स्वामी विवेकानंद विद्यामंदिर, दत्तनगर - डोंबिवली

राष्ट्रीय शिक्षण संस्थेच्या स्वामी विवेकानंद विद्यामंदिर दत्तनगर, डोंबिवली,माध्यमिक शाळेमध्ये स्पर्धा परीक्षा व करिअर या विषयाचे व्याख्यान संपन्न झाले.
राष्ट्रीय शिक्षण संस्थेचा नेहमीच आग्रह राहिला आहे की प्रत्येक विद्यार्थ्यांचा सर्वांगीण विकास व्हावा यासाठी आपल्या स्वामी विवेकानंद विद्यामंदिर दत्तनगर माध्यमिक मध्ये करिअर मार्गदर्शन विषयी व्याख्यानांचे आयोजन करण्यात येते. नुकतेच ध्रुव नॉलेज अकॅडमी चे अध्यक्ष व संचालक श्री .विनोद चंद्रकांत देशपांडे यांनी स्पर्धा परीक्षा व करिअर या विषयावर व्याख्यान दिले.
यावेळी शाळेच्या मुख्याध्यापिका सौ. सुलभा बोंडे यांनी श्री. विनोद देशपांडे सरांचे पुष्पगुच्छ व भेटवस्तू देऊन स्वागत केले.
यूपीएससी सारखे स्पर्धा परीक्षा देण्यासाठी दहावीपासून कशाप्रकारे तयारी करावी. त्याचबरोबर ही स्पर्धा परीक्षा दिल्याने कोणत्या क्षेत्रामध्ये आपण करिअर करू शकतो याचे मार्गदर्शन श्री. देशपांडे सरांनी केले. याचबरोबर गुणवत्ता ही तर महत्त्वाचे आहेच परंतु मेहनत ही देखील तितकीच गरजेची आहे सांगण्यासाठी त्यांनी काहीविद्यार्थ्याचे उदाहरणे दिली.
यूपीएससी परीक्षेमधील अनेक प्रश्न हे शालेय अभ्यासक्रमातील पाचवी ते बारावीच्या अभ्यासावर आधारित असतात. त्यामुळे पाचवी ते बारावीचा सखोल अभ्यास केल्यास यूपीएससी परीक्षा देणे सोपे जाते असे त्यांनी म्हटले.
अभ्यासाबरोबर चिकाटी देखील आवश्यक आहे व सातत्य असावे. यूपीएससी ची पूर्वतयारी म्हणून विद्यार्थ्यांनी आत्ता रोजचे वृत्तपत्र वाचन विविध माध्यमातून बातम्यांचे आकलन करून घेणे राष्ट्रीय घडामोडी यांची माहिती ठेवावी असेदेखील सांगितले.
सरांनी बाबा आमटे यांचे उदाहरण देताना त्यांनी स्वतःच्या भीतीवर कशाप्रकारे मात केली हे सांगितले.
यावेळी विद्यार्थी व पालकांनी आपल्या यूपीएससी व एमपीएससी परीक्षेसंदर्भात शंका विचारल्या. त्यांचे निरसन श्री. देशपांडे सरांनी केले
यासाठी मुख्याध्यापिका सौ.बोंडे मॅडम व पर्यवेक्षिका सौ. दौंड मॅडम यांचे मार्गदर्शन लाभले.
व्याख्यानाला इयत्ता दहावी व नववीचे विद्यार्थी , तसेच पालक प्रतिनिधी उपस्थित होते.
व्याख्यानाचे सूत्रसंचालन शाळेतील शिक्षिका सौ. सावंत यांनी केले पाहुण्यांचा परिचय श्री.संदीप भावे यांनी करून दिला. तर तयारी सौ. छाया भालेराव व श्रीमती आशा वळवी मॅडम यांनी केली.

दिनांक 3 ऑगस्ट 2024 शनिवार राष्ट्रीय शिक्षण संस्था संचालित स्वामी विवेकानंद विद्यामंदिर दत्तनगर माध्यमिक, डोंबिवली येथे रांगोळीच्या माध्यमातून दिव्यांची सुंदर आरास मांडून दीप अमावस्या साजरी केली गेली . तमासो मा ज्योतिर्गमय !दिवा हा मांगल्याचा ,समृद्धीचा आणि चैतन्याचा प्रतीक मानला जातो. धार्मिक मान्यतेनुसार अंधारातून प्रकाशाकडे जाण्याचा दीप पूजन हा एक मार्ग आहे.
शाळेच्या मुख्याध्यापिका मा. सुलभा बोंडे ,पर्यवेक्षिका मा.सौ जयश्री दौंड, शिक्षक व शिक्षकेतर कर्मचारी यांच्या हस्ते दीपपूजन केले गेले .विद्यार्थ्यांनी श्री सूक्त ,गणपती स्तोत्र व शुभंकरोती स्तोत्र म्हणून दीप पूजन केले. इयत्ता पाचवी ते दहावीच्या विद्यार्थ्यांनी आपल्या वर्गासमोर देखील दीप पूजन करून रांगोळी काढली होती .
सर्वांच्या आयुष्यातील अंधकार नष्ट होऊन ज्ञान ,आरोग्य, ऐश्वर्य,शांती व सौख्याचा प्रकाश जीवनात अविरत प्राप्त होऊ दे हीच प्रार्थना स्वामी विवेकानंद दत्तनगर माध्यमिक शाळेच्या विद्यार्थ्यांनी दीप अमावस्येच्या प्रसंगी केली. तसेच ऑलिंपिक मध्ये भारताला भरघोस यश , पदकेमिळावे अशी प्रार्थना देखील विद्यार्थ्यांनी केली

