Motivation & Mental Health

Karma is bi*tch කියන්නෙ නිකං නෙමෙයි!☺️

වර්ෂ 1994 මාර්තු 23 වන දින සිය*දිවි හානි කරගෙන මි*ය යෑමට රොනල්ඩ් ඕබස් (Ronald Obas) විසින් තීරණය කලා. මේ සදහා ඔහු වහලයකින් බිමට පැනීමට තීරණය කර ඇත. අවසානයේ ඔහු එම වහලෙන් බිමට පැන සිය*දිවි නසා ගන්නා අතර ඔහුගේ මිනිය පරික්ෂා කල පොලිස් නිලධාරීන් මවතයට පත් වූවා. හේතුව වූයේ ඔහු මි*ය ගොස් සිටියේ වෙඩිල්ලක් වැදීමෙන් මිසක ගොඩනැගිල්ලෙන් පැනීම නිසා නොවන නිසයි.!

තවදුරටත් පරීක්ෂණය මෙහෙයවන පොලිස් නිලධාරීන් සොයා ගන්නවා එම තට්ටු නිවාසයේම 9 වැනි තට්ටුවේ ජීවත් වන් වයසක යුවලක් ගැන.මේ දෙන්නා නිතරම රන්ඩු වෙනවා.වයසක මනුස්සයා තමන්ගෙ බිරිදව බය කිරීමට නිතරම තුව*ක්කුව භාවිතා කරන බවත් හෙලිවෙනවා.

පොලීසිය තීරණය කරනවා රොනල්ඩ් උඩ සිට බිමට වැටෙමින් සිටින විට 9වැනි තට්ටුව අසලින් යද්දිම වයසක මනුස්සයා තැබූ වෙඩිල්ල රොනල්ඩ්ට වදින්නට ඇති බවට.. නමුත් වයසක මනුස්සයා කිසි දිනෙක තුවක්කුවේ උන්ඩ දමා නොමැති අතර තුවක්කුව බිරිදව බියවැද්දීමට පමණක් භාවිතා කල බවට හෙලි වෙනවා..දැන් කොහෙන්ද උන්ඩයක් ආවේ තුවක්කුවට??

පොලීසියේ වැඩිදුර පරීක්ශණ වලදි හෙලි වෙන්නෙ එම වයසක යුවලගේ පුතා මුදල් ප්‍රශ්න මත ඔවුන් එක්ක තරහා වී ඔවුන් ඝාත*නයට සැලස්මක් ක්‍රියාත්මක කර ඇති බවයි.ඒ දෙදෙනා රන්ඩු වෙද්දි තුව*ක්කුව ගන්න බවත් දැන සිටි ..එම නිසා තුව*ක්කුවට උන්ඩයක් දමා තිබුණා.එවිට ඔහුගෙ පියා මවට වෙ*ඩි තබන සේ රගපාන විට ඇත්තම උන්ඩය ඇයට වදිනවා.එයයි ඔහුගෙ සැලස්ම.
දැන් පැහැදිලියි ඇයට තැබු වෙඩි උන්ඩය වැරදි ගොස් වැදි තිබුණේ වහලෙන් බිමට වැටෙන රොන්ල්ඩ් ටයි. දැන් එම යුවලගේ පුතා මිනි*මැරීම යටතේ වැරදිකරු කියා තීන්දු කරනවා!
දැන් තමා වඩාත්ම අපූරු සිදුවීම වාර්තා වෙන්නෙ. ඒ තමයි රොනල්ඩ් යනු එම වයසක යුවලගෙ පුතා වීමයි.
මිනිම*රුවා රොනල්ඩ් වන අතර ඝාත*නයට ලක්ව ඇත්තේද ඔහුමයි !
එනම් රොනල්ඩ්ගේ මිනීම*රුවා රොනල්ඩ්මයි.

Karma is bi*tch! ☺️

උපුටා ගැනීම - අන්තර්ජාලයෙන්

මනෝ විද්‍යා විශේෂ උපාධිය කරපු තරුණියක් වැඩි දුරටත් මනෝ විද්‍යා පැති වලට බර අංශ වලින් ඉදිරියට ඉගෙන ගන්ඩ පුලුවන් පාඨමාලා/අංශ ගැන අහල තිබුණ. අනෙක් ඉගෙන ගන්න ‌‌‌අයටත් වැදගත් වෙන නිසා පොදුවේ දාන්න හිතුව මේක.

ආයතන වලට තොරතුරු දෙන්නට නෙවෙයි මේ ඉදිරිපත් කරන්නෙ. ඉගෙන ගන්න සිසුන්ට දැන ගන්නට... ලොකුවට ප්‍රචාර දුන්නට මේව දන්නෙ නෑ privet campus වල පරිපාලනයට පත්කරල ඉන්න සමහර අය. කිසිම නිහතමානී කමකුත් නෑ. එහෙම අයට මේව දෙන්ඩ අවශ්‍ය නෑ මට.

ඔයාට PGD, Masters ආදිය කරමින් හෝ විශේෂ අංශ වල ඩිප්ලෝමා කරමින් ඉදිරියට යන්න පුලුවන්..එක්කෝ ඉහලට, නැත්නම් හරස් අතට යන්නත් පුලුවන් ඒ එ් අංශ වලින් වෘත්තීය පාඨමාලා ස්වරූපයේ එ්ව කරමින්.

1.මනෝ විද්‍යා අතුරු විෂයන් ඔස්සේ psychologist ලෙස යන්න පුලුවන්.

2.සායනික මනෝ විද්‍යඥයෙක් පැත්තට යන්න පුලුවන් UOC M.Phil කරල..

3.අධ්‍යාපන/විශේෂ අධ්‍යාපන පැත්තට යන්න පුලුවන් Education faculty පැත්තෙන් Masters/Dipoloma/PGD කරමින්.

4. Social work සමාජ වැඩ /Psychiatric social work පැත්තට යන්න පුලුවන් ඒ පැත්තට තියන Diploma, Masters කරල

5.මත්ද්‍රව්‍ය පුනරුත්ථාපන පැත්තට යන්න පුලුවන් අදාල ඩිප්ලෝමා/කෝස් කරමින් පුහුණුව ගනිමින්.

6.Care giving පැත්තට යන්න පුලුවන් ඒ ඩිප්ලෝමා කරල. IHHS

7.Career guidance පැත්තට පාඨමාලා කරමින් යන්න පුලුවන්.

8. Counseling පැත්තෙම උපදේශන විශේෂඥයෙක් වෙන්න ප‌ුලුවන් PGDP, Masters කරමින් යමින්..

9.තව PGDP කරල රෝහල් පුහුණුව අරන් හෝ තව ඔන නම් Health psychology Masters කරල රෝහලේ psychologist වෙන පැත්තට...

10.Family counseling පැත්තට Diploma,HND

11.අපරාධ මනෝ විද්‍යා පැත්තට HND,Diploma

12.A/L Bio පසුබිමක් තියනව නම් Psychiatric Nursing පැත්තට

13.ව්‍යාපාර මනෝ විද්‍යා පැත්තට.

තව කියන්න පුලුවන්...ඉගෙන ගන්නවා වගේම රැකියා පැත්තත් බලන්න ඔන. දැනට තියන පොඩි දෙයින් ලොකු දෙයක් කරන අයත් ඉන්නව...ගොඩක් ඉගෙන ගෙන වැඩි දෙයක් ඒකෙන් කර ගන්න බැරිව ඉන්න අය වගේම. ඒකට තමයි නියම දක්ෂතාවය, නිපුණතාවය, නිර්මාණයශීලීත්වය, දකුණු මොළයෙන් ප්‍රයෝජන ගන්නව කියන්නෙ. ඒක වෙනමම සියුම් කලාවක්..‌.සාම්ප්‍රදායක අයට හිතන්න බෑ රාමුවෙන් පිට. රාමු ඇතුලෙ ඉන්න ගමන්ම රාමුවෙන් පිට හිතල ඉදිරියට සැලසුම් කරන්න.

Aruna Mendis
(Professional Counsellor)
Former president MNCA, Former vice president kandy teacher counsellors association, SLNIPC,NACG

මම අපේ ආදරණීය තරුණ පුතාලා වෙනුවෙන් වචනයක් කියන්නම්..

• පුතේ ඔයාගේ GFව අධ්‍යාපනයේ හිනි පෙත්තටම නගින්න encourage කරන්න. MSc. එක කරන්න, PhD. එක කරන්න දිරි ගන්වන්න. එයා කම්මැලි වෙද්දී ඔයා එයාගේ සිහින මතක් කරලා දෙන්න.

