شوكة و سكينة - Fork & Knife, Saïda (2024)

Photos from ‎شوكة و سكينة - Fork & Knife‎'s post

07/02/2024

يسعد أوقاتكن ❤️
سألتوني عن طريقة الكيك بالريل يلي قبل ، هيدي الطريقة 👇🏻 كتييير طيب و قلبو اسفنجة 😍

اسحبوا الشاشة 👈🏻 لتشوفو باقي الصور ..

إعملوا save لترجعوا للوصفة
و لايك و تعليق ليوصلكن كل وصفة جديدة من صفحتي ❤️

———————————————
🍰 يُخفق ٤ بيض لمدة دقيقة ثم يضاف ١ و ٣/٤ كوب سكر و ملعقة صغيرة فانيلا و يخفق حتى يصبح اللون فاتح و القوام كريمي ، يضاف نصف كوب زيت و يخفق ثم ربع كوب لبن ( روب) و ٣/٤ كوب عصير برتقال أو ميرندا و يخفق ليتجانسوا.
🍰 في وعاء جانبًا تنخل النواشف معًا ، ٢ كوب طحين و ٢ ملعقة كبيرة نشاء الذرة و رشة ملح و ٢ ملعقة كبيرة بيكنغ باودر.
🍰 يضاف خليط النواشف لخليط البيض تدريجيًا و يخفق حتى يتجانسوا و تختفي كل التكتلات ، ثم يضاف ملعقة كبيرة قشر برتقال مبشور.
🍰 يخلط ربع ملعقة صغيرة كربونة ( بيكربونات الصوديوم/بيكنغ صودا ) مع ملعقة صغيرة خل أبيض و تضاف للخليط و يخلط قليلا ثم يوضع في قالب مدهون زيت او زبدة و رشة طحين و يخبز في فرن محمى مسبقا حرارة ١٨٠ لمدة ٣٠-٣٥ دقيقة.

و بالعافية…❤️
——————————————

إعملوا save لترجعوا للوصفة
و لايك و تعليق ليوصلكن كل وصفة جديدة من صفحتي ❤️

16/10/2023

اللهم اجعل حظّ عبادك المظلومين والمستضعفين في الأرض وافراً ونصيبهم كبيراً، وما أنزلت من شر، وبلاء، وداء، وسوء، وفتنة فاصرفه عنا وعن الإسلام والمسلمين، واجعله في الظالمين وأعوانهم ومن ركن إليهم ومن والاهم ممّن يصرّون على ما يفعلون وهم يعلمون، يا رب العالمين ❤️❤️

10/10/2023

" اللهم يا ذا الجلال والإكرام يا ذا المن والعطاء أنصر المجاهدين في كل مكان، اللهم إرفع لهم الرايات وعزز لهم القوات وإجعلهم لنا قدوات، اللهم إنا نسألك أن تكون مع المرابطين والمجاهدين في كل مكان اللهم أنصرهم نصراً عزيزاً يا عزيز اللهم أنصرهم نصرًا مظفراً يا كريم يا رحيم"

#غزة #فلسطين

09/05/2023

يسعد أوقاتكن❤️
جبنة بلدية شغل بيت أطيب و أنطف من كل المصانع 😍
لتشوفو الطريقة ، فوتو على صفحتي ⬅️ بال هايلايتس highlights ⬅️ مونة البيت
الطريقة موجودة بالتفصيل 😍

إعملوا save لترجعوا للوصفة
و لايك و تعليق ليوصلكن كل وصفة جديدة من صفحتي ❤️

#تصوير #وصفات #اكسبلور #جبنة #فولومي #فولو #وصفاتي

17/04/2023

‏‎ثالث و أسهل وصفة من وصفات العيد ❤️
‏‎نوجا العيد بالمكسرات😍
إسحبوا الشاشة 👈🏻و شوفوا بتقي الصور 😍
‏‎الوصفة بتتحضر ب أقل من ١٠ دقائق و النكهة كتير طيبة و ما بتنشف أبدًا 🥰
‏‎الطريقة بُكرا 😍

‏‎إعملوا save لترجعوا للوصفة
‏‎و لايك و تعليق ليوصلكن كل وصفة جديدة من صفحتي ❤️
‏
———————————————

‏ #عيد #حلويات #نوجا #اكسبلور #وصفاتي #فولو

01/04/2023

صيام مقبول و إفطار شهي ❤️
فكرة وجبة كاملة للإفطار و صحية و بتشبع ، كباب بطريقتي كتير طيب و خفيف و تحضيره سريع 😍 ( الكباب غير الكفتة ، الكباب بدون بقدونس )
الطريقة بُكرا إن شاء الله❤️

إعملوا save لترجعوا للوصفة ازا ما شفتوها
و لايك و تعليق ليوصلكن كل وصفة جديدة من صفحتي ❤️

————————————-

#كباب #اكسبلور #تفاعل #صحي

22/02/2023

يسعد أوقاتكن ❤️
هيدا بحب كيك شوكولا ، و هيدا بحب كيك فانيلا ، و هيدا الكيك بيرضي ال ٢ 🤣
كيك نصف فانيلا و نصف شوكولا و الصورة بتحكي شو طيب 😍😍

