Mn Aleb ElBeit

داوود باشا😋😋
شبيهة الكفتة ع بطاطا و لكن انا لقيتا أطيب🤷‍♀️
كفتة طبيعية اذا بدكن لو كفتة بلا بقدونس☝🏻
منعملها كرات و منقليها
منجهز الخلطة المكونة من ٣ الى ٤ حبات بندورة طازة مطحونين منغليهم مع ( فليفلة حلوة شرحات رفيعة و جوانح بصل و سن توم و بهارات بشوي مدبلين بشوية زيت ) و منزيد معهم ملعقة معجون بندورة كرمال اللون😉
منصف كرات الكفتة فوقهم و منغليهم غلوتين مع شوي دبس رمان و بتزيين برشة بقدونس او مكسرات ( حسب شو بتحبوا)
تقدم مع رز ابيض سادة او رز بشعيرية و بطاطا مقلية 🥰
و صحة و هنا
#سهل التحضير #مفيد وصحي

داوود باشا😋😋
شبيهة الكفتة ع بطاطا و لكن انا لقيتا أطيب🤷‍♀️
كفتة طبيعية اذا بدكن لو كفتة بلا بقدونس☝🏻
منعملها كرات و منقليها
منجهز الخلطة المكونة من ٣ الى ٤ حبات بندورة طازة مطحونين منغليهم مع ( فليفلة حلوة شرحات رفيعة و جوانح بصل و سن توم و بهارات بشوي مدبلين بشوية زيت ) و منزيد معهم ملعقة معجون بندورة كرمال اللون😉
منصف كرات الكفتة فوقهم و منغليهم غلوتين مع شوي دبس رمان و بتزيين برشة بقدونس او مكسرات ( حسب شو بتحبوا)
تقدم مع رز ابيض سادة او رز بشعيرية و بطاطا مقلية 🥰
و صحة و هنا
#مفيد و لذيذ # سهل التحضير

تشيكن كاريchicken curry
سهلة و بسيطة بمكوناتها
الدجاج بأي طريقة بتفضلوها شرحات او مكعبات او شيبه الشاورما المهم…
منقلي الدجاج مع بصلتين كتير ناعمين و سنين توم بزيت نباتي مع قطعة زبدة
بس يستوي منفرم نص حبة فليفلة حلوة بطريقة رفيعة و ناعمة و مندبلها فوقن…
منزل كريمة الطبخ فوقن مع فنجان ماء و منشكل بهاراتنا يلي بترتكز ع ملعقة صغيرة كركم و ملعقة صغيرة بهار اسود و الاهم و الأساس ملعقتين طعام كاري حر و متركن يغلوا ٥ دقايق ت يتشرب الدجاج النكهة منيح🥰
بيتقدم جنبا رز ابيض مع مكعب ماجي (بالزبدة)
جينا ع اصول التقديم و هون أساس الطعم::::
فوق الرز مش بس للتزيين و لمن هون سر النكهة و بعيد أساس الطبخة:: قطعة الأناناس
مع حب زبيب و كم حبة كاجو او لوز ولكن مش محمصين أبدًا المفروض تكون المكسرات نية و طبعًا مع رشة برش جوز الهند👍👍يلي بيحبها رح يجربها طبعًا 😅
من باب الاختراع و التجربة و التخبيص😂😂😅حبيت جرب معها البطاطا المسلوقة و المدقوقة معجونة بشوية زيت و حامض و ملح😉بس للأمانة كتير طلعوا لايقين مع بعض ك طعمة و صحة هنا
#تغذية # #جديد مطبخنا # mn_aleb_elbeit

بغيب بغيب و برجعلكم😅
دجاج بالخضار و الكاري🌺
طريقة كتير بسيطة و سهلة و حرفيًا متل الصور
الدجاج مكعبات صغار
منقليهم بزيت نباتي و بصلة ناعمة مع كم سن توم
منكون مجهزين برش الجزر خشن
و بروكولي و مكعبات بطاطا كبيرة و قطع كوسا سماكة وسط مسلوقين نص سلقة👍
بس بستوي الدجاج منزل كل الخضار فوقن مع نص علبة درة و البهارات( فلفل اسود/ كاري حلو او حر حسب الرغبة/ بهار ابيض او بهار دجاج حسب شو متوفر)
منقلبهم تنسيف مش تحريك حتى ما يخبصوا و منزيد كريم الطبخ مع ٣كوب مي و ملح و منتركهم يغلوا شي ١٠ دقايق
متل العادة مش طيبة بلا الرز الابيض😅😂🥰
#نكهةجديده