• පුතේ ඔයා අපේ මේ "දේශීය බ්‍රාහ්මණ සමාජයෙන්" ඔයාගේ GF ව cover කරගන්න. "කෝ ළමයි හදන්නේ නැද්ද.. කෝ බදින්නේ නැද්ද.." කියලා නැති මානසික පීඩා එයාට හදන අයගෙන්, එයාව ආරක්ෂා කරගන්න.

• මේක පුදුමාකාර ලස්සන ලෝකයක්.. අපට ලස්සන ජීවිතයක් මේ ලැබිලා තියෙන්නේ.. ඔයාලා දෙන්නාගේ තරුණ කාලය මේ සුන්දර ජීවිතය උපරිමයෙන් enjoy කරන්න.

• රස්සාව පැත්තෙන් ගත්තොත් ඔයා ආසා වෙන්න "මගේ wife අසවල් කැම්පස් එකේ lec. කෙනෙක්.. මගේ wife අසවල් සමාගමේ MD.. මගේ wife Senior Engineer කෙනෙක්.." කියලා ආඩම්බරයෙන් කියන්න.

අපේ ආදරණීය කථිකාචාර්යතුමියන්, වෛද්‍යතුමියන් මොනතරම් සේවයක් කරනවාද කියලා අපි හැමෝම දන්නවා. පුංචි greeting cards business එකක් කරන කෙළි පොඩ්ඩක් පවා, රටේ ආර්ථිකයට මොනතරම් දායකත්වයක් සපයනවාද කියලා වැස්සකට හරි ඉස්කෝලෙ ගිය මනුස්සයා දන්නවා. කාන්තාවන්ට සීමා නොදැමිය යුත්තේ ඇයි කියන එකට, ඇස් පනාපිට උදාහරණ පෙනී පෙනී තමයි, අපේ මේ සමහර වයසක මහත්වරු තර්ක විතර්ක ගොඩ නගන්නේ.

තේරුමක් නෑ ඔය තර්ක කිරීම. ඒකාන්තයෙන්ම පරදින තර්කයක් ඔය ගොඩනගන්නේ. අවුරුදු 2000 කට විතර කලින් ඉන්දියාවේ තිබුණ, පරණ වෙච්ච බ්‍රාහ්මණ තර්කයක් ඔය ගොඩනගන්නේ. 🙂❤️

-

මීට අවුරුදු ගානකට කලින් මගේ යාලුවෙක්ට ප්‍රේමසම්බන්දයක් තිබ්බ කසාද බැදපු ගැහැනියක් එක්ක..
සම්බන්දෙ අවුරුදු දෙකක් වගේ ගෙවුනා..
මාසෙකට වතාවක් දෙවතාවක් දෙන්න කොහේ හරි ගියා..
පස්සෙ ඌ කොලබට ගියාට පස්සෙ ඒ ලව් එක නතර උනා..
ඒ ඌට එහෙන් කෙල්ලෙක් සෙට් උන නිසා..
අවුරුදු 5,6කට පස්සෙ දවසක් ඌයි මායි නුවර යද්දි පාරෙ ට්‍රැෆික් එකක් තිබුන..
අපි ලග පෙට්ටි කඩයක් ලග නතර කරල කඩේ මනුස්සයගෙන් ඇහුව ඇයි ට්‍රැෆික් කියල...
"පිස්සු මිනිහෙක් හැප්පිල "
අපි බයික් එක අස්සෙන් දාල ඉස්සරහට එද්දි දැක්ක ඒ මිනිහව...
ඊට පස්සෙ යාලුව කතා කලේ නෑ මාත් එක්ක ගමන ඉවර වෙනකල්ම..
ඇක්සිඩන්ට් එක දැකල අප්සට් වෙන්න ඇති කියල හිතුන...
ඒත් පස්සෙ මට ඌ කිව්ව ඒ අර ඌ යාලුවෙල හිටිය ගෑනිගෙ මනුස්සය කියල...
අපට ඇතිඋන කුතුහලය නිසාම අපි ඒ ගැන, ඒ ගෑනි ගැන හොයල බැලුව..
අපට දැනගන්න ලැබුන ඒ ගැනි යාලුවා කොලබ ගිය දවස්වලම එල්ලිල මැරුන කියල...
හේතුව ඒ සම්බන්දෙ එයාගෙ මනුස්සයට දැනගන්න ලැබිල ..
ගෑනි එල්ලිල මැරුනට පස්සෙ මනුස්සයට පිස්සු හැදිල...
දරුවො දෙන්න අන්තාසරන වෙලා නැන්ද කෙනෙක් ගෙ උදව්වෙන් ජීවත් වෙනව...
මේක වෙලා දැන් අවුරුදු 11ක්....
අදටත් මගේ යාලුවා කසාද බැදල නෑ..
බදින එකකුත් නැ.
මිනිහ අර දරුවන්ට ඉගෙනගන්න මාසෙකට ගානක් යවනව....
හැබැයි ඒ විනාශ උන පවුල ආයෙ හදන්න බෑ කියල ඌ දන්නව...
__________________________________________
සමහර අනියම් සම්බන්ද වලට ගොදුරු වෙන ගෑනු මිනිස්සු දන් නෑ උන්ගේ නොහික්මුනු හැගීම් වලින් කාගේ හරි දරුවොන්ට අම්ම තාත්තා නැතිවෙන බව...

උපුටාගැනීමකි

අද අමුතුම දවසක්, මම මංගල උත්සව ක්ශේත්‍රයේ යම් කාර්‍යයක් කරන කෙනෙක්, (උපුටාගැනීමක් නිසා සටහන එළෙසම තබමි.)
මාස කීපයකට කලින් කපල් එකක් එනවා මගෙන් අදාල සේවාව ගන්න.
සාමාන්‍යෙන් කපල් එකත් එක්ක අම්මා තාත්තා එන එක සාමාන්‍ය දෙයක්. මම ලොකුවට ගනන් ගත්තේ නෑ.

පිරිමි ලමයා පයිලට් කෙනෙක්, ගෑනු ලමයා cabin crew කෙනෙක්.
වෙඩින් එක කොලඹ ලොකුම හෝටලේක.
හැබැයි පොඩි අමුත්තක් දැනුනා. discussion එකේ අම්මයි පුතයි එක සෝෆා එකක, බදින්න ඉන්න ගෑනු ලමයා අනිත් පුටුවේ. කමක් නෑ ඒවා හිතන්න ඕන දේවල් නෙමේ.
ඒත් මොකක්ද අමුත්තක් දැනුන නිසා එයාලා යනකොටත් මම බලන් හිටියා. මගෙ ඔෆිස් එකේ උඩින් පහල වාහනේ බලන්න පුලුවන්.
ගෑනු ලමයා පිටිපස්සේ අම්මා ඉස්සරහින් වාඩි උනා.
Discussion එක පුරාටව අම්මගෙ අදහස් තමා හැමදේටම
මුල් උනේ. ගෑනු ලමයා කියන දේකට 100 ක් හේතු තිබ්බා එයාට ඒක හරි නෑ කියන්න.

අද 28.04.2023. වෙඩින් එක 01.05.2023 උදේ.

මට පැයකට කලින් කෝල් එක එනවා අක්කේ වෙඩින් එක වෙන්නෙ නෑ කියලා. සතියකට කලින් මට විතරක් නෙමේ සියලුම vendors ලට ෆුල් පේමන්ට් කරලා.

සාමාන්‍යයෙන් මම කිසි කෙනෙක්ගෙ පුද්ගලික දේවල් අහන්නෙ නෑ. හැබැයි මම කිව්වා නංගි මගෙ පේමන්ට්ස් රිෆන්ඩ් කරන්නෙ නෑ. හැබැයි මම යම් ගානක් දෙන්නන් කියලා. හේතුව මට මොනාම හරි අවුලක් කියලා හිතුන නිසා.

නෑ අක්කේ මට සල්ලි එපා. වෙඩින් එක වෙන්නෙ නැත්තේ ඔයාගෙ වරදක් නිසා නෙමේනේ, මගෙ බෝයි අම්මගෙ කීම විතරයි අහන්නෙ කිව්වා. අම්මට ඕන විදියට හැමදේම කරන්නෙ කිව්වා. අද උදේ බැදලා වෙනම ඉන්න මුල ඉදලා ප්ලෑන් කරත් එහෙම බෑ මහ ගෙදරම ඉන්න ඕන කියනවා අක්කේ, මට ඒක කරන්න බෑ කිව්වා.
මම වෙඩින් එක නවත්තනවා. මට ඉස්සරහට දුක් විදින්න බෑ කිව්වා.

