പോരാളികൾ.Online

ഇസ്രായേൽ - ഹമാസ് സംഘർഷത്തിനിടെ പലസ്തീന് ഐക്യദാർഢ്യവുമായി പ്രതിപക്ഷ പാർട്ടികൾ.
പലസ്തീൻ എംബസിയിലെത്തിയ നേതാക്കൾ അംബാസഡർ അദ്നാൻ അബു അൽ ഹൈജയെ സന്ദർശിച്ച് ഐക്യദാർഢ്യ സന്ദേശം കൈമാറി.
സ്വാതന്ത്ര്യ പലസ്തീന് എല്ലാവിധ പിന്തുണയും ഉണ്ടാകുമെന്ന് നേതാക്കൾ അംബാസഡറെ അറിയിച്ചു.
16 പാർട്ടികളുടെ നേതാക്കൾ ഒപ്പുവെച്ച സന്ദേശമാണ് അംബാസഡർക്ക് നൽകിയത്.

സിപിഐ ജനറൽ സെക്രട്ടറി ഡി. രാജ, സിപിഐ(എം) നേതാവ് നിലോത്പൽ ബസു,
സിപിഐ (എം എൽ) നേതാവ് ദീപാശങ്കർ ബട്ടാചാര്യ, മണിശങ്കർ അയ്യർ (കോൺഗ്രസ്), മനോജ് ഝാ( ആർ ജെ ഡി) കെ സി ത്യാഗി ജെ ഡി യു) തുടങ്ങിയവരാണ് സംഘത്തിൽ ഉണ്ടായിരുന്നത്.
---------------------------------------------------------------------

അന്താരാഷ്ട്ര നിയമങ്ങൾ പാലിക്കാനും പലസ്തീൻ ജനതയുടെ അവകാശങ്ങളും അന്തസ്സും മാനിക്കാനും അന്താരാഷ്ട്ര സമൂഹം ഇസ്രയേലിനും സമ്മർദം ചെലുത്തണം.

മേഖലയിൽ ശാശ്വതസംവിധാനം ഉറപ്പാക്കാൻ നയതന്ത്ര ശ്രമങ്ങൾ ശക്തിപ്പെടുത്തണം. അതിനായി വിവിധ തലത്തിലുള്ള നീക്കങ്ങൾ നടത്തണം.

ഡി രാജ.
(CPI ജനറൽ സെക്രട്ടറി)

ബീഹാറിലെ ബെഗുസരായിൽ AISF ദേശീയ സമ്മേളനത്തിനനുബന്ധിച്ചു നടന്ന മഹാറാലി.

വിഷം തീണ്ടി മരണശയ്യയിൽ കിടക്കുമ്പോൾ ചുറ്റുംകൂടിയവരോട് അവസാന മൊഴിയായ് പറഞ്ഞതും
''സഖാക്കളേ മുന്നോട്ട്''

സഖാക്കളുടെ സഖാവിന്,
മരണംവരെ സിപിഐയുടെ സെക്രട്ടറി ആയിരുന്ന സഖാവിന്,
കേരളത്തിൽ CPI ഘടകം രൂപീകരിച്ച സഖാവിന്
ആദരാഞ്ജലികൾ !

ഇന്ത്യൻ കമ്യൂണിസ്റ്റ് പാർട്ടിയുടെ തലമുതിർന്ന നേതാവും സാഹിത്യകാരനും ക്രാന്തദർശിയായ ഭരണാധികാരിയുമായിരുന്നു സി. അച്യുതമേനോൻ. ആധുനിക കേരളത്തിന്റെ ചരിത്രത്തിൽ സുവർണ ലിപികളിൽ അടയാളപ്പെടുത്തിയ നാമമാണ് അച്യുതമേനോന്റേത്. കേരളപ്പിറവിക്കുശേഷം സംസ്ഥാനം കൈവരിച്ച പല നേട്ടങ്ങളുടെയും പിന്നിൽ അദ്ദേഹത്തിന്റെ ദീർഘവീക്ഷണവും ഭരണപാടവവും തെളിഞ്ഞുകാണാം.

1969 ഒക്ടോബർ ഒന്നു മുതൽ 1977 മാർച്ച് വരെയുള്ള കാലയളവിൽ മുഖ്യമന്ത്രിയായിരുന്ന അച്യുതമേനോന്റെ നേതൃത്വത്തിലുള്ള ഗവൺമെന്റ് നടപ്പാക്കിയ പരിഷ്കാരങ്ങൾ കേരളത്തിന്റെ മുഖച്ഛായ തന്നെ മാറ്റിമറിച്ചു.
കേരളത്തിന്റെ അഭിമാനമായി നിലകൊള്ളുന്ന ശാസ്ത്രസാങ്കേതിക ഗവേഷണ സ്ഥാപനങ്ങളായ ശ്രീചിത്രാ മെഡിക്കൽ ഇൻസ്റ്റിറ്റ്യൂട്ട്, സെന്റർ ഫോർ ഡവലപ്മെന്റ് സ്റ്റഡീസ്, കേരള കാർഷിക സർവകലാശാല, വനഗവേഷണ കേന്ദ്രം, സെന്റർ ഫോർ എർത്ത് സയൻസ് സ്റ്റഡീസ്, സി.ഡബ്ല്യു.ആർ.ഡി.എം എന്നിങ്ങനെയുള്ള സ്ഥാപനങ്ങൾ അദ്ദേഹത്തിന്റെ ഭരണകാലത്താണ് ആരംഭിച്ചത്.
പഠനത്തിൽ അതീവ സാമർഥ്യം കാട്ടിയിരുന്ന അച്യുതമേനോൻ റാങ്കോടുകൂടിയാണ് മദ്രാസ് സർവകലാശാലയിൽ നിന്നും നിയമബിരുദം നേടിയത്. തുടർന്ന് തൃശ്ശൂർ കോടതിയിൽ കുറച്ചുകാലം അഭിഭാഷകനായി ജോലിചെയ്തശേഷം അദ്ദേഹം കോൺഗ്രസ് പ്രവർത്തകനായി രാഷ്ട്രീയത്തിൽ പ്രവേശിച്ചു. കൊച്ചിൻ കോൺഗ്രസിലായിരുന്നു ആദ്യകാല പ്രവർത്തനങ്ങൾ. ജില്ലാ സെക്രട്ടറിയായും, പ്രസിഡന്റായും സേവനമനുഷ്ഠിച്ചിരുന്നു. 1940ൽ കർഷകരെ സംഘടിപ്പിക്കാനായി ഇറങ്ങിപ്പുറപ്പെട്ട അദ്ദേഹം ഇക്കാലയളവിൽ വി.ആർ.കൃഷ്ണനെഴുത്തച്ഛനുമായി ചേർന്നു പ്രവർത്തിച്ചു.
അയിത്തത്തിനെതിരേയും, ക്ഷേത്രപ്രവേശനം ആവശ്യപ്പെട്ടും തിരുവില്വാമലയിൽ നിന്നും തലസ്ഥാനമായ എറണാകുളത്തേക്ക് ഒരു ജാഥ നയിക്കുകയുണ്ടായി. കൊച്ചിയിൽ നടന്ന വൈദ്യുതപ്രക്ഷോഭത്തിൽ അദ്ദേഹം പ്രധാന പങ്കുവഹിച്ചിരുന്നു. രണ്ടാംലോകമഹായുദ്ധകാലത്ത് തേക്കിൻകാട് മൈതാനിയിൽ നടത്തിയ യുദ്ധവിരുദ്ധ പ്രസംഗത്തിന്റെ പേരിൽ ജയിലിലടക്കപ്പെട്ടു. പിന്നീടും നിരവധി തവണ ജയിൽ ശിക്ഷ അനുഭവിച്ചിട്ടുണ്ട്. ഒരു ജയിൽവാസത്തിനിടയിലാണ് അദ്ദേഹം കമ്മ്യൂണിസ്റ്റ് ആശയങ്ങളിൽ ആകൃഷ്ടനായത്. 1942 ൽ സി.പി.ഐയിൽ അംഗമായ അദ്ദേഹം മധുരയിൽ നടന്ന മൂന്നാം പാർട്ടി കോൺഗ്രസിൽ കേന്ദ്രകമ്മിറ്റിയിലേക്കു തിരഞ്ഞെടുക്കപ്പെട്ടു.
കൊച്ചി പ്രജാമണ്ഡലത്തിലും പിന്നീട് ഇന്ത്യൻ കമ്യൂണിസ്റ്റ് പാർട്ടിയുടെ കേന്ദ്രകമ്മിറ്റിയിലും തുടർന്ന് അതിന്റെ എക്സിക്യൂട്ടീവിലും കേന്ദ്ര സെക്രട്ടറിയേറ്റിലും അംഗമായി. 1943 ൽ പാർട്ടി നിരോധിച്ചപ്പോൾ നാലുവർഷക്കാലത്തിലേറെ ഒളിവിൽ കഴിയേണ്ടി വന്നു. ഒളിവിലിരിക്കേ തൃശ്ശൂർ മുനിസിപ്പിൽ തിരഞ്ഞെടുപ്പിൽ സ്ഥാനാർത്ഥിയാവുകയും വിജയിക്കുകയും ചെയ്തു. ഒളിവിൽ കഴിഞ്ഞ കാലത്താണ്, 1952ൽ തിരുകൊച്ചി നിയമസഭയിലേക്കു തിരഞ്ഞെടുക്കപ്പെട്ടത്. പിന്നീട് 1957ലും 1960ലും 70ലും നടന്ന തിരഞ്ഞെടുപ്പുകളിലും ഇദ്ദേഹം വിജയിച്ചു. ഇ.എം.എസ്. നമ്പൂതിരിപ്പാടിന്റെ നേതൃത്വത്തിൽ രൂപവത്കരിക്കപ്പെട്ട ആദ്യത്തെ കമ്യൂണിസ്റ്റു മന്ത്രിസഭയിൽ (1957-59) അച്യുതമേനോൻ ധനകാര്യമന്ത്രി ആയിരുന്നു. 1968ൽ രാജ്യസഭാംഗമായി.
1969ൽ കേരളത്തിലെ ഐക്യമുന്നണി ഗവൺമെന്റ് രൂപീകരിച്ചപ്പോൾ മേനോൻ മുഖ്യമന്ത്രിയായി. 1970ൽ നടന്ന ഇടക്കാല തെരഞ്ഞെടുപ്പിനുശേഷവും (1977 വരെ) അച്യുതമേനോൻ തന്നെയായിരുന്നു മുഖ്യമന്ത്രി. പ്രഗൽഭനായ ഭരണാധികാരിയെന്ന നിലയിൽ ഏവരും ആദരിക്കുന്ന നേതാവാണ് അച്യുതമേനോൻ. കേരളത്തിന്റെ വികസനത്തെക്കുറിച്ച് വ്യക്തമായ കാഴ്ചപ്പാട് അദ്ദേഹത്തിനുണ്ടായിരുന്നു. സങ്കുചിത കക്ഷിതാൽപര്യങ്ങൾക്കതീതനായ ഭരണാധികാരിയായിരുന്നു അദ്ദേഹം. സംസ്ഥാനത്തിന്റെയും ജനങ്ങളുടെയും താൽപര്യം മാത്രമേ അദ്ദേഹം പരിഗണിച്ചുള്ളൂ.