नमस्कार.
राष्ट्रीय शिक्षण संस्था , रेझिंग ए मॅथेमॅटिशियन फाउंडेशन व रोटरी क्लब ऑफ डोंबिवली सनसिटी यांच्या संयुक्त विद्यामाने शालेय विद्यार्थ्यांसाठी गणित विषयासंबंधित 'मॅथ्स सर्कल' या उपक्रमाचा तिसऱ्या वर्षाचा शुभारंभ नुकताच राष्ट्रीय शिक्षण संस्थेच्या डॉ. हेडगेवार सभागृहामध्ये संपन्न झाला.
यावेळी संस्था अध्यक्ष श्री. संजय कुलकर्णी व मॅथ्स सर्कल उपक्रमाच्या संयोजिका व संस्था सदस्या डॉ.सौ. सरोज कुलकर्णी, रेझिंग ए मॅथेमॅटिशियनचे सहसंस्थापक श्री. विनय नायर , संस्था सदस्य श्री. प्रकाश म्हात्रे , श्रीप्रसाद तांबे हे उपस्थित होते.
कार्यक्रमाचे प्रास्ताविक करताना संस्था अध्यक्ष श्री.संजय कुलकर्णी यांनी शालेय विद्यार्थ्यांचा गणिती अभ्यास करताना बुद्धीचा कस वाढविण्यासाठी हा उपक्रम सुरू करण्याची कल्पना सुचली असे म्हटले. गेली दोन वर्ष हा उपक्रम चालू असून यंदाचे हे तिसरे वर्ष आहे असे सांगितले. त्याचबरोबर रोटरी क्लब ऑफ डोंबिवली सनसिटी यांचे सहकार्य व रेझिंग मॅथेमॅटिशन ची टीम यांच्यामुळेच हे शक्य झाले. गणितातील अमूर्त संकल्पना स्वतः कशाप्रकारे सोडवून गणित ऑलिंपियाड पर्यंत मजल मारून पुढे गणितज्ञ होण्याच्या दृष्टीने विद्यार्थ्यांनी प्रयत्न करावे अशी अपेक्षा त्यांनी व्यक्त केली.
यावेळी कार्यक्रमाच्या संयोजिका डॉ. सौ. सरोज कुलकर्णी यांनी म्हटले की गेली दोन वर्षे मॅथ्स सर्कल या उपक्रमामुळे यंदा त्यामधून बारा विद्यार्थ्यांचे गणित ऑलिंपियाडसाठी सिलेक्शन झाले आहे. हेच या उपक्रमाचे यश म्हणावे लागेल.
रोटरी क्लबचे माजी प्रेसिडेंट श्री.संतोष नंबोद्री यांनी गणित हे अतिशय महत्त्वाचे असून गणितातील उदाहरणे सोडवून त्यातून शास्त्रज्ञ घडवण्याची रोटरी क्लब ची इच्छा असल्याचे म्हणाले.
रेझिंग अ मॅथेमॅटिशन या संस्थेविषयी माहिती देताना संस्थेचे सहसंस्थापक श्री.विनय नायर यांनी अकरा वर्षापूर्वी या संस्थेची डोंबिवलीत स्थापना केली असून 15000 पेक्षा अधिक विद्यार्थी यामधून पुढे गेले आहेत. गणित शिकण्यासाठी संयम बाळगावा लागतो. या उपक्रमातून विद्यार्थ्यांना नवीन प्रश्न कसे सोडवायचे याची क्षमता विकसित होण्यास मदत होणार आहे.
यानंतर श्री.केदार पेणकर यांनी मुलांमध्ये या उपक्रमामुळे सभाधिपणा निर्माण होतो व शाळेबाहेरील विद्यार्थ्यांबरोबर गणिते सोडवण्याचा आनंद घेत हे विद्यार्थी गणित शिकतात असे म्हटले.
रोटरी क्लब सनसिटीचे अध्यक्ष के. राधाकृष्णन् यांच्या पत्नी सौ. अनुजा राधाकृष्णन् , प्रकल्प समन्वयक श्री. संतोष नंबूद्री , रेझिंग ए मॅथेमॅटिशियनचे सहसंस्थापक विनय नायर , सौ .नायर ,श्रीपाद तांबे,केदार पेणकर,कौस्तुभ लिमये,सौ. अनुज्ञा राधाकृष्णन,द्रुपद तांबे, निकिता गोयल , सुंदरम शर्मा , धन्वी दोषी,नेहा बारवकर हे उपस्थित होते. हा उपक्रम दर शनिवारी संध्याकाळी ४:३० वाजता डॉ.हेडगेवार सभागृहामध्ये होणार आहे.
कार्यक्रमाचे सूत्रसंचालन सौ. केतकी देशपांडे यांनी केले. कार्यक्रमाचे आयोजन राष्ट्रीय शिक्षण संस्थेच्या सदस्या व मॅथ्स सर्कल संयोजिका डॉ.सौ सरोज कुलकर्णी यांनी केले व नियोजन मुख्याध्यापिका सौ. वैभवी सावंत यांनी केले.स्वामी विवेकानंद विद्यामंदिर अरुणोदय शाखेतील विद्यार्थ्यांनी ईशस्तवन व स्वागत गीत सादर केले. कार्यक्रमाला सर्व शाळांचे विद्यार्थी, मुख्याध्यापक,पालक ,शिक्षक, शिक्षकेतर कर्मचारी उपस्थित होते.

शाळेत क्रीडादिन साजरा केला. त्यातली काही क्षणचित्रे.

राष्ट्रीय शिक्षण संस्था संचलित स्वामी विवेकानंद विद्यामंदिर दत्तनगर माध्यमिक शाळेमध्ये विद्यार्थ्यांसाठी सैन्य दलातील नोकरीच्या संधी यावर विशेष व्याख्यान संपन्न.

निवृत्त मेजर श्री विनय देगावकर यांचे सैन्य दलातील विविध पदे व भरती प्रक्रिया या विषयावर व्याख्यान आज शाळेच्या पंडित दीनदयाळ उपाध्याय सभागृहामध्ये संपन्न झाले.इयत्ता दहावी मधील विद्यार्थ्यांना करिअर गाईडन्स करण्यासाठी या व्याख्यानाचे आयोजन करण्यात आले.
भारतीय सैन्य दलाचे विविध विभागाचे कामकाज कसे चालते, यासाठी आपण कशा पद्धतीने शारीरिक व मानसिकरित्या तयार व्हावे याचे मार्गदर्शन श्री देगावकर यांनी करतानाच लष्करामध्ये सैनिक व अधिकारी या दोन्ही पदासाठीची निवड कशी होते त्यासाठी किती शिक्षण लागते ते सांगितले.
अगदी ब्रिटिश काळात सुरू झालेलं भारतीय लष्कर ते आत्ताचे सैन्य दल इथपर्यंतचा प्रवास त्यांनी सांगितला. भारताचे सर्वात जास्त सैनिक हे उत्तर भागातील सीमेवर आहे. भारताने पाकिस्तान, चीन यांच्याबरोबर झालेल्या युद्धात कशाप्रकारे जिंकलो ते सांगितले.
सैन्य दलातून परमवीर चक्र , अशोक चक्र अशी मानाची शौर्यपदके मिळवलेल्या सैनिकांची माहिती त्यांनी दिली.
त्याचबरोबर सैन्य दलात अभियंता म्हणून कार्य करताना आलेल्या आठवणी देखील त्यांनी सांगितल्या.
तर अजूनही पालक आपल्या मुलांना सैनिक म्हणून पाठवण्यास धजावत नाहीत ही खंत त्यांनी बोलून दाखवली.
यावेळी विद्यार्थ्यांच्या विविध शंकांचे निरसन त्यांनी केले. कार्यक्रमाला शाळेच्या मुख्याध्यापिका सौ.सुलभा बोंडे , ज्येष्ठ शिक्षक श्री. लजपत जाधव हे उपस्थित होते . तर सूत्रसंचालन सौ.छाया भालेराव यांनी केले. कार्यक्रमाची व्यवस्था सौ. मधुरा सावंत व श्री. संदीप भावे यांनी पहिली. कार्यक्रमाला पालक प्रतिनिधी उपस्थित होते.

