21 FMTV

Mention කරන වදයෙන්
නිදහස් වෙන්න
•••••••••••••••••••••••••••••••

මේ ටික කරලා තියාගන්න.

ජනමාධ්‍ය අමාත්‍යාංශයේ වැය ශිර්ෂයේ දී
පාර්ලිමේන්තුවෙන් ඇසුණු කතා
••••••••••••••••••••••••••••••••••••••••••••••••••••••🎤🎙️

අද (11) මවුබිම පුවත්පත

හොඳම තැනින් පටන්ගන්න

අවුරුදු 4 ත් 14 අතර දක්ෂ පොඩිත්තන්ට......
⚪ 🔻 🔻 🔻 🔻 🔻 🔻

🔸අන් අය අතර කැපී පෙනෙන, මනා පෞරුෂත්වයකින් හෙබි ,
ඒකාකාරී පීඩාවන්ගෙන් මිදුනු,
ආදරයෙන්, සහ සතුටින් පිරිපුන් දරුවෙකු ගොඩනගමු.

🔸දරුවන්ගේ දක්ෂතා හඳුනාගනිමින්,
නිවැරදිව මග පෙන්වමින්,
දරුවන්ගේ දක්ෂතා අපගේ යූටුබ් චැනල සහ ෆේස් බුක් පිටු ඔස්සේ විශ්වය සිසාරා රැගෙන යන තැන...




🔹 නිවේදන ශිල්ප ක්‍රම.
ප්‍රවෘත්ති , හඬ කැවීම්, ක්‍රීඩා , උත්සව සභා මෙහෙයවීම , සජීවී තත්ව වාර්තා , ආදි සියලු නිවේදක අවස්ථා පිළිබඳ පුහුණුව.

🔹සබකෝලය දුරු කර ඉදිරිපත්වීමේ කුසලතා වර්ධනය.
🔹 තාක්ෂණික දැනුම.
🔹රසවින්දන හුරුව.
🔹පිටපත් රචනය සහ වාර්තාකරණය
🔹කටහඬ පුහුණුව.
🔹පාසල්, දහම් පාසල් තරග සහ ප්‍රසංග සදහා සූදානම.
🔹 භාෂා දැනුම.
🔹ගායන සහ රංගන කුසලතා වර්ධනය.
🔹ක්ෂේත්‍රයේ ප්‍රවීණයන්ගේ විශේෂ දේශන.
________________________________

ඉහත විෂය ක්ෂේත්‍රය ළමා මනසට ගැලපෙන ලෙස, සරල සහ
ආකර්ෂණීය අයුරින් ඉගැන්වේ.
______________________________

නව තාක්ෂණික මෙහෙයුම් පද්ධතියකින් සමන්විත අංග සම්පූර්ණ මැදිරියක අධ්‍යයන කටයුතු සිදු කෙරේ.
________________________________

🔸පන්ති පැවැත්වෙන වේලාව සහ සහභාගි වීමේ ක්‍රමවේදය .

- සතියේ දින පහේ පස්වරු 3 සිට 5 දක්වා පන්ති පැවැත්වේ.
එයින් දරුවන්ට පහසු දිනවල සහභාගි විය හැකිය.
(අවම සතියට දිනක් හෝ සහභාගි විය යුතුය.)
________________________________

වයස සීමාව.
අවුරුදු 4 සිට 13 දක්වා.
________________________________

මාසික ගාස්තුව රු. 1000/-කි.

(එක් නිවසකින් දරුවන් දෙදෙනෙකු සහභාගි වන්නේ නම් අය කෙරෙන්නේ ද එක් දරුවෙකුගේ ගාස්තුව වන රු.1000/ක් පමණි).
________________________________

වාර්ෂිකව දරුවන්ගේ නිපුණතා ඇගයීමට ලක් කර සහතික සහ වර්ණ ප්‍රදානය කෙරේ.
________________________________

මෙහෙයවීම සහ අධීක්ෂණය
කුමාරි ගුණරත්න .
(ශ්‍රී ජයවර්ධනපුර විශ්ව විද්‍යාලයේ ජන සන්නිවේදනය උපාධිධාරීණී,
ශ්‍රී ලංකා ගුවන් විදුලි සංස්ථාවේ වසර 23ක පළපුරුදු -
සම්මානනීය සන්නිවේදකා,
ප්‍රවෘත්ති නිවේදිකා,
වයඹ රේඩියෝ හිටපු පාලක)
________________________________

පන්ති ආරම්භය 2024 ජනවාරි.
________________________________

ලියාපදිංචි වීමට දරුවාගේ නම ලිපිනය සහ වයස whatsapp කරන්න .

0715132167.
________________________________

Voice Art Academy
වැහැර.
කුරුණෑගල.

(කුරුණෑගල බණ්ඩාරනායක විද්‍යාලය , වැහැර සිරි සංඝරාජ පිරිවෙන අසල )

_________________________________

ටෙලිකොම් වෙත කැමැත්ත ප්‍රකාශ කිරීමේ
කාලය දීර්ඝ කරයි
•••••••••••••••••••••••••••••••••••••••••••••••••••••••

මුදල්, ආර්ථික ස්ථායීකරණ සහ ජාතික ප්‍රතිපත්ති අමාත්‍යාංශය යටතේ පවතින ශ්‍රී ලංකා ටෙලිකොම්හී රජය සතු 50.23% ක කොටස්වල ආයෝජනය කිරීම පිණිස ආයෝජකයන්ට අවස්ථාව ලබා දීමට පැවැති කාලය 2023 ජනවාරි 24 දක්වා දීර්ඝ කරයි.

මීට පෙර ඒ සඳහා අභිලාෂ කැදවීමේ අවසන් දිනය ලෙස දෙසැම්බර් 18 වන දා ලෙස සඳහන් කර තිබිණි.

