Faculty of Architecture and Urban Planning-FAUP

មហាវិទ្យាល័យស្ថាបត្យកម្មនិងនគរូបនីយវិទ្យា សូមចូលរួមអបអរសាទរដល់បញ្ញវន្តខ្មែរគ្រប់រូបទាំងអស់ ដែលបានបញ្ចប់ថ្នាក់បណ្ឌិត ថ្នាក់អនុបណ្ឌិត ថ្នាក់បរិញ្ញាបត្រ និងថ្នាក់បរិញ្ញាបត្ររង នៅថ្ងៃសៅរ៍ ទី១៥ ខែមិថុនា ឆ្នាំ២០២៤ ប្រកបដោយជោគជ័យ🙏

សូមអបអរសាទរ!!
និស្សិតរបស់មហាវិទ្យាល័យស្ថាបត្យកម្ម និងនគរូបនីយវិទ្យា ដែលបានបញ្ចប់ថ្នាក់បរិញ្ញាបត្រ ដោយជោគជ័យ នៃសាកលវិទ្យាល័យបញ្ញាសាស្រ្តកម្ពុជា ទៅលើជំនាញឯកទេសស្ថាបត្យកម្ម។

សង្ឃឹមថា ប្អូនៗយកចំនេះដែលទទួលបានទាំងជំនាញរឹង និងជំនាញទុន ដែលសាកលវិទ្យាល័យបានបណ្តុះបណ្តាលអស់រយៈពេលប្រាំឆ្នាំ ទៅប្រើក្នុងផ្លូវល្អដើម្បីប្រកបរបរចិញ្ចឹមជីវិត។

សូមអរគុណ!

Received a visit of a Chinese monk and his deligations at Faculty of Architecture and Urban Planning on 2 May 2024.

សន្និសីទក្រុមប្រឹក្សាសេដ្ឋកិច្ចនិងសង្គមចិននិងសាកលវិទ្យាល័យបញ្ញាសាស្ត្រកម្ពុជា។
April 23, 2024

យើងខ្ញុំ សូមលើកហត្ថបួងសួងដល់គុណបុណ្យព្រះរតនត្រ័យ វត្ថុស័ក្តិសិទ្ធិក្នុងលោក ព្រមទាំងទេវតា ឆ្នាំថ្មី២០២៤ សូមជួយបីបាច់ថែរក្សា និង ប្រោះព្រំសព្វសាធុការពរ ជូនដល់លោកអ្នក និងក្រុមគ្រួសារ ជួបប្រទះតែសិរីសួស្តី ជ័យមង្គល ​វិបុលសុខគ្រប់ប្រការ និងប្រកបដោយពុទ្ធពរទាំង៤​ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

ថ្ងៃទី២ នៃការរៀបចំកម្មវិធី «មហាសង្រ្កាន្តបញ្ញាសាស្រ្តឆ្នាំ២០២៤»
ពួកយើងកំពុងត្រៀមហើយ ចុះអ្នកវិញ?

សកម្មភាពរបស់បុគ្គលិក និងនិស្សិត រៀបចំតុបតែងត្រៀមអបអរសាទរកម្មវិធី “មហាសង្រ្កាន្តឆ្នាំ២០២៤ នៃសាកលវិទ្យាល័យបញ្ញាសាស្រ្តកម្ពុជា” ដែលនឹងប្រារព្ធឡើងនាថ្ងៃសៅរ៍ ១៣រោច ខែផល្គុន ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី០៦ ខែមេសា ឆ្នាំ២០២៤។
ទីតាំង៖ អគារ៨៩ ផ្លូវ៣១៣ សង្កាត់បឹងកក់២ ខណ្ឌទួលគោក រាជធានីភ្នំពេញ។

«៣០% សម្រាប់អាហារូបករណ៍
ចុះឈ្មោះភ្លាម ទទួលបានភ្លាម»

មហាវិទ្យាល័យស្ថាបត្យកម្ម​ និងនគរូបនីយវិទ្យាបានផ្តល់ឧ៌កាសពិសេសដល់ប្អូនៗដែលបាន
-ប្រលង ជាប់ សញ្ញាបត្រទុតិយភូមិ (បាក់ឌុប)
-ប្រលងធ្លាក់ សញ្ញាបត្រទុតិយភូមិ (បាក់ឌុប)