स्वामी विवेकानंद विद्यामंदिर शाळेची "आषाढी दिंडी "

राष्ट्रीय शिक्षण संस्था संचालित स्वामी विवेकानंद विद्यामंदिर, दत्तनगर माध्यमिक शाळेमध्ये आषाढी एकादशी औचित्य साधून दिंडीचे आयोजन करण्यात आले.
या दिंडीमध्ये इयत्ता पाचवी ते सातवीच्या विद्यार्थ्यांनी उत्स्फूर्तपणे सहभाग घेतला. सकाळी नऊ वाजता विद्यार्थी पारंपारिक वेशभूषेत पंडित दीनदयाळ सभागृहात. जमा झाले. माननीय मुख्याध्यापिका सौ. सुलभा बोंडे मॅडम व माननीय पर्यवेक्षिका सौ. जयश्री दौंड मॅडम यांनी विठ्ठलाच्या प्रतिमेचे पूजन केले. विठ्ठल रखुमाई च्या वेशामध्ये आलेल्या विद्यार्थ्यांचे औक्षण केले.
हरिनामाचा जयघोष करत दिंडी शाळेजवळील विठ्ठल मंदिरात पोहोचली. विठ्ठल मंदिरामध्ये विठ्ठलाची मनोभावे पूजा मा मुख्याध्यापिका सौ बोंडे बाई यांनी केली. तसेच माजी विद्यार्थी व पत्रकार श्री. अभिजीत पवार यांनी पूजा करून विद्यार्थ्यांसोबत विठू नामाचा गजर करत ढोल ताशांच्या तालावर फेर धरला. विद्यार्थिनींनी पारंपारिक फुगड्यांचे विविध प्रकार सादर केले. शिक्षक व पालक यांनीही फुगड्यामध्ये उत्स्फूर्तपणे सहभाग घेतला.
टाळ आणि तबल्याच्या तालावर विद्यार्थ्यांनी विठ्ठल भक्ती गीते म्हटली.शिक्षकांनी ही अभंग गायले. ' ज्ञानोबा माऊली तुकाराम' म्हणत दिंडीने पुन्हा शाळेकडे प्रस्थान केले. अशाप्रकारे स्वामी विवेकानंद विद्यामंदिर दत्तनगर माध्यमिक शाळेत आषाढी एकादशीचा कार्यक्रम विद्यार्थ्यांनी उत्साहात साजरा केला

स्वामी विवेकानंद विद्यामंदिर दत्तनगर, डोंबिवली या शाळेत आजी आजोबा दिवस मोठ्या उत्साहात संपन्न झाला.
भारतीय संस्कृतीत एकत्र कुटुंब पद्धतीला अनन्यसाधारण महत्त्व आहे. आजी-आजोबा हे या कुटुंब पद्धतीतील मुख्य आधारस्तंभ असतात .त्यांचा सन्मान करण्याच्या उद्देशाने चालू वर्षापासून 10 सप्टेंबर रोजी शाळेत आजी आजोबा दिवस साजरा करण्याचा शासन निर्णय घेण्यात आला. त्यानुसार आज दिनांक 12 सप्टेंबर 2023 रोजी स्वामी विवेकानंद विद्यामंदिर दत्तनगर प्राथमिक शाळेत आजी आजोबा दिवस साजरा करण्यात आला .सदर उपक्रमाच्या निमित्ताने ज्या विद्यार्थ्यांचे आजी-आजोबा इथे त्यांच्या समवेत राहत आहेत त्या सर्वांना शाळेत आमंत्रित करण्यात आले. इयत्ता पहिली ते सातवीच्या प्रत्येक वर्गात वर्ग शिक्षकांनी बैठक व्यवस्था केलेली होती. विद्यार्थ्यांनी आपल्या आजी आजोबांचे प्रथम औक्षण केले .त्यांना गुलाब पुष्प व स्वतः तयार केलेले भेटकार्ड भेट स्वरूप दिले . काही विद्यार्थ्यांनी आपल्या आजी आजोबांच्या संदर्भात आपले थोडक्यात मनोगत व्यक्त केले. काहींनी आजीवरील कवितांचे वाचन केले .आजी आजोबांच्या ही डोळ्यात आपल्या नातवंडाप्रती कौतुक दिसून आले. त्यांनी भरभरून आशीर्वाद दिले.

सध्याच्या आधुनिक युगात मुलांच्या जडणघडणीत आजी-आजोबांचे प्रेम, वात्सल्य मिळणे ही खरोखरच भाग्याची गोष्ट आहे. त्यांना कधीही अंतर देऊ नये. त्यांच्या विचारांची शिदोरी कायम जतन करावी असे आपल्या मनोगतातून शाळेच्या मुख्याध्यापिका सौ. मुणगेकर यांनी मांडले. आजी आजोबांचे आपल्या जीवनातील महत्त्व या उपक्रमाच्या निमित्ताने मुलांच्या मनावर ठसले जावे हा उद्देश सफल झाला.

दहीहंडीच्या निमित्ताने स्वामी विवेकानंद विद्यामंदिर, दत्तनगर, डोंबिवली पूर्व या शाळेत साजरी झाली एक आगळीवेगळी हंडी, पुस्तक हंडी.
खूप छान कल्पना.

"गुरु: ब्रम्हा गुरू: विष्णू
गुरू: देवो महेश्वरा
गुरू: साक्षात परब्रम्ह
तस्मै श्री गुरवे नम:"||

गुरू म्हणजे ,
आपल्या आयुष्यातील सर्वात महत्वाची व्यक्ती. मूल जन्माला येते तेव्हा जगाची ओळख करून देणारा आणि प्रत्येक क्षणी नवीन गोष्ट शिकवणारा पहिला गुरू म्हणजे आपली आई असते , नंतर आपले बाबा, आई बाबांनंतर आपल्या आयुष्याला मातीच्या गोळ्याला आकार द्यावा तसा आपल्या आयुष्याला घडविणारी तिसरी व्यक्ती म्हणजे आपले गुरू,आपले शिक्षक असतात, त्यानंतर आपल्या आयुष्यात प्रत्येक पावलावर आपल्याला शिकवणारा हा आपला गुरूच असतो. मग तो आपल्यापेक्षा लहान असो वा मोठा.

