Skssf Mathur Unit

സമസ്ത സ്ഥാപകദിനാചരണത്തിന്റെ ഭാഗമായി ചുങ്കമന്നം സെന്ററിൽ
സമസ്തയുടെ പതാക
ഉയർത്തുകയും തെരുവത്ത് മഖാമിൽ, സമസ്ത കേരള ജംഇയ്യത്തുൽ ഉലമ ആലത്തൂർ താലൂക്ക് സെക്രട്ടറി സിപി ഷാഹുൽ ഹമീദ് ഫൈസിയുടെനേതൃത്വത്തിൽ സിയാറത്ത് നടത്തുകയും ചെയ്തു.ഹംസ ഫൈസി, ഹംസത്ത് അൻവരി,സുലൈമാൻ മുസ്‌ലിയാർ,സ്വാദിഖ് മാത്തൂർ, അൻവർ കളത്തിൽ, അബ്ബാസ് മാത്തൂർ, മുഹമ്മദ്‌ മുസ്‌ലിയാർ,സമസ്ത മാത്തൂർ കോർഡിനേഷൻ കമ്മിറ്റി നേതാക്കൾ, SKSSF മാത്തൂർ യൂണിറ്റ് നേതാക്കൾ എന്നിവർ പങ്കെടുത്തു...

കിതപ്പറിയാത്ത മൂന്നര പതിറ്റാണ്ടിന്റെ കുതിപ്പിൽ ഈ വിദ്യാർത്ഥി പടയണി ചരിത്രം തീർത്ത് മുന്നോട്ട് ഗമിക്കുകയാണ്.

ചരിത്രത്തിന്റെ അനിവാര്യതയിൽ കാലത്തിന്റെ തേട്ടമായി 1989 ഫെബ്രുവരി 19-ാം തീയതി കോഴിക്കോട് സാമൂതിരി സ്കൂളിൽ കേരളത്തിലെ അക്കാലത്തെ അഗ്രേസരായ പണ്ഡിതരുടെ പ്രാർത്ഥനയും ആശീർവാദവും ഏറ്റുവാങ്ങി പ്രയാണം ആരംഭിച്ച എസ് കെ എസ് എസ് എഫ് .
പിന്നിട്ട വഴികളിൽ ചരിത്രനേട്ടം സൃഷ്ടിച്ചു 35 വർഷം പൂർത്തിയാവുകയാണ്.

പറയേണ്ടത് പറയേണ്ടിടങ്ങളിൽ പറയേണ്ട സമയത്ത് പറഞ്ഞും, തിരുത്തേണ്ടത് തിരുത്തിയും , തിരുത്തിക്കേണ്ടത് തിരുത്തിച്ചും ,നിലപാടിലും ആദർശത്തിലും വ്യതിചലിക്കാതെ സമസ്ത വഴിയിൽ ഉറച്ചുനിന്നും കേരളത്തിൻറെ വിദ്യാർത്ഥി യൗവനത്തെ സത്യത്തിന്റെ പാതയിൽ വഴി നടത്താൻ ഈ സംഘ ചേതനക്ക് സാധിച്ചു.

കുറ്റിപ്പുറത്തെ വാദിനൂറും ,കോഴിക്കോട്ടെ മജ്‌ലിസ് ഇൻതിസാബും,തൃശ്ശൂരിലെ സമർഖന്തും
കഴിഞ്ഞുപോയ പതിറ്റാണ്ടുകളിലെ നാഴികക്കല്ലുകൾ ആണ് .
പ്രീ സ്കൂൾ മുതൽ റസിഡൻഷ്യൽ സയൻസ് സ്കൂൾ വരെയുള്ള മത ഭൗതിക സമന്വയവിദ്യാഭ്യാസ സ്ഥാപനങ്ങളും
ദേശീയ പദ്ധതികളും വിദ്യാർത്ഥികളുടെ അഭിരുചിക്കനുസരിച്ച് പ്രവർത്തിക്കാനായി 18 സബ് വിംഗുകളും
സഹചാരിയും സഹചാരി സെന്ററുകളുമായി
മത സാമൂഹിക സാംസ്കാരിക വിദ്യാഭ്യാസ ജീവകാരുണ്യ സേവന മേഖലകളിൽ കയ്യൊപ്പ് ചാർത്തി മുന്നോട്ടു ഗമിക്കുകയാണ് ഈ പഞ്ചാക്ഷരി.

