Grama vartha

VHSS കാറളം സ്കൂൾ എൻ എസ്‌ എസ്‌ യൂണിറ്റിന്റെ ആഭിമുഘ്യത്തിൽ പച്ചക്കറി കൃഷി ആരംഭിച്ചു .കാറളം പഞ്ചായത്ത് പ്രസിഡന്റ് ശ്രീമതി ബിന്ദു പ്രദീപ് ഉത്‌ഘാടനം ചെയ്ത പരിപാടിയിൽ കാറളം കൃഷി അസിസ്റ്റന്റ് ഓഫീസർ ശ്രീ അക്ഷയ് ,vhse പ്രിൻസിപ്പാൾ ശ്രീ സജിത്ത് , പ്രോഗ്രാം ഓഫീസർ ശ്രീമതി വീണ ,അധ്യാപകരായ ജിസി ,ശ്രീജ ,നിജി,nss വോളന്റീർസ്‌ എന്നിവർ പങ്കെടുത്തു .500 പച്ചക്കറി തൈകൾ ആണ് നട്ടത് .വെണ്ട ,വഴുതന ,പച്ചമുളക് ,തക്കാളി,പയർ എന്നിവയാണ് കൃഷി ചെയ്യുന്നത് .

കെ. വി. വി. ഇ. എസ്.
ഇരിഞ്ഞാലക്കുട യൂണിറ്റ് വാർഷിക പൊതുയോഗം.

കേരള വ്യാപാരി വ്യവസായി ഏകോപനസമിതി ഇരിഞ്ഞാലക്കുട യൂണിറ്റിന്റെ നാൽപ്പത്തി മൂന്നാമത് വാർഷിക പൊതുയോഗം വ്യാപാരഭവൻ ഓഡിറ്റോറിയത്തിൽ വച്ച് നടന്നു. പ്രസിഡന്റ്‌ ശ്രീ ഷാജു പാറേക്കാടന്റെ അധ്യക്ഷതയിൽ നടന്ന പൊതുയോഗത്തിൽ ജനറൽ സെക്രട്ടറി എബിൻ വെള്ളാനിക്കാരൻ സ്വാഗതം ആശംസിക്കുകയുംവാർഷിക റിപ്പോർട്ട്‌ അവതരിപ്പിക്കുകയും ചെയ്തു. സംസ്ഥാന വൈസ്പ്രസിഡന്റ്റും തൃശൂർ ജില്ലാ പ്രസിഡന്റ്റുമായ ശ്രീ കെ. വി. അബ്ദുൽ ഹമീദ് യോഗം ഉൽഘാടനം ചെയ്യുകയും ഭദ്രം കുടുംബസുരക്ഷാ പദ്ധതിയുടെ മരണാനന്തര
സഹായമായ പത്തു് ലക്ഷം രൂപയുടെ ചെക്ക് ബന്ധുക്കൾക്ക് നൽകുകയും ചെയ്തു.
S. S. L. C, PLUS-2 അവാർഡുകൾ ജില്ലാ ട്രഷറർ ശ്രീ ജോയ് മൂത്തേടൻ വിതരണം ചെയ്തു.
ട്രഷറർ ശ്രീ വി. കെ. അനിൽ കുമാർ വരവ് ചിലവ് കണക്കുകൾ അവതരിപ്പിച്ചു. വനിതാവിംഗ് നിയോജകമണ്ഡലം ചെയർപേഴ്സൺ ശ്രീമതി സുനിത ഹരിദാസ്, യൂണിറ്റ് വൈസ് പ്രസിഡന്റ്‌ ശ്രീ ടി വി. ആന്റോ, യൂത്ത് വിംഗ് പ്രസിഡന്റ്‌ ലിഷോൺ ജോസ് എന്നിവർ ആശംസകൾ അർപ്പിച്ചു.
വൈസ് പ്രസിഡന്റ്മാരായ
ശ്രീ മണി മേനോൻ, പി. വി. നോബിൾ, ജോയിന്റ് സെക്രട്ടറിമാരായ ഡീൻ ഷാഹിദ്, ഷൈജോ ജോസ്, ബൈജു K. R. എന്നിവർ നേതൃത്വം നൽകി.