രാഷ്ട്രീയ പ്രവർത്തകരെക്കുറിച്ചുള്ള പതിവു ധാരണകളിൽ നിന്നും വ്യത്യസ്തനായിരുന്നു അദ്ദേഹം. സാഹിത്യത്തിലും കലകളിലും പാണ്ഡിത്യമുണ്ടായിരുന്നു അദ്ദേഹത്തിന്. ഒരു സാഹിത്യ വിമർശകൻ കൂടിയായിരുന്ന അച്യുതമേനോൻ വിവിധ വിഷയങ്ങളെക്കുറിച്ച് ലേഖനങ്ങൾ പ്രസിദ്ധീകരിച്ചിട്ടുണ്ട്. ഗഹനമായ വിഷയങ്ങൾ ലളിതമായി അവതരിപ്പിക്കുന്നതിൽ അതി സമർത്ഥനായിരുന്നു അദ്ദേഹം.
തികഞ്ഞ ലാളിത്യം അച്യുതമേനോന്റെ മുഖമുദ്രയായിരുന്നു. തിരുവനന്തപുരത്ത് നിന്ന് തൃശ്ശൂരിലേക്ക് കെ.എസ്.ആർ.ടി.സി ബസിൽ യാത്ര ചെയ്യുന്ന മുഖ്യമന്ത്രി, തൃശൂരിലെ തേക്കിൻകാട് മൈതാനത്ത് സായാഹ്നങ്ങളിൽ സാധാരണക്കാർക്കൊപ്പം നടന്നു നീങ്ങുന്ന, വീട്ടാവശ്യങ്ങൾക്ക് കടയിൽ നിന്നും വാങ്ങിയ സാധനങ്ങളുടെ പൊതിക്കെട്ടുകൾ കൈകളിലേന്തി നടന്നുപോകുന്ന മുൻമുഖ്യമന്ത്രി' ഏവരിലും കൗതുകം ഉണർത്തി.

1991 ആഗസ്ത് 16ന് അദ്ദേഹം അന്തരിച്ചു.

ഹരിയാനയിലെ കലാപബാധിത പ്രദേശം സന്ദർശിക്കാനെത്തിയ സിപിഐ പ്രതിനിധി സംഘത്തെ പൊലീസ് തടഞ്ഞു.

എംപിമാരായ ബിനോയ് വിശ്വം, പി സന്തോഷ് കുമാർ, എഐടിയുസി ജനറൽ സെക്രട്ടറി അമർജീത് കൗർ, സിപിഐ നേതാവ് ദരിയാവ്‌സിങ് കശ്യപ് എന്നിവരുടെ സംഘമാണ് വർഗീയ സംഘർഷം രൂക്ഷമായ നൂഹ് സന്ദർശിക്കാൻ എത്തിയത്.

നൂഹിലേക്ക് എത്തുന്നതിന് മുൻപ് റോജ് ക മേവിൽ വെച്ചാണ് പൊലീസ് ഇവരെ തടഞ്ഞത്. പ്രദേശത്ത് നിരോധനാജ്ഞയാണെന്നും കടത്തിവിടില്ലെന്നുമാണ് പൊലീസ് നൽകിയ വിശദീകരണം.

ബിജെപി രാജിൽ നിന്നും രാജ്യത്തെ സ്വതന്ത്രമാക്കാൻ ഒറ്റക്കെട്ടായി പൊരുതണം.
രാജ്യം ഒന്നല്ല പല പ്രശ്നങ്ങളിലൂടെയാണ് കടന്നുപോകുന്നത് കുറെ നാളുകളായി പാർലമെൻറ് സ്തംഭിച്ചിരിക്കുകയാണ് നിരവധി പ്രശ്നങ്ങൾ പാർലമെന്റിൽ ചർച്ച ചെയ്യേണ്ട സമയത്താണ് ഇത് സംഭവിച്ചിരിക്കുന്നത്. മണിപ്പൂരിൽ നടക്കുന്ന കലാപമാണ് കാരണം മണിപ്പൂർ കത്തി കൊണ്ടിരിക്കുമ്പോഴും രണ്ട് സ്ത്രീകളെ നഗ്നരാക്കി അപമാനിച്ച സംഭവം പുറത്തുവന്നപ്പോഴാണ് പ്രധാനമന്ത്രി സംസാരിച്ചത്. മോഡി എപ്പോഴും വീമ്പ് പറയുന്ന ഡബിൾ എൻജിൻ സർക്കാരിന് മണിപ്പൂരില പ്രശ്നം പരിഹരിക്കാൻ സാധിക്കാത്തതിന് കാരണം അവർ അത് ആഗ്രഹിക്കുന്നില്ല എന്നതാണ്.
ഭിന്നിപ്പിച്ചു ഭരിക്കുക എന്ന അജണ്ടയാണ് ബിജെപി നടപ്ലാപിലാക്കുന്നത് അതുകൊണ്ടുതന്നെയാണ് മണിപ്പൂരിൽ രണ്ടു വിഭാഗങ്ങൾ തമ്മിലടിക്കുമ്പോൾ കണ്ണടയ്ക്കുന്നത്. ലിംഗനീതിയെക്കുറിച്ചും സാമൂഹ്യ നീതിയെ കുറിച്ചും പറയുമ്പോൾ അത് കേൾക്കാൻ കൂട്ടാക്കാത്തവർ ഏകീകൃത വ്യക്തി നിയമം ഉണ്ടാക്കാൻ നടക്കുകയാണ്. അവർ മനുസ്മൃതിയിൽ വിശ്വസിക്കുന്നു.

കമ്മ്യൂണിസ്റ്റുകാരെ ജയിലിൽ അടക്കാനും ദ്രോഹിക്കാനും കൊല്ലാനും സാധിക്കുമെങ്കിലും ഒരിക്കലും തോൽപ്പിക്കാൻ ആവില്ല.

ഡി രാജ.
ജനറൽ സെക്രട്ടറി
CPI .

എൻ എഫ് ഐ ഡബ്ലിയു ജനറൽ സെക്രട്ടറി ആനിരാജാ, സെക്രട്ടറി നിഷാസിദ്ധു എന്നിവർക്കും മറ്റുള്ളവർക്കും എതിരെ കെട്ടിച്ചമച്ച കേസുകൾ പിൻവലിക്കണമെന്ന് ദേശീയ കൗൺസിൽ ആവശ്യപ്പെട്ടിരുന്നു. മെയ് 3 മുതൽ ഇതുവരെ തുടരുന്ന സംഘർഷത്തിൽ 142 പേർ മരിക്കുകയും പതിനായിരത്തിലധികം പേർക്ക് പരിക്കേൽക്കുകയും എഴുപതിനായിരം പേർ തെരുവിലിറക്കപ്പെടുകയും ചെയ്തു. ജനങ്ങൾ സ്വന്തം നാട്ടിൽ 272 അഭയാർത്ഥി ക്യാമ്പുകളിൽ ജീവിക്കേണ്ടിവരുന്നു എന്നത് ക്രൂരവും വേദനാജനകവും ആണ്.

മെയ്തി-കുക്കി സമുദായങ്ങൾക്കിടയിൽ അവിശ്വാസം വളർത്തുന്ന തരത്തിൽ ഗോത്രവർഗ്ഗ പദവിയും, ഗോത്രവർഗ്ഗ അവകാശങ്ങളേയും കുറിച്ചുള്ള വിഷയത്തിലാണ് സംഘർഷം തുടങ്ങിയത്. രണ്ടര മാസം കഴിഞ്ഞിട്ടും മണിപ്പൂർ പ്രശശ്നബാധിതമായി തുടരുന്നത് ഭരണകെടുകാര്യസ്ഥതയാണ്. മണിപ്പൂരിലെ ജനങ്ങൾക്ക് സമാധാനപരമായ ജീവിതം നൽകുന്നതിന് സംസ്ഥാനവും കേന്ദ്രവും ഭരിക്കുന്ന ബിജെപി സർക്കാരുകൾ പൂർണമായും പരാജയപ്പെട്ടിരിക്കുന്നു. വംശീയ സംഘർഷങ്ങൾക്ക് കാരണം ഇതേ സർക്കാരുകളുടെ നിലപാടുകളാണ്. വിഷയത്തിൽ അസം മുഖ്യമന്ത്രിയുടെ പങ്കും അപലപനീയമാണ്. ഈ സാഹചര്യത്തിലാണ് എൻ എഫ് ഐ ഡബ്ലിയു വസ്തുതകൾ കണ്ടെത്തുവാൻ ഒരു സംഘത്തെ മണിപ്പൂരിലേക്ക് അയച്ചത്. പിന്നീട് സിപിഐ സിപിഐ(എം )പാർലമെൻറ് അംഗങ്ങളും മണിപ്പൂർ സന്ദർശിച്ചു. മണിപ്പൂർ മുഖ്യമന്ത്രി രാജിവെക്കണമെന്നും ജനങ്ങൾക്ക് നഷ്ടപരിഹാര, സമാശ്വാസ, പുനരധിവാസ, ജീവിതോപാധി പാക്കേജുകൾ സമയബന്ധിതമായി ലഭ്യമാകുന്നു എന്ന് സംസ്ഥാന കേന്ദ്ര സർക്കാരുകൾ ഉറപ്പുവരുത്തണം.
ലോകമെമ്പാടും ഇതിനെതിരെ പ്രതിഷേധം ഉയരുകയും രാജ്യത്തിൻറെ പ്രതിച്ഛായ മോശമാക്കുകയും ചെയ്ത നടപടിയെ അപലപിക്കാനും, മണിപ്പൂർ ജനതയോട് ഐക്യം പ്രകടിപ്പിക്കാനു, നേതാക്കൾക്കെതിരെയുള്ള കേസുകളിൽ പ്രതിഷേധിക്കാനും CPI ജൂലൈ 25 മണിപ്പൂർ ഐക്യദാർഢ്യദിനമായി ആചരിക്കുന്നു.

