Ravanaja astrology service
All astrology services, vastu and gupatha vidya
ජීවිතය දිනන්න තමන්ට උරුම විෂය
ඉගෙනගන්න
බාල කාලයෙහි ඉගෙනීමේ කටයූතු කෙරෙහි කිසියම් දරුවකු යොමූ නොවන නිසා එම දරුවා ඉගෙන ගැනීම බැරි අයෙකු සේ සඳහන් කිරීම සම්පූර්ණයෙන්ම වරදකි. එම කාලය තුළ දරුවාට අරිටූ දශා අතුරු දශා තත්ත්වයන් පැවතියේ නම් ඔහූ හෝ ඇයට ඉගෙනීම සම්බන්ධයෙන් දක්වන උනන්දුව අඩූවීමට පූළුවනි. එම අවස්ථාවන්හි යථා තත්ත්වය තේරුම් ගෙන කේන්ද්‍රයට අනූකූලව ග්‍රහ පීඩන සමහන්වන ආගමික පසූතලයෙන් යූත් ශාන්ති කර්ම කිරීම තුළින් යම් සහනයක් බලාපොරොත්තු විය හැකියි. දරුවාගේ කේන්දරයට බලපාන තත්ත්වය ගැන උගත් අයෙකු ලවා උපදෙස් ලබාගැනීමට ඉතාම හොඳයි.
ජ්‍යොතිෂය අනූව ඒ ඒ ග්‍රහයන් අධ්‍යාපන අංශය කෙරෙහි බලපාන ආකාරය ගැන අපට සරලව මෙසේ විස්තර ඉදිරිපත් කළ හැකිය.
රවි
ආධ්‍යාත්මික විද්‍යාව, තර්ක ශ්‍රාස්ත්‍රය, දේශපාලන, සත්ත්ව විද්‍යාව සහ ගිවිසූම්වලට සම්බන්ධ වූ ශාස්ත්‍රයන් කෙරෙහි උනන්දුව ඇති කරයි.
සඳු
වෘක්ෂ තෘණාදිය පිළිබඳ, නාවූක ව්‍යාපාර, කෘෂිකර්මය, රසායන ශාස්ත්‍රය, වෙළෙඳ විද්‍යාව, සංගීත ශාස්ත්‍රය, චිත්‍ර කලාව, බෙහෙත් වර්ග පිළිබඳව
කුජ
සාමාන්‍ය දෑනූම, විශිෂ්ට කථිකත්වය, සියූම් ගණිත විෂයන්, වෙළෙඳ උපක්‍රම, කැටයම් කලාව, චිත්‍ර කලාව, බෙහෙත් හා බෙහෙත් පැළෑටි සම්බන්ධ ඉගෙනූම කෙරෙහි උනන්දුවිය යූතුය.
ගුරු
වේදය, භාෂාව, ව්‍යාකරණය, විද්‍යා අංශ, ඉගෙනීම පිළිබඳ අංශ, බැංකු ගනූදෙනූ සම්බන්ධ දෑනූම දේශපාලන ශාස්ත්‍රය, චිත්ත චෛතසික ධර්මය, අභිධර්මය, නීති ශාස්ත්‍රය, වාතය පිළිබඳ විද්‍යාව කෙරෙහි උනන්දුවීම හොඳයි.
සිකුරු
මානසික ශාස්ත්‍රය, චිත්‍ර කර්මය, නීති ශාස්ත්‍රය, කාම විද්‍යාව, හැඩ වැඩ කිරීමේ ශාස්ත්‍රය
සෙනසූරු
ඉතිහාසය, දේශපාලනය, ගුවන් හමූදාව, න්‍යාය ශාස්ත්‍රය, යූද්ධ උපක්‍රම, වඩූ වැඩ, මූර්ති ශිල්පය, මැහූම් වැඩ, පෑස්සූම් වැනි පරිභාෂික ශිල්ප ශාස්ත්‍ර කෙරෙහිද
රාහූ
යන්ත්‍ර විද්‍යාව, නාවූක කටයූතු, විෂ බෙහෙත් වර්ග, යූද්ධ හමූදා කටයූතු
කේතු
භූත විද්‍යා අංශ, මැණික් මිනිරන් පතල් කටයූතු, විෂ වෙදකම්, ඇටකටූ සම්බන්ධ ශාස්ත්‍ර කෙරෙහිද,
ග්‍රහ බලපෑම් ලබාදෙන ආකාරය අවබෝධ කරගෙන ඒ අනූව ජන්ම කේන්දරයට ඇති බලපෑම තේරුම් කරගෙන අධ්‍යාපන කටයූතුවලට යොමූවීමෙන් අනාගතයේ අධ්‍යාපනය සම්බන්ධයෙන් හොඳ ප්‍රතිඵල උදාකරගත හැකියි.
06/09/2022
මාගේ මෑණියන්ගේ තෙමස්පූර්ණ පින්කම විහාරස්ථානයේදි පවත්වන ලදි.
16/06/2022
👑 👑 👑 ඔබව නායකයෙකු පාලකයෙකු කරන රවිගේ තෙදබල 👑 👑 👑
පුරුෂ ග්‍රහයන් අතර පළමුවැන්නා වන රවි ග්‍රහයා ගැන සැලකිලිමත් වූ විට මොහු ග්‍රහ පවුලේ මූලිකයා හෙවත් පියා ලෙස ගණන් ගැනේ. වරුණ, දිනකර, සරපා, භානු වැනි පර්යාය පදවලින් හඳුන්වන්නේද ග්‍රහ පවුලේ රජු ලෙස සැලකෙන රවිමය. මෙම රවි සෞරග්‍රහ මණ්ඩලයේ සිටින ග්‍රහයන් අතර වක්‍ර නොවන ග්‍රහයෙකි. ග්‍රහ ගමනේදී වක්‍ර නොවන ග්‍රහයන් දෙදෙනා ලෙස ජ්‍යොතිෂයේ සඳහන් වනුයේ රවි හා සඳු ග්‍රහයන්ය. සදා වක්‍ර ග්‍රහයන් ලෙස රාහු හා කේතු පෙන්වාදී ඇත.
උෂ්ණය, ආලෝකය හා ජීවය ගෙන දෙන සූර්යා ක්ෂිතිජයෙන් මතුවී ඒමට මිනිත්තු 6ක් ගතවීම තුළින් සූර්යා හෙවත් රවිගේ විශාලත්වය කොපමණදැයි වටහා ගත හැකිය. එවැනි විශාලත්වයක් හිමි රවි පුද්ගලයන්ගේ ජීවිතයටද විශාල බලපෑම් කරන ග්‍රහයෙකි.
කේන්දරයක රවි ග්‍රහයාගේ පිහිටීම මගින් එම ජන්මියාගේ නිර්භීතකමේ ස්වභාවය, ආයුෂ තත්ත්වය ප්‍රසිද්ධිය, බලය, ගෞරවය, චිත්ත වේගයේ ස්වභාවය හා උඩඟුකම වැනි දෑ අවබෝධ කරගත හැකිය. එමෙන්ම රවි ග්‍රහයා ශරීරයේ උගුර, මුඛය, ඇස්, මොළය, රක්තානු හා හෘදය වස්තුව යන මේවාට අධිපතිකම් දරයි. රවිගේ දුර්වල පිහිටීමක් වේ නම් එවන් පුද්ගලයන්ට ඉහත අවයවවල යම් අක්‍රමිකතා ඇතිවිය හැකිය. ඇස් සම්බන්ධව ගතහොත් රවිගේ පීඩාව ස්ත්‍රියකට නම් වම් ඇසටද, පුරුෂයකුට නම් දකුණු ඇසටද බලපායි. එපමණක්ද නොව යම් ජන්මියකුගේ රවි දුර්වලව පිහිටා පාප පීඩිතව වේ නම් ඔහු හෝ ඇය වංචාවෙන්, සොරකමෙන් මුදල් උපයන, අධිමාන්නයෙන් යුත් කටමැත දොඩවන අයෙකි.
සෑම දවසකටම රවි හෝරාවක් උදාවන අතර එම හෝරාව රවිගේ බලය පවතින ස්ථානවලට යෑමෙන් ජය හිමිකර ගත හැකිය. රජුන් බැහැදැකීමට, රජයේ නිලධාරීන් හමුවීමට, උසාවියට යෑමට, අවි ආයුධ මිලදී ගැනීමට ආදී වැඩ සඳහා රවි හෝරාව යොදාගැනීම යෝග්‍ය වේ. රවි හෝරාවට අමතරව එදින තත්කාල කේන්දරයේ රවි බලවත් දවසක් වීමද වඩා ඵලදායී වේ.
රවි සම්බන්ධව තවදුරටත් හැදෑරීමේදී නැකැත් පන්තියේ නැකැත් තුනක් රවිට වෙන් වේ. කැති, උත්‍රපල් හා උත්‍රසල යන නැකැත් ත්‍රිත්වය එය වේ. අනෙක් සියලු ග්‍රහයන්ට ස්වක්ෂේත්ර රාශි 2ක් තිබුණද රවිට මෙන්ම සඳුටද ඇත්තේ එක් ස්වක්ෂේත්ර රාශියක් පමණි. මීට අමතරව රවිට උච්ච රාශියක් හා නීච රාශියක්ද වේ. රවිට මේෂ රාශිය උච්ච වන අතර සිංහ රාශිය එකම ස්වක්ෂේත්ර රාශිය වේ. මේෂ රාශියට සමානම රාශිය තුලාවේදී රවි නීච වී යයි.
රවි ග්‍රහයාගේ බලය වැඩිකර ගැනීමට පද්මරාග මැණිකක්, පිත්තල ලෝහයෙන් සාදාගත් මුද්දකට දමා පැලඳිය යුතුයි. රවිගෙන් අපලයක් ඇති විට පද්මරාග මැණික නොපැලඳිය යුතු අතර රතු නෙලුම්, රත් මල් හෝ මූණමල් පූජා කිරීමද, රතු වස්ත්‍ර, තිරිඟුවලින් සාදන ලද ආහාර, පරිප්පු හා රත් හඳුන් ආදී දෑ දන් දීමෙන්ද අපල දුරු කරගත හැකිය.
