Dt. Heba Alkadi

صباح الخير 🌼

(ما بيعني هلأ فقت ، بس بحاول نزّل المنشور بوقت بتوقع انكن موجودين ع الفيس كرمال افرح بتفاعلكن☺️)

كيف الصحة اليوم؟

لما بتهتمي بصحتك وبتشوفي شو المشاكل اللي عم يمر فيها وبتحلّيها؛ فأنتِ هيك بتكون عم تراعي الأمانة اللي رب العالمين وهبك ياها. 💖

شو الوضع اللي جسمك عم يمر فيه حالياً؟ 💬
(خمول، صداع، دوخة، تساقط شعر، حبوب بالوجه، سُمنة، نحافة، نفخة، إمساك -وانتو بكرامة- …….)


🥰

مرحبا مرحبا 🙋🏻‍♀️

لأني الأخصائية الحبابة ووعدتكن نعمل علاقة حلوة بين الضمير العربي وحلويات العيد المُتبقية (هي إذا ما قضيتو عليها 😂)

ف رح اعطيكن حلول ترضيكن وترضي شهيتكن وترضي سعادتكن 😌🌸

ركزوا معي كتير منيح، لأنو رح اعطيكن 4️⃣ نصائح صغيرة كتير بس رح يكون تأثيرها كبير بعدم زيادة الوزن👌🏻

١. كلو قطعتين باليوم (معلش القناعة كنز لا يفنى😂)
(قطعة مع القهوة الصباحية ، بشررررررط تاكلو قبلها تفاحة 🍏 🍎
والقطعة التانية كلوها بعد الغدا مباشرة)
اتفقنا 🙏🏻

🛑 ننتبه: هي النصيحة للأشخاص الأصحّاء اللي ما عندهم امراض متل السكري، واللي الدكتور ما مانعهم من السكريات.🛑

٢. أبداً لا تخلو حالكن توصلو لمرحلة الجوع القارس.❌

بتعرفو ليش؟
لأنو بس وصلتولها ، الجسم بيصير يدوّر على مصادر طاقة وسكريات سريعة، فووووورا المخ بيتخيل الخيارات السهلة واللي بترفعلو السكر بسرعة.
وبهالحالة ما عاد الجسم بيقدر يسيطر على كمية السكريات اللي عم يتناولها ولا بيكون واعي شو عم يعمل.

٣. تاكلو وجبات مُشبعة وفيها بروتين

٤. اشربو مي كتير كتير كتير
كاستين اول ما تفيقو .. كاسة مع القهوة .. كاسة قبل الفطور .. كاسة قبل الغدا .. وهيييييك ضلو عم تشربو

وبوعدكن تخف شهيّتكن للحلويات ويتوقف الوزن عن الزيادة✅

الأخصائية الحباية ولا كيف!🥰

وهلأ احكولي شو عملتو حلويات ع العيد😂

قصدي احكولي شو اكتر نصيحة رح تشتغلو عليها؟ 💬

صباحو 🙋🏻‍♀️

شربتو قهوتكن أو لسه. ☕️

شفتولي هالمعمولات ، نقطة ضعف الجميع ولا كيف😂

لا تقولولي أنا الأخصائية الحبابة🥰😂

المهم استنوني رح نزللكن بوست فخم عن:
حلويات العيد والوزن الظريف 🙂

اتركوا تعليق بهالبوست لنزلوا بأسرع وقت

مرحبا 🙋🏻‍♀️

كيفكن مع تخبيصات العيد

فتحتوها أو الأمور تحت السيطرة🥲

فضفضولي بصراحة لأعرف شو شاركّن بالأيام الجاية..

نحل مشاكل سُمنة أو نحافة 😜😂

‏ يارب الخيرة، الخيرة في كُل أمر، في كل اختيار، في كل شخص، الخيرة في الأيام والأوقات والأماكن، الخيرة في المنع والعطاء، الخيرة دائمًا وأبدًا 🤍🤲🏻.

‏اللهُم صلِّ وسلم على نبينا مُحمد ﷺ

جُمعة مُباركة.

🤍
🥣 ليش لازم ننتبه لنقطة تبريد طعام البيبي؟
لأنو في حال بقي بالبراد أو نسيناه ٤ - ٥ أيام ، ممكن تتكاثر فيه البكتريا خاصة لو كان في تفاوت بدرجات الحرارة.

وبالتالي لازم نراعي تبريد وجبات البيبي بشكل صحيح وخاصة إنو متل ما كلنا منعرف إنو مناعته بتكون بعدها ضعيفة.