കാലത്തിന്റെ തേട്ടങ്ങൾക്കുത്തരം നൽകാൻ പ്രതിജ്ഞാബദ്ധമാണ് നാം .

മൂന്നരപതിറ്റാണ്ടിന്റെ പകിട്ടാർന്ന കർമ നൈരന്തര്യത്തിന് പരിസമാപ്തിയായി വരുന്ന ഫെബ്രുവരിയിൽ ഐതിഹാസിക 35ാം വാർഷിക സമ്മേളനം നടക്കുകയാണ്.

സത്യം , സ്വത്വം, സമർപ്പണം എന്ന പ്രമേയത്തിലാണ് നമ്മുടെ സമ്മേളനം.
സത്യേതര പ്രസ്ഥാനങ്ങളെയും , അവരുടെ പ്രചാരണങ്ങളെയും തുറന്നു കാട്ടി.
അപര തൽപരർക്ക് വേണ്ടി സ്വത്വ ബോധം കളങ്കപ്പെടുത്തുന്ന പുതിയ കാലത്ത്
സ്വത്വ വീണ്ടെടെപ്പിനായി പോരാടി സേവന വഴിയിൽ പുതുമകൾ തീർക്കാൻ ഈ കാലയളവിൽ സംഘടനയും പ്രവർത്തകരും സജ്ജമാവുകയാണ്.

ഇന്ന് രാത്രി
പോസ്റ്റർ പ്രചരണത്തോടെ
നമ്മുടെ സന്ദേശം അഷ്ടദിക്കിലുമെത്തണം. പ്രചരണ പ്രവർത്തനങ്ങളിലും
കർമ്മ നൈരന്തര്യത്തിലും
ജാഗ്രതയോടെ ഇടപെട്ട് കർമ്മ പദ്ധതികൾ
സമൂഹത്തിന് സമപ്പിക്കാൻ
സഹപ്രവർത്തകർ സജജമാവുക.

