Thekar, Diphu Videos

Meghalaya-Assam ahoi alamki kapangsamji aphan Regional Committee, KAAC atum kopi apotsi klem thekthe det? KSA A Correspondent, Diphu, Thekar, Paipai 25: Atumi Paipai 24 arni Meghalaya a Chomang atum West Karbi Anglong Tahpat Chirilangso along an vangpaksi humni Karbi ahem meh kekai kang aphuthak KSA atum ningkepung kachepaklang. Assam Minister Pijush Hazarika vang et aphi kopi apotsi pini arni lapuson soluk sodak atemon kej*p thu long bom lo pusi KSA atum arju. West Karbi Anglong lapen Meghalaya adui ahoi alamki non p**a soluk sodak amongvesi j*p bom lang, bonta Assam ratpangri lapen KAAC atum pini arni anta ahoi aphuthak kepangsamji aphan kachingki chethan ave lang mah p**a arju. La*onsi kedamtang Jangmi achiklo 17 arni Meghalaya a Chomang atum Karbi Anglong nanglutsi Taxt Gate tame phalangno tekang daklo, lapen Aru achiklo niphai 11 arni lethot ta Albertson Timung aphan Chomang atum penang an areng pa*o tekanglo. La*on thakthaksi atumi Paipai 24 arni lethot tame Karbi ahem hum ni meh kaikang lo. Arni arni tame Karbi Anglong alongle kacherai longlokji aphansi Meghalaya a Chomang atum bidilangno klem bom a*onsi do. Lasi kevangji lang arni lapuson kacharvo kave detji aphan Assam ratpangri atum prapjin pen adui ahoi along raikom saikhi ketoi aphai pebat nangji pusi KSA atum kehang pa*o. Adui ahoi keraikomji aphan Regional Committee along arpu kedo lapen KAAC atum tame sai cheklem peme nangji, Meghalaya a*or tame lapuson soluk sodak atemon kevan verve detji aphan KSA atum pen pachini lo.

Deopani forest account beat athengno ahir ingtangrak Bolero kachingkoi A Correspondent, Diphu, Thekar, Paipai 25: Borpathar Police station angkang Deopani Forest Account Beat office athengno pini Paipai 25 arni ahir ingtangrak gari kachingkoi. Birta kelong dun ateng ke, Borpathar police station kaparlo Deopani forest Account beat athengno pini Paipai 25 arni, anarlo malom ihum Nagaland Mon District pen kevang a Bolero ahir ingtangrak kachingkoi. Bangso ahoni kepho along kithi kejang abirta ave lang, gari arlo kachethap vekbang pen chenglok kachethap dun atum ahir ingtangrak areng solo p**a birta long dun. Areng keso atum aphan tongsekot seh kelangji aphan tebokhet kedo seh kelang ahem along ponsi seh lang lo p**a birta long dun. Birta ketok bom apor ahut anke gari a number lapen areng keso atum amen klardak longle lang.

Ingdeng 19 Linchika Hanthor arong Ronghang Bamon pen Ronghang ke-et kachingrum A Correspondent, Diphu, Thekar, Paipai 25: Nijang Karbi Anglong Hamren constituency kaparlo Linchika Hanthor Teron arong along Ronghang Bamon lapen Ronghang ke-et kachingrum ingdeng 19 kepleng amai pini Paipai 25 arni kangni. La*onsi Rongasar Harlongbi Teron arong along meiphu Harmon Ronghang, Mohon Teron, Secretary Robinson Ronghang atum pen patirpisi kachingrum amai ingsamjin pachun lo. Nelitum Ronghang Bamon lapen Ronghang ke-et kopi athesi kachingrum ma lake non ove kimi atum kachehang nangji aron chichini vangve det po lapen ke adon arap puseta chihumri thekthe po pu alam mathasi kachingrum amai bi lo. Lapuson chehumri thekji aphan pusi lapuson nelitum chiklo jonni pen ephong ke kai ta mai mate chingrum pen chingki chingvai bom lo pusi than.

BJP-EKADC atum Chandrayaan 3 mission kapachun aphuthak kero kipi dun A Correspondent, Diphu, Thekar, Paipai 24: Indian adet aphan thedung asai kechun kathek long pen ning arongsi pini anerlo porphai 3 apor BJP East Karbi Anglong District Committee asaihem along pherangke amai ingnisi ning karong alamthe chepaklang dun lapen Prime Narendra Modi anparta ISRO atum aphan kurvangthu pajir dun lo. Pherangke amai kangni ahut BJP EKADC ameiphu Roland Killing lapen MAC Mongve Rongpi atum kejai ke, Indian Prime minister Narendra Modi kabor-i dun ateng ISRO atum Chandrayaan-3 Chiklo along an kapale aphan kedamtang Jakhong 14 arni Chandrayaan-3 toilo. La*o ateng atumi Paipai 23 arnikangsam porphai 6:4 apor anke Chiklo along pasun dam long pamesi kemang ateng chun pame lo. India angkang along loh charli amumar lapen college heihui charli atum lapen kaprek atum TV, phone etc along kelang pen ning arong chipi dun lo. La*onsi kaprek kaprek adet atum ke India atum Chiklo south pole anatthu kapasun dam thekser apot nang manghu dun prong a*onsi do kok lo. La-an chot kali, Chiklo along Chandrayaan-3 kapaleji aphan India mate ISRO atum Sika Crore 16 atangka si padam lo. La*o ajoine non apor kethedung kethedung adet atum kosonsi nangtum lapu-an akijum atangka pen kemang mate mission kapachun unlo pusi nang arju rinti lo. Chiklo along lapuson kapasun dam adet angb**g 4 angdeng alongsi India do dun lo, lapen South Pole anatthu ke India atum hen lo kechengsi lo p**a pherangke amai along alangli tum jai. La*o akichun pen ajok India adet tame Universe along isi kethedung ajakong chelong dam lo. Chiklo along kapasun dam pen kopisi chiklo along kedo lapen ilitum monit akhei aphan kopi alesi kedojima kachiniji aphansi dam lo. La*o ateng non Chandrayaan-3 kapasun dam long pame pen ajok thedung a*on India adet atumta chini unpo p**a BJP EKADC ameiphu Killing lapen MAC Rongpi sangho atum pherangke amai along jai. Pherangke amai along BJP EKADC lamjai sarpo Selawar Bey tame chetong dun.