आपण आज जे काही आहोत , जी काही प्रगती केलीय , एक चांगले आयुष्य जगत आहोत ते या सर्व गुरूंच्या मार्गदर्शनामुळे .

या सर्व गुरूंना मनापासून वंदन आणि गुरू पौर्णिमेच्या हार्दिक शुभेच्छा.

आषाढी एकादशी दिंडी

https://youtu.be/ReS1DMbbsi8

राष्ट्रीय शिक्षण संस्था संचलित स्वामी विवेकानंद विद्यामंदिर दत्तनगर माध्यमिक डोंबिवली पूर्व येथे आज 21 जून रोजी आंतरराष्ट्रीय योग दिन अतिशय उत्साहात साजरा करण्यात आला. योग महर्षी पतंजली यांचे स्मरण करून सरस्वतीला वंदन करून ईशस्तवन आणि स्वागत गीताने या कार्यक्रमाची सुरुवात झाली नंतर इयत्ता पाचवी ते दहावीच्या विद्यार्थ्यांनी योग प्रात्यक्षिके सादर केली प्रत्येक योग प्रात्यक्षिकाचा शरीराला होणारा फायदा वैशिष्ट्य विद्यार्थ्यांना प्रात्यक्षिकातून पटवून दिलीत. सर्वप्रथम प्रार्थना म्हणून उपक्रमाला सुरुवात झाली त्यानंतर पूरक शारीरिक हालचालीतून शरीराला ऊर्जा निर्माण करून सर्व योगात श्रेष्ठ असे सूर्यनमस्कार समग्र घालण्यात आले तसेच ताडासन, वृक्षासन त्रिकोणासन, हस्त पदासन यासारखे उभे राहून करण्यात येणारी आसने करण्यात आली. बसून करायच्या आसनांमध्ये पद्मासन, भद्रासन वज्रासन ,अर्ध उष्ट्रासन अशी आसने करण्यात आली. नंतर संगीतावर आधारित काही आसने विद्यार्थ्यांनी सादर केले.
शाळा समितीचे अध्यक्षा सन्माननीय डॉक्टर सरोज कुलकर्णी , शाळेच्या मुख्याध्यापिका सौ बोंडे मॅडम आणि पर्यवेक्षिका सौ दौंड मॅडम पालक प्रतिनिधी, शिक्षक व शिक्षकेतर कर्मचारी या कार्यक्रमाला उपस्थित होते. शाळा समिती अध्यक्षा डॉक्टर सरोज कुलकर्णी यांनी विद्यार्थ्यांचेकौतुक केले आणि योगाचे महत्व विद्यार्थ्यांना पटवून दिले . या उपक्रमामध्ये इयत्ता पाचवी ते दहावीचे सर्व विद्यार्थी सहभागी होते. ज्येष्ठ क्रीडा शिक्षक बागल सर ,नेमाडे मॅडम आणि दळवी सर यांनी विद्यार्थ्यांना उत्तम मार्गदर्शन केले. शांती मंत्राने कार्यक्रमाचे सांगता झाली.

राष्ट्रीय शिक्षण संस्था संचालित स्वामी विवेकानंद विद्यामंदिर दत्तनगर प्राथमिक शाळेत आज दि 21 जून 2023 रोजी नववा आंतरराष्ट्रीय योग दिन मोठ्या उत्साहात संपन्न झाला .कार्यक्रमास प्रमुख पाहुण्या व शाळा समिती अध्यक्षा मान. सौ सरोज कुलकर्णी व सदस्य मान. सौ ललिता जोशी, मुंबई मंथनचे वार्ताहर श्री .अभिजीत पवार ,माजी विद्यार्थिनी कु .गुंजन मेढे शाळेच्या मुख्याध्यापिका व पालक संघाचे प्रतिनिधी उपस्थित होते. योग हा जीवन जगण्याचा दृष्टिकोन देणारे शास्त्र आहे .महामुनी पतंजलीचे स्मरण केल्याशिवाय योगशास्त्र पूर्ण होणार नाही. योगासने ,प्राणायाम, ध्यानधारणा ही योग साधनेची प्रमुख तंत्र आहेत. वसुधैव कुटुम्बकम व हर घर हर अंगण योग ही यावर्षीची थीम असल्याचे सौ गीतांजली मुणगेकर यांनी आपल्या प्रास्ताविकात मांडले. इयत्ता तिसरी ते सातवीच्या विद्यार्थ्यांनी प्रथम तीन ओमकार ,योग प्रार्थना, सूक्ष्मयोगीक हालचाली व बारा सूर्यनमस्कार, त्रिकोणासन, पदहस्थासन ,ताडासन ही दंड आसने व गोमुखासन, वज्रासन ,पद्मासन ही बैठी आसने यांचे प्रात्यक्षिक सादरीकरण केले. माननीय अध्यक्ष सौ. कुलकर्णी मॅडम यांनी योग साधनेचे महत्त्व विशद केले व कुटुंबातील प्रत्येकाने योगासने नियमितपणे घालावीत असे आवाहन केले .श्री अभिजीत पवार यांनी सकस आहार व योग यांची आपल्या मनोगतातून सांगड घातली. कार्यक्रमाचे सूत्रसंचालन सौ .वर्षा पाटील यांनी आपल्या अस्खलित शैलीत केले 21 जून या योग दिनाचे महत्त्व पटवून दिले. श्री नारोळे यांनी योग प्रात्यक्षिकाचे निवेदन केले .शाळेच्या माजी विद्यार्थिनी दिया पाटील व श्रुती यांनी आपल्या योगपटूंना मार्गदर्शन केले. कार्यक्रमाचे छायाचित्रण श्री तळवणेकर तर फलक लेखन श्री संतोष पाटील यांनी केले .शाळेच्या माननीय मुख्याध्यापिका ,शिक्षक शिक्षकेतर ,विद्यार्थी बालगोपाळ पालक वर्ग यांच्या संयुक्त सहकार्याने आजचा आंतरराष्ट्रीय योग दिनाचा कार्यक्रम नियोजनबद्ध व उत्साहाने संपन्न झाला.