إعملوا save لترجعوا للوصفة
و لايك و تعليق ليوصلكن كل وصفة جديدة من صفحتي ❤️
——————————-

خفقت ٤ بيض بحرارة الغرفة مع ملعقة صغيرة فانيلا و ملعقة صغيرة خل و برش برتقال لمدة دقيقتين ، زدت كوب و ٣/٤ سكر و خفقتن ل حتى صار القوام كريمي و فاتح اللون ، زدت ثلث كوب زيت و خفقت دقيقتين و زدت نصف كوب لبن ( زبادي ) و نصف كوب حليب سائل و خفقت لحتى امتزجوا .
على جنب نخلت ٢ كوب طحين و ٢ ملعقة كبيرة نشاء الذرة و ٢ ملعقة كبيرة بيكنع باودر و رشة ملح صغيرة و زدتن بالتدريج لخليط البيض ، بزيد و بخلط بدون المبالغة بالخفق .
قسمت الخليط نصفين ، دوبت ملعقتين كبار كاكاو مع ٣ ملاعق كبيرة ماء و زدتن على النصف الأول و خلطن لحتى تجانسوا .. صار عندي نصف فانيلا و نصف شوكولا.
دهنت قالب الكيك زبدة او زيت و رشة طحين و صبيت الخليطين بنفس الوقت ، كل خليط من جهة ..
خبزت الكيك بفرن محمى مسبقًا حرارة ١٨٠ لمدة ١٠ دقايق ، و برجع بنزل الحرارة لل ١٧٠ لمدة ٢٠-٢٥ دقيقة حسب حم الفرن .

و بالعافية …❤️
—————————
إعملوا save لترجعوا للوصفة
و لايك و تعليق ليوصلكن كل وصفة جديدة من صفحتي ❤️
‏

#كيك #وصفات #طبخ #اكسبلور

11/01/2023

يسعد أوقاتكن❤️

كيك الشتوية 😍 كيك الكلمتين 🍊 قلبو متل القطن طري 🧡و فيكن تستعملو برتقال بدل الكلمتين أو تخلطوهن سوا حسب المتوفر🧡

إعملوا save لترجعوا للوصفة
و لايك و تعليق ليوصلكن كل وصفة جديدة من صفحتي 🧡

——————————
ملاحظة أنا عملت عيارين يعني كل المكونات x 2

٤ بيض بحرارة الغرفة
ملعقة صغيرة فانيلا
برش برتقال
خفقتن بخلاط العصير( او بخلاط الكيك او الإيد) دقيقتين و زدت كوب و ربع سكر و خفقتن لصار القوام كريمي و اللون فاتح ، زدت نصف كوب زيت نباتي خفق دقيقة و زدت ربع كوب لبن(رايب /زبادي) و ٣/٤ كوب عصير كلمنتين و خفقت دقيقة و صبيت الخليط على جنب ..
على جنب نخلت ٢ كوب طحين و ملعقة و نصف كبيرة بيكنغ باودر و ملعقتين كبار نشاء الذرة و رشة ملح صغيرة و ضفتن بالتدريج على خليط البيض ، بضيف و بخلط بدون المبالغة بالخفق لحتى تختفي كتل الطحين
دهنت القالب طحينة و ممكن زبدة او زيت و طحين حسب المتوفر و صبيت الخليط و خبزتو بفرن محمى مسبقا حرارة ١٨٠ درجة مئوية الرف الوسط ١٠ دقايق ، و برجع بنَزِّل الحرارة لل ١٧٠ لمدة ٢٠-٣٠ دقيقة حسب حم الفرن.

ملاحظة : ازا عملتو عيارين رح يحتاج وقت اطول بالفرن تقريبا ٥٠ دقيقة مجمل الوقت.

و بالعافية…🧡
————————-
إعملوا save لترجعوا للوصفة
و لايك و تعليق ليوصلكن كل وصفة جديدة من صفحتي 🧡

🍊 #اكسبلور #كيك #كيكة #وصفات #اكسبلور #تفاعل

03/01/2023

يسعد أوقاتكن ❤️
أول وصفة للسنة الجديدة 😍
كب كيك كنافة أو ميني كنافة بالقشطة😍
الوصفة مناسبة كتير ازا عندكو عزيمة او حفلة شكلن مرتب للتقديم😍
الطريقة رح تنزل بالتفصيل بالفيديو بكرا 🔥

إعملوا save للبوست لترجعوا للوصفة ازا ما شفتوها
و لايك و تعليق ليوصلكن كل وصفة جديدة من صفحتي❤️

#كنافة #وصفات #فولو #اكسبلور

26/12/2022

يسعد أوقاتكن❤️
شو أكتر جزء بالدجاج بتحبو ؟ جوانه أفخاد أو صدورة ؟
بكرا في وصفة جوانح دجاج مقرمشة بطريقة سهلة كتير 😍
إسحبوا الشاشة 👈🏻 و شوفو تاني صورة😍

إعملوا save للبرست لترجعوا للوصفة إزا ما شفتوها
و لايك و تعليق ليوصلكن كل وصفة جديدة من صفحتي ❤️