Lahorijan along M/s W. Bongrung Broiler Wholesaler abeha ingpusi Karbi aphan beha anatthu tovar kangpupi A Correspondent, Diphu, Thekar, Paipai 24: Karbi Anglong pen Nagaland ahoi Lahorijan along kedamtang ningkan ko-an penlone tame Nagaland pen kachekoinot Lahorijan along Karbi akhei atum beha ahin dim aklong kachelong dun pu abangke kethek longle pin lang p**e pudam det seta henone. Bonta non kethurmi ove kimi Karbi ariso jirpopo bang pli atum chelangsi amethang angb**g tangka cherungsi beha ahin kepaprang dunji aphan kekam chejor dun lo. Jirpo bang pli kachingvai ateng pen methang alongri kacheraikom dunji aphan Karbi Anglong pen Nagaland ahoi Lahorijan alongle beha klem dun lonang pu kamatha atengsi Karbi Anglong pen Nagaland ahoi Lahorijan along along amatsi isi M/S Bongrung Broiler Wholesaler pu amen che ir kulat ingpu dun lo. Alangli tum bangso abeha keklem dun pen Lahorijan along amat abangke Karbi Angb**g ke kechengsi Karbi beha keklem dun a Karbi lo p**e hok det tame kechokche kali. Nelitum bangso M/s W Bongrung Broiler wholesaler abangke kedamtang Paipai niphai pho arnisi ingpu lo, setame nonpu anta nelitum thang kasiksak abangke avelang. Methang kerengji aphan abangke Voreng anghoi det kali beha kachoklem dun penta hem rit chelang un. Lasi komatne abangphu tame bangso Lahorijan along beha keklemji aning kehang do pulote vang tame p**a pherangke atum karju ahut ningje. Bangso asai kachoklem along jasemet Lahorijan along lapuson avarsai kepek aphuthak KAAC CEM Dr. Tuliram ronghang lapen taxation department aphanta alangli tum pen kachoro pajir.

Audio viral alamki; nini police arideng chibidet aphi Lachit Gogoi aphan thana pen jail kepon Staff Reporter, Diphu, Thekar, Jakhong 25: kedamtang penang an arni Social Media achatai along kachethang plup Audio Viral alamki pen ajok kedamtang Jakhong 22 arni Moran along pen kenep dam chek Lachit Gogoi aphan nini police arideng chibi det aphi pini Jakhong 25 arni Diphu police station pen jail kepon. Lamki along kachingnangchek aphan jail kepon ahut pherangke atum athengno Lachit Gogoi kaningje atengke, alangli phan komatne abidilangno ajoinesi kenep lapen la*o along Assam arlo kethedung BJP ajabang ta kacherap dun do pusi langli Gogoi jong. La*o katarlip ahut penang an alam klang lo, la*onsi karju patertok aphan pusi All Assam Tai Ahom Students Union ajabang Basanta Gogoi aphanta Diphu Police station along hang lo. La*o ateng penang an arjikiding alangli arju patertok det aphi arnikangsam apor alangli Basanta Gogoi pherangke atum pen kachingki ahut kachethan ateng ke, lahai alam along alangli thangta kacherap dun ave lapen lahai alam thangta chini dunde pusi chepaklar lo. Lasi kevangji arni antame police atum katarlip asai along un-an cherap cheto dunji p**a alangli Basanta Gogoi ningje. Pinpurme, BJP Assam Pradesh ameiphu Bhabesh Kalita a PA tame la*o alamki along kacherap dun kedo alam honthesi pini karju patertokji aphan hang lo bonta alangli vangve det ajoine arju patertok longle det lo. Pinpur thume, kedamtang penang an arni aprang Milon Buragohain lapen Lachit Gogoi atum angb**g kachingki isi audio viral lo. La*o audio along Karbi Anglong SP Sanjib Kr. Saikia Koila atum along pen Sika lakh 12 ke-en pu akoi kipi alamsi ingdang lo. La*o ateng Jakhong 21 arni SP Sanjib Kr. Saikia pen Diphu police station along lamhoi pidam det lo. La*o ateng Diphu PS FIR no.79 date 21/07/2023 IPC u/s 120B/420/500/511 heihui a section pabon lo. La*o aphi adunthu arni mate lamhoi pidet pen akaprek arni Jakhong 22 arni Audio Viral along amen keklang dun Lachit Gogoi aphan Moran alon

