Assam Jatiya Bidyalay

Admission now open for Class XI (Arts and Science). Join us for concept-based regular classes, guided by experienced faculty members. Benefit from a low 1:20 teacher-student ratio, access to 5 science labs, 3 computer labs, an English language lab, hostel facilities, and smart classrooms. Receive comprehensive career counseling, regular mock tests, CUET Coaching classes for all and IIT-JEE/NEET/IISER Coaching classes (optional) through our BEACON School Integrated Programme.

Admission starts on 22nd April 2024.

📞+91 75778 65541 / 96786 93812
📧 [email protected]

আজি ঘোষণা কৰা হাইস্কুল শিক্ষান্ত পৰীক্ষাৰ ফলাফলত পূৰ্বৰ ধাৰাবাহিকতা অক্ষুণ্ণ ৰাখি‌ অসম জাতীয় বিদ্যালয়, নুনমাটিৰ ১০০ শতাংশ শিক্ষার্থী উত্তীর্ণ হয়। ঘোষিত ফলাফল অনুসৰি বিদ্যালয়খনৰ ১৪০ গৰাকী শিক্ষাৰ্থীৰ ভিতৰত ৩৩ গৰাকীয়ে ডিষ্টিংচন, ৫৯ গৰাকীয়ে ষ্টাৰ, ১২৯ গৰাকীয়ে প্ৰথম বিভাগ আৰু ১১ গৰাকীয়ে দ্বিতীয় বিভাগত উত্তীৰ্ণ হয়। ইংৰাজী বিষয়ত ৮৬ গৰাকী, অসমীয়া বিষয়ত ৮৮ গৰাকী, বিজ্ঞান বিষয়ত ৫৮ গৰাকী, সমাজ বিজ্ঞানত ১০৪ গৰাকী আৰু গণিত বিষয়ত ১২ গৰাকী শিক্ষাৰ্থীয়ে লেটাৰ নম্বৰ লাভ কৰে। ঐচ্ছিক বিষয়বোৰৰ ভিতৰত উচ্চ গণিত বিষয়ত ২৪ গৰাকী, কম্পিউটাৰ বিজ্ঞানত ২৬ গৰাকী, ভূগোলত ১ গৰাকী, সংগীতত ৬ গৰাকী, নৃত্যত ২০ গৰাকী, সুকুমাৰ কলা বিষয়ত ৪ গৰাকী, হিন্দী বিষয়ত ৯ গৰাকী আৰু‌ ইতিহাস বিষয়ত ৬ গৰাকী শিক্ষাৰ্থীয়ে লেটাৰ নম্বৰ লাভ কৰে। উচ্চ গণিত বিষয়ত ৪ গৰাকী, সমাজ বিজ্ঞান
বিষয়ত ৩ গৰাকী, ইংৰাজীত ১ গৰাকী, কম্পিউটাৰ বিজ্ঞান ১ গৰাকী, সত্ৰীয়া নৃত্যত ১ গৰাকী আৰু সুকুমাৰ
কলাত ১ গৰাকী, সৰ্বমুঠ ১১ গৰাকী শিক্ষাৰ্থীয়ে ৰাজ্যখনৰ ভিতৰত সৰ্বোচ্চ নম্বৰ লাভ কৰিবলৈ সক্ষম হৈছে।

Addmission Notice for H.S. 1st year (science & arts stream), 2024-25 session.

অসম জাতীয় বিদ্যালয়ত মাইন্ড স্পৰ্টছ ফাউণ্ডেশ্যন আৰু অসম জাতীয় বিদ্যালয়ৰ সৌজন্যত অনুষ্ঠিত ১১ তম ৰক্তাভ দত্ত চৌধুৰী সোৱৰণী উত্তৰ পূৱ ভাৰত বিদ্যালয় দবা প্ৰতিযোগিতাৰ আজি অন্তিম ৰাউণ্ডৰ অন্তত তৃতীয় শ্ৰেণীৰ তলৰ *পন শাখাত* প্ৰথম স্থান লাভ কৰে দিল্লী পাব্লিক স্কুলৰ সাৰস্বত ডেকা চেম্পিয়ন হয়৷

