Helmak

هلاو شلونكم 🙋🏼‍♀️
مشتاقين يابة 😍
رمضانكم مبارك 🥰
نرجع وياكم ونكمل المواضيع مال cv والبحث عن عمل بعد انقطاع ويا رب تستفادون منها 💙
🔹️ابد لتخلي احد يدز الcv ببدالك !
وابددد لتدز cv ببدال شخص !
اذا يوصل ايميل من شخص نيابة عن شخص اخر تلقائيااا راح يتحول هذا ال cv للقسم الي يتم رفضه ! حتة لو جان هذا الشخص مؤهل !
ليش ؟
لان هلشي مو " احترافي "
او خلي افهمكم شلون راح تنطي انطباع .
راح اكول هلشخص اصلا ممتعب نفسة و ماخذ من وقتة 5 دقايق حتة يدز الايميل و اتكالي ف بلمستقبل ممكن مراح يسوي كل التاسكات المطلوبة منة ويعتمد على زملائه بلعمل !

"هواية دتجيني ايميلات من بنات وال cv لولد من شوية ابحث عن الموضوع يطلع خطيبها و كاعدة تدور الة على شغل 😂 "
وحتة تشوفون شنو باقي النقاط
تابعونا على صفحتنا على الانستكرام :- iq

🔷️هسة نجي للنوع الثالث والاخير والي هو :-
🔷️السيرة الذاتية الاكاديمية
Academic CV
🔹️وهنا نكدر نعتبرها ملخص شامل لانجازات المتقدم الاكاديمية و المهنية وبلعادة يحتوي هذا النوع من السيفيات على قائمة من للمراجع (درجات الشرف / الجوائز / برائات الاختراع وغيرها )
وبلعادة السيرة الذاتية لازم متتجاوز الصفحة الوحدة بينما السيرة الذاتية الاكاديمية ممكن تتجاوز ال 10 صفحات او ممكن اكثر اذا تطلب الامر
🔹️زين منو يستخدم هذا النوع من السيرة الذاتية ؟
🔹️الاشخاص الي عدهم خبرة عالية والي حاصلين على شهادة الدكتوراه
🔹️الي يشتغلون بلمجالات الاكاديمية مثل التعليم العالي او بمجالات البحث والتطوير
وهنا نكون خلصنة انواع السيرة الذاتية
كلولنة يا نوع يناسبكم اكثر؟
و لتنسون تتابعونا 😉💙
رابط صفحتنا على الانستكرام iq

🔷️نكمل وياكم بثاني نوع من انواع السيرة الذاتية الي هو :-
🔷️السيرة الذاتية الزمنية
Reverse Chronological CV

🔹️هذا النوع راح يهتم بتدوين التاريخ الوظيفي للمتقدم وراح يبدي من الاحدث للاقدم وراح يركز هذا النوع من السيرة الذاتية على مدى تكور هذا الشخص في مجال معين بمرور الوقت
🔹️زين منو يستخدم هذا النوع من السيرة الذاتية؟
🔹️الاشخاص الي عدهم اهمية بلتطور والتقدم الوظيفي
🔹️الي يريدون يقدمون على مجال عمل مشابه لوظيفتهم السابقة وبمجال عندهم فيه خبرة كبيرة
وحتة تتعرفون على اخر نوع من السيرة الذاتية
تابعونا 😉💙
صفحتنا على الانستكرام iq

