Tesla Lab

北方零下25度以下充唔到電原因。

磷酸鐵鋰25～40度之間都可以保證100%容量，0度時大概為25度時的80～85%，-10度時大概只剩70～80%，-20度時不足60%。於-25度基本不存在實用性，因為容量足50%且充電效率急劇降，甚至充不進去電，強行使用會造成電池永久性損傷。

三元鋰25～40度100%。0度時依舊90%，-10度時可以保證百分之85%，-20度時依舊可以保證75%容量，即便於-25度依舊可以保持70%容量。

保護電池　先加熱再充電　
由於鋰離子電池的化學性質，在低於冰點的條件下充電會導致鋰電鍍而損壞電池，因此在寒冷的天氣裡，充電過程會將一些時間用於將電池加熱到適當的溫度，因此需要更長的充電時間。低溫下可用電量也會更少，一些電動汽車製造商，如特斯拉會限制在電動車電池溫度過低時可以使用的電池電量，保留的電量在電池升溫時就可以恢復正常，目的是為了保護電池。

唔同車款有唔同既電。Model S X 係三元鋰電。model 3/y 唔同款式唔同年份有唔同電池。

係香港無機會遇到極寒，鋰鐵電池對香港無乜影響。

大家有聽過地鐵訊號系統有問題，所以要停止行駛。呢排整過兩個大電，都發覺係壞電壓信號系統。車輪無法架駛，需要拖車。

會出現BMS_W107,BMS_F107,BMS_W129等。
比較多係新一代（350v ,90kw)或（400v,100kw)。

維修時間1-2日費用2.5萬（只維修壞果組），或3.5萬檢查強化所有電壓訊號。

未知道壞既原因，估計同震壞有關。

前日有幫客人維修「後驅摩打」，費用$15000，暫時接觸既全部係單摩打，而且返廠整或換全新都容易再漏，整咗幾個和問客人壞之前做過咩，經過分析壞既原因和時間。

搵到其中一個原因會引起高壓，迫到摩打漏冷凍水既原因。充電前後水溫可能會加熱到45度，增加了小小壓力。車既電腦會控制溫度低於45度，所以水蒸氣無乜。

想解決也很簡單，係車頭搵到黑色蓋（寫住35kpa ），擰出來後，移走o ring，再裝返就得。咁樣係水溫升高後，唔會再產生高壓。迫爆密封圈。

如果唔識整可以開來我度，比少少手工費。

最近遇到最小兩單懷疑被偷摩打。拖來我度。

可能客人以為打廣告，或個名好專業，或報價比較平而選擇果間店。之後檢查完維修太貴要拖時，你會發現好似有啲零件被換咗壞既入去。

我無打廣告，因為應付唔到太多陌生客，我請人也要請有身分證，而且老實的人，所以容易人手不足。

聲明一下，我無跟任何車房或人有合作，如果有人話Tom 我好熟，只係想呃客人。有時啲車房收咗車攪唔掂，先拖架車來幫佢地攪，但我唔知車主係邊個。

人手不夠行各業請咗唔小無身分證的人，發覺係果幾間會咁做。邊幾間我當然唔會講。以前汽油車聽過偷零件，咁多年仲係一樣。

可能會有人叫我刪post,免得影響佢地，我無指地點和名字，請不要咁緊張叫我刪post。如果老實同客整車 ，唔會有人懷疑你。

港車北上，熟客車的大電插頭入水，返唔到香港整，內地搵到介紹車房整，報了差不多¥33000人民幣。我收開$2500，溝通了解後，最後我教佢點可以著返架車，最後都係被屈¥3500。

慳返$3萬人民幣。

Model S Facelift 既防水進步了很多，水浸咁高，浸咗成日，大電無入水，車入面幾個重要位既插頭都做了防水，有啲插頭設計剛好比門檻高。

最後壞咗幾部電腦，插頭濕左有啲腐蝕，座位電腦壞咗。

如果可以避到，千萬不要過深水區，可以慳返拖車，和落大電清乾積水。㝷日太多車壞，通宵在線等

Model s 前期的單摩打後輪驅動（例如P85,model s 60 /70 /85等）有個通病，因為係水冷，呢度磨損耐咗有機會入水漏電，然後行唔到。維修費用$15000，最快2-3日。