মুকলি শাখাত মডাৰ্ণ ইংলিচ স্কুলৰ জগজিত সিনহা চেম্পিয়ন হোৱাৰ বিপৰীতে দিল্লী পাব্লিক স্কুলৰ চাৰ্ভী চৌধুৰীয়ে দ্বিতীয় স্থান, মাৰিয়া পাব্লিক স্কুলৰ তন্ময় ৰাজবংশীয়ে তৃতীয় স্থান দিল্লী পাব্লিক স্কুলৰ অভিৰূপ শইকীয়া চতুৰ্থ, সুদৰ্শন পাব্লিক বিদ্যালয়ৰ মৃন্ময় ৰাজখোৱা পঞ্চম স্থান লাভ কৰে৷ ষষ্ঠ স্থানৰ পৰা দশম স্থান লাভ কৰা সকল ক্ৰমে ছেইন্ট মেৰী উচ্চতৰ মাধ্যমিক বিদ্যালয় মালিগাঁওৰ হৃদিকা দাস, মাৰিয়া পাব্লিক স্কুলৰ সহজ গুপ্তা, সৰলা বিৰলা জ্ঞানজ্যোতিৰ কৰ্ণভ পি ডেকা, শিলচৰ কলেজিয়েট স্কুলৰ মনদীপ ধৰ আৰু ৰয়েল গ্লবেল স্কুলৰ প্ৰাণ গোবিন্দ পৰাশৰ কাশ্যপ৷

শ্ৰেষ্ঠ স্কুল শিতানত প্ৰথম হয় দিল্লী পাব্লিক স্কুল গুৱাহাটী আৰু দ্বিতীয় স্থান লাভ কৰে মাৰিয়া পাব্লিক স্কুলে৷ ডবাখেলক বিদ্যালয়ৰ ছাত্ৰ-ছাত্ৰী সকলৰ মাজত জনপ্ৰিয় কৰাৰ বাবে ৰয়েল গ্লবেল স্কুলক উদগনিমূলক বটা প্ৰদান কৰা হয়৷

অন্যবছৰৰ দৰে এইবছৰ প্ৰতিদিন কাকতৰ জ্যেষ্ঠ ক্ৰীড়া সাংবাদিক তথা অসম ক্ৰীড়া সাংবাদিক সন্থাৰ সভাপতি বিদ্যুত কলিতা ডাঙৰীয়াক সম্বৰ্দ্ধনা জনোৱা হয়৷

সভাত উপস্থিত থাকি বটাসমুহ বিতৰণ কৰে অসম জাতীয় বিদ্যালয় শৈক্ষিক আৰু আৰ্থ সামাজিক ন্যাসৰ সচিব নাৰায়ণ শৰ্মা ডাঙৰীয়া, ইন্টাৰনেচনেল মাষ্টাৰ নীৰজ কুমাৰ মিশ্ৰা, অসম ডবা সন্থাৰ সম্পাদক ৰাজীৱ ধৰ , অধ্যক্ষ ঘনশ্যাম মেধি , উপাধ্যক্ষদ্বয় অপৰাজিতা বৰা আৰু ৰবীন্দ্ৰ বৰ্মন আৰু মাইন্ড স্পৰ্টচ ফাউণ্ডেচনৰ সভাপতি দিলীপ কুমাৰ দত্তচৌধুৰী , সম্পাদক নয়ন কুমাৰ দত্তই৷

⭐️Admissions Now Open!
Experience excellence with Beacon Coaching & Counseling! Our distinguished mentors from IIT, IISER, and NIT provide expert guidance. Benefit from our scientifically crafted study materials and weekly mock tests, tailored for both board and entrance exam patterns.

Choose from our specialized batches:

XI Science: Boards + IIT-JEE
XI Science: Boards + NEET
XI Science: Boards + CUET
XI Arts: Boards + CUET

To know more,
📞+91-6900846727/+91-8822437458
📩DM Us Directly
📍Assam Jatiya Bidyalay, Noonmati, Guwahati

Assam Jatiya Bidyalay Education through vernacular medium is the essence of AJB established on 01 January 1994.

