វត្តពើងព្រះគោព្រះកែវមានឫទ្ធិ-ត្បែងមានជ័យ-ព្រះវិហារ

ព្រះអង្គកុំភ្លេចសិក្សាព្រះបាតិមោក្ខឱ្យសោះណា៎ កុំឱ្យគេថាយើងបួសហើយមិនរៀន ការងាររបស់យើងជាអ្នកបួសគឺរៀនហ្នឹងហើយ។
សម្តេចព្រះវនរ័ត កិត្តិបណ្ឌិត ណយ ច្រឹក
……………………………
Telegram https://t.me/mocarofficial
Web site www.mocar.gov.kh
Page ឯកឧត្តមរដ្ឋមន្ត្រី ចុចលីង https://www.facebook.com/h.echayborin?mibextid=LQQJ4d

ថ្ងៃ១៥កើត ខែអស្សុជ ព្រះសង្ឃបវារណាចេញវស្សា។

បុណ្យចេញវស្សានេះ មានប្រវត្តិជាប់ទាក់ទងទៅនឹងរឿង ព្រះពុទ្ធអង្គផ្ទាល់តែម្តង។ យោងតាមរឿងនេះថា៖ “ ពេលមួយ ព្រះពុទ្ធទ្រង់គង់ចាំព្រះវស្សាអស់ត្រៃមាស នៅឯតាវតឹង្សសួគ៌ា ជាកន្លែងដែលព្រះពុទ្ធទ្រង់សម្តែងព្រះអភិធម្មទេសនា ប្រោសព្រះនាងមាយា (ដែលត្រូវជាព្រះមាតារបស់ព្រះអង្គ) និងពួកទេវតាដទៃទៀត។
នៅពេលចេញវស្សា ព្រះអង្គក៏យាងចុះមកកាន់ឋានមនុស្សលោកវិញ ដោយមានការទទួលស្វាគមន៍និងបដិសណ្ឋារកិច្ច យ៉ាងសប្បាយរីករាយក្រៃលែង។ រឿងនេះបានកើតឡើង៧ឆ្នាំ បន្ទាប់អំពីព្រះពុទ្ធទ្រង់បានត្រាស់ដឹង។

ពិធីយ៉ាងអ៊ឹកធឹកនេះ ប្រារព្ធឡើងដើម្បីរំឭកដល់ព្រឹត្តិការណ៍ ដ៏សំខាន់នេះ។ កន្លែងទ្រង់យាងចុះនោះឈ្មោះ “ ក្រុងសង្កសៈ “ ស្ថិតនៅខាងជើងប្រទេស ឥណ្ឌា។ ក្នុងពេលធ្វើបុណ្យចេញវស្សានេះ ជាទូទៅនៅពេលល្ងាចឬយប់ថ្ងៃ១៥កើត ខែអស្សុជ ភិក្ខុសង្ឃដែលគង់ចាំវស្សា អស់ត្រីមាស ក្នុងអាវាសណាមួយ ត្រូវជួបជុំគ្នាក្នុងព្រះវិហារ ដើម្បីនមស្សការព្រះរតនត្រ័យ និងសម្តែងអាបត្តិ។
ពុទ្ធបរិស័ទនិមន្តព្រះសង្ឃសម្តែងធម៌ទេសនា “ រឿងព្រះវេស្សន្តរ “ គឺជារឿងព្រះពោធិសត្វ ដែលយោនយកកំណើតក្នុងជាតិចុងក្រោយ បង្អស់ ដើម្បីបំពេញទានបារមី។

