榕基滷水1992

MM彩蛋終於要成真了🥰🤍
謝謝大家的祝福🤍
我們將於明天 26.05.2024 全線（大埔、大圍、黃埔店）休息一天🥰♥️♥️

今日天下貓貓有領養日呀👏 🐱
大家睇完貓貓可以順便過埋黎大圍店食飯～✌️

為咗解決大圍好熱嘅問題🫠
我同老細決定將啲冷氣砍掉重練❗️
裝過啲新嘅‼️‼️
目的就係想你哋嚟榕基食得開心‼️又坐得舒服😎🍹
將於今天5️⃣月2️⃣日下午裝新冷氣‼️❄️
預計工程需時半天，下午6️⃣時我哋會恢復營業👋🏼😁
唔好意思🫶🏻請大家多多包涵🙏🏼🙏🏼🙏🏼

經過呢兩個禮拜同事們嘅努力🔥大圍店終於愈嚟愈順暢啦～～等候時間都變返正常啦🥹
好多人都問我哋幾時會有下午茶☕️
有啦有啦‼️依家可以嚟大圍榕基嘆下我哋個下午茶啦☕️🤤
老闆仲特登返鄉下搵啲潮汕牛筋丸、豬肉丸同札肉返嚟，好佩服佢嘅堅持🤣🤣

餐牌請參考右圖👀😁
下午茶套餐包括：
1款主食➕椰子雞湯➕1杯嘢飲🥰
（甜品餐不包括椰子雞湯）
客人試過都話份量夠好味🤓你哋都嚟試下啦🫶🏼

下午茶時間：星期一至五 14:45-17:45（公眾假期除外）
地址：大圍積福街70-72號金輝樓地下B號舖
電話：9427 7505 （歡迎外賣自取)

‼️特別通知‼️

過埋今日我地已經試業左一個星期喇😆呢個星期好多謝咁多黎支持過既客人🥹，我地知道有好多做得唔好既地方，我地全部都收到，我地會持續改善，希望大家可以繼續支持，都同咁多位等得耐同比錯食物既客人講聲對唔住🙇🏻‍♀️

‼️明天15號星期一大圍店會休息一天，作最後調整‼️

另外都辛苦晒咁多位員工，真係好多謝佢地，開一間新店真係好辛苦，星期一休息一天都想佢地好好休息一下，回下血先💪

兩位老闆星期一會大檢討做得唔好既地方，希望無論食物定係運作都可以做得更好🫶

重覆重覆👀
‼️明天15號星期一大圍店休息一天‼️

另外，經過一星期試業後，我哋決定將營業時間縮短為：
12:00-22:00（最後落單時間：21:30）⏰

開業咗幾日 首先‼️好多謝你哋😭😭😭❤️
特別係忙碌之中 見到有啲大埔嘅熟客話特登過嚟支持 其實真係好感動🥹😿
然後‼️就係好對唔住😭😭😭
呢幾日我哋開業得好唔準時 甚至中間有啲時間close咗 令到有啲特登過嚟支持嘅客人好失望🫠🥲
但我哋確實唔想為咗接多啲單就求其做，做壞自己個招牌😢（試問呢個世界有邊個做老細有生意會唔想做多啲🥲🥲）
呢幾日除咗埋頭苦幹係咁做，其實唔係好知發生緊乜事😂但聽到有客人話好食 已經好滿足了❤️❤️
目前嘅營業時間仲係好唔穩定🥲呢幾晚9點幾好多嘢賣哂，我哋都只可以提早閂🥶🥶
依家嘅目標係想盡快回復正常嘅營業時間‼️恢復到12:00-22:30，比啲時間我哋‼😭
多謝你哋啊😭❤️

聽日就係啦❤️❤️小緊張！！！
期待聽日見到你哋啊😁😁😁

🎊重要事情公佈🎊‼️
之後大家可以多個地方食到榕基啦😍❤️
新店榕基海南雞將會係4月8日同大家係大圍見面💕‼️
老細喺大圍長大喺到生活咗廿幾年，確實有一份情意結。可以係呢到開分店真係好開心，所以我哋都好期待呀🥹