Lower Amri Ingti Thengkiri arong arat thurpak pen tovar kacheselam Our Correspondent, Chinthong, Thekar, Jakhong 25: Nijang Karbi Anglong Amri Constituency kaparlo Lower Amri Ingti Thengkiri arong arat atum ratpangri aphan chonghong un-ehsi methang thurpak tovar kacheselam. Ili monit atum ajat keklem asai along pusitame tovar abang mesen kenangsot binong, keso ke-un eh kachepon pen chenglok hithi kidun, mate bepar kacho klem kachodam aphan tame tovar mesen nangji pu mathasi Nijang Karbi Anglong Amri Constituency EM D. Uphing Maslai a Constituency arlo Lower Amri Ingti Thengkiri arong, arat atum tovar kacheleng kesung kachechak nang pen kachepajokji aphan pusi tovar cheselam lo. Sonsi pini pherangke atum pen kahumri dam ahut alangli tum pen nang kachethan dun ke, kedamtang kilik apor ahut nelitum aphan ko-an ne, arleng kethe atum vang pen bangso tovar nang kaselam piji aphan nang chechak tekang lo. Non EM kikhi dun EM D. Uphing Maslai alangli tame lapusonsi nang chechak lo seta pini arni anta alangli tum kachechak alam ke thangta kepleng thek longle det lo. tovar kelongji aphan rat atumta pinpur aloh pen chenglok aphong aphong lam pen tame pachini lo seta angthek klangkle det lo. Kedamtang kilik ahut ke nang chechak lo, seta kilik jutdet aphi ke EM aphan arje anta netum rat atum ke thek longle det lo p**a rat atum ningje. Alang tum kachepuver nelitum ke Development aratpangri pu kachipu ke chetherak nangji athe non apor ahut alangli tum pusitame Social media along seta chethek long saide lo konatsi ka kachingthur ma ko-ansi kachingthurthema tame kado kave thek long prong lo. Lapuson rat aphan kapamanghu lapen kachongthui asai keklem ke chokche p**a pherangke atum athengno rat atum ningje. La*onsi, non kevangji kilik ahut ke nanglitum chematha det non, nelitum aphan ke aprangsi tovar nang selam pi detde tikke vote pi thek the lo. Nelitum inglong do phrong kelu kelom kethek kere ta ave pu amat abatai batai nelitum aphan nang ka chongthui ke kroi thek the lo pusi p

Umjakini Forest kaparlo Umpanai Beat Office asaikhi atum keplak tang kanghu athengpi kenep dun long Our Correspondent, Diphu, Thekar, Jakhong 25: West Karbi Anglong, Amri constituency kaparlo Umpanai forest Beat Office Incharge akimi Hemari Timung, M/R Borsing Teron, M/R Narvel Ingti lapen Umpanai Afforestation Range Office asaikhi M/R Longbirsing Tokbi, M/R Rahul Ingti, M/R Prodip Pator, M/R Mohori Rongphar atum chelangpet pen petroling kedam ahut aronre pen thengjangthu mate pine tree keplak kanghu athengpi kenep dun long. Bangso asai ke, Umjakini Range office a Renger Waisong Terang ingnam raikom nangji pusi along along petroling dam nangji pu alamtoi atengsi dam lo. Adim aklong an pale pen thengjangthu athengpi kerot kanghu adim pale dam lo. Haladak kapale dam ahut Machine pen kerot kanghu atum katjui amat nep longle det lo bonta kirot tang athengpi abang along along kapatu athengpi aplak, toktak lapen battam abang kb pharo isi sose an thek longsi Umpanai forest beat office Incharge Hemari Timung gari reserve e asaihem along an vang det lo. Bangso asai lake Ranger Waisong Terang lapen Umpanai Beat office Incharge Hemari atum hin hin staff atum chiroktok mate sai kacheklem pame ajoksi keplak athengpi nep dun longlo pusi Umpanai Beat office Incharge pherangke atum athengno than.

Hidipi Afforestation Range atum Van Mahotsav katalon dun Our Correspondent, Hanjanglangso, Thekar, Jakhong 6: Det adang kedamtang Jakhong 1 arni pen Jakhong 7 arni an mate hithi irui apharman Van Mahotsav arui pu kehok ateng Hidipi Afforestation Range atum penta paman dun. La*o ateng Karbi Anglong along tame KAAC Forest Department Hidipi Afforestation Range atum patirpisi pini Jakhong 6 arni Kuligaon Afforestation Sub beat along Van Mahotsav katalon amen pen thengpi aklim keron asai deng lo. La*o asai thengpi aklim keron asai along Afforestation Range, Ranger Hemokanta Ingti, Forester Dhoneswar Teron, Forester Longbir Ingti atum pen jalinsi Kuligaon sub beat Forest saikhi atum cherap dunsi rong 200 sose athengpi aklim Kuligaon ahavar arat atum aphan ron lo. Van Mahotsav katalon dun along Ranger Hemokanta Ingti tame chetong dunsi saikhi atum aphan sai keklem along aning parung dun lo. Pini Van Mahotsav katalon along keron rong 200 sose athengpi aklim tame nelitum Hidipi Afforestation Range along thengpi amu van pen parisi athengpi aklim pathe pen pini ron lo pusi Ranger Hemokanta Ingti pen nang pachini dun. Karbi Anglong ingnam thengpi thengprang aphi ong vir bom tang lo, lasi thengpi thengprang kapavirve detji aphan kado kave rat atum tame keraikomji aphansi bor-i nangji, athe ilitum thengpi thengphang ave pulote monit atum pen chenglok marat-mareng tame temon kave pen reng un-eh detji. Lasi nelitum pini bangso Van Mahotsav katalon along thengpi aklim keron an sitame methang methang ahem along che-eh dam pen pareng nangpo p**a pachini.

Longle chiri 120 kepek aphuthak KSA atum ningkangsamse kachepaklang A Correspondent, Diphu, Thekar, Jakhong 5: Pini Jakhong 5 Thelang arni KSA keklem bangphu Dorsing Terang pherangke amai kapangni. Bangso pherangke amai along alangli kejai ke, Kedamtang Jakhong 3 arni Chinthong Constituancy MAC arlo Ummat arong Ribhoi District CEM lapen Mohate constituency a MLA atum vangsi Reid Nongtung mate Kur krihini atum nang kahumri. Bangso kahumri dam ahut Chinthong Constituancy MAC Avijit Kro lapen Dongka circle Land & Revenue Mondol Bipen Bey, Umjakene Forest range Vaisong Terang atumta chetong dun. Hin-hin adilung atum chetongpetsi alomso aphan mai ingnisi chingki chingvai lo lapen bangso chingki chingvai ahut lamrai kedeng ke, Reid Nongtung mate kur krihini athre apharman longle chiri 120 pek det lo pusi pachini bonta lapuson apor ahut inut KSA keklem abangphu Dorsing Terang pen lapuson keklem ke chokche pusi jong dun lo. Bangso dam kaselamji pulote havar rat atum phanta pachini nangji p**a ningje lapen Dorsing Terang kaningje thuke, lapuson neli phan akoi ne kepi ke chokche pura asai jokji pherangke amai chepha pen kado kave alam rat athengno chepaklang lo.