🚀 CUET (UG) CRASH COURSE Announcement

📚 For Class XII Students Appearing in Board Exams, 2024

Join the intensive training at Assam Jatiya Bidyalay to ace CUET (UG) with flying colors! 🌟

🔍 Training Includes:

⏭️English Language Test (Section 1)
⏭️General Test (Logical Reasoning, Quantitative ⏭️Aptitude, General Awareness)
⏭️Mock Tests for all sections
⏭️Access to Career Spark’s Online Practice Platform

👨‍🏫 Mentor: Dinesh Lahoti, Chief Mentor of BEACON Programme

🗓 Course Schedule: From 20-3-2024 (7-week course)
⏰ Time: 3 pm to 5 pm daily
📍 Venue: Assam Jatiya Bidyalay, Noonmati

📝 Issue and Submission of Forms: 11th to 14th March, 2024
🎓 Admission: 16th March, 2024

📌 Limited Seats Available! Register Now and Secure Your Spot!

To know more,
📞+91-6900846727/+91-8822437458
📍Assam Jatiya Bidyalay, Noonmati, Guwahati

Assam Jatiya Bidyalay Education through vernacular medium is the essence of AJB established on 01 January 1994.

দেশজুৰি উদ্‌যাপন কৰা ৰাষ্ট্ৰীয় বিজ্ঞান দিৱস আজি অসম জাতীয় বিদ্যালয়তো
অনুষ্টুপীয়া কাৰ্য্যসূচীৰে উদ্ যাপন কৰা হয় । ৰামণ পৰিঘটনাৰ আৱিষ্কাৰক বিশিষ্ট পদার্থ বিজ্ঞানী চন্দ্ৰশেখৰ ভেংকট ৰামণৰ সোঁৱৰণত উদ্‌যাপন কৰা এই দিৱস উপলক্ষে বিদ্যালয়ৰ অধ্যক্ষ ঘনশ্যাম মেধিয়ে ৰামণৰ প্ৰতিচ্ছবিৰ সন্মুখত বন্তি প্ৰজ্বলন কৰি অনুষ্ঠানৰ আৰম্ভণি কৰে। বিদ্যালয়ৰ বিজ্ঞান বিভাগৰ শিক্ষক অনুৰাগ ডেকাই বিশিষ্ট বিজ্ঞানীগৰাকীৰ জীৱন আৰু কৰ্ম সম্পৰ্কত আলোকপাত কৰে। আজিৰ অনুষ্ঠানত বিদ্যালয়ৰ শিক্ষার্থী, শিক্ষক-শিক্ষয়িত্ৰী আৰু কৰ্মচাৰীসকল উপস্থিত থাকে।
উল্লেখযোগ্য যে বিদ্যালয়ৰ বছৰেকীয়া পৰীক্ষা চলি থকাৰ পৰিপ্ৰেক্ষিতত আজি অনুষ্টুপীয়াকৈ এই দিৱস উদযাপন কৰা হয়। বিজ্ঞান দিৱসৰ সৈতে সংগতি ৰাখি আয়োজন কৰা বিজ্ঞান বিষয়ক বিভিন্ন প্রতিযোগিতাসমূহ অহা ১০ আগষ্টত অনুষ্ঠিত কৰা হ'ব।