സഖാവ്.എൻ.ഈ.ബലറാം ഓർമ്മയായിട്ട് ഇന്നേക്ക് (ജൂലൈ 16)
ഇരുപത്തൊൻപത് വർഷങ്ങൾ...
തലശ്ശേരി താലൂക്കിലെ കണ്ണവം വില്ലേജിൽ തൊടീക്കുളം ശിവക്ഷേത്രത്തിന്റെ തെക്ക് ഭാഗത്തുള്ള ഞാലിൽ എടവലത്ത് വീട്ടിൽ ( NE) ജനനം.
ബാല്യത്തിൽ തന്നെ സംസ്കൃതം പഠിച്ച്, അച്ഛമ്മയോട് സംസ്കൃതത്തിൽ സംസാരിക്കാനുള്ള കഴിവ് നേടി.
പള്ളിയാർക്കൽ മുനിയറയിൽ ഏകാന്ത തപസ്സിരുന്ന് വേദേതിഹാസങ്ങളെക്കുറിച്ച് ആഴത്തിൽ വിചിന്തനം ചെയ്തു.
കൽക്കട്ടയിലെ ശ്രീരാമകൃഷ് മിഷനിൽ വേദാന്തം പഠിച്ചും പഠിപ്പിച്ചും സന്യാസജീവിതം നയിക്കുന്നതിനിടയിൽ ഇന്ത്യൻ സ്വാതന്ത്ര്യ സമരത്തിലേക്ക് എടുത്ത് ചാടി,
നാട്ടിൽ വന്ന് കോൺഗ്രസ്സിന്റെ സംഘാടകനായി.
ശ്രീ നാരായണ ഗുരുവിന്റെ മാതാതീത മാനവിക ദർശനങ്ങളിൽ ആകൃഷ്ടനായി തലശ്ശേരിയിൽ SNDP യോഗ രൂപീകരണത്തിന് നേതൃത്വം കൊടുത്തു.
കോൺഗ്രസ്സ് സോഷ്യലിസ്റ്റ് പാർട്ടി 1939 ൽ ക മ്യൂണിസ്റ്റ് പാർട്ടിയായി മാറിയ പിണറായി പാറപ്രം സമ്മേളനത്തിന്റെ മുഖ്യ നേതൃത്വം വഹിച്ചു.
വിജ്ഞാനത്തിന്റെ കൊടുമുടിയിലേക്ക്...
ജ്ഞാനതൃഷ്ണതയുടെ അപാരതയിലേക്ക്..... ഏകാന്തപഥികനായി സഞ്ചരിച്ച ദാർശനീക പ്രതിഭ... സ്വാതന്ത്ര്യസമര സേനാനി, കമ്മ്യൂണിസ്റ്റു പാർട്ടിയുടെ സ്ഥാപക നേതാവ്, മന്ത്രി, പാർലമെന്റ് അംഗം, സി.പി.ഐ സംസ്ഥാന സെക്രട്ടറി, ദേശീയ സെക്രട്ടറിയേറ്റ് അംഗം.... ആറരപതിറ്റാണ്ട് പൊതുജീവിതത്തിൽ അദ്ദേഹം ജ്വലിച്ചു നിന്നു.....
EMS മുതൽ ശങ്കർദയാൽ ശർമ്മ വരെ... കുട്ടികൃഷ്ണമാരാർ മുതൽ ov വിജയൻ വരെ... ബലറാമിന്റെ സ്നേഹിതരായിരുന്നു... VP സിംങും വാജ്പേയിയും നരസിംഹറാവുവും അദ്ദേഹത്തോട് അഭിപ്രായങ്ങൾ ആരാഞ്ഞു... വിജ്ഞാനത്തിന്റ സമസ്ഥതലങ്ങളിലും വ്യാപരിച്ച അദ്ദേഹത്തിന്റെ അഭിപ്രായങ്ങളും നിഗമനങ്ങളും വിഞ്ജാനദാഹികൾക്ക് ഇന്നും വഴികാട്ടിയാണ്....
ബുദ്ധ ദർശനങ്ങൾക്കായി പാലിയും.. വേദങ്ങൾക്കായി സംസ്കൃതവും...
ടാഗോർ സാഹിത്യത്തിനായി ബംഗാളിയും പഠിച്ചു....
സാഹിത്യം, ചരിത്രം, നരവംശശാസ്ത്രം, സാമൂഹ്യശാസ്ത്രം, ഭൗതീകശാസ്ത്രം, ധനതത്വശാസ്ത്രം, രാഷ്ട്രമീമാംസ എന്നീ വിഞ്ജാന മേഖലകളിൽ ആഴത്തിൽ സഞ്ചരിച്ചു....
ഭൂമിയിലെ സമ്പത്ത് സ്വകാര്യമല്ലെന്നും അത് പങ്ക് വയ്ക്കപ്പെടേണ്ടതാണെന്നും എല്ലാവരും തുല്യരാണെന്നും ഉൽഘോഷിക്കുന്ന ഈശാവാസ്യോപനിഷത് ദർശനങ്ങളുടേയും മാർക്സിയൻ ദർശനങ്ങളുടേയും സമാനതകൾ അദ്ദേഹത്തെ പ്രചോദിപ്പിച്ചു...
പൗരാണിക കാലത്ത് കപിലനും നാഗാർജ്ജുനനും ചാർവാകകനും സമീപ കാലത്ത് വിവേകാന്ദനും നാരായണഗുരുവും ഉയർത്തിയ ഭാരതീയ ചേതനയും ചൈതന്യവും ഉൾക്കൊള്ളാൻ കഴിയാത്തത് കൊണ്ടാണോ? കമ്മ്യുണിസം ഇന്ത്യയിൽ പച്ചപിടിക്കാത്തത് എന്ന് ബലറാം വ്യാകുലപ്പെട്ടു...
മാർക്സിസത്തെ ഇന്ത്യൻ സാഹചര്യങ്ങൾക്ക് അനുരോധമായി പുനർനിർമ്മിക്കുക...
ആധുനീക ഇന്ത്യനേരിടുന്ന വർഗ്ഗിയ വിപത്തിനെ ബൗദ്ധിക തലത്തിൽ പ്രതിരോധിക്കുക എന്നീ ശ്രമകരമായ ദൗത്യമാണ് അവസാനകാലത്ത് അദേഹത്തിന്റെ ചിന്തകളിൽ നിറഞ്ഞു നിന്നത്....
റഷ്യൻ പതനത്തിനു ശേഷം കമ്മ്യൂണിസ്റ്റു പാർട്ടി സംഘടനാതലത്തിൽ വരുത്തേണ്ട മാറ്റങ്ങളെ കുറിച്ച് അദ്ദേഹം ആഴത്തിൽ പഠിച്ചു.....
ജനാധിപത്യത്തിന്റെ പ്രാണവായു ശ്വസിക്കാൻ കഴിയുന്ന നിലയിൽ സംഘടനാ സംവിധാനത്തെ പുനസംഘടിപ്പിക്കണമെന്ന് അദേഹം ആഗ്രഹിച്ചു....
ജനാധിപത്യ കേന്ദ്രീകരണത്തിന്റെയും ഉൾപ്പാർട്ടി ജനാധിപത്യത്തിന്റെയും ചേർച്ചയില്ലായ്മകൾ അദേഹം നല്ലവണ്ണം തിരിച്ചറിഞ്ഞിരുന്നു...
പ്രതിസന്ധികളുടെ അന്ധകാരത്തിൽ ആ ചിന്തകളുടെ വെളിച്ചം നമ്മുക്ക് വഴികാട്ടിയാവണം.....
ആ മഹാമനീഷിയുടെ ജ്വലിക്കുന്ന ഓർമകൾക്ക് മുന്നിൽ ആദരാജ്ഞലികൾ അർപ്പിക്കുന്നു.

AISF -AIYF -CPI പ്രസ്ഥാനങ്ങളിൽ നെടുനായകത്വം വഹിച്ചു. ലോകയുവജനപ്രസ്ഥാനത്തിന്റെ വൈസ്പ്രസിഡന്റ്
LDFരൂപീകരണത്തിന്റെ ചാലകശക്തി കേരള സംസ്ഥാനത്തിന്റെ മികച്ച മുഖ്യമന്ത്രി അങ്ങിനെ വിവിധ മേഘലകളിൽ അഴിമതിയുടേയോ സ്വജനപക്ഷപാതത്തിന്റേയോ കറപുരളാത്ത പൊതുസമൂഹത്തിൽ സത്യസന്ധ രാഷ്ട്രീയത്തിന്റെ മുഖമുദ്രപതിപ്പിച്ച ധീരസഖാവിന്റെ ഓർമ്മകൾക്ക്മുന്നിൽ ആദരാഞ്ജലികൾ .

''രാജ്യദ്രോഹ' കുറ്റം'' ചുമത്തി ഭയപ്പെടുത്തേണ്ട

ഞാൻ ഒരു സിപിഐക്കാരിയാണ്.

''അറിവിന്റെ ഊർജ്ജം
ആദർശത്തിന്റെ ലഹരി''

ജൂലൈ 3
സ; കെ ദാമോദരൻ ചരമവാർഷികദിനം.
1937ൽ സിപിഐ ജനറൽ സെക്രട്ടറി S V ഘാട്ടെ പാർട്ടി ഘടകം കേരളത്തിൽ രൂപീകരിക്കുന്നതുമായി ബന്ധപ്പെട്ട് കോഴിക്കോട് വിളിച്ചുചേർത്തവരിൽ K ദാമോദരൻ , P കൃഷ്ണപിള്ള, N C ശേഖർ, EMSഎന്നിവരാണ് ഉണ്ടായിരുന്നത്. ഈ ആലോചനായോഗത്തിന്റെ ഫലമായാണ് 1939ലെ പിണറായി പാറപ്പുറത്ത് കമ്മ്യൂണിസ്റ്റ് പാർട്ടി രൂപം കൊള്ളുന്നത്.