राष्ट्रीय शिक्षण संस्था संचलित *स्वामी विवेकानंद विद्यामंदिर, दत्तनगर माध्यमिक डोंबिवली * शाळेमध्ये २०२३-२४ या शैक्षणिक वर्षाचा प्रवेशोत्सव साजरा
नवीन शैक्षणिक वर्षाचा पहिला दिवस! शाळेची लागलेली ओढ, पालकांसोबत शाळेचे प्रवेशद्वारावर उभे असलेले विद्यार्थी , लेझीम व ढोल ताशांच्या तालावर विद्यार्थ्यांचे स्वागत करण्यासाठी सर्वजण सज्ज झाले होते.
प्रवेशद्वारा जवळ प्रथम शाळेतील ज्येष्ठ शिक्षक विठ्ठल बागल यांच्या हस्ते श्रीफळ वाढवण्यात आले. यानंतर शाळेच्या मुख्याध्यापिका सौ. सुलभा बोंडे व पर्यवेक्षिका सौ.जयश्री दौंड यांनी विद्यार्थ्यांचे औक्षण करून स्वागत केले. विद्यार्थ्यांनी प्रथम शाळेला वाकून नमस्कार केला व शाळेच्या मैदानातून लेझीमच्या तालावर विद्यार्थ्यांनी शाळेमध्ये प्रवेश केला .यावेळी विद्यार्थ्यांच्या कपाळी गंधाचा टिळा लावून चॉकलेट व पेन देऊन त्यांचे स्वागत करण्यात आले.स्वागतासाठी उत्सुक शिक्षक व कर्मचारी वृंद हे उत्साही वातावरण होते डोंबिवली मधील शैक्षणिक क्षेत्रातील नावाजलेल्या स्वामी विवेकानंद विद्यामंदिर, दत्तनगर माध्यमिक शाळेचे!
प्रार्थना-परिपाठने शाळेचे कामकाज सुरू झाले. शाळा सुरू झाल्याचा उत्साह खरोखरच अलौकिक असतो. शाळेच्या मुख्याध्यापिका , पर्यवेक्षिका आणि शाळेतील शिक्षक कर्मचारी वृंद यांनी मनाला भावणारे असे प्रवेश उत्सवाचं वातावरण कल्पक रीतीने निर्माण केले होते.

राष्ट्रीय शिक्षण संस्था संचालित स्वामी विवेकानंद विद्यामंदिर दत्तनगर प्राथमिक शाळेत दिनांक 15 जून 2023 रोजी इयत्ता पहिली ते सातवीच्या विद्यार्थ्यांचा शाळेतील प्रवेशोत्सव मोठ्या धुमधडाक्यात लेझीम ढोल ताशाच्या तालात साजरा करण्यात आला. सर्व विद्यार्थ्यांचे औक्षण करण्यात आले. शाळा समितीच्या माननीय सदस्य सौ. दीपा आपटे मॅडम यांच्या हस्ते इयत्ता पहिली ते सातवीच्या विद्यार्थ्यांना प्रातिनिधिक स्वरूपात मोफत पाठ्यपुस्तकांचे वितरण करण्यात आले. एकात्मिक पुस्तकांमुळे विद्यार्थ्यांच्या दप्तराचे ओझे कमी झाले आहे .माननीय सौ .आपटे मॅडम यांनी विद्यार्थ्यांना नवीन शैक्षणिक वर्षाच्या शुभेच्छा दिल्या.

https://youtu.be/7NMp0Y6BRes

मार्च 2023 मध्ये झालेल्या ssc बोर्डाच्या परीक्षेत स्वामी विवेकानंद विद्यामंदिर दत्तनगर माध्यमिक शाळेचा निकाल 96.73% लागला आहे.
प्रथम तीन क्रमांक
राधिका रमेश डेंगळे 93.60 %
आयुष विशाल चौधरी 92.00%
साक्षी राकेश दिवेकर 88.80%
सर्व विद्यार्थी, मुख्याध्यापिका , पर्यवेक्षिका व शिक्षकांचे हार्दिक अभिनंदन.
🌹🌹🌹🌹
👏👏👏👏

स्वामी विवेकानंद विद्यामंदिर दत्तनगर प्राथमिक शाळेने शै. वर्ष 2022- 23 च्या दत्तनगर टाईम्स या वार्षिक अंकाचा प्रकाशन सोहळा आयोजित केला होता .सदर अंकाचे प्रकाशन शाळा समिती अध्यक्षा मा. डॉ. सौ .सरोज कुलकर्णी यांच्या हस्ते करण्यात आले. सौ मुणगेकर यांनी दत्तनगर टाईम्स च्या निर्मितीमागील उद्देश आपल्या प्रास्ताविकेतून सादर केले. दत्तनगर टाईम्स म्हणजे शाळेने वर्षभर आयोजित केलेले विविधांगी उपक्रम ,विद्यार्थ्यांनी वेगवेगळ्या स्पर्धेत सहभागी होऊन प्राप्त केलेले यश, त्यांच्या कलागुणांचे दर्शन होय. टाईमच्या निर्मितीमागील सर्वांच्या सहकार्याबद्दल ऋणनिर्देश व्यक्त केले. आज इ. सातवीच्या विद्यार्थ्यांचा शिक्षक दिनही आयोजित करण्यात आला होता. त्यानिमित्ताने विद्यार्थ्यांनी आपल्या शाळेविषयीच्या भावना मनोगतातून व्यक्त केल्या. श्री .पवार यांनी विद्यार्थ्यांना गोष्टी रूपातून स्पर्धेच्या युगात आत्मविश्वासाने कसे सामोरे जावे हे सांगितले .संस्था पदाधिकारी मा. श्री. शास्त्री यांनी सामाजिक बांधिलकीची जाणीव ठेवून माणूस म्हणून जगता आले पाहिजे असा संदेश विद्यार्थ्यांना दिला. शाळा समिती अध्यक्षा डॉ सौ .सरोज कुलकर्णी यांनी प्राथमिक विभागातून माध्यमिक विभागात प्रवेश करणाऱ्या सातवीच्या विद्यार्थ्यांना शुभेच्छा दिल्या. दत्तनगर टाईम्स साकारण्यासाठी मेहनत घेतलेल्या शाळेच्या सर्व टीमचे कौतुक केले. प्रकाशन सोहळ्यास शाळा समिती सदस्य मा. सौ. ललिता जोशी , मा. सौ दीपा आपटे व पूर्व प्राथमिक विभागाच्या शाळा प्रमुख सौ .उतेकर उपस्थित होत्या. कार्यक्रमाचे निवेदन सौ .पाटील यांनी केले .इ. सातवी च्या वर्गशिक्षिका म्हणून त्यांनी विद्यार्थ्यांना पुढील वाटचालीसाठी शुभेच्छा दिल्या. दत्तनगर टाईम्सच्या निर्मितीसाठी सहकार्य लाभलेल्या सर्वांचे सौ. औटी यांनी ऋणनिर्देश व्यक्त केले. श्री. राऊत यांनी कार्यक्रमाचे छायाचित्रण केले.शांती मंत्राने कार्यक्रमाची सांगता झाली.