ចាប់ទទួលចុះឈ្មោះសិក្សាពីថ្ងៃទី១៣ ខែវិច្ឆិកា ឆ្នាំ២០២៣ រហូតដល់ថ្ងៃទី០១ ខែមករា ឆ្នាំ២០២៤ លើគ្រប់ជំនាញទាំងបីដូចខាងក្រោម
១.ជំនាញស្ថាបត្យកម្ម
២.ជំនាញក្បាច់ខ្មែរបុរាណ
៣.ជំនាញតុបតែងលម្អផ្ទៃក្នុង​ និងទេសភាពក្រៅ

ចាប់អារម្មណ៍មួយណា អាចធ្វើការសាកសួរពត័មានបន្ថែមបានតាមរយៈលេខទូរស័ព្ទ
-០១២ ២១ ៥១ ០៩
-០៩៦ ៩៣៣៨ ២៩៦

ទីតាំង: អាគារ៨៩ ផ្លូវ៣១៣ សង្កាត់បឹងកក់២ ខ័ណ្ឌទួលគោក រាជធានីភ្នំពេញ (ក្បែរផ្សារមាន់អាំង)

សូមអរគុណ 🙏

ចង់ដឹងអនាគតឲ្យមើលលើការគិត ការនិយាយ និងសកម្មភាព នាពេលបច្ចុប្បន្ន។

ការព្យាយាមនាំមកនូវភាពជោគជ័យ !!!

និស្សិតមហាវិទ្យាល័យស្ថាបត្យកម្មនិងនគរូបនីយវិទ្យា ជំនាន់ទី២៤ ឆ្នាំទីបី ឆមាសទី២ បានធ្វើការចុះកម្មសិក្សាទៅលើ «ប្រព័ន្ធរចនាសម្ព័ន្ធនៅក្នុងស្ថាបត្យកម្ម» Structural System in Architecture ដែលមានទីតាំងស្ថិតនៅក្នុងវីឡាសំរោងអណ្តែតភ្នំពេញ។

ក្រោមការដឹកនាំរបស់លោកបណ្ឌិត Heng Sokbil សាស្រ្តាចារ្យរបស់មហាវិទ្យាល័យស្ថាបត្យកម្មនិងនគរូបនីយវិទ្យា នៃសាកលវិទ្យាល័យបញ្ញាសាស្រ្តកម្ពុជា។

ពិធីចុះហត្ថលេខាលើអនុស្សរណៈនៃកិច្ចព្រមព្រៀងរវាងសាកលវិទ្យាល័យបញ្ញាសាស្រ្តកម្ពុជា និងវិទ្យាស្ថាន IT Academy STEP

The Signature Ceremony of the Memorandum of Agreement Between Paññāsāstra University of Cambodia of Cambodia and IT Academy STEP Institute.

The MOU & MOA signing ceremony has been done between Paññāsāstra University of Cambodia and Kyungdong University, South Korea, mainly focusing on the student exchange program and dual degree program.

Students from both parties can exchange their studies of any majors for one or two semesters and 2 + 2 dual degree programs with offered scholarship based on their academic performance.

Phnom Penh, October 18, 2023

យើងខ្ញុំជាគណៈគ្របគ្រងរបស់មហាវិទ្យាល័យស្ថាបត្យកម្មនិងនគរូបនីយវិទ្យា នៃសាកលវិទ្យាល័យបញ្ញាសាស្រ្តកម្ពុជា បានដឹកនាំនិស្សិត និងបុគ្គលិកមួយចំនួន បានធ្វើចង្ហាន់ដើម្បីចូលរួមពិធីកាន់បិណ្ឌទី១១ និងរាប់បាត្រ នៅវត្តពិភ័ទ្ទរង្សី ហៅវត្តចិនដំដែក ស្ថិតនៅប៉ែកខាងជើងរមនីយដ្ឋានវត្តភ្នំ សង្កាត់ស្រះចក ក្រុងភ្នំពេញ។ នាថ្ងៃ១២រោច ខែភទ្របទ ឆ្នាំថោះ បញ្ចស័ក,គ.ស ២៥៦៧ ដែលត្រូវនឹងថ្ងៃពុធ ទី១១ ខែតុលា ឆ្នំា២០២៣។
សូមជូនបុណ្យទាំងអស់គ្នា 🙏🙏🙏

A science workshop organized by BUILD4PEOPLE project at Faculty of Architecture and Urban Planning of PUC on October 03 2023. Students from ITC and FAUP/PUC attended and exchanged with German experts, and professors from ITC, PUC, RUPP and Hamburg University.

