OT. Hadeel Naser هديل ناصر- أرشاد, استشارة, علاج وظيفي

اقتراح لفيلم تشاهدوه في عطلة نهاية الاسبوع:
You're not you / כמו שאת
تم اطلاقه سنة 2014، بطولة هيلاري سوانك.
الفيلم بحكي قصة عازفة بيانو بتم تشخيصها مع مرض ALS، وصبية طالبة جامعة بتشتغل كمقدمة رعاية الها. احداث الفيلم بتتمحور حول عرض تقدم المرض والتغييرات اللي بتطرأ على حياة المريضة وعائلتها وكيف علاقتها مع الصبية اللي بترعاها بتأثر على كيفية تعيش حياتها مع المرض الغير قابل للشفاء.
خلفية قصيرة: مرض ALS هو مرض بصيب الاعصاب الحركية في الدماغ المسؤولة عن تشغيل العضلات الارادية. العوارض تبدأ في ضعف بالأطراف، صعوبة بالأكل والبلع والتنفس، ومع تقدم المرض يصاب المريض بشلل تام. معدل جيل الاصابة هو 57 (خلال سنوات عملي التقيت في مرضى اللي تشخصوا بسنوات ال 40), وممكن يعيش الانسان حتى 10 سنوات مع المرض. المرض ما اله علاج.. هو مرض بتقدم وبتفاقم مع مرور السنين ويؤدي الى نهاية الحياة.
أشهر شخصية معروفة أصيبت بالمرض هو ستيف هوكينج، اصيب بالمرض بجيل 57 وعاش لجيل 76 سنة!!! والفيلم المشهور عن حياته اللي كمان بنصح بمشاهدته هو Theory of Everything, كمان طلع سنة 2014, والفيلم رائع جدا!
بالسنوات الأخيرة عم برتفع عدد المشخصين في ALS في البلاد وكمان في المجتمع العربي, الأحصائيات بتحكي عن ما يقارب 700,000 مريض في البلاد. للأسف في مجتمعنا ما في وعي للمرض، العائلات بتخجل وبتخبي وما بتم التعامل مع المرض واسقاطاته على العائلة والمريض بشكل علاجي وصحي.
دايما بقول انه المعرفة هي جزء من العلاج، ومهم نعرف عن الأمراض المزمنة اللي بتشكل خطر على حياة الانسان على الأقل لتخفيف عنصر المفاجأة.
اذا حضرتوا الفيلم، احكولي 🙂

You're Not You Official Trailer #1 (2014) - Hilary Swank, Emmy Rossum Movie HD Subscribe to TRAILERS: http://bit.ly/sxaw6hSubscribe to COMING SOON: http://bit.ly/H2vZUnLike us on FACEBOOK: http://goo.gl/dHs73Follow us on TWITTER: http:/...

فصل الصيف فصل العطل والبحر والطفشات! لكنه أيضا فصل الحر الشديد اللي ممكن يأثر بشكل سلبي على المسنين، ركزتلكم في هذا المنشور نصائح تنتبهوا لها بالتعامل مع المسنين في محيطكم:
1. الاهتمام بتوفر مياه شرب: التعرض للجفاف خطر جدا خاصة في جيل الشيخوخة وخاصة اذا كان المسن يعاني من امراض مزمنة اضافية مثل سكري وضغط الدم. لذلك اهتموا بوجود مياه شرب في بيت المسن، اهتموا يكون في قنينة ماء او ابريق ماء متوفر بجانبهن وسهل عليهن يصبوا منه بالكاس خاصة اذا كان المسن بستصعب الوصول للبراد او المطبخ ليعبي كاسة ماء. لما تحكوا مع المسن او تزوروه اسألوا اذا شرب اليوم وافحصوا القنينة اذا بعدها ملانه.
2. اسالوهن اذا عايزين اغراض من الدكانه او الصيدلية وروحوا انتو اقضوا حاجتهن.
3. اسالوهن اذا عندهن مشوار ضروري (ممكن للدكتور او للبنك) واعرضوا عليهن توصلوهن بالسيارة عشان ما يمشوا بالحر.
4. طبختوا اليوم؟ اذا المسن/ه عايش/ه لحال/ها وفش مين يعمل عندهن اكل احكوا معهن اسالوهن اذا اكلوا وابعتولهن صحن اكل.
5. التعرض للشمس مفيد بالكمية والساعات الصح، مش الهدف نحبس المسن بالبيت بالصيف! مفضل ترتيب ساعات الخروج من البيت في الساعات اللي الشمس مش كتير حامية، مثلا قبل ال10 الصبح او بعد ال 18 المغرب.
6. افحصوا بيتهن اذا في تبريد (مكيف/ هواية)، اذا الشبابيك بتعزل الحرارة (محكمة الاغلاق، في ستائر)، اذا في حاجة لتصليح جهاز كهربائي او ماسورة مي خربانه اهتموا باصلاح هاي الأمور لنحافظ على جودة حياتهن وصحتهن.

