Dr. Barham jalal

polishing and fillings
OA2
composite

Without polishing 💎
treatment

‎زۆر کەس زەردەخەنەکردن تەنها وەک وەڵامێکی نائیرادی بۆ ئەو شتانە دەزانن کە دڵخۆشیت بۆ دەهێنن یان ئیلهامبەخشن بۆ پێکەنین. لە کاتێکدا ئەمە بە دڵنیاییەوە ڕاستە، بەڵام چاوپۆشی لە خاڵێکی گرنگ دەکات: زەردەخەنە دەتوانێت هەڵبژاردنێکی هۆشیارانە و بە مەبەست بێت

١-زەردەخەنە یارمەتیت دەدات زیاتربژیت
‎ڕەنگە هۆکاری زۆر گرنگ بۆ زەردەخەنە ئەوە بێت کە ڕەنگە تەمەنی مرۆڤ درێژ بکاتەوە. توێژینەوەکان دەریانخستووە کە زەردەخەنەی ڕاستەقینە و چڕ پەیوەندی بە تەمەنی درێژترەوە هەیە.

‎٢-زەردەخەنە فشاری دەروونی کەم دەکاتەوە
‎فشار دەتوانێت هەموو بوونمان بگرێتەوە و کاریگەرییەکانی لە ڕوخسار و کردارەکانماندا دەربکەوێ، زەردەخەنە نەک هەر یارمەتیدەرە لەوەی نەهێڵێت ماندوو و سەرگەردان دەرکەوین،بەڵکو لە ڕاستیدا دەتوانێت یارمەتیدەر بێت لە کەمکردنەوەی فشار.

‎کاتێک سترێست هەیە، هەوڵبدە بە ئەنقەست زەردەخەنەیەک بخەیتە سەر دەموچاوت. لەوانەیە یارمەتیدەر بێت بۆ باشترکردنی باری دەروونی و زاڵبوون بەسەر ئەو فشارەی کە تووشی بویت.

‎٣-زەردەخەنە کاریگەریەکی زۆری هەیە لەسەر باشکردن و گۆڕینی مەزاج

‎زەردەخەنەیەکی سادە دەتوانێت ببێتە هۆی دەردانی نیورۆپێپتیدەکان کە پەیوەندی دەمارەکانت باشتر دەکەن هەروەها دەبێتە هۆی دەردانی ماددە گواستنەوە دەمارییەکانی وەک دۆپامین و سیرۆتۆنین کە دەتوانێت باری دەروونیت باشتر بکات
‎ بیر لە زەردەخەنە بکەرەوە وەک دژە خەمۆکییەکی سروشتی.

‎٤-زەردەخەنەکردن درمیە
‎چەند جار بیستووتە کە زەردەخەنەیەک هێزی ڕووناککردنەوەی ژوورێکی هەیە؟ لە کاتێکدا بە دڵنیاییەوە هەستێکی جوانە، بەڵام ئاماژەیەک بە ڕاستی هەڵدەگرێت. لێکۆڵینەوەکان پێشنیاری ئەوە دەکەن کە زەردەخەنە لە ڕاستیدا درمییە.
‎مێشکت بە شێوەیەکی ئۆتۆماتیکی سەرنجی دەربڕینی دەموچاوی کەسانی دیکە دەدات و لێکدەداتەوە- و هەندێکجار، تەنانەت ڕەنگە تۆ تەقلیدیشیان بکەیت. واتە لەوانەیە زەردەخەنەی کەسێکی تر ببینیت و خۆت بەبێ ئاگاداری زەردەخەنە بکەیت.