ශ්‍රී ලංකා රජය සතු ව්‍යවසාය ප්‍රතිව්‍යුහගත කිරීමේ වැඩසටහන යටතේ මෙම වැඩපිළිවෙළ ක්‍රියාත්මක කරයි.

ආයෝජකයින්ගේ ඉල්ලීම් මත ශ්‍රී ලංකා ටෙලිකොම් සඳහා අභිලාෂ ප්‍රකාශ කිරීමේ කාලසීමාව දීර්ඝ කර ඇති බව රාජ්‍ය ව්‍යවසාය ප්‍රතිව්‍යුහගත කිරීමේ ඒකකයේ අධ්‍යක්ෂ ජනරාල් සුරේෂ් ෂා මහතා සඳහන් කර තිබේ.

ජපන් යන්න උපකාරක පන්ති
ජාතික රූපවාහිනියෙන්
••••••••••••••••••••••••••••••••••••••

ජපානයේ ශ්‍රී ලංකා තානාපති කාර්යාලය, ශ්‍රී ලංකාවේ ජපාන ආදි විද්‍යාර්ථීන්ගේ සංගමය (JAGAAS) සමඟ රූපවාහිනී සංස්ථාව එක්ව සංවිධානය කෙරෙන, SSW (Specified Skilled Workers- හැකියා සහිත ශ්‍රමිකයන්) සඳහා වූ වීසා ක්‍රමය යටතේ ජපානයට යාමට අපේක්ෂා කරන ශ්‍රමිකයන්ට N5 සහ N4 විභාග වෙනුවෙන් පැවැත්වෙන ජපන් උපකාරක පංති ජාතික රූපවාහිනිය ඔස්සේ 2024 ජනවාරි සිට විකාශය වේ.

කෘෂිකර්මය, වැඩිහිටි සත්කාරය, ආහාර සේවා, ගොඩනැඟිලි කර්මාන්ත, ගුවන් සේවා ග්‍රවුන්ඩ් හැන්ඩ්ලින් යන ක්ෂේත්‍ර සඳහා වීසා ලබා දීමට අනුමැතිය ලැබී

ඒ පිළිබඳ දෙවන සාකච්ඡාවක් ජපන් තානාපති කාර්‍යාලයේදී පසුගියදා පැවැත්විනි

එම සාකච්ඡාවට ජපන් තානාපති මිසුකොෂි හිදෙකි. JAGAAS සංවිධානයේ සභාපති ආචාර්ය සුනිල් ජයන්ත නවරත්න, රූපවාහිනි සංස්ථාවේ සභාපති ආචාර්ය ප්‍රසාද් සමරසිංහ, ජපන් තානාපති කාර්යාලයේ පළමු ලේකම් කෙන්ජි ඉනොවෙ, දෙවන ලේකම්වරුන් වන හිරොකි ඉනොඋවෙ සහ අන්න සුසුකි යන අය සමඟ කැලණිය විශ්ව විද්‍යාලයේ මහාචාර්ය දිල්රුක්ෂි රත්නායක සහ මිනකත මිනමි සමඟ රූපවාහිනී සංස්ථාවේ වැඩසටහන් භාර නිලධාරීන් ද එක්ව සිටියහ.

𝐘𝐞𝐬 𝐅𝐌 30 වන
වසරට ⚡💥
•••••••••••••••••••

MBC මාධ්‍ය ජාලයේ ඉංග්‍රීසි ගුවන්විදුලිය 𝐘𝐄𝐒 𝐅𝐌 අද සිය 30 වන උපන් දිනය සමරයි.

1993 දෙසැම්බර් 10 වනදා අද වැනි දිනක උදෑසන 06.00 ට ගුවන්විදුලිය ආරම්භ විය.

මෙරට ඉංග්‍රීසි ගුවන්විදුලි ශ්‍රාවකයන් අතර ජනප්‍රිය කුලකයේ තවමත් රැදී සිටින 𝐘𝐄𝐒 𝐅𝐌 වසර තිහක් පුරා විවිධ සංධිස්ථාන පසුකරමින් ශ්‍රාවකයන්ට සමීපව තිබේ.

101.MHz/100.8 MHz ඔස්සේ ආවරණය පහත පරිදි පවත්වාගෙන යයි.

🗼101 MHz-කොළඹ
🗼101 MHz-හන්තාන
🗼100.8 MHz-හුන්නස්ගිරිය
🗼101 MHz-ගොන්ගල
🗼101 MHz-ඇතුගල
🗼101 MHz-යාපනය
🗼101 MHz-සින්ගල් ට්‍රී
🗼100.8 MHz-මවුන්ට් ඔළිෆන්ට්

"තුහිරාවි"

හෙට සිට සතියේ දිනවල රාත්‍රී 07.30 ට
ජාතික රූපවාහිනිය - Sri Lanka Rupavahini (TV) Corporation

𝐓𝐯 𝐒𝐜𝐫𝐞𝐞𝐧 එක පෝන් එකට
පෝන් එක 𝐓𝐕 𝐒𝐜𝐫𝐞𝐞𝐧 එකට
•••••••••••••••••••••••••••••••••••

ViU HUB/ViU Mini,Android TV
use කරන ඔයාට

app එක open වූ පසුව ක්‍රියාත්මක නොවේනම්
(ඇන්ඩ්‍රොයිඩ් ඩිවයිස් එකේ )

settings-Device Preferences-about-build වෙත ගොස් හත්වරක් ටච් කර Developer option enable කරගන්න

ඉන්පසුව නැවත

settings-Device Preferences-Developer option-Usb Debugging මත ටච් කර එය ඔන් කර ගන්න

Freesat පාරිභෝගිකයන්ට
විශේෂ දැනුම් දීමක්
•••••••••••••••••••••••••••••••••••

නඩත්තු කටයුත්තක් හේතුවෙන් 2023 දෙසැම්බර් 11 (සඳුදා) උදෑසන 9.00 සිට සවස 3.00 දක්වා චන්ද්‍රිකා සම්ප්‍රේෂණයට බාධා ඇතිවිය හැකි බව freesat සමාගම දැනුම් දෙයි.