অসম জাতীয় বিদ্যালয়ৰ প্ৰাক্- বিদ্যালয়ৰ শিশু সকলৰ ক্ৰিয়া-কলাপৰ এখন প্ৰদৰ্শনী আজি বিদ্যালয় চৌহদত অনুষ্ঠিত কৰা হয়। বিদ্যালয়ৰ শৈক্ষিক বিষয়া শ্ৰী যুত ৰোহিনী গোস্বামীয়ে উন্মোচন কৰা এই প্ৰদৰ্শনীখনত প্ৰাক্-বিদ্যালয়ৰ সকলো শিশুৱে অংশগ্ৰহণ কৰে । তেওঁলোকৰ অকণি হাতৰ পৰশত প্ৰাণ পাই উঠা প্ৰদৰ্শনীখনৰ সকলো কাম শিক্ষয়িত্ৰীসকলৰ সহযোগত বিদ্যালয়তে শিশু সকলে প্ৰস্তুত কৰি উলিয়াইছে।আজি বহুতো গণ্য- মান্য ব্যক্তি আৰু অংকুৰ আৰু প্ৰাক্-প্ৰাথমিক শ্ৰেণীৰ শিশুসকলৰ লগতে তেওঁলোকৰ অভিভাৱকসকলো আহি প্ৰাক্- বিদ্যালয়ৰ প্ৰদৰ্শনীখন উপভোগ কৰে । প্ৰাক্-বিদ্যালয়ৰ শিক্ষয়িত্ৰীসকলে শিশুসকলৰ ক্ৰিয়াকলাপসমূহ দৃষ্টিনন্দনভাৱে উপস্থাপন কৰা প্ৰদৰ্শনীখনৰ সকলোৱে উচ্চ প্ৰশংসা কৰে।

দুষ্প্রাপ্য অসমীয়া আলোচনী আৰু কিতাপসমূহ স্কেন কৰি ডিজিটেল
মাধ্যমত সংৰক্ষণ কৰাৰ উদ্দেশ্যে গুৱাহাটীৰ নন্দ তালুকদাৰ ফাউণ্ডেচন আৰু অসম জাতীয় বিদ্যালয় শৈক্ষিক
আৰু আৰ্থ-সামাজিক ন্যাসৰ যুটীয়া উদ্যোগত স্থাপন কৰা “ডিজিটাইজিং অসম” (Digitizing Assam) শীর্ষক এক ডিজিটেল অভিলেখাগাৰ অসমৰ মুখ্যমন্ত্রী ড° হিমন্ত বিশ্ব শৰ্মাই ২০২৩ চনৰ মে’ মাহত ৰাইজৰ বাবে মুকলি কৰি দিছিল। উল্লেখযোগ্য যে নন্দ তালুকদাৰ ফাউণ্ডেচনে বিগত বহু বছৰ ধৰি এই প্ৰক্ৰিয়াটোৰ জৰিয়তে কেবাশ আলোচনী, বাতৰিকাকত আৰু কিতাপ ইতিমধ্যে ডিজিটেল মাধ্যমলৈ ৰূপান্তৰ কৰিছে।
এই ডিজিটেল পুথি-আলোচনীসমূহ বিশ্বৰ বিভিন্ন প্রান্তত থকা আগ্রহী লোকৰ বাবে বিনামূলীয়াকৈ উপলব্ধ হোৱাকৈ এটা ৱেবছাইট মুকলি কৰাৰ বাবে অসম জাতীয় বিদ্যালয় শৈক্ষিক আৰু আৰ্থ-সামাজিক ন্যাস আগবাঢ়ি আহে আৰু ইয়াৰ শুভাৰম্ভণি কৰে। এই ডিজিটেল অভিলেখাগাৰটোত ১৮৪০ চনৰ পৰা ১৯৭০ চনৰ সময়ছোৱা সামৰি কেবাশ দুষ্প্রাপ্য আলোচনী, বাতৰিকাকত আৰু কিতাপ ডিজিটেল ৰূপত ইতিমধ্যে উপলব্ধ কৰোৱা হৈছে।
শেহতীয়াকৈ যোৱা ২৬ জানুৱাৰী তাৰিখে গুৱাহাটীৰ ইণ্ডিয়া ক্লাবত এক সমল দান কাৰ্য্যসূচীত অসম সাহিত্য সভা আৰু উত্তৰ লক্ষীমপুৰ মহাবিদ্যালয়ৰ তৰফৰ পৰা তেখেতসকলৰ ইতিমধ্যে ডিজিটেল ৰূপ দিয়া বহুখিনি সমল ‘ডিজিটাইজিং অসম’ প্রকল্পলৈ হস্তান্তৰ কৰা হয়। অসম সাহিত্য সভাৰ হকে সভাপতি সূৰ্য্য হাজৰিকাই আৰু লক্ষীমপুৰ মহাবিদ্যালয়ৰ হৈ মহাবিদ্যালয়খনৰ সহযোগী অধ্যাপক অৰবিন্দ ৰাজখোৱাই উক্ত সমলসমূহ অৰ্পণ কৰে।কালিৰ অনুষ্ঠানটোত নন্দ তালুকদাৰ ফাউণ্ডেচনৰ মৃণাল তালুকদাৰ; অসম জাতীয় বিদ্যালয় শৈক্ষিক আৰু
আৰ্থ-সামাজিক ন্যাসৰ সভাপতি দিলীপ কুমাৰ দত্ত চৌধুৰী, সচিব ডা°নাৰায়ণ শৰ্মা; এবিলাকৰ সঞ্চালক ড° দিলীপ কলিতা, ড° নৱ গোস্বামী, আদিত্য গোস্বামী আৰু আন বহুতো বিশিষ্ট ব্যক্তি উপস্থিত থাকে। সকলোৰে বাবে বিনামূলীয়াকৈ উপলব্ধ এই ৱেবচাইটটো হৈছে www.assamarchive.org |