أجدادنا وجداتنا هني زينة الحياة، الذاكرة الحية لتاريخنا والحضن الدافي لاولادنا، اهتموا فيهن وديروا بالكو عليهن ❤

كان لي الشرف هذا الشهر بالتعرف على مجموعة مميزة من النساء الحيفاويات المتقاعدات على مدار لقاءين برعاية نادي الروتاري في حيفا.
في اللقاء الأول قدمت محاضرتي الخاصة "الرفاه والترفيه في جيل الشيخوخة" وفي اللقاء الثاني قدمت ورشة لنشاطات التفكير والذاكرة باستخدام رزمة خيوط ذهنية.
شكر من القلب لجميع المشاركات على التفاعل والتعاون واللقاء الطيب، وشكر خاص للمركزة السيدة رندة بحوث شمشوم على التواصل والتنسيق ولنادي الروتاري في حيفا على الدعم والتعاون.
محاضراتي وورشاتي مناسبة لمجموعات متنوعة من جميع الأجيال والأطر، لمعلومات أكثر تواصلوا معي 😊
هديل ناصر - أخصائية علاج وظيفي
ارشاد، استشارة وورشات

أخصائيي العلاج الوظيفي العاملين في مجال الشيخوخة: ابتدأ التسجيل للورشة القادمة!
كل التفاصيل في المنشور. وممكن تتوجهولي على الخاص.

صوتي المخنوق والقحة ما منعوني أكون باستشارة عبر الزوم مع عائلة عم تتخبط بالتعامل مع أحد الوالدين اللي تم تشخيصه مؤخرا مع التسهايمر.
رح ألخص لقاء ساعة ونص بالنقاط التالية:
🧠 نقاط القوة عند العائلة:
- استعداد تام من الأبناء (بنتين وولد) لأعادة تنظيم برنامجهن وتقسيم المهام حسب الارشاد اللي اعطيتهن اياه من أجل رعاية المريض، بالأضافة لوجود عائلة موسعه داعمة.
- الأبناء متذكرين كيف كانت فترة مرض الجدة مع المرض لهيك فاهمين اهمية الارشاد ليفهموا كيف يتعاملوا مع المريض وتوجهوا لتشخيص عند طبيب مختص بالشيخوخة عالبكير لما بدأت تظهر العلامات عند الوالد.
🧠 نقاط للتحسن:
- الأبناء ساكنين بعيد عن الأهل، والمريض بحاجه لرعاية 24 ساعة لهيك بحاجة يبدأوا يهتموا بوجود مقدم رعاية دائم بالبيت.
- البلد ما فيها اطار يومي لمسنين مع التسهايمر، زي اغلب البلدات العربية، وهاد بتطلب ترتيب برنامج عمل يومي من العائلة.
- رغم التجربة السابقة مع الاجداد لكن العائلة ما عندها معلومات عن مراحل المرض وتحدياته استناداً على العلم والارشاد المهني، ولهيك الهدف من اللقاء معي هو اغلاق الفجوات وتحضيرهن للأيام الجاي.
⏳️ مضمون اللقاء- في البداية طبعا خصصت وقت للعائلة تحكي وتعبر ووجهتلهن أسئلة محددة. بعدها اعطيت شرح عن المرض ومراحله والتحديات السلوكية والوظيفية اللي بتظهر عند المريض وكيف يتعاملوا معها. ما لحقنا نخلص كل شي في ساعة ونص لهيك رح التقيهن كمان مرة.
💡النصيحه اللي اعطيتهن اياها في نهاية اللقاء:
احكوا مع بعض وادعموا بعض، عبروا لبعض عن شو بضايقكم، المرض بغير حياة العائلة كلها مش بس حياة المريض، وأهم اشي تضلوا متذكرين مين هو الأنسان اللي خلف المرض وقديش بتحبوه.
واسا وقت فنجان شاي مع نعنع وليمون 🍋

