សុខភាពរាង្គកាយ

សុខភាពរាង្គកាយ updated their business hours.

សួស្ដីមិត្តអ្នកអានជាទីនឹករលឹក ថ្ងៃនេះខ្ញុំលើកពីស្ថានភាពអ្នកជំងឺខ្ញុំម្នាក់មកបង្ហាញដើម្បីជាចំណេះដឹងនិងបង្ការពីភាពពិការភាព(ទុកស្ថានភាពរបួសមួយរយះពេលយូរដែលមិនអាចស្ដារបាន)។

💥 អ្នកជំងឺខ្ញុំម្នាក់ដែលជាក្មេងស្រីវ័យ ១៥ ឆ្នាំ គាត់មកជួបគ្រូពេទ្យព្យាបាលចលនាក្នុងស្ថានភាពមួយដែលពិបាកលើកប្រអប់ជើងពេលដើរ ប្រអប់ជើងផ្នែកខាងខ្នងសភាពហើមនិងឈឺ កជើងមានលទ្ធភាពតិចតួចក្នុងការរក្សាលំនឹងពេលឈរ ភាពស្ពឹកស្រពន់ឬញាណនៃការដឹងដោយប៉ះស្ទាបថយចុះច្រើន ពពួកសាច់ដុំតាមបណ្ដោយស្មងជើងខាងមុខនិងចំហៀងខាងក្រោយតឹងរឹងខុសធម្មតា ត្រង់សន្លាក់ជង្គង់ម្ដុំ Fibulo-Tibia
តឹងចង្អៀតខ្លាំង(របស់ទន់ៗជុំវិញសន្លាក់គាំងរឹង)។

🚑 មូលហេតុដើមឡើយក្នុងរយះពេលជាងពីរឆ្នាំមុន អ្នកជំងឺធ្លាប់របួសដោយគ្រោះថ្នាក់ដួលម៉ូតូ(ប៉ះពាល់ជង្គង់ចំហៀងខាងក្រៅ)កំរិតមធ្យម តែអ្វីដែលជាបញ្ហា គាត់ឧស្សាហ៍របួសនៅត្រង់កន្លែងដដែលៗច្រើនដង ។ គាត់មិនបានចាប់អារម្មណ៍ពីស្ថានភាពរបួសគាត់នោះទេ រហូតដល់ពេលមួយគាត់ឧស្សាហ៍គ្រៀចកជើងញឺកញាប់បង្ករជារបួស ទើបគាត់ចាប់អារម្មណ៍ពីដំណើរនិងការមិនលើកប្រអប់ជើងពេលដើរ។

🚥 ក្រោយពីធ្វើរោគវិនិច្ឆ័យ លើស្ថានភាពជាក់ស្ដែងរបស់អ្នកជំងឺ
យើងអាចកំណត់បានថា ជា Foot Drop ឬ Peroneal Nerve Injury មានន័យថា ការបង្ករបួសនៅត្រង់តំបន់សរសៃប្រសាទ Peroneus ដែលគ្រប់គ្រងការកំរើកឬបញ្ជការលើកប្រអប់ជើងនិងទទួលវេទនារម្មណ៍ការដឹងពីការប៉ះស្ទាបត្រង់កន្លែងដែលវារ៉ាប់រង។

🌺 ក្រោយពីការព្យាបាលដោយចលនាមួយរយះខ្លី យើងសង្កេតឃើញមានការរីកចំរើនលូតលាស់ខ្លាំង បើប្រៀបធៀបពេលដែលគាត់មកជួបយើងតំបូង លំនឹងកជើងមានថាមពលឡើងវិញ ភាពអូសចុងជើងសឹងតែលែងមានពេលដើរ ឈប់ប្រើឧបករណ៍ទប់ជំនួយកជើងដូចមុន នេះក៏ដោយសារការខិតខំប្រឹងប្រែងរបស់អ្នកជំងឺនិងឪពុកម្ដាយផ្ទាល់ផងដែរដែលបានពាំនាំការបង្ហាត់បង្រៀនឬកើនរំលឹកបន្ថែមពីបច្ចេកទេសដែលគ្រូពេទ្យចលនាបានណែនាំអោយធ្វើ។

៙៙៙ អរគុណច្រើន បើមានចំងល់ដែលទាក់ទងនិងបញ្ហាខាងដើមអាចឆាតសួរបាន ខ្ញុំនិងព្យាយាមឆ្លើយតបទៅវិញតាមពេលវេលាណាមួយសមគួរ..!
Telegram : 012808348
015678560

បើលោកអ្នកមានបញ្ហាបែបនេះអាចមកពិគ្រោះ និងព្យាបាលនៅ #សុខភាពរាងកាយព្យាបាលដោយចលនា

ថ្ងៃនេះខ្ញុំលើកយកស្ថានភាពមួយរបស់អ្នកជំងឺដែលតែងតែត្អួញត្អែរពីការឈឺរំខាននៅស្មានិងកញ្ចឹងក។

💥 ស្ថានភាពដែលគាត់មកពិនិត្យដំបូង ទំរង់ក្បាលគាត់ហុចទៅមុខខ្លាំង ងាកបង្វិលចលនាក្បាលឆ្វេងឬស្ដាំមិនបានពេញលក្ខណះល្អ។

🎯 នៅពេលដែលជួបស្ថានភាពបែបហ្នឹង មានន័យថាអក្ស័នៃទំរង់ឆ្អឹងកងករបស់អ្នកជំងឺប្រែប្រួលពីទំរង់ដើមធម្មជាតិ ដែលធ្វើអោយបាត់តុល្យភាពនៃការប្រើប្រាស់របស់សាច់ដុំ
(មានន័យថា ក្រុមសាច់ដុំខ្លះត្រូវរ៉ាប់រងការងារច្រើនក្នុងបន្ទុកហើយមានក្រុមសាច់ដុំខ្លះអសកម្ម)។ មិនត្រឹមតែប៉ុណ្ណោះសន្លាក់ឆ្អឹងកងកកង់នីមួយៗក៏នឹងមានការប្រែប្រួលផងដែរតិចឬច្រើនដែលទាក់ទងនឹងពេលវេលានិងបន្ទុកការងារ។

_ ការបាត់តុល្យភាពនៃការប្រើប្រាស់របស់សាច់ដុំ វាធ្វើអោយសាច់ដុំធ្វើការខុសប្រក្រតីដែលនាំអោយ តឹងណែន រឹង និងខ្លី។
_ ការខូចខាតលើសន្លាក់អាចនឹងកើតមានឡើង ដោយការកកិតសឹករិចរិល ការស្រុតព្រមទាំងដំណុះឆ្អឹងខ្ចី។

🚑 ដំណោះស្រាយចំពោះការព្យាបាលដោយចលនា គឺដើម្បីបន្ថយឬទប់ស្កាត់និងបំបាត់ការឈឺចាប់៖
_ ពន្លាឬសំរួលសាច់ដុំណាដែលធ្វើការខុសប្រក្រតីមកធម្មតា
_ ការពន្លាអោយយឺតចំពោះសាច់ដុំណាដែលរួញខ្លីមកធម្មតាវិញ
_ ការកែប្រែទំលាប់ឬឥរិយាបថនៃទំរង់អក្ស័ក្បាល ទាំងការអង្គុយ ដើរនិងដេក។
_ ការប្រើឧបករណ៍ជំនួយបន្ថែមក្នុងការពន្លាអោយយឺត។

☎️ អាចឆាតសួរតាម Telegrame លេខខាងក្រោម៖
012808348
015678560

ថ្ងៃខ្ញុំលើកពីស្ថានភាពអ្នកជំងឺខ្ញុំម្នាក់ ដែលមានបញ្ហាគ្រិចកជើង អាចនិយាយថាធ្ងន់គួរសមដែរ។

💥មូលហេតុដំបូងៈ គាត់ធ្វើចលនាងាកស្ទុះលឿនពេកទៅចាប់ក្មួយ ដោយមិនទាន់បានត្រៀមលក្ខណះគ្រប់គ្រាន់ទាំងការរក្សាលំនឹងនិងបន្ទុកនៅកជើងអោយត្រឹមត្រូវ។

💥លឺសំលេងកើតឡើងនៅកជើងផ្នែកខាងក្រៅក្រោមភ្នែកគោល ការឈឺចាប់ផ្ដើមកើតឡើងតែអាចធ្វើចលនាបានខ្លះៗ។ ក្រោយពីរបួសបានមួយថ្ងៃ ស្ថានភាពរបួសទៅជាប្រែប្រួលខ្លាំង មិនអាចដាក់បន្ទុកលើជើងដែលរបួសនោះបាន សភាពខាងក្រៅប្រែទៅជាហើមនិងមានស្នាមជាំ។

🚑 ដោយអ្នកជំងឺមិនអាចទ្រាំចំពោះស្ថានភាពបែបហ្នឹងបន្តទៀតបាន( គាត់រក្សាស្ថានភាពឈឺចាប់ខ្លាំបែបហ្នឹងចូលជិតមួយសប្ដាហ៍ រឹតថ្នាំផង លេបថ្នាំបំបាត់ឈឺផង តែមិនប្រសើរ)។ម្យ៉ាង
ទៀតគាត់ក៏បានអនុវត្តន៍តាមដំបូលន្មានគ្រូពេទ្យទូទៅថា មិនគួរធ្វើការប៉ះពាល់ ឬកំរើកនៅកន្លែងរបួសនោះទេ វាអាចធ្វើអោយស្ថានភាពរបួសវិវត្តន៍មិនល្អ(នេះជាអ្វីដែលអ្នកជំងឺរៀបរាប់ប្រាប់យើងដែលជាគ្រូពេទ្យចលនា)។

🎯អ្វីដែលជាដំណោះស្រាយសំរាប់ពួកខ្ញុំដែលជាគ្រូពេទ្យចលនាសំរាប់អ្នកជំងឺដែលរៀបរាប់ខាងដើម៖
_ បំបាត់ការឈឺចាប់និងផលរំខានផ្សេងៗរបស់អ្នកជំងឺ
_ បង្ការការគាំងសន្លាក់
_ បង្កើនលទ្ធភាពនៃការកំរើកមកវិញ