🔷️مثل موعدناكم البارحة انو راح نشرحلكم عن انواع السيرة الذاتية
وراح نبدي بلنوع الاول والي هو :-
🔷️السيرة الذاتية الي مبنية على المهارات
Skills-based CV
🔹️هذا النوع يعتبر من اكثر انواع ال cv شيوعا لان هو راح يركز على اهم الخدمات الي يكدر صاحب ال cv يقدها لصاحب العمل ومن ضمنها المهارات الي اكتسبها الشخص من وظيفة مشابهه او المهارات الحياتية
راح يعتبر هذا النوع من الcv مناسب الك بحالة جان عندك خبرات عمل سابقة هواية فراح تكدر توضح بي انو شلون راح تكدر تقدم خدمة لصاحب العمل من خلال هاية المهارات
🔷️زين منو يكدر يستخدم هذا النوع من الcv؟
🔹️الاشخاصالي بعدهم طلاب
🔹️والاشخاص الي ما عدهم خبرات عمل الها علاقة بلوظيفة الي مقدمين عليها
🔷️وبهذا النوع من ال cv قسم "المهارات والاهتمامات " يكون عليه تركيز كلش قوي ومن خلالة اكدر اوضح اهتمامي بمهارة الها علاقة بلوظيفة الي اني مقدم عليها

وحتة تتعرفون على باقي الانواع من السيرة الذاتية
تابعونا 😉💙
صفحتنا على الانستكرام iq

🔷️ السيرة الذاتية بيها اكثر من نوع
راح نتطرق لكل نوع من عدها ببوست وحدة وراح نفهمكم كل نوع بيهم راح يركز على شنو ؟
ووين نستخدمة ؟
وبلاخير راح نكول الكم شلون تختارون النوع الي يفيدكم اكثر 💙
حتة تعرفون انواع السيرة الذاتية وتستفادون منها
تابعونا 😉💙
صفحتنا على الانستكرام iq

🔷️احنة لازم نكتب حالتنة الاجتماعية بال cv ؟
متزوج/ اعزب / خاطب
الجواب 🔹️ لا مو لازم تنكتب هاية الاشياء لان باغلب الاماكن متكون مطلوبة بال cv ممكن وعلاغلب تنسال عنها بلمقابلة بس بال cv مراح تكون مطلوبة .
🔷️زين شوكت راح تكون مطلوبة؟
راح تكون مطلوبة 🔹️ من نشوف بمتطلبات الوظيفة المعلن عنها شرط يكون ( متزوج ) او شرط يكون ( اعزب )
وبهاية الحالة راح نعدل ال cv ونكتب حالتنة الاجتماعية
للمزيد من البوستات والمعلومات تابعونا 💙😉
صفحتنا على الانستكرام iq

تعلن شركة للاجهزة الطبية عن حاجتها الى سائق على ان يمتلك المؤهلات التالية :-
* لديه سيارة خاصة حديثة ومريحة
*يمتلك اجازة سوق
* الالتزام بلمواعيد

على من يجد في نفسة المواصفات السابقة
ارسال المعلومات على الواتس اب للرقم التالي :-
07505040762

هواية دنشوف ناس سيرتهم الذاتية كلش ممتازة خبرتهم ممتازة بس ديوكعهم شي بسيط وهو الايميل
E-mail
خلينة شوية نسولف شلون ممكن لازم يكون الايميل
🔹️الايميل لازم يكون رسمي
🔹️اسمك واسم والدك او اللقب
🔹️لازم نبتعد عن الاسماء المستعارة وابد ابد منستخدمها
🔹️نتجنب انو يكون الايميل بي ارقام او رموز
🔹️منستخدم ايميل الشركة القديمة من نجي نقدم ع شركة جديدة

حتة تتعرفون على باقي الشغلات الي تساعدكم حتة تلكون عمل
تابعونا 😉💙
صفحتنا على الانستكرام :-iq

الحاقاً بلبوست السابق اليوم راح ننزل الكم مجموعة من القنوات الي مختصة بنشر وظائف بلفيلد الطبي 💙

🔹️اعلانات للتواجد للصيادلة حصراً في بغداد
https://t.me/worktopharmacists

🔹️اعلانات شركات الادوية لطلب المندوبين ( صيادلة حصرا)
https://t.me/medicalreprsentativ

🔹️Medical Rx
https://t.me/medicalrx0

🔹️Medical Field
https://t.me/MedicalField_iq

🔹️تدريبات و فرص عمل في المختبرات
https://t.me/labcom1

نتمنى تستفادون من عندهم وبلمستقبل اي قناة نشوفها تنشر فرص عمل مفيدة اكيد راح ننزلها الكم 💙