මම පුද්ගලිකව දන්නෙ නැති කෙනෙක්ට කිසිම උපදෙසක් දෙන්න බැරි නිසා මම කරේ අහන් හිටපු එක විතරයි. හැබැයි මට හරිම සතුටක් ආවා තමන්ගෙ මානසික නිදහස වෙනුවෙන් හිටගත්ත ගෑනුලමයෙක් උන එකට.

වෙඩින් එකේ ෆුල් බජට් එක ලක්ශ 80 පැනලා. ඒ සියලු දේ එයාට වැඩක් නෑ. තමන්ගෙ දරුවගේ තීරණේ එක්ක හිටගත්ත ඒ දෙමාපියො දෙන්නත් මාරයි...

මට කියන්න ඕන උනේ, ඔයාලට මොකක්ම හරි අවුලක් තේරෙනවනන් you are never too late...

Copied 🌻

මේ පොස්ට් එක දැක්කම මට කතා දෙකක් මතක් වුණා..

පළවෙනි කතාව තමයි මම දන්න ගැහැණු ළමයෙක් හිටියා.එයා මට වඩා ගොඩක් වැඩිමල් කෙනෙක්.හොඳට ඉගෙන ගෙන හොඳ රස්සාවක් කරන කෙනෙක්.එයා යාලුවෙලා හිටියෙත් ඒ වගේම උගත් හරිම ආදරණීය කෙනෙක් එක්ක.හැබැයි මේ දෙන්නට විවාහ වෙන්න අවස්ථාව ලැබුණෙ නෑ..මොකද ඒ ගැහැණු ළමයව කසාද බන්දලා දෙන්න දෙමව්පියන් විසින් තීරණය කරලා තිබුණේ ඒ දෙමව්පියන් ආසම දොස්තර මහත්තයෙක්ට.

කොහොමහරි දෙමාපියන්ගේ හිතේ සැනසීම ගැන විතරක් හිතලා මේ ගෑණු ළමයාගේ අකමැත්තෙන් මේ කසාදෙ කෙරුණා..හැබැයි අවුරුද්දක් දෙකක් යනකොට කිසි ආදරයක් නැති මේ බැඳීමේ අවසානයේ ඒ ගෑණු ළමයට ඉන්න වුණේ ගුටි කාගෙන, වෙනස්කම් වලට ලක්වීගෙන සහ තමන්ගේ ස්වාමිපුරුෂයාගේ අනියම් සම්බන්ධතාත් ඉවසගෙන..

හැබැයි මේකේ වගකීම ගන්නවත් කසාඳ බන්දලා දීපු දෙමාපියෝ දෙන්න ඉදිරිපත් වුණේ නෑ..ඉවසන්න බැරිම තැන දික්කසාද වෙන්න ගත්ත තීරණයටත් මුලින්ම විරුද්ධ වුණේ ගැහැණු ළමයාගේ දෙමාපියෝ දෙන්නා..

ඒ දෙන්නට මුල පටන්ම තමන්ගේ දරුවා තමන්ගේ නම්බුව පිළිබඳ ප්‍රශ්නයක් මිසක් ස්වාධීන ජීවියෙක් නෙවෙයි..

අනිත් කතාව තමයි එක්තරා දික්කසාද නඩුවක දික්කසාද නඩුව ෆයිල් කරන තැන සිට සියලුම බරපැණ දරන්නේ දික්කසාද වෙන මනුස්සයාගේ අම්මා.මොකද දික්කසාදය ඕන වෙලා තියෙන්නේ අම්මට..දික්කසාද වෙන්න හේතුව විදියට ඒ අම්මා කියන්නේ ලේලි තමන්ට ඕන විදියට හසුරුවාගන්න බැරිවීම..

තමන්ට ඕන විදියට නටන්නේ නැති ලේලිව පුතා ලව්වා මට්ටු කරපු හැටි ගැන වයස්ගත ඒ කාන්තාවට තියෙන්නේ හරිම ආඩම්භරයක්..

මේ මම කිව්වේ දෙමාපියන් නිසා මැරි මැරි උපදින දරුවන් ලක්ශ ගාණක් අතරින් දෙන්නෙක්ගේ කතා විතරයි..

මේ වගේ කතා වලින් වාර්ථා වෙන්නේ එකක් දෙකක් විතරයි

මොකද
ලංකාව වගේ රටවල
දෙමාපියන්ට වෙනස්කම් කරන දරුවෝ කියන මාතෘකාවට ලොකු ඉමෝශනල් value එකක් දීලා තිබුණට,

දරුවන්ට වෙනස්කම් කරන දෙමාපියන් කියන මාතෘකාව ගැන කතා කරන්න මිනිස්සු හරිම බයයි..

මේ වගේ පෝස්ට් හරහා දෙමාපියන් වෙනුවෙන් තමන් ආස දේ අත අරින එක හරිම උතුම් කියන පණිවිඩය සමාජගත වීමෙන් වෙන්නේ ඒ මාතෘකා ගැන කතා කරන්න තියන බය වැඩි වෙලා ඒවයින් බැටකන වින්දිතයින් සංඛ්‍යාව එන්න එන්නම වැඩිවෙන එක.

ලංකාවේ මැදිවියේ මිනිස්සු බහුතරයක් ගත කරන අතෘප්තිමත් ජීවිතයටත් ලොකු හේතුවක් තමයි මේ ටොක්සික් දෙමාපියන්ගේ බලපෑම.

මොකද තමන් අකමැති විවාහයක් තුළ, තමන් අකමැති රස්සාවක් තුළ, තමන් අකමැති අධ්‍යාපන ක්ශේත්‍රය තුළ හිරවෙලා ඉන්න ගොඩක් අයට හේතුවෙලා තියෙන්නෙ මේ කිව්ව බලපෑම

දරුවෙක් කියන්නේ තමන්ට ඉශ්ට කරගන්න බැරිවුණ ජීවිතය ළඟාකරදෙන ඉශ්ට දේවතාවෙක් කියන මතයෙන් දෙමාපියෝ මිදෙන්නම ඕන..

ඒ වගේම අඩුම තරමේ අවුරුදු 18 සම්පූර්ණ වුණාට පස්සෙවත් දරුවන්ගේ ජීවිතය සම්බන්ධ තීරණ ගන්න ස්වාධීන මනුස්සයෙක් බවට ඔවුන්‍ට පත් වෙන්න දෙමාපියෝ ඉඩදෙන්නම ඕන..

තමන්ගේ දරුවට ජීවිත කාලෙම රඟපාන්න පුළුවන් 'මගේ දරුවා' කියන චරිතය කියන එක පමණයි කියන ආත්මාර්ථකාමී හැඟීමෙන් මිදිලා ඔහු හෝ ඇය බිරිඳකගේ, ස්වාමියෙක්ගේ, අම්මා කෙනෙක්ගේ, තාත්තා කෙනෙක්ගේ රෝල් එක හරියටම ඉටු කරන වෙලාවට ඒවට ඉරිසියා කරන ආත්මාර්ථකාමීත්වයෙන් දෙමාපියෝ මිදෙන්නම ඕන..

දෙමාපියෙක් වශයෙන් සතුටු වෙන්න පුළුවන් වෙන්නේ "මගේ ළමයානම් මගේ වචනෙට පිටින් කිසිදෙයක් කරන්නේ නෑ" කියන එකෙන් නෙවෙයි.ඇත්තටම ඒක ලැජ්ජ විය යුතු කාරණයක්

දෙමාපියෙක් වශයෙන් ඇත්තටම සතුටුවෙන්න පුළුවන් වෙන්නේ "මගේ ළමයට නම් එයාගේ ජීවිතය සම්බන්ධ තීරණ ස්වාධීනව ගන්න පුළුවන්" කියන දෙමාපියෙක් නම් පමණයි..

මොකද ඔබ සාර්ථක දෙමාපියෙක් වෙන්නේ ඔබේ දරුවාට හරි තීරණ ස්වාධීනව ගන්න ආකාරයත් ඒ ගන්නා තීරණවල වගකීම තමා විසින්ම දැරිය යුතු ආකාරයත් ගැන නිසි පරිදි මගපෙන්වා ඇත්නම් පමණයි.

