WeCare Pet Supplies & Grooming

又一隻大肚貓貓黎咗待產，預祝生仔順利。🙏

有個姨姨成日黎探貓影相，明明個個都樣衰衰，點解姨姨可以影到佢哋咁靚 🤔

有人飲奶飲到懷疑人生，有人差不多 3 個月大都唔肯戒奶。😂

從前有個小朋友，話自己已經大個女識食糧，點知靠佢自己食糧就一日比一日輕，瘦到摸到骨，於是奶媽採取行動，強行要佢飲返奶，佢飲完奶之後喺度懷疑人生。😂

下晝明明係老虎，夜晚變咗小綿羊。🤔

如何幫好嬲嘅貓貓剪手甲。😆

騙徒手法層出不窮，明明嗰陣係咁，而家變咗咁。🥹

從前有隻小老鼠，因為食咗好多嘢，終於長大成貓。😂

同一隻貓，係咪中咗輻射？😂😂😂

#領養貓貓新生活

六月某日，今年第一個紅雨掛起之時，有好心姐姐發現呢粒小貓 b 唔見咗媽媽，於是送黎比我哋照顧。

經店長細佬同女朋友悉心照顧之後，小貓 b 長大成貓，順利被領養。

小貓 b 而家亭亭玉立，越大越靚女，可惜咁靚嘅女仔居然中意講粗口！

今日爸爸媽媽帶佢黎探我哋嗰陣，小貓居然對住奶爸 (店長細佬) 同奶媽 (細佬女朋友) 講咗幾句大不敬嘅粗口。🤦‍♀️

吾不欲觀之矣。🤦‍♀️

#領養貓貓新生活

如果你記得美短 bb，你應該記得佢唔識用砂盆。😑 所以當日好難搵到合適嘅家庭。

好在愛心姐姐要咗佢，因為佢會周圍亂痾，所以姐姐唔喺屋企嗰陣會放佢入籠 (因為姐姐屋企有其他貓狗，如果由佢隨地痾，後果難以想像 🙈)

點知，即使喺籠，美短 bb 都有能力搞到成屋屎水 😑 (痾完屎之後唔知點樣玩到 d 屎入水兜，之後 fing 到成屋屎水)

然後媽媽努力清潔嘅時候，美短 bb 就大爺咁樣監督住。你話激唔激死 😤

#領養貓貓新生活

小老鼠陪過夜。😂

灰 bb 需要大家嘅祝福。🙏

佢嘅體重停滯不前，同佢同胎嘅黑 bb 已經長到有 670g，佢先得 435g，精神唔好，胃口又差。

於是帶佢睇醫生，證實患有乾性腹膜炎，需要開始 84日嘅腹膜炎療程。

今日即刻打咗第一針，灰 bb 加油呀！💪

感謝流浮山叔叔打風前救起呢隻小貓，感謝愛心姐姐不計路遠特登入流浮山接佢出黎屯門。😘😘😘😘

小貓好惡因為好驚，好驚因為未感受過人類嘅愛。🥺

我有信心呢個小貓好快會變成嗲嗲豬。😘🤗

因為隻貓個口流血，對眼又出現大細瞳孔，領養人超驚，搞到我琴晚凌晨 1 點都沖返舖頭幫佢隻貓檢查，原來係換牙流牙血 😂 檢查過眼睛，瞳孔放大收縮完全正常 👌🏻 可以收隊返屋企瞓覺。😴

各位親愛的顧客 / 領養人，本人有 15 年獸醫助護經驗，非常樂意為你解答各樣關於貓狗健康嘅問題。😉 歡迎隨時 Whatsapp 5544 5081。🤗

兩位店長呢排唔使湊 bb 貓就喺度曬恩愛。🤷‍♀️

臨別秋波。

原來新主人影咗我哋纏綿嘅樣，睇下佢幾嗲。🥰

呢隻貓貓估計有 3 - 5 歲，初初黎好驚人好惡，後來佢自己突然開竅，開始肯親近人。

喺度住咗 4 個月，今日沖埋個靚涼，香噴噴咁去咗新屋企。

多謝新主人領養成貓。🥰

痴漢老竇。😂😂😂 (開聲聽 😂)

全部貓貓都有人 Mark 晒話會要，中秋前後陸續返新屋企。👏🏻👏🏻👏🏻

店長細佬唔湊 bb 嗰陣就會練雜技。😆

可唔可以話我知你想點？😂

每次收到主人主動 update 都好開心。😁

呢個貓貓初黎嗰陣好細膽好驚人，慶幸有個呃到人嘅靚樣，呃咗位愛貓姐姐帶佢返屋企。😂

我無直接同姐姐講，但其實當時內心有 d 擔心，雖然姐姐有豐富養貓經驗，但因為姐姐屋企有幾位小朋友，由幾歲到初生嘅 bb 都有，我當時有 d 擔心貓貓會因為太驚人而唔小心整傷 bb。🙈