আজি অসম জাতীয় বিদ্যালয়ত দেশৰ ৭৫সংখ্যক গণৰাজ্য দিৱস উদ্‌যাপন কৰা হয়।

ৰূপকোঁৱৰ জ্যোতিপ্ৰসাদ আগৰৱালাৰ প্ৰতি গভীৰ শ্ৰদ্ধাঞ্জলি জনোৱাৰ উদ্দেশ্যে
আজি অসম জাতীয় বিদ্যালয়ত ‘শিল্পী দিৱস’ উদ্‌যাপন কৰা হয়।এই অনুষ্ঠানত মুখ্য অতিথি হিচাপে উপস্থিত থাকে বিশিষ্ট তবলাবাদক পণ্ডিত সুকুমাৰ বৰঠাকুৰ।বিদ্যালয়ৰ একাংশ শিক্ষক-শিক্ষয়িত্ৰী আৰু শিক্ষাৰ্থীয়ে বিভিন্ন সাংস্কৃতিক অনুষ্ঠান পৰিবেশনেৰে শিল্পীগৰাকীৰ প্ৰতি শ্ৰদ্ধা জনায়।

ভোগালী বিহুৰ প্ৰাকক্ষণত আজি নুনমাটিৰ অসম জাতীয় বিদ্যালয়ত ‘ভোগালী
চ’ৰা’ অনুষ্ঠিত কৰা হয়। বিদ্যালয়ৰ শিক্ষাৰ্থীসকলক ভোগালী বিহুৰ পৰম্পৰাৰ সৈতে পৰিচিত কৰোৱাৰ উদ্দেশ্যে বিদ্যালয়
চৌহদত মেজি আৰু ভেলাঘৰ সজা হয়। অনুষ্ঠানত বিদ্যালয়ৰ শিক্ষাৰ্থীসকলে গীত-মাত-আবৃত্তি আদি বিভিন্ন
কাৰ্য্যসূচী ৰূপায়ণ কৰাৰ লগতে শিক্ষক-শিক্ষয়িত্ৰী, কৰ্মচাৰী তথা শিক্ষাৰ্থীৰ অভিভাৱকসকলে কণী যুঁজ, টেকেলী
ভঙা আদি বিভিন্ন পৰম্পৰাগত খেলতো অংশগ্ৰহণ কৰে। এই অনুষ্ঠানতে বিদ্যালয়ৰ শিক্ষার্থী তথা শিক্ষক-কৰ্মচাৰীসকলে নাম-প্ৰসংগও পৰিবেশন কৰে।

কেৱল‌‌ পাঠ্যক্ৰমৰ শিক্ষাতেই ব্ৰতী ন'হৈ খেল-ধেমালিৰ মাজেৰেও শিক্ষাৰ্থীৰ বাবে প্ৰেৰণাদায়ক হৈ পৰে বিদ্যালয়ৰ শিক্ষক -শিক্ষয়িত্ৰী সকল।