-පමුදි අනුත්තරා වීරසූරිය-

මිනිස්සු හලන්න බයවෙන්න එපා ✋

දුෂ්ඨ මිනිස්සු,

හැමවෙලේම අරයගෙ අරක ඇදයි අරයගේ මේක ඇදයි කියන මිනිස්සු,

වැඩක් කරන්න ගත්තම "ඕක හරියන් නෑ බන් කියලා කොච්චර හරි කියන මිනිස්සු",

උඹට අරක නෑ මේක නෑ අයියෝ.. කියන මිනිස්සු,

කේලම් කිය කිය ඔළුව කන මිනිස්සු,

වැඩක් කරන්න ගත්ත වෙලේ ඉඳන් අරෙහෙ යන් මෙහෙයන් කිය කිය කිසිම වැඩකට නැති වැඩ වලට අඬගහන මිනිස්සු,

වැඩක් කරන්න ගත්ත වෙලේ ඉඳන් ළඟට ඇවිත් රටේම ඕපදූප ටික ඔළුවට අතාරින මිනිස්සු,

දියුණු වෙන්න කිසිම උවමනාවක් නැති මිනිස්සු,

සිස්ටම් එකට බැන බැනා බුදියන මිනිස්සු,

හොඳ දේවල් දාහක් තිබුනත් කෙනෙක්ගෙ වැරද්ද විතරක්ම දකින මිනිස්සු,

හිතන්නෙවත් නැතුව හලලා දාන්න.
ඔයාට මාර සැහැල්ලුවක් දැනෙයි.
බැරිම නම් මගඇරලා හරි ඉන්න.

මොකද අනවශ්‍ය බර කරගහගෙන වැඩිය දුර යන්න බෑ. හති වැටෙනවා.

—

පරී ❤

ඍණාත්මක පුද්ගලයන්ගෙන් ඈත්ව සිටින්න ❤✨️

ඓශ්චර්යා කියන්නේ අභිෂේකගේ දේවතාවිය වුනාට....
සල්මන් ඛාන්ගේ දාසිය....

ඓශ්චර්යා රායි බච්චන් මහත්මිය කියන්නේ ලෝකයේ ලස්සනම කාන්තාව ලෙස හඳුන්වන ගැහැණිය.
ඇය ලෝක රූ රැජින වුනා.
ඇගේ සැමියා ඉතාම ඉහල පවුලක කෙනෙක්.
ඇයට වඩා වසර 4 ක් බාලයි.
ඔහු හැම වෙලේම ඇයට කතා කරන්නේ " මම හරි වාසනාවන්තයි ලෝකේ ඉන්න ලස්සනම ගැහැණිය සමීපයේ නිදා ගන්න අවසර ලැබෙන මිනිහා හැටියට" කියල බොහොම ගරු නම්බු දීල.
මොකද ඒ වාසනාවන්ත, වැදගත්, උසස් මිනිහට තමන්ට ලැබිච්ච දේ වටිනාකම තේරෙනවා.

නමුත් හැමෝම දන්නවා ඊට පෙර ඇය විවාහ වෙන්න හිටපු සල්මන් ඛාන් කියන නළුවා අභිෂේක් වගේ පවුල් පසුබිමක් තිබ්බ කෙනෙක් නෙවේ.
හොඳ නමක් ඇති මිනිහෙක් නෙවේ. ඓෂ්ට වඩා වසර ගණනක් වැඩිමහල්.
ඇය ඔහු ගැන හැමෝටම කියනවා "ඔහුට ආදරේ ලැබිල නැහැ.
නමුත් මම ඔහු වෙනස් කරනවා.
ඔහු හරිම හොඳ කෙනෙක්" කියල.
ඒ වගේම ඇය මේ සම්බන්ධෙ නිසා දෙමාපියන්ගේ හිත රිදවනවා.
නමුත් ඒ දුෂ්ටයා ඇයට පෙරලා සංග්‍රහ කරන්නේ පහර දීල. එතනින් නැවතෙන්නේ නැතුව ඇය අභිෂේක් එක්ක විවාහ වෙන්න කිට්ටු වෙද්දී ඔහු පුවත් පත් වලට කියනවා,
" අපෝ ඔය අභිෂේක් කර ගහන්නේ මම අවුරුදු ගානක් තියාගෙන හිටපු ගෑණිව.
ඒ වගේම මම ඒ දවස් වල ඓෂ්ට පහර දීලත් තියනවා " කියල.

නමුත් අබි මේ මෝඩයාගේ මෝඩ වාචාලාප නිසා විවාහය නවත්වන්නේ නැහැ.
ඒ තමා වැදගත් මිනිහෙක් හැසිරෙන පිළිවෙල සහ
නොවැදගත් මිනිහෙක් හැසිරෙන පිළිවෙල.
මම මේක අහපු ගමන් කීවේ එකම දෙයයි " He doesn't deserve such a wonderful lady " කියල.
ඔව් ඇත්තටම අයිෂ් ඒ වගේ අමනයෙක්ට ගැලපෙන්නේ නැහැ.

ජීවිතේ සමහර වෙලාවට අපි කොතරම් අනුකම්පා කලත් අමනයන්ට අපි සුදුසු වෙන්නේ නැහැ.
කූඩැල්ලෝ මෙට්ටේ තියන්න බැහැනෙ.
ඒ වගේ අපි සමහර සම්බධකම් වල එල්ලිලා හිටියට ඒ මිනිස්සුන්ගෙන් ලැබෙන්නේ නරකම නම් නැවත වරක් හිතන්න.
ඒ මොකද ඔබ වෙනුවෙන් සුන්දර තව කෙනෙක්, සුන්දර අනාගතයක් සූදානමෙන් ඉන්නවා.
ඔබ කරන කැපවීම් අගයන්න, ඒ දේවල් වල වටිනාකම දන්නා මිනිස්සු ඕනේ තරම් ඉන්නවා.
හොඳම දේ තමන් අවප්‍රමාණය කරන මිනිස්සු, සම්බන්ධකම් වලින් පස්ස නොබලා හැරිලා දුවන එකයි.
රොමැන්ටික් සම්බන්ධකම් විතරක් නෙවේ....
හැම සම්බන්ධෙකදීම මේ දේ අදාළ වෙනවා.
ඒ වෙලාවට කරන්න ඕනේ ඒ වැනි මිනිස්සු වහ කදුරු වගේ දුරෙන්ම දුරු කරලා දාන එකයි.
එතකොට වාසනාවත ඔබෙන් සැප විඳින්න පින් කරපු මිනිස්සු ඔබට ලං වෙනවා.

අවසානයේ ඓශ්වර්යා රායි බච්චන් මහත්මිය දරුවෝ ලබල සතුටින් ඉද්දි,
ඉන්දියාවේ මහා පුරුෂයා අමිතාබ් ජී ගේ ලේලි වෙද්දී,
අභි oh I am so lucky to have the world's most beautiful woman කියද්දී,
අර සලමන් ඛාන් විවිධ ගැහැණු එක්ක ජීවත් වුනා.
ඒ හැමෝම ඔහුව දාල ගියා.
තාමත් ඔහු තනිකඩයි.

ඔබ වෙනුවෙන් මේ වචන කිහිපයත් මෙයට අමුණන්නම්....
ජීවිතය සුන්දර කරන අයෙක් ඔබේ ජීවිතය කර ගන්න.
මොන තැනක,මොන තරාතිරමක අයෙක් උවත් ඔබව රකිනවා නම්....
නමට, තනතුරට සහකාරියක් සහකාරයෙක් හොයා ගන්න එපා
ඔබව පරිස්සම් කරන ඔබව වටින කෙනෙක් ලඟ නවතින්න...
වැදගත් ඔබේ සතුට..
ලෝකයක් සතුටු කරන්න ඔබේ ජීවිතය ගිනි ගෙයක් කරගන්න එපා....

Copied

සමහරු අවුරුදු 22 වෙද්දි එයාලගෙ උපාධිය ගත්තා,ඒත් තව අවුරුදු පහක් රස්සා හෙව්වා.

සමහරු අවුරුදු 25 වෙද්දි CEO කෙනෙක් වුනා,ඒත් අවුරුදු 50 වෙද්දි මියගියා.ඒ අතරෙ තව සමහරු 50 වෙද්දි CEO කෙනෙක් වෙලා,අවුරුදු 90 වෙනකල් ජීවත්වුනා

සමහරු තාම තනිකඩයි,ඒත් එයා එක්ක එකට පාසල් ගියපු සමහරු දැන් දරුවො ඉන්න අම්මලා තාත්තලා.

ඔබාමා අවුරුදු වයස 55 වෙද්දි විශ්‍රාම යනවා,ඒත් ට්‍රම්ප් පටන්ගන්නෙ වයස අවුරුදු 70 දි.