Kദാമോദരൻ അവസാനമായി നൽകിയ അഭിമുഖത്തിന്റെ പ്രസക്തി ഇന്നത്തെ കാലഘട്ടത്തിൽ വളരെയധികം പ്രാധാന്യം അർഹിക്കുന്നു.
'' ഇന്ത്യൻ കമ്മ്യൂണിസത്തിന്റെ ഭൂതകാലം മുഴുവൻ നിഷേധിക്കണമെന്ന് വീക്ഷണം ഞാൻ നിരാകരിക്കുന്നു. വൈരൂപ്യങ്ങളും തെറ്റുകളും എല്ലാം ഉണ്ടെന്നിരിക്കെ തന്നെയും സോഷ്യലിസത്തിനും, വിപ്ലവത്തിനും വേണ്ടി സമരം ചെയ്യുകയും സഹനമേൽക്കുകയും ചെയ്ത നൂറുകണക്കിന് ആയിരക്കണക്കിന് ഉള്ള കമ്മ്യൂണിസ്റ്റുകാർ ഇന്ത്യയിലുണ്ട് . ഒട്ടനവധി കർഷക സമരങ്ങളും ട്രേഡ് യൂണിയൻ സമരങ്ങളും നടത്തിയ ഒന്നാം തരം കലാപകാരികൾ ഇവിടെ ഉണ്ടായിട്ടുണ്ട്. അനുഭവത്തെ ആകപ്പാടെ എഴുതിത്തള്ളിക്കൂട. രാജ്യത്തിൻറെ എല്ലാ കമ്മ്യൂണിസ്റ്റ് ശക്തികളെയും മാർക്സിസം - ലെനിനിസത്തിന്റെ അടിസ്ഥാനത്തിൽ യോജിപ്പിക്കുന്നത് കമ്മ്യൂണിസ്റ്റ് പ്രസ്ഥാനത്തിൻറെ വികാസത്തിന് അത്യാവശ്യമാണെന്ന് ഞാൻ കരുതുന്നു.

പി ചിത്രൻ നമ്പൂരിപ്പാടിന്റെ വിയോഗം
നികത്താനാവാത്ത നഷ്ടം.
======================
വിദ്യാർത്ഥി കാലംമുതൽ കമ്മ്യൂണിസ്റ്റ് പാർട്ടിക്കൊപ്പം.
പി. കൃഷ്ണപിള്ള, സി. അച്ചുതമേനോൻ തുടങ്ങിയവർക്കൊപ്പം പ്രവർത്തിച്ചു.

കെ. ദാമോദരന്റെ സ്വാധീനത്തിലൂടെ പാർട്ടിപ്രവർത്തനങ്ങളിലേക്ക്.

AISFന്റെ മലബാറിലെ ആദ്യസെക്രട്ടറി.

വിദ്യഭ്യാസവകുപ്പിന്റെ അഡീഷണൽ സെക്രട്ടറി.
പ്രധാന അധ്യിപകൻ, ഡിഇഒ, ഡിഡി, sslcബോർഡംഗം, വിദ്യഭ്യാസ ഉപദേശകസമിതിഅംഗം.
കേരള കലാമണ്ഡലം സെക്രട്ടറി, ജൂറിഓഫ് അപ്പീൽ കമ്മറ്റിഅംഗം,
മികച്ച അധ്യാപകനുള്ള ദേശീയ പുരസ്കാരം.
സ്വന്തമായി നടത്തിയിരുന്ന വിദ്യാലയം സർക്കാരിന് വിട്ടുനനൽകി.
പതിനൊന്നാംവയസ്സിൽ പന്തിഭോജനത്തിൽ പങ്കെടുത്തു. വി ടി ഭട്ടതിരിപ്പാടിന്റെ നവോത്ഥാന ആശയങ്ങൾക്കൊപ്പം പ്രവർത്തിച്ചു.

''സ്മരണികളിലെ പൂമുഖം'' എന്ന ആത്മകഥ,
ഉത്തർഖണ്ഡിലൂടെ - കൈലാസ് മാനസ സരസ് യാത്ര, തപോഭൂമിഉത്തരഖണ്ഡ്, ആദി കൈലാസ് യാത്ര, ദേവഭൂമിയിലൂടെ, പുണ്യഹിമാലയം തുടങ്ങിയ യാത്രാവിവരണങ്ങൾ.
ഉത്തർ ഖണ്ഡിലൂടെ- കൈലാസ് മാനസ സരസ് യാത്ര എന്ന കൃതിക്ക് 2005ൽ സാഹിത്യ അക്കാദമി പുരസ്കാരം ലഭിച്ചു.
29പ്രാവശ്യം ഹിമാലയത്തിലേക്കുള്ള യാത്രകൾ.

ആദരാഞ്ജലികൾ.

1972ൽ സി അച്ചുതമേനോൻ മന്ത്രിസഭയിലെ ഭവനനിർമ്മാണ വകുപ്പ് മന്ത്രിയുടെ മനസ്സിലുദിച്ച ഒരു മഹാ ആശയമായിരിന്നു ലക്ഷംവീട് പദ്ധതി.

അപ്രായോഗികമെന്നും അസാധ്യമെന്നും കരുതി പലരും വിമര്‍ശിച്ച ലക്ഷംവീട് പദ്ധതിയെ വിജയത്തില്‍ എത്തിച്ചത് എം.എന്‍. ഗോവിന്ദന്‍നായർ എന്ന മഹാരഥനായിരിന്നു.
ധീരസഖാവിന്റെ സ്മരണാർത്ഥം CPI സംസ്ഥാന കൗൺസിൽ പടുത്തുയർത്തുന്ന കെട്ടിടത്തിന്റെ(സംസ്ഥാന കമ്മറ്റി ഓഫീസ്) നിർമ്മാണ ഫണ്ടിലേക്കുള്ള സംഭാവന 1972ൽ പദ്ധതിപ്രകാരം എറിയാട് പേബസാറിൽ വീട് ലഭിച്ച, ഇന്നും അതിൽ താമസിക്കുന്ന കൈതവളപ്പിൽ അബൂബക്കറിന്റെ ഭാര്യ കൊച്ചലീമ CPIഎറിയാട് ലോക്കൽ കമ്മറ്റി അസിസ്റ്റന്റ് സെക്രട്ടറി ഷാഹിദ് അബ്ദുല്ലയെ ഏൽപ്പിക്കുന്നു.

ഇതോടെ എറിയാട് ലോക്കൽ കമ്മറ്റി എം എൻ സ്മാരകഫണ്ട് ശേഖരണത്തിന് തുടക്കം കുറിച്ചു.

ബിഹാറിലെ തേഗ്ര മണ്ഡലത്തിൽ സംഘികളുടെ ശോഭ യാത്രയിൽ മുസ്ലിം പള്ളികൾ അക്രമിക്കപ്പെടാൻ സാധ്യത ഉള്ളത് കൊണ്ട് ജനങ്ങൾക്ക്‌ ഇടയിൽ ആശങ്ക.

സ്ഥലം എം എൽ എയും സിപിഐ നേതാവുമായ റാം രത്തൻ സിംഗും പാർട്ടി സഖാക്കളും പള്ളിയുടെ മുന്നിൽ കസേരയിട്ട് കാവൽ ഇരുന്നു.

യാത്ര വന്നതും പോയതും ആരും അറിഞ്ഞില്ല.

സിപിഐ ❤️

6 മാസകാലമായി സിപിഐ നേതൃത്വത്തിൽ തെലങ്കാനയിലെ വാറങ്കൽ ജില്ലയിൽ നടക്കുന്ന ഭൂസമരം.

ആയിരത്തിലേറെ കുടുംബങ്ങളാണ് സമരവുമായി മുന്നോട്ട് പോകുന്നത്.നിലവിൽ 14 സ്ഥലങ്ങളിലായി 20,000 ത്തിൽ അധികം പേർ സമരത്തിലാണ്.
വരും ദിവസങ്ങളിലായി കൂടുതൽ പ്രദേശങ്ങളിലേക്ക് സമരം വ്യാപിക്കാനാണ് പാർട്ടി ഉദ്ദേശിക്കുന്നത്.
ഇന്ത്യൻ കമ്മ്യൂണിസ്റ്റ്‌ പാർട്ടിക്ക്‌ എന്നും കരുത്തു പകരുന്നതായിരുന്നു ഭൂ സമരങ്ങൾ.

അഡ്വ പി. സന്തോഷ്കുമാർ എം പി സമരകേന്ദ്രങ്ങൾ സന്ദർശിച്ചു.

ജന്മി ഭൂപ്രഭുക്കൻമാർക്കെതിരെയും ബ്രട്ടീഷുകാർക്കെതിരെയും സ്വതന്ത്ര്യഇന്ത്യക്കായും സമരം ചെയ്തവരുടെ കൂട്ടത്തിൽ കമ്മ്യൂണിസ്റ്റ്കാരുടെ പങ്ക് അന്വേഷിച്ച് നടക്കുന്ന അന്ധരായ ചരിത്രാന്വേഷികൾക്കായി 1943 മാർച്ച് 29എന്ന കറുത്തദിനത്തെ സമർപ്പിക്കുന്നു.

തൂക്കുകയർ വരിഞ്ഞുമുറുകി കണ്‌ഠനാളമിടറുമ്പോഴും ജന്മി–-നാടുവാഴിത്തത്തെയും സാമ്രാജ്യത്വത്തെയും വിറപ്പിച്ച്‌ ഇൻക്വിലാബ്‌ വിളിച്ച രണധീരർ. സഖാക്കൾ മഠത്തിൽ അപ്പു, കോയിത്താറ്റിൽ ചിരുകണ്ടൻ, പൊടോര കുഞ്ഞമ്പുനായർ, പള്ളിക്കൽ അബൂബക്കർ... കയ്യൂർ സഖാക്കൾ..1943 മാർച്ച് 29ന്റെ പുലരിയെ ഹൃദയരക്തംകൊണ്ട്‌ ചുവപ്പിച്ച്‌ ചരിത്രമായ അനശ്വരന്മാർ.

അഖിലേന്ത്യാ കിസാൻസഭ കർഷക രക്ഷായാത്ര.
സംസ്ഥാന ജാഥാസംഗമം. തൃശൂരിൽ
AIKSഅഖിലേന്ത്യാ പ്രസിഡന്റ് സ; രാഹുല വെങ്കയ്യ ഉൽഘാടനം ചെയ്യുന്നു.

