上水明記腸粉 / Sheung Shui Ming Kee

親愛的戶戶送：

多謝你兩年以來嘅記掛。🙋🏻‍♀️
明記仝人完全感受到你對我哋嘅熱情同厚愛。❣️
兩年前我哋已經坦誠和平分手。至今您仍每月給我一封$0結餘的月結單。
教我情何以堪？🙂‍↕️🙂‍↔️

衷心請求閣下，勿念明記。因為我嘅信箱已沒有位置可以收納您的$0結餘的月結單。無限感激！！🙏🏼

2024/7/31 明記腸粉

廣東話對答
🙋🏻‍♀️：請問收唔收「支付寶」？
😼：只收「現金」同「八達通」。
🙋🏻‍♀️：咁～「微信支付」呢？
😼：請問你識聽「廣東話」嗎？

騙徒唔好再嚟呃媽媽。
我一定守護着媽媽。
唔俾媽媽上當。
#演唱會 #星星

九龍城寨嘅「城」😂
誠心欺騙嘅「誠」🤣
#依家老師星期日都要返工🥲

📌3/6 至 11/6
休息。維修
🔆12/6正常營業

騙徒再出沒！
#實名登記的好處

媽媽唔俾我出街玩😿

薰衣草香囊。謝謝你🙏🏼☺️

呢條友仔睇咩睇到笑？🤔

【走塑】K Kwong批用紙餐具「易死」！

港大化學博士K Kwong（鄺士山）繼日前批評「走塑」並不環保，今日（24日）再發文講解紙餐具製作成份，直指「一張紙有過百隻有害chemicals（化學物質）」，更進一步解釋該餐具並不是「食用級」或會致病，堅稱自己不會使用，「外國產K仔都唔敢用，何況淘寶貨？」

K Kwong今日於Facebook專頁再以「死.易死」為題撰文，指造紙時需使用各種化學物質，包括酸 (H2SO4)、碱 (NaOH)、漂白劑 (Cl2，Cl2O，SO2)、螢光劑、防腐劑、fillers（填充物）等，「一張紙有過百隻有害 chemicals」。K Kwong表示，紙張用於印刷、書寫沒有問題，但自己並「唔會食紙」，亦從不會用紙巾抹餐具。

他解釋由於紙是親水性的，要加塗層才能防水，如紙包飲品的塗層會加入膠、鋁。而紙餐具方面更為複雜，因為要防油和不黏食物，可能加入含有PFAS的「不黏塗層」Teflon；為求防水又要加入filler填充，「呢D filler先冇皇管因為常見嘅fillers如CaCO3、TiO2、膠粒都唔係『食用級』，所以呢啲所謂composite materials kitchenware外國產K仔都唔敢用，何況淘寶貨？」

對於有人認為木製餐具沿用已久較為安全，K Kwong則不認同該說法，更直言木筷子、竹筷子有「臭味」。他解釋該氣味為二氧化硫，自己都是沒有選擇情況下才被迫使用，「我都係被迫先用，臭㗎！」有網民關注沖洗木筷子會否有用，他表示內裡二氧化硫無法清洗，同樣有機會攝入體內。

二氧化硫用途廣泛，可用作防腐劑，廣泛應用於各種食物及飲品中，例如乾果、蔬菜乾、醃菜、果汁及葡萄酒。據食安中心資料，在食物中使用二氧化硫時，只要奉行優良製造規範，確保僅添加最低分量來達到預期技術效用，在正常食用情況下是安全的。

＝＝＝＝＝＝＝＝＝＝＝＝＝＝＝＝＝＝＝＝
減磅總是失敗收場？營養師分享「零節食，健康瘦」不反彈秘訣 撃退致肥元兇：https://bit.ly/3U6nEMd

想即時收到香港健康資訊？下載App就唔會錯過啦：https://bit.ly/3LzYwtc

#醫思維 #塑膠 #餐具 #走塑 #紙飲管 #木筷子 #環保

圖片來源：422「齊走塑」♻️環保消息關注組@FB、K Kwong@FB

紙飲管丨比利時研究：9成紙飲管驗出有毒化學物質、無法在人體排出、或可致癌！ 紙飲管丨為響應環保，近年來不少食肆都轉用紙吸管來替代膠飲管。 比利時最新研究發現紙飲管不單不環保，長遠來說更會對身體有害！ 撰文：Hedy@Medical Inspire 醫．思維 │ 資料來源：