ទេសនាមហាជាតក៏ត្រូវយកមកសម្តែងជូនពុទ្ធបរិស័ទជាទី សណ្តាប់ ក្នុងរាត្រីនោះដែរ។ ព្រឹកឡើង ពុទ្ធបរិស័ទយកស្រាក់បាយ សម្លនិងចង្ហាន់ផ្សេងៗមក ឈរតម្រៀបគ្នាជាជួររង់ចាំដាក់បាត្រ ព្រះសង្ឃដែលមានភ្នែកដាក់ចុះនិងកាន់ទ្រនូវបាត្រ និមន្តសន្សឹមៗតាមជួរសប្បុរសជន ដើម្បីទទួលចង្ហាន់បិណ្ឌបាត្រ ប្រកបដោយសេចក្តីមេត្តា និងកាយវិការស្រគត់ស្រគំសមរម្យ។

បន្ទាប់មក សប្បុរសជនទាំងអស់នាំគ្នាទៅជួបជុំនៅ ក្នុងសាលាធំ ជាកន្លែងដែលពុទ្ធបរិស័ទប្រារព្ធពិធីផ្សេងៗ ដើម្បីសមាទាននិច្ចសីលឬឧបោសថសីល ស្តាប់ព្រះសង្ឃសម្តែងធម្មទេសនា និងធ្វើសមាធិ។ កម្មវិធីប្រជាប្រិយផ្សេងៗ ត្រូវបានយកមកសម្តែង និងអប់រំប្រជាពលរដ្ឋ។ ការកំសាន្តសប្បាយនិងការធ្វើបុណ្យតែងប្រព្រឹត្តឡើងក្នុង ពេលជាមួយគ្នា៕

បុណ្យទក្ខិណានុប្បទានគម្រប់ខួប ១០ឆ្នាំ ឧទ្ទិសកុសលប្រគេនចំពោះព្រះគ្រូ ចាន់ ស៊ីរ៉ា អតីតព្រះបាឡាត់គណខេត្តព្រះវិហារ និងជាព្រះចៅអធិការវត្តពើងព្រះគោព្រះកែវមានឫទ្ធិ🥰🙏🥰 សូមអនុមោទនាបុុណ្យ🥰🙏🥰

វេនបិណ្ឌ ១១ វេនបិណ្ឌ ១២ និងវេនបិណ្ឌ ១៣ បានបញ្ចប់ បន្តចូលវេនបិណ្ឌ ១៤ និងភ្ជំបិណ្ឌ🥰🥰🥰

វេនបិណ្ឌ ៩ ១០ បានបញ្ចប់ បន្តចូលវេនបិណ្ឌ ១១🥰🥰🥰 អនុមោទនាបុណ្យ🙏🥰🙏

វេនបិណ្ឌ ៦ និង វេនបិណ្ឌ ៧ បានបញ្ចប់ហើយ នៅឡើយវេនបិណ្ឌ ៩ និងវេនបិណ្ឌបន្តបន្ទាប់ទៀត🥰🥰🥰 អនុមោទនាបុណ្យ🙏🥰🙏

បិណ្ឌ ៥ បានបញ្ចប់ដោយបរិបូណ៌ បន្តចូលបិណ្ឌ ៦ ល្ងាចនេះ🥰🥰🥰 សូមរីករាយអនុមោទនាបុណ្យ🙏🥰🙏

បិណ្ឌ ៣ បិណ្ឌ ៤ បានបញ្ចប់ ត្រៀមខ្លួនចាំទទួលបិណ្ឌ ៥🥰🥰🥰 សូមអនុមោទនាបុណ្យ🙏🥰🙏

បិណ្ឌ ១ បិណ្ឌ ២ បានបញ្ចប់ បន្តចាប់ផ្ដើមចូលបិណ្ឌ ៣🥰🥰🥰 អនុមោទនាបុណ្យ🙏🥰🙏

សូត្រមន្តចម្រើនព្រះបរិត្ត និងសម្ដែងព្រះធម៌ទេសនា បិណ្ឌ១🥰🥰🥰 សូមអនុមោទនាបុណ្យ🙏🥰🙏

🙏🙏🙏❤️🙏🙏🙏

១៩កញ្ញា ១៩៧៩ ដល់ ១៩កញ្ញា ២០២៣ ខួប ៤៤ឆ្នាំ នៃកំណើតពុទ្ធសាសនានៅកម្ពុជា ជាលើកទី២

#អបអរសាទរ ថ្ងៃដែលព្រះពុទ្ធសាសនាចាប់កំណើតពេញរូបភាព គឺព្រះពុទ្ធ ព្រះធម៌ ព្រះសង្ឃនៅកម្ពុជា បន្ទាប់ពីខ្មែរក្រហមដួលរលំទៅ។