كمان نزلتلكم اليوم طريقة كيك جديدة بمكونات بسيطة و سهلة و ما بدا لبكة بالخفق( كيك الليمون بقشره و بزيت الزيتون)🤭😉

وعدنا و ما نزلت بسبب عطل…الخطوات بكل صورة بس طبعًا قبل ما نطلعها من القالب بدا تبقى شي ٣ ساعات عالاقل بالبراد🥰

خبز الجبنة بالزعتر البري او الزوبع
طيب طازة ساخن سادة او مع كوب شاي😉
العجينة سبق و نزلناها بأول الصفحة بوست رقم ١٤ تقريبًا
بس الفرق منزيد عليها قطعة زبدة ( نص قالب صغير)
و وقت الاستعمال منضيف الزعتر البري او الزوبع المنضف مسبقًا و ناشف و اذا عندكم كمشة زعتر مجفف او أوريغانو…
منفرد العجينة بالصينية باليد بعد ما نرش رشة طحين خفيفة بكعب الصينية..
شغلنا كمان باليد منعمل الأشكال يلي منحبها بالأصابع (مربع او دائري) و لكن بشكل غميق متل الحفر☺️
بكاسة منخفق( بيضة/ ملح/ حبة البركة/ سمسم) و مندهن وجه العجينة جيدًا..
و هلء خلطة الجبنة أي نوع جبنة بتحبوها أكيد مع موزريلا( حالوم/ أشقوان/ مجدولة او عكاوي..) المهم نعطيها نكهة ملوحة لان الموزريلا وحدها مش مالحة..
خلطة الجبنة منعبي فيها الحفر المصنوعة بسخاء و لوحدها بس تدوب رح تعبي الوجه كله…
و عالفرن المحمى مسبقًا عالرف الوسط حرارة ١٨٠ و بس يحمر القفا و الوجه منسحبها و ألف صحة🥰
#شهية

تحلاية خفيفة و طيبة و سهلة التحضير من مكونات بسيطة…
أصابع زينب…….🌺
اول خطوة منجهز القطر ( ٢ كوب سكر/ كوب ماء / منحطن يغلو عالنار مع عصرة حامض و ملعقة طعام ماء زهر و ماء ورد) بس نوصل للقوام المطلوب منطفي تحتن و منتركن يبردوا…
أصابع زينب:::::::
هيدا العيار بيعطيكن قريب ال٥٠ او ٥٥حبة
١ كوب طحين
١ كوب سميد
١ ملعقة طعام حليب بودرة
١ ملعقة طعام سكر عادي
نص ملعقة طعام خميرة
٢ ملعقة طعام زبدة
٣ ملاعق طعام تقريبًا زيت نباتي
يانسون و شومر حسب ما بتحبوا النكهة تكون بارزة ( فيكن مطحون و فيكن حب ..انا بفضل المطحون)
منفرك المكونات كلها باليد فرك ثم نزيد حوالي نصف كوب ماء فاتر حتى تصبح عجينة ولكن بدون الضغط عليها….
نتركها ترتاح حوالي ربع ساعة ثم نشكلها ( عالمصفاية او على مبشرة الجبنة او اي شمل بتفضلوه) و تصبح جاهزة للقلي بزيت غزير و حامي..
و منزلها بالقطر يلي كنا محضرينو قبل
و ألف صحة و هنا🌹🌺🌺
#حلو و سهل #لذيذ و خفيف