আজিৰে পৰা অসম জাতীয় বিদ্যালয়ৰ ২০২৩-২৪ বৰ্ষৰ বাৰ্ষিক খেল-ধেমালি
বিদ্যালয় প্ৰাংগণত অনুষ্ঠিত হৈছে। এই উপলক্ষে আজি পুৱা ৯ বজাৰ পৰা আয়োজন কৰা উদ্বোধনী অনুষ্ঠান আৰু মাৰ্চ-পাষ্ট প্রতিযোগিতাৰ মুখ্য অতিথি হিচাপে উপস্থিত থাকে অসম আৰক্ষী মহাপৰিদৰ্শক (প্রশাসন) ড° নিতুল গগৈ।অনুষ্ঠানৰ আৰম্ভণিতে বিদ্যালয়ৰ অধ্যক্ষ ঘনশ্যাম মেধিয়ে বিদ্যালয়ৰ পতাকা উত্তোলন কৰি আদৰণী ভাষণ আগবঢ়ায়। ইয়াৰ পিছতে ২০২২- ২৩ শিক্ষাবৰ্ষৰ শ্ৰেষ্ঠ খেলুৱৈদ্বয় বসুধা সঞ্জয় আৰু মানৱজ্যোতি পাঠকে শিখা প্রজ্বলন কৰি বিদ্যালয় সপ্তাহৰ শুভাৰম্ভ কৰে। মাৰ্চ-পাষ্ট প্রতিযোগিতাত আজি বিদ্যালয়ৰ ষষ্ঠ শ্রেণীৰ পৰা একাদশ শ্রেণীলৈ মুঠ ১১টা দলত ২৮১ গৰাকী শিক্ষাৰ্থীয়ে অংশগ্ৰহণ কৰে।এই প্রতিযোগিতাৰ বিচাৰক হিচাপে উপস্থিত আছিল ৰাষ্ট্ৰপতি স্কাউট পদক প্রাপক পৰাগ শৰ্মা,ভাৰত স্কাউট-গাইডৰ ৰভাৰ শাখাৰ ৰাজ্যিক আয়ুক্ত, ৰাষ্ট্ৰপতি ৰভাৰ প্ৰাপক উৎপল কুমাৰ দাস আৰু ভাৰত স্কাউট গাইডৰ বাবে ৰাজ্য পুৰস্কাৰ আৰু ৰাষ্ট্ৰপতি গাইড হিচাপে মনোনীত তুলিকা দাস।
এই বার্ষিক খেল-ধেমালি প্রতিযোগিতা অহা ১১ জানুৱাৰীলৈ‌ চলিব।

অসম জাতীয় বিদ্যালয় শিক্ষা সংসদৰ উদ্যোগত আজি বিদ্যালয় চৌহদত সদৌ অসম আন্তঃ জাতীয় বিদ্যালয় তর্ক প্রতিযোগিতা অনুষ্ঠিত হয়। এই তৰ্ক প্ৰতিযোগিতাত প্ৰথম পুৰস্কাৰ লাভ কৰে গোলাঘাট জিলাৰ মহাত্মা বাল্য ভৱনৰ শিক্ষার্থী স্নেহা কলিতাই। দ্বিতীয় পুৰস্কাৰ লাভ কৰে লখিমপুৰ জিলাৰ জিজ্ঞাসা জাতীয় বিদ্যালয়ৰ শিক্ষার্থী তনুশ্রী পাঠকে। আনহাতে তর্ক প্রতিযোগিতাখনত তৃতীয় পুৰস্কাৰ লাভ কৰে বিশ্বনাথ জিলাৰ অম্বিকাগিৰী ৰায়চৌধুৰী জাতীয় বিদ্যালয়ৰ শিক্ষাৰ্থী তৰংগনা প্ৰিয়ম ফুকনে। বিচাৰকৰ বিশেষ পুৰস্কাৰ লাভ কৰে অসম জাতীয় বিদ্যালয়, নুনমাটিৰ শিক্ষাৰ্থী ৰোহিত গাঁওখোৱা আৰু তিনিচুকীয়া জিলাৰ চিকৰাজান জাতীয় বিদ্যালয়ৰ শিক্ষাৰ্থী মানক্ষী বৰাই।
উল্লেখযোগ্য যে এই প্রতিযোগিতাখনত ৰাজ্যখনৰ ১৫ খন জিলাৰ মুঠ ৩০ গৰাকী
শিক্ষাৰ্থীয়ে অংশগ্ৰহণ কৰে। এই প্রতিযোগিতাখনত অধ্যক্ষ হিচাপে উপস্থিত থাকে দিছপুৰ কলেজৰ অধ্যক্ষ ড° নৱজ্যোতি বৰা। প্রতিযোগিতাখনত বিচাৰকৰ দায়িত্বত আছিল গুৱাহাটী বিশ্ববিদ্যালয় সহকাৰী অধ্যাপিকা ড° বিদুলা শৰ্মা, পাঠশালাৰ ভট্টদেৱ বিশ্ববিদ্যালয়ৰ অধ্যাপক ড° সত্যজিত দাস আৰু ‘নিউজ১৮ অসম নৰ্থ ইষ্ট’ৰ জ্যেষ্ঠ সাংবাদিক পার্থজ্যোতি বৰা।