මේ ලෝකෙ හැමෝම වැඩකරන්නෙ තම තමන්ට අදාල කාල පරාසවල.

ඔයා වටේ ඉන්න සමහරු ඔයාට වඩා ඉස්සරහින් කියලා ඔයාට හිතෙන්න පුලුවන්...තවත් සමහරු ඔයාට වඩා පස්සෙන් කියලත් ඔයාටම හිතෙන්න පුලුවන්.

ඒත් ඇත්තනම් අපි හැමෝම දුවන්නෙ තමන්ගෙම තරඟයක්,තමන්ට පුලුවන් වේගෙන්.

ඒ කාටවත් ඉරිසියා කරන්න එපා,එයාලා ඉන්නෙ එයාලගෙ කාල පරාසෙ,ඔයා ඉන්නෙ ඔයාගෙ කාල පරාසෙ.

ඉතින්,සන්සුන්වෙන්න.

ඔයා ගොඩක් පරක්කුත් නෑ,
ඔයා ගොඩක් ඉස්සරහිනුත් නෑ,
ඔයා හරියටම ඉන්නෙ ඔයාගෙ කාල පරාසෙ ඇතුලෙ. ♥️🌻💫

- copied

අනිවාර්යයෙන් කියවන්න.. දැනුවත් වෙන්න

තමන්ගෙ 4ටො එකක් දාලා ෆේක් එකවුන්ට් එකක් හදලා ඒක අයින් කරගන්න බැරුව දඟලන අය අනිවාර්යෙන්ම කියවන්න.

අද නොයෙකුත් හේතූන් මත කාගෙහරි පොටෝ එකක් තමන්ගෙ වගේ දාගෙන ගොඩාක් fb එකවුන්ට් දකින්නට ලැබෙනවා.. හුඟක්ම තරහවක් පිරිමහගන්න තමයි මේ වැඩේ කරන්නෙ..

ඒකත් වැඩිපුරම කෙල්ලන්ගෙ පොටෝ තමයි උස්සලා දාගන්නෙ.. එහෙම දෙයක් වුනොත් හුඟාක්ම අය කරන්නෙ කලබල වෙන එක සහ බයවෙන එක විතරයි.. කොච්චර බයවෙනවද කිව්වොත් තමන් fb ප්‍රොෆයිල් එකේ දාගෙන තියෙන හැම රියල් පොටෝ එකක්ම ඩිලීට් කරනවා.. තමන්ගෙ බය නිසා එතන කරන්නෙ සම්පූර්ණම මෝඩ වැඩක්..

තමන්ගෙ පොටෝ එකක් අවසරයකින් තොරව කාගෙහරි ප්‍රොෆයිල් එකක ප්‍රොෆයිල් පික්චර්, කවර් පොටෝ, වෝල් එකේ හෝ කමෙන්ට් එකකට යන ඕනෑම විදිහට දාලා තිබුණහොත් අපිට ඒ එකවුන්ට් එක එක රිපෝට් එකකින් පැය 24ක් ඇතුලත ඩිසේබල් කරලා දාන්න පුලුවන් බව ඔබ දන්නවාද..?

මෙහෙමයි තමන්ගෙ නම චායාරූප විස්තර යොදාගෙන කවුරුහරි ෆේක් එකවුන්ට් හැදුවොත් මුලින්ම කලබල නොවී ඉන්න, බය වුනොත් මුකුත්ම කරගන්න බෑ.. තමන්ගෙ පොටෝ කිසිසේත්ම ඩිලීට් කරන්න එපා මොකද ප්‍රිටෙන්ඩින්ග් ඩිසේබල් එක සාර්ථක ඉක්මණින් සාර්ථක වෙන්න පොටෝ එකක් තිබිය යුතුයි.. එහෙනම් මං ප්‍රිටෙන්ඩින්ග් රිපෝට් එකක් ගහන විදිහ කියලා දෙන්නම්...

මුලින්ම fb එකට ලොග් වෙන්න. (UC බ්‍රවුසරයකින් ලොග් වුනොත් වඩාත්ම සාර්ථකයි.) අදාල ෆේක් එකවුන්ට් එක සර්ච් කරන්න.. ඒ එකවුන්ට් එක විව් වුනාට පස්සෙ දකුණු පසින් ඩොට් 3ක් පෙන්නනවා ඒ ඩොට් 3 ක්ලික් කරන්න.. ඊටපස්සෙ එතන එන ඔප්ෂන් වලින් Give a feedback or report ඔප්ෂන් එක කිලික් කරන්න..

ඊටපස්සෙත් අපිට ඔප්ෂන් ටිකක් දෙනවා එතනින් pretending to be කියන ඔප්ෂන් එක ක්ලික් කරන්න.. ඊට පස්සෙ අපෙන් අහනවා කාටද මෙයාගෙන් හිරිහැරයක් වුනේ කියලා එතන ඔප්ෂන් 3ක් දෙනවා, Me , A friend and Celebrity කියලා එතනින් Me කියන ඔප්ෂන් එක දෙන්න ඊටපස්සෙ submit to report කියන එක ක්ලික් කරලා ඊටපස්සෙ එන ඔප්ෂන් එකේ තියෙන පුංචි කොටුවට ටික් එකක් දාලා Done කරන්න.
ඔන්න දැන් ප්‍රිටෙන්ඩින්ග් ඩිසේබල් එක වැදිල ඉවරයි එතනින් නවතින්න එපා.

ආයෙ පස්සට ගිහින් රිපෝට් ඔප්ෂන් එකට ගිහිල්ලා This is a fake එකවුන්ට් කියන ඔප්ෂන් එකෙනුත් රිපෝට් එක සබ්මිට් කරන්න.. ඊට පස්සෙ ඒ එක්වුන්ට් එකේ තමන්ගෙ පොටෝ දාලා තියෙනව නම් ඒ පොටෝ එකෙ දකුණු පැත්තෙ උඩ තියෙන ඩොට් 3 ක්ලික් කරලා Give a feedback or report කියන ඔප්ෂන් එක ක්ලික් කරලා එන ඔප්ෂන් වලින් Harrasment කියයන ඔප්ෂන් එක ක්ලික් කරන්න..

ඊටපස්සෙ සබ්මිට් කරාම ඔප්ෂන් 5ක් දෙනවා එතනින් this shouldn't be on facebook කියන ඔප්ෂන් එක ක්ලික් කරාම තවත් ඔප්ෂන් 5ක් දෙනවා එතනින් 4වෙනි එක ක්ලික් කරන්න ඊටපස්සෙ Me , A friend and celebrity කියලා ඔප්ෂන් 3ක් දෙනවා එතනින් Me කියන ඔප්ෂන් එක ක්ලික් කරලා ෆේස් බුක් සබ්මිට් කරන්න.. එච්චරයි වචන ගොඩකින් පැහැදිලි කරාට කරද්දි හරිම ලේසියි..

හොඳට මතක තියාගන්න කිසිම විටෙකත් ඒ එකවුන්ට් එක බ්ලොක් කරන්න එපා.. දැන් පැය 24ක් ඇතුලත ඩිසේබල් එක වැඩ කරනවා.. වැඩේ ඊටත් වඩා ඉක්මණ් කරගන්න නම් තමන්ගෙ ලිස්ට් එකේ ඉන්න තව යාලුවො දෙන්නෙකු ලව්වා උඩ කියපු පිලිවෙලටම අර Me කියලා දෙන්න ඕනි තැන්වල A friend කියන ඔප්ෂන් එක දීලා එතන එන සර්ච් බාර් එකේ තමන්ගෙ ඔරිජිනල් එකවුන්ට් එක සර්ච් කරලා රිපෝට් එක සබ්මිට් කරන්න කියන්න..

එතකොට ෆේස්බුක් හෙල්ප් සෙන්ටර් සිස්ටම් එකෙන් ඉක්මණින්ම රිපෝට් එක රිවිව් වෙනවා.. සපෝට් ඉන්බොක්ස් එකට නොටිෆිකේෂන් එකක් එනවා ඉන් අ රිවිව් කියලා.. එකවුන්ට් එක ඩිසේබක් කරාමත් නොටිෆිකේෂන් එකක් එනවා ඔයාලට තියෙන්නෙ බලාගෙන ඉන්න විතරයි...
Copied 🙏
පුස්තකාලය

N**e photos leak කරනවා කියලා තර්ජනය කරනවා ද?බලලා delete කරන්න කියලා යවපු ඔයාගේ අතිශය පුද්ගලික Photos leak කරනව කියල තර්ජනය කලොත්?