රවි ග්‍රහයාට අයිති වෘක්ෂය වන්නේ ඉඹුල් වෘක්ෂයයි. එයට ආවතේව කිරීම, ඉඹුල් වෘක්ෂය ස්පර්ශ කිරීම, ඉඹුල් වෘක්ෂය යටට වී සිටීම ආදී කරුණුවලින්ද රවි අපලය දුරුවී යනු ඇත. ඉඹුල් වෘක්ෂයට අමතරව කහට ගස්, කොට්ටම්බා ගස්, දොඩම් ගස් වැනි ශාකවලටද උපස්ථාන කිරීමෙන් මෙම රවි අපල දුරුවන බව පූර්වාචාරීන්ගේ මතයයි. මන්ද මෙම ගස් රවිට අධිපති ශාක නිසාවෙනි. තවද ශිව දෙවියන් හෝ ඊශ්වර දෙවියන් කෙරෙහි පැහැදීමෙන් අබ තෙල් පහන් පූජා කිරීමද රවි අපල දුරු කරගත හැකි තවත් ක්‍රමයකි.
කේන්දරයේ 10 වැන්න හෙවත් රැකියා ස්ථානය රවි ග්‍රහයාට දිග්බල ස්ථානය වේ. ඊට අමතරව රවි තමා සිටින ස්ථානයේ සිට 3 වැන්න, 7 වැන්න හා 10 වැන්නට දෘෂ්ටි දේ. එය ‘තී දස රවි ශනි චන්ද්‍රෝ’ ලෙස දෘෂ්ටි ශ්ලෝකයේ දැක්වේ. රවි ග්‍රහයා මේෂ රාශියේ අංශක 10දී පරම උච්ච තත්ත්වයට පත්වන අතර තුලා රාශියේ අංශක 10දී පමණ නීච තත්ත්වයට පත්වේ.
රවි නෛසර්ගික බලයෙන් වැඩිම ග්‍රහයා වන අතර ලග්නයට හා 10 වැන්නට කාරකයාද වේ. නැඟෙනහිර දිශාව රවිගේ දිශාව ලෙස තෝරාගැනේ. ජන්ම පත්‍රයේ විංශෝත්තරී දශා කාලය අනුව රවිට අවුරුදු 6ක් හිමිවේ. තවද රවි ග්‍රහයා දිනකදී අංශක 1ක් දුර ගමන් කරන අතර ගෝචරයේදී රවි රාශියක් තුළ මාසයක කාලයක් ගතකරයි.
රවි ගැන තවදුරටත් කතාකිරීමේදී රවිගෙන් උදාවන ප්‍රබල යෝග තුනක්ද පවතී. ඒවා නම් වෙෂී, වොෂී හා උභයචාරී යෝගයි. ජන්ම පත්‍රයක් තුළ මෙම යෝග එකක් හෝ තුනම මිස යෝග දෙකක් කිසි විටෙක නොපිහිටයි. මෙම යෝග ඉතා ප්‍රබල වාසනාවන්ත යෝග වේ. ග්‍රහයන්ට හිමි සම්මත ලකුණු සම්බන්ධව සැලකීමේදී රවි ග්‍රහයාගේ සම්මත ලකුණ පහත රූප සටහනේ ආකාර වේ. මෙම ලකුණ තුළින් බලාගත හැකි වන්නේ හස්තයෙනි. කේන්දරයේ රවි ප්‍රබල පුද්ගලයන්ගේ හස්තයේ රවි මණ්ඩලය දුබලව උත්තලාකාරව පිහිටා එම රවි මණ්ඩලයට තුළ අදාළ ලකුණ වැටී තිබේ.
රවි ග්‍රහයා වෘශ්චික හා ධනු යන රාශිවලට යෝගකාරකයා වන අතර මේෂ රාශියට අර්ධ යෝගකාරක බලයක් පෙන්වයි. තුලා රාශියට රවි ග්‍රහයා බාධක ග්‍රහයා වන අතර මිථුනයට හා තුලාවට පාපී ග්‍රහයාද වේ. රවි ග්‍රහයා කුජ, සඳු, කේතු හා ගුරු යන ග්‍රහයන්ට මිතුරු වන අතර ශුක්‍රට හා ශනිට සතුරු ග්‍රහයන් වේ. රවි ග්‍රහ රාජ යෝග උදාකරන රාශි ලෙස කන්‍යා, මකර, මීන යන රාශි හැඳින්විය හැකි අතර, වෘෂභ, සිංහ, වෘෂ්චික යන රාශිවලට රවි ග්‍රහයා වාහන ලබාදෙන යෝගකාරක ග්‍රහයාද වේ. තවද රවි ග්‍රහයා 22 වැනි දෙර්කාණාධිපතිවරයා විය හැක්කේ වෘෂභ, කන්‍යා, මකර යන ලග්නවලට පමණි.
විද්‍යාවට එහා ගිය රාහු හා කේතුගේ වගතුග....😊😊😊🙏
ජ්‍යෙතිෂයේ දී පමණක් භාවිත වන ඡායා ග්‍රහයන් දෙදෙනෙක් වශයෙන් සැලකෙන රාහු කේතු දෘශ්‍යමය නොවන බැවින් භෞතික වශයෙන් අන්‍ය ග්‍රහයන් සමඟ සැසඳිය නොහැක.
පෘථිවිය සූර්යයා වටා ගමන් ගන්නා අතර චන්ද්‍රයා පෘථිවිය වටා යමින් සූර්යයා වටාද ගමන් කරයි. සඳු, දින 29 ක් පෘථිවිය වටා යන ගමන තුළ දෙවරක්‌ උතුරින් හා දකුණින් හිරුගේ මාර්ගය කැපෙයි. එසේ කැපෙන උතුරු ලCෂ්‍යය රාහු වශයෙන්ද, දකුණු ලCෂ්‍යය කේතු වශයෙන්ද නම්කොට ඇත. මෙය කැපී යන ලCෂ්‍ය දෙක හෙවත් රාහු සහ කේතු එකිනෙකට සප්තමව පිහිටා ඇති අතර මෙය ඇත්ත වශයෙන්ම කිසියම් බලවේගයක්‌ හෙවත් ශක්‌ති පද්ධතියක්‌ බැවින් කිසියම් බලයක් ආරෝපණය කර තිබේ.
රාහු නාග හිසක්‌ සහ මිනිස්‌ ශරීරයක් ඇති ක්‍රියාකාරී ග්‍රහයකු ලෙසද, කේතු මිනිස්‌ හිසක්‌ හා නාග කඳක්‌ සහිත සිහින් සිරුරක්‌ ඇති උදාසීන ග්‍රහයෙකු ලෙසද හඳුන්වනු ලැබේ. රාහු සහ කේතු යන මෙම අදෘශ්‍යමාන ග්‍රහ ශක්‌තීන් සිය අක්‍ෂයේ සිට අනෙකුත් ග්‍රහයන්හට විශේෂ බලපෑමක්‌ ඇති කරනු ලබන අතර පුද්ගල මනෝභාවයන්ට සම්බන්ධ වනු ඇත.
රාහු එක් රාශියක් තුළ වසර 1 1/2 ක් සිටී. ඒ අනුව රාශි දොළහ ගත කිරීමට වසර 18 ක් ගතවෙයි. එමෙන්ම රාහු මහ දශාවටද අවුරුදු 18 ක් ඇතුළත්ය. කේන්ද්‍රයේ 11 වැන්නට කාරක වන රාහු ජන්මියාගේ අතීත කර්මයන් සඳහා දඬුවම් දීමට ක්‍රියාත්මක වෙයි. රාහු සහ කේතු විසින් අතීත කර්මානුගත ප්‍රතිවිපාක ජන්මියා වෙත පවරා දෙමින් ඒවා මෙම ආත්ම භාවයේ අත් විඳීමට සලස්‌වයි.
රාහු යම් පුද්ගලයකුගේ අරමුණු ඉටුකර ගැනීමට යැමේදී නිරන්තරව බාධා පමුණුවයි. මෙම නිසා අතෘප්තිකර මානසිකත්වයක්‌ ගොඩනැඟෙයි. මේ අනුව පුද්ගල මනෝ භාවයන්වල වෙනසක්‌ ඇති කර අතීත කර්මවලට දඬුවම් දීමට රාහු ක්‍රියාත්මක වේ. මෙම නිසා කිසියම් පුද්ගලයකු දුරදිග නොබලා කටයුතු කිරීම, ඉක්‌මන් කෝපය, එක තැනක එක විදියට නොසිටීම, තැන් තැන්වල ඇවිදීම, අධ්‍යාපන උනන්දුව හීන වීම වැනි කාරණා ඉස්‌මතු වන්නට පුළුවන.
රාහු මිනිස්‌ ජීවිතයට ඇති කරනු ලබන බලපෑම් වලට වඩා පරස්‌පර තත්ත්වයක් කේතු විසින් ඇති කරනු ලබයි. මුරණ්‌ඩු මෙන්ම හිතුවක්‌කාර ගති, ශරීර සෞඛ්‍යය පිරිහීම, භූත දෝෂ, ප්‍රේත දෝෂ, අධ්‍යාපන කටයුතු අතපසු වීම, චිත්ත පීඩා, ප්‍රියයන්ගෙන් ඈත් වීම, බලාපොරොත්තු කඩවීම, ස්‌ථානගත කරදර, හීනමානය, කුෂ්ඨ රෝග තත්ත්වයන් කේතු විසින් ඇති කරනු ලබයි.
රාහු අනෙකුත් ග්‍රහයන් හා සංයෝග වීමෙන් විවිධ වූ ඵල විපාක ඇති කරවයි. ශුභ තත්ත්වයේ සිටින රාහු සමඟ ගුරු හා ශනි වැනි ග්‍රහයන් සංයෝග වීමෙන් ශුභ විපාක ඇති කරයි. රාහුගේ ලක්‌ෂණය වන්නේ සෙසු ග්‍රහයන් සමඟ එක්‌වීමේදී එම ග්‍රහයාගේ ක්‍රියාකාරී ස්වභාවය තවදුරටත් වේගවත් කරවීමයි. එහිදී ශුභ අශුභ තීරණය වන්නේ එම ග්‍රහයන් කේන්ද්‍රය තුළ පිහිටන ස්වභාවය අනුවය.
