Nawaryu
Dr.H.N.K.Nawarathna
Ayurvedic and Acupunture Medical Center.
10/08/2022
𝙽𝚊𝚠𝚊𝚛𝚢𝚞 𝙼𝚎𝚍𝚒𝚌𝚊𝚕 𝙲𝚎𝚗𝚝𝚎𝚛 - 𝚘𝚙𝚎𝚗𝚒𝚗𝚐
21/07/2022
𝙰𝚢𝚞𝚛𝚟𝚎𝚍𝚊 | 𝙰𝚌𝚞𝚙𝚞𝚗𝚌𝚝𝚞𝚛𝚎
@𝙷𝚊𝚙𝚞𝚐𝚊𝚜𝚝𝚑𝚊𝚕𝚊𝚠𝚊
10.00𝚊𝚖 - 6.00𝚙𝚖
𝙳𝚛. 𝙷. 𝙽. 𝙺. 𝙽𝚊𝚠𝚊𝚛𝚊𝚝𝚑𝚗𝚊
𝙱𝙰𝙼𝚂 (U𝚗𝚒𝚟𝚎𝚛𝚜𝚒𝚝𝚢 𝚘𝚏 K𝚎𝚕𝚊𝚗𝚒𝚢𝚊)
11/06/2022
🔥නවාර්‍යු මේදාග්නි ලේපය🔥
✴️ශරීරයේ අනවශ්‍ය මේදය දවා හැඩැති සුන්දර සිරුරක් සිහින දකින ඔබට.....
• විශේෂයෙන් උදරය, කලව, උකුල, පපු ප්‍රදේශයේ අනවශ්‍ය මේදය දහනය කරයි.
• අනවශ්‍ය ලෙස ඉදිරියට නෙරා ආ උදරය අඩු කරයි
• පළමු දින 7 සිට ප්‍රතිඵල ගෙනදෙයි
• කාන්තා පිරිමි දෙපාර්ශවයටම භාවිතා කල හැක
° අතුරු ආබාධ නොමැත
•ලංකාවේ ඕනෑම තැනකට ගෙන්වා ගැනීමේ හැකියාව ඇත.
✴️මෙය ඔබේ ශරීරයේ අපේක්ෂිත ප්‍රදේශය මත ආලේප කර ඒකාකාරීව, වෘත්තාකාර චලිතයකින් සම්භාහනය කල යුතුයි.
තමාගේ ශාරීරික තත්වයට සුදුසු ව්‍යායාමයක නිරත වීම හා දිනකට දෙවරක් ආලේප කිරීම මගින් ඉක්මන් ප්‍රතිඵල ලබාගත හැක.
✴️නිවසටම ගෙන්වා ගැනීමට ඔබගේ නම, ලිපිනය ,ඔබගේ දුරකථන අංකය අප වෙත එවන්න.
✴️වැඩි විස්තර සදහා විමසන්න.
076 47 39 370 (call / whatsapp)
14/04/2022
සුබ අලුත් අවුරුද්දක් වේවා ..!❤️🇱🇰
Feedback 🔥 ✨️නවාර්‍යු මේදාග්නි ලේපය
2021-12-07 ....41 inch
2021-12-16.....39 inch
2022-01-10.....36.5 inch..
29/01/2022
බඩේ දැවිල්ලට බොන බේත් නිසා වෙනත් ලෙඩ ගොඩක්
24/01/2022
🔥නවාර්‍යු මේදාග්නි ලේපය විශේෂිත වූ ඉපැරැණි වට්ටෝරුවකට අනුව නිපදවූ උසස්ම තත්වයේ නිශ්පාදනයකි.
මෙය විශේෂයෙන් උදරය, කලව, උකුල ප්‍රදේශයේ අනවශ්‍ය මේද කොටස් ඉවත් කිරීම සඳහා විශිෂ්ට බලපෑමක් ඇති කරන අතර තවද ශරීරයේ අනෙකුත් ප්‍රදේශ සඳහාද භාවිතා කල හැක.
ස්වාභාවික අමුද්‍රව්‍ය මගින් නිපදවනු ලබන නවාර්‍යු මේදාග්නි ලේපය ශරීරයේ වෘත්තාකාර සම්භාහනය මගින් රුධිර සංසරණය වැඩිදියුණු කරන අතර ඉන් සමේ සිදුරු විවෘත කර දහඩිය දැමීමේ ක්‍රියාවලිය වේගවත් කරමින් ශරීරයේ අතිරික්ත මේද දහනය පහසු කරවයි.
භාවිතය සඳහා උපදෙස්:
ඔබේ ශරීරයේ අපේක්ෂිත ප්‍රදේශය මත ආලේප කර ඒකාකාරීව, වෘත්තාකාර චලිතයකින් සම්භාහනය කරන්න.
තමාගේ ශාරීරික තත්වයට සුදුසු ව්‍යායාමයක නිරත වීම හා දිනකට දෙවරක් ආලේප කිරීම මගින් ඉක්මන් ප්‍රතිඵල ලබාගත හැක.
✴️වැඩි විස්තර සදහා විමසන්න.0764739370(call / whatsapp )
🔥Nawaryu Medagni Lepaya is specifically formulated to be used on belly, thighs, and hips, where most fat tends to accumulate. Natural ingredients have been used to manufacture the product.
