Korea from A to Z.
everything you need to know about South Korea. كل ما تحتاج معرفته عن كوريا الجنوبية و الأماكن التي يجب عليك زيارتها
29/07/2021
Lotte outlets
ده مول بجانب محطة سيول seoul station
بيوفر محلات فيها اكتر من ١٤٠ براند عالمي من الملابس بأسعار مخفضة 😉💜
يعني تروح تعمل هناك الشوبنج طالع بلبس من براندز عالمية بنص التمن او اكتر💜
22/07/2021
طبعاً كلنا بتشوف ف الدراما الكورية أن في كذا لون للباصات هناك؟ بس هل يا ترا تعرفوا كل واحد فيهم مخصص لأية؟
تعالوا اقولكم ❤️
في اربع خمس انواع من الباصات فكوريا
الباص الأخضر⬅️ 지선 버스 (jiseon beoseu)
ده بيوصل ما بين الطرق الرئيسية و محطات المترو
الباص الأزرق⬅️ 간선 버스 (ganseon beoseu)
ده بيوفر توصيله سريعة بين المناطق و محطات الباصات الرئيسية
طب ده بيتكلف كام؟ من ٩٠٠ ل ١٠٠٠وون يعني حوالي دولار واحد لأول ١٠كم عن طريق بطاقة الباص و حكلمكم عنها في نفس البوست❤️
الباص الأحمر⬅️ 광역 버스 (geangyeok beoseu)
بيوفر النقل السريع في المناطق الحضرية زي العاصمة سيول و المدن اللي في مقاطعة Gyeonggi
طب الباص الأصفر⬅️ 순환 버스 (sunhwan beoseu)
بيوفر نقل خط دائري جوا المراكز الحضرية والمراكز الفرعية الحضرية
طب انا المفروض ادفع ازاي ؟
زي ما بتشوف ف المسلسلات كدة بالظبط بتطلع الباص و بيحطوا كارد على جهاز سينسور كدة و بعدين بيدخلوا يقعدوا
طب ايه الكارت ده و اجيبه منين؟ حتروح اي سوبرماركت هناك و حتدخل تقول لعمو اللي الجوا عايز كارت باص و عايز اشحنه ب ١٠دولار مثلا بس كدة و اما الفلوس اللي عليه بتخلص بتروح تشحنه تاني عادي جدا❤️ الموضوع سهل صح؟ ولا خدي يا أبله أربعة من خمسين ولا القرف ده كله😂
اتمنى تكونوا استفدتوا❤️
21/07/2021
استكمالاً البوست امبارح
طبعا مينفعش تروح برج نامسان من غير ما تحود على منتزة نامسان Namsan park
بدل ما تكتشف بعدين أن في منتزة جنب البرج و تندم انك مدخلتهوش اديك عرفت اهو👀❤️
دخول المنتزة مجاني😉❤️
طب اقدر الاقي ايه ف المنتزة ده؟
ممر مشي طوله ٦.٧ كيلو
حتلاقي مناظر جميلة زي بركة و نافورة ماية و ورد كتير❤️❤️
لو بتحب الرياضة فا حتلاقي هناك حمام سباحة ،ملعب تنس، تنس الطاولة ، ملعب كرة سلة، حقل للرماية بالسهام، منطقة للتزلج بال skate boards 🛼 🛹
لو بتحب الثقافة و التعلم فا حتلاقي مكتبة ، موقع تاريخي تذكاري( دخوله مجاني) ، مركز ثقافي
متاح بردو هناك محل للسناكس و تلسكوب تقدر تشوف بيه البرج و بنشات لو حابب تقعد
متاح بردو toilets هناك
و المكان مفتوح ٢٤ ساعة
Tell me your opinion in the comments below ❤️
And don't forget to follow us on Instagram
https://instagram.com/kore.a250?utm_medium=copy_link
20/07/2021
لو انت رايح كوريا أو بتخطط تروحها فالمستقبل فا برج نامسان ده من الأماكن الرئيسية اللي لازم تروحها هناك😉
برج نامسان أو Namsan tower موجود بالعاصمة سيول و هو يعتبر أول برج استخدموه فكوريا للسياحة.
