Naattu Maruthuvar Dr.Sakthy Subramani

இன்று குருவாரம் எனப்படும் வியாழக்கிழமை. சற்குரு சாயிநாதன் பேரைச் சொல்லி உண்மையான பக்தி செலுத்துவோர்க்கு அவர் வேண்டும் வரம் தருகின்ற கலியுக வள்ளல்.சாயியைத் துதிப்போம் சங்கடங்கள் தவிர்ப்போம். ஓம் சாயி!ஶ்ரீ.சாயி!! ஜயஜய சாயி!!!

இந்த படத்தில் காண்பது ஓர் கம்பளிப்பூச்சி.பின் வரும் சில நாட்களில் வண்ணத்துப்பூச்சி ஆகக் காண்போர் இதயத்தைக் கொள்ளையடிக்கும்படிக் கூட்டுப் புழுவாக இருந்து தவம் செய்து பல வண்ணங்கள் கொண்ட அழகிய இறக்கைகளைப் பெற்றுத் தன் உருவத்தை மாற்றிக் கொள்ளத் தயாராகும் வகையில் வயிறு முட்ட கிடைத்த பச்சிலைகளை எல்லாம் உண்ணத் தொடங்கிவிட்டது. இறைவன் இப்போதே இதன் உடலில் வெண்மை,செம்மை,கருமை, மஞ்சள் எனப் பல வண்ணங்களைப் படைத்துள்ளான்.உடன் ஒவ்வொரு முடியின் முனையிலும் தொட்டவர் துன்புறும் வகையில் நஞ்சினையும் படைத்துள்ளான். அருவருக்கத் தக்கதை அழகாகவும்,கயவரை கண்ணியம் உடையோராகவும், நஞ்சையே மருந்தாகவும் மாற்றுகின்ற பேராற்றல் பெற்றவன்! தனிப்பெரும் கருணையாளன்!! ஒரு சில நாட்கள் வாழ்ந்தாலும் பிறர் மகிழ வண்ணக் கோலத்தில் வட்டமிட்டு பறக்க,வளர்ந்து வரும் இந்த பட்டாம் பூச்சிக்கு என்னுடைய வாழ்த்துக்களுடன் இப்பதிவு.

இன்று இப்பதிவில் பார்க்கும் முதல் படத்தில் உள்ளோர் விழுப்புரத்தில் இருந்து வந்த உறவுகள்! இரண்டாம் படத்தில் உள்ளோர் புதுக்கோட்டையில் இருந்து வந்த பந்தங்கள்!! இவர்கள் என்மீது வைத்திருக்கும் அன்புக்கும் நம்பிக்கைக்கும் நான் பெரிதும் கடன்பட்டவன்.இவர்கள் எல்லா வகையான நலன்களையும் பெற்று உய்ய இறைவனை வணங்கி வேண்டி உளமார வாழ்த்தி மகிழ்கிறேன்.வாழிய பல்லாண்டு.

இன்று நாட்டு மருத்துவம் படப்பிடிப்பு முடிந்ததும் இந்த நிகழ்ச்சி சிறப்பாக அமைய ஒளிப்பதிவும்,ஒளித் தொகுப்பும் செய்த தொழில்நுட்ப வல்லுநர்கள் உடன் எடுத்துக்கொண்ட நினைவுப் படம்! இவர்களுக்கு என் உளமார்ந்த வாழ்த்துக்களுடன் இப்பதிவு!