හදිසියකට ළඟින්
තියාගන්න.🤝📡🗼
Newsfirst.lk

ඇබෑර්තු
••••••••••

Channel One

🤝වීඩියෝ සංස්කරණ ශිල්පී
🤝රූපවාහිනී වැඩසටහන් නිශ්පාදක
🤝වැඩසටහන් නිශ්පාදන සහයක

𝐀𝐧𝐝𝐫𝐨𝐢𝐝𝐞 TV බලනවානම් ⚡
මේ 𝐋𝐚𝐮𝐧𝐜𝐡𝐞𝐫 ට්‍රයි කරලා බලන්න
••••••••••••••••••••••••••••••••••••••••••

ඔබේ ViU Hub/ViU Mini හෝ ඕනෑම ඇන්ඩ්‍රොයිඩ් TV Device එකක මුහුණත වෙනස් කරන්න පුළුවන් හොඳම Launcher ටිකක් 😍💥

01.Ugoos TV
02.TV Home Launcher
03.Simple TV Launcher
04.HALauncher
05.Top TV Launcher 2
06.Android TV Launcher
07.ATV Launcher
08.F Launcher
09.Projectivy Launcher

Disconnect කරපු
ViU Mini/Hub එක ⚡
••••••••••••••••••••••

👉Normal Device එකක් විදියට පාවිච්චි කරමු.

කරන විදිය දැනගන්න.පින්තුර මත ටච් කරන්න.👇

Henry Steele Olcott Memorial
Cricket Tournament හෙට සහ අනිද්දා
•••••••••••••••••••••••••••••••••••••••••••••••••

22 වැනි වරටත් පවත්වන කර්නල් හෙන්රි ස්ටිල් ඕල්කට් අනුස්මරණ ක්‍රිකට් තරගාවලිය හෙට (09) සහ අනිද්දා (10) දෙදින sporty.lk යූ ටියුබ් නාලිකාව සහ Event TV ඔස්සේ විකාශය කරයි.

මහනුවර ධර්මරාජ විද්‍යාලයීය ක්‍රිකට් පදනම තරගාවලිය සංවිධානය කරයි.

දෙරණට අපහස කළැයි පැමිණිල්ලට
SL V Log වෙත වාරණයක්
••••••••••••••••••••••••••••••••••••••••••••••

පවර් හවුස් සමාගමට අයත් දෙරණ ආයතනයට එ⁣රෙහිව අසත්‍ය, අපහාසාත්මක සහ ද්වේෂ සහගත ප්‍රකාශ නිකුත් කිරීම සම්බන්ධව ගොනු කළ පැමිණිල්ලක් හේතු⁣වෙන් SLVlog Pod Talks වැඩසටහනට වාරණ නියෝගයක් නිකුත් කරයි.

කොළඹ දිසා අධිකරණය මගින් මෙම වාරණ නියෝගය නිකුත් කර තිබේ.

SLVlog Pod Talks වැඩසටනේ
හසලක තුෂාර සංජීවට එරෙහිව රුපියල් මිලියන 500ක වන්දියක් ඉල්ලා අද දෙරණ අයත් පවර් හවුස් පුද්ගලික සමාගම විසින් පැමණිල්ලක් ගොනුකර කර තිබේ.

එම පැමිණිල්ලේ සඳහන් කරුණු මෙසේය.

01.කොළඹදී පැවති මෝඩාභිමානය නම් වැඩසටහනකදී බුදු දහමට එරෙහිව ආන්දෝලනාත්මක ප්‍රකාශ කිහිපයක් සිදුකිරීම සම්බන්ධයෙන් නතාෂා එදිරිසූරියව ඉකුත් මැයි 28 වනදා අත්අඩංගුවට ගැනුණු අතර පසුව ඇයව රක්ෂිත බන්ධනාගාරගත කළ අතර ඇප කොන්දේසි සම්පුර්ණ කිරීමෙන් පසු ජුලි 06 වනදා ඇයට කොළඹ මහාධිකරණය මගින් ඇප නියම කෙරුණි.නතාෂා එදිරිසූරිට ඇප ලබාදීමට අදාළ පුවත අද දෙරණ 6.55 ප්‍රධාන ප්‍රවෘත්ති ප්‍රකාශයෙන් වාර්තා කළ ආකාරය විවේචනය කරමින් පදනම් විරහිත සහ අපහාසාත්මක ලෙස SLVlog Pod Talks හරහා හසලක තුෂාර සංජීව විසින් වැඩසටහනක් විකාශය කර තිබීම

02.ඒ ඔස්සේ අසත්‍ය, අපහාසාත්මක සහ ද්වේශ සහගත ප්‍රකාශ සිදුකරමින් අද දෙරණ ට චෝදනා එල්ල කිරීමට එරෙහිව රුපියල් මිලියන 500ක වන්දියක් ඉල්ලා අද දෙරණ හිමි පවර් හවුස් පුද්ගලික සමාගම විසින් එම නඩුව ගොනුකර තිබේ.