‎٥-زەردەخەنە سیستەمی بەرگری لەش بەهێز دەکات
‎هەروەها زەردەخەنە دەتوانێت تەندروستی گشتیت بەرز بکاتەوە بە یارمەتیدانی سیستەمی بەرگری لەشت بۆ کارکردنی کاریگەرتر.
‎ وا بیر دەکرێتەوە کە کاتێک زەردەخەنە دەکەیت، کارکردنی بەرگری باشتر دەبێت چونکە زیاتر ئارام دەبیت

‎جا تۆ هەوڵدەدەیت تەندروستی گشتی خۆت بپارێزیت یان سیستەمی بەرگری لەشت بەهێز بکەیت پێش وەرزی سەرما و ئەنفلۆنزا، ڕەنگە زەردەخەنە یارمەتیدەر بێت.

‎٦-ڕەنگە زەردەخەنە پەستانی خوێن دابەزێنێت
‎زەردەخەنە دەتوانێت کاریگەری سودبەخشی لەسەر پەستانی خوێنت هەبێت.
‎پێکەنین بە تایبەتی پەستانی خوێن دابەزێنێت، دوای ئەوەی دەبێتە هۆی زیادبوونی سەرەتایی لێدانی دڵ و هەناسەدان
‎ئەگەر لە ماڵەوە ئامێری چاودێری پەستانی خوێنت هەیە، دەتوانیت هەوڵبدەیت ئەم بیرۆکەیە بۆ خۆت تاقی بکەیتەوە. چەند خولەکێک دابنیشە و خوێندنەوەیەک بکە. پاشان بۆ ماوەی خولەکێک زەردەخەنە بکە و خوێندنەوەیەکی تر بکە لەکاتێکدا هێشتا زەردەخەنە دەکەیت
‎ ئەو کات تێبینی جیاوازی دەکەیت.

‎٧-زەردەخەنە ئازار کەمدەکاتەوە

‎توێژینەوەکان دەریانخستووە کە زەردەخەنەکردن ئەندۆرفین و ئازارشکێنە سروشتییەکانی تر و سیرۆتۆنین دەردەدات
‎نەک هەر باری دەروونیت بەرز دەکاتەوە بەڵکو جەستەت ئارام دەکەنەوە و ئازاری جەستەیی کەم دەکەنەوە زەردەخەنە دەرمانێکی سروشتییە.

‎٨-زەردەخەنە سەرنجڕاکێشت دەکات

‎ئێمە بە سروشتی خۆی ئەو کەسانە سەرنجمان ڕادەکێشین کە زەردەخەنە دەکەن. لە کاتێکدا دەربڕینی دەموچاوی توندتر یان نەرێنی ڕوخسار بە شێوەیەکی پێچەوانە کاردەکات .

‎٩-زەردەخەنە هۆکارێکە بۆ سەرکەوتن

‎توێژینەوەکان دەریانخستووە کە ئەو کەسانەی کە بە بەردەوامی زەردەخەنە دەکەن زیاتر متمانەیان بەخۆیانە ئەگەری بەرزکردنەوەی پلەیان زیاترە و ئەگەری پەیوەندیکردنیان زیاترە. هەوڵبدە لە کۆبوونەوەکان و چاوپێکەوتنەکانی کاردا زەردەخەنەیەک بکەیت
‎ لەوانەیە بۆت دەرکەوێت کە خەڵک کاردانەوەیان جیاوازە بەرامبەرت.

‎١٠-زەردەخەنە یارمەتیت دەدات بە ئەرێنی بمێنیتەوە
‎ئەم تاقیکردنەوە تاقی بکەرەوە: زەردەخەنە بکە. ئێستا هەوڵبدە بیر لە شتێکی نەرێنی بکەیتەوە بەبێ ئەوەی زەردەخەنەکەت لەدەست بدەیت. سەختە، نەخێر؟
‎زەردەخەنە دەتوانێت کاریگەری لەسەر هەستە ئەرێنییەکانت هەبێت، تەنانەت ئەگەر هەست بە زۆرەملێش بکەیت‎ بێ گوێدانە ئەوەی کە زەردەخەنەکەت ڕاستەقینە بێت یان نا