m5god.com

在香港想搵一間出品有質素及環境舒適的 #潮洲菜館，真係買少見少。無辦法啦，做飲食都堅係好辛苦，又搵唔到接班人，加上香港舖租又貴，人工又貴，食材又貴，所以好多老字號的餐廳都相繼忍淚結業，仲要目前既經濟情況，直情係飲食界的寒冬，對於熱愛飲食既人都係一個折磨。

但今日好好彩俾我在網上搵到間 #米芝蓮潮洲餐廳（ #阿鴻小館），原來呢間餐廳大有來頭，在 #觀塘 經營多年，之前在鴻圖道地鋪大排長龍，有好多招牌菜，但原來間餐廳被邀請進駐入酒店一樓，就正正位於舊址對面，環境比以前更勝一籌，豪華的裝修，每枱坐席都十分寬敞，更設有 ，私人聚會或者商業聚餐都非常適用，在觀塘有呢類食堂簡直係 #人間天堂。

今晚主要係四個人的家庭聚餐，餐廳的服務真係非常到位，除左安排左舒適的位置，仲幫我安排 ，我諗都無諗過食 #潮洲菜 都有Omakase，真係十分驚喜。今晚既菜單由頭盤到甜品合共有8度菜式，每味都獨當一面。

頭盤：（ #餐前小品、 #竹炭脆豆腐、 #川味小黃瓜）
餐前小品 - #鹵水元蹄，元蹄入晒味，皮層十分爽口，咬落含有豐富的 #骨膠原，有如養顏補品，非常出色。
#竹炭脆豆腐 - 一𥖁𥖁表面黑色的豆腐，面頭鋪上小小炸蒜，令我十分好奇，到底係咩玩法，點知咬一口就感受到外脆內軟，濃郁既豆香從口中爆發，回味無窮。
#川味小黃瓜 - 一段段平平無期的小黃瓜經過精心雕琢，外表勁似綿花糖，但我本身最怕些草青味，但見到外表甘得意就夾舊試下，點知食落唔止原完無草青味，仲有一種好清新既味道，配合秘製的甜酸醋，醒胃到不得了，令我對小黃瓜都改觀。

#冰鎮南非鮑魚配雞絲海蜇
呢度菜一上碟，令我對眼都突一突，隻隻鮑魚都手掌甘大隻，每隻切開三片，中間仲有雞絲海蜇伴碟，淨係擺碟都已經好昅晴。食一口就食到鮑魚既鮮味，Wasabi都唔駛，再配搭雞絲海蜇一齊食層次感更足。

#滷水鵝肉錦繡拼盆
錦繡拼盆除左滋味既滷水鵝肉，仲有大大片既大腸，軟綿綿既滷肉片及滷水豆腐，滷水就絕對係潮州菜嘅Signature，貴為米芝蓮食肆都唔會失望。

#金湯潮式石鍋翅
潮式翅都係第一次食，除左翅既份量十足，湯底相當濃郁，再加入銀芽、芫茜、適量陳醋，整個配搭一試難忘。

#經典冰鎮咕嚕肉
呢味餸先講擺設都相當震撼，中間擺設以拔絲製作出冰山，鋪滿新鮮嘅生果，咕嚕肉選用五花腩作食材，再用咕嚕汁緊緊包在外層，以冰鎮既方法處理，令表面非常卜卜趣。

#花膠海鮮冬瓜甫
經過幾度相對濃味的菜式後，最後一度主菜，冬瓜甫作結尾，清啖地讓喉嚨回復清新，消除油膩的感覺。

甜品： #桃膠焦糖燉蛋
Fusion甜品帶來大大驚喜，焦糖燉蛋鋪滿厚厚既桃膠，互相輝映， 另整頓晚餐生色不少，大家都食到直豎拇指。

銅鑼灣又有一間新開既放題餐廳，驚喜既係生蠔任食、仲有海膽帶子、刺身、仲有唔同既泰式食物。

重點係每位只需$259，但係想食埋生蠔及海膽帶子，每位就要加多$130，即係$389位，不過有得生蠔任食，我已經覺得好抵啦。

值得推介一下，由於係新店唔太多人知，所以坐落都好舒適，遲些就唔知啦。

#生蠔 #刺身 #放題 #任食 #泰式料理

難得有個長假期，可以俾我地周圍玩玩。今次揀左澳門，仲選擇左在港珠澳大橋過去，由屯門出發真係方便左好多，搭架金巴40分鐘就到澳門，仲要24小時通關，玩到幾點都得。另外，氹仔開左好多新酒店，令氹仔有種煥然一新既感覺，值得去行下。