സിപിഐയുടെ വളർച്ച കെട്ടകാലത്തിന്റെ അനിവാര്യത.
ബിജെപി സംഘപരിവാർ സംഘടനകളിൽ നിന്നും സിപിഐയിലെക്ക് ഒഴുക്ക് തുടരുന്നു.
ബിജെപി എറിയാട് പഞ്ചായത്ത് സെക്രട്ടറി ആയിരുന്ന മുഴുനീള സഘപ്രവർത്തകനായിരുന്ന വള്ളോംപറമ്പിൽ ദിലീപ് സിപിഐയിലേക്ക്...

പാർട്ടി ലോക്കൽ കമ്മറ്റി ഓഫീസിൽ സഖാവ് ദിലീപിനെ പാർട്ടി കയ്പമംഗലം മണ്ഡലംകമ്മറ്റി അസിസ്റ്റന്റ് സെക്രട്ടറി അഡ്വ; എ. ഡി. സുദർശൻ പതാക നൽകി
സ്വീകരിച്ചു.
പാർട്ടി LC സെക്രട്ടറി EKലെനിൻ, ലോക്കൽ കമ്മറ്റിഅംഗങ്ങൾ പങ്കെടുത്തു.

ചരിത്രം സത്യമാണ് അത് വ്യാഖ്യാനിച്ച് മാറ്റാൻ കഴിയില്ല.
===================================
1920 ൽ താഷ്‌കന്റിൽ ചേർന്ന ഇന്ത്യാക്കാരായ കമ്മ്യൂണിസ്റ്റുകാരുടെ തുടർച്ചയാണ് 1964 ൽ രൂപീകരിക്കപ്പെട്ട സി പി ഐ (എം) എന്നു പറയുന്നതിന് അവർക്കവകാശമുണ്ട്.
എന്നാൽ കമ്മ്യൂണിസ്റ്റു പാർട്ടി ഓഫ് ഇന്ത്യ (സി.പി.ഐ) എന്ന പേരിൽ ഒരു പാർട്ടി രൂപീകരിക്കുന്നത് 1925 ഡിസംബർ 25 മുതൽ 28 വരെ കാൺപൂരിൽ നടന്ന സമ്മേളനത്തിൽ വച്ചാണ്. അതിൽ ''കമ്മ്യൂണിസ്റ്റ് പാർട്ടി ഓഫ് ഇന്ത്യ'' എന്ന പേരിൽ പാർട്ടി രൂപീകരിച്ചു കൊണ്ടുള്ള പ്രമേയം പാസാക്കുന്നത് ഡിസംബർ 26 നായതുകൊണ്ടാണ് 1925 ഡിസംബർ 26 സി.പി.ഐ യുടെ സ്ഥാപകദിനമായി കണക്കാക്കുന്നത്.
1920 ഒക്‌ടോബർ 17 ന് താഷ്‌കന്റിൽ എം.എൻ റോയി, ഇവലീൻ ട്രന്റ് റോയി, അബനീ മുഖർജി, റോസാ ഫിറ്റിൻഗോവ്, മുഹമ്മദ് അലി, മുഹമ്മദ് ഷഫീക്കി സിദ്ദിഖി, ആചാര്യ എന്നീ ഏഴ് സഖാക്കൾ കൂടി ഇന്ത്യൻ കമ്മ്യൂണിസ്റ്റു പാർട്ടി എന്ന പേരിൽ ഒരു പാർട്ടി ടർക്കിസ്ഥാനിൽ രജിസ്റ്റർ ചെയ്യാൻ തീരുമാനിക്കുകയും കോമിന്റേണിന്റെ ടർക്കിസ്ഥാൻ ബ്യൂറോയുടെ രാഷ്ട്രീയ നേതൃത്വത്തിൽ പ്രവർത്തിക്കാൻ തീരുമാനിച്ചതായും ''ഫോറിൻ കമ്മ്യൂണിസ്റ്റ്സ് ഇൻ ടർക്കിസ്ഥാൻ'' എന്ന ഡോക്യുമെന്റിൽ രേഖപ്പെടുത്തിയിട്ടുമുണ്ട്. ഇത് ചരിത്രത്തിന്റെ ഭാഗമാണ്.
അതിനെ കോമിന്റേണും (കമ്മ്യൂണിസ്റ്റ് ഇന്റർനാഷണൽ) ഇന്ത്യൻ കമ്മ്യൂണിസ്റ്റു പാർട്ടിയും ഒരു കമ്മ്യൂണിസ്റ്റ് ഗ്രൂപ്പായി മാത്രമെ കണക്കാക്കിയിട്ടുള്ളൂ. ജർമ്മനി, കാനഡ തുടങ്ങിയ രാജ്യങ്ങളിലും കമ്മ്യൂണിസ്റ്റ് ആശയങ്ങളിൽ ആകൃഷ്ടരായ ഇന്ത്യാക്കാർ ഇത്തരം ഗ്രൂപ്പുകൾ രൂപീകരിച്ചിരുന്നു.
കമ്മ്യൂണിസ്റ്റ് ഇന്റർനാഷണലിന്റെ അഞ്ചാം കോൺഗ്രസ് 1924 ജൂണിൽ മോസ്‌കോയിൽ വച്ചും ആ സമ്മേളനം തിരഞ്ഞെടുത്ത എക്സിക്യൂട്ടീവ് കമ്മിറ്റി (ഇ.സി.സി.ഐ) യുടെ പ്ലീനം 1925 മാർച്ചിലും നടന്നു. ഇന്ത്യ, ഇന്തോനേഷ്യ, ഈജിപ്റ്റ് എന്നീ രാജ്യങ്ങളിലെ ദേശീയ സ്വാതന്ത്ര്യ പ്രസ്ഥാനത്തിൽ കമ്മ്യൂണിസ്റ്റുകാരുടെ പങ്കിനെക്കുറിച്ചും പ്ലീനം ഗൗരവമായി ചർച്ച ചെയ്തു. ബ്രിട്ടീഷ് സാമ്രാജ്യത്വത്തിന്റെ അടിച്ചമർത്തലിനെതിരെ ഇന്ത്യയിലെ തൊഴിലാളി പ്രസ്ഥാനവും ദേശീയ സ്വാതന്ത്ര്യ പ്രസ്ഥാനവും ഒരുവശത്ത് ശക്തമായി നിലകൊള്ളുന്നുണ്ട് എങ്കിലും മറുവശത്ത് ദേശീയ വിമോചന പ്രസ്ഥാനത്തിലെ ചില വൈരുദ്ധ്യങ്ങൾ ബ്രിട്ടീഷ് സാമ്രാജ്യത്വത്തിനെതിരായ സമരങ്ങളെ ദുർബലപ്പെടുത്തുന്നു എന്ന് കോമിന്റേൺ വിലയിരുത്തി. എങ്കിലും ഇന്ത്യയിലെ കമ്മ്യൂണിസ്റ്റുകാർ നാഷണൽ കോൺഗ്രസ് പാർട്ടിയോടൊപ്പം നിന്നുകൊണ്ട് ദേശീയ സ്വാതന്ത്ര്യത്തിനു വേണ്ടിയുള്ള പോരാട്ടത്തിൽ അണിചേരണമെന്ന് കോമിന്റേൺ നിർദ്ദേശിച്ചു. ഇന്ത്യയിലെ കമ്മ്യൂണിസ്റ്റുകാരുടെ ഏറ്റവും പ്രധാനപ്പെട്ട കടമ 'ഇന്ത്യയിലെ വിവിധ കമ്മ്യൂണിസ്റ്റ് ഗ്രൂപ്പുകളെ ഒരുമിപ്പിച്ച് ഒരു സ്വതന്ത്രവും കേന്ദ്രീകൃതവും ശക്തവുമായ തൊഴിലാളിവർഗ പാർട്ടി കമ്മ്യൂണിസ്റ്റ് പാർട്ടി രൂപീകരിക്കുകയെന്നതാണ്.ഇതിന്റെയെല്ലാം ഫലമായി ഇന്ത്യയുടെ വിവിധ പ്രദേശങ്ങളിൽ ഒറ്റപ്പെട്ടു പ്രവർത്തിച്ചിരുന്ന ബോംബെയിലെ സോഷ്യലിസ്റ്റ് ഗ്രൂപ്പ്, ബംഗാളിലെ അനുശീലൻ സമിതി, ലക്നൗ ഗ്രൂപ്പ്, ബനാറസ് ഗ്രൂപ്പ്, മദ്രാസിലെ ശിങ്കാരവേലു ചെട്ടിയാർ നേതൃത്വം നൽകിയ മദ്രാസ് ലേബർ കിസാൻ പാർട്ടി, ബംഗാളിലെ നൗ ജവാൻ ഗ്രൂപ്പ് തുടങ്ങിയ കമ്മ്യൂണിസ്റ്റു ഗ്രൂപ്പുകളെ ഒരുമിപ്പിച്ചുകൊണ്ട് 1925 ഡിസംബർ 26 ന് 'കമ്മ്യൂണിസ്റ്റ് പാർട്ടി ഓഫ് ഇന്ത്യ' രൂപീകരിക്കപ്പെട്ടു.
1928 ജൂലൈ 17 മുതൽ സെപ്‌തംബർ ഒന്നുവരെ മോസ്‌കോവിൽ വച്ച് കോമിന്റേണിന്റെ ആറാം കോൺഗ്രസ് ചേർന്നു. ലോകത്തെ 57 കമ്മ്യൂണിസ്റ്റ് പാർട്ടികളിൽ നിന്നും ഒൻപത് അന്താരാഷ്ട്ര സംഘടനകളിൽ നിന്നുമായി 533 പ്രതിനിധികൾ പങ്കെടുത്തു. സമ്മേളനത്തിന്റെ കിഴക്കൻ രാജ്യങ്ങളെക്കുറിച്ചുള്ള റിപ്പോർട്ടിൽ ''1925 ഡിസംബറിൽ കമ്മ്യൂണിസ്റ്റ് പാർട്ടി ഓഫ് ഇന്ത്യയും 1925 ഏപ്രിലിൽ കമ്മ്യൂണിസ്റ്റ് പാർട്ടി ഓഫ് കൊറിയയും രൂപീകരിച്ചതായും രേഖപ്പെടുത്തിയിട്ടുണ്ട്.
മറ്റൊരു പ്രധാനപ്പെട്ട സംഭവം ഇന്തോനേഷ്യൻ കമ്മ്യൂണിസ്റ്റ് പാർട്ടി ഇന്ത്യയിലെ പാർട്ടി രൂപീകരണത്തെക്കുറിച്ച് അതിന്റെ വിവരങ്ങൾ ആരാഞ്ഞുകൊണ്ടുള്ള ഒരു കത്ത് ഇന്ത്യൻ പാർട്ടി നേതൃത്വത്തിന് നൽകിയിരുന്നു. ആ കത്ത് 1959 ൽ ബി ടി രണദിവെയുടെ അദ്ധ്യക്ഷതയിൽ കൂടിയ നാഷണൽ എക്സിക്യൂട്ടീവ് ചർച്ചയ്‌ക്കെടുത്തു.
ഇന്ത്യയിലെ പാർട്ടി രൂപീകരണത്തെക്കുറിച്ചുള്ള വിശദമായ മറുപടി നൽകി. യോഗത്തിന്റെ അദ്ധ്യക്ഷൻ എന്ന നിലയിൽ ബി.ടി രണദിവെ കൂടി ഒപ്പിട്ടു നൽകിയ കത്തിലും കമ്മ്യൂണിസ്റ്റ് പാർട്ടി ഓഫ് ഇന്ത്യ രൂപീകരിച്ചത് 1925 ഡിസംബർ 26ന് ആണെന്ന് വ്യക്തമാക്കിയിട്ടുണ്ട്.