🎁 ក្រោយពីការព្យាបាលរយះពេលខ្លី យើងសង្កេតឃើញថាការរំខានទាំងអម្បាលម៉ាននៃការឈឺចាប់ មានភាពប្រសើរខ្លាំង ថមថយការហើម កជើងអាចដាក់បន្ទុកលើវាបានច្រើន ការកំរើកបានល្អ នេះក៏ព្រោះតែអ្នកជំងឺបានចូលរួមជាមួយពួកយើងបានយ៉ាងល្អ ទាំងការបង្ការ ទាំងការហាត់ និងហ៊ានដោយមិនខ្លាចការឈឺចាប់(ហាត់តាមបច្ចេកទេសព្យាបាលដោយចលនាស្ដារ)។

☎️បើមានចំងល់ទាក់ទងនឹងបញ្ហាអាចធ្វើការឆាតសួរបានតាម Telegrame ទាំងពីរខ្សែនេះបាន៖
012808348
015678560

ថ្ងៃនេះខ្ញុំបន្តលើកយកស្ថានភាពនៃអ្នកជំងីខ្ញុំម្នាក់មកបង្ហាញ ៖

💥អាការៈរបស់អ្នកជម្ងឺ គាត់បង្ហាញពីការរំខានដោយការឈឺចាប់នៅត្រង់បោះដៃផុត(ចន្លោះស្លាបប្រជីវ)និងដើមដៃរួចបន្តមកក្រោមឃ្លៀកផ្នែកខាងស្ដាំ(ការឈឺចាប់ពិបាកពិពណ៌នា ឈឺខ្ទោកៗខ្លាំងដូចកើតបុសចឹង)។

💥ស្ថានភាពផ្នែកដែលប៉ះពាល់ ដៃផ្នែកខាងស្ដាំមានសភាពតូចជាងខាងឆ្វេង សភាពសាច់ដុំទន់ជ្រាយបន្តិច(មិនសូវហាប់ណែន) ស្ពឹកម្រាមដៃ(ពាក់កណ្ដាលនៃម្រាមកណ្ដាលមកកូនដៃ)
ការកាន់របស់អ្វីមួយមិនសូវមានកំលាំង។

💥រំខានខ្លាំងជាងគេងពេលសំរានយប់និងពេលក្រោកពីសំរានព្រឹកឡើង។ ការរំខានធូរស្រាលបន្តិចពេលមានថ្ងៃឬក្រោយពីសកម្មភាពនៃចលនាកំរើក។

🚑 បើផ្អែកតាមលទ្ធផលនៃរូបខាងដើម ទំរង់នៃឆ្អឹងកងក បាត់បង់នូវកំណោងពីធម្មជាតិ ឆ្អឹងកងកមានភាពសឹករិចរិលនិងស្រុតចន្លោះទី5_8និងឆ្អឹងកងខ្នងទី1_2 ។

🎯 ការប្រែប្រួលនៃទំរង់ឆ្អឹងកងករួមផ្សំទាំងការខូចខាតដោយភាពសឹករិចរឹល មិនត្រឹមតែការប៉ះពាល់លើសរសៃប្រសាទដែលនៅក្នុងប្រហោងខួរឆ្អឹងឬផ្លូវចេញនៃសរសៃប្រសាទនោះទេ សន្លាក់ឆ្អឹងរបស់វាក៏ប្រឈមនិងការប្រែប្រួលផងដែរ(អាចអោយរលាក សឹក និងដំណុះឆ្អឹងកើតមាន)។ បើនិយាយពីសាច់ដុំវិញគ្នារឹតតែពិបាកដោយសារអក្ស័ទំរង់ឆ្អឹងប្រែប្រួលធ្វើអោយសាច់ដុំធ្វើការងារច្រើនខុសសព្វមួយដង...។

💐ដំណោះស្រាយ..! មិនមែនជាការវះកាត់ ឬប្រើប្រាស់ថ្នាំបំបាត់ការឈឺចាប់រយះពេលយូរអង្វែងទេ ជំរើសដំបូងគួរមកប្រឹក្សាពិគ្រោះនិងព្យាបាលដោយចលនា។

☎️ បើមានចម្ងល់អាចឆាតសាកសួរបានតាម Telegrame ខាងក្រោម៖
012 808348
015 678560

ថ្ងៃនេះខ្ញុំលើកអំពីស្ថានភាពអ្នកជម្ងឺឈឺស្មាម្នាក់ នាងមានវ័យត្រឹមតែ24ឆ្នាំ នៅពេលដែលគាត់បានមកជួបយើង គាត់ត្អូញត្អែរពីការរំខានដោយការឈឺចាប់ដែលមាន៖
👉 នាងបង្ហាញពីការជាប់គាំងលើសន្លាក់
👉 ស្មាមានស្ថានភាពដូចហើម
👉 សាច់ដុំមានសភាពតឹងរឹង និងមិនសូវជាមានថាមពល
👉 ការឈឺចាប់ជារឿងដែលពិបាកទ្រាំ
👉 ជួនកាលបង្ហាញអាការៈស្ពឹកស្រពន់ឬរោយ

💥បញ្ហាដែលកើតឡើង គឺ នៅស្មាខាងឆ្វេងរបស់នាង, ដែលចាប់ផ្ដើមឡើងចូលជាង4ឆ្នាំមកហើយ, នាងជាអ្នកដែលចូលចិត្តកីឡាហែលទឹកហើយនាងតែងតែធ្វើវាជាប្រចាំ។

🎯ការឈឺចាប់ផ្ដើមកើតមានឡើងបន្តិចម្ដងៗរហូតដល់ស្ថានភាពមួយដែលគាត់ពិបាកហ្នឹងពណ៌នាហើយវិវឌ្ឍន៍បន្តិចម្ដងៗរៀងរាល់ឆ្នាំ(ការឈឺកើនឡើង)។
អ្វីដែលជាការលំបាក៖
👉 ពិបាកយួរឬកាន់
👉 ពិបាកតោងវារ
👉 ពិបាកលើកឬដាក់ចុះ(មិនថាលើករបស់អ្វីមួយឬដៃទទេ)។
👉 រុញឬទាញមិនអាចធ្វើបាន
👉 សឹងតែមិនអោយរង្គើនៅតំបន់ស្មា(ដើរឬអង្គុយ)។

💥 សកម្មភាពដែលធ្វើអោយការឈឺរំខានខ្លាំងគឺពេលដែលនាងធ្វើចលនាហែលទឹក,លើកដៃឡើងឬលើករបស់,ពេលដែល stretch ពន្លាសាច់ដុំស្មា និង បង្វិលចលនាស្មា។

👉 ឥរិយាបថដែលប្រសើរសំរាប់គាត់ គឺដាក់ស្ថានភាពដៃអោយនៅគៀកដងខ្លួនឬក៏ប្រើឧបករណ៍ទប់ជំនួយស្មា។ ម្យ៉ាងវិញទៀតប្រសិនបើគាត់ស្អំត្រជាក់លើកន្លែងដែលឈឺ ការឈឺចាប់ចាប់ផ្ដើមថមថយ។

🚑 អ្នកអាចសាកល្បងគិតបន្តិចមើល..! តើពេលវេលាណាដែលអ្នកជម្ងឺតែខ្លាចរអាជាងគេ?

👉ភាគច្រើនពេលនរណាម្នាក់ដែលជួបបញ្ហាទាំងអម្បាលម៉ានសឹងមិនចង់គិតការដេកជាពិសេសពេលយប់តែម្ដង ការឈឺចាប់តែងរំខានដំណេក ដំណេកមានការប្រែប្រួលខុសពីទំលាប់សព្វដងឥរិយាបថស្មាត្រូវរៀបរយអោយត្រឹមត្រូវ..មិនចឹងឈឺ😓
ចំណែកពេលព្រឹកព្រលឹមសឹងមិនអាចធ្វើចលនាកំរើកដៃបាន។

☎️ បើមានចំងល់លើបញ្ហាដែលទាក់ទងដូចអ្វីដែលខ្ញុំរៀបរាប់ខាងលើអាចឆាតសួរបានតាម Telegrame ខាងក្រោមនេះ៖
012808348
015678560

ថ្ងៃនេះខ្ញុំលើកពីការឈឺចាប់នៅត្រង់ក និងស្រាយមន្ទិលដែលអ្នកជំងឺភាគច្រើនមានការឆ្ងល់ថាតើការឈឺចាប់ ឬ វេទនារម្មណ៍ដែលស្ដែងឡើង(ស្ពឹកស្រពន់...)ជាបុព្វហេតុអ្វីអោយប្រាកដ?