وحتة تبقون بتحديث دائما على كل شي يخص الاعمال

تابعونا 😉💙

صفحتنا على الانستكرام iq

دائما يسئلونة
منين نلكة فرصة عمل ؟
شلون نلكة هلفرص ؟
منو ينشر فرص عمل ؟

🔷️بهلبوست راح اجمعلكم اكثر القنوات الي تنشر فرص عمل
(ممسؤلين عن اي فرصة عمل تنشر بيها )

وبوست ثاني راح تكون للقنوات التنشر فرص بلفيلد الطبي انتظروا 😉💙

🔹️فرص عمل للعراقيين 👇🏻
https://t.me/joinchat/pRXhEvrxJy5lOGE6

🔹️وظائف شاغرة
https://t.me/jobs_free

🔹️وظائف لنا
https://t.me/jobs_for_us

🔹️قناة وظائف العراق للشباب والبنات
https://t.me/Muhannad_job

🔹️وظائف عراقية
https://t.me/VIP_jobs

🔹️وظائف شاغرة
https://t.me/free_job

🔹️غدا اجمل
https://t.me/tomorrowisnicee

🔹️وظائف وفرص عمل
https://t.me/IQ_jobs

🔹️فرص عمل في العراق
https://t.me/swawork

🔹️فرصتك
https://t.me/fr9atak

🔹️وظائف وتعيينات العراق
https://t.me/t3een_iraq

بلبوست القادم راح ننشرلكم القنوات الخاصة بلفيلد الطبي 😉💙
تابعونا
صفحتنا على الانستكرام iq

وهسة البوست الثالث والاخير من سلسلة شلون نتغلب على ضغط الشغل

🟦 بقت كم نقطة مهمة لازم ننتبه عليها من يكون عدنة ضغط بلشغل وهي :-

🔷️لازم ننظم عملنة
يعني لازم نحط جدول زمني لنفسنة ونلتزم بي شكد منكدر ونتجنب نراكم العمل على نفسنة وبلتالي نزيد الضغط والتوتر

🔷️الاتزام بلمواعيد
لازم دائما نلتزم بمواعيد انجاز العمل واذا صار اي خلل لازم نبلغ زملائنة ومدرائنة حتة بلتالي همة هم يسوون جدولة للاعمال وينطوها مدى زمني

🔷️التعامل وية كل شخص حسب طبيعتة
لازم نفتهم انو كل شخص الة طبيعتة وكل شخص يختلف عن الاخر فمنكدر نتعامل وية كل زملائنة بنفس الاسلوب ولازم دائما نحاول نفهم طبيعة كل انسان ونلكة الاسلوب المناسب للتعامل وياه

🔷️ لازم تكون عدنة روح العمل الجماعي
لازم ننسة شي اسمة انانية و نشتغل وية الزملاء كفريق واحد لان هلشي راح يساعدنة انو نوزع المهام بشكل مناسب وحتة تكون عندك فرصة تستعين بيهم عند الحاجة

للمزيد من المواضيع
تابعونا 😉💙
صفحتنا على الانستكرام iq

نكمل وياكم بموضوع شلون نتغلب على ضغط الشغل 😉💙

بلبوست السابق حجينة عن انو نرتب اولوياتنة و عن انو نتعلم نكول لا وهسة نكمل بباقي النقاط :-

🔷️لازم نقسم الشغل الي عدنة وناخذ استراحات

كلش ضروري انو نحاول نقسم الشغل وبين كل شغل و شغل ناخذ استراحة قصيرة نرجع بيها نشاطنة ونتخلص من التعب حتة لتقل انتاجيتنة وتزيد عدنة كمية الاخطاء
فلازم بين فترة وفترة ناخذ اجازة نطلع رحلة نغير جو حتة نرجع بنشاط وحيوية اكثر