某啲情況，拖太遲係維修唔到

最近太多人問了，一次過解答同一問題。

電腦實際唔知fuse電仲有冇電，fuse作用係偵測到電流太大就會斷開。顯示壞只係倒數時鐘問題，估保險絲可能唔夠電，實際係唔知道。就算無電都唔影響架車行駛，係影響某些情況唔斷大電。消code係重設時鍾8年。

如果更換自供電保險絲就唔會有8年問題。或更換新電池保險絲再計8年。

消code$1000。真正換fuse連消code係$3000

如果你架車出現BMS_w035,有機會摩打漏電，可以儘快維修解決。拖太遲摩打就要換，無得整。

呢啲情況出現係單摩打機會大好多。單摩打可以，加條導尿管，萬一漏水都容易睇到和排出來。再等維修。

摩打入水

客人既車突然行唔到。

開始時 BMS_w172 車輛可能無法重新啟動 和 BMS_u008 加速及最高速度已降低 在下一次駕駛時性能可能會被恢復,然後會開唔到車。其中一個可能性是摩打入水，比較常見係轉子的密封漏水。

猜測漏水原因同長期超高速有關，防水圈老化得快而容易入水。冷卻摩打的水會慢慢流到有高壓電的摩打部分，電腦檢查到有極微漏電就會斷開大電，成架車就死咗。如果各位師傅有更多資料，請多多指教。

檢查了摩打線路板有小小水氣，但乾咗都一樣漏電，估計水氣係來自轉子果邊，水氣經電断線傳到電板控制板果邊。

再檢查摩打轉子果邊，發現有大量積水，而且是藍色的水，所以判斷係密封圈老化，同時發現bearing也已鬆動。

建議唔好長期高過120公里，長期高速最容易傷到bearing 和密封防水圈。20-30萬公里要更換密封套件，更換摩打油和檢查齒輪等。

解剖咗之後，維修算容易，只係要細心和要有零件。和要好多時間密封測試等，換完差唔多同全新摩打差唔多。既然知道壞原因，所以唔建議大家開130公里或以上，係安全和摩打壽命角度。我無係廠做過，亦都無係車房做過，都係自學，再自己進步，所以如果有錯，請各師傅多多指教。

返廠比錢既新fuse係改咗自給自足供電，唔再需要換電池

客人既門有時死晒。檢查完，估計係司機門條主龍問題。拆開發現比人整過，整得唔好，容易壞，而家又要再比多次錢。

有時自稱專家既人，係Facebook好積極搶客人，又唱我呢度唔好果度唔好。我無理呢種人，因為客人如果真係攪唔掂，最後又會比多次錢搵我或其他人整，所以無乜好搶。我本來係自學，以前無整過車，所以有錯就一定，不過我會進步改良，會諗點樣無咁易壞。

泠氣系統保養
冷氣系統保養將會更換冷氣防潮袋，延長冷氣系統的使用壽命和提升效率。Tesla 建議你遵照以下冷氣系統保養時間表

實際要睇下有幾污糟

最近幾多客漏雪種或泵壞，原因多數由小事引起。

頭燈下入風口散熱，開冷氣或充電會著。如果只有一邊著（耳和手感覺風有沒有入，兩邊應該一樣左邊正常熱過右邊），雪種會散熱不良，冷氣泵易壞和管也容易漏雪種。

全靠呢兩把風扇，所以model s 唔會好似model 3咁充電時冷氣減弱，無冷氣或充完電幾分鍾無冷氣。 不過都唔建議充電時冷氣開太凍，免得傷冷氣泵。

Facelift 一年要換一次。 prefacelift 因為循道風無冷氣格可以唔換。

幾錢？入黎維修時免費幫你換

客人搵咗自稱有專家維修，又係廠入面做過，其實可能架車無乜事，但點客人換晒前面和後面，換走晒原廠既料，放咗假原廠。見佢換咗8-9個月左右，點知拆開就見到發生咁多安全問題。

有時間係facebook 見客人問邊度整車好，我通常唔回答，會有好多人自己推薦自己，客人搵完其他人後，如果有緣份就會再見。

有沒有人睇過，車入面既車主手冊？

D波不要未停定就R波，或R波未停，就D波.