កម្មវិធី “សមាធិ” នាព្រឹកថ្ងៃទី១៥ កើត ខែភទ្របទ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃសុក្រ ទី២៩ ខែកញ្ញា ឆ្នាំ២០២៣។ កម្មវិធីនេះមានគោលបំណងធ្វើឲ្យនិស្សិតមានចិត្តស្ងប់សម្រួលការគ្រប់គ្រងអារម្មណ៍ និងការតាំងចិត្តមុននឹងចាប់ផ្តើមបន្តការសិក្សាសម្រាប់វគ្គថ្មីក្នុងខែតុលា ខាងមុខ។
ដឹកនាំកម្មវិធីសមាធិដោយ Venerable. Sreang Piseth

អាហារថ្ងៃត្រង់ ពេលបញ្ចប់ការការពារសារណារវាងថ្នាក់ដឹកនាំ និស្សិត និងបុគ្គលិក 🙏

និស្សិត របស់មហាវិទ្យាល័យស្ថាបត្យកម្មនិងនគរូបនីយវិទ្យា ជំនាន់ទី២០ និងជំនាន់ទី២១ បានធ្វើការការពារសារណាបញ្ចប់ឆ្នាំទៅលើជំនាញឯកទេស«ស្ថាបត្យកម្ម» ដែលពួកគេបានចំណាយអស់រយៈពេល៥ឆ្នាំ ដើម្បីបំពេញលើមុខជំនាញនេះ។

សូមសសើរប្អូនៗ ដែលបានខិតខំតស៊ូរៀនសូត្រ រហូតដល់ទទួលបានលិទ្ធផលផ្លែផ្កាដូចថ្ងៃនេះ ❤️

ដំណើរចុះកម្មសិក្សារបស់និស្សិតស្ថាបត្យកម្ម ដែលបានទៅកាន់ខេត្តចំនួនពីរគឺខេត្តបាត់ដំបង និងខេត្តសៀមរាប ត្រូវបានបញ្ចប់ប្រកបដោយផ្លែផ្កា។
សូមនិស្សិតទាំងអស់ធ្វើកិច្ចការជូនលោកគ្រូ រួចសម្រាកចំនួនបីសប្តាហ៍ មុនពេលបើកឆមាសថ្មីក្នុងខែតុលា ខាងមុខ។
សូមអរគុណ 🙏

និស្សិតជំនាន់ទី២៦&២៩ របស់មហាវិទ្យាល័យស្ថាបត្យកម្មនិងនគរូបនីយវិទ្យា នៃសាកលវិទ្យាល័យបញ្ញាសាស្រ្តកម្ពុជា។

ក្រោមការដឹកនាំរបស់លោកសាស្រ្តាចារ្យញ៉ែម ដេត ប្រធានដេប៉ាតឺម៉ង់ ក្បាច់ខ្មែរ ប្រជុំគ្នាអំពីការធ្វើដំណើរចុះកម្មសិក្សា ទៅកាន់ខេត្តបាត់ដំបង និងខេត្តសៀមរាប ដែលនឹងប្រព្រឹត្តទៅចាប់ពីថ្ងៃទី០១ ដល់ថ្ងៃទី០៥ ខែកញ្ញា ឆ្នាំ២០២៣ នាពេលខាងមុខ។

គោលបំណង គឺដើម្បីធ្វើសម្រង់ និងការវាស់វែងទៅលើវត្ត វិហារ សំណង់បុរាណ និងក្បាច់រចនាខ្មែរបុរាណ ដើម្បីឱ្យនិស្សិតបានទទួលចំនេះដឹងថ្មីៗ បន្ទាប់ពីពួកគេបានសិក្សាទ្រឹ្តស្តីក្នុងថ្នាក់រួច។

តោះ សូមនិស្សិតទាំងអស់ ត្រៀម ត្រៀម !

