Ajith Kalubowila

මගේම ස්වකීය පදමාලාවන්ට මගේම තනු නිර්මාණය හා සංගීතය රචනා කරමින් ශ්‍රීපාලි පාසැල් වියේ සිට සමුද්‍රීය නැව් ජීවිත කාලය තුල නිර්මාණය වූ ගීත එකතුවකින් සමන්විත වූ 1988 වසරේ ශ්‍රීපාලි අරුන්දතී ශාලාවේ පැවැති 'මධුභාණී' ඒක පුද්ගල සංගීත ප්‍රසංගය යි.
මෙහිදී යුග ගීත ගායනයට සහභාගි වූයේ මාලනී බුලත්සිංහල මහත්මිය යි.
මගේ දැනීමේ හැටියට මෙය ස්වකීය තනු,පදමාලා,සංගීත සහිත ලංකාවේ පැවැත්වූ ප්‍රථම සහ එකම ඒක පුද්ගල සංගීත ප්‍රසංගය ⁣වේ.
රූපවාහිනී සංගීත කණ්ඩායම වාදනය සපයන ලදී ...

වර්ෂ 1998 මැයි මාසයේ මසකට අධික කාලයක් නොනැවතී හිමාලය කඳු වැටිය තරණය කරමින් ඵවරස්ට් කඳු තරණය කළ දුෂ්කර අවස්තාව.
මේ සඳහා දිවයිනේ ජනප්‍රිය පාසල් වල කැඩෙට් සිසුන් 27ක් සහභාගි වූ අතර මා ඔවුන් භාරව ගිය ගුරුවරයා විය.එය වාර්තාවක් වූ⁣යේ මෙම පිරිසෙන් 17 දෙනෙකු එකවර කඳු තරණය කිරීමයි.
මෙම ගමන ඉතාම දුෂ්කර වූයේ අඩිං පාරවල් ඔස්සේ හිම වර්ෂා වලට තෙමෙමින් උෂ්ණත්වය _10°- _15°C තත්වයන් යටතේ, පිහාටු මෙට්ටය,කෑම,වතුර,අමතර සපත්තු හිම පොරව,යෂ්ටිය,ඇඳුම් යනාදිය එහි කිලෝ විස්සක් පමණ බර උසුලාගෙන අතරමග නොනැවතී එක දිගට ගමන් කිරීමයි.
පළමු දින 3-4 යනවිට වළාකුළු අපිට පහළින් ගමන් කරන හෙයින් පොලෝතලය හා සම්බන්ධතා විරහිත විය.එක් තැනක නැවතී හිඳ ගැනීම කළ නොහැකි වූයේ එසේ හිඳගත් විට අත පය සීතලට ලොක් වේ.එය නැවත දිග හැරීමට අනෙක් අයගේ සහාය උවමනා වේ.මුහුදු මට්ටමෙන් ඉහළට යන්න යන්නම අධික පීඩනය නිසා ඇති වන උණ රෝගය ඉතා භයානකය.එයට බෙහෙතක් මුළු ලොවේම නැත.ඇති එකම බෙහෙත වන්නේ රෝග ලක්ෂණ පෙන්නුම් කරන විටම අඩි 300ක් පහළට බැසීමයි.ටිකක් හෝ ප්‍රමාද වුවහොත් මරණය ස්ථිරව ම ලැබේ.එසේ මිය ගිය 4 දෙනෙකුගේ දේහයන් කඳක බැඳ එල්ලාගෙන පහළට බසින ආකාරය අපි සියැසින් ම දුටුවෙමු.