الخطوات ت نعمل القشطة العربية بالتسلسل و إستعمالها للزنود/كنافة/ مد بقشطة و توابعهم…..
أول خطوة :: لتر حليب ( او لتر ماء مدوب بحليب بودرة)
منغليهم عالنار و اول ما تطلع الغلوة منحط تقريبًا ٧ملاعق طعام خل أبيض او ربع فنجان قهوة منلاقي الحليب فرط و دغري منصفيهم بيطلع عنا متل القريش و منتركهم يصفوا و يبردوا…..
الخطوة التانية منحط عالنار نص لتر حليب مع ٤ ملاعق نشاء مندوبهم عالبارد و منحطهم عالنار مع التحريك المستمر حتى يجمدوا منضيف شوي ماء زهر و ورد بس نطفي تحتهم منخلط مزيج القريش المصفا من قبل و منخفقهم سوا منيح و منتركهم يبردوا 👍
( اول شي رح تلاقوهم رخوين بس يبردوا بتحصلوا عالقشطة المطلوبة)😉
و صحتين بأي نوع حلو بدكم تشتغلوه👍أنا جربت اليوم الزنود🥰
#حلو و بسيط #شغل البيت # mn_aleb_lbeit

لكل يلي بيحبوا الفتة برمضان بتقرش قرش حتى لو في زيادة مي حمص👍
و لطريقة اسرع و اوفر بمصروف الغاز او الزيت او السمنة👍
و أنسب صحيًا من نسبة الزيت او السمنة👍
استعملوا الخبز المقلوب( خبز الفول و الحمص)
قطعوه و حطوا بصينية و خلطوه بشوية زيت او سمنة و شعلوا الفرن من فوق و عالرف الوسط حطوها..🥰
كل شوي قلبوهم ت يتحمصوا..و فيكم بالعلبة تحفظوهم اذا زاد عن حاجتكم..يعني فيكم كل ٣ ايام تحمصوا الخبز مرة حتى ما يبات كتير😅و هيك بتكون الفتة عندكم محمصة/ طيبة/ و صحية 🤷‍♀️🥰
-aleb-lbeit #صحي و لذيذ #نصيحة رمضانية #سهل التحضير

Ramadan kareem🌙

متل ما حكينا شراب الحامض و شراب الليمون👍
لما نقول شراب يعني مش ليموناضة 🤫
الشراب هو عصير مركز يصنع للتخزين للأوقات الحرجة😅😅نضع ربع الكوب من العصير المركز( شراب) و نخلطه بالماء البارد و مكعبات الثلج😋😋
شراب الحامض ::
للحصول على لتر و ربع
نعصر ٣ كوب حامض و نصفيها كتير كتير منيح بقطعة خام او مصفاية الشاي
كل كوب حامض يتقبل كوبين سكر ( يعني ٣ كوب حامض مع ٦ كوب سكر) و فيكن ٥ اذا ما بتحبو الحلو كتير 🤷‍♀️
مندوب السكر كتير منيح عالبارد و منحط المزيج عالنار حتى يغلي و تطلع رغوة و نشيلا بهدوء 👍
و منتركن يبردوا كتير منيح و منعبيهن للتخزين براد او بلا براد☺️☺️
شراب الليمون نفس الطريقة و لكن كمية السكر بتختلف(( كل كوب ليمون مقابل كوب واحد من السكر))🌺
و صحة و هنا

يعني ما رح احكي عن زلزال و هزات ..ولا عن دولار و مشاكله ما عاد النا نفس…
جيتكن اليوم بالسمكة الحرة و الصيادية🤷‍♀️
هلء للشكل أكيد أجمل السمكة كاملة و لكن انا هيك بفضلها لنتجنب الحسك و مشاكله 🤦‍♀️
السمكة الحرة ( عبارة عن دمج للسمكة حرة و الطحينة)
منقلي السمك الهبر و منشيل الحسك و قلي أطيب ما يكون مشوي
ع جنب منجهز الطحينة( طحينة و حامض و مي و ملح) منغليهم عالنار و منقلي بزيت الزيتون توم كتير و كزبرة خضرة كتير و حر مطبوخ و منسكبهم فوق الطحينة بس تعقد و منحركهم شوي و مننزل بالسمك فيهم منغمرهم شي ٥دقايق منطفي و منحط عالوجه الجوز عالبارد ..ليه؟؟ حتى ما تسود الطحينة👍
الصيادية:::
ضروري تكون جنب الطبخة
منكون مجهزين السمك الخالي من الحسك و المقلي طبعًا ع جنب
بزيت السمك المقلي مناخد شوي و منفرم بصلة ناعمة و منحرقها بكمية الزيت يلي عم نستعملها حرق….بس تسود منحط الرز ( الحبة الطويلة) و رشة بهار اسود و كمون و ملح و منطبخ الرز عادي
وقت التقديم منزين الرز بقطع السمك و اللوز المحمص أو أي نوع مكسرات بتحبوه…و صحة و هنا
#مأكولات بحرية #سهل التحضير #طيب و صحي #أكل مغذي