#فولو #وصفات #دجاج #جوانح #اكسبلور

07/12/2022

يسعد أوقاتكن❤️
وصفة سهلة و خفيفة للفطور للعشاء للسناك ل لانش بوكس ، بتزبط بكل شي 😍
رولات الزعتر ، Za’atar Rolls 🔥❤️
الوصفة رح تنزل بالتفصيل بكرا إن شاء الله❤️

اعملوا save للبوست لترجعوا للوصفة من الهاشتاغ 👈🏻
و لايك و تعليق ليوصلكن كل وصفة جديدة من صفحتي ❤️

#وصفاتي #فولو #اكسبلور #عجين #عجينة #زعتر

05/12/2022

يسعد كل أوقاتكن❤️
من زمان كتير ما نزلت صور 😍 اسحبوا الشاشة 👈🏻و شوفو باقي الصور 🥰
هيدا الحلو الكتيييييررر بشهي وصفتو بكرا 😍

و اعملوا save للبوست لترجعوا للوصفة من الهاشتاغ 👈🏻
و لايك و تعليق ليوصلكن كل وصفة جديدة من صفحتي ❤️

#اكسبلور #حلويات

01/12/2022

يسعد أوقاتكن❤️
وصفة اليوم لمحبوبة الجماهير ، الغنية عن التعريف ، شاورما اللحمة ☺️😍 جربوها بطريقتي و خبروني رأيكن 😍

——————————-
ملاحظة : كمية البهارات مش كتير ، انا ما استعملت بهار شاورما جاهز ، حضرتو انا بالبيت من الخليط المذكور بالمكونات.

كيلو لحمة فيليه مقطعة شرحات رفيعة
دهن خروف ( الكمية حسب الرغبة)
٢ حبة بندورة وسط مقطعة شرحات
حبة بصل وسط مقطعة شرحات

التتبيلة:
ملعقة صغيرة من كل من ، فلفل أسود و زنجبيل بودرة و كزبرة يابسة و جوزة الطيب و قرفة و بابريكا
نصف ملعقة صغيرة بهار حلو
ربع ملعقة صغيرة قرنفل
نصف ملعقة صغيرة هال بودرة
ربع ملعقة صغيرة مستكة مطحونة
ربع كوب عصير برتقال
عصير نصف ليمونة(حامضة)
ربع كوب خل ابيض
ملعقة كبيرة طحينة
٦ ملاعق كبيرة لبن ( رايب)
ربع كوب زيت نباتي
٣ ملاعق كبيرة زيت زيتون
نصف ملعقة صغيرة ثوم مهروس ناعم
ملعقة صغيرة قشر ليمون 🍋 مبشور
الملح يضاف وقت الطهي فقط

تخلط اللحمة مع البصل و البندورة ، ثم تخلط التتبيلة معا و تضاف ل اللحمة و تحلط جيدا و تغلف و تترك في البراد من ٤ ساعات ل ليلة كاملة ( يفضل ليلة كاملة لتعزيز النكهة)
تحمى صينية على النار مع اضافة القليل من الزيت ، تضاف شرحات اللحم و تطهى على نار عالية حتى تنضج ، تطهى كمية تلوى الاخرى ، او يمكن وضعها في صينية كبيرة في الفرن و تطهى كل الكمية معا.

صلصة الطحينة:
ربع كوب طحينة
ربع كوب ماء
ربع ملعقة صغيرة ملح
٢ ملعقة كبيرة عصير ليمون 🍋
ملعقة كبيرة لبن ( رايب)
تخلط معا و تترك في البراد نصف ساعة حتى تصبح سميكة.

سلطة الجنواز:
بقدونس مفروم خشن
بندورة و بصل شرحات
زيت زيتون ، القليل من دبس الرمان ، عصير ليمون 🍋، رشة سماق و فلفل اسود و قرفة بسيطة و ملح.

و بالعافية…❤️
——————————
اعملوا save للبرست لترجعوا للوصفة
و لايك و تعليق ليوصلكن كل وصفة جديدة من صفحتي ❤️

#شاورما

27/10/2022

يسعد أوقاتكن❤️
أسرع و أطيب وصفة معكرونة بالبشاميل بطريقتي 🤤😍 ضروري تجربوها خطيرة🔥

_________________

📌للمعكرونة:
معكرونة أي شكل مرغوب ( استعملت penne) ..تسلق المعكرونة بماء يضاف له ملح و زيت و ربع مكعب مرق(اختياري) حتى تنضج ثم تصفى جيدا و توضع جانبًا.

📌اللحمة:
٤٠٠ غ لحمة مفرومة ناعمة
ملعقة كبيرة زبدة و زيت نباتي
بصلة وسط مفرومة ناعم
٢ ملعقة صغيرة ٧ بهارات
٣/٤ ملعقة صغيرة فلفل أسود
ربع ملعقة صغيرة جوزة الطيب
ملعقة كبيرة اوريغانو
ملعقة كبيرة حبق مجفف او طازج مفروم ناعم
ملعقة صغيرة من كل من ثوم بودرة و بصل بودرة
ربع مكعب مرق
ملح
يقلب البصل بالزبدة و الزيت حتى يدبل ثم تضاف اللحمة و تقلب حتى يتغير لونها تضاف البهارات و الملح و يقلب حتى تنشف و توضع جانبًا.