03.ඒ අනුව අද දෙරණට අපහාස කිරීමට සහ අපහාස වන අයුරින් දිගින් දිගටම ප්‍රකාශයන් හෝ ප්‍රචාරයන්, වැඩසටහන්, කරුණු ඉදිරිපත් කිරීම කරගෙන යෑමට විත්තිකරුට අයිතියක් නොමැති බවට ප්‍රකාශයක් නිකුත් කරන ලෙස ඉල්ලීම

04.විත්තිකරුගෙන් රුපියල් මිලියන 500ක මුදල සහ එම මුදල මත පැමිණිල්ලේ දින සිටි තීන්දු ප්‍රකාශයේ දින තෙක් නෛතික පොලියද එකී තීන්දු ප්‍රකාශිත සම්පූර්ණ මුදල මත එකී මුදල ගෙවා නිම කරන තෙක් නෛතික පොලිය ද සමග අය කරදෙන ලෙසත් ඉල්ලීම

05. පැමිණිලිකරුට සහ පැමිණිලිකරුගේ කාර්ය මණ්ඩලයට කවරාකාරයකින් හෝ අපහාසයක් සිදු කිරීමෙන් විත්තිකරු ඇතුළු ඔහුගේ සේවක නියෝජිතාදීන් ද ඔහු මගින් සහ ඔහු යටතේ කටයුතු කරනු ලබන සියලුදෙනා ද වළක්වාලනු ලබන ස්ථීර ඉන්ජන්ෂන් තහනම් ආඥාවක් නිකුත් කරන ලෙස ඉල්ලීම

06.මෙම නඩුව අසා තීන්දු කරන තෙක් පැමිණිලිකරුට සහ පැමිණිලිකරුගේ කාර්යය මණ්ඩලයට කවරාකාරයකින් හෝ අපහාසයක් සිදු කිරීමෙන් විත්තිකරු ඇතුළු ඔහුගේ සේවක නියෝජිතාදීන් ද ඔහු මගින් සහ ඔහු යටතේ කටයුතු කරනු ලබන සියලුදෙනා ද වළක්වාලනු ලබන අතුරු තහනම් නියෝගයක් නිකුත් කරන ලෙස ඉල්ලීම.

ඒ අනුව කරුණු සලකා බලා SL V Log වැඩසටහනට අධිකරණය මගින් වාරණ නියෝගයක් නිකුත් කර තිබේ.

Big Bash League T20 🏏
තරගාවලිය පහත පරිදි නැරඹිය හැක

🗼Supreme TV 🔱

සාමාන්‍ය සංඛ්‍යාත

🗼කොළඹ-UHF 49 (695.25 MHz)
🗼ගොන්ගල -UHF 28 (527.25 MHz)
🗼කරගහතැන්න-UHF 32 (559.25 MHz)
🗼මිනුවන්ගල -UHF 56 (751.25 MHz)
🗼පිදුරුතලාගල-UHF 47 ( 679.25 MHz)

⚡www.supremetv.lk වෙබ් අඩවිය

⚡Dialog TV

නාලීකා අංක 126-The Papare TV (HD)
නාලීකා අංක 69 -Star Sports 2 (SD)

⚡Dialog TV ViU

The Papare TV (HD)
Star Sports 2 (SD)

⚡Peo TV
නාලිකා අංක 40-Star Sports 2 (SD)

⚡Peo TV Go
Star Sports 2

මෙවර සුමති සම්මානයේ
ජනප්‍රියම ටෙලිනාට්‍ය කුමක් ද?
•••••••••••••••••••••••••••••••••••••••

ඔබේ මනාපය දිනාගත් ටෙලි නාට්‍ය අටක් නම් කරන්න
Sumathi Awards
FaceBook පිටුවට පිවිසෙන්න

2023 දෙසැම්බර් 10 වන දා සිට www.sumathiawards.lk වෙබ් අඩවියට පිවිස මෙරට සහ විදෙස් ගත ශ්‍රී ලාංකික ප්‍රේක්ෂක ඔබගේ මනාපය පල කළ හැක.

ලංකාවේ දිගම ගුවන්විදුලි වැඩසටහනට
අදට අවුරුදු 14යි
•••••••••••••••••••••••••••••••••••••••••••••••••••••••

ලංකාවේ දීර්ඝතම ගුවන්විදුලි වැඩසටහන ලෙස සැලකෙන්නේ රිදම් FM ගුවන්විදුලිය මගින් 2009 වර්ෂයේ ඉදිරිපත් කළ Rythem Night Mega Show වැඩසටහනයි.

2009 දෙසැම්බර් 08 වන දා සිට දෙසැම්බර් 10 වන දා දක්වා පැය 50 ක සජීව වැඩසටහනක් ලෙස රිදම් FM ඔස්සේ එය විකාශය විය.

රිදම් FM පළමු සංවත්සරය වෙනුවෙන් සංවිධානය වූ එම වැඩසටහනට ජනප්‍රිය ගී තරු 152 ක් සහ සංගීත කණ්ඩායම් 50 ක් සහභාගි වූහ.

එහි නිශ්පාදනය සහ සම්බන්ධීකරණ කටයුතු ගනේෂ් බැද්දගේ සිදුකළ අතර චමින්ද විම⁣ලසේන මහතාගේ සංකල්පයකට අනුව වැඩසටහන ක්‍රියාත්මක විය.අසංග කරුණාරත්න වැඩසටහන සඳහා පැය පනහක් නිවේදන කටයුතු සඳහා සම්බන්ධ විය.

එම වැඩසටහන ඉදිරිපත් කර අදට වසර 14 ක් සපිරේ.

Dialog මගින් හඳුන්වා දී ඇති
fiber සේවාව පිළිබඳව විස්තර
•••••••••••••••••••••••••••••••••••••••

Internet සහ IPTV සඳහා අදාල වේ.