👉 Mechanical Pain ឬ Axial Pain ជាការឈឺចាប់ដែលស្ដែងអោយយើងដឹងពីទីតាំងមួយជាក់លាក់។

៙លក្ខណះនៃការឈឺចាប់៖
_ ឈឺស្ទំៗ, មានលក្ខណះជ្រៅ, ឈឺចុកអួល, នៅទីតាំងមួយច្បាស់លាស់។

🎯 យើងអាចកំនត់បានជាក់លាក់ដោយសារ ការរំញោចនៃចុងសរសៃប្រសាទតាមរយះរចនាសម្ព័ន្ធការបញ្ជូនពីប្រភពដើមនៃការឈឺចាប់។

👉 Referal Pain ជាការឈឺចាប់ដែលស្ដែងឡើងនៅទីតាំងមួយផ្សេងពីទីតាំងដែលជាមូលហេតុដើម។ និយាយជារួមការឈឺចាប់ប្រភេទហ្នឹងពិបាកកំណត់ទីតាំងអោយជាក់ច្បាស់។

៙លក្ខណះនៃការឈឺចាប់៖
_ ឈឺស្ទំៗ,មានលក្ខណះជ្រៅ, ជួនបង្ហាញការឈឺចុកចាប់ តែពិបាកកំណត់ទីតាំងអោយបានច្បាស់លាស់។

🎯 កោសិការប្រសាទខួរក្បាលពិបាកសំគាល់អោយបានច្បាស់ពីប្រភពពិតនៃការឈឺចាប់ ដោយសារតែសរសៃប្រសាទចេញពីប្រភពពីរផ្សេងគ្នាហើយត្រូវបានជួបប្រសព្វគ្នា។

👉 Radicular Pain ជាការឈឺចាប់ដែលមានលក្ខណះសាយភាយឬរាលដាលទៅកន្លែងផ្សេងតាមរយះសរសៃប្រសាទដែលចេញពីឆ្អឹងកង។

៙លក្ខណះនៃការឈឺចាប់៖
_ ឈឺចាក់,ឈឺដូចត្រូវគ្រាប់កាំភ្លើង,ឈឺដូចខ្សែភ្លើងឆក់,ឈឺបែបតឹងរមួល(រមួលក្រពើ)។

🎯 ស្ថានភាពបែបហ្នឹងដោយសារការសង្កត់ ឬ រលាកនៅត្រង់ផ្នែកចេញរបស់សរសៃប្រសាទពីឆ្អឹងកង។

👉 Radiculopathy ជារោគសញ្ញាដែលកើតឡើងដោយការសង្កត់របស់តួឆ្អឹងកងលើរចនាសម្ព័ន្ធទ្រនាប់ឆ្អឹងដែលមានឥទ្ធិពលលើសរសៃប្រសាទដែលមានរយះពេលយូរ។

៙លក្ខណះរោគសញ្ញា៖
_ ការចុះខ្សោយកំលាំងសាច់ដុំ,ការស្ពឹកស្រពន់,ការថយចុះ Reflexes។

🎯 ការគាបសង្កត់រយះពេលមួយយូរលើសរសៃប្រសាទ។

☎️បើមានចំងល់អាចឆាតតាម Telegrame លេខខាងក្រោម៖
012808348
015678560

💥 អ្វីទៅជា Guillain Barre Syndrome ?

ថ្ងៃនេះខ្ញុំលើកយកប្រធានបទដែលទាក់ទងហ្នឹងការប៉ះពាល់លើសរសៃប្រសាទ ដែលអ្នកជម្ងឺភាគច្រើនតែងសំគាល់លើការស្ដែងរោគសញ្ញាការស្ពឹកស្រពន់និងខ្សោយកំលាំងផ្នែកខាងចុងនៃអវយវៈដូចជាចុងដៃឬចុងជើង។

🎯 ជម្ងឺ Guillain-Barre Syndrome ជាជំងឺម្យ៉ាងដែលកើតឡើងដោយប្រព័ន្ធភាពសុាំងខ្លួនយើងបំផ្លាញទៅលើរចនាសម្ព័ន្ធនៃមុខងាររបស់សរសៃប្រសាទខ្លួនឯងនៃរាងកាយ។
រោគសញ្ញាអាចមានការប្រែប្រួលពីស្ពឹកស្រពន់ដែលមានលក្ខណះស្រាលមកធ្ងន់ដល់ថ្នាក់ខ្វិន អាចនិយាយបានថាពិការ។

💥អ្វីទៅជារោគសញ្ញាដែលស្ដែងឡើង?

👉 ការវិវត្តន៍កាន់តែអាក្រក់ទៅនៃភាពទន់ខ្សោយនៃកំលាំងសាច់ដុំ ឬ ក៏អាចវិវត្តន៍ទៅពិការភាពនៅផ្នែកណាមួយរាងកាយ។

👉 ការស្ពឹកស្រពន់ ឬ ការឈឺចាប់អាចស្ដែងឡើងលើម្រាមដៃនិងម្រាមជើង។

👉 ការឈឺចាប់នៅសាច់ដុំជ្រៅៗជាពិសេសនៅចង្កេះនិងជើង។

👉 ការប្រែប្រួលលើចង្វាក់បេះដូងនិងសំពាធឈាម។

👉 មានបញ្ហាលើប្លោកនោមនិងមុខងារពោះវៀនធំ។

💥 តើអ្វីទៅជាមូលហេតុ?

ជាការពិតមូលហេតុជាក់លាក់នៃ Guillain-Barre Syndrome មិនត្រូវបានដឹងថាមកពីអ្វីអោយប្រាកដ តែគេអាចសនិដ្ឋានបានលើប្រវត្តិអ្នកជម្ងឺដែលធ្លាប់មានជម្ងឺផ្ដាសាយ ឬ មានជម្ងឺរលាកក្រពះពោះវៀន វីរុសនិងមេរោគអាចបង្កអោយមានលទ្ធភាពធ្វើអោយរលាកលើសរសៃប្រសាទ។

អ្នករាល់គ្នាតែងតែធ្លាប់ជួបលើបញ្ហាឈឺក្បាលវិលមុខធីងធោង តិចច្រលំលរោគសញ្ញាដែលមានលក្ខណះស្រដៀងគ្នាដែរនោះគឺ
អាការៈពេលអត់លុយហើយត្រូវចំណាយរបស់ចាំបាច់ផ្សេងៗ😅
និយាយលេងៗទេ...អាចថាពិតក៏បាន..

💥 បញ្ហាធីងធោងវិលមុខរួមជាមួយនិងការឈឺក្បាលអាចកើតមានឡើងជាពិសេសពេលធ្វើចលនាងាកឆ្វេងឬស្ដាំ និងងើយកឡើង។ អ្វីដែលយើងអាចសង្កេតបាន មានដូចជា ស្រវាំងភ្នែក ធីងធោង មានសំលេងរំខានតិចឬច្រើនលឺនៅត្រចៀក ចង់ក្អួតចង្អោរ និង ឈឺក្បាល។

🚥 តើអ្វីដែលជាបញ្ហា?

👉 ការត្បៀតឬសង្កត់លើសរសៃឈាមដែលទៅផ្គត់ផ្គង់ខួរក្បាលនៅត្រង់ឆ្អឹងកងក(Bow Hunter's Syndrome) ការស្ដែងរោគសញ្ញាភាគច្រើនពេលធ្វើចលនាងាកឆ្វេងឬស្ដាំរបស់ក្បាលនិងងើយកឡើងលើអស់។

👉 ភាពចុះខ្សោយនៃរចនាសម្ព័ន្ធឆ្អឹងកងកជាពិសេស កង់ទីមួយនិងទីពីរនៃឆ្អឹងកងក(Vertebrobasilar Insufficiency) ធ្វើអោយមានការសង្កត់ឬបង្ករការរលាកលើតំបន់ដែរសរសៃឈាមរត់ឆ្លងកាត់ ឡើងក្រាស់ធ្វើអោយចង្អៀតដែរាំងស្ទះ
ដល់ការដឹកជញ្ជូនចរន្តឈាមទៅផ្គត់ផ្គង់កោសិការប្រសាទ។

👉 ការរអិលនៃកង់ណាមួយរបស់ឆ្អឹងកងកដែលបណ្ដាលមកគ្រោះថ្នាក់ (spondylolisthesis) ជាពិសេសការបុក(យានយន្ត)ពេញទំហឹងពីក្រោយឬពីមុខ យើងច្រើននិយាយថាក្រឡកខួរ វាធ្វើអោយមានការប្រែប្រួលលើរចនាសម្ព័ន្ធផ្សេងៗដែលជុំវិញសន្លាក់ឆ្អឹងកងក អោយយឺតជ្រុលឬធ្វើអោយរបួសជាយថាហេតុ។

☎️ បើមានចំងល់លើបញ្ហាដែលទាក់ទងដូចអ្វីដែលខ្ញុំរៀបរាប់ខាងលើអាចឆាតសួរបាន បញ្ហាទាំងនេះអាចដោះស្រាយបានតាមរយះការ" ព្យាបាលដោយចលនា " ។
លេខ Telegrame ខាងក្រោម៖
012808348
015678560

💥 យើងរាល់គ្នាតែងតែឧស្សាហ៍មានបញ្ហាឈឺក ឬ ជាប់ក ដែលនាំអោយពិបាកក្នុងការធ្វើចលនាងាកម្ដងៗ មិនថាតែបញ្ហានោះកើតឡើងដោយសារដេកខុសខ្នើយ ឬ អង្គុយឈ្ងោកមើលកិច្ចការយូរតាមរយះទូរសព្ទឬកុំព្យូទ័រនោះទេ។

🚥 បញ្ហាអស់ទាំងនោះបណ្ដាលមកពីភាពរមួលកន្រ្តាស់របស់សាច់ដុំដែលនាំអោយសាច់ដុំទាំងនោះចាប់ផ្ដើំមតឹងរឹងហើយខ្លី ដែលរំខានដល់ការផ្គត់ផ្គង់ចំណីអាហារតាមរយះសរសៃឈាមទៅសាច់ដុំជួបឧបសគ្គ មិនត្រឹមតែប៉ុណ្ណោះលទ្ធភាពនៃការកំរើករបសសន្លាក់ឆ្អឹងក៏មានការប្រែប្រួលផងដែរ។

តើយើងមានវិធីសាស្រ្តអ្វីដើម្បីបន្ថយឬបំបាត់ការឈឺចាប់នៅ ក?