و هيك ببساطة ( شيش برك كذابي)
عبالكم فجأة شيش برك عالسريع بكامل الطعمة أو تعبانين أو بحالة عدم القدرة عالعجن لأسباب صحية ما إلكم إلا هالطريقة
تبلة الشيش برك( بصل و لحمة مفرومة مدبلين ب بهاراتن)
منسلق المعكرونة اي نوع بتفضلوه
منكسر لبن بكمية قليلة مم المي و منغليهم متل العادة منصفي المعكرونة و منسكبها فوق اللبن
منحط فوقهن التبلة و منتركهم يغلوا شوي ب هالوقت منجهز التقلابة( كزبرة خضرة مفرومة و توم بالزيت او السمنة)
و منسكبهم فوق الطبخة تقليبتين و منطفي تحتهم
مع مجدرة الرز و لا اطيب🤣🥰
ما تقولوا غير طعمة🤫🤫نفس النكهة بس أكيد اذا عزيمة منفضل الشيش برك الأصلي😉😉👍و صحة و هنا
#سهل و بسيط #لذيذ و شهي #من قلب البيت

المكونات جدًا عادية بس…
اول طبقة حطوا بسكوت☝🏻
تاني شي فوق الكاسترد دغري حطوا طبقة تانية بسكويت 👍
تالت شي تركوا الكاستر برا البراد ت يبرد منيح😉
أخيرًا الجيلو يلي هو أهم شي حتى ما ينخلطوا و يروح تعبكم منلعب بالعيار يعني اذا ٢ علبة جيلو منحط بس كباية وحدة ساخنة مندوبن منيح سوا و بس كباية و نص بعدين باردين و منخلطهم منيح و الأهم الأهم منيكب المزيج شوي شوي …..
اذا فاش البسكويت ما تعتلوا هم رجعوا رتبوهم محلهم و دغري عالبراد و بس😉😉😉و صحتين
#حلو بسيط #خفيف و طيب #سهل التحضير

المكونات جدًا عادية بس…
اول طبقة حطوا بسكوت☝🏻
تاني شي فوق الكاسترد دغري حطوا طبقة تانية بسكويت 👍
تالت شي تركوا الكاستر برا البراد ت يبرد منيح😉
أخيرًا الجيلو يلي هو أهم شي حتى ما ينخلطوا و يروح تعبكم منلعب بالعيار يعني اذا ٢ علبة جيلو منحط بس كباية وحدة ساخنة مندوبن منيح سوا و بس كباية و نص بعدين باردين و منخلطهم منيح و الأهم الأهم منيكب المزيج شوي شوي …..
اذا فاش البسكويت ما تعتلوا هم رجعوا رتبوهم محلهم و دغري عالبراد و بس😉😉😉و صحتين
#حلو بسيط #خفيف و طيب #سهل التحضير

