پەیچئ فروکخانا دهوکئ یا نیف دەولەتی ل دەشتا سلێڤانەیا
شتی ل روژا (24/9/2012) بەری بنیاتی فروكخانا دهوك یانیف دەولەتی ژلایی سەروكی حكومەتا هەرێما كوردستانی ڤە هاتیە دانا و كوژمی (443) ملیون دولاران بوهاتینە تەرخانكرن، د ری ورەسمەكی تایبەتدا ئەڤرو رێكەفتی (6/2/2013) ل كوچكا پارێزگەها دهوك گرێبەستا ئاڤاكرنا فروكخانا دهوك یانیف دەولەتی دناڤبەرا كارگێریا پارێزگەها دهوك و كومپانیا (ماكویل) یاتوركی هاتە ئیمزاكرن.
دپەیڤەكی دا تەمەر رەمەزان پارێزگاری دهوك گوت
: ئیدارە و خەلكی پارێزگەها دهوك یی دلخوشە پشتی بەری بنیاتی پروژی فروكخانا دهوك هاتیە دانان و ئەڤرو ری و رەسمێن ئیمزاكرنا دیماهیی یا دەست ب كاربونا پروژەی هاتنە ئەنجامدان كو دی كومپانیەكا توركی كاری دروستكرنی رابیت و پێشتر كومپانیا (دار الهندس) یا لوبنانی ب كاری دیزاینی راببو و بریارە كومپانیا (ئینجن) یا كوری سەرپەرشتیا فروكخانی بكەن هەروەسا سەر پەرشتیا كاری ئاڤاكرنی ژی بكەت.
هەروەسا پارێزگاری َدهوك دیاركر كو بدیماهیك هاتنا فروكخانا دهوك یا نیف دەولەتی دی بوارێن بازرگانی و ئابوری و چاندن ل سنوری پارێزگەها دهوك و هەرێما كوردستانی بەرف پێش ڤە چونی چیت و ب تایبەتی دگەل هەردوو ولاتێن توركیا و سوریا.
گوتژی: هەمی رێڤەبەریێن مە یێن پارێزگەها دهوك دخزمەتدانە بو هەركارەكی پێدڤی دگەل كومپانیێن ناڤبری، ژلایی خوڤە نوێنەری كومپانیا جی بەجی كار یا توركی دیاركر وان هەمی ئامادەكاریێن كاری كرینە و بریارە ل دەسپێكا هەیڤا (3) یا ئەف سالە دەست ب كاری دروستكرنا فروكخانا دهوك یان نیف دەولەتی بهێتە كرن.
جهی ئاماژەكرنی یە ماوی ڤی پروژەی (900) روژن و دی ب سیستەمەكی نوی و مودێرن ل سەر روبەری (20) كیلومەترێن دوجا ل دەڤەرا سێمێل هێتە ئاڤاكرن و نێزیكی (8000) كارمەندان دی دەتە كاری.