හිතන්නකෝ ඔයාගේ හිටපු Boyfriend, නැතිනම් දැනට තරහ වෙලා ඉන්න Boyfriend හෝ වෙනත් පිරිමි කෙනෙකු ඔයාගේ අතිශය පුද්ගලික photos Facebook වලට හෝ WhatsApp group වලට දානවා කියලා.

ඔයාට තර්ජනය කරනවා නම් හෝ ඔයාගෙන් අයුතු දෙයක් බලාපොරොත්තු වෙනවානම් සාපරාධි බියගැන්විම යන වෝදනාව( දණ්ඩනීති සංග්‍රහයේ | Penal Code 483) යටතේ පොලිසියට නීතිය කිුයාත්මක කළ හැකි බව ඔයා දන්නවද..

ඒ වගේ කවුරු හරි ඔයාව බය කළොත් හෝ ඒ phots ටික Upload කරනවා කියලා

කවුරු හරි කිව්වොත් අපේ ගොඩක් ගෑනු ළමයි බය වෙන එක තමා සිද්ධ වෙන්නේ.

ඒ වගේම ගොඩක් අය ඒ පුද්ගලයා කියන දේවල් වලට අවනත වෙන්න හදනවා..එහෙමත් නැත්නම් වහ ටිකක් බීල | කාලා හරි, එල්ලිලා හරි මැරෙන්න හදනවා..ඇයි මේ කොහෙවත් ඉන්න එකෙක් නිසා තමන්ගෙ වටිනා ජීවිතය නැති කරගන්නේ

ඔයාල ඔයාලගේ හානියක් කර ගන්නේ නැතිව අපි එයාව හිරේ යවන වැඩක් කරමු.

එහෙම කරනවනම් හැබැයි පොලිසියට යන්න ඕනි..පොලිසියට නිකං අත් දෙක වන වනා නම් යන්න එපා. ඔයා පොලිසියට යනවා නම් ඒ පුද්ගලයා ඔයාට තර්ජනය කරන message වල screenshot හරි, තර්ජනය කරන කෝල් එක recording එකක් හරි අරගෙන යන්න

මොකද අද ගොඩාක් ය පාවිච්චි කරන්නේ smart phone එකක්නේ එක නිසා ඒ වැඩේ මාරම ලේසියි.

පොලිසියට යනවනම් හැබැයි වැඩිහිටියෙක් එක්ක යනවනම් තමයි ගොඩක්ම හොඳ.

ගෙදර වැඩිහිටියෙක් එක්ක යන්න බෑ වගේ නම් වගේ යාළුවෙක් එක්ක හරි තනියට එක්කන් යන්න.කෝකටත් ඔයාගේ ආරක්ෂාව හොඳයිනේ.

හිතන්නකෝ ⁣ගමේ පොලිසිය හරියට වැඩේ කරන්නේ නෑ කියලා එහෙනම් ඉතිං කොළඹ ගෑන්ඩ්පාස් තියෙන ළමා හා කාන්තා කාර්යාංශය වෙත යන්න.

011244444 වැඩිදුර නීති උපදෙස් අවශ්‍ය නම් ළගම උසාවිය තුළ තිබෙන නීති ආධාර කොමිෂන් සහාවට ගිහින් නොමිලේ නීති උපදෙස් ලබා ගත හැකියි.

ප්‍රධාන කාර්යාලය - 0112433618) සතියේ දවස්වල කාන්තා කටයුතු අමාත්‍යාංශයේ hotline එක 1938 කතා කරලා ගෙදර ඉදන්ම උපදෙස් ලබා ගන්න පුලුවන්.

කොළඹ ගෑන්ඩ්පාස් එක නැත්නම් මිරිහාන අපරාධ විමර්ෂණ ඒකකය එකත් මාරම හොඳයි. ඔයාලාගේ සාක්‍ෂි විමසන්න එන්නේ ගොඩාක් වෙලාවට කාන්තා පොලිස් අයමයි

හොඳම දේ කොළඹ ගෑන්ඩ්පාස් යන්න කලින් call එකක් දීලා උපදෙස් අරගෙන, එයාලා කියන හැම document එකක්ම අරගෙන යනවනම් ඔයාගේ පැත්තට තමා වාසි..

ඔයාට ඒ පිරිමි පුද්ගලයා වෙනුවෙන් නඩුවක් දාන්න ඕනි කියලා හිතන්නකෝ..සමහර අවස්ථාවන් වලදී ඔයාට උසාවියට යන්න අවශ්‍ය නැහැ

ඔයාගේ voice recording එකක්, ලිඛිත ලියවිල්ලක් හොඳටම ඇති ඒ පුද්ගලයාට විරුද්ධව උසාවියේ නඩුවක් උනත් දාන්න. අන්න ඒක නිසා තමන්ගේ වටිනා ජිවිතේ නාස්ති කර ගන්නේ නැතුව හරිම දේ කරමු..

නොදන්නා අයට දැනගන්නත් එක්ක මේක share කරමු හැමෝටම පේන්න.

Sharing first hand experience!

පලවෙනි පාරටම ලීක්/බ්ලැක්මේල් කරනවා කියලා කියපු ගමන් cert එකට පැමිණිල්ලක් දාන්න - [email protected]
මේකට මේල් එකක් දාලා පැය කිහිපයක් තුල CID හෝ telligp එකට පැමිණිල්ලක් දාන්න කියන guidance එක ලැබෙනවා
ඊට පස්සේ අවශ්‍ය නීතිමය කටයුතු ඉක්මනට සිද්ද වෙනවා

තර්ජනය කරන "ලොකු අයියලා" එහෙම පොඩි උන් වගේ පොලීසි වල අඩන හැටි ඒ වෙලාවෙම තියන ඔක්කොම ඩිලීට් කරන හැටි දැකලා තියෙනවා

ඒක නිසා බය වෙන්න / පැනික් වෙන්න යන්න එපා
අපරාධකාරයෝ නීතියට බාර දෙන්න 🤗

Copied

මට මෙයාලා හම්බවුනේ මහ රෑ 12.30ට විතර, කොටුවේගොඩ පාර අයිනේ payment එකේ වාඩි වෙලා ඉන්නකොට. මහ රෑ පාර අයිනේ හිටපු නිසා නැවතිලා ඇහුවා මොනාහරි උදව්වක් ඕන ද කියලා.

ඔව් අපිට room එකක් හොයලා දෙන්න පුලුවන් නම් ලොකු උදව්වක් කිව්වා. මගෙ ඊලග ප්‍රශ්නේ උනේ ඇයි කලින්ම එකක් හොයාගන්න බැරි උනේ කියල.
කතාව මෙහෙමයි, මාතර සුප්‍රසිද්ධ කාමර දෙන තැනක තමයි මුලින්ම කාමරයක් වෙන් කරලා තියෙන්නෙ, එතනට ගිහින් බඩු මුට්ටු ටික කාමරෙන් තියලා රෑ කෑමට එලියට ගිහින් එනකොට මුලු කාමරෙම කැරපොත්තො ලු 😅🙂 ඒ කාමරෙ ඉන්න බෑ වෙන කාමරයක් ඉල්ලුවම වෙන කාමරයක් නෑ කියලා, ඊටපස්සෙ එතන ඉන්න බෑ කියලා වෙන තැනකට යන්න හදනකොට පැය දෙකක් ඉදපු එකට සල්ලි දෙන්න කියලා, සල්ලි නොදී passport එකෙ දෙන්නේ නෑ කියලා ඒ හොටෙල් එකෙන් කියලා. එහෙම කොහොමහරි කතා කරලා වාද කරලා බඩු ටිකත් අරන්, passport එකත් අරන් එලියට බැහැලා පාර දිගේ අවිදන් නවතින්න තැනක් හොයලා, බැරිම තැන තමයි පාරේ වාඩි වෙලා ඉදලා තියෙන්නෙ.

කෝම කෝම හරි විස්තර ටිකත් අහගෙන, තැනක් හොයලා නොදී දැන් මට ගෙදර යන්නත් හිතක් නෑ.
වෙලාවට මගෙ අතිජාත මිත්‍රයෙක් එතනට පහත් උනේ Adhnan Ninsar. ඒ යාලුවා ආපු බයික් එකෙම ගිහින් කොහොම හරි රෑ 01.30ට විතර හොද කාමරයක් හොයල දෙන්න පුලුවන් උනා 😁 එතනට ගිහින් දාලා අපි ගෙදර යනකොට පාන්දර 2ට කිට්ටුයි. මේ phto එක ගත්තේ ඊලග දවසෙ එයාලා මාතරින් යන්න හදනකොට.