#金巴 #港珠澳大橋 #港珠澳 #魚翅 #乳豬海鮮鍋 #鳳城康記飯店 #上葡京酒店

灣仔日本餐Lunch

#鐵板燒 #龍蝦鐵板燒 #刺身定食 #鐵板和牛

和牛燒肉放題

#任飲任食 #任食放題 #和牛任食 #燒肉放題

週末好去處，在市區可以親手捉蝦，活生生甘燒黎食，真係好新鮮。仲有其它海鮮供應，鮑魚、元貝、螺、馬友、紅衫、及其它串燒，全部任食，真係食到好飽。

#任飲任食 #海鮮任食 #蝦蝦燒 #放題

D2 Two - Lunch

屯門小店食好西

古語有云要綁得住令一半既心，就係要先綁住佢個胃，牛扒就係我既至愛，所以要將最愛既人同埋最愛既食物成功連接，當然要用些功夫啦。今次想同大家分享一個專門經營凍肉既公司（JLMeat）佢地有獨特既選料方式，最近試左佢地既USDA Prime Ribeye，覺得好好味，因為佢地係空運Prime Grade既Chill貨，非常難得，肉質嫩滑，肉味濃郁，絕對能比美酒店既扒房，最緊要係靚扒唔需要好花巧就可以廚理。今次親愛的錫到我濃晒呀，大家不防試下。

#牛扒 #情侶日常 #情侶 #牛扒餐

到左星期日寶貝豬又唔想食中餐、又唔想食茶記、又唔想食麥記，甘就提議左去食All day breakfast，Urban Cafe既set都幾好，頭盤有個龍蝦湯，仲有杯飲品，今次兩個人去就揀左兩個set，All day breakfast就非常值得推介，最鐘意就係食Smoked Salmon, Parma Ham, Sausages, 寶貝豬就最鐘意食炒蛋及牛角麭。另外個慢煮雞就覺得整得太熟，肉質有些干，唔係好吸引。不過禮拜日chill下都ok既。

黎到週末既時候，當然要同My Love去搵地方拍下拖，我倆最鐘意就係食食食，親愛的就想食海鮮，甘就諗都唔駛諗，直接去三聖食海鮮。多年黎都預設左一個去三聖食海鮮既流程，就係先去新墟街市買海鮮，再帶去泰海鮮加工，呢個流程都Keep到個水準。

今次在街市就買到龍蝦、鮑魚、大蝦、桂花蚌、蟶子、墨魚、花甲，都好彩呀，買到龍蝦可以食到兩吃，但遺憾就買唔到象拔蚌，只能等待下一次啦。

#屯門三聖海鮮 #屯門海鮮 #三聖海鮮 #海鮮餐 #拍拖勝地 #拍拖好去處 #晚餐

話說要同雙親去換領智能身份證，就約左在灣仔食個Lunch，但又想帶佢地食些特式小小既野，所以就去左食酸菜魚。其實灣仔有間紅花會在酒店入面，仲有一個Lunch Set都幾抵食，頭盤有三款特式小食，主菜及主食，酸菜魚、口水雞、雞燴麵，甜品就係桂花糕。四個人食四人餐大家都食到勁飽，埋單$625 (大概$160/位)，都算幾抵食。

#酸菜魚 #溫泉蛋 #灣仔美食 #紅花會

今日係同親愛的既一個非常值得記念既日子，所以我地 又要食好西啦，今次就黎到市中心既Outback用埋張USDA Ribeye Steak eCoupon。

今晚頭盤就揀左洋蔥花，呢度既洋蔥化比較好食，因為口感比較趣口，同埋食落唔會太油膩。

主菜除左牛扒、就揀左Spring Chicken，因為始終係雞胸肉，所以就比較鞋口，同埋有些干。

飲品揀左威仕紀特飲及檸檬茶。

總括黎講都同親愛的好開心甘樣享受左一頓開心既紀念晚餐，Love u........