📌للبشاميل :
٢ ملعقة كبيرة زبدة
ملعقة صغيرة زيت نباتي ( لمنع احتراق الزبدة)
٥ ملاعق كبيرة طحين
٣ كوب حليب سائل
نصف كوب كريمة طبخ
ربع ملعقة صغيرة جوزة الطيب
نصف ملعقة صغيرة بصل بودرة و ثوم بودرة
رشة ملح صغيرة
تذوب الزبدة مع الزيت ثم يضاف الطحين و يحرك بسرعة حتى يتشرب الزبدة ثم يضاف الحليب تدريجيًا مع تحريك مستمر حتى تختفي كتل الطحين ، تضاف الكريمة و البهارات و الملح و يحرك تحريك مستمر حتى يغلي البشاميل و يثقل ، يرفع عن النار.

توضع الباستا ، مع اللحمة و البشاميل في الصينية او البايركس و تخلط معا جيدا ثم يضاف جبنة موزاريلا على الوجه ( ممكن اضافة اي نوع اجبان اخرى مرغوبة ، انا استعملت شيدار و بارميزان مع الموزاريلا) و تدخل فرن محمى مسبقا الرف الوسط اعلى حرارة ، من الأسفل ، لمدة ١٠ دقائق ثم يحمر وجه الجبنة .

و بالعافية…❤️
—————————-
اعملوا save للبرست لترجعوا للوصفة
لايك و تعليق ليوصلكن كل وصفة جديدة من صفحتي ❤️

‏ 🇮🇹 #اكسبلور

12/10/2022

يسعد مساكن❤️
Cinnamon/Cinnabon Rolls 😍
وصفة اليوم سينامون/سينابون رولز ❤️
‏
———————————
■العجينة :
٣/٤ كوب حليب سائل دافئ
ملعقة كبيرة خميرة
ملعقة و نصف كبيرة سكر
تخلط المكونات معا و تغطى و تترك ٢٠ دقيقة حتى تتفاعل الخميرة(اذا لم تتفاعل المكونات فالخميرة غير صالحة للاستعمال)
ثم تضاف باقي المكونات ..
ربع كوب لبن (زبادي/رايب)
ملعقة صغيرة بيكنغ باودر
ربع ملعقة صغيرة ملح
نصف ملعقة صغيرة قرفة ناعمة
١ بيض
٢ و نصف كوب طحين
و تعجن حتى تلم العجينة (ممكن ان نحتاج المزيد من الطحين)
ثم يضاف ربع كوب زبدة لينة و تعجن مجددا ثم توضع في وعاء مدهون زبدة او زيت و تغطى و تترك في مكان دافئ حتى يتضاعف حجمها و تختمر (تقريبا من ساعة و نصف لساعتين حسب الطقس)
■الحشوة:
تقريبا ثلث كوب زبدة لينة للدهن
و للحشوة نصف كوب سكر بني ( او سكر ابيض اذا لم يتوفر)
ملعقة كبيرة قرفة ناعمة
ربع ملعقة صغيرة فانيلا
ملعقة كبيرة كاكاو بودرة(اختيارية)
■الآيسنغ :
١/٣ كوب حليب سائل
١/٣ كوب سكر بودرة
ملعقة صغيرة فانيلا
٤ مكعبات جبن كيري او اي نوع جبن كريمي
تخفق حتى تتجانس (او تخلط بال blender ) و توضع بالبارد حتى تبرد قبل الاستعمال
■صوص الشوكولاتة اختياري اي نوع مرغوب فيه .. انا استعملت نوتيلا مذوبة مع رشة زيت بحمام مائي او في الميكروويف.

بعد ان تختمر العجينة يرش السطح بالطحين و تفرد العجينة على شكل مستطيل تقريبا… بسماكة متوسطة نصف سم تقريبا ( غير رقيقة و غير سميكة) ثم تدهن بالزبدة ثم ترش الحشوة و ترص بكف اليد قليلا على العجينة ( نبعد الزبدة و الحشوة ١ سم عن الاطراف ) نلف العجينة رول و نغلق الاطراف و تقطع قطع متساوية بالسكينة او بخيط الاسنان و توضع في صينية مدهونة زبدة مع ترك مسافات بين القطع ، تغطى و تترك ٢٠ دقيقة لتختمر مجددا ثم تخبز في فرن محمى مسبقا حتى يتحمر الكعب و الاطراف ثم يحمر الوجه ، تخرج من الفرن تغطى ٥ دقائق ثم تزين بالدريسنغ و النوتيلا او حسب الرغبة ( يفضل ان تبقى مغطاة ) .
_________________
اعملوا save لترجعوا للبوست
و لايك و تعليق حلو ليوصلكن كل وصفة جديدة من صفحتي ❤️

