استشارات_صيدلانيه

يعلن مركز نقابة الصيادلة للتدريب و التطوير عن عقد محاضرة تحت عنوان “التداخلات الدوائية" التي تقدمها الدكتورة دينا حداد تعقد يوم السبت الموافق 16/12/2023 الساعة 9:00 صباحا لغاية 1:30 بعد الظهر
يمنح المشاركين من الصيادلة شهادة معتمدة من نقابة الصيادلة و احتساب ساعات تجديد مزاولة عددها 3 ساعات.
رسوم الاشتراك 10 دينار.
موقع التدريب5: مركز نقابة الصيادلة للتدريب والتطوير الكائن في تلاع العلي - أبراج المهنية/ الطابق الرابع

يمكنكم الدفع بإحدى الطرق التالية:
- دفع رسوم الاشتراك في صندوق النقابة من خلال فروع النقابة المختلفة في المحافظات
- إيداع المبلغ باستخدام IBAN حسابات النقابة، مع ضرورة ارسال الاسم على الرقم 0798493810 لتثبيت التسجيل
البنك الإسلامي فرع الشميساني – 25134 ( JO70JIBA0020000025134410400001 )
التسجيل من خلال الرابط التالي:
https://docs.google.com/forms/d/e/1FAIpQLSca4bIYQw4AQyuFb8S3YuclmrHbQxE0zpCyKgCPJhdXNgnkqA/viewform?vc=0&c=0&w=1&flr=0

لمزيد من المعلومات والاستفسار يرجى الاتصال على هاتف رقم 0798493810

التداخلات الدوائية يعلن مركز نقابة الصيادلة للتدريب و التطوير عن عقد محاضرة تحت عنوان “ التداخلات الدوائية" التي تقدمها الدكتورة دينا حداد تعقد يوم السبت الموافق 16/12/2023 الساعة 9:00 صباح....

شو بتعرفوا عن مرض جلد الدجاجة؟

🙏❤️

موضوع اليوم عن علامات تمدد الجلد( التشققات) stretch marks بالاخص خلال الحمل.
٨٠٪؜ من الحوامل بنصابوا بعلامات تمدد الجلد . عادة بتظهر اكثر اشي على منطقة البطن، الافخاذ او حتى الصدر.
اول علامه ممكن تدل انه بلش تمدد الجلد هي الحكة . لانه الجلد ببلش يتمدد مع زيادة الوزن و البيبي عم بكبر فببلش الجلد يتمدد و بصير اقل سماكة و بتمزع باللغة العامية. بالاضافة انه هرمونات الحمل برضه بتأثر على البشره و مدى قابليتها للتمدد.
طبعا ما في اي مشاكل صحية بالنسبة للstretch marks بس هي مشكله جماليه.
حتى نمنع من حصولها قدر الامكان يجب ان نرطب البشره دايما. هيك البشره و الجلد بصير عندهم مرونه انه يتمدد من دون حصول تشقق للبشرة.
نصيحتي لاي صبية اول ما تعرف انها حامل تبلش ترطب بشرتها كتير بساعد لمنع التشققات .

عملت منتج طبيعي ١٠٠٪؜ من دون اي مواد حافظة او كيميائية بيحتوي على زيوت و زبدة طبيعيه و مواد موجوده ببشرتنا بتساعد على ترطيب البشره و زيادة ليونتها . آمن ١٠٠٪؜. يوجد عبوات باحجام مختلفه.
للمزيد من الاستفسار ارجو التواصل عن طريق المسنجر , الواتساب او الايميل الموجود على الصفحه .

Hello everyone,

I Obtained the Canadian board of pharmacy in 2016. And the advanced diploma in the management of pharmaceutical cosmetic projects in 2021.
I'm an experienced tutor offering 1-to-1 and online sessions for pharmacy students for all pharmacy courses such as pharmacology, cosmetics, pathology, chemistry, physical pharmacy, biochemistry, microbiology .
For more enquiries contact me via WhatsApp 00962795673773. Email : [email protected] or dm me.

مين منا ما عمره صارله تساقط شعر؟ اكيد ولا حدا .😅
اليوم ما رح احكيلكم لا عن تساقط الشعر و لا عن اسبابه . بدي بس احكي عن منتج جربته شخصياً الي هو novophane
food supplement.