Dialog IPTV පිළිබඳව වැඩි විස්තර සඳහා පිවිසෙන්න

https://business.dialog.lk/products-services/connectivity/iptv/

ඔයත් මේ ක්‍රමවලට tv බලලා
තියනවා ද?
•••••••••••••••••••••••••••••••••••••

රූපවාහිනිය එහෙම නැත්තම් පුංචි තිරය ලංකාවේ ප්‍රේක්ෂකයන් අතරට ආවේ 1970 දශකයේ අග භාගයේ.

ආරම්භක කාල වකවානුව තුළ ගොඩාක් නිවාස වල රූපවාහිනියක් තිබුනේ නෑ.ඒත් අද වෙනකොට ලංකාවේ නිවාස ආශ්‍රීතව ලක්ෂ හතලිස් පහකට ආසන්න රූපවාහිනී යන්ත්‍ර ප්‍රමාණයක් තියනවා.

අපි අද කතා කරන්නේ එදා මෙදා තොරව අපි රූපවාහිනී නරඹපු,නරඹන ක්‍රම පිළිබඳව.

01.කළු -සුදු රූපවාහිනී

ස්වාධීන රූපවාහිනියෙන් පස්සේ ජාතික රූපවාහිනිය ආරම්භ වෙලා ටික කාලයක් යනකොට අධි සුඛෝපභෝගී භාණ්ඩයක් බවට රූපවාහිනී යන්ත්‍රය පත්වෙනවා.අනුව දශකය ආරම්භ වෙනකොට මෙරට අතලොස්සක් නිවාස වල කළු සුදු රූපවාහිනී යන්ත්‍ර තමයි තිබුනේ.VHF-UHF ටියුනරයක් සහිත ඒ රූපවාහිනී වල VHF කලාපේ තමයි බොහෝ අය දැන හිටියේ.CH අංක 05 වෙච්ච ජාතික රූපවාහිනිය වගේම CH අංක 12 ITN එක තමයි ගොඩාක් අය බැළුවේ.අනූව දසකය ආරම්භ වෙලා රූපවාහිනී පවත්වාගෙන යාමේ බලපත්‍ර පුද්ගලික අංශයට නතු වුනාම UHF ඔස්සේ ඔවුනුත් රූපවාහිනී නාලිකා ආරම්භ කරනවා.ඒ තුලින් කළු සුදු රූපවාහිනී වලින් UHF කලාපය ගැන අවධානය යොමු වෙනවා.UHF/VHF ටියුනර් දෙකක් තියන tv වල VHF කොටසේ U අක්ෂරයේ ටියුනරය රදවලා ඉස්සර UHF ටියුනරය සුසර කරපු හැටි ඔබට මතක ඇති.පැතලි ඇන්ටනා වයරයක් වගේම කූරූ ගොඩාක් තියන ඇන්ටනා එකක් පාවිච්චි කරපු කාලයක්,ඒක හැමතැනම රදවලා පැහැදිලි තැනක තියලා රූපවාහිනී සුසර කරපු කාලයක් ඔබට තියෙන්න ඇති.සමහරවිට දුර්වල සංඥා සහිතව රූප සෙවනැලි එක්කත් ඒ කාලේ TV බලන්න ඇති.මේ කළු සුදු රූපවාහිනි බොහෝමයක් අතින් ක්‍රියාත්මක කරපු ඒවා.දුරස්ථ පාලක තිබුනේ නෑ.බැටරියෙන් හෝ විදුලියෙන් ඒවා නැරඹුවා.

02.වර්ණ රූපවාහිනී

වර්ණ රූපවාහිනී තාක්ෂණික භාවිතයත් එක්ක රූපවාහිනිය තවදුරටත් ලංකාවේ ප්‍රේක්ෂකයන්ට සමීප වෙනවා.කළු සුදු රූපවාහිනියට එහා ගිහින් දුරස්ථ පාලකයක් හෝ ස්වයංක්‍රීයව මේ රූපවාහිනී ක්‍රියාත්මක වුනා.ලංකාව ආරම්භයේ ඉදලම වර්ණ රූපවාහිනී තාක්ෂණය පාවිච්චි කළත් 2000 දශකය පහු උනාමයි ලංකාවේ වර්ණ රූපවාහිනී ව්‍යාප්ත වීම සිද්ධ වුනේ.වර්ණ රූපවාහිනී විකාශය සමඟ බොහෝ පුද්ගලික රූපවාහිනී නාලීකා තමන්ගේ සම්ප්‍රේක්ෂණ දීපව්‍යාප්ත කරන්න පටන් ගන්නවා.වර්ණ රූපවාහිනිය තමයි අද තියන රූපවාහිනියේ හැරවුම් ලක්ෂය වෙන්නේ.

i.සැටලයිට් සේවා

මූලික වශයෙන් ඇන්ටනාවෙන් tv බලපු අයට සැටලයිට් තාක්ෂණය ලැබෙනවා.පෙරට වඩා උසස් තත්ත්වයේ රූප ශබ්ද එක්ක රූපවාහිනිය බලන්න අවස්ථාව ලැබෙනවා.Star Lanka,CBN Sat දැන් ඩයලොග් TV දක්වාත් පසුව Dish TV සිට දැන් අපි පාවිච්චි කරන freesat දක්වාත් අපි රූපවාහිනිය බලන්න විවිධ ක්‍රම පාවිච්චි කරනවා.

ii.iptv

iptv ක්‍රමවේදය තුළ ප්‍රධාන හැරවුම් ලක්ෂය වෙන්නේ ශ්‍රීලංකා ටෙලිකොම් පියෝ tv සේවාව.ඉන්පසුව Dialog ටෙලිවිෂන් සමාගමත් ViU ඔස්සේ iptv සේවාව සමඟ සම්බන්ධ වෙනවා.