SSLC പരീക്ഷയിൽ നല്ല വിജയം നേടിയ ഭഭ്രയെ വാർഡ് മെമ്പർ സരിതാ വിനോദും പ്രദേശവാസികളും ചേർന്ന് ആദരിച്ചു . താണിശ്ശേരി ഹരിപുരത്തുള്ള മാടത്തിങ്കൽ ബൈജുവിൻ്റെയും ധന്യയുടെയും മകളാണ് ഭദ്ര

ഡോൺ ബോസ്കോ സ്കൂളിൽ പ്രവേശനോൽസവം

ഇരിങ്ങാലക്കുട ഡോൺ ബോസ്കോ സ്കൂളിലെ പ്രവേശനോൽസവം കാലടി ശ്രീ ശങ്കരചാര്യ സർവകലാശാല പ്രൊഫസർ ഡോ. എം.ആർ. ധിനു ഉൽഘാടനം ചെയ്തു. മാനേജർ ഫാ.ഇമ്മാനുവേൽ വട്ടക്കുന്നേൽ അദ്ധ്യക്ഷത വഹിച്ചു. സ്കൂൾ പ്രിൻസിപ്പൽ ഫാ. സന്തോഷ് മാത്യു, ഫാ. ജിതിൻ മൈക്കിൾ, ഫാ. വർഗീസ് ജോൺ, സിസ്റ്റർ. വി.പി. ഓമന, ഐ.സി.എസ്.ഇ. പ്രിൻസിപ്പൽ ലൈസ സെബാസ്റ്റ്യൻ, പി.ടി.എ.പ്രസിഡന്റ് ടെൽസൺ കോട്ടോളി, പൂർവ്വ വിദ്യാർത്ഥി സംഘടന പ്രസിഡന്റ് സിബി അക്കരക്കാരൻ, സ്റ്റാഫ് സെക്രട്ടറി മേഘ്ന കെ.പി, ആഷ്ലി സണ്ണി.എന്നിവർ പ്രസംഗിച്ചു. ബെസ്റ്റ് സ്റ്റുഡന്റ് അവാർഡ് നേടിയ അലൻ ടെൽസനും, നിവേദ്യ സി.ജെ. എന്നിവർക്ക് മെമെന്റോയും 5000 രൂപ വീതം ക്യാഷ് അവാർഡും പൂർവ്വ വിദ്യാർത്ഥി ഭാരവാഹികളായ മനിഷ് അരിക്കാട്ട്, ഫ്രാൻസൻ മൈക്കിൾ എന്നിവർ നൽകി

