪稱城中盛事；八社上下不論年級齊心協力，各出奇招奠勝，揮灑的每滴汗水，師兄弟間每句鼓勵的話語，不僅斷定了勝負排名，更是眾人青春的燦爛回憶，彌足珍貴。如今 Cosmo 十二人期望充分發揮各自在學校中的領導角色，矢志要重塑不同年級、組織間的聯繫、協作，帶領皇仁超越現有光輝，再創巔峰。

希望各位信任Cosmo，容我們攜手締造一片邁古超今的皇仁星空。

//越頂登峰，跨渡星穹//

#39

-
Cosmo 核心價值 [1/3]
-
[匯聚]
-
天體之間，互相牽引，方成星雲密佈，無邊無際的宇宙。皇仁素以其堅不可摧的兄弟情聞名。舊生畢業過後數十年，仍不時回母校聚舊，閒話當年，歸屬感之強於斯可見。作為現屆學生，我們更發揮更強大的凝聚力，把兄弟情的火炬延續。

聚沙成塔，積少成多，作為個體，縱然實力不俗，我們未必能憑一己之力，隻手做出改變，但皇仁作為整體，靠著我們群策群力，集腋成裘，就能成為一股難以匹敵的力量。能在學業，影響力，聲望等各方面中傲視同儕，有賴皇仁獨一無二的凝聚力。凝聚力非憑空出現，要讓皇仁上下一心，團結一致，還須以實際行動來創造。Cosmo 會透過舉辦如年宵，開放日等大型活動，讓同學在相互協助，向共同目標奮鬥中煉出純粹而顯著的凝聚力；亦會舉辦各種比賽，讓同學在激烈爭鋒中擦出友情的火花。

宇宙永遠在變化，但星體之中的引力卻是難以撼動的。作為學生會內閣，Cosmo 勢必讓皇仁在為適應時代變遷中，守住其中恆等不變的凝聚力，不讓兄弟情成為虛言。

//聚天地星羅之勢，引光照萬物之輝//

#39

-
「Logo 進化史」
-
Logo 作為代表 Cosmo 嘅重要標誌，設計時投放嘅心思同功夫必不可少。我哋嘅設計師透過揉合各式視覺元素，反覆改進設計，務求令 logo 可以最合適咁代表到 Cosmo 十二人，以至於代表QC。

設計
Cosmo 意味住宇宙星辰，而 logo 作為 Cosmo 嘅標誌，我哋都花咗唔少心血去帶出主題。我哋運用夜空嘅深紫色作為主色，顏色由中心嘅淺紫向外逐漸變深，代表宇宙蘊藏住無窮嘅力量。為咗表現出宇宙嘅多變，我哋亦以曲線作為主要元素，展現婉約，柔和嘅感覺。圍繞住 logo 的圓環，亦為成個 logo 作點綴，令視覺效果更加豐富。

涵義
我哋亦都用咗唔同小巧思去帶出 Cosmo 嘅意念。宇宙中不乏星系琳瑯滿目嘅景象， 而 logo 中不同線條始終圍繞住中心，象徵住 Cosmo 以及QC仔，雖然每個人都喺獨一無二、特立獨行嘅個體，同時亦作為QC嘅一份子，得以凝聚喺一齊。流線設計配以色調相近嘅顏色，塑造出融合嘅和諧感，如宇宙般匯聚不同元素而塑成一體，體現團結一致嘅精神。

除咗團結一致，Cosmo 亦強調創新，打破原有嘅格局。因此 logo 除咗有作為環繞中心嘅圓環，亦都有一個開口，代表 Cosmo 希望可以傳承學生會至今所積累嘅經驗，喺原有嘅基礎上作創新，希望除咗繼承以往嘅價值觀之外，亦都可以有新嘅突破。

#39

-
「Slogan」
-
𝐈𝐆𝐍𝐈𝐓𝐄 𝐓𝐇𝐄 𝐒𝐏𝐀𝐑𝐊, 𝐋𝐔𝐌𝐈𝐍𝐄 𝐓𝐇𝐄 𝐃𝐀𝐑𝐊

口號的精髓，在於從字裡行間中，能夠表達心中的願景。
在這短短兩句間，又構建了我們的甚麼願景呢？

[ 𝐈𝐆𝐍𝐈𝐓𝐄 𝐓𝐇𝐄 𝐒𝐏𝐀𝐑𝐊 ]
宇宙各處盡是閃爍光芒：螢光、火光、星光，都在浩瀚星辰中劃下記號。

在每位QC仔的心中，都有著一束火光，或許期待著校園生活如何精彩，或許盼望著在來年中釋放潛能。宇宙的能量無窮，如每位QC仔擁有無限潛能；點亮每顆閃爍的星星，在宇宙中綻放光芒；點亮每縷火苗，便能盡放潛能。COSMO 希望以竭力服務皇仁之心，照顧每位同學的需要，以燃亮每一位同學心中的火焰，讓大家都可以在不同的崗位都能夠閃閃發亮。

[ 𝐋𝐔𝐌𝐈𝐍𝐄 𝐓𝐇𝐄 𝐃𝐀𝐑𝐊 ]
點亮了這片漆黑宇宙，便能使其光明溫暖。

COSMO 亦願竭盡所能，讓這片宇宙變得溫暖包容，能夠成為大家的第二個家。只要連結起大家心中的希望，凝聚大家發出的光芒，便能締造璀璨絢煥的宇宙，使皇仁發光發亮，往後的路變得清晰可見，讓我們可以在此聚集，為皇仁構建輝煌的未來。在未來一年裡，我們願使QC變得光亮，讓各位QC仔能在迷茫中找到方向，踏上屬於自己的皇者路；釋放自己的潛能，成就美好的中學生涯，構造安於皇仁的回憶，在這宇宙留下屬於我們的痕跡。

誰都可發光 只要找對地方～——

#39