សូមថ្វាយព្រះពរសម្តេចអគ្គមហាសង្ឃរាជទេព វង្ស និងសម្តេចព្រះសង្ឃនាយក នន្ទ ង៉ែត ដែលបានបួសនៅថ្ងៃជាមួយគ្នា គឺទី១៩ កញ្ញា ១៩៧៩ (ថ្ងៃ​ពុធ ១៣ រោច​ខែ​ភទ្របទ ឆ្នាំ​មមែ ព​.​ស​.២៥២៣)។

គុណូបការគុណនៃភិក្ខុសាវ័កទាំង៧អង្គ ដែលបានបួសជាដំបូងនៅកម្ពុជា នឹងកត់ត្រាទុកជាបន្តក្នុងប្រវត្តិសាស្ត្រកម្ពុជា ជាពិសេស សម្តេចទាំងពីរព្រះអង្គ ដែលកំពុងមានព្រះជន្មាយុ ជាម្លប់ដល់ភិក្ខុសាមណេរទាំងឡាយ។

ទាំងពីរព្រះអង្គ មានគុណដល់កម្ពុជាប្រដូចទៅនឹងពុទ្ធសាវ័កពីរអង្គដែរ គឺព្រះសោណត្ថេរនិងឧត្តរថេរ ដែលនិមន្តមកកសាងពុទ្ធសាសនានៅជ្រោយសុវណ្ណភូមិកាលពីជាងពីរពាន់ឆ្នាំមុន។

អតីតព្រះភិក្ខុទាំង ៧អង្គ ដែលបានបំពេញឧបសម្បទាជាភិក្ខុសាជាថ្មី នាថ្ងៃ ១៩ កញ្ញា ឆ្នាំ១៩៧៩ (19/9/1979) ដែលមានព្រះនាម និងបានទទួលឆាយានាមជាថ្មី មានដូចតទៅ៖

ព្រះនាម
១. ភិក្ខុ កើត វ៉ា​យ មកពី​ខេត្តកំពង់ធំ ( សុគត)
២. ភិក្ខុ ប្រាក់ ឌិ​ត មកពី​ខេត្ត តាកែវ (សុគត)
៣. ភិក្ខុ ឌិន សារុន មកពី​ខេត្ត កណ្ដាល (សុគត)
៤. ភិក្ខុ អ៊ិត ស៊ុម មកពី​ខេត្ត តាកែវ (សុគត)
៥. ភិក្ខុ ន​ន្ទ ង៉ែត មកពី​ខេត្ត តាកែវ
៦. ភិក្ខុ កែ​ន វង្ស មកពី​ខេត្ត ព្រៃវែង (សុគត)
៧. ភិក្ខុ ទេព វង្ស មកពី​ខេត្ត សៀមរាប

ព្រះឆាយានាម
១) សតិសម្ពោជ្ឈង្គោ
២) ធម្មវិចយសម្ពោជ្ឈង្គោ
៣) វីរិយសម្ពោជ្ឈង្គោ
៤) បីតិសម្ពោជ្ឈង្គោ
៥) បស្សទ្ធិសម្ពោជ្ឈង្គោ
៦) សមាធិសម្ពោជ្ឈង្គោ
៧) ឧបេក្ខាសម្ពោជ្ឈង្គោ