👉 តាមរយះការពន្លាពន្យឺតសាច់ដុំដែលរួញខ្លីដោយសារការរមួលកន្រ្តាស់និងតឹង វិលមកភាពធម្មតាវិញ។ ការពន្លាពន្យឺតសាច់ដុំនៅត្រង់កគប្បីធ្វើទៅតាមបច្ចេកទេសឬមុខងារសាច់ដុំដែលយើងចង់ពន្យឺត និងធ្វើឡើងសន្សឹមៗកុំបង្ខំ។

👉 អាចធ្វើការស្អំក្ដៅឬត្រជាក់មួយណាក៏បាន អាចប្រើជាជេលឬថង់ស្អំ ដាក់លើទីតាំងដែលកំពុងឈឺ តែកុំអោយប្រើពេលយូរពេកក្នុងការស្អំគឺត្រឹមតែ10នាទីក្នុងមួយដង អាចធ្វើច្រើនដងបានក្នុងមួយថ្ងៃ។ ការស្អំក្ដៅ វាជួយអោយសរសៃឈាមបង្កើនលំហូរទៅផ្គត់ផ្គង់កន្លែងជួបឧបសគ្គ ។

👉 ការដាក់ខ្លួនអោយសំរាកក៏អាចជួយអោយស្ថានភាពនៃរបួសវិវត្តន៍មកធូរស្រាលបានដែរតែវាទានទាពេលវេលាបន្តិច។

👉 ការព្យាបាលដោយចលនាតាមរយះវិធីម៉ាស្សាសំរួលសាច់ដុំ
(Massage Therapy) ក៏ជាវិធានដ៏ល្អនៃការវិលត្រលប់មកភាពធម្មតាវិញ។

☎️ បើមានចំងល់ដែលទាក់ទងនឹងបញ្ហាអាចឆាតសួរបានតាមរយះ Telegrame ខាងក្រោមនេះ
012808348
015678560

ថ្ងៃនេះខ្ញុំលើកយកបញ្ហានៃការឈឺចាប់នៅត្រង់សន្លាក់ស្មាដែលបណ្ដាលមកពីភាពរឹងគាំងសន្លាក់ ឬ យើងអាចហៅបានម្យ៉ាង
ទៀតក្នុងពាក្យបច្ចេកទេស Frozen Shoulder Syndrome។

🚥 មានអ្នកជម្ងឺមួយចំនួនពេលដែលជួបបញ្ហានៃការឈឺស្មាខ្លាំងហើយបានមកជួបពិភាក្សាជាមួយគ្រូពេទ្យចលនាបានទាន់ពេល យើងសង្កេតឃើញ លក្ខណះនៃការឈឺស្មារបស់គាត់មានសភាពស្រួចស្រាវខ្លាំង ( បង្ហាញតាមទឹកមុខ, ដៃម្ខាងទប់ស្មាដែលឈឺ, មិនហ៊ានអង្គុយអ្នកដ៏ទៃជិតស្មាឈឺរបស់គាត់, ម្យ៉ាងទៀតសឹងមិនហ៊ានធ្វើការកំរើកផងក៏មាន)។

💥 តើអ្វីទៅជាការរឹងគាំងសន្លាក់ស្មាដោយការឈឺចាប់(Frozen Shoulder)?

ការឈឺចាប់លើសន្លាក់ស្មាបណ្ដាលអោយរឹងគាំង នោះក៏ព្រោះតែបុព្វហេតុនៃការរលាកលើស្រោមសន្លាក់(Capsulitis) ដែលធ្វើអោយមានការប្រែប្រួលលើរចនាសម្ព័ន្ធរបស់សាច់ដុំជាពិសេសពពួកសាច់ដុំដែលមានមុខងារបង្វិលស្មាតែម្ដង (Rotator Cuff)។ វាមិនត្រឹមតែបង្ហាញការឈឺដែលពិបាកទ្រាំប៉ុណ្ណោះទេ ការរំខាននៃការកំរើកក៏មានកំរិតផងដែរ។

💥 តើអ្វីទៅជារោគសញ្ញារបស់វា?

👉 ដំណាក់កាលតំបូង : បង្ហាញការឈឺចាប់ខ្លាំង ការកំរើកចលនាត្រូវបានដាក់កំរិតឬមានដែនកំណត់។

👉 ដំណាក់កាលទីពីរ : ការឈឺចាប់នៅត្រង់សន្លាក់ស្មាមានការចុះថមថយ តែអ្វីដែលជាបញ្ហាគឺកំរិតនៃការរឹងគាំងត្រង់សន្លាក់ស្មាមានខ្លាំង ហើយការប្រើប្រាស់ចលនារបស់ស្មាមានការលំបាកច្រើនទៅៗពីមួយថ្ងៃទៅមួយថ្ងៃ។

👉 ដំណាក់កាលទីបី : រាល់ការកំរើកលើសន្លាក់ត្រូវជាប់គាំងតែម្ដង។

☎️ ចូរកុំទុកអោយស្ថានភាពនៃការរឹងគាំងលើសន្លាក់ស្មាដល់ដំណាក់កាលយ៉ាងដូច្នេះ ការព្យាបាលដោយចលនាជាជំរើសតំបូង ដោយមិនជាចាំបាច់ក្នុងការប្រើប្រាស់ថ្នាំដែលបង្កហានិភ័យដល់ក្រពះឬតំរងនោម តាមរយះការសំរួលពន្លានិងហាត់ទៅតាមស្ថានភាពជាក់ស្ដែងនៃជម្ងឺផ្ទាល់។

បើមានចំងល់ទាក់ទងហ្នឹងបញ្ហាអាចធ្វើការឆាតសួរបានតាមរយះ Telegrame ខាងក្រោមនេះ ៖
012808348
015678560

បណ្ដាខណ្ឌខ្លះស្ថិតក្នុងហានិភ័យខ្ពស់ សូមប្រុងប្រយ័ត្នអោយមែនទែន ទាំងអ្នករស់នៅ ធ្វើការ និងការចេញចូលញឹកញាប់។

🙏🙏 បីកុំ និង បីការពារ ជារបាំងវេទមន្តដ៏សក្ត័សិទ្ធជាងគេ...។

របៀបមើលឆ្នូត ដែលបង្ហាញចេញលើតេស្តអង់ទីករ ក្រោយចាក់វ៉ាក់សាំងកូវិដហើយ ដែលគេហៅថា Anti-Body test .

👉 C ( បើចេញតែមួយឆ្នូតតែឯង គឺមិនមានអង់ទីករក្នុងខ្លួននោះទេ ) ។

👉 C +G ( បើចេញពីរឆ្នូតមានន័យថាឆ្នូតខាងលើ និង ឆ្នូត
កណ្តាលព្រាលៗ គឺអ្នកមានអង់ទីករក្នុងខ្លួនស្រាប់ ឬ ប្រព័ន្ឋភាពសុំាខ្លាំងឬលោកអ្នកធ្លាប់បានចាក់វ៉ាក់សាំងផ្តាសាយកន្លងមក )។

👉 C & M ( បើចេញពីរឆ្នូតខាងលើ និង ខាងក្រោម គឺមានន័យថា អ្នកមានអង់ទីករក្រោយចាក់វ៉ាក់សាំងកូវិដរួចហើយ តែប្រព័ន្ធភាពសុំាត្រូវការពេលថែមទៀត ដើម្បីឡើង៣ឆ្នូត) ។

👉 ឆ្នូតក្រហមទាំង៣ឆ្នូត ( លោកអ្នកមានអង់ទីករកូវិដ និង ប្រព័ន្ធភាពសុាំក្នុងខ្លួនបានល្អប្រសើរ ) ។

🙏🙏 សូមកុំទទួលទានសុរា🍺🍺 ក្រោយពេលចាក់វ៉ាក់សាំងរួច !

🚥 ទោះមានអង់ទីករក៏ដោយតែសូមកុំភ្លេចវិធាន ៣កុំ ៣ការពារ និង អញ្ចើញទៅចាក់វ៉ាក់សាំងអោយបានគ្រប់ៗគ្នា ដើម្បីអោយយើងអាចឆាប់បានត្រលប់ទៅស្ថានភាពពីមុនវិញ...🙏🙏🙏

🙏បើមានកំហុងឆ្គងត្រង់បច្ចេកទេសណាមួយអាចធ្វើការរិះគន់ស្ថាបនាបន្ថែមរាល់ចំណុចឆ្គាំឆ្គងផ្សេងៗ។អរគុណ..!

💥 អ្វីទៅជំងឺច្រាលទឹកអាស៊ីតក្រពះ (Gastroesophageal Reflux)?

🚥 ជំងឺច្រាលទឹកអាស៊ីតក្រពះ (GERD) ត្រូវបានគេកត់សម្គាល់ឃើញថាមានការកើតមានច្រើនណាស់ចំពោះប្រជាជនកម្ពុជានា
ពេលបច្ចុប្បន្ន។ វាអាចកើតមានជាករណីធម្មតា ដោយទឹកនៅនឹងក្រពះឡើងមកបំពង់អាហារក្នុងរយៈពេលខ្លី ហើយមិនញឹកញាប់ទេ គឺមិនច្រើនជាង ៦ ទៅ ៧ដង ក្នុងមួយថ្ងៃ តែបើករណីជំងឺវិញ គឺទឹកអាស៊ីតដែលនៅក្នុងក្រពះនោះ ឡើងមកបំពង់អាហាររយៈពេលយូរ ហើយលើសពី ៦ ទៅ ៧ដង ក្នុងមួយថ្ងៃ។

ក) រោគសញ្ញា៖
- ជំងឺនេះស្តែងចេញជារោគសញ្ញាពិសេសដូចជាៈ ភើជូដូចទឹកខ្មេះ និងក្តៅពីផ្នែកខាងក្រោមនៃបំពង់អាហារដល់បំពង់ក
- រីឯរោគសញ្ញាមិនពិសេសវិញមានដូចជាៈ
● ឆ្អល់ចុងដង្ហើម
● ពិបាករំលាយអាហារ
● មានអារម្មណ៍ថាមានអ្វីស្លាក់នៅនឹងក
● មានស្លេសច្រើននៅបំពង់ក
● ឈឺបំពង់ក ក្អក និងដំបៅមាត់។

ខ) ការធ្វើរោគវិនិច្ឆ័យ៖
ការធ្វើរោគវិនិច្ឆ័យលើជំងឺមួយនេះ អាចធ្វើបានភ្លាមៗ ប្រសិនបើអ្នកជំងឺមានលេចឡើងនូវរោគសញ្ញាពិសេស តែក៏មានការធ្វើតេស្តឆ្លុះក្រពះផងដែរ ប្រសិនបើមានការសង្ស័យថាអ្នកជំងឺអាចនឹងមានជំងឺផ្សេងទៀតដូចជាៈ ជំងឺដំបៅក្រពះ មហារីកក្រពះ និងរកវត្តមាននៃមេរោគដែលបង្កបញ្ហាដល់ក្រពះ។ ចំពោះអ្នកជំងឺដែលមានរោគសញ្ញាមិនពិសេសវិញ ការឆ្លុះក្រពះត្រូវធ្វើដោយផ្អែកលើកត្តាអាយុ (លើសពី៤០ឆ្នាំ) ប្រវត្តិគ្រួសារមានជំងឺមហាក្រពះ ពិសារស្រា ឬអ្នកជំងឺស្រកទម្ងន់ខុសធម្មតា។