iii.cable tv

Ask media Network,City Cable ඇතුළුව දැනට පවතින කේබල් රූපවාහිනී සේවා සපයනන් මගින් කේබල් රූපවාහිනී සේවා අත්විදින සුළුතර පිරිසක් අදත් ඉන්නවා.ඒ නිසා ලංකාවේ රූපවාහිනී බලන්න කේබල් tv භාවිත කරන්නන් පිළිබඳවත් සඳහන් කරන්නම ඕන

iv.Digital රූපවාහිනී

තවමත් ශ්‍රී ලංකාවට ඩිජිටල් රූපවාහිනී සේවා ව්‍යාප්තිය සිදු නොවුවත් tv lanka ඩිජිටල් රූපවාහිනී සේවාව ආරම්භය විශේෂ සංධිස්ථානයක්.බස්නාහරි හා උතුර සඳහා පමණක් අදවනවිටත් මේ සේවාව ක්‍රියාත්මක වෙනවා.

v.internet tv

iptv හීම තවත් දිගුවක් වන මේ ක්‍රමවේදයටත් රූපවාහිනී නරඹන ප්‍රේක්ෂකයන් අද ලංකාවේ ඉනතවා.අත්නර්ජාල වෙබ් අඩවි,iptv ඇන්ඩ්‍රොයිඩ් යෙදවුම් මෙන්ම විවිධ සමාජ මාධ්‍ය යෙදවුම් මගිනුත් අන්තර්ජාල සේවාව ඔස්සේ රූපවාහිනී නැරඹිම ලංකාවේ ඇතැම් පිරිස් විසින් සිදු කරනවා.වෙබ් අඩවි ලිපින,You Tube පවා මේ ක්‍රමවේදයට අයත්.

මීට අමතරව නිදහස් සැටලයිට් සේවා මෙන්ම තුන්වන පාර්ශ්ව අළෙවිකරණ සැටලයිට් සේවා ඔස්සේත් රූපවාහිනී නරඹන පිරිස් ලංකාවේ දකින්නට පුළුවන්.

කළු සුදු රූපවාහිනිය,වර්ණ රූපවාහිනියේ සිට, ඇන්ඩ්‍රොයිඩ් දක්වාත් HD,3D මෙන්ම 4K තාක්ෂණය දක්වාත් වර්තමානයේ ලංකාව තුළ අඩු වැඩි වශයෙන් පරිශීලනය වෙනවා.

සෙසු රටවල්වලට සමගාමීව අපි තවමත් රූපවාහිනී තාක්ෂයෙන් පසුගාමී අවධියක සිටියත් රූපවාහිනී පරිශිලන ක්‍රමවේද අතර ලංකාවේ ඇතැම් ප්‍රේක්ෂකයන් ලෝකය හා සමගාමීව ගමනක යෙදෙන බව සඳහන් කරන්නට පුළුවන්.

තවත් කරුණු ඇත්නම් ඔබේ අදහස් ලියන්න.

රිදම් FM එකට
15 යි ⚡🔥
•••••••••••••••••••

රිදම් FM ආරම්භ කොට අදට වසර 15 ක් සපිරේ.TNL Radio Network යටතේ පවත්වාගෙන ගිය "ඇසුර FM" නාලිකාව අවසන් කරමින් 2008 දෙසැම්බර් 08 වන දා රිදම් FM නාලිකාව ආරම්භ විය.

එවකට තාරුණ්‍යය සඳහා වන ගුවන්විදුලි සඳහා ප්‍රබල ඉල්ලුමක් පැවැතිනි.ඒ හේතුවෙන් රිදම් FM ආරම්භය සමඟ සුවිශාල ශ්‍රාවක පිරිසක් ඒ වටා එක්විය.

එවකට ගුවන්විදුලි ශ්‍රාවක සමීක්ෂණ අනුව මෙරට වැඩිම පිරිසක් සවන්දෙන ගුවන්විදුලි නාලිකා අතර පස්වන තැන රිදම් අඛණ්ඩව රැදී සිටියේය.

සිය පළමු සංවත්සරය වෙනුවෙන් පැය පනහක් අඛණ්ඩව විකාශය කළ Rythem Night Mega Show මෙරට අඛණ්ඩව විකාශය කළ ගුවන්විදුලි සංගීතමය වැඩසටහන් ලෙස වාර්තා අතර ද එක්විය.

🗼100.7 MHz-කොළඹ
🗼87.6 MHz-නුවර
🗼95.6 MHz-රුහුණ
🗼87.6 MHz-රජරට සහ වයඹ ආවරණය කළ රිදම් FM කිකිළියාමාන ඔස්සේ දීපව්‍යාප්ත ආවරණයට එක්විය.

2012 ගුවන්විදුලි සංඛ්‍යාත ප්‍රතිව්‍යුහකරණය ඔස්සේ 95.6 MHz/95.8 MHz සංඛ්‍යාතය ඔස්සේ ආවරණය සැපයූ රිදම් පසුව රිදම් world ලෙස නාමකරණය වෙනසකට ලක්විය.

පසුගිය වසරේ සියත මාධ්‍ය ජාලය වෙත විකුණා දැමූ රිදම් world යළිත් මේ වසරේ රිදම් FM බවට පත්විය.

මේ වනවිට

95.6 MHz-කොළඹ/නුවර සහ දකුණ පමණක් ආවරණය කරයි.

රිදම් FM 15 වන සංවත්සරයට අපෙන් උණුසුම් සුබ පැතුම් එක් කරමු.