#سينامون

07/10/2022

كبسة دجاج سعودية مع لمسات خاصة 🙈❤️

—————————-
الطريقة سهلة كتير بس بالكتابة طلعت اطول من سيرة حياتي 😂👀

بطنجرة على النار بحط زيت نباتي تقريبا ثلث كوب و ملعقة كبيرة سمنة بحميهن دقيقة بنزل فوقن بصلة كبيرة مفرومة مكعبات صغيرة كتير و عود قرفة و حبة لومي و ٤ حبات هال و ٤ قرنفل مسمار و ٤ورقات غار كبار (كل هول مطيبات،اي مكون ناقص منن مش مشكلة) و ملعقة كبيرة بهار كبسة(ممكن اقل او اكثر بشوي حسب جودة و طعم بهاركو) و٣/٤ ملعقة صغيرة كركم وً ٣/٤ملعقة صغيرة كاري و نص ملعقة صغيرة فلفل اسود و نصف مكعب ماجي او نص ملعقة صغيرة ماجي بودرة(اختياري) بس ما يكونو مليانين كتييير ملاعق البهارات …و بقلب كم دقيقة لتدبل البصلة و تطلع ريحة البهارات الحلوة😍 بزيد ملعقة صغيرة زنجبيل مهروس ناعم او بودرة نص ملعقة ازا ما توفر و فص ثوم كبير مهروس ناعم جدا و بقلب دقيقة بزيد ٢ فلفل اخضر حلو مفروم مكعبات بين وسط لصغيرة و ممكن تحطو حر كمان و ٣ جزر صغار مبروشين خشن و بقلب ٣ دقايق و بحط الطنجرة على جنب.
بطنجرة تانيي بحط ٣ ملاعق كبيرة زيت و رشة بهار كبسة صغيرة و بحميهن دقيقة بنزل قطع افخاد الدجاج اكيد مغسولة قبل وًمنظفة…و بتركن على نار وسط على كل وج ٣ دقايق تقريبا بس لاتخلص من زنخة الدجاج شوي (ازا ستعملنا صدور دجاج بنزلن فورا فوق البصل بدون هالخطوة)باخد الدجاج بدون الزيت بحطن فوق خليط البصل و بقلب على نار هادية لكل وج شوي لحتى يتشربو النكهة و اللون يتغير للدجاج بنزل كوب بندورة مطحونة مع نصف حبة فلفل رومي احمر(الفلفل اختياري بس بزيد نكهة طيبة) و ملعقة كبيرة معجون بندورة و تقريبا ٥ او ٦ كبايات مي سخنة و بقلبن و بغطيهن ليغلو بتركن على نار هادية ٣٠ دقيقة بزيد ملح و بحرك شوي و بتركن كمان ١٠ دقايق.
على جنب بكون مغسلي ٢ كوب رز بسمتي و ناقعيتو ٥ دقايق .. بحط الدجاج بصينية على جنب و بدهنو بخلطة( صلصة بندورة و زيت و ملعقة لبن و رشة كاري و بهار دجاج و فلفل اسود )و بدهن وجن و بحمرن بالفرن.. و بفضي الطنجرة من المرق كلو و بحط الرز فيها و بنزل ٣ كوب و نص من المرق (هيك بكون زبطت عيار المي للرز ،كل كوب رز بسمتي كوب و نص مي و بالاخر بزيد نص كوب لكل الكمية) و بزيد زبيب (اختياري) و بحركن و بغطيهن بتركن على نار عالية ليغلو ، نار وسط ليصر المي لمستوى الرز، نار هادية جداااا لحتى يستوو و تنشف المي بطفي و بتركن مغطيين ١٠ دقايق و بقدمن. زينتن بزبيب و كاجو مقليين..

‏ #كبسة

19/09/2022

‎يسعد مساكن ❤️
‎بيتيفور بطريقة كتير طيبة و رح يحبوها الصغار و الكبار 😍 حبيت إعملن بهيدا الشكل لَ بنتي بأول حرف من إسما ( Amal ) ❤️ و فيكن تحطوهن سناك بال lunch box للمدرسة 👍🏻

‎لإعمل هيدا الشكل استعملت قالب مربع و قالب مدور و طابع حرف A ، ممكن تحطو طابع أشكال أو أحرف أي شي بترغبو أو سادة … و للزينة دوبت شوكولا بيضاء مع ملعقة زبدة و ملعقة حليب سائل بحمام مائي على البخار و زينت فيهن و رشيت sprinkles ..

‎ازا حابين تشوفو الطريقة موضحة بالخطوات ، بتلاقوها بال highlights بصفحتي على الانستغرام ، اكبسوا على اللينك لتشوفو الصفحة 👇🏻

https://instagram.com/forkandknife_chef?igshid=1pos13xwuiumn

‎■مقاديرالعجينة:
‎كوب زبدة لينة ( قالب 200غ+معلقتين كبار )
‎ثلاث أرباع كوب سكر بودرة
‎بيضة كاملة+صفار بيضة
‎معلقة صغيرة فانيليا
‎نصف ملعقة صغيرة برش حامض
‎2 و نصف كوب دقيق(ممكن اقل حسب نوع الطحين)
‎رشة ملح
‎3ملاعق كبيرة كاكاو بودرة
‎ملعقة كبيرة زبدة لينة لعجينة الكاكاو