රාහු සඳු සමඟ සංයෝග වීමෙන් අපස්‌මාරය, උමතු බව, කේන්ති යැම, නුරුස්‌නා ගතිය, ලිංගික ඌනතාව හා හීනවීම, සියදිවි හානි කර ගැනීම යන කාරණාවලට ජන්මියා පෙළඹීමට ඉඩ ඇත. එමෙන්ම අන් අයගේ හැඟීම්, සිතිවිලි සහ වේදනාවන් අවබෝධ කර ගැනීමට අපහසු මානසිකත්වයක්‌ ගොඩනැඟේ.
රාහු, සිකුරු හා එකතු වීමෙන් ලිංගික ජීවිතය හා සම්බන්ධයෙන් නොමඟ යැමේ ප්‍රවණතාවක්‌ ඇති කරයි. එමෙන්ම සහකරු හෝ සහකාරියට නියම ආකාරයට ආදරය හා කරුණාව දැක්‌වීමක්‌ නොමැති වෙයි. විශේෂයෙන් ඉහත කී සංයෝගය 7 වැන්නේ යෙදීම තුළ ඉහත කී කරුණු වැඩිදියුණු වනු ඇත.
රාහු, බුධ හා සමඟ සංයෝග වීම තුළින් පසුගාමී මානසිකත්වයක්‌ ඇති කළ හැකි අතර විශේෂයෙන් අධ්‍යාපනය ලබන කාලය තුළ මෙම සංයෝගය ක්‍රියාත්මක වීම තුළ දරුවකුගේ අධ්‍යාපන කටයුතුවලට බාධාවක්‌ ඇති විය හැක.
රාහු 3 වැනි භාවයේ සිටින විට රාහුගේ බලය වැඩිය. ලෞකික ආශාවට වැඩි නැඹුරුවක්‌ පෙන්වයි. ජන්මියාට සුවිශේෂී ශක්‌තියක්‌ ලබා දේ. අනෙක් ග්‍රහයන්ගේ දෘෂ්ටීන් අනුව මෙම තත්ත්වය තරමක්‌ වෙනස් විය හැක.
එමෙන්ම රාහු ග්‍රහයා 6 වැනි භාවයටද ශුභය. සතුරන් මර්දනය කිරීමට රාහු 6 වැන්නට පැමිණීම ශුභදායකය. 3, 6 හැරුණු විට අනෙක් උපචය ස්‌ථාන වූ 11 වැන්නටද රාහු යහපත් ප්‍රතිඵල උදාකරයි. විශ්ව කේන්ද්‍රයට අනුව තුන්වැන්න මිථුන රාශිය වන අතර සයවැන්න කන්‍යා රාශියයි. 11 වැන්න කුම්භ රාශියයි. පිළිවෙළින් රාහුගේ උච්ච ස්වක්ෂේත්ර හා මූල ග්‍රහ කාරක රාශි ලෙස ජාතක පරිජාතකයේ දක්‌වා ඇත. සතුරන්, ලෙඩ රෝග සහ අසනීප ගති නිවේදනය කරන පුද්ගලයකුගේ සැඟවුණු ශක්‌තීන්ද අනාවරණය කරයි. මෙම සැඟවුණු ශක්‌තීන් පෝෂණය කර පුද්ගලයා තුළ පිබිදුණු ක්‍රියාකාරී ස්‌වභාවයක්‌ ඇති කිරීම සඳහා රාහු ඵලදායී දායකත්වයක්‌ ලබා දෙයි.
10 වැන්නද රාහු ශුභ පල උදාකරන ස්‌ථානයක්‌ ලෙස සඳහන් කළ හැක. රැකියාව, තත්ත්වය හා සුබසාධන කාර්යයන් හා සම්බන්ධ වෙමින් රාහු ක්‍රියාකාරී ග්‍රහයෙකු වශයෙන් විශේෂ දායකත්වයක්‌ ලබා දෙයි. රැකියා ස්ථානයේ දී තම බලය පතුරුවාගෙන තම අපේක්‍ෂාවන් ඉටුකර ගනී.
11 වැන්නද රාහු විසින් ශුභ ඵල උදාකරන භාවයක්‌ ලෙස හැඳින්වේ.
ලග්න භාවයටද රාහුගෙන් ලැබෙන දායකත්වය ශුභදායී නොවේ. කැපී පෙනීමට ආශා කරයි. අතෘප්ති කර අසහනශීලී මානසිකත්වයක්‌ ඇති අය වෙති. බුද්ධිමත් තීරණ නොගනී.
දෙවැන්නටද රාහු සුදුසු ස්‌ථානයක්‌ නොවේ. අපේක්‍ෂාවන් කඩ වන ස්‌වභාවයක්‌ ඇතිවන අතර ගෘහ ජීවිතය අවුල් ඇතිවීමේ තත්ත්වයක් ඇතිවිය හැක. සිව් වැන්නේ සිටින රාහු ජන්මියාගේ චෛතසික ස්වභාවය අන් අයට තේරුම් ගැනීමට නොහැකි හැසිරීම් රටාවන් නිර්මාණය කර ගැනීමට ජන්මියා පොළඹවයි.
රාහු 5 වැන්නේ සිටීමෙන් අධ්‍යාපනය, දරුඵල ආදී කටයුතුවලට බාධා පමුණුවයි. මෙම භාවයේ රාහු ගුරු සමඟ සම්බන්ධ වුවහොත් යහපත් තත්ත්වයක් ඇති කරවයි.
රාහු 7 වැන්නට අශුභ වන්නේ විවාහ සැපතට බාධා එල්ල කරන නිසාවෙනි. සාමාන්‍යයෙන් 7 වැනි භාවයෙහි සිටින රාහු, විවාහය හා බැඳුණු පූර්ව අකුසල කර්ම ක්‍රියාත්මක කරන අතර ඒවා ජන්මියාට අත් විඳීමට අවස්‌ථාව සලසා දෙයි. රාහු 7 වැන්නේ සිටින විට තමාට නොගැළපෙන විවාහයන් සිදුකර ගැනීමට බොහෝ විට සිදුවන අතර මේ නිසා මෙය එක්‌තරා අන්දමකින් කර්මය ගෙවා දැමීමක්‌ ලෙස පිළිගත හැක.
රාහු 8 වැනි භාවයටද, අශුභ ප්‍රතිඵල ඇති කරයි. වේග පීඩා ගෙනදීම, හදිසි අනතුරු වැනි තත්ත්වයන් රාහු අටවැන්නේ පීඩාකාරී වීමෙන් දැකිය හැක. මීට අමතරව සුරාව, සූදුව වැනි සමාජ විරෝධී ක්‍රියාවන් සඳහා ද පුද්ගලයන් යොමු කිරීමට හේතු වේ.
9 වැන්නේ රාහු පීඩාකාරී වීම තුළ ආගමික භක්‌තිය හීනවීම, වැඩිහිටියන්ට ගරු නොකිරීම, පියා සමඟ සබඳතාව අඩුවීම වැනි කාරණා ඇතිවිය හැක. ශුභ ග්‍රහයන්ගේ බලපෑම් මත 9 වැන්නට ශුභදායී රාහු ආගම කෙරෙහි නැඹුරුතාව ආධ්‍යාත්මික වශයෙන් සුබදායී බවක්‌ අත්විඳීමට සලසනු ඇත.
රාහු 12 වැන්නේ සිටීමෙන් අනවශ්‍ය ලෙස මුදල් නාස්‌තිය, සමාජ විරෝධී ක්‍රියා නිසා නීතියේ රැහැනට හසුවීම වැනි තත්ත්වයන් ඇතිවිය හැක. විශ්ව කේන්ද්‍රයේ මෙම භාවය ගුරුට අයත් වන බැවින් ලෝකෝත්තර සංකල්පය හා බැඳෙයි. රාහු ලෞකිකත්වය නිවේදනය කරමින් ප්‍රතිවිරුද්ධ දිශාවකට යොමු වේ.
කේතු ලග්න භාවයේ සිටීමෙන් නිශේධනාත්මක සිතිවිලි අතර සිරවී තමා තුළ හීනමානයන් උපදවා ගනී. අපේක්‍ෂාවන් මුදුන් පත්කර ගැනීමට ඇති අපහසුව නිසා සමාජයෙන් වෙන්වී සිටීමට කැමැත්තක්‌ දක්‌වයි.
කේතු දෙවැන්නටද ශුභ ඵල නොපෙන්වයි. දෙවැන්නෙන් කියෑවෙන ධනය චංචල දේපළ හා පවුල් ජීවිතය වැනි ලෞකික ක්‌ෂේත්‍රයන්ට වැඩි නැඹුරුවක්‌ නොදක්‌වන නිසාවෙන් ජන්මියා විවිධ වූ ජීවන ගැටලුවලට මුහුණපානු ඇත.
කේතු තෙවැන්නේ සිටින ජන්මීන් බොහෝ විට මානසික දුර්වල ස්‌වභාවයක්‌ පෙන්නුම් කරයි. කේතු සිව්වැන්නේ තැන්පත් වූ ජන්මියා ඔවුනට ආවේනික වූ සුරංගනා ලෝකයක්‌ මවා ගනියි. 5 වැන්නේ සිටීමෙන් තර්කානුකූල සිතිවිලි ඔස්‌සේ බුද්ධි වර්ධනය සඳහා ක්‍රියා කරනු ඇත. දරුඵල හීනවීමටද බලපෑ හැක.
කේතු 6 වැන්නේ පීඩාකාරී වීමෙන් ආවේගශීලී ගති ලක්‍ෂණ පෙන්නුම් කරයි. 7 වැන්නේ වූ කේතු යහපත් සබඳතාව පළුදු වේ. මානසික සමබරතාව බිඳී යැමෙන් හැඟීම් පාලනය කර ගැනීමට අසීරු වේ.
8 වැන්නේ කේතුගේ දුර්වල නිවේදනය වීම රෝගාබාධ තත්ත්වයන් විශේෂයක්‌ හමේ රෝග තත්ත්වයක් ඇතිවිය හැක. විශේෂයෙන් කේතු මහ දශා කාලයන් තුළදී මෙවැනි තත්ත්වයන් උදාවිය හැක.