Rhythm FM

ඇබෑර්තු
•••••••••••

The Papare Tv
නිවේදක තනතුර

රූපවාහිනී ඩිජිටල්කරණයට
ජපන් ආධාර කඩිනමින්
•••••••••••••••••••••••••••••••••

රූපවාහිනී ඩිජිටල්කරණ ව්‍යාපෘතිය ආරම්භ කිරීම සඳහා ජපානයෙන්යෙන් කඩිනමින් ආධාර ලබා දීමට ජපානය එකඟ වේ.ජනමාධ්‍ය අමාත්‍යාංශයේ ලේකම් අනුෂ පැල්පිට මහතා ජපානයේ ජාත්‍යන්තර කටයුතු පිළිබඳ උප අමාත්‍යවරයා හමුව ඇති අතර එහිදි ශ්‍රී ලංකාවේ රූපවාහිනී ඩිජිටල්කරණය පිළිබඳව සාකච්ඡා කර තිබේ.

මෙහිදි ඒ සඳහා වන ජපන් ආධාර කඩිනමින් ලබා දීමට එකඟතාවයට පත්ව තිබේ.

SLT Mobitel වෙතින් දැන්
අපේ රූපවාහිනී ජාත්‍යන්තරයට
•••••••••••••••••••••••••••••••••••••••••••

SLT Mobitel වෙතින් Hitflix සේවාව හඳුන්වා දෙයි. ජාත්‍යන්තර Over-the-Top (OTT) flat form ඔස්සේ ශ්‍රී ලංකාවේ රූපවාහිනී සේවා මෙන්ම විනෝදාස්වාදය පිරි වැඩසටහන් රැසක් මේ ඔස්සේ නැරඹිය හැක ලබා ගත හැකි.

'HitFlix' වෙත ද Apple TV Plus, Fire TV, IOS, Android සහ ROKU TV වැනි ජනප්‍රිය වේදිකා හරහා ප්‍රවේශ විය හැකි අතර ලොව පුරා ශ්‍රී ලංකාවේ රූපවාහිනී නාලිකා ඇතුළත් දේශීය රූපවාහිනී වැඩසටහන් රැසක් විකාශයට ඉඩකඩ සැලසේ.

SLT-Mobitel විසින් විදේශයන්හි වෙසෙන ශ්‍රී ලාංකිකයින් ඔවුන්ගේ මව්බිම හා සම්බන්ධ කරන පාලමක් ලෙස 'HitFlix' ස්ථානගත කරයි.


'HitFlix' වෙත ප්‍රවේශයට මසකට අමරිකානු ඩොලර් තුනක් වැනි මුදලක සිට ආරම්භ වේ.

ශ්‍රී ලංකාවේ රූපවාහිනී නාලිකා ගැන උනන්දුවක් දක්වන ඕනෑම කෙනෙකුට ආගමික, ක්‍රීඩා, විනෝදාස්වාදය, ප්‍රවෘත්ති ඇතුළු විවිධ වැඩසටහන්වල උසස් තත්ත්වයෙන් නැරඹිය හැක

HitFlix සේවාව සංවර්ධනය කර ඇත්තේ South Asian Technology (Pvt) Ltd හි අනුබද්ධ ආයතනයක් වන The Connection Workshop සමග සහයෝගීතාවයෙනි.

View Score
නවතම සමීක්ෂණ වාර්තාව
••••••••••••••••••••••••••••••••••••

රූපවාහිනී සමීක්ෂණ 🗼✨
Free to Air

❤Memories🔥

Dialog 5G සමඟ
ලක්ෂ⁣ දෙකක්
•••••••••••••••••••••

දකුණු ආසියාවේ පළමු 5G අත්හදා බැලීමේ ජාලය වන ඩයලොග් 5G සමඟ මේ වනවිට ග්‍රාහකයන් ලක්ෂ දෙකක් සම්බන්ධ වී සිටින බව ඩයලොග් ආසියාටා සමාගම නිවේදනය කරයි.

2018 වසරේ සිට අත්හදා බැලීම් සිදුකරමින් ඩයලොග් 5G ජාලය මේ වනවිට දිවයිනේ ස්ථාන 70 කට අධික ප්‍රමාණයකින් 5G ආවරණය සිදු කරයි.

කොළඹ,කටුනායක,මීගමුව,මහනුවර, ගාල්ල ඇතුළු ස්ථාන රැසක් එයට අයත් වේ.

freesat නාලීකා සංඛ්‍යාව
108 දක්වා ඉහළට
••••••••••••••••••••••••••••••••

මෙතෙක් 103 ක්ව පැවැති freesat නාලීකා සංඛ්‍යාව 108 දක්වා වැඩි කර තිබේ.ඒ අනුව නව පරික්ෂණ නාලීකා ලෙස 104,105,106,107 සහ 108 එක්කර ඇත.

නාලීකා අංක 97 AMV නාලීකාව සම්පූර්ණ ඉවත් කර ඇති අතර අධ්‍යාපන අමාත්‍යංශය සඳහා වෙන් කර තිබූ 10 ක් වූ නාලිකා සංඛ්‍යාව 05 දක්වා අඩු කර තිබේ.

දසත පිටුවෙන් පිටුව
ඇරඹේ
••••••••••••••••••••••••••

දසත ලංකා සහ සුප්‍රීම් Tv සබැඳියාවෙන් ශ්‍රී ලංකාවේ උදෑසන පුවත්පත් වැඩසටහන් අතරට එක් වූ නවතම වැඩසටහන අද පෙරවරු 06.30 ට ආරම්භ විය.

ඒ දසත පිටුවෙන් පිටුව වැඩසටහනයි.

මුල්ම වැඩසටහන ඉදිරිපත් කළේ රූපවාහිනි ති⁣රයේ ජනප්‍රිය නිවේදිකා රංසි රණසිංහ මහත්මියයි.කලක් රූපවාහිනී තිරයේ දක්නට නොලැබුණු ඇය පසුගිය දා ආරම්භ වූ දසත පුවත් සමඟ යළි මාධ්‍ය ක්ෂේත්‍රයට පිවිසින.