حابين تعرفوا أكثر عن مواضيع هامة في مجال الشيخوخة بدون ما تطلعوا من البيت؟
ممنونه جدا لكل التوجهات والأسئلة على الانبوكس وهذا يدل على ارتفاع الوعي في مجتمعنا! كل المعلومات متوفرة على الموقع أيضا:
محاضرتين مسجلات متوفرات على الموقع:
1. البحث عن الذاكرة: المرشد الكامل عن مرض الألتسهايمر
2. الوقاية من الوقوع في البيت: الأمان في بيت المسن
الرابط للمحاضرات:
https://www.hadeelnaser.com/%D8%AE%D8%AF%D9%85%D8%A7%D8%AA/%D9%85%D8%AD%D8%A7%D8%B6%D8%B1%D8%A7%D8%AA

بدأت سنة جديدة وبتمنى تكون سنة صحة ورفاه وسلام للجميع، سنة من العطاء ومساعدة الغير وتغيير الحياة للأفضل.
بدعوكم تتوجهولي لتعيين محاضرة/ ورشة/ علاج/ ارشاد/ استشارة عبر- الموقع www.hadeelnaser.com
او البريد الالكتروني [email protected].
تذكروا- تظهر التجاعيد حيث كانت الابتسامات 🙂

عيد.. بأي حال عدت يا عيد؟
أحبائي، أتمنى لكم ولعائلاتكم السلامة والصحة..
عسى أن تعود الأعياد على الجميع في سلام وأمان.

كمان 6 رزم خيوط ذهنية بطريقهن لعائلات يستفيدوا منهن!
الكمية اللي ضلت عندي محدودة، الرزمة غير متوفرة بأي متجر عدا عن موقعي. للحصول عليها تواصلوا معي 💕🌹

بدي مساعدتكو يا اصدقاء!
اذا بتعرفوا حدا مناسب لأحدى الحلقتين ابعتولي عالخاص:
بالأيام الحالية جاري العمل على تحضير برنامج "بلا مؤاخذه" الموسم 3، وبشمل حلقات عن مواضيع مهمة وخاصة، ببحث عن مساعدة لأيجاد مرشحين مناسبين للحلقتين التاليات:
1. اطفال (عرب) مشخصين مع توحد: منبحث عن اطفال بجيل 13-17 مشخصين مع توحد، بعرفوا انهن مع توحد، وبقدروا يعبروا عن حالهن ويشرحوا شو يعني توحد من تجربتهن ونظرتهن. ممكن يكونوا مدمجين بأطر تعليم عادي او بتعلموا بمدارس خاصة. حلقة مهمة بنظري لكسر الافكار المسبقة وتغيير النظرة المجتمعية عن التوحد.
2. أشخاص مشخصين مع حالة مرضية بتهدد الحياة: ممكن يكون نوع من انواع السرطان مستعصية العلاج، او ناس شفيوا سابقا والمرض رجعلهن، او اي مرض آخر اللي الشفاء منه مستعصي. بدنا نعطيهن مساحة يحكوا ويعبروا عم نفسهن وتجربتهن ونوثق كلامهن بحلقة مميزة.
اللي ما بعرف البرنامج، برفق رابط احدى الحلقات من الموسم السابق، والبنوتة بالبلوزة الليلكية هي بنتي رشا.
يا ريت تشاركوا المنشور، وتوجهولي لأي استفسار!
شكرا كتير

بلا مؤاخذة 2 | أبناء لوالدين مطلّقين - סליחה על השאלה 2 בערבית | ילדים להורים גרושים "كان عمري 4 سنوات مروح من الحضانة ومبسوط وبلعب بالسيارات - لما قالولي اهلي انهم بدهم يتطلقوا" اليوم سوف نتحدث للاطفال تطلقت اهاليهم!--------------• أعجبكم هذ...