සමුදෙනකොට මම සමාව ඉල්ලුවා ඊයේ රෑ ඔයාලට මාතර වෙච්ච අපහසුතාවයට මම සමාව ගන්නවා කියලා, එතකොට එයාලගේ උත්තරය උනේ
"Its totally okayy, you have nothing to do about it & And an unfortunate incident happened and that made us road to fortune. Because of that incident we met you guys, and you guys made our vacation 10 times better than it was to be"
("ඒකට කමක් නෑ ඒකට ඔයා සමාව ගන්න ඕන නෑ, ඒ වෙච්ච අවාසනාවන්ත සිද්ධිය නිසා අපිට ලොකු වාසනාවාක් හම්බවුනා, ඒ තමයි ඔයාලව මුනගැහුනු එක. ලංකාවට ආපු මේ ගමන ඔයාල තව 10 ගුනයකින් සුන්දර කරා")
And when they said it, I felt it 🥰❤️

ඕනම දෙයක් සුභවාදිව දකින මිනිස්සුන්ට මම හරි කැමති. අපිට ජිවිතේ තියන ප්‍රශ්න, අභියෝග මොනාද කියලා ඇහුවානම් සිය දාහක් අපිට කියන්න පුලුවන්. ඒත් ජිවිතෙ ලැබිලා තියෙන හොද දේවල්, ආශිර්වාද මොනාද කියලා ඇහුවා නම් ඉතාමත් පොඩි ස්වල්ප ප්‍රමානයක් ඇති. ඒ අපි ආශිර්වාද සහ සතුට වැඩිය දකින්නේ නැති නිසා, අපි පුරුදු වෙලා ඉන්නෙ negative පැත්ත දකින්න විතරයි.

ඉතින් මම හැමදාම කියන මම ආසම වාක්‍ය කියලා අවසන් කරන්නම්
"ආදරනීය මනුස්සයෙක් වෙන්න" ❤️🥰✨

Copied

"මට පිරිමි ගනිකාවක් ඕන"

එහෙම කියන්නෙ මැදි වයසෙ පිරිමියෙක්.ඒක ගනිකා නිවාසයක්.

විස්තරේ අහගන ඉන්න ගෑනු කෙනා කියනවා "හිටියොත් කියන්නම්" කියලා.

පිරිමි කෙනා එක පාරටම කියනවා

"මට නෙවෙයි මගෙ දුවට "

බර කනේ පාරක්....මඳ නිහැඬියාවක්..

"හැම තාත්තෙක්ම දුවෙක්ට මනමාළයෙක් හොයනවා.මොකටද?ඒකටනෙ..මගෙ දුවගෙ අත වැඩ කරන්නෙත් නෑ කකුල් වැඩ කරන්නෙත් නෑ.ඒත් ආශාවන් තියෙනව.දුවට ඉන්නෙ මම විතරමයි.අපි කොයි වෙලාවෙ මැරිලා යයිද කියලා නොදන්න මිනිස්සු .මම කැමතියි දුව විඳින්න කැමති දේවල් විඳිනවට."

ටීවී එකේ ලස්සන පිරිමියෙක් දැක්කම ඉඹින්න යන,පාරෙ යන ලස්සන පිරිමියෙක් දැක්කම ...
බෝනික්කෙන්ගෙ ඇදුම් ගලවලා රහස් තැන් වල පාට ගාන දුව වෙනුවෙන්...

ඔහුට ඉන්නෙ අංග විකල කියන තත්වයෙන් උපන් දුවෙක්.ඇයට තනිවම පෑඩ් එකක් වත් මාරු කරගන්න බෑ.
වරක් ඇයව නවත්තන ඒ වගේම ළමයි ඉන්න නිවාසෙන් ඇය ඇතුලු යොවුන් දරුවන් බොහෝ දෙනෙක් ගුටිකනවා.මේ තාත්තා ප්‍රශ්ණ කරනවා "ඇයි මගෙ දරුවට ගැහුවෙ?"

"සමාවෙන්න සර්.අතින් කරනවා.ගහන්නැතුව බෑ"

ඒ නිවාසෙ තව තරුණ කොල්ලෙක් ඉන්නව හොඳටම ගුටි කනවා.මේ තාත්තා යනව ඒ තරුණයගෙ තාත්තා හමුවෙන්න.

"ඒ නිවාසෙ හොඳ එකක් නෙවෙයි.ළමයින්ට ගහනව..ගිහින් එක්ක එන්න පුතාව.මම මගෙ ළමයව අරන් ආවා."

"කමක් නෑ සර්.ගෙදර හිටියොත් හෙලුවෙන් පාරට ඇවිත් පාරෙදි අතින් කරනවා.මිනිස්සු මහ පාරෙ තියලා ගහනවා.එහෙදි ගහන්නෙ කාමරයක් ඇතුලෙ දාලනෙ.ඔහෙ ගුටි කාපුවාවෙ සර්"

අංග විකල, නැත්තං අබ්බගාත, ඒත් නැත්තං මන්ද මානසික කියලා අපි කියන ළමයිනුත් ලොකුවෙනවා.තරුණ වෙනවා.ඔවුන්ටත් හැඟීම් දැනීම් තියෙනව.ලිංගික ආශාවන් තියෙනව.නමුත් ඔවුන්ට ආකර්ශනය වෙන සහකාරයෙක් නෑ.

එතකොට...

ඔවුන්ට තියන එකම ක්‍රමය ස්වයං වින්ඳනය...

සාමාන්‍ය තරුණයෙක් තරුණියක් දන්නව මේක එලිපිට කරන්න හොඳ දෙයක් නෙවෙයි කියලා.ඒත් අර තරුණ තරුණියන්ට දැනෙන්නෙ අවශ්‍යතාවය විතරයි.

එතකොට..

දෙමාපියන් සහෝදරයින් ඉදිරියේ වේලාවක් අවේලාවක් නැතුව...

මේ කතා නායකයට ඉන්නෙ අම්මෙක් නැති තරුණ දුවෙක්..මොළේ හරියට වැඩිලා නැති.කට ඇද වෙලා අත පය කොර වෙලා ඉන්න...

ස්වයං වින්ඳනයටත් ඇයට බාධා තියෙනවා..

එවැනි දරුවන් සිටින දෙමාපියන්ගේ මානසිකත්වය..

එවන් අයව අපිට හමුවී නැතිද?අපි ඔවුන් ගැන හිතුවෙ කොහොමද?ඇත්තටම අපි හරිද?ඔවුන් වැරදිද?කොතනද වැරදි?

අවසානයේ ඔහු දියණිය වෙනුවෙන් ඇයගේ මානුෂීය ආශාවන් වෙනුවෙන් කෙනෙක් හොයා ගනීද?
====
Peranbu මානුෂීය දමිළ චිත්‍රපටය.
=====
මේක අද නැවත තුන් වෙනි වතාවට දාන පෝස්ට් එකක්.
තවමත් නරඹා නැත්තං ඔබත් එය නරඹන්න..
=====
සුජාතා මැණිකේ ඉහළගෙදර

කොහොමද අද දවස?
මහන්සිද?
වැඩ වල තත්වය කොහොමද?
ඔයා හොඳින්ද?
ඔයාට පුලුවන්.
හිමින් හිමින් කරන්නකෝ.
මං ඉන්නවා ඔයා ළඟ.

සමහර වෙලාවට මේ වගේ වචන ටිකක් ඇති මනුස්සයෙක්ව cheer up කරන්න.

දවස පුරාවටම ගතෙන්, හිතෙන් මහන්සි වෙන මිනිස්සු
තනියම හැමදේම කරගන්න මිනිස්සු
හීන වෙනුවෙන් නිදිමරන මිනිස්සු
බැරිමර ගාතේම හරි තමන්ට තේ එකක් හදාගෙන ආයෙත් වැඩ කරන මිනිස්සු
පීඩනයෙන් හෙම්බත් වෙලා ඉන්න මිනිස්සු
පාලුවෙන් හුදකලාවෙන් දවස් ගෙවන මිනිස්සු
තනිකම සාංකාව දරාගන්න මිනිස්සු
දාහක් ප්‍රශ්න ඔලුවේ තියන් ඉන්න මිනිස්සු
පවුලෙම බර කර ගහන මිනිස්සු
දරුවෝ වෙනුවෙන්ම නැහෙන මිනිස්සු.......