المهم: إذا في ايموجي براد حطولي ياه بالتعليقات😂
لأنو بتذكر اني شايفتو دوّرت وما لقيتو!

وإذا عنكن أي سؤال يا مرحبا.🤍

🐣
مرحبا مرحبا 👼🏻🌸

ماما حبيبتي عملتلي هاد الفطور اليوم وأنا كتير حبيته واستمتعت وأنا عم آكل. 🥣
——
📌 بدي احكي ملاحظة كتير مهمة بالنسبة لِـ اللبنة.
اللبنة بتحتوي على بروتين بنسبة كتير عالية.

🙍🏻‍♀️ طيب أنا بعرف إنو البروتين منيح للجسم وللعضل!
👩🏻‍⚕️صحيح هالحكي. البروتينات عنصر أساسي ومهم بنظامنا الغذائي.

لكن رح احكيلك اللي بيصير بطريقة علميّة:
[البروتينات بيتم تفكيكها إلى يوريا ويوريك أسيد (البولة وحمض البول) وبتنطرح عن طريق الكِلى، ولأنو الرُضّع والأطفال أقل من سنتين لسه الكلى عندن مو فعّالة متل الكبار، وبالتالي رح يصير حِمل زائد عليها و رح تبقى اليوريا بالجسم ويتم إعادة امتصاصها في الدم!]

🔴 متخيلين السموم اللي رجعت ع جسم البيبي! 😥

✅ لهيك نصيحتي إلك يا ماما ما تطعميني كتير لبنة قبل ما يصير عمري سنتين.
(نصيحة جمعية التغذية الألمانية DGE)
✅ يعني مرة كل شهر وكمية قليلة بتكوني خدمتيني وخدمتي كلاويي😂.

وشكراً إلك ولتفهُّمك يا ماما

منشنوا ماما بتعرفوها لتستفاد من هالمعلومة. 🫶🏻

💓
If you want it ; work for it.

ضع خطّتك وانطلق المسير.

شهر على انتهاء سنة ٢٠٢٢ ، شاركوني انجازاتكن
بديتو تخطيط لسنة ٢٠٢٣ ؟

(اذا بتحبوا نزلكن وصفة هالوجبة الخفيفة اتركولي تعليق) 💓

‏وأصبحنا بفضلكَ يا إلهي
‏بعافيةٍ، وفي نِعَمٍ توالى
‏فهَبنا شُكرها حقًا وصِدقًا
‏ولا تكتب لها أبدًا زوالا

الحمدلله🤍

شو بتاكل: 🍔🌭🥯🍕🥤
وشو بتحط ع شعرها: 🍍🥑🥕🥥🍅🥚

فكَّري 🙆🏻‍♀️🙂🙂🙂🙂🙂

☕🧡
ألذ سحلب بالبيت:
🥛نص كوب حليب بودرة
🥛نص كوب سكر بودرة
🥛نص كوب رز مطحون

🥄٢ ملعقة كبيرة نشاء بودرة
🥄١ ملعقة صغيرة قرفة ناعمة
🥄١ ملعقة صغيرة ماء زهر
🥄نص ملعقة صغيرة مستكة (صراحةً أنا استغنيت عنها🤭)

المكونات السابقة=بودرة السحلب
بتنحط بمرطبان يُفضل يكون زجاجي🏺

لعمل كوب سحلب:
مناخد ملعقة كبيرة من بودرة السحلب ومنحلها بكوب ماء أو حليب (على البارد) وبعدين منحطها ع النار مع التحريك لحد ما يتقل القوام.
منزين بجوز الهند وقرفة ناعمة 🥥😋

نوت: حلاة البودرة متوسطة أقرب للخفيفة.

وألف سعادة ودفا وهنا.🧡

بيسعدني تجربوها وتكتبولي رأيكن😍

🍓🥐🍐🧇
اللَّهُمَّ في جُمعتِنا هذه نسألك:
دفء السكينة، ولطائفكَ الخفيّة، وأقداركَ اللطيفة، ورحمتكَ الواسعة.

قولوا آمين.🌸

مشروب الشتاء 😇🧡

في ألذّ منو بهالبردات!🔥

كيف بتعملوه؟
شو رأيكن شاركن الطريقة؟

😌💪🏻🥝

افتحوا الصورة🤭
وحطولي قلب أخضر 💚💚💚

حُلّة جديدة🌸.