ليبلغ ارتفاعه ٤٨٠متر فوق سطح البحر طويل جدا صح؟ عشان كدة بيحطوا أوبشن لطيف أنك تستخدم التلفريك عشان تطلعه و أهيه تجربة جديدة و ممتعة بردو 😉❤️
الا لو بتخاف من المرتفعات فا بلاش منه احسن و استخدم الاسانسير عادي😂
ركوب التلفريك🔻
تذكرة طلوع بس🔻
- للكبار بتكلف ⬅️٧٠٠٠وون يعني ٦ دولار و ١٠سنت و لو بالمصري يبقى حيكلفك ٩٥ج و نص
- للأطفال بتكلف⬅️ ٤٠٠٠وون = ٣ دولار و نص = ٥٤ج و نص
طب لو حبيت الموضوع و عايز انزل بيه تاني يعني ذهاب و عودة 🤔🔻
للكبار⬅️ ٩٥٠٠وون= ٨ دولار و ٢٨ سنت = ١٣٠ج
للأطفال⬅️ ٦٥٠٠وون= ٥دولار و ٦٧سنت =٨٩ج
(مواعيد عمل التلفريك من ١٠ص ل ١٠م و المواعيد ممكن تختلف ف الإجازات و أيام الجمعة و السبت )
طب تذكرة دخول البرج نفسه بتتكلف كام يا ترا🤔🔻
لو طالع البرج نفسه تتفرج من فوق فا حتدفع
⬅️١١٠٠٠وون للكبار يعني ٩ دولار و ٦٠سنت أو ١٥٠ج
⬅️٩٠٠٠وون للأطفال يعني ٧.٨٤ دولار أو ١٢٣ج
لو داخل ال Ryan CHEEZZZBALL ADVENTURE: Big3 20,000 won / Big2 16,000 won / Big1 10,000 won
طب ايه الخدمات اللي اقدر الاقيها فبرج نامسان؟
Seoul tower plaza
⬅️في Starbucks ف الدور الأول
⬅️محل هدايا gift shop ف الدور التاني تشتروا منه souvenirs لصحابكم و اهلكم
⬅️الدور التالت فيه أمن
⬅️الدور الرابع حتلاقوا فيه ال Ryan CHEEZZZBALL ADVENTURE لو حبيتوا تدخلوها حتلاقوا كمان فنفس الدور game plaza لو حبيتوا تلعبوا و حتلاقوا VR hall صورها موجودة تحت
Namsan tower
⬅️حتلاقوا فيه كشك التذاكر
⬅️محل برجر
⬅️حتلاقوا فيه مطعم فراخ olive youngاللي كان فمسلسل goblin ❤️
⬅️و مطاعم تانية كتير
و طبعا منقدرش ننسى الجسر الجامد اللي بيحطوا فيه أقفال عليها اسمهم و اسم حبيبهم ( السنجل يعيط معايا)
معلش نسيت اكتب لكم تروحوه ازاي و تركبوا ايه🥺❤️
في ٣ طرق تروحوا بيها برج نامسان
١- عن طريق باص اسمه Namsan circular shuttle bus
رقم ٢ تقدر تاخد الباص ده من محطة المترو يأما محطة ⬅️chungmuro و تاخد خط المترو رقم ٣ أو ٤ و تخرج من عند مخرج رقم ٢ حتلاقي المخرج قدام سينما اسمها daehan
⬅️او محطة Dongguk univ خط مترو رقم ٣ مخرج رقم ٦
٢-نفس الباص اللي فوق بس رقم ٤ حناخد الباص ده من أقرب محطة مترو زي محطة
⬅️city hall station
خط مترو سيول رقم ١ أو ٤
⬅️jonggak station
خط مترو سيول رقم ١
⬅️jongno 3 (Sam)ga station
خط رقم ١ أو ٣ أو ٥
⬅️Dongdaemaun history and culture park station
خط رقم ٢،٤،٥
و آخر طريقة هي لو عايز تروحه بالتلفريك حتعمل ايه؟
حتروح myeong d**g station حتركب خط مترو رقم ٤ حتطلع من المخرج رقم ٣ و بعدين حتمشي ربع ساعة على يمين الشارع اللي فيه فندق باسيفيك و حتشوف عربيات التلفريك ❤️
Tell me your opinion in the comments below❤️
And don't forget to follow our Instagram account 🔻
https://instagram.com/kore.a250?utm_medium=copy_link
Click here to claim your Sponsored Listing.