කේතුගේ නියෝජනය සමාජමය වශයෙන් නමවැනි භාවයේ දී ඉතා වැදගත් වේ. ආගම දර්ශනය, ගුප්ත විද්‍යාවන් හැදැරීම තුළින් සමාජයට මෙහෙවරක්‌ කිරීමට කේතු විශාල පිටුබලයක්‌ ලබාදෙයි.
දසවැනි භාවයේදී පූර්ව කර්ම විපාක මත ජන්මියා හැසිරවීමට කේතු ක්‍රියාත්මක වෙයි. මෙහිදී ඔහුගේ කාර්යයන් පිළිබඳ කිසිම ඇගයීමක්‌ නොවන අතර අතෘප්තිකර ජීවිතයක්‌ ගෙවීමට ජන්මියාට සිදු වේ.
11 වැනි භාවයට සම්බන්ධ වීමෙන් ජන්මියා යථාර්ථවාදී චාම් ජීවිතයක්‌ කරා යොමු වේ. කේතු 12 වැන්නට සම්බන්ධ වීමෙන් ආධ්‍යාත්මික සුවයක්‌ අත් විඳිමින් පරලොවක්‌ ගැන සිතීමක්‌ ඇති වේ. මන්ද කේතු මෝක්‍ෂ කාරකයා වන බැවින් දොළොස් වැන්නද මෝක්‍ෂ ස්‌ථානයද වේ.
රාහු හා කේතු දෙදෙනා එකිනෙකට ප්‍රතිවිරුද්ධ අක්‍ෂ දෙකක සිටියද ඒකකයක්‌ ලෙස ක්‍රියා කරමින් විශේෂයෙන් මෙම දෙදෙනාගේ අක්‍ෂය තුළින් යම් ජන්මියකුගේ දෛවෝපගත කර්මයන් පෙන්නුම් කරන අතර එය අදාළ දශා අන්තර් දශා කාලයන්වල වඩාත් ඉස්‌මතු වී ක්‍රියාත්මක වන ආකාරය දැකිය හැක.
Ravanaja astrology service Send a message to learn more
11/06/2022
ඔබේ කේන්දරයේ සිකුරු දෙන පලාපල ඔබම දැනගන්න...
ග්‍රහ මණ්ඩලයේ මනාලිය වශයෙන් සලකනු ලබන සිකුරු පෘථිවියට එක් පැත්තකින්ද අනිත් පැත්තෙන් කුජද පිහිටා ඇත. සූර්යාගෙන් අංශක 48කට වඩා ඈත් නොවේ. මෙම ග්‍රහයා අලුයම් කාලයේදීත් ඉර බැසයන කාලයේදීත් අපේ පියවි ඇසට පෙනෙන අතර උදයේ දකින විට පහන්තරුව වශයෙන්ද. සවස දකින විට ඉරබටු තරුව වශයෙන්ද හඳුන්වයි. විශේෂයෙන් අවුරුද්දේ එක කාලයකට අලුයමද තවත් කාලයක සවස් කාලයේද මෙම අහසේ දීප්තිමත් පියවි ඇසට පෙනේ.
සිකුරු මිනිසාට සියලු ශුභඵල ගෙන දෙන ප්‍රමුඛ ග්‍රහයෙකි. මනුෂ්‍යයාගේ රූප ශෝභාව ප්‍රේමය වාසනාව යහපත් ජීවිතය පිරිසිදුකම කරුණාව මිත්‍රත්වය කෙළි ලොල් බව ආදී ගුණාංග සිකුරුගෙන් ඇති වේ. තරුණ වයසට සිකුරු බලවත් වේ. සිකුරු කේන්ද්‍ර ගතවීම. ත්‍රිකෝණගතවීම, ලග්නයේ හෝ එකොළහේ සිටීම, උච්ච ක්ෂේත්‍රවීම ඉතාම යහපත්ය. සිකුරු බලවත්වූ විට සැහැල්ලු රස ආහාර, අකලට මහලු නොවන තරුණ පෙනුම, ඇසීමට ප්‍රිය උපදවන වාග් - චාතුර්ය ඇතිවීම, හැමවිට සතුටින් සිටීම, භාර්යාව හෝ පුරුෂයා සමග සැපසේ වාසය කිරීම ආදී යහපත් ඵල සිකුරු ඇති කරයි. මෙවන් සුබ ඵල දෙන සිකුරු දුර්වල වීමෙන් විවාහය අවුල් සහගත එකක් වීමට බොහෝදුරට ඉඩ ඇත.
සිකුරු ලග්නයේ සිටීමෙන් දැකීමට ප්‍රිය මුහුණ මනාව පිහිටි ශරීරයක් හා ප්‍රිය උපදවන කතා විලාසයක්ද හිමිවේ. නිතර විනෝදයෙන් සිටින තැනැත්තකු වෙයි. සුවද වර්ග සහ විලාසිත ඇඳුම් පැළඳුම් ප්‍රියකරන අතර පිරිසිදුකමද අගය කරන්නෙකු වේ. සුව පහසු යහන්වල නිද‌ා ගැනීමට ලැබෙයි. ස්ත්‍රින් ආශ්‍රයට පත්වී මහලු අයකු වුවද තරුණයකු මෙන් ක්‍රියා කිරීම නිසා ස්ත්‍රීන්ට ඉතා ප්‍රියභාවයක් ඇති කරවයි. ලග්නය තුලා, වෘෂභ, මීන යන එකක් වී ලග්නයට පැමිණ සිකුරා මාලවී යෝගයද උදාකර කලා කටයුතුවලට දැඩි ප්‍රියතාවක් ඇති කරවයි. විසිතුරු දේ කිරීමට පෙළඹෙයි. එයින් අන්‍යයන්ගේ සිත් තමා වෙත ආකර්ෂණය කර ගැනීමේ ගතිය ඇති වේ.
සිකුරු දෙවැන්නේ සිටීමෙන් නිරායාශයෙන්ම ධනය ලබාදෙනු ඇත. බලයෙන්ද යුක්තය. රජයේ හා උසස් නිලධාරීන්ගේ පැසසුමට ලක්වේ. ඔවුන්ගේ උපකාරයෙන් දියුණුව සැලසේ. හිත මිතුරන් ඇතිවන අතර විවාහයද වාසනාවන්තය. යහපත් ඇස්, මුඛය, සුභාෂිත වචන ඇති චරිතවත් යහපත් කෙනෙකු වන අතර ප්‍රියජනක මුහුණක්ද ඇතිවේ. දෙවැන්නාධිපති වී සිකුරා දෙකේ හැසිරෙන විට ඔහුගේ හෝ ඇයගේ මහ දශා, අතුරු දශාවද එවකට පවතී නම් වහාම ධන කුවේරයකු වන්නේ ස්ත්‍රීන් ඇසුරින් ලැබෙන ධනය හේතුවෙනි. ඔහු නොදැනම ධනය ගලා එනු ඇත. තුන් වැන්නේ සිකුරා සිටියදි උපන් අය ස්ත්‍රීන්ට වඩා ප්‍රියවේ. සහෝදර යන්ගේ උපකාර නොඅඩුව ලැබෙයි. දරුවන්ට සුභද‌ායක නොවේ. උසස් තත්ත්වයකට පත්වෙන අතර යුද කෝලාහල ආදියට බිය ඇත්තෝ වෙති. දීර්ඝායුෂ ලැබීමට වාසනාව ඇත. බිරිදගෙන් ධනය ලැබෙයි. ධන ධාන්‍යයෙන් පිරි සැපවත් දිවියක් ගතකිරීමේ භාග්‍යය උද‌ාවෙයි. සිකුරු දුර්වල වී සිටියේ නම් සහෝදරියන්ගෙන්, භාර්යාවන්ගෙන් විපත් ඇතිවේ. සහෝදරයන් අතර නිතර අඬදබර ඇති කරවයි.
සිකුරු හතරවැන්නේ සිටිවිට අලුත් ගෙවල්, දොරවල්, මල්වතු, උයන්වතු ක්‍රීඩාභූමි, නාට්‍යශාලා, සංදර්ශන පෙන්වන භූමිවල හිමියන් වීම හෝ එවන් ස්ථානවල වාසය කරන්නෝ වෙති. රථවාහන ලැබීමටද වාසනාව ලැබෙති. නැටුම් ගැයුම් උගන්වන ගුරුවරුන්ද විය හැක. ස්ත්‍රීලාභ, ආයුෂලාභ ඇතිවෙයි. ත්‍යාගශීලිවේ. සිකුරු දුර්වලව සිටියහොත් පපුවේ රෝග, ශරීරය කෘශවීම, ගේ දොර අන් අය සතුවීම, ස්ත්‍රී වියවුල් ඇතිවීම, සහෝදරයන් විරුද්ධවීම, ඉඩකඩම් ආරවුල් ආදිය ඇතිකරයි. ස්ත්‍රීන්ගේ දේපළ පිළිබඳ නඩු හබ ඇතිවේ.
සිකුරු පස්වැන්නේ සිටියදී උපන් අය ආචාර්යවරුන් ශාස්ත්‍රඥයන්, සිනමා නාට්‍ය ආදී කලා කටයුතුවල අධ්‍යක්ෂවරුන්, මන්ත්‍ර ශාස්ත්‍ර ආදියේ නිපුණවන්නන්, යස ඉසුරු ධන සම්භාර ලබන්නන් හා යහපත් දේ ඉගෙන එයින් දියුණුවන්නෝ වෙති. රජයෙන් හා උසස් නිලධාරීන්ගෙන් ගෞරව, සම්මාන ලබයි. දැකීමට ප්‍රිය රූමත් ස්ත්‍රීන් ඇසුරට පත්වේ. ස්ත්‍රීන් නිසාම දියුණුවට පත්වේ.
හයවැන්නේ සිකුරු සිටියහොත් ඥ‌ානයෙන් සතුරන් පරදවයි. නපුරු සිතිවිලි ඇතිවෙයි. අධිකව දූ පුතුන් ලබයි. ස්ත්‍රීන්ට ලොල් වීමත්, අධික කාම සේවනය නිසාත් විපත් ඇතිකර ගනී. ධාතු හීන රෝග, ක්ෂය රෝග, ප්‍රමේහ රෝග, ඇස්වල ආබාධ ඇතිවීමට පුළුවන. තම චරිතයට හානිද‌ායක ප්‍රචාර ඇතිවීමෙන් ලෝකයට මුහුණදීමට අපහසු තත්ත්වයක් ඇතිවේ.