គ) ការព្យាបាល៖
ទាក់ទងទៅនឹងការព្យាបាលមាន ២យ៉ាងគឺៈ
១. អ្នកជំងឺត្រូវធ្វើការផ្លាស់ប្តូរទម្លាប់នៃការរស់នៅៈ
● និយាយពីការផ្លាស់ប្តូរទម្លាប់នៃការរស់នៅ គ្រូពេទ្យនឹងឲ្យអ្នកជំងឺដែលធាត់បញ្ចុះទម្ងន់របស់គាត់ ព្រោះកត្តាធាត់ជាការជម្រុញឲ្យកើតបញ្ហាច្រាលអាស៊ីតនេះដែរ។
● អ្នកជំងឺត្រូវបរិភោគទាំងអាហារ និងទឹកតិចនៅពេល
យប់ ហើយត្រូវពិសាអាហារពេលល្ងាចឲ្យបាន៤ម៉ោងមុនពេលចូលគេង ព្រមទាំងបរិភោគសាច់តិចតែបន្លែ និងផ្លែឈើច្រើន។
● បញ្ឈប់ការពិសាស្រា និងបារី កាត់បន្ថយកាហ្វេ
● ជៀសវាងការប្រើប្រាស់ថ្នាំមួយចំនួនដែលឲ្យសាច់ដុំបិទបើកបំពង់អាហារ-ក្រពះធូរ ដូចជា ថ្នាំលើសឈាម (ស្នើរឲ្យគ្រូពេទ្យគាត់ប្តូរថ្នាំ) និងថ្នាំវីយ៉ាក្រាជាដើម។
● អ្នកជំងឺត្រូវធ្វើលំហាត់ប្រាណជាប្រចាំ ដើម្បីជៀសវាងការឡើងទម្ងន់ ជាពិសេសដុះពោះ។
● ឯទម្លាប់នៃការគេងវិញ គួរឲ្យអ្នកជំងឺកល់ជើងគ្រែ ដើម្បីលើកក្បាលដំណេកគាត់ឲ្យខ្ពស់ដល់ ៣០ អង្សារ។
២. ការប្រើប្រាស់ថ្នាំៈ
សម្រាប់ការព្យាបាលដោយថ្នាំវិញ គ្រូពេទ្យនឹងចេញវេជ្ជបញ្ជាឲ្យប្រើប្រាស់ថ្នាំបន្សាបជាតិអាស៊ីតរយៈពេល២ខែ ឫយូរជាងនេះទៅតាមស្ថានភាពរបស់អ្នកជំងឺ។ ការព្យាបាលជំងឺនេះ មិនអាចព្យាបាលឲ្យជានោះទេ តែគ្រូពេទ្យអាចព្យាបាលឲ្យបាត់នូវរោគសញ្ញាដែលលេចឡើង ដើម្បីមិនឲ្យប៉ះពាល់ដល់គុណភាពជីវិតរបស់អ្នកជំងឺ ដូចនេះការព្យាបាលអាចនឹងមានពេលយូរ។ ប៉ុន្តែការប្រើប្រាស់ថ្នាំរយៈពេលយូរបែបនេះ អាចនឹងប៉ះពាល់អ្នកជំងឺមួយចំនួនដូចជា បើអ្នកជំងឺមានមេរោគនៅក្នុងក្រពះនោះពួកគាត់ត្រូវធ្វើការព្យាបាលមេរោគនេះសិនទើបប្រសើរ។
ជំងឺទឹកក្រពះច្រាលនេះទៀតសោត ប្រសិនបើអ្នកជំងឺមិនទទួលបានការព្យាបាលឲ្យត្រឹមត្រូវទេនោះ វាអាចនឹងបង្កផលវិបាកដូចជា ប៉ះពាល់ដល់គុណភាពនៃការរស់នៅ រលាកបំពង់អាហារ និងអាចឈានដល់ជំងឺមហារីក។ ជំងឺនេះអាចកើតឡើងទៅតាមវ័យរបស់យើងគ្រប់គ្នា ប៉ុន្តែយើងនៅតែមានវិធីកាត់បន្ថយការកើតឡើងនៃជំងឺនេះផងដែរ។ ដើម្បីបង្ការ ឬកាត់បន្ថយការប្រឈមទៅនឹងជំងឺនេះ លោកអ្នកគួរបញ្ឈប់ការជក់បារី ផឹកស្រា គួរបញ្ចុះទម្ងន់ និងជៀសវាងការបរិភោគអាហារពេលយប់ពេកដោយញ៉ាំអាហារពីព្រលប់ ព្រមទាំងជៀសវាងការប្រើប្រាស់ថ្នាំដែលនាំឲ្យទឹកអាស៊ីតកើនឡើង។
ប្រសិនបើលោកអ្នកកើតមាននូវរាល់បញ្ហាទាំងអស់ដូចបានរៀបរាប់ខាងលើចំពោះសុខភាព លោកអ្នកគួរតែមកស្វែងរកការព្យាបាលឲ្យបានត្រឹមត្រូវនៅមន្ទីរពេទ្យកាល់ម៉ែត ព្រោះការឆាប់មកទទួលការព្យាបាលនោះ ធ្វើឲ្យការចំណាយធនធានក៏តិចផងដែរ ហើយងាយនឹងការពារពីការកើតឡើងវិញ និងពីផលវិបាកផ្សេងៗ ហើយប្រសិនបើលោកអ្នកអាចធ្វើបានតាមវិធីបង្ការដែលបានរៀបរាប់ខាងលើ នោះការប្រឈមទៅនឹងជំងឺនេះនឹងត្រូវបានកាត់បន្ថយដល់ទៅ ៩០%។

🌺 ប្រភពឯកសារទាំងស្រុងពី៖ មន្ទីពេទ្យកាល់ម៉ែត្រ

ក្រុមគ្រូពេទ្យ ពន្យល់អំពីការធ្វើតេស្ត៍រហ័សសម្រាប់រកមេរោគកូវីតដោយមានការយល់ច្រឡំថាតេស្ត៍នេះទោះបីជាអ្នកជម្ងឺផ្តាសសាយធម្មតាក៏លទ្ឋផលវិជ្ជមានដែរ

សូមបង្ហាញឡើងវិញអំពីការធ្វើតេស្ត៍រហ័សសម្រាប់រកមេរោគកូវីត ដោយសារបងប្អូនយើងមួយចំនួនមិនទាន់យល់ច្បាស់អំពីរសារះសំខាន់របស់វា ដោយមានការច្រឡំថាតេស្ត៍នេះទោះបីជាអ្នកជម្ងឺផ្តាសសាយធម្មតាក៏អាចមើលឃើញលទ្ឋផលវិជ្ជមានដែរ ។
ការយល់បែបនេះគឺជាការយល់ច្រឡំខុសទាំងស្រុងហើយ ព្រោះជម្ងឺផ្តាសាយ វាបង្ករដោយវីរីសប្រភេទផ្សេងដូចជា rhinovirus , adenovirus , influenza ជាដើម ចំណែកជម្ងឺកូវីត 19 បង្ករដោយវីរីសកូរូណា ( coronavirus ) ។
ការស្វែងយល់អំពី Rapid Antigen test COVID-19 ( តេស្ត៍រហ័សមើលមេរោគកូវីត 19 ) ៖
១. ជាប្រភេទតេស្តមើលមេរោគកូវីត ( Antigen) រហ័សពោលគឺលទ្ឋផល ត្រូវការរយះពេលតែ ១៥នាទី ( ប្រសិទ្ឋភាពតេស្ត៍នេះប្រហាក់ប្រហែល ៩៥ % ) ។
២. ងាយស្រួលធ្វើ អាចធ្វើដោយខ្លួនឯង ដោយត្បាល់រន្ធច្រមុះ ( nasopharyngeal or nasal swab specimens )ជម្រៅ ២ សង់ទីម៉ែត ដោយបង្វិល ៥ ជុំ ។
៣. ប្រសិទ្ឋភាពខ្ពស់ ( sensitivity)ប៉ុន្តែទាបជាងមើលសំណាក PCR test ( RT- PCR test ) ។
ប្រសិទ្ឋភាពចាប់រកមេរោគឃើញច្បាស់ល្អ ភាគច្រើននៅពេលមានរោគសញ្ញា ( ក្អក ផ្តាសាយ ឈឺបំពង់ក ក្តៅខ្លួន... ) ពោលគឺចាប់ចន្លោះថ្ងៃទី ៥ ទៅថ្ងៃទី៩ ក្រោយពីឆ្លង ( ដំណាក់មេរោគមានច្រើននៅក្នុងសំណាក ) ។
៤. តេស្ត៍នេះគេប្រើប្រាស់ក្នុងការផ្ទុះរាលដាលក្នុងសហគមន៌ជាប្រភេទប្រមូលផ្តុំ ( outbreak settings ) ដើម្បីស្រាវជ្រាវ បែងចែក ញែកអ្នកដែលវិជ្ជមានអោយបានឆាប់ ប៉ុន្តែទោះជាអ្នកវិជ្ជមានឫ អវិជ្ជមានក៏ដោយក៏ត្រូវមើលសំណាក PCR test បន្ថែមបញ្ជាក់ទៀត ប្រសិនបើមានករណីសង្ស័យ ឫមានរោគសញ្ញា ឫ ស្ថិតក្នុងតំបន់ប្រឈមខ្ពស់ ( Serial screening in congregate settings ) ។
៥. ចំណុចខ្សោយរបស់តេស្ត៍នេះគឺ ៖
- ចាប់មេរោគមិនឃើញមុនពេលអ្នកជម្ងឺស្តែងចេញរោគសញ្ញា ( asymptomatic phase ) ពោលមុនថ្ងៃទី ៣ នៃការឆ្លង។
- តេស្ត៍នេះនិងអវិជ្ជមាននៅពេលមេរោគក្នុងសំណាកចុះទាប ( low virus ) ចាប់ពីថ្ងៃទី ១១ តទៅ ហើយតំណាក់កាលនេះកម្រិតនៃការឆ្លងក៏ថមថយចុះផងដែរ ជាតំណាក់កាលលែងមានការគំរាមកំហែងនៃការឆ្លងទៀតហេីយ ( no longer threat ) ។
៦. ចំណុចខ្សោយនៃលទ្ឋផលរបស់ PCR test គឺនៅតែមើលឃើញវិជ្ជមានដដែលទោះជាអ្នកជម្ងឺស្ថិតក្នុងដំណាក់ជាសះស្បើយក៏ដោយ ( ខ្មោចមេរោគ dead virus) មានរយៈពេលរាប់សប្តាហ៏ទៅរាប់ខែ ។