شو السبب اللي بتتوقعي إنو مخلي وزنك ما ينزل؟

عِش كل لحظة بما يستحق من شعور...🧘‍♀️🍂

صباح الخير، صباح السَّلام.

-ماي سناك.🥪

Diabetes Basics 4
٤

📝 كيف يُعالَج مرض السُكَّري؟⬇️
انظر الجدول

ذُكر في الجدول السابق أن: اتّبـاع نمط حياة صحيّ وسليم هو علاج مرض السكري النمط الثاني.

📝 إذًا ماهو النمط الحياتي الصحي والسليم؟
• إعتماد مبدأ الاعتدال والتنوُّع من خلال تناول مختلف الفئات الغذائية بكميات محددة.🍚🥔🍎🥭🥓🍤
• إتباع نظام غذائي يتلاءم مع نمط وطبيعة حياة كل مريض. 📋📊
• تناول ثلاث وجبات رئيسية يومية وبانتظام مع إحتمال إضافة وجبتين خفيفتين إذا دعت الحاجة إلى ذلك. 🍱☕
• الامتناع عن المأكولات الدسمة والغنية بالدهون المشبعة. ❌
• تناول المأكولات الغنية بالألياف.✔🥬🥗🍐🍓
• ممارسة الرياضة البدنية بصورة منتظمة.🙆🏻‍♀️🚶🏻‍♀️

+الهرم في الصورة المُرفقة⬇️

٢

📝 ما هي أسباب الإصابة بمرض السكري من النوع الأول؟
• عوامل مناعية
• عوامل إلتهابية 🦠
• عوامل وراثية 🧬

📝 ما هي أسباب الإصابة بمرض السكري من النوع الثاني؟
•• العامل الوراثي
•• البدانة
•• قلّة النشاط البدني 🛌 🛋
•• التقدُّم في العمر 👵🏻 🧓🏻

٣

📝 ما هي أعراض مرض السكري؟
🔹️التبوّل المتكرر (وأنتم بكرامة) 🚾
🔹️الشعور بالعطش الشديد وشرب الماء بكثرة 🍶💧
🔹️شهية أكبر للطعام 😋
🔹️الشعور بالإرهاق والتعب 🤕
🔹️إنخفاض الوزن 📟

📝 كيف يتمّ تشخيص مرض السكري؟
من خلال الفحص المخبري ومعرفة: 🔬🩸
١. مستوى السكر في الدم
٢. مخزون السكر في الدم (HBA1C)

📝 ما هي المضاعفات الطويلة المدى المرتبطة بالسكري؟⬇️

١
📝 ما هو مرض السكري؟
هو مرض يرتفع فيه مستوى السكر في الدم عن المعدل الطبيعي وذلك نتيجة نقص كلي أو جزئي في إنتاج هرمون الأنسولين من خلايا البنكرياس و/أو ضعف في فعالية الأنسولين على مستوى الخلايا والأنسجة.
(رح شاركّن فيما بعد فيديو توضيحي للتعريف)

📝 ما هو المعدل الطبيعي لمستوى السكر في الدم؟
• صباحا قبل تناول الطعام: أقل من ١٠٠ ملغم/دل
• ساعتين بعد تناول الطعام: أقل من ١٤٠ ملغم/دل

📝 ما هي أنواع مرض السُّكّري؟ ⬇️

📅 November is
١٤ تشرين الثاني هو
(للتثقيف الصحي وتوعية المرضى وأفراد المجتمع).

كل عام وانتو سُكر الدنيا ☺💙💙

"اللهم اشفِ من أتعبهُ مرضه، وتأخر شفاؤه، وكثر داؤه، وقل دواؤه.. فأنت سبحانك عونه و شفاؤه" 💙

”اللَّهُمّ إنّا نسألك في يوم الجُمعة بركةً تُطهِّر بها قلوبنا، وتَكشِف كُروبنا، وتَغفِر ذنوبنا، وتُصلِح أمرنا، وتُغني فقرنا، وتُذهِب شرَّنا، وتَكشِف همّنا وغمّنا“.☁️

ربّنا وأَجِب دُعاء.🤲🏻

🥞🍒🧺

‏ماكرون: لن نتخلى على الرسومات الساخرة
(يقصد رسومات عن رسول الله)

بدأت حملة

🔴فعّلوا الهاشتاق🔴

ولا يستصغِرَنّ أحدٌ منكم ذلك، كُلُّه له تأثير.

شوفوا المنتجات الفرنسية الغذائية وغيرها بالصور، وشوفوا تأثير هالحملات على الاقتصاد.