‎■الطريقة:
‎نخفق الزبدة لدقيقتين بواسطة الخفاقة الكهربائية ثم نضيف السكر و نحفق حتى يصبح القوام كريمي و اللون فاتح جدا ثم نضيف البيض والفانيليا والملح و البرش ونستمر في الخفق ثم نضيف كوبين الطحين ونخلط العجينة بسباتولا او معلقة خشب( تحريك و ليس عجن او خفق ) ...نغلف العجينة بنايلون طعام و نضعها في البراد 10 دقائق.
‎نقسم العجينة قسمين..قسم حليب و قسم نضيف عليه كاكاو و الزبدة و نحرك جيدا.
‎تفرد العجينة على نايلون بسمك متوسط و تقطع بالقوالب(اي اداة تزيين تستعمل يجب ان توضع في الطحين قبل وضعها على العجينة) ثم ندخل الصينية الى فرن محمى مسبقا على حرارة 180 حوالي 10-15 دقيقة حسب حم الفرن حتى تتحمر الأطراف...ثم يحمر الوجه قليلا لدقيقتين..
‎تزين بالنوتيلا او اي نوع شوكولا و تحشى شوكولاتة او مربى مشمش.
‎■عجينة البيتفور لينة
‎■في حال عدم توفر اشكال التقطيع ممكن تقسيم العجينة الى كرات صغيرة جدا و ترص كل كرة لتصبح بالسمك المطلوب و تزين بالشوكة بعد غمسها بالطحين او اي اداة اخرى لإعطاء الشكل المرغوب.
‎■يجب عدم تحريك البيتفور من الصينية بعد الخبز الا بعد مرور ٢٠-٣٠ دقيقة تقريبا حتى لا يتكسر.
‎■تذوب النوتيلا مع القليل من الحليب السائل في حمام مائي لتسهيل الاستعمال.
‎■توضع قطعة بيتيفور فانيليا في صينية بيتيفور الشوكولاتة لمعرفة انتهاء وقت الخبز لأنها يظهر عليها اللون الاشقر.
‎بالعافية...❤

#بيتيفور

07/09/2022

لحمة بالعجين بدون عجن ، بأسهل و أسرع طريقة ، و تتبيلة لحمة على طريقتي أسطورية 🔥😍

________
٧٠٠ غ لحمة ناعمة(مخلوطة بين غنم + عجل او فقط عجل مع دهن) ، الدهن او الغنم ضروري لحتى ما تنشف اللحمة.
٢ بصل وسط مفروم ناعم
٢ كوب و نصف بندورة مطحونة
ربع كوب لبن زبادي
٢ ملاعق كبيرة طحينة
ثلث كوب دبس رمان
معجون فلفل حر او حلو( الكمية حسب الرغبة)
بهارات ( ٧ بهارات ، فلفل اسود ، سماق ، بابريكا و ملح)

الحر ممكن اضافتو بالطريقة المرغوبة ( اخضر مفروم ناعم او معجون فلفل او بهار حر بودرة او زيت حر )

بخلط اللحمة مع البندورة و البصل و بتركن يصفو المي منن ، بزيد على اللحمة باقي المكونات و بخلطن ، بدهن الصينية زيت خفيف و بحط خبز التورتيلا و بمد فوقو اللحمة و بخبزا بفرن محمى مسبقا من تحت لحتى يتحمر الكعب ( ما بتحتاج وقت كتير تقريبا ٥ دقائق)،و برجع بحمر الوج تحت الشواية لحتى تنشف اللحمة…
بتتقدم ساخنة مع لبن عيران و حامض و روكا ( حسب الرغبة).

01/09/2022

لحمة بالعجين بدون عجن ولا وجع قلب 🙈
و بتتبيلة على طريقتي خرافية 😎

الطريقة بالفيديو بالتفصيل بكرا إن شاء الله ❤️

اعملوا save للبوست و بترجعوا للطريقة من خلال الهاشتاغ👇🏻

—————-
لايك و تعليق حلو ليوصلكن كل وصفة جديدة من صفحتي ❤️

‏ #وصفاتي #اكسبلور

30/08/2022

وصفة اليوم قد ما هي بسيطة قد ما قد طيبة كتيييير و خفيفة 😍
صينية بطاطا بيوريه او سوفليه باللحمة بطريقتي 😍
جربوهاا رح تحبوها كتير ❤️

______________________

📌لَـ البطاطا :
كيلو و نصف بطاطا مقشرة و مقطعة مكعبات ، تسلق بماء و رشة ملح.

تصفى البطاطا و يضاف 4 قطع كبيرة زبدة و نصف كوب كريمة طبخ سائلة او حليب سائل و ملح و ربع ملعقة صغيرة فلفل أبيض و ربع ملعقة صغيرة جوزة الطيب و تهرس معا بهراسة البطاطا او الشوكة (هرس و ليس دق بالمدقة و لا بالمكنة الكهربائية)

📌حشوة اللحمة:
بصل كبيرة مفرومة مكعبات صغيرة تقلب بالزيت حتى تذبل ثم يضاف ٦٠٠ غ لحمة ناعمة تقلب حتى تنشف يضاف البهارات (٣/٤ ملعقة صغيرة ٧ بهارات ، نصف ملعقة صغيرة بهار حلو ، ربع ملعقة صغيرة فلفل اسود و ربع ملعقة صغيرة قرفة و ملح)