និស្សិតរបស់មហាវិទ្យាល័យស្ថាបត្យកម្មនិងនគរូបនីយវិទ្យា នៃសាកលវិទ្យាល័យបញ្ញាសាស្រ្តកម្ពុជា បានធ្វើដំណើរទស្សនកិច្ច
នៅក្រុមហ៊ុន ជីប ម៉ុង អ៊ីនដាស្រ្ទីស៍ នាថ្ងៃសុក្រ ទី២៥ ខែសីហា ឆ្នាំ២០២៣ វេលាម៉ោង ១:00 រសៀល។

គោលបំណង គឺដើម្បីធ្វើទស្សនកិច្ចនៅរោងចក្រក្បឿង រោងចក្រផលិតទុយោ និង រោងចក្រផលិតបេតុងលាយស្រេច ជីប ម៉ុង។

និស្សិតទាំងអស់មានភាពរីករាយនឹងការរៀនសូត្រ ហើយបានចូលរួមយ៉ាងសកម្មនៅក្នុងព្រឹត្តិការណ៍នេះ។ បន្ថែមពីលើការសិក្សាអំពីខ្សែសង្វាក់ផលិតកម្ម និងការដំណើការគ្រឿងម៉ាស៊ីនស្តង់ដារទំនើប ពួកគេក៏ទទួលបានពត៍មានអំពីឱកាសការងារនៅក្រុមហ៊ុន ជីប ម៉ុង អ៊ីនដាស្រ្ទីស៍ផងដែរ។

យើងសង្ឃឹមថា និស្សិតទាំងអស់និងទទួលបាននូវចំនេះដឹងថ្មីៗ និងយល់ដឹងកាន់តែស៊ីជម្រៅទៅលើចំនេះជំនាញរបស់ខ្លួនតាមរយៈបទពិសោធន៍នៃដំណើរទស្សនកិច្ចនេះ។

សូមអរគុណ 🙏

តោះ !!! សូមគោរពអញ្ជើញដល់និស្សិតស្ថាបត្យកម្មនិងនគរូបនីយវិទ្យាទាំងអស់ចូលរួមឱ្យបានច្រើនកុះករ។

សមាគម អ្នកវិនិយោគ អ្នកសាងសង់ និងស្ថាបត្យករ កម្ពុជា (ស.វ.ស.ស.ក) បានប្រារព្ធពិធីបើក “កម្មវិធីពានរង្វាន់ស្ថាបត្យករវ័យក្មេងកម្ពុជា ឆ្នាំ២០២៣” ក្រោមប្រធានបទ “ទីក្រុងនៃក្តីស្រមៃនាពេលអនាគត”

ក្នុងដំណើរការនៃការប្រកួត សមាគម អ្នកវិនិយោគ អ្នកសាងសង់ និង ស្ថាបត្យករ កម្ពុជាបានតំរូវអោយប្អូនៗនិស្សិតចូលរួមវគ្គបណ្តុះបណ្តាលពីសំណាក់សាស្ត្រាចារ្យ និង ស្ថាបត្យករល្បីៗ មកពីគ្រប់ស្ថាប័ន និង ក្រុមហ៊ុននានា ដើម្បីជាធាតុចូលមួយសំរាប់សិស្សនិស្សិតអោយទទួលបាននូវចំណេះដឹងបន្ថែមដើម្បីពង្រឹងសមត្ថភាពពួកគាត់ឈានទៅទទួលបាននូវជ័យលាភីនៅវគ្គបន្តបន្ទាប់ និង វគ្គផ្តាច់ព្រាត់។

លោកសាស្ត្រាចារ្យ ញ៉ែម ដេត សាស្ត្រាចារ្យ សាកលវិទ្យាល័យ បញ្ញាសាស្ត្រកម្ពុជា ដែលលោកនឹងធ្វើការចែករំលែក និង បណ្តុះបណ្តាលលើកទី២ ថ្ងៃទី១៩ ខែសីហា ឆ្នាំ២០២៣ ក្រោមប្រធានបទ "គ្រឿងលម្អស្ថាបត្យកម្មបុរាណខ្មែរ" ដែលមានទីតាំងនៅ សាលសន្និសិទ សាលាអន្តរជាតិ SCIA ម៉ោង១៣.៣០រសៀល ដល់ ១៥.០០រសៀល។