بعد ٣-٤ اشهر من اصابتي بكورونا لاحظت شعري عم بتساقط بشكل كبير يعني كان ينزل خصل كبيره كل ما امشطه. نصحوني انه استعمل هاد المنتج مع اني كنت فاقده الامل انه يرد يقوى الشعر بفترة قصيره. بس خلال شهر طلع الbabyhair بسرعه كبيره.
هاد المنتج هو عباره عن فيتامينات وعناصر مهمه:

‏1-cystine هاد عباره عن حمض اميني مهم لنمو الشعر
‏2-methionine حمض اميني مسؤول عن تقوية الشعر و يمنع تكسره
‏3-vitamin C يساعد على امتصاص الحديد المسؤول عن زيادة نمو الشعر
‏4-vitamin B5 , B6 and b3
‏5-biotin هو شكل من اشكال فيتامين B
‏6-iron الحديد
‏7-zinc مهم لنمو الاضافر و يقلل من القلق
‏8-magnesium

كنت اخد حبة مره باليوم خلال الوجبة لمدة شهرين .
طبعا بنصحكم تستشيروا طبيبكم او الصيدلاني دائما قبل شراء اي منتج حتى تتأكد انه بناسبك او لا .

‎هل تعلم أنه عند العطس ، تطير 100000 جرثومة من الأنف بسرعة كبيرة. بس مرات العطسة بتسبب حرج اذا كنا بمكان شغل او مناسبة فممكن انه نفكر انه نكتم العطسة عن طريق قرص الأنف أو اغلاق الفم ، بس للاسف ابدا مش فكرة صح. طب ليش؟
‎قبل العطس ، بتراكم كمية كبيرة من الهواء في الرئتين استعدادًا لطرد المهيجات من الممرات الانفية،
إذا كتمنا العطس يا اما عن طريق الضغط على الأنف أو إغلاق الفم ، يتم دفع هذا الهواء المضغوط مرة أخرى عبر أنبوب Eustachian إلى تجويف الأذن الوسطى فممكن يتسبب في تلف الأذن الوسطى والداخلية ,و تمزق طبلة الأذن. و ممكن يصير تمزق بالاوعية الدمويه بالعين و الدماغ.
فأعطس ولا يهمك الناس😅

فكرك ازا حبست العطسة ممكن ان تؤدي الى فقدان السمع؟ برأيكم حقيقة ام خرافه؟

البشره بدها ٢٨ يوم حتى تتجدد خلاياها و ممكن وقت اطول كل ما كبرنا بالعمر . فما تصدقي ازا حدا بقلك انت كبيره مستحيل تتحسن بشرتك. بالعكس اكيد رح تتحسن بس بدها التزام بالروتين اليومي ووقت اطول لتوصيل لنتيجة انت حابيتها.

شو بتعرفوا عن شحاد العين. بالزمانات كانوا يقولوا ازا بتشحد خبز بروح منك شحاد العين. فكركم حقيقة ام خرافة؟

للأسف الأخطاء الطبية تعتبر من الأسباب التي تؤدي للموت. رح احكي بس عن اكم خطأ ممكن تفاديه.
مثل ١-التشخيص الخاطيء أو المتأخر .
٢-دواء غلط.
٣- عيار الدواء غلط.
٤- طريقه استخدام الدواء او المدة المطلوبه .
٥- تفاعل الادويه مع ادويه أُخرى.
من حقك كمريض تسأل قد ما بدك اسئلة لطبيبك او الصيدلاني . و دائما خلي معك ورقة كاتب فيها كل ادويتك و الحساسيه الي بتعاني منها اذا وجدت، الامراض الي بتعاني منها ……الخ

معلومة على السريع.
ازا بدك تنام مرتاح لازم ما تلعب على الموبايل او تحضر عليه اشي قبل النوم .لانه الاضاءة الناصعه الي بتطلع من الموبايل عندها موجات ذات الطول الموجي الازرق . هاي الموجات بتخرب الانتاج الطبيعي لهرمون النوم الي هو الميلاتونين.
بالتالي بخرب كل روتين نومك.

المضاد الحيوي فقط يستعمل ازا عندك التهاب بكتيري . كل ما حسيت بتعب او وجع حلق او حتى قحة مش لازم ( مع التشديد 😅) انك توخد مضاد حيوي. لازم يتم التشخيص الصحيح لوجود البكتيريا .
لانه كل هالتصرفات الخاطئة رح تزيد من مقاومة البكتيريا للامراض ، و رح يصير اصعب معالجة هالامراض.

