Perumpadappa പെരുമ്പടപ്പ്

ഡിവിഷനുകളുമുണ്ട്. വടക്കുഭാഗത്ത് ബീയം കായലും, കുണ്ടുകടവ് പുഴയും, തിരൂര്‍, പൊന്നാനി, പാലക്കാട് ജില്ലയിലെ തൃത്താല എന്നീ ബ്ളോക്കുകളും, കിഴക്കുഭാഗത്ത് പാലക്കാട് ജില്ലയിലെ തൃത്താല, തൃശ്ശൂര്‍ ജില്ലയിലെ ചൊവ്വന്നൂര്‍ എന്നീ ബ്ളോക്കുകളും, തെക്കുഭാഗത്ത് തൃശ്ശൂര്‍ ജില്ലയിലെ ചൊവ്വന്നൂര്‍, ചാവക്കാട് ബ്ളോക്കുകളും, പടിഞ്ഞാറുഭാഗത്ത് അറബിക്കടലുമാണ് പെരുമ്പടപ്പ് ബ്ളോക്ക് പഞ്ചായത്തിന്റെ അതിരുകള്‍. ബ്ളോക്ക് പഞ്ചായത്തിന്റെ കിഴക്കന്‍ മേഖലയില്‍ പശിമരാശിയുള്ള ചുവന്ന മണ്‍പ്രദേശവും പടിഞ്ഞാറന്‍ മേഖലയില്‍ മണല്‍ കലര്‍ന്ന പ്രദേശവുമാണ്. നീര്‍മറിപ്രദേശങ്ങള്‍, കായല്‍പ്രദേശം, കടല്‍ത്തീരപ്രദേശം എന്നിവയെല്ലാമുള്ള വൈവിധ്യമാര്‍ന്ന ഭൂപ്രകൃതിയുള്ള ബ്ളോക്കാണിത്. മലപ്പുറം ജില്ലയിലെ കോള്‍കൃഷി പ്രദേശങ്ങളില്‍ നല്ലൊരു ഭാഗവും ഈ ബ്ളോക്കിന്റെ പരിധിയിലാണ്. കാര്‍ഷികമേഖലയില്‍ ഒന്നാം സ്ഥാനം തെങ്ങിനും രണ്ടാം സ്ഥാനം നെല്ലിനുമാണ്. കവുങ്ങ്, നേന്ത്രവാഴ, പയര്‍വര്‍ഗ്ഗം, പച്ചക്കറി, എള്ള്, കുരുമുളക്, കശുമാവ്, രാമച്ചം എന്നിവയും ഇവിടെ കൃഷി ചെയ്യുന്നു. മലപ്പുറം ജില്ലയുടെ ഏറ്റവും തെക്കേയറ്റത്ത് അറബിക്കടലിനും, തൃശ്ശൂര്‍, പാലക്കാട് ജില്ലകള്‍ക്കുമിടയിലായി കിടക്കുന്ന പ്രദേശമാണ് പെരുമ്പടപ്പ് ബ്ളോക്ക് പ്രദേശം. ജില്ലാ ആസ്ഥാനത്തു നിന്നു 70 കിലോമീറ്റര്‍ ദൂരത്തിലാണ് പെരുമ്പടപ്പ് ബ്ളോക്ക് സ്ഥിതി ചെയ്യുന്നത്. സമുദ്രതീരത്തോടടുത്ത ഭൂനിരപ്പ് ഏതാണ്ട് സമുദ്രതീരത്തേതിന് തുല്യമാണ്. കിഴക്കോട്ട് പോകുന്തോറും സമുദ്രനിരപ്പില്‍ നിന്നുള്ള ഉയരവും ക്രമേണയായി വര്‍ദ്ധിക്കുന്നു. ആലങ്കോട് പഞ്ചായത്തില്‍ ഉയര്‍ന്ന കുന്നുകളും, സമതലങ്ങളും ധാരാളമുണ്ട്. തീരപ്രദേശത്ത് തരി കലര്‍ന്ന പഞ്ചാരമണലും കിഴക്കോട്ട് വരുമ്പോള്‍ കൃഷിയോഗ്യമായ ഇരുനിറമുള്ള പശിമരാശി മണ്ണും കിഴക്കന്‍ ഭാഗങ്ങളില്‍ ചരല്‍ മണ്ണും കാണപ്പെടുന്നു. പടിഞ്ഞാറു ഭാഗത്തുള്ള ഭൂമി 100 ശതമാനം കൃഷിയോഗ്യമാണ്. കിഴക്കു ഭാഗത്താകട്ടെ ഏതാനും തരിശു നിലങ്ങള്‍ കാണാം. ബ്ളോക്കിന്റെ വടക്കുഭാഗത്ത് കുണ്ടുകടവ് പുഴ, ബിയ്യം കായല്‍ എന്നിവയാണ്. ഈ കായലിന്റെ തെക്കോട്ടുള്ള തുടര്‍ച്ചയാണ് നരണിപ്പുഴ. ഈ പുഴയുടെ ഇരുകരകളും ഏറെ ഫലഭൂയിഷ്ഠവും, അങ്ങേയറ്റം ഭാഗത്തെയും കൃഷിയോഗ്യവുമാണ്. ഈ പുഴക്കരയോടു ചേര്‍ന്നാണ് കോള്‍നിലങ്ങള്‍ ഏറെയും. ബ്ളോക്കു പഞ്ചായത്തിന്റെ പടിഞ്ഞാറു ഭാഗത്തുകൂടി നാഷണല്‍ ഹൈവേ-17 അഥവാ പഴയ ടിപ്പു സുല്‍ത്താന്‍ റോഡ് തെക്കുവടക്കായി കടന്നുപോകുന്നു. അതിനു സമാന്തരമായി പൊന്നാനി-കുന്ദംകുളം-ഗുരുവായൂര്‍ റോഡും കടന്നുപോകുന്നു.