💐 ប្រភព និងរូបភាព ៖ វេជ្ជបណ្ឌិត ហៃ ឡៃសុន :ប្រធានមន្ទីរពេទ្យខេត្តកោះកុង

យប់នេះខ្ញុំលើកយកពីបញ្ហានៃការឈឺស្មា អ្នកអាចហ្នឹងធ្លាប់បានជួបឬបានឃើញអ្នកជុំវិញ ពីការត្អួញត្អែរពីការរំខានអស់ទាំងនេះ។
🚑 តើអ្នកធ្លាប់មានអាការះនៃការឈឺស្មាអស់ទាំងនេះដែរឬទេ?

👉 ឈឺចាប់ខ្លាំងពេលលើកដៃលាត្រង់ឡើងលើ។
👉 ឈឺចាប់ខ្លាំងពេលលើកឬដាក់ដៃចុះឬមួយពេលដែលចង់ឈោងទៅចាប់របស់អ្វីមួយ។
👉 ឈឺចាប់ព្រមទាំងតឹងណែននៅផ្នែកខាងមុខរបស់ស្មា។
👉 ការឈឺចាប់ពេលខ្លះរាលពីផ្នែកខាងមុខមកចំហៀងរបស់ស្មា។
👉 ឈឺចាប់កើតមានខ្លាំងជាពិសេសពេលគេងសង្កត់ត្រូវលើស្មាឈឺនៅចំហៀង។
👉 ឈឺខ្លាំងពេលយប់ជាពេលដែលស្ថានមួយចុះត្រជាក់ ដែលធ្វើអោយរំខានដល់ការគេង។
👉 ឈឺចាប់ខ្លាំងពេលចង់ធ្វើអ្វីមួយជាពិសេសលូកដៃអេះខ្នង,ច្រតចង្កេះ,លូកខោប៉ៅ។
👉 ធ្វើអោយស្ថានភាពមួយរបស់ស្មាចាប់ផ្ដើមចុះខ្សោយ(គ្មានថាមពលសាច់ដុំ)ឬគាំងចលនាសន្លាក់ស្មាតែម្ដង។

🚥 តើអ្វីទៅដែលជាបញ្ហា?

💥 ការរលាកដែលកើតលើថង់ដែលជាកំណល់ទប់ការប៉ះទង្គិចរបស់សន្លាក់(Bursitis):
_ Bursa វាជាថង់តូចមួយដែលបំពេញដោយសារធាតុរាវ
អន្ធិលៗ...នៅពេលដែលកើតមានការកិតខ្លាំងឬធ្វើអោយមានការរបួសនោះវាហ្នឹងនាំអោយមានការរលាក ការហើមនិងការឈឺចាប់កើតមាន។

💥 ការរលាកកើតឡើងលើសរសៃពួររបស់សាច់ដុំជាពិសេសពពួកបង្វិលស្មា(Rotator Cuff Tendonitis):
_ ការរលាកបែបនេះមានសណ្ឋានជាក្រុម បង្ករជារបួសលើក្រុមសាច់ដុំដែលមានមុខងាររួមគ្នា។ ការធ្វើចលនាដដែលហើយខ្លាំងជាហេតុដែលនាំអោយមានការរលាក។

💥 ការប្រែប្រួលទំរង់មិនធម្មតានៃគែមរបស់ក្បាលឆ្អឹងដែលយើងតែងហៅវាថាដំណុះឆ្អឹង(Bone Spurs)Osteophytes:
_ ការខូចខាតលើសន្លាក់ឆ្អឹងភាគច្រើនបណ្ដាលមកពីជម្ងឺរលាកឆ្អឹង(Osteoarthritis)ជាហេតុដែលនាំអោយមានដំណុះឆ្អឹងថ្មីកើតឡើង។ អ្វីដែលយើងបារម្មណ៍ក្រោយពីការរលាកនោះគឺការគាំងសន្លាក់ដែលនាំអោយស្ថានភាពកាន់តែយ៉ាប់យឺនលើលទ្ធភាពនៃការកំរើករបស់ស្មា។

☎️ ការព្យាបាលដោយចលនាជាជំរើសដ៏ត្រឹមត្រូវទាំងការព្យាបាលនិងបង្ការ តាមរយះការសំរួលសាច់ដុំ,ការ Stretch ពន្លា,ការហាត់អ្វីជាកំសោយមកធម្មតាវិញ ដោយមិនចាំបាច់ប្រើថ្នាំឬប្រើតិចតួច។

៙បើមានចំងល់អាចឆាតសួរបានតាម Telegrame ខាងក្រោមៈ
012808348 ឬ
015678560

យប់នេះខ្ញុំលើកយកពីស្ថានភាពនៃជម្ងឺលានទ្រនាប់ឆ្អឹងកង Henia Discal ដែលមានរោគសញ្ញា" ដ្យាទិច " Sciatique Syndrome។

៙៙ អ្នកអាចហ្នឹងមានចម្ងល់ច្រើនទៅលើពាក្យពេចន៍នៃ " លានទ្រនាប់ឆ្អឹងកង + រោគសញ្ញាដ្យាទិច " ដូចខ្ញុំធ្លាប់បានបង្ហាញនូវប្រធានបទមុនៗដែលទាក់ទងហ្នឹងការគាបឬស្រុតនៃរចនាសម្ព័ន្ធរបស់ឆ្អឹងកងដែលបណ្ដាលមកពីហេតុផ្សេងៗ..។

៙៙ ខ្ញុំមានអ្នកជម្ងឺជាច្រើនដែលមានបញ្ហានៃការលានទ្រនាប់ឆ្អឹងកងចង្កេះហើយគាបទៅកង់នីមួយៗនៃបាច់របស់សរសៃប្រសាទដែលគ្រប់គ្រងទាំងវេទនារម្មណ៍(ភាពដឹងលើស្បែកចាប់ពីការប៉ះស្ទាបស្ពឹកស្រពន់រហូតដល់កំរិតនៃការឈឺចាប់)និងការបញ្ជាចលនារបស់សាច់ដុំនឹងសន្លាក់។

*** និយាយរួមបើប៉ះពាល់លើសរសៃប្រសាទមេណាមួយវាហ្នឹងបញ្ជូនរោគសញ្ញា(នាំវិបត្តិនៃភាពស្ពឹកស្រពន់ឬបាត់នៃការដឹងពីការប៉ះស្ទាបនិងការឈឺចាប់)ទៅតាមខ្នែងឬផ្លូវដែលសរសៃ
ប្រសាទរហូតដល់ទីតាំងបញ្ចប់របស់វា។ អ្វីដែលយើងសង្កេតឃើញលើអ្នកជំងឺមួយចំនួនដែលបង្ហាញរោគសញ្ញាដូចខាងក្រោម៖
👉 ការឈឺចាប់ ស្ដែងឡើងចាប់ពីកំប៉េះគូថ,ភ្លៅក្រោយ,កំភួនជើងដែលលក្ខណះចុករមួលពេលខ្លះពិបាកក្នុងការពិពណ៌នាថាឈឺរបៀបម៉េច។
👉ការស្ពឹកឬស្រពន់ ភាគច្រើនស្ដែងនៅចង្កេះ,កំប៉េះគូថ,ភ្លៅក្រោយ,ស្មងជើងនិងបាតជើងទៅតាមផ្លូវដែលសរសៃប្រសាទបញ្ជាដល់។
👉ការចុះខ្សោយនៃលទ្ធភាពសាច់ដុំជាតំណាក់កាលចុងក្រោយដែលធ្វើអោយយើងថមថយឬបាត់បង់ទាំងស្រុងសំរាប់ការប្រើប្រាស់វា អាចធ្វើអោយសាច់ដុំរួមស្វឹត បាត់លទ្ធភាពកំរើកបញ្ជា។

🚑 អ្វីដែលយើងបារម្មណ៍ជាងគេគឺវិបត្តិបន្ទោបង់ ដែលយើងមិនអាចគ្រប់គ្រងឬបញ្ជាបាន ទាំងបត់ជើងធំនិងបត់ជើងតូច ហ៊ារដោយមិនដឹងខ្លួនឬមិនមកតែម្ដង 😓😓
🚑 តើចំពោះបញ្ហានេះអ្នកភ័យខ្លាចដែរឬទេ?
បើភ័យខ្លាចតើខ្លាចអ្វី?
👉 ខ្លាចការឈឺចាប់
👉 ខ្លាចបាត់វេទនារម្មណ៍(លែងដឹងការប៉ះស្ទាបឬប៉ះពាល់)
👉 ខ្លាចពេទ្យអោយវះកាត់
👉 ខ្លាចពិការភាព....