PAGE 1.1 - Asomiya Pratidin ePaper :01-01-2024 | অসমীয়া-প্রতিদিন ই-বাতৰিকাকত Asomiya Pratidin ePaper- Highest Circulated Assamese Daily | অসমীয়া-প্রতিদিন

অসম জাতীয় বিদ্যালয়ৰ একত্ৰিংশত্তম প্ৰতিষ্ঠা দিৱস

বিখ্যাত গণিতজ্ঞ শ্রীনিবাস ৰামানুজন আয়েংগাৰৰ জন্মদিনটো সমগ্ৰ ভাৰতবৰ্ষত
‘ৰাষ্ট্ৰীয় গণিত দিৱস’ হিচাপে পালন কৰা হয়। আজি ২২ ডিচেম্বৰ, শুকুৰবাৰে অসম জাতীয় বিদ্যালয়তো গণিতজ্ঞ গৰাকীৰ প্ৰতি শ্ৰদ্ধা জনাই ‘ৰাষ্ট্ৰীয় গণিত দিৱস’ পালন কৰা হয়। পুৱাৰ সমাবেশত অসম সংগীত
গোৱাৰ পাছতেই শ্রীনিবাস ৰামানুজনৰ প্ৰতিচ্ছবিত বিদ্যালয়ৰ অধ্যক্ষ ঘনশ্যাম মেধিয়ে বন্তি প্রজ্বলন কৰাৰ লগে
লগে শিক্ষক-শিক্ষয়িত্রী, কৰ্মচাৰীসকলে শ্ৰদ্ধাঞ্জলি জনায় ।

অসম আন্দোলনৰ প্ৰথমগৰাকী ছহিদ খৰ্গেশ্বৰ তালুকদাৰ তথা এই আন্দোলনত
প্রাণ আহুতি দিয়া ৮৫৫ জন ছহিদক সুঁৱৰি অসম জাতীয় বিদ্যালয়ত আজি ‘ছহিদ দিৱস’ পালন কৰা হয়।

বৰ অসমৰ অন্যতম খনিকৰ স্বৰ্গদেউ চাওলুং চ্যুকাফাৰ পৱিত্ৰ স্মৃতিত আজি ২
ডিচেম্বৰ তাৰিখ, শনিবাৰে অসম জাতীয় বিদ্যালয়ত ‘অসম দিৱস' পালন কৰা হয়।উল্লেখযোগ্য যে বিদ্যালয় বন্ধ দিয়াৰ পৰিৱৰ্তে বিদ্যালয়ৰ নিয়মীয়া কাৰ্য্যসূচীৰ
লগতে চাওলুং চ্যুকাফাৰ পৱিত্ৰ স্মৃতিত অসম দিৱস উদ্‌যাপন কৰা হয়।