ചരിത്രം സത്യമാണ്. അത് വ്യാഖ്യാനിച്ചു മാറ്റാൻ കഴിയില്ല.

ചരിത്രം പഠിക്കാത്തവരുണ്ടെങ്കിൽ പഠിക്കട്ടേ....

കേരളത്തിന്റെ രാഷ്ട്രീയ ചരിത്രത്തിൽ അനന്യമായ സ്ഥാനമുള്ള നേതാവാണ് എം എൻ ഗോവിന്ദൻ നായർ. അദ്ദേഹം ഓർമ്മയായിട്ട് ഇന്ന് 38 വർഷമാകുന്നു. വളരെ വിപുലമായിരുന്നു എമ്മെന്റെ പ്രവർത്തന രംഗങ്ങൾ. കടന്നുചെന്ന കർമ മണ്ഡലങ്ങളിലെല്ലാം മായാത്ത വ്യക്തിമുദ്ര പതിപ്പിക്കാൻ അദ്ദേഹത്തിനു കഴിയുകയും ചെയ്തു. ജനങ്ങളുടെ മനസറിയാനും അവരുടെ വിശ്വാസം ആർജ്ജിക്കാനുമുള്ള അനിതര സാധാരണമായ കഴിവാണ് എം എന്റെ വിജയത്തിന്റെ ഒരു പ്രധാന ഘടകം. ഒളിവിലും തെളിവിലും എന്നപോലെ അധികാരത്തിലും പ്രതിപക്ഷത്തും ഒരുപോലെ തിളങ്ങിയ എമ്മെന്റെ സംഘടനാ സാമർത്ഥ്യവും രാഷ്ട്രീയ നയതന്ത്ര നൈപുണ്യവും കിടയറ്റതാണ്. അതുപോലെ തന്നെ അദ്ദേഹത്തിന്റെ മനുഷ്യപ്പറ്റും കേഡർമാരെ കണ്ടെത്തി വാത്സല്യപൂർവ്വം വളർത്തിയെടുക്കുന്നതിനുള്ള അനിതരസാധാരണമായ കഴിവും കേരള രാഷ്ട്രീയത്തിൽ അവയുടെ മായാത്ത മുദ്ര പതിച്ചിട്ടുണ്ട്.

കമ്മ്യൂണിസ്റ്റ് പാർട്ടിയിൽ അംഗമായതിനെ കുറിച്ച് എം എൻ തന്റെ ആത്മകഥയിൽ ഇങ്ങനെ എഴുതി: ”1939 ഡിസംബർ മാസം 31-ാം തീയതി ഞാൻ കമ്മ്യൂണിസ്റ്റ് പാർട്ടിയിൽ അംഗമായി ചേർന്നു. അക്കാലങ്ങളിൽ നിയമവിരുദ്ധമായ ഒരു പാർട്ടിയിൽ ചേർന്നു പ്രവർത്തിക്കുന്നതുതന്നെ പുളകോൽഗമകരമായ ഒരു കാര്യമായിരുന്നു. മാർക്സിസം-സാമൂഹ്യ വളർച്ചയുടെ നിയമങ്ങളുടെ ഒരു ശാസ്ത്രമാണെന്ന ബോധം, ഈ ശാസ്ത്രത്തിൽ പരിണതപ്രഞ്ജന്മാരായ നേതാക്കന്മാർ എങ്ങോ ഒളിവിൽ ഇരുന്നുകൊണ്ട് നൽകുന്ന നേതൃത്വം രാജ്യത്തെ സ്വാതന്ത്ര്യത്തിലേക്കും സോഷ്യലിസത്തിലേക്കും നയിക്കുമെന്നുള്ള വിശ്വാസം, ആ മാറ്റത്തിനു വേണ്ടി ശ്രമിക്കുന്ന സേനയിൽ ഒരംഗമായി ചേരാൻ കഴിഞ്ഞതിലുള്ള അഭിമാനം എല്ലാം തന്നെ ഒരു പുതിയ ലോകത്തിലേക്ക് ഉയർത്തി. 1940 വർഷം ആരംഭിക്കുന്നത് എന്നെ ഒരു കമ്മ്യൂണിസ്റ്റ്കാരനായി മാറ്റിക്കൊണ്ടാണ്”.

കേരളത്തിൽ തെരഞ്ഞെടുപ്പിലൂടെ 1957 ലെ കമ്മ്യൂണിസ്റ്റ് പാർട്ടിയുടെ അധികാരാരോഹണം ലോകചരിത്രത്തിൽ തന്നെ സുപ്രധാന സംഭവമായിരുന്നു. ഈ മഹാസംഭവത്തിന്റെ സൃഷ്ടാക്കളിൽ ഒന്നാമൻ ആരാണെന്ന ചോദ്യത്തിന് ഒറ്റ ഉത്തരമേ ഉള്ളൂ — എം എൻ ഗോവിന്ദൻ നായർ. വാസ്തവത്തിൽ പാർട്ടിയുടെ സംസ്ഥാന നേതാക്കളിൽ തന്നെ എത്രപേർക്ക് ആ വിജയത്തെക്കുറിച്ച് പ്രതീക്ഷ ഉണ്ടായിരുന്നുവെന്ന് അറിഞ്ഞുകൂടാ. എന്തായാലും കമ്മ്യൂണിസ്റ്റ് പാർട്ടി കേന്ദ്ര നേതാക്കളിൽ ഭൂരിപക്ഷത്തിനും ആ പ്രതീക്ഷ ഇല്ലായിരുന്നുവെന്നും വിജയം കമ്മ്യൂണിസ്റ്റ് വിരുദ്ധരെ എന്നപോലെ പാർട്ടി നേതൃത്വത്തിൽ വലിയ വിഭാഗത്തിനെയും അത്ഭുതപ്പെടുത്തിയെന്നുള്ളതാണ് വസ്തുത. എന്നാൽ അതേക്കുറിച്ച് ആദ്യം മുതൽ പൂർണവിശ്വാസം ഉണ്ടായിരുന്ന ഒരാൾ എം എൻ ആണ്. കേരള ജനതയെ ഉളളം കൈ പോലെ അറിയുമായിരുന്ന എമ്മെന്റെ വിസ്മയകരമായ തന്ത്രങ്ങളും അടവുകളും ആ വിജയത്തിൽ വഹിച്ച പങ്ക് എത്ര വലുതായിരുന്നുവെന്ന് വിവരിക്കാനാവില്ല. ആദ്യ കമ്മ്യൂണിസ്റ്റ് വിജയത്തിന്റെ പിന്നിലെ സംഘാടകനും പ്രചോദനവുമായാണ് എമ്മെനെ കാലഘട്ടം വിലയിരുത്തുന്നത്.

ആദ്യത്തെ കമ്മ്യൂണിസ്റ്റ് സർക്കാരിന്റെ കാര്യത്തിൽ എം എൻ നൽകിയ ശ്രദ്ധേയമായ സംഭാവനകളും സുപ്രധാനമാണ്. കമ്മ്യൂണിസ്റ്റ് പാർട്ടിക്ക് ഒറ്റയ്ക്ക് മത്സരിക്കാൻ ആത്മവിശ്വാസം പകർന്നു നൽകിയത് അദ്ദേഹമാണ്. സഖ്യമില്ലെങ്കിൽ വിജയം അസാധ്യമാകുമെന്ന് മറ്റ് പലർക്കുമുണ്ടായിരുന്ന ആശങ്ക അദ്ദേഹത്തെ അലട്ടിയിരുന്നില്ല. എം എൻ ആദ്യമേ വിജയം മനസിൽ കണ്ടിരുന്നു. കേരളത്തിന്റെ ചരിത്രം മാറ്റിയെഴുതിയ പുരോഗമനപരമായ നിയമങ്ങൾ സൃഷ്ടിച്ച ആദ്യ കമ്മ്യൂണിസ്റ്റ് മന്ത്രിസഭയുടെ ശില്പികളിൽ പ്രമുഖനായിരുന്ന എം എൻ ആ സർക്കാരിന്റെ വിപ്ലവകരമായ നടപടികൾക്ക് നേതൃത്വം നൽകി.

സി അച്യുതമേനോൻ സംസ്ഥാന മന്ത്രിസഭയിൽ അംഗമായതിനെ തുടർന്നാണ് എം എൻ ആദ്യമായി പാർട്ടി സംസ്ഥാന സെക്രട്ടറിയാകുന്നത്. ദീർഘനാൾ പാർട്ടി സംസ്ഥാന സെക്രട്ടറിയായും മന്ത്രിയായും എംഎൽഎ യായും രാജ്യസഭാംഗമായും ലോക്‌സഭ അംഗമായും കമ്മ്യൂണിസ്റ്റ് പാർട്ടി കേന്ദ്ര സെക്രട്ടേറിയറ്റംഗമായും എം എൻ പ്രവർത്തിച്ചു. മികച്ച സംഘാടകനും കഴിവുറ്റ പാർലമെന്റേറിയനും ഭരണാധികാരിയുമായിരുന്നു അദ്ദേഹം.