‎للأسف بعض الأدوية إلها آثار جانبية كالشعور بالإكتئاب او أفكار انتحارية. من بعض الامثلة: ادوية موانع الحمل ، ادوية الضغط و غيرها الكثير .
‎ازا حسّيت بشعور انك مش على طبيعتك او اكتئاب استشر الصيدلاني او طبيبك و اسأله ازا اي دواء من ادويتك ممكن يسبب اكتئاب لانه الحل بكون بسيط، يا إما بقلل الجرعة او يعطيك دواء بديل ما بسبب الاكتئاب.

بعض الادوية لازم تتاخد على معدة فاضية حتى يتم امتصاصها بشكل افضل بالمعدة و تعطي المفعول المطلوب. من بعض هذه الأدوية:

‏Paracetamol
‏•Penicillin
‏•Sucralfate
‏•Bisacodyl
‏•Azithromycin
‏•Ciprofloxacin
‏Omperazole

‏ازا كان وقت انك توخدها خلال النهار استنى على الاقل بعد الاكل ب ٣ ساعات او قبل الاكل بساعتين .

.dinaH

بتعرفوا هاي اللحظة لما يغزك دبّوس أو شوكة وتنتفض مرّة وحدة؟
مع إنك بالغ راشد وقدرتك على تحمل الألم أعلى من الأطفال!
تخيل إنه هاد الشعور بحس فيه الطفل المريض بالسكري من النوع الأول على عدة مرات باليوم؟
👇👇👇👇

بحسب توصيات جمعية ISPAD الطفل عشان يسيطر على السكري بحتاج يقيس نسبة السكر في الدم من ٦-١٠ مرّات في اليوم يعني ما يعادل ١٨٠_٣٠٠ وخزة في الشهر.

في حل بديل، وهو قياس السكري عبر جهاز فحص حديث بدون وخز مبدأ عمله أريح من جهاز فحص السكري العادي، وهو عبارة عن "سينسور" بتركب على الذراع العلوي للطفل، وبيجي معه جهاز محمول بشبه التلفون، بتمرره على السينسور عن بُعد وبعطيك نتيجة قراءة فحص السكري، بدون الحاجة لوخز الإصبع المتكرر.
السينسور بنوخز بالذراع وبتغير كل ١٤ يوم، يعني استخدامه بقلل عدد وخزات جلد الطفل من ٣٠٠ وخزة شهرية إلى وخزتين في الشهر فقط!
الشاهد في الموضوع إنه سعر السينسور ٤٧ دينار وبتغير كل ١٤ يوم، وسعر القارئ ٥٠ دينار وبتغير كل سنتين، يعني بالرغم من مميزات الجهاز وسهولة استخدامه إلا إنه تكلفته مرتفعة جدًا، يعني بنحكي عن ٩٤ دينار شهري، و ١١٢٨ دينارولأجل تخفيف المعاناة والألم عن أطفالنا، وتخفيف العبء المادي على أهاليهم، مجموعة من أهالي مرضى السكري من النوع الأول بنطالب من خلال مبادرات مجتمعية مثل مبادرة بنك السكري ومبادرة من ألم إلى قلم، بإدراج جهاز فحص السكري بدون وخز داخل منظومة التأمين الصحي، علمًا بإنه هاد القرار تم العمل عليه في جمهورية مصر العربية وسيتم البدء في تطبيقه قريبًا، استجابةً لمطالب أهالي أطفال السكري في مصر، وكلنا ثقة في صنّاع القرار في المملكة الأردنية الهاشمية بأن يتم الاستجابة لمطالبنا ودعم أطفال السكري وتأمين حقهم في رحلة علاج أقل ضرر جسمي ونفسي ومادي.







بدنا نرفع الهاشتاغ نخفف ألم هالابر عن الأطفال ...10 شكات ابر باليوم على طول مدى حياتهم 💔

عم بلاحظ كتير اشخاص عم بعتمدوا على Google بتشخيص امراضهم. و طبعا رح يكتئبوا و يفكروا معهم أسوأ مرض بالدنيا .
فدائما لازم تسأل طبيبك او الصيدلاني عن الاعراض اللي بتعاني منها و على الاغلب بتكون اسبابها بسيطة.
وسلامتكم …..