இங்கு நாம் பார்க்கும் மலர் 'இட்டிலிப் பூ' என்றும் 'பிச்சிப்பூ' என்றும் சொல்லப் பெறுகிறது.வெட்சிப் பூ என்றும் சொல்வதுண்டு. ஆங்கிலத்தில் "Ixora coccnia" என்று குறிப்பிடப்படும்.இதில் ஒரு பூவை எடுத்து சுத்தம் செய்து நீரிலிட்டுக் காய்ச்சி பாலும் இனிப்பும் சேர்த்து தினமும் சில நாட்கள் பருகிவர கருப்பைக் குற்றங்கள் யாவும் குணமாகும். இங்கே இந்த மலர்களைப் பார்த்ததும் எனக்கு மனதில் தோன்றியது ஒன்று.இன்றைய கால மாற்றத்தில் பெரும்பாலான பூவையர் வெட்கத்தால் தலை குனியவில்லை எனினும் பூக்களே தலை குனிந்து ஞாபகப்படுத்துகின்றனவோ?என்ற எண்ணமே அது! அழகிய மலரில் மனதுக்கும் மகிழ்வு, உடலுக்கும் மருந்து எனப் படைத்த இறைவனைப் போற்றுவோம்!!இனிதே வாழ்வோம்!!!

இந்த கம்பளிப் பூச்சிக்கு புளியாரைக் கீரை மிகவும் பிடிக்குமோ? கம்பளிப் பூச்சி எனில் யார்க்கும் அருவருக்கத்தான் செய்யும்.ஆனாலும் இறைவன் இவற்றையும் காரணமின்றிப் படைத்திருக்கப் போவதில்லை.தனது ஒவ்வொரு முடியிலும் விஷத்தைப் பொதித்து வைத்திருந்த போதிலும் இதன் தோற்றம் கண்டு வியந்து போனேன்.எதுவுமே சிந்தையைத் தூண்டும் படைப்பாகப் படைத்த இறைவன் அளவற்ற அறிவுடையவன்!ஈடற்ற இரக்கம் காட்டுபவன்!!இறைவனைப் போற்றுவோம்.இன்பமே பெறுவோம்.

இன்று எங்கள் வீட்டுத் தோட்டத்தில் மலர்ந்த அழகிய நீல அல்லி. "Blue Star water lily" என்று ஆங்கிலத்தில் அழைக்கப் பெறுவது.அதைச் சுற்றி அழகாயும் மகிழ்வோடும் மீன்கள் வட்டமிட்டு வலம் வரும் காட்சி கண்களைக் கவர்வதாக இருந்தது.மலரது வடிவம், வண்ணம் மை கொண்டு வரைந்த சித்திரம் போலத் தோன்றியது.இது போன்ற படைப்பு நம்மை வியக்கச் செய்வது இயல்பே! இறைவனால் இதுவும் ஆகும்,எதுவும் ஆகக்கூடும்.இணையற்ற ஆற்றலும், ஈடில்லாக் கருணையும் உடையவன் இறைவன்.இறைவனைப் போற்றுவோம் இனிதே வாழ்வோம்!

இன்று கார்த்திகை தீபத் திருநாளை முன்னிட்டு வேலூர், அப்துல்லாபுரம், அருள்மிகு ஶ்ரீ.சேஷசாயி ஞான ஆரோக்கியபீட வளாகத்தில் எழுந்தருளி அருள்பாலிக்கும் ஶ்ரீ சேஷபுரீஸ்வரருக்கும் அம்மன் வண்டார் குழலி மற்றும் அருள் மருந்து நாயகித் தாய்க்கும் சிறப்பு அபிஷேக ஆராதனைகள் நடைபெற்றன!என் அன்புச் சொந்தங்களும் சகல சௌபாக்கியங்களும் பெற்று உய்ய இப்பதிவு!இறைவனைப் பணிவோம்!!இனிதே வாழ்வோம்!!!

இன்று வேலூர், அப்துல்லாபுரம்,சேஷசாயி ஞான ஆரோக்கிய பீடத்தில் அமர்ந்து அருள் பாலிக்கும் அன்னை வண்டார் குழலிக்கு மலர்கள் தொகுத்து,மகிழ்வுடன் கண்குளிர அலங்காரம் செய்து வணங்கிய காட்சி!அன்புச் சொந்தங்களுக்கும் அன்னையின் அருள் வேண்டி இப்பதிவு!!