Imam Ahmed Raza Darul Ifta

"دارالافتاء میں شہزادگان فاتح بلگرام کی آمد"

گزشتہ شب بعد نماز عشاء طیبہ مسجد،امام احمدرضامرکزی دارالافتاءوالقضاء(میرا روڈ)میں جانشین فاتح بلگرام، رئیس الاتقیاء، مخدوم المشائخ سیدی سرکار اویس میاں واسطی دام ظلہ علینا (سجادہ نشین خانقاہ محمدیہ صغرویہ) اور شہزادۂ فاتح بلگرام سیدی ڈاکٹر بادشاہ میاں واسطی دام ظلہ کی آمد ہوئی، کثیر تعداد میں علما و عوام اہل سنت نے شرکت کی، اس پروگرام میں سب سے پہلے سیدی اویس میاں دام ظلہ نے لوگوں کو مرید بنا کر حلقہ ارادت میں داخل کیا، پھر حضرت اویس میاں کے حکم پر خلیفہ تاج الشریعہ حضرت علامہ مولانا مفتی یونس رضا مونس اویسی (قاضی شرع کانپور) نے لوگوں سے خطاب کرتے ہوئے کہا کہ "تمام صحابہ کرام رضی اللہ عنہم کا ادب ہم پر لازم و ضروری ہے، آج کل حضرت سیدنا مولائے کائنات کرم اللہ وجہہ الکریم اور امیر معاویہ رضی اللہ عنہ کے آپسی اختلافات کو لے کر کچھ لوگ بہت پروپیگنڈہ کر رہے ہیں، ہمیں ایسے لوگوں سے دور رہنا ہے، حضرت امیر معاویہ کاتب وحی تھے، صحابی رسول تھے اور حضرت مولیٰ علی و دیگر صحابہ کرام کی اپنی الگ شان ہے، ہمیں ہر صحابی کا ادب کرنا ہے، تمام کا ذکر خیر کے ساتھ کرنا ہے، اللہ کریم نے ان کو جنتی فرمایا ہے اور رسول اللہﷺ نے انھیں جنت کی بشارت دی ہے، اس لیے ہمیں مشاجرات صحابہ یعنی ان کے آپسی مسائل پر زبان بند رکھنے کی ضرورت ہے، وہ سب ہماری آنکھوں کے تارے ہیں، اس کے بعد سرکار اویس میاں نے ان کے بیان کی تصدیق و تائید فرماتے ہوئے کہا کہ "ہمیں ہمارے بزرگوں نے جو پیغام دیا ہے وہ یہی کہ جہاں جاؤ مسلک اعلیٰ حضرت کا کام کرو اور مسلک اعلیٰ حضرت پر سختی کے ساتھ پابند رہو، یہی میرا پیغام ہے اور مشائخ بلگرام کا پیغام ہے" پھر حضرت نے امام احمد رضا مرکزی دارالافتاءوالقضاء کے لیے خصوصی دعا فرمائی اور خلیفہ حضور تاج الشریعہ حضرت علامہ مفتی رئیس اختر القادری صاحب قبلہ مدظلہ العالی کو اپنی خلافت و اجازت سے نوازا........ اس مجلس میں حضرت مولانا بلال احمد امجدی، مولانا قربان صاحب، حضرت مولانا محمد احمد علیمی، حضرت حافظ و قاری آصف رضا برکاتی صاحب وغیرہ علمائے کرام موجود تھے۔
ترسیل:محمد داؤد امجدی قادری
خادم:امام احمد رضا مرکزی دارالافتاءوالقضاء،میرا روڈ
٧ شعبان المعظم ١٤٤٤ھ بروز منگل
28-02-2023