संस्कृती संवर्धन प्रतिष्ठान, मुंबई यांनी आयोजित केलेल्या रामायण, महाभारत व क्रांतिविरांच्या कथा परीक्षा या उपक्रमात सहभागी झालेल्या 14 शाळांमधून प्रथम क्रमांक प्राप्त करणारे स्वामी विवेकानंद विद्यामंदिर, दत्तनगर शाळेचे विद्यार्थी ओवी कुंभार, हर्ष जोशी आणि स्वरा शिंत्रे आणि त्यांना मार्गदर्शन करणाऱ्या शिक्षिका सौ रंजना भोये व सौ पल्लवी गवळी, मुख्याध्यापिका सौ सुलभा बोन्डे व पर्यवेक्षिका सौ जयश्री दौंड यांचे हार्दिक अभिनंदन
👏👏👏👏💐💐💐💐💐

जल्लोष नववर्षाचा..
मराठी अस्मितेचा..
हिंदू संस्कृतीचा..
सण उत्साहाचा..
मराठी मनाचा..

सर्वांना
गुढीपाडवा व मराठी नववर्षाच्या
हार्दिक शुभेच्छा!
हे नववर्ष, आनंद, सुख, समृद्धीचे जावो,
हीच ईश्वरचरणी प्रार्थना करतो..
गुढीपाडव्याच्या हार्दिक शुभेच्छा!

बाल सुरक्षा अभियान अंतर्गत कंडोमपा क्षेत्रातील आमच्या स्वामी विवेकानंद विद्यामांदिर दत्तनगर डोंबिवली च्या प्राथमिक शाळेत काल मढवी आरोग्य केंद्रातर्फे इ 1 ली ते7 वी च्या विद्यार्थ्यां ची वैद्यकीय तपासणी करण्यात आली. या अंतर्गत विद्यार्थ्यांचे कान, घसा , दात अशीआरोग्य तपासणी करण्यात आली .

*सामूहिक* *सूर्य* *नमस्कार*
आज शनिवार, दिनांक ११ फेब्रुवारी रोजी सकाळ वृत्तसमूहातर्फे आयोजित सामूहिक सूर्य नमस्कार उपक्रमामध्ये स्वामी विवेकानंद विद्यामंदिर दत्तनगर प्राथमिक, डोंबिवली शाळेच्या इ . १ ली ते ७ वी च्या ३८५ विद्यार्थ्यानी मंत्रोच्चारासह सामूहिक सूर्यनमस्कार घातले. शाळेतील योगाच्या विद्यार्थ्यांनी साकारलेल्या योग चित्र प्रदर्शनीचा याप्रसंगी सर्वांनी लाभ घेतला. शाळेची माजी विद्यार्थीनी कु. श्रेयसी रानडे हिने चित्र प्रदर्शनीबद्दल माहिती दिली. या उपक्रमात शाळेचे माजी विद्यार्थी सहभागी झाले होते. सदर उपक्रमात शाळेचे योगशिक्षक श्री .एकनाथ पवार यांनी विद्यार्थ्यांना सुर्यनमस्काराचे शरीर स्वास्थ्यासाठी असलेले महत्व सांगितले.शाळेच्या ज्येष्ठ शिक्षिका सौ. गीतांजली मुणगेकर यांनी सकाळ वृत्तपत्र आयोजित ' सकाळ स्वास्थ्यम ' या प्रश्नमंजुषा स्पर्धेची माहिती दिली. तसेच सकाळ वृत्तपत्राच्या या स्तुत्य उपक्रमाबद्दल कौतुक केले. या उपक्रमासाठी शाळेच्या मुख्याध्यापिका सौ. मीना कांबळे यांचे मार्गदर्शन लाभले.

सूर्यनमस्कार व योग प्रात्यक्षिक -आज दिनांक 7 फेब्रुवारी 2023 रोजी स्वामी विवेकानंद विद्यामंदिर दत्तनगर प्राथमिक विभागाचे सूर्यनमस्कार व योग प्रात्यक्षिकाचे सादरीकरण दत्तनगर येथील भव्य पटांगणात करण्यात आले. सदर कार्यक्रमास प्रमुख पाहुणे म्हणून आयुर्वेदाचार्य मा . विनय वेलणकर हे होते.
कार्यक्रमास संस्थेचे सहकार्यवाह मान. श्री. उंटवाले सर ,शाळा समिती सदस्य मा. ॲड. सौ.ललिता जोशी, पूर्व प्राथमिक विभाग प्रमुख सौ .उतेकर , दत्तनगर प्राथमिक विभागाच्या मुख्याध्यापिका मा. मीना कांबळे शाळेच्या ज्येष्ठ शिक्षिका सौ. मुणगेकर उपस्थित होत्या. कार्यक्रमाची सुरुवात दीप पूजन करून झाले. ईशस्तवन म्हणून शाळेतील विद्यार्थी गार्गी व ओंकार सहस्त्रबुद्धे या भावंडांनी आपल्या ओघवत्या वाणीने अथर्वशीर्ष पठण केले. मशाल प्रज्वलित करून सामूहिक सूर्यनमस्कार व योग प्रात्यक्षिकाची सुरुवात झाली. सदर प्रात्यक्षिकात शाळेतील इ. पहिली ते सातवीचे एकूण 385 विद्यार्थी तसेच 20 माजी विद्यार्थी व पालकही सहभागी झाले होते. शाळेतील 40 योगपटूंच्या वेगवेगळ्या आसनातील छायाचित्रांच्या प्रदर्शनाचे मा. प्रमुख पाहुण्यांच्या शुभहस्ते उद्घाटन करण्यात आले. कार्यक्रमात उत्कृष्ट सूर्यनमस्कार घालणाऱ्या विद्यार्थ्यांचे मा. वेलणकरजी यांच्या हस्ते सन्मानस्चिन्ह देऊन कौतुक करण्यात आले. संस्था सहकार्यवाह मा. उंटवाले सर यांनी सूर्यनमस्काराचे महत्त्व विद्यार्थ्यांना सांगितले. प्रमुख पाहुण्यांनी विद्यार्थ्यांना संबोधित करताना कुटुंबातील सर्वांनी नियमितपणे सूर्यनमस्कार करण्याचे आवाहन केले तसेच पुढील काळात जास्तीत जास्त सूर्यनमस्कार करणाऱ्या विद्यार्थ्यांची निवड करावी असे शाळेला सुचित केले. कार्यक्रमाचे सूत्रसंचालन सौ.नयना पाटील यांनी केले. सूर्यनमस्कार व योग प्रात्यक्षिकांचे निवेदन श्री. पवार यांनी केले. बक्षिस पात्र विद्यार्थ्यांच्या यादीचे वाचन सौ. नाईक यांनी केले .सदर कार्यक्रमाचे आयोजन सौ .कांबळे व सौ. मुणगेकर यांच्या मार्गदर्शनाखाली करण्यात आले. अशाप्रकारे अतिशय उत्साहवर्धक व चैतन्यमय वातावरणात कार्यक्रम संपन्न झाला.सूर्यनमस्कार प्रात्यक्षिक सादरीकरणातून एक वेगळीच उर्मी जागृत झाली.