تعالوا نتسلى ونشغل مخنا باحد نشاطات رزمة خيوط ذهنية:
كم كلمة بتقدروا تكونوا من الاحرف بالصورة؟
القوانين: ممكن تكَوْنوا كلمات من حرفين وأكثر بشرط انه تكون الها معنى وما تستخدموا كل حرف أكثر من عدد البطاقات اللي بظهر عليها! يعني مل حرف بس مرة واحدة ممكن يظهر في الكلمة!
حابين تحصلوا على رزمة خيوط ذهنية؟
تواصلوا معي!

متلازمة "الوهن" - Frailty Syndrome
"الوهن" مصطلح مهم ولكنه غير مفهوم بشكل كامل في طب الشيخوخة. هناك اجماع بأن ظاهرة الوهن تتطور نتيجة لأنخفاض العديد من الأنظمة الفسيولوجية مما يجعل الأنسان عالي التأثر بتغييرات صحية مفاجئة الناتجة عن مسببات جهد طفيفة نسبياً.
علامات متلازمة الوهن تمكننا من تحديد كبار السن الضعفاء. هؤلاء الأشخاص معرضين لعواقب صحية ضارة ، مثل السقوط والهذيان Falls & Delirium. تشمل هذه العلامات:
⛳ فقدان كتلة العضلات وقوتها Sarcopenia
⛳ فقدان الشهية Anorexia
⛳ هشاشة العظام Osteoporosis
⛳ تعب واعياء Fatigue
⛳ خطر الوقوع في البيت Risk of Falls
⛳ صحة جسدية سيئة Poor Phtysical Health

يمكن ان يكون المسن مستقل وظيفيًا، ولكن التقدم في مراحل الشيخوخة والأمراض المزمنة وفقدان القدرة على التكيف (بسبب الجيل)، يجعله قريبًا جدًا من تعريف ال "الوهن"، لدرجة أن تدهورًا إضافيًا طفيفًا ناجمًا عن حدث بسيط (عادةً ما يكون عدوى في المسالك البولية ، وصفة طبية لدواء جديد وما إلى ذلك) يؤدي إلى تغيير مفاجئ وغير متناسب في الحالة الصحية وينتقل الشخص من حالة استقلال إلى حالة تعلّق بمساعدة الآخرين.

💡 التدخل العلاجي:

🧭 النشاط الجسدي: خاصة النشاط الذي يدمج تمارين قوة وتوازن، من شأنها ان تحسن قوة العضلات والقدرات الوظيفية.
🧭 التغذية: أثبتت الأبحاث أن تحسين التغذية لوحده بدون دمج نشاط جسدي لا يؤدي الى تحسن في الأداء الوظيفي للأشخاص الذين يعانون من /او في خطر الأصابة بمتلازمة الوهن.
🧭 أدوية: يوجد بعض الأدوية التي تؤدي الى تأخر في تقدم متلازمة الوهن.

🌟 دور العلاج الوظيفي : دور هام في تحسين الصحة والحفاظ على جودة حياة ورفاهية المسن-
- التدخل العلاجي الذي يشمل ارشاد وتدريب لنشاطات جسدية من شأنه أن يحد من تقدم "الوهن" ومنع أصابة الشخص بأعاقة في جيل الشيخوخة.
- علاج يركز على تدريب ذهني والحفاظ على القدرات الذهنية.
- ارشاد للوقاية من الوقوع في البيت.

المصدر:
The Frailty Syndrome, Clegg A. & Young J., Clin Med (Lond). 2011 Feb; 11(1): 72–75.

حلقة برنامج بأيدك تغير عن الشيخوخة كانت حلقة مثيرة جدا للاهتمام وبتغطي الموضوع من جوانب عديدة.
اذا راحت عليكو بنصحكو تشوفوها 😉

بايدك تغيّر | الشيخوخة مع اهم المختصين والاطباء سنتحدث اليوم عن الشيخوخة، عن النمو الجسدي للبشر وعن الشيخوخة المبكرة وعن مدى تاثيرها على البشر