📌تدهن الصينية زيت و تمد نصف كمية البطاطا
📌تضاف حشوة اللحمة
📌طبقة من جبنة الموزاريلا ( اختيارية)
📌رشة أوريغانو و حبق مجفف
📌طبقة بطاطا و يملس السطح
📌كعك مطحون(بقسماط) و رشة زيت زيتون على الوجه او قطع من الزبدة
📌تدخل فرن محمى مسبقا الرف الوسط حرارة ٢٠٠ لمدة نصف ساعة ثم يحمر الوجه.
————————————
اعملو save للبوست لترجعو للوصفة
و لليك و تعليق حلو ليوصلكن كل وصفة جديدة من صفحتي ❤️

14/06/2022

شو رأيكن بساندويش فلافل متل هيك ؟؟😍😍
أدي بتحبو الفلافل ؟؟ 😍😍
شوفو آخر صورة خطيرة🔥😋😋

الطريقة رح تنزل بالفيديو بالتفصيل هاليومين إن شاء الله و رح تحبوها كتير 👍🏻

و هلأ إعملوا save للبوست ، و بترجعوا للوصفة من الهاشتاغ 👇🏻

______________
دعمكن بلايك و تعليق حلو ليوصلكن كل بوست و وصفة جديدة من صفحتي❤️

💉🍝🍕🍟🍫🍦🍔🍣🍭 #فلافل #وصفاتي

09/06/2022

مساء الخير 😍😍
نَزلت من قبل طريقة المشوشة (مسبحة بالطحينة) ، و رح أعطيكن كمان أطيب طريقة للفول المتبل ، بس تجربوها مرة رح تدمنوها 😍
اسحبوا الشاشة 👈🏻 و شوفو باقي الصور 🥰

الطريقة رح تنزل بكرا بال reels 😍
و هلأ اعملوا save لحتى ترجعوا للبوست من الهاشتاغ 👇🏻

_______________
دعمكم بلايك و تعليق حلو ليوصلكن كل وصفة جديدة من صفحتي ❤️

03/06/2022

يسعد مساكن 😍
ازا عملتو كيك و فشل او ازا بقي عندكو كيك ناشف فيكو تستفيدو منو بهيدي الطريقة ، و أكيد بالكيك الطازة كمان🙈😍😍

————————-

1️⃣بأكواب أو كاسات بحط أول طبقة قطع كيك و بسقيها بحليب سائل كمية بسيطة و ممكن ندوب بالحليب نيسكافيه و سكر بزيد نكهة كتير طيبة.

2️⃣تاني طبقة كريمة سائلة مخفوقة مع كاكاو و نيسكافيه و سكر بودرة و ممكن تستعملو كريمة بودرة (dream whip) بدل السائلة و تخفقوها متل ما مذكور على العلبة مع حليب سائل.

3️⃣و بكرر نفس الخطوات و اخر خطوة رشة كاكاو على الوجه و بترك الكاسات بالبراد لحتى يبردوا ( بتتقدم باردة).

🛑ملاحظة:
ممكن نغير بالنكهات حسب الرغبة ، مثلا كيك برتقال او فانيلا و نشربو بس حليب و الكريمة ما نزدلا أي نكهات ..
______________
اعملوا save للبوست لحتى تقدروا ترجعولو 👍🏻
دعمكم بلاك و تعليق ليوصلكن كل وصفة جديدة من صفحتي ❤️
‏

#اكسبلورر

30/05/2022

حلو التنويع بالسلطات 😍😍
جربو سلطة الكراب بطريقتي و رح تحبوها كتير 👍🏻❤️
و بالنسبة للمكونات ممكن تنقصو منن او تزيدو افوكادو ، رمان ، مانغو ، حسب الرغبة 😍

‏
———————————-

🔺المكونات:
جزر
شمندر
برتقال
خس
جرجير
أناناس
كراب ، أنا استعملت كراب من Siblou
(طريقة التقطيع حسب الرغبة)

🔺ال dressing:
٢ ملعقة كبيرة مايونيز
ملعقة صغيرة خردل
ملعقة صغيرة خل
ملعقة صغيرة ورشستر صوص
ملعقة صغيرة صويا صوص
ملعقة صغيرة عصير ليمون(حامض)
نصف ملعقة صغيرة بابريكا
نصف ملعقة صغيرة ملح

يخلط ال dressing جانبا
ثم تخلط مكونات السلطة معًا وقت التقديم.
________________

اعملوا save للبوست لترجعو للوصفة ،
و بتمنى دعمكن بلايك و تعليق ليوصلكن كل وصفة جديدة من
صفحتي ❤️

28/05/2022

من الأكلات البسيطة و مناسبة للأشخاص النباتيين او للدايت و للأطفال 😍
برغل بالبندورة 🔥😍
———————

زيت نباتي
بصلة صغيرة مفرومة مكعبات صغيرة
٣/٤ ملعقة صغيرة ٧ بهارات
نصف ملعقة صغيرة كمون ناعم
ملح
٢ ملعقة كبيرة معجون بندورة
١ كوب و نصف بندورة مطحونة ( او اكثر حسب نوع و خشونة البرغل و ممكن اضافة بعض الماء )
نصف كوب برغل خشن مغسول و مصفى

يقلب البصل بالزيت حتى يذبل ثم يضاف البهارات تقلب دقيقة تضاف البندورة و الملح و معجون البندورة ، يترك حتى يغلي ثم يضاف البرغل ، تحرك معا و تغطى و تترك على نار هادئة جدا (اصغر عين بالغاز) حتى بنشف الماء ، تحرك و ترفع عن النار و تغطى و تترك ٢٠ دقيقة قبل التقديم.
تقدم مع الخضار او مع لبن زبادي.
______________