සිකුරු සත්වැන්නේ සිටියදී උපන් අය පහත් ගති ඇති, ස්ත්‍රීන් හා ගණිකාවන් වැනි අයගෙන් කරදර හිරිහැර ඇතිවේ. තම භාර්යාව පවා තමා ගැන සැක කිරීමෙන් නිතර පවුලේ අඬදබර සිදුවේ. නිතර රෝගී තත්ත්වයෙන් පසුවීමට සිදුවෙයි. විශේෂයෙන් ලිංගික රෝග ඇතිවිය හැක. සිකුරු මාරක ග්‍රහයකු වී හත පැමිණියහොත් අකල් මරණද ඇති කරවයි.
සිකුරු අටවැන්නේ සිටිවිට ග්‍රහයන් හැම දෙනාම බොහෝ විට ජන්මියාට අශුභඵල දුන්නත් සිකුරු අටවැන්නේ සිටිය යුතු උසස්ම ග්‍රහයාය. වෙදදුරන්ටත් සෙවිය නොහැකි මරණයක් ඔවුන්ට හිමිවේ. වකුගඩුවේ හෝ හෘද රෝගයකින් මරණය සිදුවේ. මෙහි සිකුරු යෝගව සිටීමෙන් මැණික් වාසනා ඇතිවන අතර විවාහයට අශුභඵල ගෙනදෙයි. සිකුරු නව වැන්නේ නම් ජන්මියා ධාර්මික අංශයට යොමු කරවයි. තමාගේ නිවෙසට ශ්‍රියා කාන්තාව පැමිණියාසේ නිවසේ ශ්‍රියාව, සමගිය හා සමාද‌ානය ඇතිකරවයි. උසස් අයගේ උපකාර හා ගරු බුහුමන්ද ලබයි. ධන ධාන්‍ය ලාභ, කාර්ය සිද්ධි ඇතිවීමෙන් ධනවත් උසස් දිවියක් ගත කිරීමට ලැබෙයි.
දහ වැන්නේ සිකුරු සිටීම රජයේ රාජකාරි හිමිවීමට විශේෂ පිහිටීමක් වෙයි. අාගිය තැන්වලදී හැමවිට පිළිගැනීම්වලට ලක්වෙයි. උසස් අයගෙන් උදව් උපකාර නිරායාශයෙන්ම හිමිවෙයි. බොහෝ විට පාලක පක්ෂයේ අත්සන පමණක් යොදන විධායක ෙශ්‍ර්ණියේ රැකියා ලැබෙනු ඇත. යහපත් ගතිගුණ හා ක්‍රියා කලාප ඇත්තෙකි. මහජනයාගේ ප්‍රසාදය දිනා ගනී.
එකොළොස් වැන්න සිකුරුට වඩාත් යහපත් ස්ථානයකි. අලුත් නිවාස, රථවාහන, යහපත් දූ දරුවන්, රූපත් ස්ත්‍රීන් ආදියද ලබයි. ධනවත් වෙයි. උගත් පොහොසත් ස්ත්‍රීන් හා විවාහ වී ඔවුන්ගේ ධනය නිසා ප්‍රසිද්ධියද ලබයි. සිකුරු දුර්වලව සිටියහොත් ස්ත්‍රින් නිසා ආරවුල් ඇතිවෙයි. කරන සියලු කටයුතු වලින් සල්ලාලකම නිසා පාඩු ලබයි. දූ දරුවන්ටද අයහපත් ප්‍රතිපල උද‌ාකරවයි.
සිකුරු දොළොස් වැන්නේ සිටියදී උපන් අය වස්තුලාභ, ගේ දොර, වතුපිටි ආදිය ලබන්නෝ වෙති. ත්‍යාගශීලී වේ. අන්සතු ධනයට හිමිකම් ලබයි. මිතුරන් ඇසුරින් ධනයද හිමිවෙයි. ඔවුන්ගේ උපකාරය දියුණුවට හේතුවක් වෙයි. පාප පීඩිතව හෝ පාප සංයෝගය ඇතිව සිකුරු සිටියොත් මවට මරණය හෝ තදබල ලෙඩදුක්ද ඇති කරවයි. අශුභව සිටියොත් ස්ත්‍රීන් නිසා ධන හානිවෙයි. මිතුරන් වෛර වීම නිසා ගුණධර්ම පිරිහීමෙන් චෝදනාවලට ලක්වේ. වම් ඇසේ රෝග ආබාධ ඇතිවීමටද පුළුවන.
තෙරුවන් සරණයි !
මගේ රටේ විතරක් නෙමෙයි මුලු ලෝකයේම කිසිම මිනිසෙකුවත්, සත්වයෙකුවත් එක මොහොතක් කුසගින්නේ නොසිටීවා...
01/06/2021
පුංචි සෙත් ශාන්තියක්..🙏🙏🙏
දරුවකුට පංචායුධයක්‌ දාන හේතුව දන්නවද නොදන්නා අය මේ දැන්ම දැනගන්න """""""""
දරුවකුට පංචායුධයක්‌ දාන එක ලොකු ආරක්‍ෂාවක්‌·” එය වැඩිහිටියකු බිළිඳෙකු උපත ලද විටම පවසන වැකියකි.
පංචායුධයක්‌ පැලඳීම යහපත් ද? එයින් ඇතිවන යහපත කුමක්‌ද? කුඩා දරුවකුට පංචායුධයක්‌ පැලඳවීමෙන් කරනු ලබන්නේ යහපත පැතීමයි. එනමුදු වර්තමානයේ එය කරන්නන් වාලේ කරනු ලබන දෙයකි. මෝස්‌තරයකි. එම රටාව තුළ තම ධන බලය, ගෞරවය මතුවී පෙනෙන පරිදි රනින් කළ පංචායුධ පැලඳවීම සිදු කෙරෙයි. පංචායුධයේ වටිනාකම ද තම ධන – කුල – බල ආකල්ප අනුව විවිධ වෙයි.
වැඩිහිටියකු අලුත උපන් බිළිඳෙකු බැලීමට යැමේදී ගෙන යනු ලබන්නේ පංචායුධයකි. එය පැලඳවීම තුළ සිදුවන ශක්තිය අතිමහත්ය. පංචායුධ තනනු ලබන්නේ ලෝහයෙනි. රත්ත්‍රන් රිදී සහ ලෝහ වර්ග කිහිපයක්‌ එක්‌කොට පංචායුධ තනනු ලැබෙයි.
ලෝහ වර්ගය විසින් මානව ඉතිහාසය වෙනස් කළ බව අතීතය විමසුම් කිරීමේදී පැහැදිලි වෙයි. අතීත ගල් යුගයේ මිනිසාගේ දියුණුව ලෝහ සොයාගත් පසු වේගවත් විය.
ලෝහ වර්ගවලින් තැනූ ආයුධ බලයෙන් කරන ලද සටන් පිළිබඳව මිනිස්‌ ඉතිහාසය බොහෝ කරුණු ගොනු කරයි. සටනට වඩා ජීවත්වීම වෙනුවෙන් ආයුධ තැනීම යකඩ සොයාගත් ප්‍රාථමික යුගයේ සිදුකළ ප්‍රධාන කරුණකි. එදා සතුන් දඩයම සඳහා පහසුවක්‌ වූයේ දුන්න , හෙල්ල සහ ඊතලයයි. එම ආයුධ යකඩ වැනි ලෝහවලින් නිර්මාණය කිරීම මත ගල් ආයුධ අතීතයටම සීමා විය. පසුකාලීනව පොරොව, කඩුව, කැත්ත වැනි ආයුධ නිර්මාණය වූයේ යකඩ භාවිතයේ බලවත්කම අනුවය. කෘෂිකාර්මික යුගයේදී උදැල්ල, මන්නය තුළින් ජන ජීවිතය නව මාවතකට ගොනු විය. වනසතුන්ගෙන් වන ගැහැට මහත්ය. සතුරු කරදර ද අතිමහත්ය. එයට පිළියමක්‌ ලෙස ආරක්ෂාව පතා ආයුධ නිර්මාණය විය.
මිනිස්‌ ශිෂ්ඨාචාරය මත, ආගමික නැඹුරුව, නොපෙනෙන දේව බලවේගයන් ඇදහීම මත ප්‍රතිමා නිර්මාණය විය. එකල මිනිසා ප්‍රතිමා තුළින් නොපෙනෙන බලවේගයන්ගේ පිහිට ආරක්ෂාව නිබඳවම පැතීය. ප්‍රතිමාවක්‌ සඳහා අත් කිහිපයක්‌ නිර්මාණය වූයේ එම බලවත්කම ප්‍රකට කිරීමටය. දෙවියන් තමන් ආරක්‍ෂා කරන්නේය යන්න ජන නිගමනය විය. තමන් අදහන දෙවිවරුන්ට ආයුද හිමිවීම එහි සංකේතය විය. අත් කිහිපයක්‌ හිමි තැනැත්තා බොහෝ දෑ කළ හැකි අයෙකි. එම අත් ආයුධ දරා සිටීම ඔහු බලවන්තයකු කරයි. සතුරු බලවේගයනට ගොදුරු නොවෙයි. එවන් බලවන්තයකුගේ ආශිර්වාදය ජන ජීවිතයට ඉමහත් ශක්‌තියකි. ජන මතය එයම වෙයි.
යන්ත්‍ර – මන්ත්‍ර ශාස්‌ත්‍රයේදී රන් – රිදී, සුදු යකඩ, තඹ වැනි ලෝහ වර්ගයන්aට විශේෂ ස්‌ථානයක්‌ හිමිවෙයි. එම ලෝහ වර්ගයන්aට අමනුෂ්‍ය බිය දුරු කිරීමේ විශේෂ බලයක් ඇති බවට විශ්වාසයක්‌ ඇත. සුර සඳහා ලෝහ භාවිතයත්, යන්ත්‍ර ඇඳීමට තඹ පත් භාවිතයත් මුලික වන්නේ එලෙසයි.