اللي بدور براسنا بنعكس في الكتابة وفي التدخل العلاجي!
التوثيق والكتابة المهنية تعتبر تحدي كبير لبعض الأخصائيين، خاصة في مجال الشيخوخة، احيانا بلتقي بمعالحين اللي بعملوا نسخ لصق من شهر لشهر، او بكتبوا ببساطه "فش تغيير". هاد لا يعد توثيق مهني.
لما بدنا نكتب تقرير بشمل تلخيص التقييم، الأهداف والمسار العلاجي، مهم كتير يكون شامل وعميق ومش سطحي.
"الفخ" اللي بوقع فيه معظم الأخصائيين انه بكتبوا نفس التلخيص والاهداف لعدة مرضى! مش عن قصد! أنما لأنه التوثيق بكون يفتقر للعمق والنظرة الشاملة اللي بتركز على المريض.
تجربة 20 سنة كأخصائية علاج وظيفي، كمعالجة ومرشدة ومسؤولة مراقبة أعطتني اثراء كبير في مهارات التوثيق المهني اللي برتكز على التفكير العلاجي.
أدعوكم لورشة من لقاء واحد فقط عن التوثيق في الملف الطبي من التقييم للعلاج.
كل التفاصيل في الرابط في التعليق الأول، وعلى ال bio.
لأي استفسار توجهولي.

أخصائيي العلاج الوظيفي الأعزاء،
يسرني فتح التسجيل للورشة الأخيرة لسنة 2023:
-التوثيق في الملف الطبي من التقييم الى العلاج-
الأحد، 10.12.2023, 19:30-21:00
عبر منصة زوم.
كل التفاصيل في الرابط المرفق:

الورشة القادمة | hadeelnaser صاحبة تجربة واسعة وغنية في العمل المهني في مجال الشيخوخة, اعادة التأهيل وادارة مشاريع جماهيرية. مبادرة مشروع خيوط ذهنية للمسنين في المجتمع العربي وورشة "صندوق أدوات...

💡اذا أجبت/ي "نعم" على أحد السؤالين في الصورة تابع/ي قراءة المنشور!
هل تعلم أن-
1 من كل 3 مسنين فوق جيل 65
1 من كل 2 مسنين فوق جيل 80
بوقع عالأقل مرة واحدة بالسنة في داخل البيت!
المسن اللي بوقع في البيت هو المسن اللي بعده بقدر يمشي ويتحرك!
💡شو بصير بعد حادث الوقوع؟
بتحول من انسان مستقل لأنسان عاجز بحتاج مساعدة الآخرين وبعاني من اوجاع واعاقة دائمة!
الوقاية من الوقوع في البيت ممكنة بخطوات سهلة!
⏳️ في ساعة واحدة فقط، بقدملك ارشاد كامل واضح عن اسباب الوقوع في البيت وكيفية الوقاية منه. وكمان خدمة ما رح تحصل/ي عليها بمكان آخر- نموذج تفحص/ي فيه بيت المسن في عائلتك بواسطة الأجابة عن كم سؤال! بعد الأجابة على الأسئلة في النموذج ببعتلك رسالة مع شرح عن كيفية تحسين الوقاية في بيت أهلك بناءاً على اجاباتك!
المحاضرة مسجلة، بتقدر/ي تشاهدها في أي وقت بناسبك، ورابط النموذج لفحص البيت بوصلك مع المحاضرة على البريد الألكتروني.
تكلفة الخدمة لحماية أهلك من الوقوع: 150 ש"ח!
عني: هديل ناصر، أخصائية علاج وظيفي بمجال الشيخوخة والأمراض المزمنة من سنة 2004. قدمت أكثر من 60 محاضرة عن موضوع الوقاية من حوادث الوقوع في بيت المسنين في جميع انحاء البلاد في السنوات الأخيرة.
توجهولي لأي استفسار.
رابط التسجيل للمحاضرة:
https://www.hadeelnaser.com/%D8%AE%D8%AF%D9%85%D8%A7%D8%AA/%D9%85%D8%AD%D8%A7%D8%B6%D8%B1%D8%A7%D8%AA/%D8%AA%D8%B3%D8%AC%D9%8A%D9%84falls