Rintithe Rongmarjong ward no .7 arat pini arni anta mesen atovar chehelat dun longle lang Our Correspondent, Hanjanglangso, Thekar, Jakhong 4: Karbi Anglong chingthur p*klo pusi penang an non kachari bom aratpangri atum ningje, bonta ahokpet Karbi Anglong ko-ansi kachingthur kachingthurthe ke rat atumsi thek long lo. La*onsi ningkan pharo sose rong chokim det aphita tovar mesen ave lang. La*onsi Lakha 21 Borjan Constituency keparlo Rintithe Rongmarjong Bokajan Municipal Board Ward No 7 Ningkan 20 sose arong chokim choboche det aphita mesen atovar cheleng dun longle lang. Bangso atovar kave pen jasemet osomar atum loh kacharli kedam kevang lapen keso ke un eh kacheponji aphan anta thedung akisung chetong nang lo. Lasi KAAC EM Surjya Rongphar, KAAC CEM Dr. Tuliram Ronghang atum aphan Rintithe Rongmarjong arat kacheleng atovar prapjin pen nang selampi vek tha pusi rong arat atum choningri. Pinpurme, bangso arong ke Bokajan Town kaparlo Karbi arong kethemuchot kethek kere tame ke-ong muchot atumsi ke-onglo Bokajan Municipal Board along Vice Chairman pen chenglok penang an anong kachethang klong-klong atumta bangso arong alongsi do lo, bonta non BJP ningkan 9 ratpangri chari det aphita kachingthur dun thekthe det kopi apotma, lasi kaprek kali puseta tovar abang ke nangpi vektha pusi rong arat atum pen Karbi Anglong Autonomous Council along ajakong kedo atum aphan choningri.

Duarbagori APHLC atum pherangke amai kangni ahut alamthe arju pame si kemeji...

Mesen atovar nangselam pi nangji pusi Thengdong Hanse arong arat EM Probhat Chandro Taro aphan kachoningri A Correspondent, Chinthong, Thekar, Vosik 28: Nijang Karbi Anglong no.1 Duaramla constituency kaparlo Thengdong Hanse arong arat tovar kaheno parp*k ajok rong isi thurpak tovar kacheselam. Thengdong Hanse arong pining pen ongdung aningkan aprangsi boche sonse bom lo. Isi arong chokim chorang lo pulote kedam kevang aphan tovar, meh, lang ke akenangsot chenam. Bangso Thengdong Hanse arong arat atum pini arni anta meh, lang,tovar kemesen kave det ajok penang an kisung a*onsi charsi nang lo. Keso ki-un eh ahut tame kacharchong ponsi chepon nangver lo, lapen Meh arihing kelong dunji ke aphi alam lo ratpangri pen rihing ameh kelele pin rong atok ano tame kathe-ang dang pen kedo longji aphan pura Solar tame panongpi lo, bonta bangso arong a*or apply dun det aphi sitame long dunde pusi lamthe nang chepaklang dun. La*onsi rong isi pen kijunji a lang kachosokji adim tame along vet lapen bangso a lang ke arve ahut lote sok nosi arve a lang si kijun nang p**a lamthe nang chepaklang dun. Lasi kedam tang apor ahut an tame ratpangri atum thangnat kerap kapajir ave pin lang pusi pherangke athengno rong arat pen than nang pachini dun. La*onsi non aprang kevangji lang arni pen ke tovar, meh, lang pen chenglok kaprek kaprek a*on an tame kerap kepajirji aphansi local MAC mate EM Prabhat Chandra Taro aphan havar mate rong arat atum choningri.

Bang 300 sose Ration Card kelongle arat Nilip LAMPS kachekom dam Our Correspondent, Koilamati, Thekar, Vosik 26: Vosik niphai 26 arni adap porphai 9 apor Nilip MAC Constituency kaparlo Nilip LAMPS asaihem along ke-ongdung Online kali pu pen sang kelong dunde akorte angjir atum bang 300 sose thurpaksi Online palut serakra sang nangpi peprapnoi kali pulote angsong anta chesong dam nangkok po pusi kehang kapa*o dam. Kadure det heme-jangre, tekok tiki kecho longle, kejun longle thoi inglong arat tame an eom kecho longji aphan akerap ratpangri pen pilo. La*o aphan LAMPS ke isi kethedung a agent lo. La*on ahut LAMPS atum pensi ajahak adim along ke sang kachojor pen chenglok kalili kalang lang asai langno keklem pu alam klang lo. LAMPS ke ratchari a*ong kachelarvoi a*onsi chelar dun voi nangpo ma pusi kacheroktok arat atum arju. Nilip LAMPS ratchari ale aphan kapathep*k ajoine achetim sose kadure det, thoi inglong arat atum sang longle det ajoksi aning kekang chepaklang nangkok lo. Non kikhi bom Nilip LAMPS a chunbang Dilip Singnar kethan ke, Documents ke thon dam thai lo hadak pensi klemkle rek lo, netum ke Documents kepon atum chot. Keklem ke hadak a Officer atum p**a than paklar lo. Lasi sang kelongle arat atum karju ke, Nilip LAMPS tong kechokche ma mate Food & Civil Supply atumsi kechokche ma? Chiklo jon 9 pleng-et aphita Online kevangve det ke kopi koson lo p**a arat arju. Kechokche aling aphan ke Nilip LAMPS tame Food & Civil Supply atum non thurpaksi nang chesongji p**a chingkrin. Nilip arlo Rong asar, SGB lapen kechini muchot, kethek muchot ke ongdung Nilip arat ningje. Chiklo ejon angb**g Online nangpalutpi et thekthe pulote Nilip LAMPS a arpu amat sun-et nangji, athe nangli tum klem thekthe p**a Nilip LAMPS kachari atum aphan ther lo. Nilip arat atum lo pachetok nangkok lo lapen Nilip LAMPS ke komentu ne ta Executive metting anparta kilik tame padodesi, Selection klem chonghu bomsi arpu amokha tame chepek bom p**a Nilip arat atum jong. Social media ahongjai p