وصفتنا اليوم شبه تحلاية لان قليلة السكر كرمال هيك هي مناسبة لكل أنواع المشروبات الساخنة( شاي/ نسكافيه/ قهوة/زهورات…)
و صفتنا بترتكز عالليمون الطبيعي و اذا زدنا سكر بتضيع النكهة..
وصفتنا اوعى تضيعكم بالشكل هي مش بتيفور ولا غريبة😉
و صفتنا اسما اليوم بسكويت او كعك الليمون🤷‍♀️
طريقتا هينة و كتير مريحة
اول شي منخفق نص كوب سكر مع نص كوب زيت و نص كوب من الليمون الطبيعي او الأفندي
بس يدوب السكر منضيف كوبين و نص طحين منخولين و ملعقة صغيرة فانيليا و ملعقة باكينغ باودر مع برش ليمونة كامل
منعجن منيح رح تلاقوا شوي لزجة ما بيهم و تركوا ترتاح بين ربع و نص ساعة🤷‍♀️
التشكيل بسيط متل لعب المعجون😅شكل شوي طويل و منطبقا ع بعضا دغري بتلزق🤣
اذا لزقت ع ايديكم فينا شوي نلت ايدنا ب مسحة زيت نباتي
ما في داعي تدهنوا الصواني شي او للاحتياط استعمال ورق الفرن( او ورق الزبدة)
الفرن حامي مسبقًا و عالرف الوسط بدن شي ١٠ دقائق
و صحة و هنا😘😘
#طيب و خفيف #حلويات للتقديم

اليوم رح نتعلم كبيس الزيتون بطريقة طيبة و لون حلو و بيضاين موسمين لقدام بدون ما يهتري👍
انا رح اعطيكم مقدار ٢ كيلو زيتون و انتو حسب كم كيلو زيتون بتعدلوا باقي العيارات😉
اول خطوة ضرورية و مهمة هي رص الزيتون يلي عنا و منغمرو ب مي عادية ع مدة ٣ ايام بشرط كل يوم منغير المي يلي عليه
و هلء صرنا رابع يوم منكب المي و منجهزن للكبيس
منصفي الزيتون و منحطن ب وعاء كبير
برجع بقول لكل ٢ كيلو منزيد فوقن
ملعقة طعام ملح خشن/ ملعقة طعام كركم كرمال اللون/ ملعقة طعام حر مطبوخ و ملعقة صغيرة سكر كرمال يحافظ عالقرشة
و منزيد كمان فوقن عصير ٣ حامض و نص كباية زيت زيتون
و ٣ جزر مقطع و ٢حامض مقشر و مقطع وسط و ٣ قرون حر طويل مقطع
منخلط كل يلي حطينا بالوعاء منيح مع عروق زعتر بري او اذا متوفر عروق شومر
منكون مجهزين شرائح حامض مدورين و قطع حر للزينة
منصفن او منعبي المراطبين يلي مجهزينا و ع وجه كل مرطبان منحط شرحة حامض مدورة و فوقا ملعقة طعام ملح خشن ومنسكب فوقن المي يلي بقيت بوعاء الخليط منقسمن على عدد المراطبين👍👍
هلء مندوب ل كل ليتر مي ٤ ملاعق ملح خشن و منسكبن ل تلت رباع المرطبان و الباقي منكفي زيت زيتون ل ينغمر…..
و هيك منكون خلصنا الكبيس و منغطي الوجه بكيس نيلون و منقفل المرطبان و منتركن ع جنب🥰
و هيك زيتوناتنا صالحين للأكل بعد ١٥ يوم اذا بتحبوا😋😉
#تراث بلادنا #أكل بلدي #مونة مطبخنا

سوفليه البطاطا بالخضار مع سلطة الملفوف🌹
و قلنا منرجعلكم و اليوم وصفتنا بالبطاطا المسلوقة ل محبين الخضار و نبعد عن اللحوم بأنواعها و التعويض كبروتينات بالبديل ك خضرة و فطر …
وجبة صحية و بسيطة و سهلة…
العجينة ل هالكمية عبارة عن::
١٦ حبة بطاطا وسط/ قطعة زبدة/ كم ملعقة حليب بودرة او ممكن استعمل كوب صغير من كريمة الطبخ/ تشكيلة بهارات( شو عندكم بتتقبل)
اوريغانو/ فلفل اسود/ ملح/ ملعقة صغيرةمعجون بندورة/بهار منسف/بصل و توم بودرة اًو طبيعي مطحونين…
منخلط العجينة منيح و منتركا ت نجهز الحشوة 😉
للحشوة::
بزيت نباتي مندبل البصل و التوم كمان مع فطر مقطع و فليفلة حلوة و بازيلا و جزر و اذا عندكم بروكولي / كوسا/ ارضي شوكي ما مشكلة نوع الخضار يلي بتحبوها…
منقلبن سوا مع نوع البهارات المفضل النا( بابريكا/ زعتر او اوريغانو / زنجبيل/ شوي كاري)
و منتركهم يبردوا شوي😊
جاطة البيركس او صينية ألمنيوم::
مندهنها شوية زيت و منمد اول طبقة من عجينة البطاطا و فوقها الحشوة و طبقة جبنة موزريلا و منرجع طبقة تانية من العجينة🤷‍♀️🤷‍♀️
مندهن الوجه شوية زيت نباتي و منكسيها كعك مطحون( بقسماط)
و مندخلها الفرن تنحمر الوجه و نسحبها صارت جاهزة للأكل😋😋
فيكن تقدموا حدها اي نوع سلطة بتفضلوا انا عملت سلطة الملفوف( ملفوف ناعم/ حامض/ زيت زيتون/ رشة نعنع/ بصلة ناعمة/مع سن توم صغير)
و ألف صحة و هنا🥰
#صحي و مفيد #فكرة جديدة