ගෙන්ගෙට පිළීsගෙන යැම – රාත්‍රි කාලයේ තෙල් සහිත ආහාර නිවසින් පිටතට ගෙනයැම වැනි කරුණුවලදී එම ආහාර සමග යකඩ කැබැල්ලක්‌ ගෙන යැම අරක්‍ෂක ක්‍රමයකි.
ජීවම් කාර්යයේදී මල් තටුව තැනීමේදී යකඩ ඇණ නොගැසූ ආධාරකයක්‌ පුටුවක්‌ භාවිත කිරීමද සම්මතයකි. ශාන්තිකර්ම කිරීමේදී ඊගසට යකැදුරන් විසින් ලෝහ කැබැල්ලක්‌ තබා බඳිති. ලෝහ මූලිකව මෙවැනි පිළිවෙත් පුරාණ කාලයේ සිටම භාවිත වන්නේය. කුඩා දරුවකුට පංචායුධයක්‌ පැලඳවීමද එවැනිම වූ ආරක්‍ෂාකාරී ක්‍රමයකි. පිළිවෙතකි. ඇස්‌වහ – කටවහ හෝ වහ දොaෂ, අමනුෂ්‍ය බිය, අමනුෂ්‍ය බලපෑම් දරුවා වෙත යොමුවීම වැළැක්‌වීම මෙහි මූලික අරමුණය.
බලවත් වූ අමනුෂ්‍ය බලවේගයන් බලවත් වූ ශු=ද්ධ ආත්මයන්, දෙවියන්a අත රැඳි ආයුධයනට බිය වෙති. එම ආයුධ රැඳි දෙවියන් යහපත් වූ බලයන්ගෙන්ද බලවත් වූවන්ය.
චක්‍රායුධ – හක්‌ගෙඩිය- මුගුර – දුන්න – කඩුව වැනි ආයුධ සංකේතවත්ව නිර්මාණය වන පංචායුධය නිසැකවම ලෝහමය ආභරණයකි. මෙම සියලු ආයුධ දෙවියන් අත රැඳි ආයුධ සංකේතයන්ය.
පංචායුධය දම්වැලක රඳවා ළදරුවාගේ නාභිය අසළට වැටෙන ලෙස පැලඳවී චාරිත්‍රයකි. කුඩා දරුවනට පංචායුධ පැලඳවීමේදී උපන් දිනයේ සිට මාස තුනේදීද නැතහොත් ඉඳුල්කට ගෑමේදී ද සුදුසු වෙයි.
පංචායුධය සුවඳ පැනින් නහවා මල්බුලත් තටුවක්‌ මත තබා සුවඳ දුම් අල්ලා පිsරිත් හෝ ශ්ලෝක සඡ්ජායනා කරමින් එය බිළි¹ගේ ගෙළෙහි පැලඳවීම සිදුකරනු ලබයි. වර්තමානයේ මෙම පිළිවෙත් භාවිත වන්නේ අල්ප වශයෙනි. සෙත් පිරිත් හෝ ශ්ලේක සඡ්ජායනා සිදු කෙරෙන්නේ කලාතුරකිනි. සුබ හෝරාවක් හෝ නාභිය ස්පර්ශ වන සේ පංචායුධ පැලඳවීමක්‌ද අද සිදු නොවේ. කෙසේ වුවද නිවැරදි ප්‍රතිඵල ලබා ගැනීsමට නම් අතීතයේ බැඳි වත් පිළිවෙත් අනුගමනය කිරීම පංචායුද පැලඳවීමේදී නිසි යහපත උදාවීමට හේතුවක් වෙයි.
තෙරුවන් සරණයි ....!!!
03/04/2021
තෙදකාර බලකාර නම්බුකාර මුදල් බාර පට්ටිබාර ශ්‍රී සිද්ධ සුනියම් ගම්බාර අප්පච්චිගෙ පිහිටයි..🙏🙏🙏
03/04/2021
ඕං නමඃ ශිවාය...🙏🙏🙏
30/03/2021
අනුරාධපුර සඳහිරු සෑයට නිධන් වස්තු තැන්පත් කිරීම....ආයෙත් මේ වගේ පිනක් කරගන්න ලැබෙන්නෑ..මෙහෙම සෑයක් හැදෙන්නෑ...සියලු පහසුකම් ලබාදුන් විරමාවතෙහි පදිංචි ව්‍යාපාරික ගයාන් මහතාට හා එම මහත්මියට ගොඩක් පින්..
අප අඳුරේ යන විට ඉදිරිය අපහැදිලිය...විදුලි පන්දමක් අතැතිව යන අයට එසේ නොවේ...ජ්‍යොතිෂයද ආලෝකයකි...දැන මග යන්න...
25/03/2021
ඕං ශ්‍රී රාවණා නමඃ
....හදවත් රොග...
හෘදයට බලපාන රොග 13,14,15 පමණ ඇත.හෘදයට ලේ ගෙනයන නහර කුඩා විමෙන්,මේදය තැන්පත් විමෙන් හෘද රොග වලට බලපායි.ලේ සැපයීමේ දුර්වලතා ඇති වීම ප්‍රබලව බලපාන සාදකයකි.මෙම රොගයට බලපාන ග්‍රහයින් ලෙස,
සදු( 4 භාවය කටක බැවින් සහා ලේ වලට සම්බන්ධ නිසා).
කුජ( ලේ)
ගුරු( මේදය)
බුධ (නහර)
රවි (හෘදය)
ශනි ( හුස්ම ගැනීම)
කෙතු( නහර සිහින් කිරීම)
මෙම ග්‍රහයින්ගෙන් 3 සිංහ,කුම්භ රාශි ගතවීම,
රවි,කටක රාශියක,කුම්භ රාශියක,මින රාශි ගතවිමද මෙම රෝගය පෙන්වන සාධකයකි.
මෙසේ තිබෙන පමණින්ම ඇති නොවේ.සිංහ,කුම්භ සහා 04 භාවය ශනි,කුජ,රාහු ග්‍රහයින්ගෙන් පිඩා විමද අවශ්‍යය.
06 භාවය යම් කෙනෙක්ගේ සෞඛ්‍ය තත්වය පෙන්වයි.ජිවිතයෙ අවසාන අසනීප 08 භාවයේ උපගෙන් බැලිය යුතුය.
ඒ අනුව 01,06,08, උප,නැකත් අධිපති,උපස්ථාන අධිපතිගේන් 01,06,08,12 සමග 04 වැන්නද නිවේදනය වේ නම් හෘද රොග ඇති විමේ අවධානමක් ඇත.
23/03/2021
මේ මහා භද්‍ර කල්පය පුරා අසරණ දනන් හට බලගතු පිහිට ආරාක්ෂාව සලසන දුකට පිහිටවන ජිවමාන මහා භද්‍රකාලි මෑණියන්ගේ සොහොන් කාලි මෑණියන්ගේ පිහිට සැමටම නිරතුරුවම ලැබේවා...ඕං මහා මාතා නමඃ
උපන් ලප ශාස්ත්‍රය...
පුරුෂයෙකුගේ...
හිසෙහි දකුණු පැත්තේ නම් උත්සාහ වන්ත, තීක්ෂණ බුද්ධියක් ඇති සැප විදින කෙනෙකි. වම් පැත්තේ නම් කම්මැලි, සුරාවට ලොල් අයෙකි. නළලෙහි දකුණු පස නම් සම්පත් හා කිර්තිමත්, ශාස්ත්‍ර දන්නාවු ලොකයා සතුටු කරන කෙනෙකි. වම් පස නම් සුරා පානය කරන බියගුලු නාට්‍ය කලාවට ආශා ඇති කෙනෙකි. වම් ඇසෙහි නම් නැදැයින්ගේ අසතුටුවිමද, හිතේ සතුට නැති, රෞද්‍ර බස් කියන ස්ත්‍රීයක් ලබන අවුරුදු 60 ක් පමණ ආයුෂ ලබන කෙනෙකි.
දකුණු පස නම් සියළු කල්ම සතුට ඇති, කඩිසර , සම්පත් ලබන සියල්ලෙන්ම ජය උරුම වසර 100 ක් පමණ ආයු වළදන කෙනෙකි. නළලෙහි මැද වී නම් කුඩා කළ දුක් විදින බොහෝ ඉවසන, උත්සාහයෙන් ධනය සොයන යහපත් කඩිසර බිරිදක් ලබා කලකදී දියුණුවට පත් වයස 70 ක් පමණ ජිවිතේ ගතකරන කෙනෙකි. ඇසෙහි පිට පැත්තේ කොනකින් පිහිටියෙ නම් සැප ඇති, සතුරන්ගේන් ජය ලබන රාගසිත් ඇත්තෙකි.
කම්මුලේහි වු කළ දන්දීමේහි කැමති, කර්‍මත දත්, පින් ඇති පුතුන් දෙදෙනෙක් ලබන, ධනවත් වන කාමාශාවද ඇති කෙනෙකි. නිකටෙහි සැමදෙනාටම පෙන්න ඇති නම් ගමන් යැමෙහි ආශා ඇති ගුණවන්ත, පිටරටකදි විපතකට පත්විය හැකි කෙනෙකි. තොලෙහි වී නම් පළමු කරන ලද කටයුතු හානිවන සුරාපාණයට කැමති තනතුරු ලබන කෙනෙකි.
නාස්පුටුවෙහි නම් වහා ක්‍රියාකරණ සත්පුරුෂ මිත්‍රයන්ට කැමති යහපත් භාර්යාවක් ලබන කාමුක කෙනෙකි. උගුරු ගැටෙහි නම් නිතර දීමෙහි කැමති ධනවත් වු කෙළෙහිගුණ සලකණ කෙනෙකි. බෙල්ලෙහි නම් ශරීරය දුර්‍වලවන තානාන්තර ලබන මිත්‍ර ධර්‍ම රකින ධනවත් කෙනෙකි. ළයෙහි දකුණු පැත්තේ නම් ගැහැණු දරුවන් ලබන ශිල්ප ශාස්ත්‍ර නොදත් ඥණවන්ත ස්ත්‍රීයක් ලබන කෙනෙකි. ළයෙහි වම් පැත්තේ නම් කාමාශාව ඇති ධනය හා ගුණයද ඇති සිල්වත් කෙනෙකි. ළය මැද නම් නීච ක්‍රියා ඇති කලහකාරී නින්දා ලබන නැයන් නැති වු කෙනෙකි. දකුණු ළය ( ඉලඇට ළග ) සුරාපානයෙන් වස්තුව විනාශ කරන, දරුවන් විසින් නොසලකන අධම කෙනෙකි. උදරයෙහි නම් තමන්ගේ බඩ වැඩිම පමණක් කර ගන්නා, මත් පැනට ආශා ඇති කළකදි දරුවන්ට සලකන කෙනෙකි.