Sika Crore 48 sose raki ahormu meh keprin Staff Reporter, Diphu, Thekar, Vosik 26: Karbi Anglong District Diphu Police station angkang Diphu-Manja atovar atovar 7 mile along kedo Itta Bhatta along pini Sika 48,40,05,900 anam a raki ahormu meh keprin. Vosik 26 arni Iinternational Day Against Drug Abus & illicit Trafficking arni pen pachetonsi NOPS ACT 1985 ateng pen Narchotic Drugs/ Psychotrophic ahormu kaphalanngno. La*on ahut Karbi Anglong District arlo tame state pollution Control Board atum pen lamthe en pamesi Diphu-Manja atovar 7 mile along kedo Itta Bhatta ongdung raki ahormu phalangno lo. La*o ahut He**in lin 11.262, G***a lin 1718.784, O***m lin 66.568, Crystal @Syabu (Methamphetamime) lin 5.238, Morphine lin 0.949, B Cough Syrup b**g 358 lapen tablet mu 85068 an meh prin lo. La*on Bokajan GRP pen He**in gram 585.99, G***a lin 15.142 tame thor lo. Pini meh keprin et raki ahormu an anam kado kave pangrumpet Sika 48,40,05,900 (Forty eight crores forty lakhs five thousand and nine hundred) atangka do pusi than lo. Lahai drug ke kaheno dak ahormu binong, jongjung aok apran aphanta thedung kanahok do lapen hemtun anparta hamphang aphanta kaheno thedung khangjang. Lasi ove kimi atum lahai raiki ahormu pen chepahelo vek nangji pusi ongdung raki ahormu meh kiprin along kachetong dun ajakong kedo atum jai. Iinternational Day Against Drug Abus & illicit Trafficking arni pen pacheton dunsi He**in lin 11.262, G***a lin 1718.784, O***m lin 66.568, Crystal @Syabu (Methamphetamime) lin 5.238, Morphine lin 0.949, B Cough Syrup b**g 358 lapen tablet mu 85068 an dak Diphu-Manja atovar atovar 7 mile along kedo Itta Bhatta along Sika 48,40,05,900 anam a raki ahormu meh keprin asai deng lo pusi Karbi Anglong District a Superintendent of Police Sanjiv Kr. Saikia pherangke atum pen kachingki ahut ningje.

72 angdeng KAAC mahang kethek arni aprang jong Tari adong arat thurpak si tovar kacheselam Neli JCB chenam lote nanglitum atovar nang selam pipo pusi MAC Johnny kachechak Our Correspondent Diphu, Thekar, Vosik 22: Karbi Anglong Autonomous Council kaparlo angb**g lakha 18 Lumbajong constituency henlo armu aphai ke-ongnei lo anparta Karbi Anglong ahempi Diphu rongsopi ke Lumbajong arlo si kedo. Lumbajong constituency angkang Tari adong mate Mijung kedam atovar pini arni anta kemesen atovar cheleng dun longle lang. Isi ahavar kachingthur lake chokam amo pen danglok kenangsot asaimo kepachingthurji aphan tovar, meh rihing, kijun alang, mesen tokbor ahemtun avarmon, ok-pran aphan seh kachelang ahem hospital heihui ratpangri pen kedeng kenangsot. Lahai akrong paprang lote pulote isi ahavar kachingthur pu hok unji. Karbi Anglong lapen West Karbi Anglong atok ano ko-ansi kachingthur ma puke kado kave ta thekprong lo. Karbi Anglong Autonomous Council CEM Tuliram Ronghang kejalin aratpangri pen kapangdak Monsam lapen Kachingthur (Peace & Development) aphuthak ko-ansi ahokpet kachingthur asai amo angthek do loma pusi hala*o ahavar atum arju? Jongdamme, KAAC lakha 18 Lumbajong kaparlo Karbi Anglong ahempi Diphu rongsopi adunghet kedo Mijung, Tari Adong, Arlong Pharla, Lang-etsi, Kathe Bajong, Langkaijan, Pranpri, Klurdung atalom arat arnivang si Diphu rongsopi ahithi kevang-kedam. La-an chot ta kali Diphu Municipal Board kaparlo ke-ongdung ahemtun atumke inglong ahan parvo la*o ahavar pen kevansi kachonam dun aphai ke-ong. Lasi la*o ahavar pen arnivang si Karbi ajutang pen kacheraplok ahan parvo amokha do-an halapu ahavar pensi padorplup ateng lo. Arnivang kacheleng kisung pen chepajokji pura ingdeng 72 Karbi Anglong Autonomous Council arni aprang Vosik 22 arni rat thurpaksi tovar kaselam. Lahai kachingthur asaimo KAAC Team Karbi Anglong kejalin atum abirta nang en-eh aphuthak hala*o ahavar ningduk chipi. Lahai ahavar kedo arat a*omar aphan akangtui muchot angdeng loh ka