सामूहिक सूर्य नमस्कार आणि योग प्रात्यक्षिके

सामूहिक सूर्यनमस्कार व योग प्रात्यक्षिक (स्वा.वि.वि.मंदिर दत्तनगर प्राथ.डोंबिवली पूर्व 07/02/2023 रथसप्तमी निमित्त.......

*स्वामी विवेकानंद विद्यामंदिर दत्तनगर प्राथमिक शाळेच्या विद्यार्थ्यांचे बालक मंदिर संस्था, कल्याण यांच्या तर्फे आयोजित वक्तृत्व स्पर्धेत उल्लेखनीय यश.*

रविवार दिनांक ५ फेब्रुवारी २०२३ रोजी बालकमंदिर संस्था, कल्याण यांच्या तर्फे कै.इंदुताई देवधर व कै.वा.शि.आपटे स्मृतिप्रीत्यर्थ वक्तृत्व स्पर्धा आयोजित करण्यात आली होती. या स्पर्धेचे हे १८ वर्ष होते. या स्पर्धेत इ.३री-४थी च्या गटात स्वामी विवेकानंद विद्यामंदिर,दत्तनगर प्राथमिक शाळेच्या विद्यार्थ्यांनी घवघवीत यश संपादित केले आहे. कु.अर्णव प्रदीप पाटील यास प्रथम क्रमांकाचे व कु.सौम्या शैलेश पड्याळ हिस द्वितीय क्रमांकाचे पारितोषिक प्राप्त झाले आहे. अर्णव पाटील याने 'मी शाळा बोलतेय' आणि कु.सौम्या पड्याळ हिने 'मामाच्या गावाला जाऊया' हे विषय या स्पर्धेसाठी निवडले होते. विजेत्या स्पर्धकांचे खूप खूप अभिनंदन.💐💐👏🏻👏🏻

दिनांक :- 25 जानेवारी 2023
वार :- बुधवार
राष्ट्रीय शिक्षण संस्था डोंबिवली आयोजित
आंतरशालेय साहित्य कवायत सादरीकरण उत्साहात संपन्न