‏save للبوست لتقدرو ترجعو للوصفة بس بدكن 😍

و دعمكم بلايك و تعليق ليوصلكن كل بوست جديد من صفحتي ❤️
‏

26/05/2022

داوود باشا 😍 من الطبخات الطيبة كتير ، جربوها بطريقتي❤️

———————————

■ للكفتة:
٦٠٠ غ لحمة ناعمة ( زدتلا شقفة دهن صغيرة لحتى ما تنشف)
بصلة وسط مبروشة ناعم
فص ثوم واحد صغير مهروس ناعم
بقدونس مفروم ناعم (تقريبا ثلث كوب )
بهارات (ملعقة صغيرة ٧ بهارات ، ربع ملعقة صغيرة فلفل اسود ، نصف ملعقة صغيرة بهار حلو ، قرفة رشة صغيرة، ملح)
بخلط كل المكونات مع بعض و بشكلن على شكل طابات صغيرة-وسط و بقليهن من كل الجهات بشوية زيت و ملعقة سمنة لحتى يستوو.

■ ٤ حبات بطاطا كبيرة مقشرة و مقطعة مكعبات وسط و مقلية ٣/٤ قلي (ما تكون مستوية ١٠٠٪؜)

■ بنفس الطنجرة يلي قليت فيها الكفتة و نفس الزيت يلي باقي فيها(ازا احتجنا بعد فينا نزيد شوية زيت) بحط بصلتين وسط مقطعين شرحات او مكعبات صغيرة كتير (حسب الرغبة) و بقليها دقيقتين لتدبل بزيد ٢ او ٣ كبير فص ثوم مهروس ناعم بقلبن دقيقة بزيد معجون بندورة من ملعقتين ل ٣ حسب النوعية و رشة صغيرة من ٧ بهارات و بابريكا و فلفل اسود و بقلبن دقيقة بزيد بندورة مطحونة و ممكن تزيدو كوب او نصف كوب ماء ازا حابين المرق يكون أخف و ملعقة كبيرة دبس رمان، و بغطيهن و بتركن يغلوا سوا كم دقيقة و بزيد البطاطا و و الكفتة و بتركن على نار هادية لحتى تستوي البطاطا و بصيرو جاهزين… فيكن تزينوها وقت التقديم بالصنوبر المقلي.

بتتقدم مع أرز بالشعيرية.
————————————-
دعكمم بـِ لايك و تعليق حلو ليوصلكن كل وصفة جديدة من صفحتي ❤️
‏

#وصفاتي #اكسبلور

20/05/2022

قريدس بالثوم و الكزبرة و الحامض 💛🦐🍋
سهلة كتييير و سريعة 😍

————————————

•المكونات:
نصف كيلو قريدس حجم لارج منظف و مغسول يتبل بِ
ربع ملعقة صغيرة فلفل اسود
ربع ملعقة صغيرة كمون ناعم
نصف ملعقة صغيرة بصل بودرة
نصف معلقة صغيرة ثوم بودرة
نصف ملعقة صغيرة كزبرة ناعمة يابسة
ملعقة صغيرة ملح

•الطريقة:
تترك في التتبيلة لمدة نصف ساعة
في مقلاة على النار يوضع ٢ ملعقة كبيرة زبدة و ملعقة كبيرة زيت نباتي و يحمى دقيقة ثم يضاف القريدس و يقلب على كل وجه ٣ دقائق حتى ينضج ثم يوضع في صحن جانبا.
في نفس المقلاة دون ان تنظف يضاف ملعقة صغيرة ثوم مهروس ناعم (ممكن اضافة القليل من الزبدة ايضا) و تقلب دقيقة ثم يضاف القريدس و تقلب معا ثم يضاف ربع كوب عصير حامض(ليمون) و تترك لتغلي معا ثم يضاف ملعقة و نصف كبيرة كزبرة مفرومة ناعم يترك دقيقة ثم يرفع عن النار و يقدم ساخنا.
——————————-
دعمكم بلايك و تعليق حلو ليوصلكن كل وصفة جديدة من صفحتي ❤️

#وصفات #قريدس

19/05/2022

أطيب سلطة ممكن تجربوها 💚
معظم ايام رمضان كنت إعمل منا كتيير طيبة و بتشبع 👍🏻
السلطة اليونانية Greek Salad ☘️
فيكو تزيدو زيتون مقطَّع بعد بس انا ما لقيت بالتعاونية🙈

____________________

خس
خيار
فلفل حلو
بندورة
بصل
نعنع
جبنة فيتا

ال dressing:
زيت زيتون
خل
خردل
ملح(رشة صغيرة بسبب وجود الجبنة مالحة)
اوريغانو
قشر حامض(ليمون)🍋
عصير حامض (ليمون) 🍋

دعمكن بلايك و تعليق حلو لتشوفو كل بوست جديد من صفحتي ❤️
‏

#سلطات

شوكة و سكينة - Fork & Knife

You may also like

Videos (show all)

Category

Website

Address