#屯門美食 #屯門西餐 #牛扒 #紀念日 #拍拖勝地 #拍拖好去處

黎到週末又可以同親愛的到處覓食既時候，原來Sino Club好好，會員於生日月份有個生日優惠，可以享受自助餐買一送一 (Dinner or Lunch)，我地今日就揀左食Lunch Buffet (兩位合共:$437.80)，仲有兩杯餐酒 +一個蛋糕。

講返些食物，我地就覺得選擇唔算好多，冷盤海鮮 (翡翠螺、凍蝦、兩款青口)，煙三文魚、日本刺身，沙律、各種芝士盤…等等。

熱盤有燒牛肉、點心、咖哩、湯麵、飯…等等，

甜品就有蛋糕、3款Haagen Dazs雪糕、新鮮水果…等等。

飲品就有檸檬茶、咖啡，任飲。

總括黎講，$4××/位既酒店buffet，款式再豐富些先會吸引，今次既體驗都非常一般。

#黃金海岸 #自助餐 #酒店自助餐 #屯門美食 #拍拖好去處 #拍拖勝地

話甘快又到禮拜五，當然要繼續同最愛去搵地方食個Lunch，今次親愛的搵到愛群道有間小店，出名食和牛飯，不過呢間小店全場只有10個位，如果遲左就好多人排隊，所以我地12:15就起行去啦，好彩早到仲有位唔駛等。不過就有些大鄉理，原來在門口有部Kiosk，係要自助式揀好食物及購票，然後先入座。

食物選擇當然以和牛為主，有飯、沾麵、湯麵，小食就有和牛餃子、溫泉蛋、追加和牛，飲品就有汽水、啤酒。

和牛飯用左醃製過既和牛所以有些似Roast Beef既味道，無左和牛既風味，不過些飯就撈左味，有些和牛碎及黑椒碎，食落都幾野味。

至於碗沾麵麵既質地都好煙韌，不過碗湯就好咸，同埋味道好復習，唔能夠感受到廚師想帶出咩既主題，百感交集，制作和牛就用火焰方式廚理，同飯既和牛有明顯既分別。

整體黎講，呢個係好好既體驗及感受，黎打個卡就夠啦，我同親愛的會繼續去搜羅更多美食，加油加油。

#灣仔美食 #和牛飯 #拍拖好去處 #拍拖勝地 #和牛沾麵 #沾麵 #愛群道 #日本小店 #和牛餃子 #香港美食

話甘快又黎到週拜日，今日寶貝豬話要食拉麵，甘就二話不說直闖去拉麵鋪排隊，真係諗唔明，唔知點解香港大部份既拉麵都係甘多人排隊架，不過好彩我地都只係排左20分鐘就有位。跟住我地就點左個二人餐（二碗麵、3款小食、2罐飲品）我好鐘意呢度既濃蝦拉麵，因為個湯真係好濃，好有蝦味濃濃的樸入鼻，所以都幾喜歡。

#日式拉麵 #午餐 #午餐吃什麼 #濃蝦湯拉麵 #一幻拉麵 #日式叉燒 #溫泉蛋

又到左週末啦，當然同親愛的懶床懶到一個點啦，跟住先開始搵食，點知搵得黎都夠鐘High Tea啦，但親愛的好厲害竟然搵到帝都酒店2+2Cafe有High Tea Buffet，甘我就拿拿聲打去問下有無得Book位，點知好好彩仲Book到，跟住就棚棚聲揸車出發，話晒酒店入面就有得泊車，消費滿$500就Free1粒鐘。兩位自助餐合共$536岩岩好。

本身諗住Tea Buffet都唔會抱住些咩期望，諗住不過不失唔肚餓就算架啦，點知去到好有驚喜，因為冷盤海鮮竟然有大大隻既麵包蟹些膏爆晒棚，仲有生蠔些海水味湧住出黎，同埋刺身都非常新鮮，冷盤蝦、翡翠螺、青口，都非常OK。