實際點解會裂未直正明白。基本發生係單摩打上。雙摩打少見。

唔知客人邊度換過冷氣泵，因為亂咁安裝，泵好易再壞，而且越整越貴，其實都唔想知邊店度整，好多自稱專家都係亂咁黎。怕無生意就話自己係專家，或用專家去搶生意。

成個冷氣系充已被極度污染，出現漏電，車輛行唔到。希望想賺錢既店唔識都入廠做1-2年，學下點整車，先好幫人換泵，唔好靠害。我未入過廠，自學加啲前輩指點迷津。

我經常同客講，電動車既冷氣泵，緊要過大電同摩打。整得唔好，一年係咁整，貴過大電或摩打。

漏雪種既時候，千祈唔好以為加雪種就得，一定無咁簡單，只會越加越壞，越整越貴。

也有人唔知架車漏雪種，維修要幾錢，加完雪種急急賣車。買二手車都難防也好難驗車時驗到。

大電充充受限，bms_u029 , 1分鍾攪掂，$1000

A柱漏水，原因是天窗排水系統塞咗，不要亂用通管神器，隨時因小失大。

圖片的右前乘客地上積水本來好多，被我抺走了先補影。

剛剛幫客人更換避震，因為漏氣。順便免費檢查各地方，包裝天窗排水系統。發現曾經塞過，又唔見有積水，但也幫他試一下排水是否正常，試水時又唔覺有積水，於是不停加水去試。然後聽到水流聲，但不是車出面出水，而係A柱下出水。兩邊情況一樣。

如果我無估錯，客人見到漏水就自己想通排水系統。點知睇咗的片，用淘寶既通管神器。點知篤穿咗，水排唔到出去，反而水係入面漏。如果唔及早發現，會因小失大，水會腐蝕車入面的線路，車入面的插頭是沒有任何防水功能，然後車輛會出現大量的問題，維修費會上萬。

佢係熟客，剛好來維修，所以免費幫佢拆開個頂，維修排水系統，和通返兩邊，然後試水。解決就天紅雨或黑雨會引起天窗漏水問題。注意，如果不是熟客，是要另外收費$300-1000。

2015後至2018大電用了新款大電fuse ,內置了不可充電的細電，聲稱可以用10年，但有啲開始唔夠電，被提示要返廠更換。

電池零售每粒US$22-50,呢度2粒，材料成本𣄽了差不多$500-800港幣，仲要無乜地方有賣。

電池生產商聲稱10年，但唔代表tesla廠可以免費更換。但大電保8年無限公里，實際是否免費暫時未知道。

我一直建議用原廠軨，接撞成咁都無漏氣，仲安全行到。原廠力學設計上夠安全。

聽客講，某啲情況下返廠整車，師傅要路試，一定要原廠軨，先可以入廠整，為咗師傅安全。而家慢慢明白，估計係保險問題，如果試車出意外，但軨唔係原廠，保險可能唔受。或出意外時原廠軨才可以比師傅最大保障。

過了保的車，強力建議每10-20萬公里換一次摩打齒輪油，加長摩打壽命。圖中既油已非常污穢，變咗啡色。新油應該透明鮮紅色。

未過保既唔好攪，免得破保。

關於e toll我係咁樣，萬一貼錯地方，可以循環再用。

唔少人都試過加熱器壞（漏電保護著咗）行唔到車。入面結構就係咁簡單，用耐咗唔知邊度漏水漏水，然後就壞。希望未來既加熱器可以改良

幫熟客緊急維修。架車行唔到，拖咗40公里來。

香港鼠疫仲係好嚴重，無野食，食電線。受害應該包括所有車輛。