ധീരനായ പോരാളി മികച്ച ഭരണാധികാരി ആയിക്കൊള്ളണമെന്ന് നിർബന്ധമില്ല. എന്നാൽ ഇത് രണ്ടും ഒരാളിനെക്കൊണ്ട് സാധ്യമാണെന്ന് തെളിയിച്ച ചുരുക്കം പേരിൽ ഒരാളാണ് എം. എൻ. അച്യുതമേനോൻ മന്ത്രിസഭയിൽ അംഗമായിരിക്കേ അദ്ദേഹം നടപ്പാക്കിയ ലക്ഷം വീട് പദ്ധതി എത്ര മഹത്തും ആകർഷകവും ആയിരുന്നു. എന്നും സമൂഹത്തിലെ ഏറ്റവും അടിത്തട്ടിലുള്ളവരോട് എം എമ്മെന്ന് ഉണ്ടായിരുന്ന അഗാധമായ സ്നേഹവും സഹാനുഭൂതിയും അധികാരസ്ഥാനത്ത് വരുമ്പോൾ എങ്ങിനെ പ്രാവർത്തികമാക്കാമെന്നതിന്റെ മാതൃകയായിരുന്നു ഈ പദ്ധതി. മറ്റുള്ളവർക്കൊക്കെ അപ്രായോഗികമെന്ന് തോന്നിക്കുന്ന സ്വപ്നങ്ങൾ സാദ്ധ്യമാക്കാനുള്ള എമ്മെന്റെ ഇച്ഛാശക്തിയുടെ നിത്യസ്മാരകമായി ലോകത്ത് തന്നെ അപൂർവമായ ലക്ഷം വീട് പദ്ധതി.

കേരളത്തിന്റെ സർവതോന്മുഖ വികസനത്തിന് ആധാരമായി തീർന്ന ഇടുക്കി വൈദ്യുതി പദ്ധതിയുടെ സൃഷ്ടാവും അന്ന് വൈദ്യുതി വകുപ്പ് കൈകാര്യം ചെയ്ത എം എൻ ആയിരുന്നു എന്നത് പ്രധാനമാണ്. ഒരേസമയം ഏറ്റവും പാവപ്പെട്ടവരുടെ അടിയന്തരാവശ്യത്തിനും വ്യവസായ വികസനത്തിന് ആവശ്യമായ അടിസ്ഥാന സൗകര്യങ്ങൾക്കും എം എൻ തുല്യ പരിഗണന നൽകിയെന്നത് ശ്രദ്ധേയമാണ്.

എം എൻ തന്റെ ആത്മകഥയിലെ ‘മഹാപ്രവാഹത്തിലെ ഒരു തുള്ളി’ എന്ന അധ്യായം അവസാനിപ്പിക്കുന്നത് ഇങ്ങനെ: ”അടിമ വ്യവസ്ഥ മൺമറഞ്ഞതുപോലെ, നാടുവാഴിത്തം പിൻവാങ്ങിയതുപോലെ, മുതലാളിത്ത വ്യവസ്ഥയും അതിന്റെ അന്ത്യത്തിലേക്ക് നീങ്ങുകയാണ്. ചരിത്രത്തിന്റെ അലംഘനീയമായ ഗതി ആർക്കും തടയാനും തകർക്കാനും കഴിയില്ല. അങ്ങനെ 21-ാം നൂറ്റാണ്ടിലെങ്കിലും മനുഷ്യൻ തന്റെ മഹനീയത ഉയർത്തി പിടിച്ചുകൊണ്ട്, വിദ്വേഷ‑വിവേചനങ്ങളെല്ലാം ഉപേക്ഷിച്ച് സ്നേഹവും സൗഹൃദവും സാഹോദര്യവും പുലർത്തി പ്രകൃതി വിഭവങ്ങളേയും മഹോന്നതങ്ങളായ തന്റെ നേട്ടങ്ങളേയും മനുഷ്യ സമൂഹത്തിനാകെ പ്രയോജനപ്പെടുത്തി ഭൂമിയിൽ സ്വർഗം സൃഷ്ടിക്കുന്നത് സ്വപ്നം കണ്ടുകൊണ്ട് ഇവിടെ നിന്നും വിട പറയണം — അതാണെന്റെ അന്തിമാഭിലാഷം”.

അധികാരം മാത്രമല്ല പ്രായവും അനാരോഗ്യവും ഒന്നും എം എന്നിലെ പോരാളിയെയോ അധഃ സ്ഥിതരോടുള്ള സഹാനുഭൂതിയെയോ കുറയ്ക്കാൻ കാരണമായില്ല. ജീവിതത്തിന്റെ അവസാനകാലത്താണ് പ്രായത്തെയും ഹൃദ്രോഗത്തെയും ഒക്കെ അവഗണിച്ച് അദ്ദേഹം സമര രംഗത്തേക്ക് കുതിച്ചു ചാടിയത്. ബൽച്ചിയിൽ ദളിതർക്കു നേരെ സവർണ ജന്മിമാരുടെ അക്രമമുണ്ടായപ്പോൾ അന്ന് പാർലമെന്റംഗമായിരുന്ന എം എൻ ഒറ്റയ്ക്ക് നടത്തിയ പ്രതിഷേധ പര്യടനം ആവേശകരമായിരുന്നു. ഇതേ തുടർന്ന് പാർലമെന്റിനു മുമ്പിൽ നിരാഹാര സത്യാഗ്രഹം നടത്തുകയെന്ന കൃത്യത്തിനും അദ്ദേഹം മടിച്ചില്ല. എമ്മെനെപ്പോലെയുള്ള കമ്മ്യൂണിസ്റ്റ് നേതാക്കളുടെ ആ മഹത്തായ പൈതൃകവും പാരമ്പര്യവും പിന്തുടരുക എന്നതാണ് നമുക്ക് അവർക്കായി ചെയ്യാവുന്ന ഏറ്റവും ഉന്നതമായ സ്മരണാഞ്ജലി.

Janayugom Online

#നവംബർ_25

#പാർലമെന്റ്_മാർച്ച്‌ ✊️🚩

എല്ലാവർക്കും വിദ്യാഭ്യാസം... ‼️
എല്ലാവർക്കും തൊഴിൽ... ‼️

⭕️ദേശീയ വിദ്യാഭ്യാസ നയം പിൻവലിക്കുക...

⭕️ഭഗത് സിംഗ് നാഷണൽ എംപ്ലോയ്മെന്റ് ഗ്യാരണ്ടി ആക്ട് നടപ്പിലാക്കുക...

⭕️കേന്ദ്രസർക്കാർ സ്ഥാപനങ്ങളിലെ ഒഴിവുകൾ നികത്തുക...

1970 - 79 കാലഘട്ടം.
കേരളാമുഖ്യമന്ത്രി ആയിരുന്ന സി. അച്ചുതമേനോനെതിരെ നിയമസഭയിൽ ഒരു ആരോപണം ഉന്നയിക്കപ്പെട്ടു.

അച്ചുതമേനോന്റെ അനന്തിരവനായ അച്ചുതന് ട്രാവൻകൂർ കൊച്ചിൻ കെമിക്കൽസ് എന്ന പൊതുമേഘലാസ്ഥാപനത്തിൽ ജോലി ലഭിച്ചു എന്നതായിരിന്നു ആരോപണം.

''പഠിച്ചിട്ട് പറയാം'' എന്ന മറുപടിയാണ് അന്ന് അദ്ദേഹം നിയമസഭയിൽ പറഞ്ഞത്.

പിന്നീട് അന്വേഷിച്ചപ്പോൾ ഇത് ശരിയാണെന്ന് ബോധ്യപ്പെടുകയും അനന്തിരവനായ അച്ചുതനെ വിളിച്ചുവരുത്തി ശാസിക്കുകയും ജോലിയിൽ നിന്നും പിരിച്ചുവിടുകയും പരസ്യമായി മാപ്പ് പറയുകയും ചെയ്തു.

തീർന്നില്ല. പൊതുമേഘലാസ്ഥാപനങ്ങളിലെ നിയമനങ്ങൾ PSCക്ക് വിടുന്നതിനായുള്ള ബില്ല് നിയമസഭയിൽ അവതരിപ്പിക്കുകയും ചെയ്തു.

ഉദാത്തമായ കമ്മ്യൂണിസ്റ്റ് മാതൃകകൾ ഉൾകൊണ്ട് തെറ്റുകളെ ന്യായീകരിക്കാതെ ഏറ്റുപറഞ്ഞ് തിരുത്തി മുന്നേറിയാൽ പതിറ്റാണ്ടുകളോളം വാഴ്ത്തപ്പെടും.

1940 - ൽ സഖാവ് സി അച്യുത മേനോന്റെ നേതൃത്വത്തിൽ കൊച്ചിരാജ്യത്ത് നടന്ന ക്ഷേത്രപ്രവേശന സമരം

തിരുവിതാംകൂറിലെ അവര്‍ണ ഹിന്ദുക്കള്‍ക്ക് ക്ഷേത്രപ്രവേശനാനുമതി ലഭിച്ചിട്ടും സമാനസാഹചര്യം നിലനിന്നിരുന്ന കൊച്ചി അതേനില തുടരുകയായിരുന്നു. നാലു വര്‍ഷം കൂടി കഴിഞ്ഞപ്പോള്‍ കൊച്ചിയിലും അതേ ആവശ്യം പൊന്തിവന്നു. രാജ്യത്തിന്റെ വടക്കേ അറ്റം (തിരുവില്വാമല) മുതല്‍ ഭരണ ആസ്ഥാനമായ തൃപ്പൂണിത്തുറവരെ സി അച്യുതമേനോന്റെ നേതൃത്വത്തില്‍ നടന്ന കാല്‍നട ജാഥ വമ്പിച്ച ചലനങ്ങള്‍ സൃഷ്ടിച്ചു. നൂറുകണക്കിന് യോഗങ്ങളില്‍ സമരനേതാക്കള്‍ പ്രസംഗിച്ചു. ജാഥ സഞ്ചരിച്ച വഴികളിലെ സാമാന്യജനങ്ങളുമായി ആശയവിനമയം നടത്തി. ജാഥയ്ക്കിടയില്‍ ഒരു ലക്ഷം പേര്‍ ഒപ്പിട്ട നിവേദനം ഭരണാധികാരിക്ക് സമര്‍പ്പിച്ചു. ജനങ്ങള്‍ക്കിടയില്‍ അതുളവാക്കിയ ഉണര്‍വ് ചരിത്രഗതിയെ നന്നായി സ്വാധീനിച്ചു. കൊച്ചിയിലെയും മലബാറിലെയും അവര്‍ണ ഹിന്ദുക്കള്‍ക്ക് ക്ഷേത്രപ്രവേശനത്തിനു വേണ്ടി സ്വാതന്ത്ര്യലബ്ധിവരെ കാത്തിരിക്കേണ്ടിവന്നു.