貓貓啊🐱～～
#細佬好可愛😍
#佢好似小彬彬

家明，唔好再打電話嚟話訂過百盒外賣啦！🫱🏼‍🫲🏽
有誠意嘅直程落嚟俾咗現金先。👍🏼
#實名登記的好處

星期四又接到一位操不純正廣東話WhatsApp 電話。話係乜乜學校要訂一百個外賣。
真係橋唔怕舊，最緊要受。

📌我讀得書少，只識超直白表達我嘅個人感受同憤怒。文筆思路亂咁嚟，作故仔。如有雷同，實屬巧合兼不幸📌

📍大恩客篇之外賣外傳
1，未撚瞓醒系列。
我：攞走定喺度食？
恩客講完一餐，覆佢一次，佢話唔啱，再講一次，佢話啱。做好晒，包好晒。恩客話：「我喺度食㗎！」

2，邊聽電話，邊落order撚。
我：攞走定喺度食？無視你⋯⋯
恩客：腸粉啦！仲要乜嘢？哦，燒賣，仲有啲咩？魚蛋啊？嗯，豬皮⋯⋯恩客同朋友在電話對答中！
復述一次，恩客依然在聽電話中，但係不斷點頭。
係咪放晒一盒啊？
恩客依然在電話中兼不斷點頭。
做完，包好。我冇話要豬皮喎⋯⋯
某啲恩客，我要分4個盒喎，一蚊一個盒，我冇話唔俾你啊？（簡直係豪客）

3，以前撚
我：攞走定喺度食？
外賣唔該
好⋯⋯下刪百字
某啲孤寒西，你呢腸粉唔值得俾到一蚊去買你個盒囉！
咁你自己拎個盒嚟裝囉！
你俾張油紙，放入個膠袋咪得囉！
你以前都係咁啦！
以前，以前我22吋腰添！
以前，阿叔年代一萬蚊租咋！
以前，邊有環保署話要收你五毫子一個膠袋一蚊一個膠袋啊？
以前去街市買魚，俾條鹹水草扎住條魚咋！而家你得唔得呀？你分分鐘拍埋片屌鳩人哋啦。
以前，冇八達通㗎！咁點解我依家一定要俾八達通服務你呀？仲要俾服務費俾八達通公司賺。

4，外賣堂坐撚
我：攞走定喺度食？
Skip你。直接坐喺度落單。
好啦！以為佢堂食啦？做好出俾佢叫佢出嚟落醬。恩客：我攞走㗎！

5，又或者反方向撚
我：攞走定喺度食？
Skip你。一直企喺度，然後落單。
好啦！以為佢外賣啦？做好放咗喺外賣盒度，叫佢落醬。恩客：我喺度食㗎！

📌我讀得書少，只識超直白表達我嘅個人感受同憤怒。文筆思路亂咁嚟，作故仔。如有雷同，實屬巧合兼不幸📌

📍大恩客篇
依家客人啲搵錢時間每秒都係幾百萬上落。每分鐘幾億轉賬緊。或者玩緊值千億嘅遊戲⋯⋯又或者傾唔停電話。點解咁講呢？ 手機📱不離手不特止，眼都唔可以離開。仲戴住耳機。🎧名副其實又聾又盲又啞！
叫佢落醬冇反應，因為聽唔到。
做埋手勢冇反應，因為睇唔到。
你大聲啲，佢話你冇禮貌，服務態度差。
你幫佢落，「我要少啲甜，多花生，辣醬係側根。芝麻多小小。豉油放一邊。」豉油放一邊，我已經諗到個頭都大撚埋。豉油係液體⋯⋯
每次聽到呢啲，我都話不如你自己落。
每個人嘅多與少嘅定義都唔同。
尤其是啲人同我講，「我想同我小朋友share，麻煩辣椒落一邊。」我一定唔會幫你落。
辣椒半固體，而且混埋咗係豉油到。當你拎返去屋企途中。盒腸粉啲醬已經變咗混合一體。費事人哋post 上網話我冇服務又或者服務質素差。
都係自己落好。

