KL 15 - Kerala State RTC

😂😂😂

😂😂😂✌🏻✌🏻✌🏻

വെള്ളറട ഡിപ്പോയിൽ നിന്നും ഇന്ന് വൈകിട്ട് 4:10നു പുറപ്പെട്ട തേക്കുപാറ അമ്പൂരി മായം (DNo: 23) ഷെഡ്യൂളിലെ ഡ്രൈവർ R രാജേഷ് ആനപ്പാറ കഴിഞ്ഞപ്പോൾ ബോധ രഹിതനായി വീഴുകയും ബസ് നിയന്ത്രണം വിടുകയും പെട്ടെന്ന് ഡ്രൈവിങ് സീറ്റിൽ കയറി ബ്രേക്ക്‌ ചവിട്ടി നിയന്ത്രിച്ചു വലിയൊരു അപകടത്തിൽ നിന്നും രക്ഷിച്ച പ്രിയ കണ്ടക്ടർ വി. ജി വിഷ്ണുവിനു അഭിനന്ദനങ്ങൾ....

കഴിഞ്ഞ ദിവസം നിലക്കൽ - പമ്പ റൂട്ടിൽ ഇലവുങ്കലിന് സമീപം ആറ്റിങ്ങൽ ഡിപ്പോയുടെ RPM 702 ന് മുന്നിൽ വന്ന കാട്ടുകൊമ്പൻ

തൊട്ടതിനും പിടിച്ചതിനും ഒക്കെ KSRTC ജീവനക്കാരെ പഴി പറയുന്നവരാണ് നമ്മിൽ പലരും....

വ്യത്യസ്തമായ ഒരു അനുഭവം ഉണ്ടായതുമായി ബന്ധപ്പെട്ട് KSRTC ജീവനക്കാരെ അഭിനന്ദനങ്ങൾ അറിയിക്കുന്നതിനായി ആണ് ഈ കുറിപ്പ് നിങ്ങളുമായി പങ്കുവയ്ക്കുന്നത്.😍❤️

കഴിഞ്ഞ ശനിയാഴ്ച (28.01.2023) ചങ്ങനാശ്ശേരി ഡിപ്പോയിലെ തിരുനെൽവേലി - കോട്ടയം ബസില്‍ പുനലൂരില്‍ നിന്ന് വരവേ പത്തനാപുരം എത്തുന്നതിന് മുമ്പായി ഭര്‍ത്താവും ഭാര്യയും രണ്ട് പിഞ്ചുകുഞ്ഞുങ്ങളും അടങ്ങുന്ന തമിഴ്നാട്ടുകാരായ കുടുംബത്തിലെ ഭാര്യയ്ക്ക് പെട്ടന്ന് ദേഹാസ്വാസ്ത്യം ഉണ്ടായി കുഴഞ്ഞ് വീഴുന്ന സാഹചര്യം ഉണ്ടായി. ഉടൻ തന്നെ കൂടെ ഇരുന്നിരുന്ന യാത്രക്കാര്‍ കണ്ടക്ടറെ വിവരം അറിയിക്കുകയും പത്തനാപുരത്ത് സ്വകാര്യ ആശുപത്രിയില്‍ ചികിത്സ തേടാമെന്ന് തീരുമാനിക്കുകയും ചെയ്തു. എന്നാൽ ഭാര്യയ്ക്ക് Low BP യുടെ പ്രശ്നം ഇടയ്ക്കിടെ ഉണ്ടാകാറുണ്ടെന്നും സ്വകാര്യ ആശുപത്രിയില്‍ കയറുന്നതിനുള്ള സാമ്പത്തികം ഇല്ലായെന്നും ഭര്‍ത്താവ് കണ്ടക്ടറെ അറിയിച്ചു. അപ്പോഴേക്കും ബസ് പത്തനാപുരം സ്റ്റാന്റില്‍ എത്തിയിരുന്നു. പെട്ടന്ന് കണ്ടക്ടര്‍ ബേക്കറിയില്‍ നിന്നും നാരങ്ങ വെള്ളം വാങ്ങി നല്‍കുകയും അടൂർ താലൂക്ക് ആശുപത്രിയില്‍ ചികിത്സ തേടാമെന്ന് അറിയിക്കുകയും ചെയ്തു. പിന്നീട് ഡ്രൈവർ വളരെ വേഗം ബസ് അടൂർ താലൂക്ക് ആശുപത്രിയില്‍ എത്തിച്ചു. കണ്ടക്ടര്‍ ഇറങ്ങി കാഷ്വാലിറ്റിയിലേക്ക് ഓടി രോഗിയെ എത്തിക്കുന്ന വിവരം ധരിപ്പിക്കുകയും ഡ്രൈവറും സഹയാത്രികരായിരുന്ന രണ്ട് മുന്ന് വനിതകളും ചേര്‍ന്ന് സ്ത്രീയെ ഇറക്കി ആശുപത്രിയില്‍ എത്തിക്കുകയും ചെയ്തു. ഏകദേശം അരമണിക്കൂറോളം സമയം കണ്ടക്ടറും ഡ്രൈവറും അവിടെ ചെലവഴിച്ച് രോഗിയ്ക്ക് സീരിയസായ കുഴപ്പങ്ങള്‍ ഇല്ലായെന്ന് ബോദ്ധ്യപ്പെടുകയും, കണ്ടക്ടറും ഡ്രൈവറും നല്ലവനായ ഒരു യാത്രക്കാരനും ചേര്‍ന്ന് തുടര്‍ ചിക്ത്സയ്ക്കായും ആശുപത്രിയിലെ ചിലവുകള്‍ക്കായും ഒരു തുക ഭര്‍ത്താവിനെ ഏല്‍പിച്ചിട്ടുമാണ് തിരികെ ബസില്‍ എത്തിയത്. ഇതിനെല്ലാം ദൃക്‌സാക്ഷിയായി ഞാനും അവരോടൊപ്പമുണ്ടായിരുന്നു. ഏകദ്ദേശം അരമണിക്കൂറോളം അവിടെ ചിലവഴിക്കേണ്ടി വന്നു എങ്കിലും യാത്രക്കാരിൽ ഒരാൾ പോലും അലോസരം പ്രകടിപ്പിച്ചില്ല. അക്ഷമ കാട്ടിയില്ല.
ചങ്ങനാശ്ശേരി ഡിപ്പോയിലെ കണ്ടക്ടര്‍ അബീസ് സാറും ഡ്രൈവർ ബിനോജ് സാറും ആണ് ഈ സത്കര്‍മ്മം ചെയ്തതെന്ന് അവരോട് തന്നെ പേര് ചോദിച്ചു ഞാൻ മനസിലാക്കി. ഇതിലെ ഡ്രൈവറെയോ കണ്ടക്ടറെയോ എനിക്ക് മുൻപരിചയമില്ല. പക്ഷെ ഈ യാത്ര കൊണ്ട് ഞാനവരെ മനസ്സോടു ചേർത്തുനിർത്തുന്നു. മനുഷ്യപ്പറ്റുള്ള ഒരുപാടു പേരുള്ള പ്രസ്ഥാനമാണ് KSRTC.
ഒരിക്കൽകൂടിയല്ല, ഒരായിരം വട്ടം സല്യൂട്ട്. ആ കരുതലിന്..... © Respective owner