സത്യം സ്വത്വം
സമർപ്പണം

SKSSF
35-ാം വാർഷിക
മഹാ സമ്മേളനം

2024 ഫെബ്രുവരി
02,03,04
മുഖദ്ദസ്, കോഴിക്കോട്

❤️❤️

പ്രവാചക നിന്ദ രാജ്യത്തിന്
അപമാനമുണ്ടാക്കി : എസ്.കെ.എസ്.എസ്.എഫ്

പ്രവാചകൻ മുഹമ്മദ് നബി(സ്വ)യെ നിന്ദിക്കുന്ന രീതിയിൽ ബിജെപി നേതാവ് നുപുർ ശർമ നടത്തിയ പ്രസ്താവന
ആഗോള സമൂഹത്തിൽ രാജ്യത്തിന് അപമാനം ഉണ്ടാക്കിയെന്നും ഇത്തരം വിദ്വേഷ പരാമർശങ്ങൾക്കെതിരെ
രാജ്യത്തിനകത്ത് നിന്ന് തന്നെ ക്രിയാത്മകമായ പ്രതികരണങ്ങൾ ഉയർന്ന് വരണമെന്നും എസ്.കെ.എസ്. എസ്.എഫ് സംസ്ഥാന കമ്മിറ്റി അഭിപ്രായപ്പെട്ടു. പ്രവാചകന്മാരെയും മത ചിഹ്നങ്ങളെയും ഇകഴ്ത്തി കാണിക്കാനുള്ള ഏതൊരു ശ്രമവും അന്താരാഷ്ട്ര തലത്തിൽ തന്നെ വൈകാരികമായ പ്രക്ഷോഭങ്ങളിലേക്കും അനിയന്ത്രിതമായ സംഘർഷങ്ങളിലേക്കും നയിക്കുമെന്ന ചരിത്രപാഠം ഉൾക്കൊള്ളാതെ ഉത്തരവാദപ്പെട്ട സ്ഥാനങ്ങളിലിരുന്ന് അനാവശ്യവും അർത്ഥശൂന്യമായ പ്രസ്താവനകൾ നടത്തുന്നതും പ്രതിഷേധമുയരുമ്പോൾ മാത്രം പിൻമാറുന്നതും പരിഹാസ്യമാണ്.
ഇത്തരം പ്രവണതകൾ ആവർത്തിക്കാതിരിക്കാൻ കേവലമായ അച്ചടക്ക നടപടികൾക്കപ്പുറം പ്രവാചക സ്നേഹികളായ ലോക സമൂഹത്തെ വേദനിപ്പിച്ചതിന് മാപ്പ് പറയണമെന്നും രാജ്യത്തിൻറെ യശസ്സ് വീണ്ടെടുക്കുന്നതിന് ആവശ്യമായ വിധം മതസഹിഷ്ണുതാപരമായ സന്ദേശങ്ങൾ കൂടുതൽ പ്രചരിപ്പിക്കാൻ ഉത്തരവാദപ്പെട്ടവർ തയ്യാറാകണമെന്നും യോഗം ആവശ്യപ്പെട്ടു. പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങൾ അധ്യക്ഷനായി.
സത്താർ പന്തലൂർ ,സയ്യിദ് ഹാശിർ അലി ശിഹാബ് തങ്ങൾ പാണക്കാട് , താജു ദ്ധീൻ ദാരിമി പടന്ന,ഒ പി അഷ്‌റഫ്‌ ,അൻവർ മുഹ്‌യുദ്ധീൻ ഹുദവി , അനീസ് റഹ്മാൻ മണ്ണഞ്ചേരി , ത്വാഹ നെടുമങ്ങാട് ,
ഡോ. കെ ടി ജാബിർ ഹുദവി , ജലീൽ ഫൈസി അരിമ്പ്ര , അബ്ദുൽ ഖാദർ ഫൈസി തലക്കശ്ശേരി , മുജീബ് റഹ്മാൻ അൻസ്വരി നീലഗിരി, ആർ വി അബൂബക്കർ യമാനി , ശമീര്‍ ഫൈസി ഒടമല , സ്വാലിഹ് പി എം ഇടുക്കി,നാസിഹ് മുസ്ലിയാര്‍ ലക്ഷദ്വീപ്, നൂറുദ്ധീൻ ഫൈസി മുണ്ടുപാറ, അനീസ് ഫൈസി മാവണ്ടിയൂർ, അലി വാണിമേൽ, മുഹമ്മദ്‌ ഫൈസി കജ എന്നിവർ പങ്കെടുത്തു.ജനറൽ സെക്രട്ടറി റശീദ് ഫൈസി സ്വഗതവും ആഷിഖ് കുഴിപ്പുറം നന്ദിയും പറഞ്ഞു

Skssf Mathur Unit is now on WhatsApp.

for registration

contact -7994285780

അസ്തിത്വം, അവകാശം
യുവനിര വീണ്ടെടുക്കുന്നു.

എസ് കെ എസ് എസ് എഫ് സംസ്ഥാന പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങളുടെ നേതൃത്വത്തില്‍ തിരുവനന്തപുരം മുതല്‍ മംഗലാപുരം വരെയായി നടക്കുന്ന മുന്നേറ്റ യാത്രക്ക് പാലക്കാട്ട് നല്‍കിയ സ്വീകരണ സമ്മേളനം ഉദ്ഘാടനം ചെയ്തു.

#മുന്നേറ്റയാത്ര