一定有人覺得我哋傻傻地🤣呢個時勢仲開舖⁉️
我哋都覺得好痴線，但係其實諗落我哋每次開舖都以為自己已經經歷緊最差嘅時期同環境😂😂但好似永遠都冇盡頭ge喂??😂
既然係咁，我哋諗到想做嘅嘢，就一如既往，衝吧💨💨永遠都提醒自己，做好自己先，做好每一個出品先對得住你哋。希望今次都唔會令你哋失望吧❤️

P.S 新店雖然主打食雞🐔但放心，你哋最鍾意嘅滷水都一定有的🫶🏻☺️
各位🥹我哋到時見啦‼️
#感謝沿途一直支持我倆的人

睇到嚟依度♥️為咗答謝你哋一直對我哋嘅支持♥️一連3日（8-10/4 星期一至三）只要我哋嘅舊顧客嚟大圍新店向我哋店員出示此post😍我哋就會送你一串泰式香烤雞/烤豬串燒，只限堂食😋😋（數量有限送完即止）

新店暫定營業時間：12:00-22:30
地址：大圍積福街70-72號積壽里1-3號金輝樓地下B鋪

新年快樂！！🎉🎈💖😁😁
祝所有人身體健康，日日都笑口常開😁

🧧新年營業時間安排🧧

聽日年三十晚兩間店都會提早收爐🥰截單時間晚上7:00
新年期間大埔店初一休息，初二及初三會縮短營業時間😘
另外黃埔店初一至初三都休息‼️🥰🥰
溫馨提示🔔新年期間建議提早預訂呀‼️🥰大埔店賣哂鵝就會早收🤨

大埔店☎️：6765 1145
黃埔店☎️：6354 0990

⭐️初四正常營業
⭐️初二及初三大埔店堂食及外賣單，銘謝加一收費（總金額以四捨五入計算）。
⭐️祝大家龍年大吉，身體健康❤️

📣特別營業時間安排⏰

因公司春茗，2024年1月24日（星期三），兩間分店將有特別營業時間👨‍🍳

大埔店：
11:30 - 15:00 （3點last order）

黃埔店：
12:00 - 16:00 （4點 last order）

敬請留意👀感謝🙏

🍲冬至特別營業時間🍲

冬至大過年～聽日我哋兩間鋪頭都會早收，等同事都都可以番屋企做冬🥰

大埔店🦆：22/12 1000-1900 (堂食外賣19:00截單)
☎️ ：6765 1145

黃埔店🐓：22/12 1200-1900（外賣19:00截單）
☎️：6354 0990

各位要斬料番屋企加餸就早少少打黎訂定啦❤️

當老闆娘拆開封信個一下 真心呆咗😨😦
多謝Time Out Time Out Hong Kong 揀選我哋列入2023Time Out推介！見到個名單好多都係好有實力嘅餐廳，能夠成為其中之一感覺真係好不可思議🥹得到呢個賞識對我哋係好大嘅鼓勵❤️
承機多謝一直陪伴榕基嘅你哋🤓多謝你哋，我哋先會越嚟越多人識，多咗咁多人食啲咁麻甩嘅滷味🤨 我哋會繼續努力✌🏽

滿足大家嘅訴求🙌🏼🙌🏼成日都有人問我哋會唔會有下午茶🤨 如果食炸髀薯條食到悶，依家可以嚟榕基嘆下我哋嘅下午茶啦☕️☺️暫時會係平日2:45-5:45供應🙌🏼😁

下午茶套餐包括：
1款主食(小碗)➕3款小食➕1杯嘢飲🥰
餐牌請參考右圖👀😁

琴日啲客試過都話好抵食好味🤓你哋都嚟試下啦☕️🫶🏼

特別通知📢
三年時間好快就過去了！火炭 手撕雞店，做埋今個月底，即係10月31日就要告別大家了。
大家請放心～我們好好的❤️只係呢到租約期滿，而我哋好想搵一個更加好嘅地方，繼續將佢做好落去。(但目前還在積極搵舖中！大家如果有好介紹不妨pm我哋😂）