Ningkan 5 apharman Bhoksong LAMPS kilik BJP atum kachepahai A Correspondent, Diphu, Thekar, Vosik 20: Nijang Karbi Anglong lakha 1 Duaramla Constituency kaparlo Bhoksong along kedo Bhoksong LAMPS ningkan 5 apharman bangphu-phi kangvai asai Vosik niphai 18 arni pado lo. Bangso kilik along kado kave bang 29 abangphu/bangphi atum pen chedan dun lo. La*onsi Unreserved category bang 24, Women category pen bang 3 lapen ST/SC category pen bang 2 an LAMPs kilik chedan dun lo. La*o angb**g pen kechengsi Jawlin Marak 171 vote pen chepahai lo. La*on thakthaksi Bihusing Teron 170 vote, Bimal Basumatary 165 vote, Dhantu Bora 164 vote, Sanjit Teron 162 vote, Mojasing Teron 161 vote, Chandrasing Teron 157 vote, Maising Tisso 156 vote, Sar im Senar 155 vote, Sanju Mandal 155 vote, Ranjit Amsong 151 vote lapen Pasugopal Sarkar 142 vote chepalongsi Bhoksong LAMPS bangphu/bangphi kangvai kachepate along chepahai lo. La*onsi bangso LAMPS bangphu/bangphi kangvai kehai angthek klangdet kachepahai dun atum aphan lakha 1 Duaramla Constituency MAC anparta KAAC, EM Probhat Chandro Taro arideng pen Karbi poho pen kehai atum aphan archosi ingsamjin pen LAMPS kilik asai pachun lo.

Tovar-dolong kaselam kasa-oi aphuthak Borlangpher arat ningkangsamse kachepaklang A Correspondent, Diphu, Thekar, Vosik 20: Angtan pen kevang keche kebe akhei atumsi Karbi Anglong vangsi thedung thedung mate kuti kuti a Contract nang klempen Karbi Anglong arat aphan langplot si sai keklem pi nangji ateng klempi ponpe det. La*onsi Lakha 18 Lumbajong MAC constituency angkang Borlangpher town committee keparlo Central scheme pen kuti kuti atangka nang palesi 2018-19 dihin aningkan apharman Tender hang pen piponsi asaita pangcheng ponphitlo. Bangso atovar lake kilometers 15 an ajak keding Garampani pen pangcheng ponsi Borlangpher ahithi hat pon petsi ha Khanggar Basti an kaselam ponji aphan order aloh piponlo lapen la*o ateng pensi asaita pangcheng ponlo bonta isi manghu meme lapen ningduk meme alam abangke tovar kaselam nangji ateng pen selam ponpe lapen lang kepaliji aphan Drain mate nordong aphan ta thikpon pedet ajok tovar anta langbung langplet saide p**a rong arat atum pen nang pachini dun. Anparta halapu non kaselam bom adolong ta kaselam nangji ateng pen selam ponpe atheke dolong anujok hong throk kaselam nangji adim hong phli selam ponchot la*on pulote labangso adolong adin kedam ohji kali p**a hadak kedo cheroktok arat atum pen nang pachinidun. Labangso adolong non dolong kaselam site bam mate border pitching kepi mate kaselam pon sita tangte ako pen ingrei ponlaplo. Lasi prapjin pen Contractor Babul Nath amethang asai keklem kepamepon senji lapen kepatang pon serakji aphan si hadak kedo cheroktok arat atum pen choningri padopon. Anparta keklem pon nangji ateng pen kepaklem ponji aphanta Karbi Anglong Autonomous Council (KAAC) kechari kethe keding atum mate jasemet pet local MAC J***y Timung alangli sitame kelangdun akenangsot p**a hadak kedo arat atum pen nang pachinidun. Anparta kaselam nangji ateng pen selam ponpe lapen kepatang pon nangji ateng pen patang ponpe pulote sodak pen chesong ponji lapen asai sitame pangton ponkokji p**a hadak kedo cheroktok ar

SIU aphuthak kado kave pachun po: CM HBS Staff Reporter, Diphu, Thekar, Vosik 17: Atumi Vosik 16 arni Diphu angkang 5 Mile Nihang Rongkethe along kedo SAI Sports Complex along PM Narendra Modi kejalin BJP kachari ningkan sirkep kepleng amai along alohi sarpo aman pen Assam Chief Minister Dr. Himanta Biswa Sarma chetong dun. Mai jut det pen pherangke atum pen kachingki ahut Assam Chief Minister Dr. Himanta Biswa Sarma kaningje ateng ke, Staff Inspection Unit (SIU) akisung do-an tame non neli dampo pachun dam phit po pusi alangli ningje. Alangli kaningje thuke, la*o akisung do bom pu alam nonhetjongsi neli kachini lang, la*o ateng non ke neli chini lo, lasi SIU ajoine kisung do-an tam pachun po p**a alangli ningje. Pinpurme, kedamtang arni tame alangli SIU ke Brahmaputra alongroi along var damphitji pusi ningje tekang lo. Seta Brahmap**a alangroi lang kangbak kebatp*k ajoine alangli adung dam haihe det ajoine SIU tame varve det lo. Sixth Schedule District arlo kedo Council aphan SIU parlo ponpe det nangji pusi penang an kehang pa*o lo. Hala*o ahutsi SIU kapavirji alam alangli CM HB Sarma ningje tekang. Pinpurme, SUI approval jongsi chokche pulote Council atum pen mate state pen a chokamar pusita bainong longle. La*o ajoine SIU kachepachok damji aphan Council arlo keklem chokamar atum anuttinta thedung akisung do. Atumi tame CM arideng TET thanbang atum SIU ajoine bainong kelongle det alam heihui jong dunsi pinpur aloh pajir dun lo. Pinpurthume, non alom TET thanbang angb**g penang an kithirthip thanbang keman atum SIU cheklem bom a*onsi thek long. State along SIU kapachun asai kanglen hui ajoine thanbang atum tangka kedam pen chenglok kaprek kaprek katora nang klang lo.