សូមសម្តេចទាំងពីរព្រះអង្គមានព្រះសុខភាពបរិបូណ៌។

ប្រភព ធម្មបណ្ឌិត ហេង មណីចិន្តា

សូមអនុមោទនា ថ្ងៃឧបោសថសីល

ម្នាល​ភិក្ខុ​ទាំងឡាយ​ ​បុគ្គល​ពួក​ខ្លះ​ ​ក្នុង​លោក​នេះ​ ​ជា​អ្នក​ស្មើគ្នា​ ​ដោយ​សីល​ ​សមាធិ​ ​បញ្ញា​ ​ម្នាល​ភិក្ខុ​ទាំងឡាយ​ ​បុគ្គល​មាន​សភាព​យ៉ាងនេះ​ ​ដែលគេ​គួរ​សេព​គប់ គួរ​គប់​រក​ ​គួរ​ចូល​ទៅ​អង្គុយ​ជិត​។​ ​

ដំណើរ​នោះ​ព្រោះ​ហេតុអ្វី​? ព្រោះ​គេ​គិតថា​ ​
សីលកថា​ ​របស់​ពួកសប្បុរស​ អ្នកមានសីល​ស្មើគ្នា​ ​នឹង​មានដល់​ពួក​យើង​ផង​ ​សីលកថា​នោះ​ ​នឹង​មាន​សេចក្ដី​ចម្រើន​ ​ដល់​ពួក​យើង​ផង​ ​សីលកថា​នោះ​ ​នឹង​នាំឱ្យបាន​សុខ​ដល់​ពួក​យើង​ផង​។

សមាធិ​កថា​ ​របស់​ពួកសប្បុរស​ ​អ្នកមាន​សមាធិ​ស្មើគ្នា​ ​នឹង​មានដល់​ពួក​យើង​ផង​ ​សមាធិ​កថា​នោះ​ ​នឹង​មាន​សេចក្ដី​ចម្រើន​ ​ដល់​ពួក​យើង​ផង​ ​សមាធិ​កថា​នោះ​ ​នឹង​នាំឱ្យបាន​សេចក្ដីសុខ​ ​ដល់​ពួក​យើង​ផង​។

បញ្ញា​កថា​ ​របស់​ពួកសប្បុរស​ ​អ្នកមាន​បញ្ញា​ស្មើគ្នា​ ​នឹង​មានដល់​ពួក​យើង​ផង​ ​បញ្ញា​កថា​នោះ​ ​នឹង​មាន​សេចក្ដី​ចម្រើន ដល់​ពួក​យើង​ផង​ ​បញ្ញា​កថា​នោះ​ ​នឹង​នាំឱ្យបាន​សេចក្ដីសុខ​ដល់​ពួក​យើង​ផង​។​

បិដកភាគ៤១ ទំព័រ៥៧

ដើម្បីដឹងរូបបរមត្ថ ដែលជារូបូបាទានក្ខន្ធនោះ អ្នកត្រូវតែចម្រើន ចតុទ្ធាតុវវដ្ឋានភាវនា រហូតអ្នកឃើញថា រូបផ្ទុកដោយសំណុំតូចៗ ដែលយើងហៅថារូបកលាប:ទាំងឡាយ ហើយអ្នកចាំបាច់ត្រូវតែឃើញចតុទ្ធាតុនៅក្នុងរូបកលាប:ទាំងអស់នោះ។ ហើយអ្នកចាំបាច់ត្រូវកំណត់ដឹងទាំងពីរ ទាំងវត្ថុ ទាំងអារម្មណ៍របស់វារួមជាមួយគ្នា។
បើមិនបានកំណត់ដឹងរូបតាមរបៀបនេះទេ អ្នកមិនអាចកំណត់ដឹងនាមបរមត្ថ។
ភិក្ខុ ធម្មត្ថេរ