其實當初係火炭食物沙漠到開手撕雞店，只係一個勇字😂😂而我哋亦都冇諗過當宣布離開，大家原來係會咁不捨

趁呢個機會好想同我啲火炭姐姐講😢冇你哋就冇榕基手撕雞，好多謝你哋，好老土但係係真的
你哋每一位媽媽做嘢永遠都係咁落力，摩打撕雞，唔好睇少呢個工作，其實好難。
對啲客勁nice勁有耐性，記性，差唔多記得哂啲熟客嘅喜好，永遠勁認真好落力幫我做好每一個出品。你哋返工返到好似自己間舖咁看待，我應該係要超級好嘅運氣先會遇到你哋每一位。同你哋返工，聽你哋講下媽媽經，你哋又聽我講下拍拖經其實都好開心😂
我希望好快我哋可以再一齊並肩作戰，再一齊拍住上🙌🏼🙌🏼咁耐先可以正式咁請你哋食一餐飯，真係唔好意思😢

仲有係附近返工嘅客人、駿洋邨街坊、或者特登咁偏僻都走入嚟買嘢嘅客人❤️❤️
感激你們喜歡我哋嘅手撕雞，當初一開始經營十分十分困難，真係人影都無隻🥶甚至有啲客人可以日日都嚟食，或者隔日食，我真心佩服你哋😃😃因為連我自己都做唔到！
你哋每一位客人都係我哋好辛苦咁儲返嚟，我哋先可以好好咁渡過呢三年。所以我哋同你哋一樣都係懷着極度不捨嘅心情，不過真係要說聲再見了！

希望我哋好快可以再用一個全新嘅面孔再見大家😊😊繼續為大家撕雞🤓
感激大家對我哋嘅愛🙇🏻‍♀️🙇🏻‍♂再見️👋🏼👋🏼👋🏼

今個星期第二次😭
我哋啱啱開咗啦👐🏽🫶🏻榕基等🫶🏻

浸緊溫泉♨️
大家5:30見🤨🤨
各位出門 請注意路面安全 小心小心❤️😊
P.s 只限大埔見👋🏼😁 黃埔，火炭今天不營業

原來洗冷氣係咁洗
搞到兩三點先洗完
大家可以黎試下洗完夠唔夠凍🫨

收到好多電話打嚟問我哋有冇開門⋯⋯
唔好意思遲咗通知大家🙏🏼🥶
大埔店啱啱開返！
火炭及黃埔店休息😊

🥳千呼萬喚❗️❗️酒醉慢煮滷法國鵝肝回歸啦🥳📣
經過漫長既等待，由上年中秋節停到依家嘅招牌酒醉滷鵝肝終於回歸🥹（感動～～）抱歉一直等佢返嚟嘅客人，我知道大家真係等到頸都長🦒我都係！🥹搵貨都搵咗一年，唔係貴到嘔就係貨源唔穩定，終於比我哋搵到❗️
❗️❗️我哋終於可以宣布😭酒醉法式滷鵝肝強勢回歸啦！😭😭
之前空手而回買唔到既客人，未試過既客人，我哋都強烈推介你哋試下呢款邪惡既食物🥹因為真係超好味架～🤭
唔想黎到先知賣晒，強烈建議早啲打黎預訂🥰😻
☎️ 6765 1145

好食又有良心的拉麵店依家已經愈來愈少啦 係值得大家多啲大力支持！（老闆又好好人🫶🏻）連放係桌上嘅芽菜都好食過人😝
大埔拉麵只食佢❤️

P.s 不過可唔可以收晏小小咁der 👉🏽👈🏽🥹我哋永遠收工都係趕唔到嚟食🥵

拉麵，一定要到日本食嗎？錯啦！曾向日籍大廚拜師學藝的香港本土小店「 和拉麵 」，將日本人對拉麵的執著及堅持帶來香港，而「和拉麵」就將這份精神注入湯底之中，每日堅持用新鮮、真材實料來熬製，每一啖都可以感受到「和拉麵」對烹調時間的執著及心機！

位於大埔運頭街的和拉麵，是一家高評分、人氣本土小店，開業5年，走平實貼地路線，沒有太多花巧宣傳。每日都堅持長時間、花心機去熬製高質湯底，當中的招牌濃厚豚骨湯底就足足用上逾100條、接近50公斤豬骨熬製而成！對拉麵湯底有要求的朋友必定要一試。

