滑嘟嘟 Sweet Bon Bon, Hong Kong Videos

試新嘢先😆

喺呢個10周年有少少個禮物送俾大家， 喺呢個post下邊留言🎁同老闆娘跟滑嘟嘟講聲生日快樂📩 最有創意嘅五位朋友可以上嚟滑嘟嘟任揀一樣你鍾意嘅嘢食番屋企‼️😂 (截止時間6月1日6:01pm) 老闆娘，生日快樂‼️👩🏻‍🦱 滑嘟嘟，生日快樂‼️🍺 滑嘟嘟今日6月1號十歲啦💛 好多謝大家係過去呢十年對我哋嘅支持💛 由地舖開始，同大埔有一齊經歷高低、一齊捱過艱苦難過嘅日子💪🏻 好多謝你哋一直以來同我分享你哋嘅喜與樂，冇大家一定唔能夠堅持到今時今日🙏🏻 放棄容易堅持難，好想大聲同一班支持，同埋喜歡滑嘟嘟嘅朋友講‼️ 我真係好鍾意你哋💛 老闆娘應承大家，會堅守落去帶更加多同埋有人情味嘅嘢食俾你哋🫶🏾 希望大家身體健康，平安喜樂🍊 我哋一齊堅守 一齊行落去💛💪🏻 遲啲會有個好嘅消息同大家宣佈🎉(期待一下啦) 聽日6月1號風雨不改！12點舖頭見💪🏻

遲來了的感謝💪🏻🥹💛 多謝 Viutv空肚講宵夜嘅支持, 將滑嘟嘟嘅客家糍粑同埋芒果產品帶到上電視📺 仲可以俾到三個好欣賞主持試到🥭 係我地既榮幸🫶🏾 成日都話, 一雙手只要握成拳頭能捱下去💪🏻 遇到啲咩困難或者唔開心, 見到大家一直以來咁支持滑嘟嘟,幾辛苦都值得同開心💛 老套野！ 多謝大家支持..💪🏻💛 #我真係好撚鍾意梁祖堯架

加埋芒果就搞掂🤪

老闆娘溫馨提示楊枝甘露凍糕（$98盒）食埋嚟兩日就要停一停，要買就好上嚟買喇，下個星期老闆娘想食樽裝多芒楊枝甘露，我可以一路啜住一路包糯米糍🥳🥳🥭芒果椰汁奶凍 500ML $48🍴新鮮芒果+椰汁+椰奶🥭香芒樂園 $40🍴新鮮芒果+蘆薈+椰果配愛玉底🥭粒粒芒果爽 500ML $48🍴椰汁西米+新鮮芒果+蘆薈+椰果+仙草🥭楊枝甘露凍糕 800g $98盒🍴新鮮芒果+碌柚肉+西柚肉門市地址:大埔墟街市及熟食中心2樓29號舖位📍營業時間:12:00-8:00pm(二至五)12:00-9:00pm(六日）(逢星期一例休)

老闆娘有感而發： 話咁快滑嘟嘟響大埔就開咗十個年頭，呢十個年頭話長唔長話短唔短，感恩我仲能夠同大家齊上齊落，喺呢10年裏面經歷咗高高低低，經歷過艱苦嘅日子（我在廣福道的日子）亦經歷過前所未有永遠都唔會忘記嘅時間同心痛嘅日子，每當夜闌人靜嘅時候，我就會好掛住已經移居咗嘅真香港人，好想知道佢哋近況，生活過得好嗎？雖然老闆娘仍在香港，每日默默耕耘，但從來冇放棄過不斷同自己講幾辛苦都要撐住，講真如果老闆娘真係要搵大錢，我就唔會踎響大埔街市，喺呢10年裏邊有唔同嘅人搵我同我講想同我合作，我都一一拒絕，我開呢間小店嘅初心都係想將傳統美食繼續延續落去，我生於大埔係一個大埔人，加上又係一個客家人，好想做啲好嘅食物俾返大埔人食，而唔係開無限嘅連鎖店，有人話我好戇居，做到咁出名點解唔開多10間8間喺唔同地區，老實講呢啲錢唔係我賺，我只係想大埔人食到好食嘅嘢，我已經好有滿足感，而我久唔久回饋吓社會派吓飯派吓糖水，幫助下啲基層人士，我已經心滿意足，做人只求問心無愧知足常樂，相信嚟緊嘅日子更加會艱難，不過我同大家講，只要我仲有一口氣我都會堅持落去，今年嘅6月1號就係滑嘟嘟10週年，如果你睇完呢篇長文有啲乜嘢想提議老闆娘做嘅不妨話俾我知，只要我能力做到嘅我一定會盡做💪祈求與你哋共同渡過🥰最後老闆娘想講唔鍾意我嘅人可以繼續唔鍾意我，我都冇你咁好氣，夠膽就行上嚟街市搵老闆娘幫襯吓先，唔好成日喺度鳩噏，我就係一個咁黐撚線嘅人😂