💡 مين هو شريك الحياة الصح؟ وشو بصير في العلاقات الزوجية مع التقدم بالعمر؟
لما تزوجت بسنوات العشرين من عمري كان جوابي على هذا السؤال مختلف كليا عن اليوم.
اليوم ما بشوف شريك الحياة هو الشخص اللي بحط تحت اسمه V على عدة بنود في قائمة محددة. تجربة الحياة أكيد بتصقل وبتغير كتير بنظرتنا لعلاقاتنا الزوجية ومفهومنا عن الحياة بعدة مستويات.
- التغييرات الفيزيولوجية مع التقدم بالعمر ممكن تأدي لفتور جنسي، نقطة ما منحكي عنها كتير لكنها مهمة جدا لأنها مرتبطه بالمشاعر والتعبير عنها. اذا العلاقة الجنسية كانت جيدة جدا بين الزوجين بجيل صغير نتيجة لاتفاق وحب وانجذاب رح يهتموا يلاقوا طرق يبسطوا فيها بعض بالجيل الكبير، واذا تعذر الاشي نتيجة حالة صحية عند أحد الزوجين رح يكون في حب واهتمام ورعاية من القلب.
- بعد ما يفضى البيت من الأولاد ويطلعوا الزوجين لتقاعد، رح 'يقعدوا بوجه بعض ويتفضوا لبعض'! هاد الأمتحان الحقيقي لكل علاقة بنظري. معظم الخلافات الزوجية بجيل صغير ممكن تتمحور حول أمور بتتعلق بالاولاد وبرامجهن او ساعات الشغل والغياب عن البيت او الوضع المادي. لما اغلب هاي الانشغالات تختفي ببين لأي درجة الزوجين بتحملوا يقضوا وقت ذات جودة مع بعض.
لما تزوجت بجيل العشرينات ما كنت أفهم كتير بعمق الآية القرآنية: " ومن اياته ان خلق لكم من أنفسكم أزواجاً لتسكنوا لها وجعلنا بينكم مودة ورحمة".. كنت أفكر زي أي شاب وبنت بجيلي اني "أحب".. بعد تجربة الزواج الأولى وتجربة حياة 'جامدة'، فهمت بعمق معنى-
السكينة
المودة
والرحمة
ولما اليوم بسألوني مين هو شريك الحياة الصح؟ جوابي ببساطة هو الشخص اللي بحس اني بدي أختير معه!
اسألوا حالكو هاد السؤال عن شريك حياتكو، واهتموا بعلاقتكو الزوجية من اليوم عشان تنجحوا تختيروا مع بعض ❤️

نصائح مهمه عن علاج الأسنان لمرضى الألتسهايمر من مؤسسة العون في الأردن.
Al Oun for Alzheimer's Patient Care Association

🌟شكرا 🌷 شكرا 🌟 شكرا
لكل شخص حصل على المرشد الكامل للتعامل مع مريض التسهايمر!
🧠 بعض ردود الفعل من المحاضرة:
" أخذت عدة نصائح للتعامل مع والدي"
" شرح واضح جدا ومهني، فهمت ليش امي هيك بتتصرف"
" توضحلي عدة أمور ونقاط ما كنت فاهمتها عند المريض"

☘️☘️☘️☘️☘️☘️☘️☘️☘️☘️☘️☘️☘️☘️☘️

كل ما تحتاج معرفته عن مرض الألتسهايمر ونصائح وارشاد للتعامل مع المريض في البيت او العلاج متوفر في محاضرة مسجلة مدتها 50 دقيقة!
🌟 عني: هديل ناصر أخصائية علاج وظيفي منذ 2004 صاحبة تجربة غنية في مجال الشيخوخة والأمراض المزمنة، مبادرة مشروع خيوط ذهنية للمسنين في المجتمع العربي.
عبر موقعي ومنصتي أعرض معرفتي المهنية لمساعدة أبناء عائلات لمرضى التسهايمر والعاملين في المجال ليتعرفوا بعمق على تحديات المرض وكيفية التعامل مع المريض.
🧠 للحصول على المحاضرة المسجلة ادخل الرابط:

https://www.hadeelnaser.com/alz%D8%AA%D8%B3%D8%AC%D9%8A%D9%84

🌟 وينتا لازم تقلق اذا حدا من أهلك نسي وين حط مفاتيحه؟
🌟 شو لازم تعمل عشان أبوك/أمك المشخص مع التسهايمر ما يطلع من البيت ويضيع؟
🌟 شو النصائح اللي بتحتاجيها لتعرفي كيف ترتبي برنامج يومي للمسن المشخص مع التسهايمر؟
المرض اللي بدق كل الأبواب بدون أي استثناء..!
من لما جدي الله يرحمه تشخص مع التسهايمر قررت انه هدفي المهني رفع الوعي في المجتمع العربي للمرض وارشاد العائلات لكيفية التعامل مع المريض، لذلك دخلت مجال الشيخوخة..!
مع ارتفاع معدل حياة الأنسان بترتفع نسبة احتمال الأصابة بمرض الألتسهايمر - الخرف، ممكن يوصل لكل بيت ولكل شخص، ويأثر على حياة كل العائلة!
في الرابط المرفق بتحصل/ي على ارشاد كامل عن طريق محاضرة مسجلة عن كيفية التعامل مع المريض بجميع المجالات: اضطرابات السلوك، مشاكل الأكل، مشاكل النوم، تنظيم برنامج يومي، اضطرابات الذاكرة وغيره، مع شرح مفصل عن المرض ومراحله وعوارضه.
أول خطوة للتغلب على تحديات المرض هي انك تعرف/ي عنه اكتر!
احصل/ي على محاضرة قيّمة مدتها 50 دقيقة بتكلفة 150 شيكل فقط، بقدملك فيها كل شي بعرفه من تجربتي الغنية في العلاج والارشاد بمجال امراض الدمنسيا.
المحاضرة مناسبة للمعالجين ولأبناء عائلات مسنين ولكل شخص بحب يعرف ويتثقف عن مرض الألتسهايمر!

https://www.hadeelnaser.com/alz%D8%AA%D8%B3%D8%AC%D9%8A%D9%84

أخصائيو علاج وظيفي بمجال الشيخوخة؟
تعالوا على الواتساب!

https://chat.whatsapp.com/LFOwoVnV03mKdB98Iv3AXZ

انضموا لمجموعة GERIATRIC O.T

مجموعة لأخصائيي العلاج الوظيفي العاملين في مجال الشيخوخة في الأطر المتنوعة, أقمتها بهدف مشاركة تخبطات وتساؤلات حول عملنا في مجال الشيخوخة من اجل الاستفادة والحصول على أجابات، وأيضا من أجل نشر لقاءات ارشاد ومحاضرات في مواضيع تتعلق في العمل.
المشاركة في المجموعة مفتوحة لجميع الزملاء متحدثي اللغة العربية. يمكن نشر اسئلة، دورات، اعلانات عمل واستكمالات.
المشاركة مجانية في مجموعة الواتساب.
المشاركة في المحاضرات والارشاد منوط بتكلفة يتم الاعلان عنها عند فتح التسجيل.
تعالوا نحكي ونستفيد ونطور مهاراتنا في العمل مع المسنين!

Geriatric O.T. WhatsApp Group Invite

كل مرة نفس الاشي، رغم انه تكرر عشرااات المرات، بس برجع كأنه أول مرة:
بنضغط قبل اللقاء
برجع على المادة
بشرب قهوة
بفتح الزوم قبل ربع ساعة وبستنى
ببدا اللقاء
وبمشي الوقت..
انتهى اول لقاء
وزي كل مرة، مع انه صار متكرر عشرااات المرات، بحس برضا وطاقة ولهفة كانها اول مرة!
بعشق العلاج الوظيفي، ومجال الشيخوخة، وارشاد اخصائيي علاج وظيفي بمجال الشيخوخة!
الحمد لله 💕

مستمرون معكم ولأجلكم...

نلقاكم الثلاثاء 31.10.2023 في محاضرة للمساندة النفسية المجتمعية
بتمام الساعة الـ 21:00 عبر الزوم
بعنوان: الشيخ والحرب ، عن الشيخوخة في زمن الحرب.