除了有招牌濃厚豚骨湯底外，更有期間限定雞白湯底及龍蝦湯底，但由於老闆堅持用新鮮高質材料製作，故雞白湯底及龍蝦湯底將會不定期出現，一心想試這兩款湯底的朋友，要多來碰碰運氣啦！

【和拉麵】
地址：香港大埔運頭街20-26號廣安大廈地下J號舖
時間：每日12:00 - 15:00及18:00 - 22:30

#和拉麵 #香港小店 #本土小店 #香港拉麵
＝＝＝＝＝＝＝＝＝＝＝＝＝＝
新聞有價 記者有格 $128成長計劃
立即訂閱：https://channelchk.com/plan
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
😎Channel C 廣告推廣和媒體合作​！🤝
誠邀各商戶傾談廣告宣傳和合作推廣；
有意請電郵至：[email protected]
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由
齊柏林熱狗店送出＄50元 禮券乙張！
報料：https://bit.ly/3S3zjZy

🎊熱烈地彈琴 熱烈地唱🎊
原來唔經唔覺，我哋已經搬咗去大埔廣福道一年🥶睇番呢張相好似只係琴日既事咁

呢一年過得一啲都唔容易，但好彩一直有一班好同事好伙記同我哋一齊拍住上🥲老土啲咁講 有佢地先有今日嘅榕基。

另外仲要多謝一班大埔好街坊同埋突燈舟車勞頓入嚟支持我哋嘅客人，多謝你地既包容、耐性同埋支持❤️由開業到而家可能都有做得唔夠好既地方，但好好彩仲有你哋既提點令到我哋可以更進步🤪

所以‼️為左慶祝廣福道搬遷開業一週年‼️我哋決定由聽日起，不論堂食或外賣，只要消費滿$150，就即刻送你鵝翼及鵝掌 各一隻🥳🥳🥳🥳 （仲可以累積添）

大家快啲過黎多多支持下啦～🥳

📣～我哋請人呀～ 📣

大埔 - 待應 (兼職，全職) 可達 $18000/月
火炭 - 店務員(兼職)
黃埔 - 店務員(全職，兼職) $17000起
兼職時間彈性，各分店職位時薪$65起（視乎經驗）
全職每月6日例假，另設勤工獎，年尾業績花紅等等⋯😊

話說我哋嘅大老闆最近都好angry🥹呢排好唔夠人 好夜先返到屋企服侍佢，一返到屋企就比佢鬧🥶
嬲到佢痴線🥶🥶🥶🥶

歡迎有責任心的你加入我哋🫂就算冇經驗嘅你都唔使怕羞～😃

可以打去/ whatsapp 🔔6793 7500 / 91494707🔔黃小姐

以為好多人終於都等到唔使再戴口罩 講聲你好香港🙂
點知原來落到街9成嘅人都仲戴緊😂
遲來的自由😪不過依㗎起碼有得選擇先 你中意戴又得 唔戴又得 反轉戴都得🙃
我就唔戴啦🍃唔使戴口罩個人都好似開心啲😁😁

🚨特別通知🚨
廣福道突然發生火警，好彩消防員哥哥好快救熄左🙏

但暫時廣福道都係封左路，鋪頭暫時開唔到啦🙌大家過多陣落黎前都可以打打電話問一問我地先～

最後希望所有人都平平安安🙏

情人節點慶祝？梗係返工啦🫶🏻我嘅訴求就係返工👍🏽
見咁悶真係要搵啲嘢搞下🤨😂
我諗情侶應該唔會揀2月14情人節嚟食滷水？！🧐
如果你哋係情侶而今晚情人節都約埋嚟一齊食滷水，證明你真係好中意榕基😂😂😂😂

所以今晚情人節，我決定只要你哋係情侶👩🏼‍❤️‍💋‍👨🏽👩🏻‍❤️‍💋‍👩🏼👨🏾‍❤️‍💋‍👨🏾 我就會免費送你一碗黑糖五彩冰粉☺️☺️♥️
祝你哋以後甜甜蜜蜜♥️♥️好似碗冰粉一樣咁甜蜜🤤