රහසග වු කළ රහස් කටයුතු නොකරන, ස්ථීර ගති ඇති, ගුණවත් පිනැති ස්ත්‍රීයක් ලබන, පරලොව ජය ගන්නා කෙනෙකි. මැණික් කටුවෙහි මැද නම් නොයෙකුත් සැප ලබන පිනැති පුතෙක් ලබන කෙනෙකි. අල්ල මැද සෘජු ගුණයෙන් ගුණය ඇති කම්මැලි නැති කෙනෙකි.
ඇගිලිවල නම් ක්‍රියාවෙහි දක්ෂ, ප්‍රසිද්ධ වන ලස්සන ස්ත්‍රීයක් ලබයි. වැලමිටත් මැණික්කටුවත් අතර නම් එය යහපත් වේ. නමුත් අන්නයන්ට උදවු කීරීමට ගොස් හිරේ යැමට සිදු වේ.
වැලමිටේ නම් යහපත් ස්ත්‍රීයක් ලබන කර්‍මතයෙහි දක්ෂ සැප විදින කෙනෙකි.
අතේ වු කල සතුරන්ගේන් ජය ලබන ප්‍රිය භාර්යාවක් ලබනව කෙනෙකි. වම් උරයෙහි නම් ගෙදර නිතර කලහා කරන තදහිත් ඇති බොහෝ වර බන්ධනාගාර ගතවන කෙනෙකි. දකුණු උරහිසේ නම් නැදැයින්ගෙන් ගරු බුහුමන් ලබන කඩිසර කමින් දියුණු වන වස්තුව ඇති කෙනෙකි. උරහිසේ සිට තුනටිය අතර වී නම් දරුවන්ගේන් නිතර හිරිහැර ලබන කටයුතු දියුණු නොවන බියගුලු කෙනෙකි. තට්ටමේ නම් දුක් ඉසිලිය හැකි මද ධනයක් ලබන ශිල්ප ශාස්ත්‍ර දත් කඩිසර , දරුවන් දියුණු වන කෙනෙකි. දකුණු කලවෙහි නම් විවාහයෙන් වස්තුව ලබන පොළොවේ ධනයට හිම්කම් ඇති කීර්තිමත් කෙනෙකි.
වම් කළවෙහි නම් දරුවන්ගේ සැප නොලබන පින් කිරීමෙහි නියැලී ක්‍රමයෙන් දිළිඳු වන කෙනෙකි. දකුණු දණහිසෙහි නම් දියුණුවට ආශා ඇති මෛත්‍රීයෙන් යුතු යස ඉසුරු ලබන කෙනෙක් වෙයි. වම් දණහිසෙහි නම් අහංකාර කොපවන ස්ත්‍රීන්ට සැප සම්පත් දෙන කෙනෙකි. දණ මණ්ඩල ඇස් වටෙහි වී නම් එය අසුභය. කම්මැලි පවට කැමති කෙනෙකි. කකුලේ ඇස් වටෙහි නම් සිත දුර්වල, රුපලක්ෂණයෙන් යුතු ලස්සන ඇදුම් පැළදුම් ආදියට වියදම් කරන්නෙකි. උඩුපතුලේ නම් එඩිතර රොගයෙන් පෙළෙන භය රහිත වියදම් කරන්නෙකි. මුදුන් ඇටයෙහි නම් නිතර තෙරුවන් අදහන පින් කරන කෙනෙක් වේ. දකුණු පැත්තට වු කළ වැහැරෙන රූපයෙන් හීනවු සිතට සැප නැති තියුණු නුවණද නැත්තා වු දරුනු රෝගයෙන් පෙළෙන කෙනෙකි. වම් පැත්තේ වී නම් පිටරට වෙළඳාමෙන් දියුණු වන යහපත් ස්ත්‍රීයක් ලබන්නෙක් වේ. දිවෙහි මැද වී නම් ස්ත්‍රීය හා දබර ඇතිව බොහෝ කල් දුක් ලබමින් ජිවත් වන කෙනෙකි. දිවෙහි අග නම් සතුරන්ගේන් ජයගන්නාවු, අපහසද ලබන තමාගේ අදහස කෙසේ හෝ මුදුන් පත් කරගන්නා කෙනෙකි....
පුරුෂයන්ගේ උපන් ලප ශාස්ත්‍රය තුළින් බිදක්...
අනිත් අයටත් කියවන්න share කරන්න. page එකට like කරන්න. ඉදිරියට එක එක උපන් ලප ගැන වෙන වෙනම විස්තර ඵල කීරීමට සුදානම්...
තෙරුවන් සරණයි...!!!
සුරය (යන්ත්‍රය)
මේක සමහරු බෙල්ලේ එල්ලගන්නවා .තවත් සමහරු ඉනේ...තව අය පර්ස් එකේ එහෙම නැත්නම් කෝට්ටේ අස්සේ....සමහරු කැමැත්තෙන් දාගන්නවා......සමහරු අකමැත්තෙන් දාගන්නවා කෙනෙක්ගේ බල කිරීමට...හේතුවක් නිසා මටත් මේක ගැන සති ගානක් හොයන්න උනා...
සුරයක් දාන්නේ ගොඩක් අය තමන්ට කරදරයක් නිසයි..සමහරු අපල දුරුවෙන්න නැත්නම් දියුණු වෙන්න කියල හිතගෙනත් දානවා....
ඒ මොන විදියට සුරයක් දැම්මත් ඒක දන්නේ ජීවම් කරලයි..ජීවම් කරනවා කියන්නේ ගොඩක් වෙලාවට තඹ තහඩුවකට මල් බුලත් තට්ටුවක තියල මතුරනවා....එහෙම නැත්නම් තෙල් මතුරලා පුළුන් කෑල්ලක පොගවල සුරේ ඇතුලට දානවා.....
එතකොට මේ මතුරනවා, ජීවම් කරනවා කියන්නේ මොකක්ද.....ජීවම් කරන්නේ කොහොමද , මොනවා කියලද...
සමහර යන්ත්‍ර බුදුගුණ කාණ්ඩයට අයත්වේ......යුද්ධ භංග යන්ත්‍රය,සබ්බ පාපස්ස යන්ත්‍රය,සීවලී යන්ත්‍රය,මහා රතන යන්ත්‍රය,ජලනන්දන යන්ත්‍රය මේවා අතර ප්‍රදාන තැනක් ගනී...ඒකෙන කැරෙන්නේ බොහෝ දුරට දෝෂ කපන ඒකයි. තමන්ට තියෙන බූත ,පෙරේත දෝෂ....ඒ වගේම තමන්ට කරලා තියෙන හැදී හූනියම්......සියලුම බලවේග කපන එක තමයි මෙයින් කෙරෙන්නේ...
ඊට අමතරව ගොඩක් දෙනාට ජීවම් කරන්නේ වෙනත් දේවල් වලට අදාල මන්තරයි...ඒවයෙන් මිනිස්සු බොහෝ දේවල් බලාපොරොත්තු වෙනවා...නඩුහබ දිනන්න..වෙලදාම් දියුණු කරන්න. ග්‍රහ දෝෂ නැති කරන්න කෙනෙක් හිතුවක්කාරකම් නැති කරන්න සම්පුර්ණ ආරක්ෂාව එහෙම නැත්නම් සතුරෙක් විනාශ කරන්න වගේ දේවල්.......තවත් අය කෙනෙක්ගේ බේබදුකම නැති කරන්න ප්‍රේම සම්බන්දකම් කඩන්න...එහෙම නැත්නම් තමන්ට අකමැති කෙනෙක්ව ලබාගන්න ඒ කියන්නේ කෙනෙක්ව වශී කරගන්න වගේ එක එක ගොඩක් කරන වලට ජීවම් කරලා යන්ත්‍ර පළදිනවා....මේ කොහොම යන්ත්‍රයක් පලදුවත් සුරයක් හදනකොට ඒ දේ කරන මන්තරකරුවා විසින් යම් කිසි ක්‍රියාදාමයකට අනුවයි එම යන්තරයේ නිර්මාණය කරන්නේ........
01..........
1...සුදුසු ස්ථානය (පිළිම ගෙය,බෝමැඩ,නුග වෘක්ෂය,ගංගා ඇලදොළ........)
2...යන්ත්‍රාසනය (යන්ත්‍රය තබන යන්ත්‍රාසනයට උඩින වියනක් බැඳ නා,බෝ,බුලත්,පුවක් මල් කිනිති එල්ලා පස් වර්ගයක මල් ඉස ආසනය සැකසීම..).
3....යන්ත්‍රපත් බැදීම...(තල්පතක්,රත්රන් පතක් ,නැතිනම් තඹ පතක් සම්මත අයුරට සකසා ගැනීම)
4....අශ්ටකර්ම සදහා බැලිය යුතු දිශා...(තමා කරන ජීවමට සුදුසු දිග්බාගය තෝරාගෙන ඒ පැත්තට මුහුණලා ජප කිරීම....
5....යන්ත්‍රහුය .(යන්ත්‍රය ජීවම අල්ලාගැනීමට යන්ත්‍රයේ දවටන නූල සැකසීම)
ඊට පස්සේ තමයි අමාරුම ටික...........ඇඳුරා විසින් යන්ත්‍රය සැකසීම...
02........
1.. තෙරුවන් නැමද පන්සල් ගැනීම..
2..කිලි හැරගැනීම
3..ආරක්ෂක මන්තරය ජප කිරීම
4..තුන් සුත්‍රය
5..වරම් ගැනීමේ මන්ත්‍රය ජප කිරීම
6..පන්චෝපචාර දිස්ටිය ජීවම් කිරීම
7..පංචභූත දිස්ටිය
8..යන්ත්‍රයට ගැලපෙන දිෂ්ඨිය ලබා දීම..
