Kavumvattam MUP School

മക്കളോട് നീതി പുലർത്തുക!
അവരെ ജീവിതം പഠിപ്പിക്കുക!
പൊതുവിദ്യാലയങ്ങളിൽ മക്കൾ പഠിക്കട്ടെ.
അവർ മനുഷ്യരാകട്ടെ !
മിടുക്കരായ മനുഷ്യർ!

ഒരു അധ്യയന വർഷം കൂടി. അവസാനിക്കുന്നു.അടുത്ത അധ്യയന വർഷത്തിനുള്ള ഒരുക്കങ്ങളാരംഭിക്കുന്ന കാലവുമാണിത്.കുട്ടികളെ പുതിയതായി ചേർക്കുന്നവരും അല്ലാത്തവരിലും നിലവിലുള്ള വിദ്യാലയത്തിൽ തന്നെ കുട്ടി പഠിക്കണമോ എന്ന് ആലോചിക്കുകയും ചെയ്യുന്ന ദിനങ്ങളാണ് കടന്നുപോകുന്നത്.. കഴിഞ്ഞ ഏഴ് വർഷമായി രക്ഷിതാക്കൾ ഇത്തരത്തിൽ നടത്തിയ ചിന്തകളുടെ ഭാഗമായാണ് പതിനൊന്ന് ലക്ഷത്തോളം കുട്ടികൾ പൊതു വിദ്യാലയങ്ങളിലേക്ക് മടങ്ങിവന്നത്.പൊതു വിദ്യാലയങ്ങളുടെ വ്യാപനമാണ് ഇതിന് ഒരുകാരണം .നമുക്ക് ഒരു കിലോമീറ്റർ ചുറ്റളവിനുള്ളിൽ ഒരു എൽ .പി സ്കൂൾ ഒന്നര കിലോമീറ്റർ ചുറ്റളവിൽ യു.പി സ്കൂൾ പഞ്ചായത്തിൽ ഒരു ഹൈസ്കൂളും ഒരു ഹയർ സെക്കൻഡറി സ്കൂളും ഉറപ്പാണ്.

പൊതുവിദ്യാലയങ്ങളിൽ മക്കളെ പഠിപ്പിക്കാത്ത രക്ഷിതാക്കൾക്ക് ഈ സുവർണാവസരം പ്രയോജനപ്പെടുത്തണം. മക്കളെ പൊതു വിദ്യാലയത്തിന്റെ നന്മകളിലേക്ക് തിരികെയെത്തിക്കുവാനുള്ള ഉചിതമായ സന്ദർഭത്തെ ഉപയോഗപ്പെടുത്തുക. യാതൊരുവിധ അംഗീകാരവുമില്ലാതെ പ്രവർത്തിക്കുന്ന നൂറുകണക്കിന് വിദ്യാലയങ്ങളാണ് കേരളത്തിലുള്ളത്. ഇവയിലേറെയും ജാതിമത സംഘടനകൾ സ്പോൺസർ ചെയ്യുന്ന വിദ്യാലയങ്ങളും ആണ്. സ്വാർത്ഥതയുടെ കൂടാരങ്ങളിൽ നിന്ന് ഈ കുഞ്ഞുങ്ങളെ മനുഷ്യ നന്മയുടെ മഹാ വിസ്മയങ്ങളിലേക്ക് നയിക്കുവാൻ പൊതുഇടങ്ങൾ തന്നെയാണ് ആവശ്യം. ഇല്ലാത്ത മികവുകളും ആംഗലേയ ഭാഷാ മാധ്യമമെന്ന വീമ്പുപറച്ചിലും നിലകൊള്ളുന്ന ഇത്തരം വിദ്യാലയങ്ങളുടെ വെളിച്ചം കടക്കാത്ത മതിലുകൾക്കുള്ളിൽ എന്താണ് നടക്കുന്നതെന്ന് അവിടം ഉപേക്ഷിച്ച രക്ഷിതാക്കൾ പറയുന്നുണ്ട്.

കേരളത്തിലെ മുഴുവൻ വിദ്യാർത്ഥികളും പൊതുവിടങ്ങളിൽ പഠിക്കട്ടെ! പൊതുവിദ്യാലയങ്ങൾ ഒരുക്കുന്ന സൗകര്യങ്ങൾ, പൊതുവിദ്യാഭ്യാസ സംരക്ഷണത്തിനായി സർക്കാർ ചെലവഴിക്കുന്ന കോടിക്കണക്കിനു രൂപയും ഈ നാട്ടിലെ എല്ലാ കുഞ്ഞുങ്ങളുടെയും അവകാശമാണ്. മക്കളെ പൊതുവിദ്യാലയത്തിൽ പഠിപ്പിക്കുക എന്നത് നിങ്ങൾക്ക് നിർവഹിക്കാവുന്ന ഏറ്റവും വലിയ കടമയാണ്. ( കടപ്പാട് )

ഇന്നോണം പൊന്നോണം...

ദേശാഭിമാനി എൻ്റെ പത്രം പദ്ധതിയിൽ TK ദാമോധരൻ മാസ്റ്ററുടെ ഓർമ്മക്ക് കുടുംബവും,അരിക്കുളം സർവീസ് സഹകരണ ബേങ്കും കാവും വട്ടം എം യു.പി സ്കുളിൽ നൽകിയ പത്രം ബേങ്ക് പ്രസിഡണ്ട് സി.അശ്വനി ദേവ് സ്കൂൾ ലീഡർക്ക് കൈമാറുന്നു RK അനിൽ കുമാർ, TE ബാബു, MM അച്ചുതൻ, സ്കൂൾ HM മനോജ്മാസ്റ്റർ എന്നിവർ പങ്കെടുത്തു

അക്ഷരപ്പൂവിളി കേൾക്കുന്നു
അറിവിന്റെ പൂക്കൾ വിളിക്കുന്നു
അക്ഷരത്തോണി തുഴയാൻ വരൂ
അറിവിന്റെ പൂമധു നുകരാൻ വരൂ
തുമ്പികളോടൊത്തു തുള്ളാൻ വരൂ
സ്വപ്ന ലോകത്തു പറക്കാൻ വരൂ
പൊട്ടിച്ചിരിക്കാൻ തുള്ളിക്കളിക്കാൻ മഴവില്ലിലൂഞ്ഞാലു കെട്ടിയാടാൻ
വരൂ വരൂ വരൂ
കടലാസുതോണിയുണ്ടാക്കാം
മഴവെള്ളച്ചാലിലൊഴുക്കിക്കളിക്കാം
മഴയുടെ കുളിരിലലിയാം
കാറ്റിന്റെ കൈയിൽ പിടിക്കാം
കഥകൾ കേട്ടു രസിക്കാം
പാട്ടുകൾ പാടിക്കളിക്കാം കൂടിക്കളിക്കാൻ
ആർപ്പുവിളിക്കാൻ ഉത്സവമായ് ഉത്സവമായ്
പുതിയൊരുത്സവമായ്
പാട്ടിന്റെ കൂട്ടിന്റെ
ഉത്സവമായ് ,
ആർപ്പുവിളിക്കാം ആർത്തു രസിക്കാം
ഉത്സവമായല്ലോ
പ്രവേശനോത്സവമായല്ലോ
ഹാ
പ്രവേശനോത്സവമായല്ലോ.... അറിവിന്റെ പൂമധു നുകരാൻ വരുന്ന എല്ലാ പിഞ്ചോമനകൾക്കും ആശംസകൾ.. പി ടി എ കെ എം യു പി