兌換方法好簡單～就係用仼何形式話比我哋職員知 「我哋係情侶☺️」。咁就得㗎啦☺️係咪好簡單呢☺️☺️☺️

好想知今晚會唔會真係有情侶嚟食飯🤣🤣🤣

btw情人節快樂😍🥰🥰

話說近排睇返以前啲舊相 無意中見到 原來我哋4年前第一日接手嘅時候係咁樣🤣🤣一張櫈加一架車仔，剪啲爛紙皮寫啲價錢牌，就咁樣就開始咗…（對唔住我冇徵求你同意, 因為呢張相真係好正仲係我第一張影嘅相😬）

近排睇到好多facebook上面對我哋嘅抨擊，老實講，一開始見到係好唔開心，人哋問我點，我都係話冇乜嘢呀～～其實根本係好唔開心好有嘢
但後尾諗咗幾日又覺得..都冇乜嘢呀～同埋呢啲抨擊都不斷令我諗起舊屎💩我諗返起初初我哋接手個陣，都係比人笑～後生仔邊識做呢啲㗎～唔識斬嘢鬼五馬六之類之類；跟住去到搬細舖，好坦白講我哋頭半年都係夾硬嚟，因為完全冇做一間餐廳嘅經驗呀嘛，個時都有好多人話，嘩啲滷水冇味嘅、又唔香、差咗、難食之類。所以個時都遇到一個好大嘅樽頸位，究竟可以點樣改善得到返以前熟客嘅信心呢。到今次，我哋搬咗嚟差唔多半年，又一次機會比我聽到有好多聲音，意見，覺得我哋邊到做得唔好。服務有改善空間、咸咗、差咗，我全部一一收到，唔好嘅地方我哋改緊，亦做咗好多嘢調教中…改唔係話因為聽到人講乜我就改乜啦，改到你滿意為止。因為一百種人有一百種聲音，而係我哋自己都覺得我哋係好多地方上仲有好大改進空間，亦可能係將我哋之前一直忽略咗嘅嘢一次過執返好佢改返好佢

4年，係經營一間餐廳嚟講其實係一個好短嘅時間，可以進步可以做好的仲有漫漫長路…..一啲負皮，一啲想我哋改進，我哋真心多謝你，話比我哋知。一啲不斷狙擊咬住我哋唔肯放嘅惡意攻擊，甚至話等睇我哋執笠，我不予置評。但我只可以講我哋只會更努力。我好相信一樣野係，當你自己都覺得自己盡力做好，時間就會證明比你睇你好唔好，你哋亦會慢慢睇得到…

最近成日係到思考咁辛苦究竟係為咗乜？單純為賺錢？我諗單純為賺錢我應該揀10次都揀唔到做餐廳老闆咁虐待自己😹我諗係不捨，係堅持，係唔甘心⋯⋯？我仲思考緊😂🤣
總之，我哋唔會放棄，唔會放棄再做得好啲。
因為「呢個世界冇嘢係容易，放棄係最容易」(杰, 2019)

如果你睇哂呢篇長文，好多謝你，好多謝你仲支持住我哋。

🧧榕基 新春營業安排🧧

話咁快就又一年，多謝大家一直以黎對榕基既支持🥳 三間鋪頭係新年都有唔同既營業安排，大家記得留意下，唔好摸門釘呀👀

新一年榕基祝大家身體健康、心想事成、兔氣揚眉🐰🎊

話說唔知大家有冇留意榕基好似有個套餐永遠都係嗌唔到🥲🥲
好多客都問我哋其實係咪以後都唔會有 係咪呃人🥹😂
依家可以答你哋啦😂😂😂😂

🎊香烤焦糖滷豬頸肉 依家正式推出咗啦☺️🎊
焦糖滷豬頸肉 係計酒醉滷鵝肝之後嘅新力作😎
上個禮拜試賣咗一個禮拜👀好多客食過 都話：好正！最開心係聽到其中一個客話覺得個汁好啱香港人口味 好好食好有驚喜🥹😄😄

講返個豬頸肉先🐽每塊豬頸肉滷完之後，出餐前我哋會用焦糖係上面燒到表面焦香脆口💥🤓再配上我哋自己研究出嚟嘅酸辣汁🌶同個豬頸肉真係好夾㗎🤭
以後你哋嚟 又多個選擇啦😌😌😌不過香烤焦糖滷豬頸肉呢個餐係即叫即燒～所以每份餐製作時間都要10-15分鐘左右～唔心急嘅你下次可以嚟試下😆😆