فطاير 😋😋
بس هالمرة شبيه الشعيبيات و لكن بالبقلة…
كتير طيبة و مفيدة بسبب المكونات و عادي منغسل البقلة بعد التنضيف ببساطة و فينا نترك فيها ضلوع ت ما تتبدل بسرعة و منصفيها طبعًا من المي..
منفرم معا البصل و حبتين بندورة و منزيد المكونات الباقية حسب الرغبة من كمية( دبس رمان/ سماق/ ملح ى طبعًا رشة زيت زيتون)
و اكيد منحطن بمصفاية حتى نتجنب المي الزايد كرمال العجينة
أكيد أكيد مندهن الصينية زيت قبل ما نجهزن للشوي بالفرن كرمال تحافظ العجينة عالقرمشة..الشوي عالرف بالوسط و الحرارة عالنص ..
العجينة بسيطة بمكوناتا(طحين/بيضة/رشة سكر و ملح و شوي زيت نباتي و مي) طبعًا بدون خميرة حتى ما ترفخ بدنا نحافظ ع طعمة الحشوة اكتر من العجين…و صحة و هنا🌺🌺
# easy_recipes

هاي هاي هاي🤣🤣 اليوم شي طيب و سوبر خفيف و بتقولوا لو لسه في مناكل من جديد🤷‍♀️. سندويش دجاج بالخبز المرقوق و مشوية بالفرن. المكونات مع طريقة التحضير:: دجاج مسحب مقطع شرائح طويلة منقليهن بشوية زبدة مع زيت نباتي و كلشي عندكم بهار زيدووو( بابريكا/ بهار اسود/ بودرة فاهيتا او شاورما/ زنجبيل) ومنقلبن مع فليفلة حلوة كمان شرائح و بصلة زغيرة و كم سن توم..
ع جنب منكون مجهزين سوس شبيهة لخلطة البيتزا ب مقلة زغيرة( زيت نباتي مع ٤ ملاعق معجون البندورة و بصلة ناعمة و رشة اوريغانو او زعتر بري) كمان منقليهن و منتركن يبردوا😅
و كمان منجهز البطاطا المقلية
و خلطة السندويش يلي هي عبارة عن بقدونس مفروم و بصل مقطع و رشة سماق و ملح
و ما ننسا اساس الوجبة هو خبر المرقوق👍
كل غراضنا جهزت منجيب صينية الفرن و مندهنها شوية زيت نباتي و يله نلف السندويشات متل الصور😊
منقطعن حسب الحجم يلي منحبو بعد ما نصفن بالدور و مندهن الوجه من السوس يلي بقيت عنا مع رشة جبنة و يله عالفرن😋😋
أكيد أكيد صاروا جاهزين للتقديم مق شوية توم مطحون و كبيس و مايونيز حدن 😋😋😋
و بيكفي هلقد و ألف صحة و هنا