പ്രൊ വിശ്വമംഗലം സുന്ദരേശൻ - ജനയുഗം

കെഎസ്ആർടിസി സിഎംഡി ബിജു പ്രഭാകർ കേന്ദ്ര സർക്കാർ നടപ്പിലാക്കുന്ന സ്വകാര്യവൽകരണത്തെ പിന്തുണയ്ക്കുന്നയാൾ. അങ്ങനെയുള്ളയാളെ ഗതാഗത സെക്രട്ടറി, കെഎസ്ആർടിസി സിഎംഡി എന്നീ സ്ഥാനത്തുനിന്ന് നീക്കാൻ സർക്കാർ തയാറാവണം.

സ്വകാര്യവൽകരണം എൽഡിഎഫ് നയമല്ല. പൊതുവേദിയിൽ ബിജു പ്രഭാകർ ഇക്കാര്യം പറഞ്ഞത് അച്ചടക്ക ലംഘനമാണ്.

കെഎസ്ടിഎ സംഘിന്റെ 22–ാം സംസ്ഥാന സമ്മേളന വേദിയിൽ ബിജു പ്രഭാകർ നടത്തിയ പ്രസംഗത്തിനാണ് കാനത്തിന്റെ മറുപടി.
പൊതുഗതാഗതം ശക്തിപ്പെടുത്തുന്ന നിലപാടല്ല കേന്ദ്രസർക്കാരിനും സംസ്ഥാന സർക്കാരിനുമുള്ളതെന്ന് ബിജു പ്രഭാകർ ആരോപിച്ചിരുന്നു. 20 ലക്ഷം ആൾക്കാരെ കൊണ്ടുപോകുന്ന പൊതുഗതാഗതത്തിന് ഒരു പിന്തുണയും ഇല്ലെന്നും മെട്രോ പദ്ധതി നടപ്പാക്കാൻ വേണ്ടി മാത്രമാണ് ചർച്ചകളെന്നും അദ്ദേഹം പറഞ്ഞിരുന്നു.

നിലപാട്.

ഗ്രാമീണ ഇന്ത്യയിലെ കോടിക്കണക്കിന് മനുഷ്യരുടെ ആശ്രയമായി മാറിയ മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി അട്ടിമറിക്കാനുള്ള bjpസർക്കാരിന്റെ നീക്കങ്ങൾക്കെതിരെ ......

പലവിധ ഭേദഗതികളിലൂടെ തൊഴിലുറപ്പ് നിയമത്തിന്റെ കയ്യും,കാലും വെട്ടുന്ന തരത്തിലുള്ള കേന്ദ്രസർക്കാരിന്റെ നടപടികൾക്കെതിരെ ........

NREGവർക്കേഴ്സ് ഫെഡറേഷൻ AITUCയുടെ നേതൃത്വത്തിൽ തൊഴിലുറപ്പ് തൊഴിലാളികൾ രാജ്ഭവനിലേക്ക് മാർച്ച് നടത്തി.
CPI സംസസ്ഥാന സെക്രട്ടറി സഖാവ് കാനംരാജേന്ദ്രൻ മാർച്ച് ഉൽഘാടനം ചെയ്തു.
ഫെഡറേഷൻ സംസ്ഥാന പ്രസിഡന്റ് ex MP ചെങ്ങറ സുരേന്ദ്രർ അദ്ധ്യക്ഷതവഹിച്ചു.

അധികാരങ്ങളെല്ലാം തന്‍റേതെന്ന് ഏതെങ്കിലും ശുംഭന്‍ വിചാരിച്ചാല്‍ എന്തുചെയ്യും?

എല്ലാ സര്‍വകലാശാലകളും ഭരിക്കുന്നത് താനാണെന്ന് ഗവര്‍ണര്‍ കരുതുന്നു.
ഗവർണറോടുള്ള പ്രീതി കേരളം പിൻവലിക്കുന്നു.

കാനംരാജേന്ദ്രൻ.

ഗവർണർ ചെയ്യുന്നതെല്ലാം ജനം വച്ച് പൊറുപ്പിക്കില്ല.
അധികാരമില്ലാത്ത കാര്യങ്ങളാണ് ഗവർണർ ചെയ്യുന്നത്. ചാൻസലർ സ്ഥാനത്ത് നിന്ന് ഗവർണറെ ഒഴിവാക്കുന്ന കാര്യം ഗൗരവമായി എൽഡിഎഫ് ആലോചിക്കും.
സർവകലാശാല ചട്ടങ്ങളിൽ എല്ലാം വ്യക്തമായുണ്ട്. സർക്കാർ - ഗവർണർ പോരിന് സംസ്ഥാനത്ത് സാഹചര്യം ഒരുക്കിയത് ഗവർണറാണ്. രണ്ട് കൈ കൂട്ടിയടിച്ചാലേ ശബ്ദമുണ്ടാകൂ എന്ന് പ്രധാനമായും ഗവർണർ തിരിച്ചറിയണം. ഗവർണർ സർക്കാരിന് മേൽ തൂങ്ങി നിൽക്കുന്ന വാളായി തുടരട്ടെ. ഗവർണറുടെ അന്ത്യശാസനത്തിന്റെ തുട‍ർച്ചയായി ഒന്നും സംഭവിക്കാൻ പോകുന്നില്ല. ഉന്നത വിദ്യാഭ്യാസ മേഖലയിലെ പ്രതിസന്ധിയിൽ ശക്തമായ പ്രക്ഷോഭം തുടരും.

കാനംരാജേന്ദ്രൻ
സിപിഐ
സംസ്ഥാന സെക്രട്ടറി.

പഴയ പെൻഷൻ പദ്ധതി പുനഃസ്ഥാപിക്കണം

കേന്ദ്രത്തിലും വിവിധ സംസ്ഥാനങ്ങളിലും നടപ്പിലാക്കി വരുന്ന സര്‍ക്കാരുകള്‍ക്ക് ഉത്തരവാദിത്തമില്ലാത്ത പെന്‍ഷന്‍ പദ്ധതി റദ്ദാക്കി പഴയ പെൻഷൻ പദ്ധതി പുനഃസ്ഥാപിക്കണമെന്ന് പാര്‍ട്ടി കോണ്‍ഗ്രസ് ആവശ്യപ്പെട്ടു. ഉറപ്പില്ലാത്ത പെൻഷൻ പദ്ധതിയായ എൻപിഎസിനെതിരായ കേന്ദ്ര‑സംസ്ഥാന സർക്കാർ ജീവനക്കാരുടെ പോരാട്ടത്തിന് പാര്‍ട്ടി കോണ്‍ഗ്രസ് പിന്തുണയും ഐക്യദാർഢ്യവും പ്രഖ്യാപിച്ചു.
കേന്ദ്ര‑സംസ്ഥാന സർക്കാരുകൾ ജീവനക്കാർക്ക് നിർവചിക്കപ്പെട്ടതും ഉറപ്പുനൽകിയതുമായ പെൻഷൻ സമ്പ്രദായം മാറ്റി ദേശീയ പെൻഷൻ സമ്പ്രദായം നടപ്പിലാക്കുന്നത് ആശങ്കാജനകമാണ്. ബാങ്കുകൾ, ഇൻഷുറൻസ് തുടങ്ങിയ മറ്റ് മേഖലകളിലേക്കും ദേശീയ പെൻഷൻ സമ്പ്രദായം (എൻപിഎസ്) വ്യാപിപ്പിച്ചിട്ടുണ്ട്. ലോകബാങ്കിന്റെയും ഐഎംഎഫിന്റെയും നിർദ്ദേശങ്ങളെ തുടര്‍ന്ന് നടപ്പിലാക്കിയ എൻപിഎസിനെ സിപിഐ തുടക്കം മുതൽ എതിർത്തിരുന്നു. ജീവനക്കാരിൽ നിന്ന് പിരിച്ചെടുക്കുന്ന ദശലക്ഷക്കണക്കിന് കോടി രൂപയും സർക്കാരിന്റെ സംഭാവനയും പിഎഫ്ആർഡിഎ വഴി വിപണിയിലേക്ക് ഒഴുകുന്നു. ഈ നിക്ഷേപങ്ങൾക്ക് യാതൊരു ഉത്തരവാദിത്തവും സുരക്ഷയുമില്ല. ജീവനക്കാരുടെ പെൻഷന് കമ്പോളശക്തികളെ ആശ്രയിക്കാനാവില്ല.
“പെൻഷൻ ഒരു ഔദാര്യമല്ല, പെൻഷൻ ഒരു സമ്മാനമല്ല, പെൻഷൻ ഒരു എക്സ്-ഗ്രേഷ്യയല്ല, പെൻഷൻ സർക്കാർ ജീവനക്കാരന്റെ മൗലികാവകാശമാണ്” എന്ന് സുപ്രീം കോടതി നിരവധി വിധിന്യായങ്ങളിൽ വ്യക്തമാക്കിയിട്ടുണ്ട്. എൻപിഎസ് നടപ്പാക്കി 18 വർഷം പിന്നിടുമ്പോൾ വിരമിച്ചു തുടങ്ങിയ ജീവനക്കാർക്ക് 2000 മുതൽ 4000 രൂപ വരെയുള്ള തുകമാത്രമാണ് പെൻഷനായി ലഭിക്കുന്നത്. എന്നാല്‍ ഇതേ ജീവനക്കാരൻ പഴയ പെൻഷൻ സ്കീമിന് കീഴിലാണെങ്കിൽ, അയാൾക്ക് പ്രതിമാസം 20,000 മുതൽ 30,000 രൂപയിൽ കൂടുതലും വിലക്കയറ്റം നികത്താൻ ക്ഷാമാശ്വാസവും ലഭിക്കും.
രാജസ്ഥാൻ, ഛത്തീസ്ഗഡ്, ഝാർഖണ്ഡ് തുടങ്ങിയ സംസ്ഥാന സർക്കാരുകൾ എൻപിഎസ് പിൻവലിക്കുകയും പഴയ പെൻഷൻ പദ്ധതി പുനഃസ്ഥാപിക്കുകയും ചെയ്തതില്‍ സിപിഐ പാര്‍ട്ടി കോണ്‍ഗ്രസ് സംതൃപ്തി രേഖപ്പെടുത്തി.