ISHQ E ADAB
Jamal Owaisi .... a post modern Urdu poet & critic , Associate professor in Urdu , M R M College , D
Jamal Owaisi started writing from 1975 , he began writing short stories and continued till 1980 but he started composing poems and Ghazals also , now he is author of 11 books out which 08 books are based on poetry and three others are of criticism.
28/09/2024
28/09/2024
13th in the list…😊😊😊
jaane kaise log the yaad aa.e kam jaane ke ba.ad
aib saare khul ga.e marhūm kahlāne ke ba.ad
chāñd kā haala mirī āñkhoñ kā jaalā ban gayā
kuchh nazar aayā na phir tere nazar aane ke ba.ad
ādamiyat ke sabhī paimāne ho jaate haiñ paash
bhuuk aisī jāgtī hai peT bhar jaane ke ba.ad
us ne ik ik lafz kā paisa kiyā mujh se vasūl
kal kī shab mīlād meñ taqrīr farmāne ke ba.ad
maiñ ne tā-hadd-e-nazar dekhā koī monis na thā
dopahar ke vaqt barqī-mauj lahrāne ke ba.ad
جمال اویسی
dekhtā huuñ tujh ko aksar ai samundar ai samundar
jaise ho tū mere andar ai samundar ai samundar
tere tūfānoñ ne kī yalġhār chaTTānoñ pe shab bhar
shor thā bām-e-falak par ai samundar ai samundar
DhūñDhtī hai aañkh sat.h-e-āb par chehra kisī kā
tū banā de us kā paikar ai samundar ai samundar
be-karānī meñ tū apnī merī vīrānī samo le
maiñ huā huuñ phir se be-ghar ai samundar ai samundar
tīrgī kī phailtī chādar hai ham donoñ hī chup kyoñ
guuñj uTh manzar-ba-manzar ai samundar ai samundar
dekhne aayā hai tujh meñ duur se chal kar 'ovaisī'
Dūbte sūraj kā manzar ai samundar ai samundar
جمال اویسی
zindagī tere liye ḳhaak bahut chhānī hai
tū bhī mere liye ik vaj.h-e-pareshānī hai
maiñ ne bhī dekh liye naqsh-o-nigār-e-duniyā
dīdanī itnī nahīñ jitnī sanā-ḳhvānī hai
ġharq hotā huā dariyāoñ meñ sahrā-e-vajūd
be-zamīñ kartā huā chāroñ taraf paanī hai
maiñ ne māñgā thā bahut us ne diyā hai kuchh kam
faqat ikrām meñ ḳhvāhish kī farāvānī hai
vaqt ke baare meñ kab sochte haiñ ham vaise
ye tavārīḳh kā rāqim nahīñ zindānī hai
sab duā karte haiñ aur mil ke nahīñ rahte haiñ
is jahālat pe mujhe aaj bhī hairānī hai
جمال اویسی
tanhā.ī milī mujh ko zarūrat se ziyāda
paḌhtī haiñ kitābeñ mujhe vahshat se ziyāda
jo maañg rahe ho vo mire bas meñ nahīñ hai
darḳhvāst tumhārī hai zarūrat se ziyāda
mumkin hai mirī saañs ukhaḌ jaa.e kisī pal
ye rāsta hai merī masāfat se ziyāda
aa.e haiñ paḌosī mire ghar le ke shikāyat
bātoñ meñ vo talḳhī hai ki nafrat se ziyāda
ye atlas o kam-ḳhvāb dikhāte ho abas tum
http://xn--sh-ela.ir/ ko nahīñ chāhiye shohrat se ziyāda
جمال اویسی