熱盤就試左Roast Beef+份自製沙律（羅馬生菜），仲有龍蝦汁魚柳、中湯、西湯、炒粉麵飯之類。

甜品就好多樣化，除左6款Movenpick雪糕、豆腐花、仲有大量各式各樣既蛋糕。

總括呢講$268/位有甘多野食，我真心覺得好抵食，不過就係得1小時45分鐘，甘就比較趕時間，要快快手密密食先掂，大家真係不仿一試。

#酒店自助餐 #自助餐 #放題 #生蠔 #麵包蟹 #刺身 #酒店蛋糕

同親愛的在尖沙咀Hea左成日，大家都有些疲倦，所以都唔係好肚餓，甘就提議去飲碗雞腳湯，唔講唔知在尖沙咀有間老字號餐廳，好多人去完飲酒想暖下個胃都會補親下，因為呢碗雞腳湯真係唔簡單，材料非常足，飲落個嘴唇會黏住，骨膠原十足，加上胡椒及大大隻冬菇，成份湯由潤又暖，好多人專登黎飲返兩碗先走，當然我既親愛的都飲左兩碗啦，各位男士真係可以帶埋另一半嘆返碗，分分鐘黏住個嘴，嘴你兩嘴呀，諗諗佢諗諗佢。多謝親愛的嘴左我幾野，潤到從內到外，Love U 。

另外，些小炒我就覺得無咩特別啦，所以就唔多在度介紹啦，大家可以自行發掘一下，搵到正野大家交流下。

#尖沙咀雞腳湯 #雞腳湯 #尖沙咀美食 #尖沙咀好去處 #靚湯 #拍拖 #拍拖勝地 #柯士甸小路

今日話說想同親愛的報置下屋企，就去左Megabox行IKEA，行完就肚餓，跟住就見到Pepper Lunch，因為好耐無食過，所以就幫親下，叫兩客牛黎回味下。不過老實講，呢間既質素比較一般，去其它店會好味些。

#九龍灣美食 #拍拖勝地 #拍拖好去處 #牛扒 #牛扒關注組

在屯門三聖食海鮮都唔係咩新事，一般在三聖食海鮮都係要自備海鮮再去餐廳加工，重點係在三聖既海鮮檔買就會相對貴，今次想同分享下，如果大家想經濟些既話，建議可以去屯門新墟街市買海鮮先，再羅去三聖，甘樣就會好實惠，按最近既經驗買海鮮料平左一半呀，最終買料連加工，每人唔駛$400，計落抵好多，大家可以研究下。

#屯門美食 #三聖海鮮 #家庭聚餐 #海鮮餐 #新墟街市 #龍蝦 #泰海鮮 #鮑魚 #花甲

在周末先黎打風實在太掃興，但無俱我地去食好野既衷心，8號風球都照樣揸車去覓食，本來以為打風應該唔會太多人，不過好彩最愛聰明，點都Book定位先，點知去到真係好多人，一入停車場就迫到爆，原來佢地分兩輪時間，甘岩有車走所以就順利地泊到車。

坐低無耐就要決定揀套餐，佢地主要係有兩種套餐(龍蝦餐 / 蟹餐) 龍蝦餐就預設好既海鮮套餐 (原隻龍蝦、蟹、蟶子、鮑魚、蠔、海蝦、花甲、蜆) 如果蟹餐就無龍蝦，不過蟹及貝殼就任食，另外蔬菜任食。

兩個餐都係$368位，都算抵食既，如果鐘意Seafood既你，不彷一試。

特别嗚謝最愛搵到醉辣鮮呢個地方 Love U

#元朗美食 #錦田 #海鮮 #海鮮餐 #醉辣鮮 #蒸海鲜 #海鲜放题

尋日係重陽節既假期，又係我地兩口子出動覓食既時機，本身親愛的話喉嚨有些唔舒服，本應就要食得清淡些，點知行左幾間餐廳都係想食泰國野，所以親愛的就豁出去，當然都有買些清熱野補補飛啦。講返點解想去呢間泰國野先，因為佢地有個火山排骨好出名，不過尋晚就賣Q晒無得試，但都想試下餐廳既其它食物，所以就試左啦。

講返呢間餐廳先，裝修上同在餐具上面都好有心，盡量希望為顧客帶來去左泰國旅行既感覺。食物黎講我地就叫左泰式生蝦、蝦餅、冬陰公雞翼、蟹肉臘腸炒飯。甘就續一分享下我地既感受先，生蝦就偏細隻既，個秘製汁同出面係有唔同不過我就覺得唔太夾，但個辣字提唔到鮮。冬陰公雞翼炸得好趣口感唔錯，但又食唔到有咩冬陰公既味道。個炒飯我就覺得非常一般啦，因為太多豆角無咩蟹肉同埋無咩味道。