📌仲有8達通篇
個嗰都以為你係佢心入面條蟲。
佢攞銀包出嚟又好，攞手機出嚟都好，隻手凌空狀態，你就最好，一定，肯定，確認到佢係嘟八達通。
個個把口好似啞撚咗咁㗎！
而家人人手上，拎住個電話好普通嘅事。
而家人人手上，拎住個銀包都係好普通嘅事。
我係唔撚知，你想俾現金定係俾八達通㗎嘛？
你問佢，佢會厲住你㗎！
😮‍💨😮‍💨😮‍💨😮‍💨😮‍💨😮‍💨😮‍💨😮‍💨😮‍💨😮‍💨

📌我讀得書少，只識超直白表達我嘅個人感受同憤怒。文筆思路亂咁嚟，作故仔。如有雷同，實屬巧合兼不幸📌

🈲禮貌之都篇 💢提起就把幾火。
平日生意只有守。星期六、日、假期午飯時間難得爆一輪都好。都盡量安排每位客人都坐得舒服用餐。4人座位，2人坐一邊。如冇客人等位，2人坐4人枱，3人坐5人枱。甚至滿座，得返一張5人枱。一個人，我都由你坐。

💢但係有時啲西人又好奇怪。一入去就揀張最大張枱嚟坐低。明明有兩張細枱（2人枱）佢偏偏唔坐。等到有一行4人入嚟，你要求佢轉張細枱。佢就萬般不情願咁唔想起身。
⛔️西人啊，我難得有生意，梗係希望做到啦！因為間舖唔係太公留俾我，電力公司又唔係我太婆，供水又唔係我老豆，煤氣又唔係我老母㗎。供應商的貨錢速磅冇兩頭望㗎！

🆘賣你廿蚊一碟腸粉，冇最低消費，冇限時用餐，冇加一，冇切餅費，冇開瓶費 乾淨 企理 光猛 舒服 有廁所 有冷氣 有位坐低俾你食碟腸粉。你仲想點撚樣啊？

❌不允許外帶飲品入香港食肆飲用是常識吧！西人仲會有藉口話你冇供應呢樣，冇供應嗰樣。所以我先帶入嚟飲。成件事好似係我錯晒咁！！
不如我開間有賣腸粉嘅百貨公司供你食用好冇？

🚫仲有啲金舌柒頭⋯扮撚晒食家咁！
你啱食，我開心歡喜。你唔啱食，我亦唔會抱歉。唔啱你口味啫！但我亦祝願你搵到啱自己心水嘅腸粉食。
正所謂十隻手指有長短。常言道：「良言一句三冬暖，惡語傷人六月寒。」

💢上星期日，午飯時間。一家5口一架BB車。（兩老兩後生一個小童一個BB）
兩老一小童坐喺5人枱，兩後生就坐咗喺隔離另一張4人枱。BB車擺係兩枱中間。叫咗3碟腸粉。請問呢啲生意點做呢？我再有客人入嚟已經冇位坐。
如果你肯包場放低3千，我俾你坐足6個鐘又點話啊！
💢呢啲人咪就係要等人開聲屌先醒目囉！
❗️請問你哋係咪一家人一齊㗎？
❗️請問你哋點解唔坐埋一張枱呢？
‼️我呢張5人大枱絕對足夠，令你哋一家人坐埋一齊兼坐得舒服。
⁉️就算兩個後生唔識，兩個老人家唔會唔識啩？
⭕️我做服務性行業，一定要俾個服務你。點解你又唔俾個方便我呢？
❌你有禮貌，我有禮貌。你態度如何，我便如何。你識做，我識做。你唔醒目，我便直言，我有錯咩？
💢我要同你講禮貌，你同我講乜撚嘢？未撚講，你嘅行為經已⋯⋯
❌咪撚同我講呢啲係大陸人嘅行為。嗰1家5口係地地道道嘅香港人。
🥚仲有啲大陸西，鍾意帶埋啲烚蛋嚟剝雞蛋食。食撚完啲雞蛋殼成枱都係。拍拍囉柚就走人！遲啲垃圾徵費。我係咪要收返垃圾費呢？