🔷️لازم نحجي عن المشكلة

لمن نحس نفسنة كلش تعبانين نفسيا وجسديا من الشغل من الافضل انو نشوف اقرب شخص او صديق النة و نروح نحجيلة المشكلة هلشي راح يساعدنة انو نفرغ الشحنات السلبية و بنفس الوقت ممكن تتبادلون الاراء و تشوفون حلول لهاية المشاكل

🔷️الحفاظ على هدوء الاعصاب
كلش ضروري نحافظ على اعصابنة داخل الشغل ومنحاول نفرغ غضبنة ونسوي المهام الي علينة بدون اي توتر ولا قلق .

وحتة لنطول عليكم نكملكم بلبوستات الجاية 😉💙
تابعونا
صفحتنا على الانستكرام iq

🔷️كلنة مرينة بمرحلة جنة كلش مضغوطين بلشغل ومجنة نعرف شنو نسوي وشلون نعدي هاية المرحلة

🟦 اليوم احنة راح ننطيكم شوية نقاط اذا سويتوها راح تعدون هاية المرحلة بكل سهولة 💙😉

🔷️رتب اولوياتك
كلش ضروري قبل منبدي بلشغل نرتب مهامنة واعمالنة اليومية على حسب اولويتها ونبدي بلشغلات الاكثر اهمية ونعوف الشغلات الي تتحمل التأجيل لغير وقت
🔹️ونصيحةةة لتسون اكثر من شغلة بنفس الوقت لان راح يزيد عليكم الجهد والتعب ومراح تطلعون بنتيجة ترضون عنها

🔷️لازم تتعلم انو تكول لا
مع انو الموظف لازم تكون عندة مرونة حتة يتعامل وية كل المهام الي تتوجه الة من قبل مدرائه بس هذا ميعني انو تكون على حساب وقت راحته وصحته ومو لازم تحس بلاحراج لمن ترفض بعض الواجبات الي تتوجه الك والي انت متكدر تسويها

و حتة لا اطول عليكم ازيد باجر نكمل الكم باقي النقاط 😉💙

تابعونا حتة تشوفون شلون ممكن تتغلبون على ضغط العمل 💙

صفحتنا على الانستكرام iq

🔷️بشنو تفيدنة السيرة الذاتية (cv)؟

السيرة الذاتية راح تفيدك بهواية امور واهمها

🔹️السيرة الذاتية هية وسيلتك حتة تعرف عن نفسك بطريقة مهنية وحتة تسوق لمهاراتك وللخبرات الي عندك بين اصحاب العمل وبين الشركات .

🔹️راح نعتبر السيرة الذاتية هية جوازك الاول حتة توصل لمرحلة المقابلة الي بدونها مراح تكدر تاخذ فرصتك بلعمل او بلتدريب او غيرها من الفرص .

🔹️تعتبر وسيلة كلش زينة حتة تذكرك بكل شي حققتة واشتغلت عليه خلال مسيرتك المهنية والاكاديمية .

🔹️راح تكدر من خلالها تتعرف على نقاط الضعف الي عندك بمهاراتك الشخصية او بمهاراتك الاكاديمية و بلتالي راح تكدر تشتغل على نقاط الضعف هذني وتطورهم.

🔹️تعتبر وسيلة حتة تنعش ذاكرتك قبل المقابلة مجرد قبل المقابلة تتطلع على الاشياء الموجودة بال cv وراح تعرف عن شنو تبدي تحجي وعلى شنو راح تركز .

علمود تعرفون بعد معلومات عن الcv ...