⏳ ប្រសិនបើអ្នកមិនទាន់ជួបឬកើតបញ្ហាដូចដែលខ្ញុំរៀបរាប់ខាងដើម ចូរចំណាយពេលបន្តិចលេងកីឡាដែលស័ក្តិសមតាមវ័យនិងភេទ🏊 🏃 ⚽ 🚵 💃

☎️ ប្រសិនបើអ្នកជួបស្ថានភាពបែបហ្នឹងកុំទាន់អាលសំរេចចិត្តលឿនពេកក្នុងការប្រើប្រាស់ថ្នាំសំរាប់ព្យាបាលព្រោះវាគ្រាន់តែសំរាលស្ថានភាពបានខ្លះតែបញ្ហានៅតែដដែលមិនបានដោះស្រាយ ឬ មួយធ្វើការវះកាត់ដែលអាចហ្នឹងមានហានិភ័យតិចឬច្រើនទៅថ្ងៃក្រោយ។

🎁 ខ្ញុំជាគ្រូពេទ្យព្យាបាលដោយចលនាគ្មានអ្វីក្រៅពីចង់អោយអ្នកដែលជួបស្ថានភាពបែបហ្នឹងជ្រើសរើសនូវជំរើសការព្យាបាលដំបូងដោយចលនា សូមកុំគិតស្ថានភាពបែបហ្នឹងថាវាអាចហ្នឹងហួសពេល ព្រោះការព្យាបាលដោយចលនាវាគ្មានហានិភ័យទៅថ្ងៃក្រោយទេ ទោះបីការព្យាបាលបែបហ្នឹងវាចំណាយពេលវេលានឹងលុយកាក់ច្រើនដងបន្តិចមែនតែប្រសិទ្ធភាពគួរអោយគាប់ប្រសើរ។

💥 មានចំងល់អាចឆាតសួរបានតាម Telegrame ខាងក្រោម៖
012808348
015678560
បើខ្ញុំមានពេលគ្រប់គ្រាន់ខ្ញុំហ្នឹងព្យាយាមឆ្លើយតបវិញ...។

ថ្ងៃនេះខ្ញុំលើកយកពីការប្រើប្រាស់ឧបករណ៍ជំនួយឬទប់ចង្កេះមកនិយាយ ដែលភាគច្រើនអ្នកដែលមានបញ្ហាឬធ្លាប់ជួបប្រទះការឈឺចាប់ចង្កេះពួកគាត់ស្គាល់ហើយហៅវាថា" ខ្សែក្រវាត់ចង្កេះ"។

*** មានអ្នកជំងឺម្នាក់ក៏ធ្លាប់បានសួរខ្ញុំផងដែរថា តើគួរប្រើខ្សែក្រវាត់ទប់ចង្កេះបែបណាទើបត្រឹមត្រូវ? បើនៅក្នុងទីផ្សារសំភារៈពេទ្យមានសំបូរបែបយ៉ាងនេះ..!

៙៙ មុនហ្នឹងខ្ញុំថាគួរជ្រើសរើសបែបណានៃប្រភេទខ្សែក្រវាត់ចង្កេះ ខ្ញុំសូមលើកពីអត្ថប្រយោជន៍របស់វាសិន ថាតើវាជួយអ្វីបានខ្លះចំពោះអ្នកដែលមានបញ្ហានៃការឈឺចង្កេះ?

🌹 ក្រុមគ្រូពេទ្យដែលមានជំនាញខាងស្ដារ ពួកគាត់បង្កើតវាឡើងដើម្បីជួយជាដំណោះស្រាយក្នុងលក្ខណ្ឌជាច្រើនមិនថាការឈឺសាច់ដុំធ្ងន់ធ្ងររហូតដល់ការជាសះស្បោយក្រោយវះកាត់។ គេបង្កើតវាឡើងទាំងរូបរាងនិងវត្ថុធាតុផ្សេងៗពីគ្នាអាស្រ័យទៅតាមស្ថានភាពនៃមូលហេតុជំងឺជាក់ស្ដែង។

👉 ទប់ឬបន្ថយការឈឺចាប់ដែលកើតឡើងដោយសារការកំរើក។
👉 ទប់ស្ថានភាពអោយនឹងថ្កល់(ក្រោយការវះកាត់លើឆ្អឹងចង្កេះ ដើម្បីកាត់បន្ថយនូវការកំរើកត្រង់កន្លែងរបួស)។
👉 ក្នុងករណីសន្លាក់ឆ្អឹងកងរអិល ទប់កុំអោយស្ថានភាពមួយវិវត្តន៍មកធ្ងន់ធ្ងរបាន។
👉 ក្នុងករណីដែលសាច់ដុំរមួលតឹងខ្លីខ្លាំងបណ្ដាលអោយឈឺចាប់ វាអាចជួយទប់កុំអោយសាច់ដុំប្រឹងហួសហេតុពេក។

** និយាយរួមវាជួយបានទាំងបញ្ហាចាប់ពីសាច់ដុំរហូតដល់ស្ថានភាពសន្លាក់របស់ឆ្អឹងកង( ទប់ស្កាត់ការរំខានដោយការឈឺចុកចាប់ )ក្នុងនោះរួមមានជម្ងឺ លានទ្រនាប់ឆ្អឹងកង, រអិលឆ្អឹងកង, ស្រុតឆ្អឹងកង..។ល។

** ចំពោះសំនួរដែលចោទសួរគួរគប្បីប្រើប្រភេទណានៃខ្សែក្រវាត់ចង្កេះ វាអាស្រ័យលើគ្រូពេទ្យព្យាបាលដែលជាអ្នកដឹងជំងឺផ្ទាល់សាមីនីមួយៗ ថាវាសក្តិសមចំពោះស្ថានភាពជាក់ស្ដែងរបស់ជម្ងឺ។

🚑 បើយល់ល្អរាល់ការទិញសំភារៈជំនួយបែបហ្នឹងហើយចៀសវាងការប្រើប្រាស់មិនត្រឹមត្រូវហើយចំនាយលុយកាក់ច្រើនគួរគប្បីប្រឹក្សាជាមួយគ្រូពេទ្យដែលមានជំនាញនិងបទពិសោធន៍លើការស្ដារ ជាពិសេសពេទ្យព្យាបាលដោយចលនា អាចពិភាក្សាបានមិនគិតកាក់ទេ(៛)។

Tel: 012808348 ឬ 015678560

អាចមើលបានតាមដំណរខាងក្រោម៖
https://t.me/Kinesiotherapy

💐https://www.facebook.com/112732964251414/posts/153051196886257/

😱 ប្រធានបទយប់នេះខ្ញុំចង់និយាយពីវិធានការពារ តើយើងគួរធ្វើដូចម្ដេចដើម្បីការពារឬបង្ការនិងគាំពារឆ្អឹងកងរបស់យើងយ៉ាងដូចម្ដេចនៅពេលដែលយើងជួបបញ្ហាជម្ងឺពុកឆ្អឹង?

👉 ខ្ញុំប្រាកដថាអ្នករាល់គ្នាច្បាស់ជាធ្លាប់លឺឬក៏ចោទជាសំនួរចំពោះខ្លួនឯងផងដែរ..!

៙ ក្នុងករណីមួយចំនួននៃជម្ងឺពុកឆ្អឹង អាចធ្វើអោយមានការខូចខាតតិចឬច្រើនទៅលើឆ្អឹងកងនីមួយៗដែលជាហេតុធ្វើអោយទំរង់ឆ្អឹងកងចុះខ្សោយមិនអាចទ្រទ្រង់បន្ទុករបស់វាបានទាំង
ស្រុងនឹងវិវត្តិន៍ក្លាយជាស្នាមប្រេះតូចៗបាន ដែលយើងហៅថា ការស្រុតឆ្អឹង( Vertebral Compression Fracture )។

👉 តើយើងត្រូវមានរបបអាហារបែបណាទើបអាចកាត់បន្ថយហានិភ័យពីជម្ងឺពុកឆ្អឹងបាន?

៙ អ្នកគប្បីទទួលទានអាហារជាបន្លែក្ដីសាច់ក្ដីឬធញ្ញជាតិក្ដីដែលសំបូរដោយពពួកកាល់ស្យូមសំរាប់ជំនួយដល់សុខភាពឆ្អឹង។ ប្រសិនបើអ្នកមានកំហាប់ឆ្អឹងខ្សោយ នោះគ្រូពេទ្យរបស់អ្នកប្រាកដជាផ្ដល់ដំបូន្មានដល់អ្នកអោយប្រើពពួកថ្នាំជំនួយឆ្អឹងជាក់ជាមិនខានជាពិសេសពពួកវិតាមីនD ដែលបានមកពីធម្មជាតិតាមរយះពន្លឺថ្ងៃឬរុក្ខជាតិអាហារ ផ្ដល់អោយរាងកាយបឺតស្រូបឬទាញកាល់ស្យ៉ូមទៅបំប៉នឆ្អឹង។

៙ គួរគប្បីចៀសវាងការប្រើប្រាស់នូវសារធាតុអាល់កុល🍺🍺
ព្រោះវាបណ្ដាលអោយឆ្អឹងយើងចុះខ្សោយ ប្រសិនបើយើងសេពវាជាប្រចាំនោះ។

😱 ការប្រើប្រាស់ថ្នាំជំនួយជាតិកាល់ស្យ៉ូមបំប៉នឆ្អឹងត្រូវតែប្រឹក្សាជាមួយគ្រូពេទ្យជាមុន ចៀសវាងការប្រើប្រាស់តាមតែការនឹកឃើញនាំមកនូវផលវិបាកផ្សេងៗ ជាពិសេសគ្រោះតំរងនោម។

👉 តើមានអ្វីផ្សេងទៀតទេដែលអាចជួយអោយសុខភាពឆ្អឹងយើងរឹងមាំបាន?