‏الحمدلله على أدقِّ النعم
التي لا ثناءً ولا حمدًا يوفيها.

❤🍓

مسا الخير
كيف الصحة💗

اليوم رح نكمل الموضوع اللي بدينا فيه مبارح
(٢)

🩸أسبابه:
١. حمية غذائية فقيرة بالحديد وفيتامين B9 (فوليك أسيد) و B12.
٢. الإكثار من تناول الكافئين والذي من شأنه أن يسبب سوء امتصاص الحديد من الغذاء المتناول وخاصة إذا تم تناولها في وقت قريب من وجبة الغذاء!⛔
٣. تناول بعض الأدوية اللي ممكن تعيق امتصاص الحديد.
٤. الحمل والرضاعة.🤰🤱
٥. في حال وجود بعض المشاكل الهضمية التي تؤدي إلى قلّة أو عدم امتصاص الحديد من الغذاء.
عوامل أخرى...

فقر الدم إله أنواع كتيرة، وحسب النوع بعد تشخيصه تتم المعالجة، إلى جانب العلاج الطبي بحسب وصفة الطبيب.

🩸وأنا بدوري رح أذكر الأنواع اللي بيتدخّل الغذاء بعلاجها:
• فقر الدم الناجم عن عِوَز الحديد.
• فقر الدم الناجم عن عِوز الفيتامينات.

🩸الوقاية وعلاج فقر الدم:
١- الإكثار من الأطعمة التي تحتوي على الحديد مثل: اللحوم، الكبدة، المأكولات البحرية، البقوليات، العسل الأسود، الخضروات الورقية الخضراء كالسبانح والجرجير....🥩🥬
٢- تناول الفواكه والخضار التي تحتوي على Vc مع الوجبة (الّتي تحوي الحديد) أو في وقت قريب منها لأن ذلك يُحسِّن من امتصاص الحديد.
مثال: ليمون، فليفلة، بقدونس، بندورة، القرنبيط (الزهرة)... 🍋☘🍅🥦
٣- تجنُّب تناول الكافئين (متل الشاي أو القهوة..) أثناء أو بعد الأكل (الذي يحوي الحديد) مُباشرة.☕⛔
٤- الالتزام بوصفة الطبيب، بالجُرعة والتوقيت والمُدّة.💉💊📝

💊وختامًا:
▪️فقر الدم ممكن يكون حالة مؤقتة، أول ما يشعر الشخص بالأعراض يروح للدكتور ويعمل التحاليل المطلوبة منه
وما يستهين بالحالة لأنو في بعض الحالات ممكن يكون فقر الدم عَرَض لمرض مُزمن.
▪️وطُرق الوقاية مو محصورة بفترة العلاج، طرق الوقاية المفروض تكون ضمن سلوكنا الغذائي اليومي ونمط حياتنا.

يارب نسألُك العفو والعافية.💗

👀
كيف الصحّة!

ع بالي نحكي شوي عن (الأنيميا)
لأنو أحيانا عم تجيني أسئلة عنه بالتحديد أو عن أعراض بسببه.

🩸شو يعني فقر الدم؟
يعني نقص في الهيموغلوبين أو في حجم خلايا الدم الحمراء أو في تعداد كُريّات الدم الحمراء.
(التعريف طبي وباختصار شديد)
هاد النقص بيعمل أعراض متعددة.

🩸مين أكتر الناس عُرضة للإصابة بفقر الدم؟
الأطفال في سن النمو
النساء في سن الخصوبة
الحوامل
الرياضيين

🩸الأعراض:
١- الشعور بالتعب (ومع تقدُّم المرض ممكن يوصل المريض لدرجة ما يقدر يقوم بالأعمال اليومية البسيطة!)
٢- اصفرار وشحوب في البشرة وخاصة الوجه.
٣- ضيق في التنفس.
٤- فقدان الشهية
٥- صُداع.
٦- عدم القدرة على التركيز.
٧- سرعة في ضربات القلب وخفقان غير منتظم.
٨- برودة الأطراف وقد يحدث تنميل.

(الأعراض بتختلف بحسب درجة المرض إذا كان خفيف أو معتدل أو شديد...، غالبًا بتظهر وبتزداد مع تطوّر المرض، يعني في بداية النقص بتكون الأعراض خفيفة وربما غير محسوسة)

تمّ التدقيق على المعلومات مِن قِبَل طبيبي.❤

والتّتمة بكرا بعون الله.

أمّا والله حِكم أفلام الكرتون حكم ذهبية 😎😁