9..මන්ත්‍ර ප්‍රාණය ලබාදීම
10..පලිප්පු දීම
11..පුට මන්ත්‍රය මතිරීම
12..මන්ත්‍ර සුද්ධිය
13..මන්ත්‍ර සිද්දිය..
14..යන්ත්‍රයට අවශ්‍ය මන්ත්‍රය මැතිරීම......
15..යන්ත්‍රය හකුලන මන්ත්‍රය..
16..යන්ත්‍ර ප්‍රාණ පිහිටුවීම...
17..යන්ත්‍රය පැළදවීම.......
ඔන්න ඔහොමයි කෙනෙක්ගේ යන්ත්‍රයක් වැටෙන්නේ..
මම කියන්න හදන්නේ යන්ත්‍රයක් දාගන්න කියන එක නෙවෙයි..යන්ත්‍රයක් දාගන්නවා කියන්නේ යම්කිසි ප්‍රාණයක් අපේ ජීවිතේට එකතු කරගන්නවා කියන එකයි..ඔය හැම මන්ත්‍රයකින්ම කරන්නේ ශබ්දයේ ශක්තිය උපගොගී කරගෙන යම්කිසි ජීවයක් යන්ත්‍ර පතට ආකර්ෂණය කරලා තියන එකයි..ඒ කියන්නේ යම්කිසි රාජකාරියක් පවරලා යම්කිසි ප්‍රාණයක් අපිට ආකර්ෂණය කර තැබීමයි....ඒ ප්‍රාණය යක්ෂයෙක්ද ,භුතයෙක්ද ,ප්‍රේතයෙක් ද කියන දේ ඒ ඒ යන්ත්‍රයේ කාර්ය අනුව වෙනස් වේ...
බුදුගුණෙන් යන්තරය මැතුරුවත් මා ඉහත සදහන් කල සියලුම කාර්යන් සිදුකලයුතු බැවින් එහිදීද යම් ජීවයක් උපයෝගී කරගනු ලැබේ..මොකද බුදුගුණ මන්ත්‍රය මතුරන්නේ 14 වන අවස්ථාවේ වන බැවිනි....එබැවින් කෙනෙක් කිනම් අයුරක යන්ත්‍රයක් පැළද ගත්තද ඒ කරන්නේ තමන් ගේ අවශ්‍ය කාර්ය සදහා මළගිය ප්‍රාණකරුවෙකුගේ උදවු ලබා ගැනීමක් වන්නේය...
ඊට අමතරව තවත් ආකාරයක සුරයක් සැකසේ..
ඒ යම්කිසි දිශ්ටියක් ඇත්තෙක් විසින් කරනු ලබන ජීවම් කිරීමය....සමහර විට යන්ත්‍රයක් දැමීම නැත්නම් පඩුරක් ගැට ගැසීමද සිදු කෙරේ...මෙයද මළගිය ප්‍රාණියෙකු කැදවා රාජකාරියක් භාර දීමක් වන්නේය.සමහර විට මෙය යන්ත්‍රයක් පලදිනවාටද වඩා බලසම්පන්න වීමට ඉඩ ඇත.මොකද දිෂ්ටිය ඇති ආතුරයා ට ලැබී ඇති දිෂ්ඨියට හිමි ප්‍රාණියා කැදවනු ලබන්නේ තමන්ටවඩා පහත් ප්‍රාණියකු වන නිසාය..අණ දෙනු ලබන ප්‍රාණියාට ආව තේවා කිරීමට අණ ලබන ප්‍රාණියා බැදී සිටීමට පුළුවන් බැවින් අම කාර්ය යන්ත්‍රයක් දැමීමට වැඩ බලගතු ලෙස සිදු වීමටද හැකියාව පවතී.....
ඊට පස්සේ අපි බලමු මොකද වෙන්නේ කියල....
ඊට පස්සේ තමන්ට නියමිත රාජකාරිය කරගෙන තමන් එක්කම ඒ මළගිය ප්‍රාණ කාරය ජීවත් වේ.ඒ කාර්ය කිරීමෙන් අනතුරුව ප්‍රාණකාරයට මොකද වෙන්නේ......වැඩේ කරලා ඉවරයි කියල ආපහු නිකන්ම යාවිද...ඔන්න කරදර එන්න පටන් ගන්න තැන.....තමන්ගේ වැඩේ කරලා ඉවර උනාම කරන්න දෙයක් නැති නිසා ඒ ප්‍රාණියට ගලවීමකුත් නැති නිසා කරදර කරන්න පටන් ගන්නවා.සමහරවිට අවසානය මරණය වීමටද පුළුවනි....ඒ කෙසේ වෙතත් බන්ධනය ඇතිවුන දිනේ පටන් පරපෝෂිතයෙක් වගේ ඒ ප්‍රාණිය ජීවත් වෙන්න වුවමන දේවල් සිදු කරගන්නේ නම් තමාගෙනි...අවශ්‍ය කෑම බීම හා වෙනත් අවශ්‍යතා අවශ්‍ය ආකාරයට සිදු කර ගනී..කොටින්ම කියනවනම් සමහර වෙලාවල් වලට සමහර අම්මල තාත්තල තමන්ගේ දියණියව කෙනෙක්ගෙන් බේරගන්න කරන ජීවමකදී ඇය කෙරේ බන්දනු ලබන ආරක්ෂකයා ඇයව පාලනය කරනු ලැබේ...බොහෝ දුරට ඇයට ඇති අවශ්‍යතා සියල්ල නින්දේදී ඇය වෙත එම ප්‍රාණියා ලබා දෙනු ඇත. එවිට ඇයට ඇයගේ පෙම්වතා ගේ අවශ්‍යතාවය ඇති නොවේ..ක්‍රමයෙන් ප්‍රේම සම්බන්දය විනාශවේ .....නමුත් නරකම දේ නම් ප්‍රේම සම්බන්දය කැඩී ගියද ප්‍රාණිය ඇය සමගම සමහර විට ජීවිත කාලයම ජීවත් වීමයි...අවසානයේ බොහෝ දුරට සිදුවනුයේ ඇයට නිසියාකාර කසාදයක් කරගැනීමට නොහැකිව ජීවිත කාලෙම තනි කඩ වීමට සිදුවීමයි.එසේ නොමැතිව කෙසේ හෝ කසාද ජීවිතේකට ඇතුල් උවහොත් ජීවිතේම අවුල් ජාලාවක් කරගැනීමයි......බොහෝ විට ජීවත් වෙන්නේද යක්ෂණියන් මෙනි.....සමහරවිට ජීවිත වලින් වන්දි ගෙවීමට සිදුවේ...
ඊලගට අපි හිතමු යම් හෙයකින් කාර්ය සිදු කිරීමෙන් අනතුරුව හෝ මේ ප්‍රාණියා ඉවත් කිරීමක් සිදු කිරීමට අවශ්‍යයි කියා..කොහොමද ඉවත් කරන්නේ.... සමහර ප්‍රාණ පුජා දාන මාන ලබා දීමෙන් පිටමන් කල හැකියාව තිබේ..ඒත් සමහර ප්‍රාණයින් පිටමන් වීමට අකමැතිය..එම ප්‍රාණියාට අරක්ගත් ශරීරයේ ලැගුම් ගන්නට නොහැකිනම් බොහෝ දුරට ආපස්සට යාමට ඉඩ තිබේ..එම නිසයි යන්ත්‍රයක් ජීවම් කිරීමේදී ඇඳුරා විසින් අංක 2.. 3.. ආකාරයට ආරක්ෂක මන්ත්‍රය ජපකර තමන්ගේ ආරක්ෂාව සාදා ගන්නේ......එම නිසා සමහර විට ආපස්සට හැරුනොත් බොහෝ දුරට එම යන්තරය දැමීමට සලස්වපු කෙනාට කරකීමටද ඉඩ තිබේ.....බොහෝ දුරට යක්ෂයින්ගෙන් යම් වැඩක් කරගත් පසු හෝ යම්දෝෂයකින් ඉවත් කිරීමේදී එම දෝෂය කරනු ලැබූ තැනැත්තාට කරදරයක් කිරීමට එම යක්ෂය පසුබට නොවේ.
එසේම තවත් වැදගත්ම කරුණක් වන්නේ සමහර යක්ෂ දෝෂයක් ඇති කෙනෙක්ට ආරක්ෂාවට යන්ත්‍රයක් දැමීම හෝ එම ස්ථානයකට කටුව යෑමට අපහසු මෙන්ම යන්ත්‍රයෙන් දෝෂයක් කරගෙන ඇති කෙනාටද යන්ත්‍රය ඉවත් කිරීමට එම දෝෂය ඉඩ නොදීමයි....එනම් එම යක්ෂයා විසින් එම අතුරයා පාලනය කිරීමයි...
ඉතිහාසයේ යක්ෂයින් බඳවා වැදගත් කතා පුවත් බොහොමයකද මෙම කරුණ ස්ථිර කර ඇත...එම නිසා යාලුවනේ....යක්කුන් සමග සෙල්ලම් කිරීමේදී පරිස්සම් උනොත් ගොඩාක් හොදයි කියන එකයි මගේ හැගීමනම්......
Click here to claim your Sponsored Listing.
Contact the business
Telephone
Website
Address
Kesbewa
Salon Madushika Abeywardhana
1st Lane, Makandana
Kesbewa, 10300
Professional makeup and makeovers, Bridals, Homecoming, Pre shoots
Salon Amelia
No. 202/8 , Isurupura Mw, Bandaragama Road
Kesbewa
Professional Hair(Dressing/Coloring/Cutting & Othes) Beauty & Bridle Dressing (NVQ Level 4 Qualified)
අලංකාර sofa
Kesbewa
our service is hotels ,bed room,living room to providing sofa,interior decor, traditional panting and coffee table like that things. we are always providing a high quality service ...
Salon by Subhashani Kanchana
330/C William Jayasuriya Mw, Bandaragama Road
Kesbewa, 10290
professional hair dresser & beautician
Swabha Ceylon
Mavittara South
Kesbewa
Swabha Ceylon offers a blend of modern day science with our natural heritage of local Ayurveda ✨
Salon Udula
No. 17C1/1, Horana Road, Honnanthara
Kesbewa, 10300
A beauty salon is an establishment that offers a variety of cosmetic treatments and cosmetic services for women.Beauty salon may off a variety of services including professional ha...