事實證明係我太緊張 😅 姐姐一路都處理得好好 👍🏻 而家貓貓都仲係細膽 (天生無得改)，不過已經融入咗姐姐嘅大家庭，仲幫手做褓姆湊 bb (人 bb)。😂

多謝姐姐對貓貓嘅耐心 ❤ 以我本身對貓性格熟知嘅程度，確實係有少少擔心貓貓會唔小心整傷 bb 的，不過姐姐從來無投訴過 🥹

多謝姐姐用心照顧。🫶

事實證明有小朋友 / 初生 bb 嘅家庭都適合養貓的。😉

#領養貓貓新生活

唔知點解呢度 d 大貓咁中意湊 bb。🤭

好多人都擔心，屋企嘅貓貓已經年紀好大，係咪唔適合加貓。🤔

事實上我有見過有老貓接受唔到新貓，搞到絕飲絕食然後要入醫院吊鹽水。😑

所以但凡屋企本身有貓嘅家庭，要考慮加貓都要慎重處理。

無論我幾想大家領養成年貓，但如果本身已經有中年貓 / 老年貓嘅家庭，我只會建議主人領養幼貓，越幼越好，剛斷奶係最適合。

呢個家庭 👇 本身有隻 14 歲老貓貓 (虎紋貓)，由佢哋第一日話想加貓開始，我都建議佢哋等幼貓 / 剛斷奶貓。

佢哋好有耐性咁等咗幾個月 😂 終於等到合適嘅貓貓，一返到去，老貓就褓姆上身，無嬲之餘仲幫手湊 bb。配對成功！🎊🎊🎊

多謝新主人耐心等候，並且喺等待期間，以至領養咗貓之後，都時常黎舖頭做義工，幫手陪其他待領貓玩，馴化 / 社會化佢哋。😁😁😁

如果你想加貓，但唔知咩貓適合，歡迎黎搵我傾下。🤗

#領養貓貓新生活

兩個 bb 都行得好咗了。👍🏻

唔知大家記唔記得逃跑 bb 🤭 佢係我湊過數一數二嘅曳貓貓 🤭 嗰陣喺籠度逃跑，跑咗上假天花玩，用盡心機都引唔到佢返落黎。🤦‍♀️

估唔到去到新主人度立刻變乖！新主人有個七歲小朋友，次次小朋友黎到我都問佢貓貓乖唔乖，點知小朋友次次都話逃跑 bb 好乖好乖，仲幫佢改咗名做乖乖喵！

呢個反差實在太大。😂

後來主人再喺度領養多隻貓貓，逃跑 bb 就升級做哥哥，而家哥哥同細佬感情好好，睇見佢哋咁真係好開心。❤

多謝支持領養。❤

逃跑 bb 之前咁曳曳：
https://m.facebook.com/story.php?story_fbid=208536002021319&id=100085947605524&mibextid=Nif5oz

#領養貓貓新生活

做咩上天要交託咁多病貓比我。🥹

呢兩個妹妹今日一齊右前手跛跛下，喺肯定唔會夾傷 / 撞傷 / 扭傷嘅情況下，相信係因為自身帶有病毒，而病毒入侵咗關節導致一齊關節痛。

兩貓目前嘅胃口仍然良好，只係比較攰，瞓多咗，醒嘅時候依然眼仔碌碌好精靈，情況唔算太嚴重，不過需要密切觀察病情變化，如果有任何轉差嘅跡象就要立刻睇醫生。

我會牛咁眼咁𥄫實佢哋。👀

奇蹟寶寶今日去咗見醫生，醫生話佢可能係比狗咬嗰陣傷咗膀胱嘅神經，導致唔係好識覺得急尿搞到膀胱成日漲尿，而膀胱漲滿尿就壓住條腸影響埋便便。

目前唔建議照 CT 因為太細個根本唔會睇到 d 乜，但醫生幫佢照咗超聲波睇肚仔入面嘅器官有無受影響。

超聲波睇到肝腎都正常，膀胱壁正常，唔見有尿石，肚仔便便都幾多，有少少便秘。

醫生話因為佢仲好細個，有機會大個仔之後會慢慢識得自己尿尿，但而家就要辛苦主人幫佢日日人手按壓膀胱放尿 (每日 2 - 3次)。

主人係新手養貓，一黎就要解鎖咁高 level 嘅技能，實在唔容易，但佢哋完全無退縮嘅意思，真係令人好感動 🥹 希望如醫生所言，bb 大個之後會識得自己尿尿，健康快樂咁成長。🙏 (其實佢本貓一直都好快樂，就算痾唔到尿都仍然好快樂，唔知道佢搞到身邊嘅人有幾擔心。😑)

始終都係湊唔大，凌晨時份走咗了。

今朝感覺動作多咗，開始想搵嘢啜，同識得啜自己隻手仔。

阿 b 請繼續加油！🙏