នេះគឺជាឱកាសដ៏ល្អសម្រាប់ប្អូនៗ ក្នុងការក្រេបជញ្ជក់យកចំនេះដឹងបន្ថែមទៀត៕ សូមអរគុណ 🙏

និស្សិតឆ្នើម ឆ្នាំទីបី និងឆ្នាំទីប្រាំ របស់មហាវិទ្យាល័យស្ថាបត្យកម្មនិងនគរូបនីយវិទ្យា នៃសាកលវិទ្យាល័យបញ្ញាសាស្រ្តកម្ពុជា ត្រូវបានជ្រើសរើសចូលរួមប្រកួត ក្រោមការរៀបចំដោយ សមាគម អ្នកវិនិយោគ អ្នកសាងសង់ និងស្ថាបត្យករ កម្ពុជា (ស.វ.ស.ស.ក)។

ហើយថ្ងៃនេះ ពួកគេបានចូលរួមប្រារព្ធពិធីបើក “កម្មវិធីពានរង្វាន់ស្ថាបត្យករវ័យក្មេងកម្ពុជា ឆ្នាំ២០២៣” ក្រោមប្រធានបទ “ទីក្រុងនៃក្តីស្រមៃនាពេលអនាគត” ក្រោមអធិបតីភាព លោកស្រី ធី សុវណ្ណថា អភិបាលរង នៃគណៈអភិបាលក្រុងអរិយក្សត្រ នៃខេត្តកណ្តាល និង លោក សេង ប៊ុនវីរៈ ប្រធានសមាគម ស.វ.ស.ស.ក នាព្រឹកថ្ងៃទី០៥ ខែសីហា ឆ្នាំ២០២៣ នាសាលសន្និសិត សាកលវិទ្យាល័យ អាសុី អឺរ៉ុប ដោយមានការអញ្ជើញចូលរួមពីថ្នាក់ដឹកនាំ សមាជិកសមាជិកា សមាគម ស.វ.ស.ស.ក និងភ្ញៀវកិត្តិយសពីសំណាក់គណៈស្ថាបត្យករកម្ពុជា សាកលវិទ្យាល័យទាំង៥ និងក្រុមហ៊ុនឯកជនក្នុង រួមជាមួយនិស្សិតផ្នែកស្ថាបត្យកម្ម សរុបចំនួន ១៥០នាក់ ។
កម្មវិធីពានរង្វាន់ស្ថាបត្យករវ័យក្មេងកម្ពុជា ឆ្នាំ២០២៣ មានរយៈពេល ៥ខែ ពីខែសីហា ដល់ខែធ្នូ ឆ្នាំ២០២៣ ដោយបានជ្រើសរើសសង្កាត់ស្វាយជ្រុំ អរិយក្សត្រ និងសារិកាកែវនៃក្រុងអរិយក្សត្រ ដើម្បីដាក់ជាវិញ្ញាសារសម្រាប់ការប្រកួតប្រជែងក្រោមប្រធានបទ “ទីក្រុងនៃក្តីស្រមៃនាពេលអនាគត”។

កម្មវិធីមានគោលបំណងចំនួន ៣ ដូចខាងក្រោម៖
១. បង្កើតឱកាសកាន់តែច្រើនសម្រាប់ស្ថាបត្យករវ័យក្មេងកម្ពុជាដើម្បីបង្ហាញសក្តានុពលរបស់ពួកគេតាមរយៈកម្មវិធីប្រកួតប្រជែងនេះ
២. លើកកម្ពស់ការយល់ដឹងអំពីតួនាទីសំខាន់ៗរបស់ស្ថាបត្យករក្នុងប្រវត្តិសាស្រ្ត និងទំនើបកម្មក្នុងសង្គមកម្ពុជា។
៣. ពង្រឹងភាពជាដៃគូសាធារណៈ និងឯកជន ដើម្បីអភិវឌ្ឍធនធានមនុស្សក្នុងវិស័យស្ថាបត្យកម្ម និងឧស្សាហកម្មសំណង់នៅកម្ពុជា។
កម្មវិធីប្រកួតនេះ មានបេក្ខជនចូលរួមចំនួន២០ក្រុម ដោយមានការប្រឡងជំរុះចំនួន ៣វគ្គ និងមានគណៈកម្មការដាក់ពិន្ទុចំនួន៥រូប មកពីក្រសួងរៀបចំដែនដី នគរូបនីយកម្ម និងសំណង់ ១រូប គណៈស្ថាបត្យករកម្ពុជា ១រូប ក្រុមហ៊ុនវិនិយោគ ១រូប ក្រុមហ៊ុនជំនាញស្ថាបត្យកម្ម១រូប និងសមាគម ស.វ.ស.ស.ក ១រូប ។