مع الدكتور سامي رحال
طبيب نفسي ومعالج بالمحادثة، مختص بالطب النفسي للشيخوخة
قسم الصحة النفسية- مستشفى الناصرة

يرجى التسجيل عبر الرابط:

https://forms.gle/rSNUFojpQdbyZfnG9

كل عام واحنا ومتعالجيننا بألف خير ❤️
وعندي مفاجأة لزملائي ⬇️
السنة منحتفل باليوم العالمي تحت شعار "الوحدة من خلال المجتمع"!
🌟 أنهيت تعليمي سنة 2004 وانطلقت للعمل من أجل النمو والتطور المهني، تنقلت بعدة مجالات عمل من اعادة التأهيل للأطفال والشيخوخة بعدة أطر من مستشفيات، عيادات، مدارس وجمعيات، وقمت بعدة وظائف أهمها الأرشاد وبناء الورشات وآخرها المراقبة على العلاج الوظيفي في مؤسسات المسنين في وزارة الصحة، وبادرت لتأسيس مشروعي الخاص وبناء أداة تمرين ذهني للكبار.
🌟 اليوم بعرض على زملائي أخصائيي العلاج الوظيفي، محاضرة مسجلة قدمتها عشرات المرات كورشة تدريبية- صندوق أدوات في العلاج الوظيفي، تشمل المضامين الآتية:
💡شرح عن مسار العمل العلاجي من بداية التقييم لتحديد الأهداف وبناء الخطة العلاجية.
💡شرح واسع عن المشاهدات والمقابلات وتحليل النشاط.
💡 نبذة عن كتابة السيرة الذاتية ومقابلات العمل.
💡أمثلة من حالات علاجية خلال كل الشرح.
لمين مناسبة؟
🌟 للمعالجين الجدد، للمعالجين اللي بعطوا ارشاد، ولكل أخصائي علاج وظيفي حابب يراجع أسس العمل.
مناسبة لجميع مجالات العمل العلاجي!!
🌟 مدة المحاضرة 40 دقيقة
🌟 متوفرة بتكلفة 50 ש"ח فقط! لمدة 24 ساعة!
للحصول عليها أدخلوا الرابط :
https://www.hadeelnaser.com/ot4u/ot%D9%85%D8%AD%D8%A7%D8%B6%D8%B1%D8%A7%D8%AA/otboxform?fbclid=IwAR3daKcHRxi3NNAlVaV6eNZ6eVT6-ZOpmxuLFKwDEO4U0iaUyAZgeY5U3cQ

كل عام واحنا ومتعالجيننا بألف خير ❤️
وعندي مفاجأة لزملائي ⬇️
السنة منحتفل باليوم العالمي تحت شعار "الوحدة من خلال المجتمع"!
🌟 أنهيت تعليمي سنة 2004 وانطلقت للعمل من أجل النمو والتطور المهني، تنقلت بعدة مجالات عمل من اعادة التأهيل للأطفال والشيخوخة بعدة أطر من مستشفيات، عيادات، مدارس وجمعيات، وقمت بعدة وظائف أهمها الأرشاد وبناء الورشات وآخرها المراقبة على العلاج الوظيفي في مؤسسات المسنين في وزارة الصحة، وبادرت لتأسيس مشروعي الخاص وبناء أداة تمرين ذهني للكبار.
🌟 اليوم بعرض على زملائي أخصائيي العلاج الوظيفي، محاضرة مسجلة قدمتها عشرات المرات كورشة تدريبية- صندوق أدوات في العلاج الوظيفي، تشمل المضامين الآتية:
💡شرح عن مسار العمل العلاجي من بداية التقييم لتحديد الأهداف وبناء الخطة العلاجية.
💡شرح واسع عن المشاهدات والمقابلات وتحليل النشاط.
💡 نبذة عن كتابة السيرة الذاتية ومقابلات العمل.
💡أمثلة من حالات عللجية خلال كل الشرح.
لمين مناسبة؟
🌟 للمعالجين الجدد، للمعالجين اللي بعطوا ارشاد، ولكل أخصائي علاج وظيفي حابب يراجع أسس العمل.
مناسبة لجميع مجالات العمل العلاجي!!
🌟 مدة المحاضرة 40 دقيقة
🌟 متوفرة بتكلفة 50 ש"ח فقط! لمدة 24 ساعة!
للحصول عليها أدخلوا الرابط:
https://www.hadeelnaser.com/ot4u/ot%D9%85%D8%AD%D8%A7%D8%B6%D8%B1%D8%A7%D8%AA/otboxform