🕌📿 #رمضان

عصير طبيعي و منعش و نضيف لان شغل البيت(ليموناضة/lemonade)
الطريقة و المكونات مع المقادير هي::
٤ حامض مغسولين و مقطعين بقشرتهم
١ ليمون مغسولة و مقطعة بقشرتها
كوب ونص سكر فوقهم
منتركهم منقوعين شي نص ساعة ت يطلعوا المي يلي جواتهم
منفركن بالايد بشكل قاسي (تعصير)
منزيد فوقهم لتر ونص ماء عادي
و منرجع كل قطعة فيهم (الليمون و الحامض) منفركها منيح و منعصرها من المي و منرميها ت يخلصوا
منحركهم منيح ت يدوب السكر عالأكيد و منصفيهم و عالبراد🥰🥰
هيدي المقادير بتعمل ٢ ليتر صافي ك شراب و صحة و هنا🌺. #رمضان #مطبخ #وصفات

طريقة الكبيس الخيار🥒 🕌📿

فتة+ شوربة عدس

طبق رمضاني بإمتياز 🌙✨😋 منسف+فتة حمص

في عندكم كمية تفاح و محتارين شو تعملوا غير المربى؟؟🤔
يلا نعمل شي طيب و خفيف فطيرة التفاح (apple pie)
ل هيدا الحجم استعملنا ٥ حبات تفاح
منقشرن و منقطعن مكعبات شوي رقيقة و مندوب ب مقلاة قطعة زبدة و فوقن التفاح بس يتقلوا شوي منزيد٤ ملاعق طعام سكر و ملعقة بودرة القرفة
قريب ينشفوا منطفي النار و منتركن يبردوا و منجهز العجينة.
٣ بيض مع كوب الا ربع سكر و كوب الا ربع زيت و ملعقة فانيليا زغيرة منخفقن كتير منيح و منزيد::
٤ كوب ونص طحين و ٣ ملاعق باكينغ باودر و منعجن و منزيد بالتدريج اقل من ربع كوب حليب حتى تصير طرية و لكن غير لاصقة😅😅🤷‍♀️
منريحها ٥ دقايق و مندهن القالب طبقة كتير خفيفة من الطحينة …
منشيل قطعة من العجينة ع جنب لشغل الوجه..
منفرد العجينة الكبيرة و منحطها بالقالب مع الأطراف و منشيل الزوايد كلها..
منفرد خليط التفاح فوقها و القطعة من العجينة يلي سبق و شلناها منفردها و منقطعها شرائح و منمدها بعكس بعضها و منكبسها منيح على الأطراف ..
يله عالفرن المحمى قبل و عالرف الوسط حرارة ١٤٠ بدها بين الربع و النص ساعة راقبوها و بس يحمر الوجه شوي منسحبها و عالبارد منرشها سكر بودرة 🌺♥️
و يله عالتقديم بنكهة مميزة و بتبيض الوجه🤣😅
#طبخ #مطبخ #حلويات #وصفات

صح وصفتنا بالعجينة بس عجينة بسيطة و هينة و تقريبًا بيمتازوا فيا أكتر شي ب عكار…فطاير القريش🥰
العجينة عبارة عن طحين و المفضل يكون طحين ذرة و لكن الطحين العادي بيمشي الحال😅
منعجن الطحين مع بيضة و مي فاتر و وشة ملح و سكر و زيت نباتي بدون خميرة حتى ما ترفخ و تفتح..و منتركا ترتاح ت نجهز الحشوة يلي هي عبارة عن::
زعتر زوبع( ورق) / قريشة/ بصل/ حر مطبوخ و شوية ملح و كلن عالبارد منخلطن بدون نار ..
منقطع العجينة دوائر و منتبع خطوات الصور يعني::
منرق اول طابة و منفردها و تكون كتير رقيقة منحط الحشوة و منرق طابة تانية كمان رقيقة كتير و منحطها فوقن ..
للشكل يكون مرتب أنا استعنت بصحن منقلبو فوقن و منقص الزوايد و منزينهت بالشوكة عالداير لتعطيها شكل حلو …
منحمي مقلاة عالنار طبعًا عالناشف و منشويها وج و قفا بدون شي لا زبدة ولا زيت و تطمنوا ما بتلزق👍
بس تحمر عالوجهين هي و ساخنة مندهنها وجه و قفا بالزبدة و تقدم ساخنة و ألف صحة و هنا🥰♥️ #مطبخ #طبخ #وصفات