總括呢講，如果5分滿分，我只能俾佢2分。大家可以研究下。

#泰國菜 #泰國美食 #屯門市廣場 #蝦餅 #生蝦 #屯門美食 #拍拖好去處 #拍拖

打完針既第二日又多左日假期，親愛的又好想食印度菜好耐，所以我兩又起行去尖沙咀尋印菜，大家都知尖沙咀下晏泊車就係一件不易既事，連$40/小時既停車都話無位，突然在山林道見到在咪錶位有車走，拿拿林就隊埋去啦，開心到我倆不得之了。鎖好車用埋eMeter Apps就開始尋印之旅，一路行一路行，甘就行到黎寶勒巷，見到有橦Prat Bldg樓下就見到印度餐廳的易拉架，二話不說就直升啦。上到去原來間餐廳唔係好大，可以容納30位，不過裝修都企理既。

坐低就睇睇Menu，Lunch Set有兩種選擇，Veg or non veg set，甘我地就選擇左A La Carte，員工都好有心去推介一些名菜俾我地，Shish Touk (雞串燒)、Butter Chicken、Lamb Curry、Truffle Naan。個Shish Touk好有驚喜，首先個賣相夠吸引，雞既肉質燒得好好，夠晒嫩滑，加埋配菜 (洋蔥+紅椒) 成件事配搭非常絕配，只係我覺得個味道唔夠濃，但佢都有個醬俾你點既。不過最過癮係，我同親愛都同時發現用Butter Chicken既汁去配Shish Touk既雞肉更加突出，因為Butter Chicken個汁偏Creamy及帶少少甜口，所以配起來好夾。當然Butter Chicken配Truffle Naan就唔駛多講，不過只係個Naan查左Traffle醬，可能無Traffle醬會更好。個羊咖哩就唔太吸引，原完唔夠咖哩既香味，味道好Flat豪無層次感。不過整體黎講都直得一試，都係一個非常唔錯既體驗。👍👍👍

P.S. 最後因為老板娘都同我地交流左食評，跟住就發現左佢係一個營養師，所以佢會平衡返食物既濃度，想客人食得健康些，聽完佢甘講我地就明白左呢間餐廳同其它印度餐廳既分別啦，幾有特式，注重健康食物既你，可以研究一下。

#尖沙咀美食 #印度菜 #寶勒巷 #拍拖好去處 #拍拖勝地 #拍拖

荃灣食好西，兩口子拍住拖，嘆個輕輕又全面既晚餐。

#荃灣美食 #拍拖勝地 #拍拖好去處 #荃灣 #荃灣友 #荃灣西餐

在灣仔放左工想輕鬆下，Happy Hour 飲返兩杯就係唔錯既選擇。在SHK附近既Bar & Restaurant就有HH，啤酒都只係$38，仲有HH小食低至$38，仲有戶外既地方可以食煙，都幾唔錯。

#酒吧 #灣仔美食 #灣仔酒吧 #露天酒吧

要好好享受一下中秋節假期，想有些旅行既感覺，親臨一下鯉景灣，對住個小小既海景嘆個High Tea。

#鯉景灣 #香港好去處 #拍拖好去處 #情侶好去處

屯門泰國人煮理既餐廳，極有地道風味，重點係價錢，超級抵食。

#屯門美食 #屯門好去處 #泰國菜 #拍拖好去處 #何福堂

又係生日慶生既日子，全賴最愛為我安排一餐非常特別既晚餐，特別既地方係每晚只做4枱客，要提前1個月Book位，廚師會為你廚理時令食物，大廚兼老闆仲會出黎同你Social，確保每個島既出餐時間，令你有足夠既時間去享用晚宴，非常窩心。

P.S. Thanks my lovely honey for arranged an romantic bd dinner.

#錦田美食 #元朗美食 #生日 #生日飯 #生日派對 #拍拖勝地 #拍拖好去處 #美食

最近在新浦崗廣場發現左一間新開既餐廳，有日式及泰式既食物，當中刺身、串燒都好出色，好適合作Sake既左酒小食。當然其它既泰國食物都好有水準，價錢亦相當合理啦。

#泰國菜 #新浦崗 #日式料理 #生日飯 #拍拖好去處 #拍拖勝地