បុគ្គលណាប្រាថ្នាចម្រើនសមាធិ ក្នុងព្រះអានាបានស្សតិព្រះកម្មដ្ឋាន ដើម្បីឲ្យឆាប់បានសម្រេចនូវគុណធម៌ ត្រូវប្រកបដោយធម៌៥យ៉ាង ឲ្យបានខ្ជាប់ខ្ជួន រមែងងាយទូន្មានចិត្ត និងកាយឲ្យស្ងប់ ចិត្តទទួលបាននូវសេចក្តីសុខ ទាំងផ្លូវកាយ និងផ្លូវចិត្តព្រមទាំងទទួលបានសុភមង្គលក្នុងគ្រួសារសព្វកាលជានិច្ច។
ធម៌៥ប្រការនេះគឺ
១.ជាអ្នកខ្វល់ខ្វាយតិច មានការងារមិនច្របូកច្របល់ ប្រកបមុខរបរចិញ្ចឹមជីវិតក្នុងសុចរិតធម៌ ចេះស្គាល់ប្រមាណ មានទ្រព្យចេះឲ្យទាន ប្រកបដោយមេត្តាដល់ខ្លួនឯងនិងអ្នកដទៃ។
២.ជាអ្នកបរិភោគតិច ស្គាល់ប្រមាណ មិនល្មោភបរិភោគច្រើនពេក ឃ្លានគិតតែពីចង់បរិភោគនេះ បរិភោគនោះ នោះទេ ត្រូវបរិភោគដើម្បីសុខភាពល្អតែប៉ុណ្ណោះ។
៣.ជាអ្នកមានសតិស្មារតី ភ្ញាក់រលឹកជាប់ជានិច្ច ជាអ្នកដេកតិច មិនសូវដើរលេងឡេះឡោះឥតប្រយោជន៍ច្រើន។
៤.ជាអ្នកយល់ធម៌ទៅតាមហេតុផល មានវាចាល្អ មិនរោយរាយឥតប្រយោជន៍ចូលចិត្តស្ងប់ស្ងាត់ រីករាយកន្លែងស្ងប់ស្ងាត់ ប្រាស់ចាកពីពួកគណៈ អ៊ូអរច្រើន។
៥.ជាអ្នកមានប្រាជ្ញា ត្រិៈរិៈពិចារណាមានឆន្ទៈមុះមុត ឧស្សាហ៍ព្យាយាមប្រឹងប្រែង ចេះអត់ធន់នូវភាពទុក្ខលំបាកនៅពេលចម្រើនប្រត្តិបត្តិធម៌ចេះតស៊ូលះបង់កិលេសដែលជាគ្រឿងសៅហ្មងក្នុងចិត្តរឿយៗ រហូតបានស្ងប់ស្ងាត់ពួកអកុសលទាំងឡាយ។
ព្រះសម្មាសម្ពុទ្ធ ព្រះអង្គទូន្មានថាបើនរណាសមាទានកាន់យកធម៌៥ប្រការនេះ ប្រព្រឹត្តតាមឲ្យបានខ្ជាប់ខ្ជួនរមែងបានសម្រេចគុណធម៌បានជាបច្ច័យរួចចាកសេចក្តីទុក្ខទាំងពួងបាន។

ជិតរួចរាល់ហើយចេតិយសម្រាប់តម្កល់ព្រះធាតុព្រះគ្រូ ចាន់ ស៊ីរ៉ា អតីតព្រះចៅអធិការវត្តពើងព្រះគោព្រះកែវ និងជាព្រះបាឡាត់គណខេត្តព្រះវិហារ🥰🥰🥰 បុណ្យឆ្លងនឹងប្រព្រឹត្តទៅនៅដើមខែកុម្ភៈ ឆ្នាំ២០២៣ ស្របតាមសំណូមពររបស់កូនប្រុសរបស់លោក🥰🥰🥰 សូមញាតិញោមរីករាយជ្រះថ្លាអនុមោទនាបុណ្យ🥰🥰🥰