बुधवार दिनांक २५ जानेवारी 2023 रोजी सकाळी ठीक ८ वाजता ७४ व्या भारतीय प्रजासत्ताक दिनाच्या पूर्वसंध्येला दरवर्षीप्रमाणे याही वर्षी दोन गटांमध्ये (इयत्ता पहिली ते चौथी गट क्रमांक १) (इयत्ता पाचवी ते सातवी गट क्रमांक २) आंतर शालेय साहित्य कवायत सादरीकरण स्पर्धा
घेण्यात आली. दिलेल्या वेळेप्रमाणे सकाळी ठीक ७.३० वाजता सर्व शाळांचे विद्यार्थ्यांसह शिक्षक उपस्थित झाले. ठरलेल्या वेळेप्रमाणे सकाळी ठीक ८ वाजता उद्घाटन सोहळा संपन्न झाला. सदर उद्घाटन प्रसंगी संस्था सदस्य सन्माननीय श्री.विद्याधर शास्त्री सर प्रमुख पाहुणे म्हणून उपस्थित होते, त्याचप्रमाणे विष्णूनगर शाळा समितीचे अध्यक्ष श्री.नरेंद्र दांडेकर , गणेशपथ व गोपाळनगर शाळा समितीच्या अध्यक्षा व दत्तनगर शाळा समितीच्या सदस्या सौ.माधवी कुलकर्णी, अरुणोदय पूर्व प्राथमिक शाळा समितीचे अध्यक्ष श्री.अरुण ऐतवडे. रामचंद्र नगर शाळा समितीचे सदस्य श्री.प्रकाश म्हात्रे, पत्रकार बंधू श्री.अभिजीत पवार सर्व शाळांच्या सन्माननीय मुख्याध्यापक /मुख्याध्यापिका, माध्यमिक विभागाचे मुख्याध्यापक श्री.भोजराज रायसिंग ,गोपाळ नगर माध्यमिक च्या मुख्याध्यापिका सौ. राजश्री कांबळे, पूर्व प्राथमिक विभागाच्या प्रमुख सौ.कीर्ती मुरादे , सर्व पूर्व प्राथमिकचे विभागांचे प्रमुख उपस्थित होते. उद्घाटन प्रसंगी मैदानावर श्रीफळ वाढवून मैदानाचे पूजन करण्यात आले.
सर्वप्रथम गट क्रमांक १ मधील सात शाळांचे सादरीकरण घेण्यात आले. घुंगर काठी/चेंडू/ रिंग/ डंबेल्स /रुमाल इत्यादी साहित्य प्रकारातून खेळांचे /साहसी खेळांचे/योग प्राणायाम/ इत्यादी विविध प्रात्यक्षिके सादर करीत असताना राष्ट्रोपयोगी व समाजउपयोगी असे संदेश देण्यात आले. त्यात पृथ्वी वाचवा, जीवन वाचवा .वृक्ष लावा घरोघरी, समृद्धी येईल घरोघरी. वसुधैव कुटुंबकम. सेव वॉटर, सेव लाईफ. जल है,तो कल है!, हम सब एक है!, रक्तदान हेच जीवनदान! स्वच्छ भारत, स्वस्थ भारत! व्यायाम करा नियम पाळा,आरोग्याची हानी टाळा! दिवा लावा ज्ञानाचा, विकास होईल देशाचा. मातृभूमी घायळ असताना, स्वतःचे घाव कोण मोजणार. स्वच्छ भारत, निरोगी भारत. इत्यादी चित्ररूप फलकांमार्फत संदेश देण्यात आले. व समाजात जनजागृती करण्यात आली . बाल-बलिदानी अमर रहो ! भारतीय स्वातंत्र्याचा अमृत महोत्सव! भारत माता की जय! वंदे मातरम! भारतीय प्रजासत्ताक दिनाचा विजय असो! अशा घोषणा देऊन वाद्यवृंदांच्या तालात परिसरात नवचैतन्य निर्माण केले. स्वस्तिक /दिवा/मानवी मनोरे/रथ/चौकोन /त्रिकोण इत्यादी विविध रचना कवायत सादरीकरणात दिसून आल्या.
गट क्रमांक २ अंतर्गत इयत्ता पाचवी ते सातवी ची लेझीम कवायत सादर करण्यात आली. सदर गटात देखील सात शाळा सहभागी झाल्या होत्या. सदर लेझीम प्रकारात विविध रचना दिसून आल्या. रामचंद्र नगर शाळेच्या प्रात्यक्षिकातून स्वच्छ भारत, सुंदर भारत! स्वच्छता असे जिथे, आरोग्य वसे तेथे!
विष्णुनगर शाळेने भारतीय तिन्ही दलातील सेनांचे ब्रीदवाक्य घेऊन वायुसेना,नौसेना, थलसेना व परमवीर चक्राना मानवंदना दिली. स्व तः च्या आ धी से वा
श न्नो व रू णः
क र्त व्य म अ न्वा त्मा
न भ स्प र्शं दी प्त म
अशा प्रकारची ब्रीद वाक्य संचालनात दिसून आली.
गणेशपथ शाळेने झांज कवायतीतून खेळांचे विविध प्रकारांची रचना केली.
दत्तनगर प्राथमिकच्या विद्यार्थ्यांनी लेझीम संचलनातून योग/प्राणायाम प्रात्यक्षिके व खेळांचे महत्त्व लक्षात आणून दिले.
रामचंद्र नगर इंग्रजीच्या विद्यार्थ्यांनी टिपरी कवायत सादरीकरण करून कमळ फुलवले.
अरुणोदयच्या विद्यार्थ्यांनी लेझीम संचलनातून योगाचे सादरीकरण केले.
रामनगर प्राथमिकचे विद्यार्थ्यांनी अमृत महोत्सवी वर्षातील महत्त्वाची पाच मानकांचे (चिन्हांद्वारे ) स्वातंत्र्य लढा,विचार .
निराकरण,
क्रिया/ कृती
उपलब्धि
75 -अमृत महोत्सवी वर्ष संदेश संचलनातून सादरीकरण केले. व निवेदनातून महत्त्व लक्षात आणून दिले.
सदर कार्यक्रम प्रसंगी प्रास्ताविकातून श्री.विद्याधर शास्त्री यांनी कवायती सादरीकरणा मागील संस्थेचा उद्देश सांगताना ज्याप्रमाणे नवी दिल्ली येथे विविध राज्यांचे पथसंचलन होतात. व त्यातून भारतीय स्वातंत्र्य लढ्यातील वीरांना एक प्रकारे मानवंदना दिली जाते. अगदी त्याचप्रमाणे आपल्या विद्यार्थ्यांमध्ये देशभक्ती/देश प्रेम/स्वयंशिस्त/ इत्यादी गुण विकसित करण्यासाठी साहित्य कवायत सादरीकरण घेतले जातात. आपण आपल्या भारतीय स्वातंत्र्य लढ्यातील सर्व वीरांचे कायम स्मरण ठेवले पाहिजे, परकीय शक्तींपासून आपल्या देशाचे संरक्षण करण्यासाठी आपले सैनिक सदैव कर्तव्य बजावत असतात. अगदी त्याचप्रमाणे आम्ही सर्वांनी देखील आपले हक्क आणि कर्तव्याची अंमलबजावणी प्रामाणिकपणे केली पाहिजे . देश प्रगती पथावर नेण्यासाठी व जगावर स्वामित्व मिळवण्यासाठी आपण आपल्याला नेमून दिलेले कर्तव्य प्रामाणिकपणे केले पाहिजे असे त्यांनी आपल्या प्रास्ताविकातून नमूद केले. सर्व शिक्षक विद्यार्थ्यांकडून छान तयारी करून सर्व कवायतींचे सादरीकरण छान प्रकारे करून घेतात. विद्यार्थ्यांचे व शिक्षकांचे त्यांनी कौतुक केले.
स्वागत प्रसंगी उपस्थित सर्व मान्यवरांचे गुलाब पुष्प देऊन व शब्दसुमनांनी स्वागत करण्यात आले.
संस्था सदस्य म्हणून मनोगत व्यक्त करतांना सौ. माधवी कुलकर्णी यांनी विद्यार्थ्यांनी व शिक्षकांनी संस्थेचा आदर्श डोळ्यासमोर ठेवून सर्व कवायतीचे उत्तम सादरीकरण केले. सर्व विद्यार्थ्यांचे व शिक्षकांचे कौतुक त्यांनी आपल्या मनोगतातून व्यक्त केले .आपण देशासाठी काहीतरी योगदान केले पाहिजे असे त्या म्हणाल्या.
कार्यक्रमाचे संपूर्ण नियोजन अरुणोदय प्राथमिक च्या मुख्याध्यापिका सौ. सुप्रिया सैंदाणे व श्री. सुनीत वारके यांनी सुनियोजित केले होते. मैदान समिती,रांगोळी-समिती ,स्टेजव्यवस्था त्याचप्रमाणे खानपान समिती व इतर सर्व समितीतील प्रमुखांनी व सभासदांनी आपली जबाबदारी चोख पणे पार पाडली. संपूर्ण कार्यक्रमासाठी दत्तनगर प्राथमिक शाळा मुख्याध्यापिका सौ.मीना कांबळे व सौ.गीतांजली मुणगेकर यांचे विशेष सहकार्य लाभले. कार्यक्रमाचे निवेदन व आभार प्रदर्शन श्री. शांताराम अहिरे यांनी केले. फलक लेखन श्री. इथापे व श्री. औटी यांनी केले. छायाचित्रण म्हणून श्री.भरत तळवणेकर यांनी काम पाहिले. कार्यक्रमाची सांगता शांती मंत्राने झाली.

काल व्याख्यान मालेचे तिसरं पुष्प सन्माननीय भारती ठाकूर (प्रवाजिका विशुद्धानंद) यांनी गुंफले. मुळच्या नाशिककर सुश्री भारतीताई ठाकूर यांचे महान समाजकार्य ऐकून डोळ्यांच्या कडा पाणावल्या. त्यांनी नर्मदालयाची ची स्थापना २०१० मधे मध्यप्रदेश मधील लेपा (जिल्हा खरगोन)ह्या गावात केली. नर्मदेच्या काठावरील शाळा सोडलेल्या मुलांसाठी वसतीगृहे सुरू केली. शिक्षण पूर्णपणे विनामूल्य दिलं जातं. सध्या नर्मदालयाची संख्या १५ हून अधिक आहे आणि १७००हून अधिक मुलं शिक्षण घेत आहेत. सरकारी मदत घ्यायची नाही हे तत्व त्यांनी पाळले आहे त्यांना आर्थिक मदत ही आपणहून येते ही सगळी नर्मदा मैयाचीच कृपा, असं म्हटलं तर वावगं ठरणार नाही 🙏

आज 12 जानेवारी म्हणजे स्वामी विवेकानंद जयंती. राष्ट्रीय शिक्षण संस्थेने सुरु केलेला स्वामी विवेकानंद पुरस्कार आणि त्या अनुषंगाने 3 दिवस चालणाऱ्या व्याख्यानमालेचे यंदाचे 24 वे वर्ष.