تابعونا 😉💙

صفحتنا على الانستكرامiq

هسة السؤال
شلون نسوي cv ؟
احنة نسويلكم الcv باسعار كلش مناسبة وتدللون علينة 😉
كل الي عليكم تسووا انو تدزولنا مسج واحنة راح نفهمكم بكل التفاصيل 💙
لتنسون تتابعونا على الانستكرام iq

🔷️شنو الاخطاء الي نسويها من نكتب cv؟
🔹️نخلي ايميل مو رسمي ومو باسمنة 🤦🏼‍♀️ وهلشي ينطي أنطباع سئ عنة
🔹️نخلي رقم تليفون مو شغال او اغلب الوقت يكون مغلق وهلشي حيخلي الشركات حتلو ترشحت للمقابلة ميكدرون يوصلون الك وتروح فرصتك 🤦🏼‍♀️
🔹️نخلي اشياء مو حقيقة مثل كورسات احنة مماخذيها او اماكن عمل احنة ممشتغلين بيها (راح تنسال عنها بلمقابلة وتتفشل ومباشرة تتحول للرفض 😬)
🔹️نبالغ كلش بالكتابة ومنخلي الcv مختصر
🔹️نخلي ال cv ازيد من صفحة وحدة ( محد عندة وقت يقرا هلكد 😉)
🔹️نكتب صفات شخصية مموجدة بينة مثل
القدرة على تحمل ضغط العمل ( وانت اذا وكع قلمك وانت تكتب تتعصب🤣 )
حتة تشوفون باقي الشغلات تابعونا 😉
صفحتنا على الانستكرام 👇🏻iq

من اكثر الاسئلة الي تنسأل النة
🔷️نحط صورة شخصية لو لا ؟
ب 90% من الاماكن يفضلون انو تحط صورة شخصية حتة يتعرفون علة الشخص الي راح يقابلوا
🔷️بس هية ممكن تعتبر سلاح ذو حدين يعني ممكن تنطي انطباع كلش حلو عندك وممكن تحول سيفيك للرفض
🔷️زين شلون نخليها تنطي انطباع حلو عنة ؟
🔹️لازم نكون لابسين بيها رسمي
🔹️بدون فلاتر (البنات وينكم 🤣 بدووون فلاتر )
🔹️الخلفية لازم تكون بيضة او رسمية لون موحد
حتة تشوفون باقي الشغلات المهمة بال cv تابعونا 😉
صفحتنا على الانستكرام 👇🏻iq

🔷️شنو الاشياء الاساسية الي لازم اخليها بالcv ؟

راح نشرحلك اهم الاشياء الي لازم يحتويها الcv وهنة :-

🔹️اسمك الثلاثي ( وممكن اللقب )
🔹️ايميلك ( لازم يكون رسمي يحتوي اسمك واللقب او اسمك الثلاثي او الثنائي )
🔹️جامعتك / مجال تخصصك /سنة التخرج
🔹️رقم تليفونك (شغال ويفضل يكون عليه مواقع تواصل اجتماعي )
🔹️مكان سكنك ( المحافظة و المنطقة )
🔹️اذا عندك تدريب صيفي او كورسات ماخذها يفضل تكتبها
وباقي الشغلات راح نناقشها ببوستات جاية
لتنسون تتابعونة علانستكرام هم 😉iq

Cv هو مختصر لشنو ؟
Cv =curriculum vitae
يعني شنو؟
يعني سيرة الحياة او السيرة الذاتية
🔷️️هو بأختصار عبارة عن ملف توضح من خلالة

🔹️مجال دراستك (بأي قسم /بأي جامعة انت )
🔹️خبرتك الوظيفية (وين اشتغلت قبل؟ شنو تعلمت من هذا الشغل وشنو حققت بيه ؟)
🔹️المجالات الي انت شاطر بيها و متميز
🔹️الكورسات الي انت ماخذها و الي استفاديت من عدها

🔷️وهو يعتبر اول خطوة تسويها لمن تريد تبدي تبحث عن عمل

وراح نشرحلكم هواية من الشغلات عنة بلبوستات الجاية 💙
تابعونا علانستكرام هم لتنسون 😉iq

Helmak is now on WhatsApp.

🔹️
حلمك خطوتك الاولى لبوابة الاعمال

Helmak updated their website address.

Helmak updated their phone number.

Helmak updated their business hours.