මේ සමහර විට ඔයාගේ සහකරු/ සහකාරිය වෙන්න පුලුවන්. සහෝදරයා/ සහෝදරිය වෙන්න පුලුවන්, අම්මා තාත්තා වෙන්න පුලුවන්, යාලුවෙක් වෙන්න පුලුවන්. වැඩ කරන තැන කෙනෙක් වෙන්න පුලුවන්. මග තෝටේ හමුවෙන දන්න කෙනෙක් වෙන්න පුලුවන්. ඔයාම වෙන්නත් පුලුවන්.

කවුරු වුණත් මෙහෙම මිනිස්සු ලොකු ලොකු දේවල් බලාපොරොත්තු වෙන්නේ නෑ. එයාලව සනසවන්න පොඩි වචන ටිකක් හොඳටම ඇති. එයාලා ඔයාට මුකුත්ම කරන්න කියන්නෙත් නෑ. එයාලට ඕනා පොඩි තල්ලුවක් විතරයි. කවුරුම හරි කෙනෙක් එයාලා ගැන හොයනවා කියලා එයාලට දැනෙන්නයි ඕනා.

ඉතිං ඔයාගේ ආදරණීයන්ගෙන් අහන්න එයාලාට මහන්සිද කියලා. පොඩි msg එකක් දාලා check කරන්න. Random call එකක් අරං check කරන්න.

කෙනෙක් "මට මහන්සියි" කියලා ඔයාට කියනවා නම් ඒ එයා ඔයාව විශ්වාස කරන නිසයි. ඔයාගෙන් එයාට පොඩි energy එකක් ලැබෙයි කියලා එයා හිතන නිසයි. මොකද මිනිස්සු එහෙම ලේසියෙන් තමන්ට දැනෙන දේවල් කියන්නේ නැති නිසා.

සමහර විට ඔයත් මහන්සියෙන් ඇත්තේ. ඒත් එහෙම වෙලාවට ඔයාගේ මහන්සිය ගැනම නොකියා "ඉතිං මං මොකක් කරන්නද?" කියලා පෙරලා ප්‍රශ්න කරන්නේ නැතුව එයාට cheer එකක් දෙන්න. අඩුම තරමේ අහන් ඉන්න. පිටට තට්ටුවක් හරි දාන්න. කර වටේ අතක් දාගන්න. අත තදින් අල්ලගන්න. එයාගේ වටිනාකම මතක් කරලා දෙන්න. එයා වෙනුවෙන් status එකක් දාන්න. Image එකක් send කරන්න. සිංදුවක link එකක් යවන්න.

ලඟම ඉන්නවා නම් උණු තේ එකක් හදලා ගිහින් දෙන්න. Stress එක නිසාම බර වෙලා ගල් වෙලා තියෙන උරහිස් දෙක ටිකක් massage කරන්න. ඔලුව පොඩ්ඩක් අතගාන්න. "මං ඔයා ගැන ආඩම්බරයි" කියලා පොඩි kiss එකක් දෙන්න.

මේවා සුරංගනා කතා කියලා හිතෙයි. ඒත් විඩාපත් වෙච්ච මනුස්සයෙක්ට මේ හොඳටම ඇති එයාගේ මහන්සිය නිවාගන්න. එයාට ඕනමත් එහෙම දෙයක්මයි.

හැමදාම අන්තිම නරකම දෙයක් වුණාම විතරක් කෙනෙක් ගැන "අනේ" කියලා දුක් වෙලා වැඩක් නෑ. මිනිස්සුන්ට ඕනා අනුකම්පාව නෙවෙයි. සංවේදි බවයි.

ජීවිතේ හරි මහන්සියි තමයි. ඒ නිසාම ආදරණීයන්ට ආදරේ වෙන්න. එකිනෙකාගේ අමාරු කාල වලදි එකිනෙකාව බලාගන්නවා කියන්නේ ඒකටයි.

Copied.

භාවිතා කර පුළුස්සා දමන හෝ පසට දිරාපත් වන්නට හරින ඔබගේ ශරීරයට තවත් බොහෝ මිනිසුන් සුවපත් කරන්නට උපකාර කළ හැකි නම්.... !!!

කොළඹ විශ්ව විද්‍යාලයේ දේශීය වෛද්‍ය පීඨයේ අධ්‍යන කටයුතු සදහා මෘත ශරීර විච්ඡේදනය මගින් ලබා ගන්නා දැනුම අත්‍යවශ්‍ය ය. ඔබගේ ශරීරය ඔවුන්ට විශ්ව කෝෂයක් බදුය.

මෘත ශරීර පරිත්‍යාග කිරීම සදහා අවශ්‍ය අයදුම්පත සහ උපදෙස් පත්‍රිකාව රාජගිරියේ පිහිටි කොළඹ විශ්වවිද්‍යාලීය දේශීය වෛද්‍ය විද්‍යා පීඨයෙන් ලබා ගත හැකියි.

(පහත link එක ඔස්සේද ඔබට එම උපදෙස් පත්‍රිකාව සහ අයදුම්පත Download කරගත හැකියි )👇

https://drive.google.com/file/d/1pFSxYX-Wofq1c9-7Pbiz8nHMjMSV-8o8/view?usp=drivesdk)

එවිට මෙහි දක්වා ඇති සහතිකය එම මොහොතේ ම හෝ තැපෑලෙන් ඔබ වෙත ලැබීමට සලස්වනු ඇත.

වැඩිදුර තොරතුරු සදහා
0112692385
0112694308
අමතන්න.

සමාජ සත්කාරයක් සේ සලකා මෙය බෙදා හැරීමට කාරුණික වන්න 🙏🏻

Coppied

නිතරම පොසිටිව් වයිබ්ස් දෙන, අනුන්ගෙ ඕපාදූප ගැන කෙයාර් නොකරන, තමන් වෙනුවෙන් මහන්සි වෙන ගමන් ලෝකයත් ලස්සන කරන්න උත්සාහ කරන මිනිස්සු ඔයාගෙ වටේ ඉන්නවා කියන්නෙ ඔයාගෙ ජීවිතේ හරි ලස්සනයි කියන එක.

නෙගටිව් වයිබ්ස් වලින් පිරුණු හෝ ටොක්සික් ගතිය වැඩි මිනිස්සු නිතර ඇහැට කනට නොගැටෙන එක අපේ මානසික සෞඛ්‍යයට සෑහෙන හොඳයි. ඉන'ර් සර්කල් එකේ තියාගන්න වගේම ෆේස්බුක් ෆ්‍රෙන්ඩ් ලිස්ට් එකේ තියාගන්න පවා අපේ වයිබ්ස් වලට ගැළපෙන මිනිස්සු තෝරාගැනීම අත්‍යාවශ්‍ය වෙන්නෙ ඒ නිසයි.

වයස් සීමාවක් නැතුව ඉගෙන ගන්න, සිංදුවක්-පොතක්-ෆිල්ම් එකක් ගැන සංවාද කරන, කනට ඇහෙන ඕපදූපයක වුණත් දෙපැත්තක් තියෙනවා කියලා විශ්වාස කරන, නිතරම හොඳ වයිබ්ස් වලින් ඔලුව පුරවන මිනිස්සු ටිකක් ජීවිතේ අහළ පහළින් තියාගන්න.

වැඩියෙ නොහිතුවා වුණාට, වටපිටාවෙ ඉන්න මිනිස්සු අපේ මූඩ් එකට, අපේ සිතිවිලි වලට, කොටින්ම කිව්වොත් අපේ ජීවිතයට, ඉතා විශාල බලපෑමක් කරනවා...!

ඒ නිසා, ලස්සනට ජීවත් වෙන්න නම්, ලස්සන මිනිස්සුන්ව ළඟින් තියාගන්න..!! 💜️

Copied

ගොඩක් මතවාද facebook එකේ දකින නිසා ලියන්න හිතුණේ.

මේ සත්තු ඇත්තටම කරදරයි. පෞද්ගලිකව අපිත් පීඩා විදිනව. හැබැයි උන්ටත් ජීවත් වෙන්න අයිතියක් නැතිද?

සත්තුන්ගෙන් අපිට කරදරයි කියන මතේ හැමෝම කියනව. හැබැයි ඊට වඩා අපෙන් සත්තුන්ට කොච්චර කරදරයි ද? එයාට කතා කරන්න පුලුවන් නම් කියයි ලෝකෙ කොච්චර අසාධාරනද කියල.

හෑලි ලියාගෙන එයි දැන්. හැබැයි කමක් නෑ මනුස්සකම් තියෙන එක්කෙනක් හරි ඇතිනෙ. එයාලට respect ❤