៙ ជាទូទៅចំពោះមនុស្សដែលមានសុខភាពល្អតែងតែសកម្មជាមួយកីឡា ព្រោះសកម្មភាពទាំងនោះវាមិនត្រឹមតែធ្វើអោយគាត់បំបាត់ Stress ប៉ុណ្ណោះទេ វាមានសារប្រយោជន៍ក្នុងការបង្កើននិងជួសជុលកំហាប់ឆ្អឹងអោយមាំទាំហើយសាច់ដុំក៏មានថាមពលផងដែរ។

https://t.me/Kinesiotherapy

Tel: 012808348 ឬ 015678560

🚑 ការព្យាបាលដោយចលនាជាជំរើសតំបូងនៃការព្យាបាលលើរបួសដែលទាក់ទងនឹង៖
👉សាច់ដុំ។
👉រចនាសម្ព័ន្ធរបស់ទន់រួមមានសរសៃពួរនិងសរសៃចំណង។
👉ការគាបដែលកើតឡើងលើសន្លាក់ឆ្អឹងជាពិសេសឆ្អឹងកង ។
👉ស្ដារលទ្ធភាពនៃពិការភាពដោយជម្ងឺស្លាប់មួយចំហៀងខ្លួន។

💐https://www.facebook.com/112732964251414/posts/153051196886257/

💐 មានសាច់ញ្ញាតិអ្នកជម្ងឺម្នាក់ធ្លាប់សួរខ្ញុំថា ៖

*** តើយើងអាចសំគាល់បានយ៉ាងម៉េចទើបដឹងថាខ្លួនឯងមានបញ្ហាដែលទាក់ទងហ្នឹងការគាបឬត្បៀតសរសៃ?

៙ ការឈឺចាប់មិនថា ឈឺចង្កេះ,ខ្នង,ស្មារួចរាលដាលមកដៃឬរាលដាលមកជើង វាស្ដែងឡើងដោយការកំរើកចលនាអ្វីមួយ។
ដូចជាការត្បៀតសរសៃប្រសាទ វាអាចកើតឡើងនៅប្រហោងខួរឆ្អឹងកងផ្ទាល់ឬកន្លែងដែលខ្នែងសរសៃប្រសាទចេញមក ដែលបណ្ដាលមកពីភាពមិនធម្មតារបស់ឆ្អឹងឬសន្លាក់ឆ្អឹង នាំអោយត្បៀតសង្កត់លើសាច់ខួរផ្ទាល់ឬខ្នែងសរសៃប្រសាទដែលចេញ។

៙៙ មានសញ្ញាណសំគាល់ប្រាំមួយយ៉ាងដែលយើងអាចយល់បាន៖
១ ការប៉ះពាល់ដោយផ្ទាល់លើសរសៃប្រសាទៈ
_ ការឈឺចាប់ថេរ ឬ ស្ពឹកស្រពន់ជើងពេលឈរ។
_ ការឈឺចាប់កើនឡើងខ្លាំង ឬ ស្ពឹកស្រពន់ខ្លាំងជើងពេលដើរ ដើរបានចំងាយខ្លី និងពេលដែលអោនបត់ដងខ្លួន។
_ ធ្វើសកម្មភាពផ្សេងៗសឹងមិនបាន។ ពេលខ្លះរកឥរិយាបថសំរាកពិបាកមែនទែន។
២ រោគសញ្ញា Sciatique(ដ្យាតិច) បង្ហាញការឈឺចាប់ពីចង្កេះមកត្រគាកបន្តមកភ្លៅរួចបញ្ចប់ប្រអប់ជើង។
_ ការឈឺចាប់(លក្ខណះចាក់ដូចខ្សែភ្លើងឆក់,រមួលក្រពើ)។
_ ការស្ពឹកស្រពន់។
_ ចុះខ្សោយកំលាំងសាច់ដុំ។
៣ ការបង្ហាញសញ្ញានៃការធ្លាក់ប្រអប់ជើង។
៤ វិបត្តិដំណើរ(ដើរផ្អៀងផ្អងមិនស្មើរ,ដើរសង្កត់ម្ខាងៗ,ដំណើរអោនៗ...។ល។
៥ រោគសញ្ញាខ្លះបង្ហាញពីស្មារាលមកចុងម្រាម ដោយការឈឺចាប់,ស្ពឹកស្រពន់,ខ្សោយកំលាំងសាច់ដុំម្រាមដៃ កែងដៃឬដើមដៃ។
៦ រោគសញ្ញាខ្លះទៀតក៏វាស្ដែងនូវវិបត្តិបញ្ជាចលនាដែលមិនត្រឹមត្រូវឬពិបាកតែម្ដង ឧទាហរណ៍ដាក់លេវអាវឬដោះលេវអាវ។

👉 នេះគ្រាន់តែជាចំណែកតូចមួយដែលយើងអាចសំគាល់បានខ្លះៗ។
បើមានចំងល់បន្ថែមអាចឆាតសួរខ្ញុំបានតាម Telegrame របស់ខ្ញុំបាន ខ្ញុំហ្នឹងព្យាយាមឆ្លើយតបបើខ្ញុំមានមានពេលគ្រប់គ្រាន់។

Tel: 012808348 ឬ 015678560

មានអ្នកជម្ងឺម្នាក់សួរខ្ញុំថា តើជម្ងឺ Sciatique(ស្យាតិច)ហ្នឹងវាប្រើរយះពេលប៉ុន្មានបានធូរស្រាល?

🚑 ក្នុងចិត្តខ្លួនឯងគិតថា បើមិនព្យាបាលម៉េចហ្នឹងធូរស្រាល..!?
ក៏ប៉ុន្តែសកម្មភាពនីមួយៗរបស់មនុស្សវាបានធ្វើអោយស្ថានភាពមួយធ្ងន់ធ្ងរមករកភាពធូរស្រាលវិញ ជាក់ស្ដែងគាត់រិះរកចលនាបែបណាដែលឈឺក្នុងកំរិតអប្បបរមាបំផុត ឬបន្ថយការកំរើកចំពោះចលនាណាមួយដែលនាំការឈឺចាប់កើតឡើង គ្រាន់តែវាប្រើរយះពេលបន្តិចអាចពីរទៅបីសប្ដាហ៍(ករណីមិនមានការព្យាបាលត្រឹមត្រូវ)។ ទោះបីការឈឺចាប់បានត្រូវកាត់បន្ថយហើយក្ដីតែការរំខាននៅតែកើតមានជាដដែលតិចឬច្រើន។

គាត់ក៏បន្តសួរទៀតថា :
*** តើជម្ងឺ Sciatique អាចវិវឌ្ឍន៍ទៅរ៉ាំរ៉ៃបានដែរឬទេ?

ក្នុងលក្ខណ័ខ្លះអាចកើតមានផងដែរប្រសិនបើបញ្ហាមិនត្រូវបានព្យាបាលអោយបានត្រឹមត្រូវ ដូចជាករណីខ្លះវាបានធ្វើអោយមានការសាយភាយឬបង្កការរលាករួមមាន៖
_ សាច់ដុំរមួលកន្រ្តាក់( Muscle Spasm )។
_ ការលានទ្រនាប់ឆ្អឹងកងបណ្ដាលអោយមានការគាបបន្ថែម។
_ ការចង្អៀតស្រាប់នៃឆ្អឹងកងចង្កេះក៏នាំអោយបញ្ហាកើតឡើងបន្ត។
_ ការរអិលទៅនៃឆ្អឹងកងធ្វើអោយមានការប្រែប្រួលអក្ស័នាំអោយមានការគាបឬសង្កត់លើសរសៃប្រសាទឬខួរឆ្អឹងកង។
_ កត្តាជម្ងឺដែលមានស្រាប់នៃការសឹករិចរិលលើសន្លាក់ឆ្អឹងកង។
៙៙កត្តាទាំងអម្បាលម៉ានខាងលើជាបុព្វហេតុពីការឈឺស្រួចស្រាវមករ៉ាំរ៉ៃនិងចំណាយពេលវេលាច្រើនក្នុងការព្យាបាល។

*** តើយើងអាចធ្វើអ្វីបានខ្លះនៅផ្ទះចំពោះការព្យាបាលដោយបច្ចេកទេសដែលត្រឹមត្រូវ?
(ករណីគ្មានមធ្យោបាយមកពេទ្យ)😀😀

_ ការស្អំត្រជាក់ជាជំរើសដ៏ល្អបំផុតក្នុងតំណាក់កាលនៃការឈឺស្រួចស្រាវ(ឈឺខ្លាំងភ្លាមៗ..តែត្រូវអំណត់បន្តិចពេលប្រើតំបូង)ព្រោះវាបានទប់ស្កាត់ដោយធ្វើអោយស្ពឹកកន្លែងដែលឈឺបានភ្លាមៗ ម្យ៉ាងវិញទៀតវាបានកាត់បន្ថយចរន្ធឈាមរត់,បន្ថយការរលាក។
_ បន្ថយការឈឺចាប់ដោយថ្នាំក្រេមឬជេល(ឧៈVoltaren Gel)
លាបរឹតលើទីតាំងដែលរំខាន។
_ ការស្អំកំដៅត្រូវបានយកមកប្រើក្នុងស្ថានភាពជម្ងឺដែលមានលក្ខណរ៉ាំរ់ៃដោយវាជួយបន្ថយភាពតឹងរឹងឬរមួលរបស់សាច់ដុំ,ជួយលទ្ធភាពលំហូររបស់ចរន្ធឈាមបានល្អព្រមទាំងជួសជុលនូវជាលិកាដែលខូច។
_ បើអាច អាចធ្វើការម៉ាស្សាស្រាលលើសាច់ដុំណាដែលតឹងរឹងម្យ៉ាងវិញទៀតក៏ជួយអោយចរន្ធឈាមលំហូរមកស្រួលដែរ។

ប្រសិនបើដំណោះស្រាយខាងលើទាំងអម្បាលម៉ានមិនអាចជួយអ្នកបាន ខ្ញុំចង់តំរង់ទិសអ្នកអោយជ្រើសរើសយកការព្យាបាលដោយចលនាដែលជាជំរើសតំបូង ព្រោះវាអាចកាត់បន្ថយហានិភ័យដែលកើតមានផ្សេងៗ...។

អរគុណច្រើនសំរាប់ការអានដោយយកចិត្តទុកដាក់មួយនេះ...!

Tel: 012808348 ឬ 015678560