මේ අතර සෂික දියමන්ත හෙවත් සමරේ ඉදිරිපත් කළ සුප්‍රීම් tv ඔස්සේ විකාශය වූ Made My Day With Samare වැඩසටහන ඊයේ අවසන් විය.

Y FM අද සිට "MY Y" ✨
Happy Anniversary MY Y! 🔥💫
••••••••••••••••••••••••

MBC මාධ්‍ය ජාලයේ Y FM ගුවන්විදුලිය 18 වන සංවත්සරය සමරයි. අද සිට Y FM නව වෙනසකට ලක්වේ.

Y FM නාලිකාව අද සිට "MY Y" ලෙස නාමකරණයකට ලක්වන අතර තේමාව වන්නේ Heart එකේ Art එකයි.අද උදෑසන 09.45 ට Y FM වෙත සවන්දීමෙන් වැඩි විස්තර දැනගත හැක.

https://myy.lk ඔස්සේ My y වෙත සවන් දිය හැක.

MY Y පිළිබඳව වැඩිදුර තොරතුරු බලාපොරොත්තුවන්න....

'THE VOICE' වැඩසටහනේ ඇතැම් ගීත සම්බන්ධයෙන් 'CeyMusic' ආයතනය
එම්.ටී.වී. චැනල් පුද්ගලික සමාගමට එරෙහිව පවරා තිබූ නඩුව කොළඹ, අංක 01 වාණිජ මහාධිකරණ විනිසුරුවරයා ප්‍රතික්ෂේප කරයි..

fm දෙරණ
Visual Radio හෙට සිට
•••••••••••••••••••••••••••••

AES3 Live Wire තාක්ෂණයෙන් බල ගැන්වෙන fm දෙරණ නාලිකාව හෙට සිට Visual Radio සංකල්පයට අවතීර්ණ වෙයි.

ඒ අනුව fm දෙරණ හඬ පමණක් නොව රූප ඔස්සේ ද නැරඹිය හැක.

ඒ You tube සහ facebook ඔස්සේය.

ශ්‍රී ලාංකේය ගුවන්විදුලි මාධ්‍යයක් කරා මුල්ම වරට Visual Radio සංකල්පය ගෙන ආවේ 2016 වර්ෂයේ නොවැම්බර් මාසයේ දී.ඒ Voice Of Asia මාධ්‍ය ජාලය මගින් Kiss FM ගුවන්විදුලිය Kiss TV නමින් අන්තර්ජාලය ඔස්සේ දෘශ්‍ය ගුවන්විදුලියක් බවට පත් කරමින්.එය දකුණු ආසියාවේම පළමු Visual Radio ව බවට පත් විය.

ලොව ප්‍රථම වරට Visual Radio සංකල්පය ගෙන ආවේ පින්ලන්තයේ ක්‍රියාත්මක Kiss FM නාලීකාවයි.

ස්වර්ණවාහිනී,Vis,Athavan
මාධ්‍ය ජාලවලට
අලුත් CEO තනතුරක්
••••••••••••••••••••••••••

නව සමූහ විධායක ප්‍රධානී
තනතුර ධම්මික තෙන්නකෝන්ට

ස්වර්ණවාහිනී,VIS Broadcasting සහ Athavan මාධ්‍ය ජාලයේ නව සමූහ ප්‍රධාන විධායක නිලධාරී තනතුරට ධම්මික තෙන්නකෝන් මහතා පත් කරයි.

ඒ අනුව සමස්ථ මාධ්‍ය ජාලයේ නාලීකා 11 ක ප්‍රධාන විධායක නිලධාරී තනතුර ඒ මහතා විසින් හොබවයි.

ඒ මහතා මීට පෙර හිරු tv හී ප්‍රධාන විධායක නිලධාරී සහ අධ්‍යක්ෂ ධුර දරා තිබේ.

ඒ මහතාගේ වැඩ බාර ගැනීම අද පෙරවරුවේ ස්වර්ණවාහිනී මාධ්‍ය ජාල පරිශ්‍රයේ දී සිදුවිය.එහිදි අදහස් දැක් වූ ධම්මික තෙන්නකෝන් මහතා ස්වර්ණවාහිනී මාධ්‍ය ජාලය මෙරට අංක එකේ මාධ්‍ය ජාලය බවට පත් කරන බව සඳහන් කළේය.

ABU DHABI T10
දැන් බලන්න
••••••••••••••••••••

🗼Supreme TV සාමාන්‍ය සංඛ්‍යාත
✨Supreme TV facebook පිටුව
✨Supreme TV You Tube නාලීකාව

✨Event TV Xtra නාලිකාව- CH 220

✨Dialog TV 119 (ඕස්ට්‍රේලියා-ඉන්දීය තරගය නාලිකා අංක 126 විකාශය වන නිසා)

විකාශය කරයි.

සියත රූපවාහිනී දීපව්‍යාප්ත
විකාශය ඇනහිටී
•••••••••••••••••••••••••••••••••••••••

සියත රූපවාහිනී නාලිකාවේ දීපව්‍යාප්ත විකාශය ඇනහිටි

නුවරඑළිය ඇතුළු සම්ප්‍රේෂණ රැසක් මෙන්ම ඩයලොග් විකාශය ද ඇනහිට තිබු අතර මේ වනවිට ඇනලොග් විකාශන යථා තත්ත්වයට පත්කරමින් පවතී.

ඩයලොග් විකාශය තවමත් ඇනහිට ඇති අතර peo tv සහ freesat විකාශය බාධාවකින් තොරව ක්‍රියාත්මක වෙයි

Update -6.47 p.m

සවස 6.45 වන විට ඩයලොග් විකාශය ද යථා තත්ත්වයට පත්කර ඇත