📌註1「金舌柒頭S有後話」
📌註2「上水頭瘋撚人Simon」
下期講吓呢兩位自稱嘴刁人

📌我讀得書少，只識超直白表達我嘅個人感受同憤怒。文筆思路亂咁嚟，我作故仔。如有雷同，實屬巧合兼不幸📌

2019～2020 面對運動/ 疫情
曾經表態，反對口XX，支持XX日報，支持X卓X⋯⋯
換來嘅係無日安寧的X工X 和 X環X的無理抽查、檢告、上庭、告票⋯⋯
粉嶺璧峰路1號係我耳熟能詳嘅地方。感謝珍苑一路互相扶持。亦都係其中一個原因令「佢」要退下來。

疫情嚴峻，政策朝令暮改。況且我哋堅持唔打email，更令我哋寸步難行。
閣樓「大飯堂」無日無之擴大的香草味令我萌生一個念頭「裝修」！？
電線老化，樓面殘舊，廚房通風差，廁所渠務經常淤塞⋯⋯

同業主商量免租期，得到回覆：「兩星期。」哈～哈～哈⋯⋯
不如搵地方搬？但係「大牌」難出！「細牌」唔夠用，況且已經成日俾 X環X抽秤⋯⋯疫情嚴重，前景不明朗，搵朝唔得晚。唯有將心中所念擱置⋯⋯我忍。我守。

下回繼續

📌我讀得書少，只識超直白表達我嘅個人感受同憤怒。我文筆思路亂咁嚟，我作故仔。如有雷同，實屬巧合兼不幸📌

「結業篇 」「通知篇」 啲西人唔撚識字
📍結業通知？/📍搬遷通知？/📍呃光環？/📍我拎枝槍篤撚住你入去食啊？/📍呃情感？/📍發覺啲西人語文能力真係好差。

💢瞓係我床底嘅臥底睇清楚啦！
最好笑前日有個客同我講「佢」返咗嚟！
我問：邊個佢返咗嚟？
客：珍苑舊老細啊！
我：挑，人哋由頭到尾都冇講過移民。只係因為健康理由而想珍苑休息下。甚至吹噓到珍苑個大家姐上庭對抗阿匹接管珍苑bla bla bla⋯⋯上水啲上流西民啲個把口並非浪得虛名。
💢人言可畏💢

聽到都得一啖笑！🙄

2015～18水貨彈起。業主要加租。我交還閣仔給業主。希望業主可以暫緩加租一事。閣樓好快租出。點知變成「大飯堂」。我日日嗦cxx King，嗦大麻，high爆咁開工。
我小業主，我做食肆，你俾佢喺我樓上開「大飯堂」。其實你係咪有心想趕我走，唔想我租呢間鋪呢？
業主，唔係，唔係。佢約滿，我要佢即時走人。信我吳太。
好，我守。點知我走先，「大飯堂」都未走。

下回繼續⋯⋯
我感謝🙏🏼洪爺對我不離不棄
#舊相片

多日高燒不退。
生死由天。生命不應留白。不時一篇。
探討箇中滋味。

*//嘴有多壞，命有多苦//*
#成日亂食嘢
#特適事頭婆懇請你唔好再餵我隻貓食嘢

📌更新，主人已接回📌
主人，佢走咗嚟我度啊⋯⋯
#快啲過嚟接佢

隻髀幾貢肥美😍

4/3 星期一 無意之中 收聽到
叱咤903在晴朗的一天出發
三位主持討論「禮貌之都」的觀點相當有趣。尤其餐飲服務業。大家有興趣，不妨重溫一下。

回眸一笑百媚生，六宮粉黛無顏色。

仰望的角度。
#天氣凍著衫🌬️

感謝🙏🏼叔叔👨🏻利是🧧
感謝🙏🏼各位哥哥👦🏻姐姐👧🏻利是🧧
#元宵節快樂 🏮 #團團圓圓🏮

細佬祝福我大🍊大👅
禾祝福細佬快🪜長🏃🏻