Padma Shree Rongb**g Terang ahem Assam CM H.B Sarma kahumri dam Our Correspondent, Diphu, Thekar, Vosik 17: Atumi Vosik 16 arni Padma Shree Prof. Rongb**g Terang ahem mate a library along Assam Chief Ministre Dr. Himanta Biswa Sarma kahumri dam. BJP ratchari a*ong atum pen non kevangji 2024 lok sabha kilik aprang Jan Sampark Abhiyan ateng pulote, State arlo, district arlo kedo song ajabang atum rat atum ahem ahem damsi chingki chethan dam nangji. La*o kachingki chethan dam ahutsi BJP atum kedamtang kachari ahut akeme keklem asai amokha tame rap aphan than pachini nangji. La*o atengsi Assam Chief Minister Dr. Himanta Biswa Sarma tame Assam angkang jasemetpet Karbi Anglong arlo anong kachethang klong tokbang Padma Shree Prof. Rongb**g Terang ahem humri dam lo. La*o ahut CEM Dr. Tuliram Ronghang kejalin KAAC pen kikim kerangpi Library tame CM HB Sarma lang tekang lo. La*o ahut tokbang lapen CM angb**g penang an ardi kedo alam chingki chethan lo. La*o kahumri dam ahut Karbi Anglong Autonomous Council a CEM Dr. Tuliram Ronghang pen chenglok kaprek kaprek man kedo song klembang atum chetong dun. Birta kelong dun ke, Jan Samparka Abhiyan ateng, BJP ajabang lapen kethdung arpu kedo atum tokbang, pherangke anparta la*onsi hamphang a*ong ajabang atum along chenglok kachari along kave a*ong mate opposition ajabang atum along tame damsi chingki chethan dam nangji.

Elias Rongphar amethang ahem kachevang serakji aphan achor Jiliki Teronpi kachoningr iA Correspondent, Hanjanglangso, Thekar, Vosik 17: Lakha 22 Sarupathar MAC Constituency kaparlo Senso Bey arong ameker Kt. Bapu Rongphar a*opo Elias Rongphar (42) lapen ahempi kedo ke lakha 3 Dilaojan pusi pherangke amai along Jiliki Teronpi pachini. Juliki Teronpi pherangke amai pen kachoningri ke, Elias Rongphar alangli nahokle do sitame prapjin pen amethang ahem kachevang serakji aphan choningri lo. Adunthu, alangli Somar bang hini do alangli phan kachingtung kachar-i p*k ajok chothekthe jun thekthesi do lo. Kaiketa po pusi nang chirikong lo anparta ne po konatlo? pusi kaike ta arju ver lo. La*o along ne asarpi abang kopi alamvoi si pidun poma mate kopisi than poma pu kamatha ningduk mekri bu prub lo t**i pusi pherangke amai along Jiliki Teronpi chepaklang lo. Lasi nahok le do seta nang somar atum aphan chematha pen puthot hem kachevang serakji aphan achor Jiliki Teronpi pen Elias Rongphar aphan choningri.

Chokihola Higher Secondary School along Yoga kapaman Our Correspondent Diphu, Thekar, Vosik 15: Non kevangji Vosik 21 arni ke International Yoga Day lo. International Yoga arui apharman pacheton dunsi Chokihola Higher Secondary School alongta CRPF Chokihola Camp atum patirpi si International Yoga Day talon dun. Sonsi jaimek ateng pen adap porphai 8:30 apor pen International Yoga Day katalon asai pangcheng lo. Labangso International Yoga Day ketalon along Chokihola along kedo CRPF aboha saiphu, saikhi atum pen chenglok Chokihola Higher Secondary School thanbang do an lapen charlitum cherap cheto dunsi Yoga Day mesen pen pachun lo.

Visit for full video @ https://youtu.be/I86-0gsS_Rc

Karbi Anglong Labour Union District committee arpu kimi kachepek A Correspondent, Diphu, Thekar, Aru 31: Pini Aru 31 arni Karbi Anglong Labour Unoin ansose keklem kedam kemeji lapen song la-an sose kapangtang thekji aphan pu mangsi KALU central committee pen patirpisi Diphu District committee along meiphu Longsing Kramsa, chunbang arpu Barwel Tokbi lapen kaprek bangkre-isi atum aphan chedonsar pen kaprek kaprek arpu anparta bangphu pek KALU district committee parj*p lo. Karbi Anglong District along hong pen kevang keche a*o atumsi aning hang aling klemjam damjam ajok ladak kedo prong Karbi arat atum kachongdat avarsai chepang bo nanglo. Bangso ajok sonsuri akisung le chetong nang pusetame angtan bang alongri an chongdat dam nangkok lo. La*o ajoine kopai kelangno angtan kachongdat dam adim along kithitang arpum kachevan nang tame penang an dolo. Lasi labour union ingtangkring pen chari lo pulote lahai akisung pen jok unji lapen methang Karbi atum angtan dam jokplot pen dak methang alongri arlo kachongdat avarsai longji pu mathasi labour union ansose kepangtang thekji aphan arpu kimi chepek lo pusi mai along kachetong dun atum pen pachini. Arpu kimi kachepek amai along KALU central committee ameiphu Mensing Rongpi, Dihin chunbang Sunil Tisso, KALU West Karbi Anglong District ameiphu Manas Kramsa, ILO ameiphu Bidyasing Rongpi lapen chunbang Andrew Timung anparta kaprek kaprek man kedo atum chetong dunsi kachili avepinsi district committee kapachariji aphan chedonsar pen bangkre isi arpu kimi pek lo.