കാർളോ ദിവ്യകാരുണ്യ എക്സിബിഷൻ ഉൽഘാടനം ചെയ്തു

മെയ് 19 ന് ഞായറാഴ്ച നടത്തുന്ന
ദിവ്യകാരുണ്യ കോൺഗ്രസിന് മുന്നൊരു ക്കമായി ദിവ്യകാരുണ്യ എക്സിബിഷൻ ഇരിഞ്ഞാലക്കുട സെന്റ്. തോമസ് കത്തീഡ്രൽ പള്ളിയങ്കണത്തിൽ പ്രത്യേകം തയ്യാറാക്കിയ പന്തലിൽ ഹൊസൂർ രൂപത മെത്രാൻ ബിഷപ്. മാർ സെബാസ്റ്റ്യൻ പൊഴലിപറമ്പിൽ നാട മുറിച്ച് ഉൽഘാടനം ചെയ്തു. ഇരിങ്ങാലക്കുട രൂപത ബിഷപ്. മാർ പോളി കണ്ണൂക്കാടൻ അദ്ധ്യക്ഷത വഹിച്ചു .വികാരി ജനറാൾമാരായ മോൺ. ജോസ് മാളിയേക്കൽ, മോൺ. വിൻസെന്റ് ഈരത്തറ, കത്തീഡ്രൽ വികാരി റവ.ഡോ. ലാസർ കുറ്റിക്കാടൻ, ദിവ്യ കാരുണ്യ കോൺഗ്രസ് കമ്മറ്റി ജനറൽ കൺവീനർ റവ.ഡോ. റിജോയ് പഴയാറ്റിൽ, ജോ. കൺവീനർ ലിംസൺ ഊക്കൻ, ഫാ.ലിജോ കരുത്തി, പബ്ലിസിറ്റി. ജോ കൺവീനർ ടെൽസൺ കോട്ടോളി എന്നിവർ പ്രസംഗിച്ചു. ഫാ. സെബാസ്റ്റ്യൻ അരിക്കാട്ട്, ഫാ. റെനിൽ കാരാത്ര, ഫാ. ലിജോ കരുത്തി, ബിനോയ്, മനു എന്നിവരുടെ നേതൃത്വത്തിൽ മെയ് 15 മുതൽ 26 വരെയുള്ള ദിവസങ്ങളിൽ ദിവ്യകാരുണ്യ എക്സിബിഷൻ ഉണ്ടായിരിക്കും പ്രവേശനം സൗജന്യമാണ് വിവിധങ്ങളായ ദിവ്യ കാരുണ്യ അത്ഭുതങ്ങളും ഏവർക്കും പഠിക്കാനും കൂടുതൽ അറിയാനുമുള്ള കാര്യങ്ങളും ലോകത്തിന്റെ വിവിധ ഭാഗങ്ങളിൽ നടന്നിട്ടുള്ള വിഭിന്നങ്ങളായ സംഭവങ്ങളും ചിത്രങ്ങളും വിഡിയോ പ്രദർശനവുമുള്ള ദിവ്യകാരുണ്യ എക്സിബിഷനിൽ ഉണ്ടായിരിക്കും

ഇരിഞ്ഞാലക്കുട: ഡോൺ ബോസ്‌കോ അങ്കണത്തിൽ സ്ഥിതി ചെയ്യുന്ന പുതുക്കി പണിത മാതാവിന്റെ നാമധേയത്തിലുള്ള തീർത്ഥകേന്ദ്രത്തിന്റെ കുദാശാകർമ്മം മെയ് 7-ാം തിയ്യതി ചൊവ്വാഴ്ച ഇരിങ്ങാലക്കുട മെത്രാൻ മാർ. പോളി കണ്ണൂക്കാടൻ പിതാവ് നിർവ്വഹിച്ചു.
എല്ലാവർഷവും നടത്തി വരുന്ന മാതാവിന്റെ തിരുന്നാളിന് ഒരുക്കമായുള്ള നൊവേനയും കുർബ്ബാനയും ഇപ്പോൾ നടന്നുവരുന്നു. തിരുന്നാൾ കൊടിയേറ്റം വ്യാഴാഴ്ച മെയ് 9-ാം തിയ്യതി രാവിലെ 7.15 ന് ഇരിങ്ങാലക്കുട ഡോൺ ബോസ്‌കോ റെക്ടർ ഫാ. ഇമ്മാനുവൽ വട്ടകുന്നേൽ SDB നിർവഹിക്കും. മെയ് 11-ാം തിയ്യതി ശനിയാഴ്ച വൈകീട്ട് 5 മണിയുടെ കുർബ്ബാനയിൽ പ്രസ്തുദേന്തി വാഴ്ച്ച തുടർന്ന് രൂപം എഴുന്നുള്ളിച്ചുവെക്കൽ. തിരുന്നാൾ ദിനമായ ഞായറാഴ്ച മെയ് 12-ാം തിയ്യതി രാവിലെ ആഘോഷമായാ തിരുന്നാൾ കുർബ്ബാന സലേഷ്യൻ ബാംഗ്ലൂർ തിരുഹൃദയ പ്രൊവിൻസ് പ്രൊവിൻഷ്യാൾ റവ. ഫാ. ഡോ. ജോസ് കോയിക്കൽ SDB യുടെ മുഖ്യകാർമ്മീത്വത്തിൽ, തുടർന്ന് 200 വിശുദ്ധരുടെ തിരുശേഷിപ്പു വണക്കത്തിനുള്ള അവസരം വൈകീട്ട് 5.30 വരെ. 5.30ന് തിരുന്നാൾ പ്രദക്ഷിണം 7.30ന് സമാപനം.