Thanbang Khogen Teron alar akaprek si nangji pusi Ingti Thengkiri arong arat kachoningri A Correspondent, Chinthong, Thekar, Aru 29: Nijang Karbi Anglong lakha 2 Amri Constituency arlo Engti Thengkiri arong along Engti Thengkiri LP school than bang Khogen Teron kethan ahok kave det ajoine hadak arong arat lapen SMC ameiphu atum pen thanbang Khogen Teron aphan ke nangne lo akaprek a thanbang si nangtoi nangpo pusi kachoningri. Alangli bangso a School along loh kethan kecheng pen pini arni anta osomar atum ladak kacharli chepatang pen angdeng kangtui karlu dun pu aosomar ave pin lang pusi rong arat atum than.Alangli school along kachedam tame ahok-he kedamde apor ongmunak lapen dam chit ahutta osomar atum aphan loh than pameme. La*o ajoine osomar kapanahok athanbangsi alangli ke man det lo. Lasi Khogen Teron aphan ke netum arong a school mate Engti Thengkiri LP school along nangne lo pusi Karbi Anglong Autonomous Council a CEM lapen KAAC Education EM Richard Tokbi atum aphan rong arat atum pen choningri.

Tovar kaselam along nang cherap dunde pulote Tarapung BJP Local Committee atum kaprek akrong matha nangkok po A Correspondent, Deihori, Thekar, Aru 11: Aphong Aphong birta alamsai along birta pachetak det aphi tame matha ponpe pulote kaprek akrong chetevar nangkokpo pusi Upper Tarapung BJP local committee ajabang Rajen Teron lamthe chepaklang. Tarapung pen Dolamara adak atovar kaselam along KAAC kachari atum nangrap dun vek nangji pusi Tarapung ahavar arat atum choningri. Tarapung ahavar arat kedam kevang akisung thep*k pu Tarapung BJP Local committee atum chinisi Tarapung pen Dolamara adak atovar puthot kaselam thuji aphan rong asar Rajen Teron mate Upper Tarapung BJP local committee ameiphu pen patirpisi Tarapung ahavar arat aphan pangrumsi chingki chethan lo. Lakha 25 Nilip constituency kaparlo Upper Tarapung, Lower Tarapung BJP local committee meiphu, chunbang pen chenglok rong arat lapen kaprek kaprek a*ong atum tame bangso amai along chetong dunsi chekroisar lo. Lasi Karbi Anglong Autonomous Council a CEM Dr. Tuliram Ronghang anparta teams Karbi Anglong along kedo-an EM, MAC atum bangso aphuthak ardi kepiji aphansi Upper Tarapung ahavar arlo kedo-an arat atum birta alamsai pen choningri lo. Upper Tarapung BJP local committee ameiphu Rajen Teron pen Tarapung ahavar arat along lamthe kejai ke, jongsi Tarapung pen Dolamara adak atovar kaselam along KAAC kachari atum nang cherap cheto dunde det puloteTarapung ahavar arat ke kaprek asai tame deng nangkok po pusi klardak ningje. Tarapung BJP Local committee ameiphu Rajen Teron rong asar pen kaningje ko-an ahok bangso alamthe lake mo kelik ahut anke rat atum pensi ingsai po p**a pherangke athengno lamthe chepaklang.

Aru 11 angb**g Fast food kachobi atum kacheterekji aphan DMB lamtoi kipi Karbi ariso atum Fast food akulatso kachobi adim kave ajok kaningri A Correspondent DIPHU, Thekar, Aru 10: Kedamtang Jangmi 24 arni Diphu Municipal Board a chairman akut along mai kangni ahut Karbi Anglong ahempi Diphu rongsopi ahithi atovar kejokvan aphan cherai lo. Bangso kacherai ateng Town Police Outpost athengno M.G atovar pen lang-ok ahithi along an ni ni angb**g kacheterek etji aphan kedamtang Aru 8 arni Diphu Municipal Board pen no. DMD/W/MDM/2019-20/13/528 dated Diphu 08.05.2023 arni lamtoi pilo. La*o alam ardi kipiji aphansi Diphu Municipal Board pen fast food kachobi atum aphan sodak pachini lo. Karbi Anglong ahempi Diphu rongsopi ahithi Town Police Outpost athengno mate arum kedo MG atovar pen kacheterek nangji pu aphuthak fast food kachobi atum kaningri hangjo. Kulat kachobi dim klong keme do-anke keche kengsang a*o atumsi cherai et lake maduta thekprong alamlo. Kulat kangpu kachobi licence dolone ave lone bonta amensi Diphu Rongsopi pujongchot thedung-thedung akulat pen chenglok ha kulatso anta keche a*o atumsi nang cherai et. Karbi ariso-ejang atumta anuttin ke voreng long petpe lasi bang kaprek aphan choton ding desi methang kengtong kacharj*pji aphan bor-i si tovarpi akung Diphu Town Police Outpost arum malom fastfood, lang kangsam lapen kaprek-kaprek a*on chojor cholan dunsi Sika isi hini atangka chopangrum dun rintilo. Diphu Municipal Board pen notice paklangsi Diphu MG atovar akung kedo-an akulatso nini angb**g cheterek et nangji pu lamtoi kipi ajok konatsi dojima dam jima pu ning cheparunhup alamthe pherangke athengno nangpachini dun.

AAP Karbi Anglong aro penta MP kilik along kachedan dunji aphan kachesik https://thekar.in/?p=9745

Duarbagori angkang JJM pen 10 project kaselamji aphan ALA Deputy Speaker Dr. Numal Momin long-eh kesom https://thekar.in/?p=9592

Meghalaya kedai kedo kisung kepho arat atum pinpur aloh pen kisung alam CEM aphan kachethan https://thekar.in/?p=9465