This formulation will substantially increase fat metabolism of the body.
Directions:
Apply evenly on desired area twice a day. Massage in circular motions. For optimum results, engage in a cardio exercise soon after application.
For more details:
Contact us on 0764739370 (call / whatsapp)
******************
22/01/2022
Feedback ..🔥✨️
01/01/2022
🍀🍁2022🍁🍀
නිදුක් නිරෝගී සුභ නව වසරක් වේවා....!
22/12/2021
🔥නවාර්‍යු මේදාග්නි ලේපය විශේෂිත වූ ඉපැරැණි වට්ටෝරුවකට අනුව නිපදවූ උසස්ම තත්වයේ නිශ්පාදනයකි.
මෙය විශේෂයෙන් උදරය, කලව, උකුල ප්‍රදේශයේ අනවශ්‍ය මේද කොටස් ඉවත් කිරීම සඳහා විශිෂ්ට බලපෑමක් ඇති කරන අතර තවද ශරීරයේ අනෙකුත් ප්‍රදේශ සඳහාද භාවිතා කල හැක.
ස්වාභාවික අමුද්‍රව්‍ය මගින් නිපදවනු ලබන නවාර්‍යු මේදාග්නි ලේපය ශරීරයේ වෘත්තාකාර සම්භාහනය මගින් රුධිර සංසරණය වැඩිදියුණු කරන අතර ඉන් සමේ සිදුරු විවෘත කර දහඩිය දැමීමේ ක්‍රියාවලිය වේගවත් කරමින් ශරීරයේ අතිරික්ත මේද දහනය පහසු කරවයි.
භාවිතය සඳහා උපදෙස්:
ඔබේ ශරීරයේ අපේක්ෂිත ප්‍රදේශය මත ආලේප කර ඒකාකාරීව, වෘත්තාකාර චලිතයකින් සම්භාහනය කරන්න.
තමාගේ ශාරීරික තත්වයට සුදුසු ව්‍යායාමයක නිරත වීම හා දිනකට දෙවරක් ආලේප කිරීම මගින් ඉක්මන් ප්‍රතිඵල ලබාගත හැක.
✴️වැඩි විස්තර සදහා විමසන්න.0764739370(call / whatsapp )
🔥Nawaryu Medagni Lepaya is specifically formulated to be used on belly, thighs, and hips, where most fat tends to accumulate. Natural ingredients have been used to manufacture the product.
This formulation will substantially increase fat metabolism of the body.
Directions:
Apply evenly on desired area twice a day. Massage in circular motions. For optimum results, engage in a cardio exercise soon after application.
For more details:
Contact us on 0764739370 (call / whatsapp)
******************
23/11/2021
ජීවන රටාව සෞඛ්‍ය සම්පන්න නම් නිරෝගීබව ලාභයකි
=====================
ආහාරයෙන් ලැබෙනුයේ පෝෂණය පමණක් නොවේ.
******************************
හිතකර ක්ෂුද්‍ර ජීවීන් ගේ උපකාරයෙන් සෞඛ්‍යය රැකගත හැකිය
++++++++++++++++++++++
ලෝක සෞඛ්‍ය සංවිධානය 2002 වර්ෂයේ දී නිකුත් කළ ලෝක සෞඛ්‍ය වාර්තාවේ (world health report) තේමාව වූයේ Reducing Risks, Promoting Healthy Life යන්නයි. අහිතකර ජීවන රටාවේ බලපෑම තුළ සෞඛ්‍යයට සිදුවන හානිය වළක්වා ගැනීමේ පණිවුඩය ඒ මගින් ලෝකයට අවධාරණය කර තිබේ. වෛද්‍ය විද්‍යාවේ නව ශාඛාවක් ලෙස බිහි වන ජීවනරටා වෛද්‍ය විද්‍යාව (Lifestyle medicine) යනු පෝෂණය, ශාරීරික අක්‍රියතාව සහ නිදන්ගත ආතතිය වැනි ජීවන රටා සාධක නිසා ඇති වන ආබාධ පිළිබඳ පර්යේෂණ, වැළැක්වීම සහ ප්‍රතිකාර කිරීම සම්බන්ධ වෛද්‍ය අංශයකි. මේ වන විට American Journal of Lifestyle Medicine (AJLM) නමින් සඟරාවක් ද පළ වේ. එහි පළ වන ලිපි දෙස බලන විට ආයුර්වේදය ව්‍යාජවිද්‍යාවක් යැයි කියන අය ගැන අනුකම්පාවක් ඇතිවේ.
සැබවින්ම ආයුර්වේදීය නිවාරණ ක්‍රම හෙවත් ස්වස්ථ පරායණය යනු මෙම ජීවන රටා වෛද්‍ය ක්‍රමයේ පදනම ලෙස ගිණිය හැකිය. බ්‍රිතාන්‍ය ජීවනරටා වෛද්‍ය සංගමයේ (British Society of Lifestyle Medicine) සභාපති Rob Lawson කියන්නේ ජීවනරටා වෛද්‍ය ක්‍රමය යනු විකල්පයක් නොව මුඛ්‍ය ධාරාව විය යුතු බවයි. ජීවනරටා වෛද්‍ය ක්‍රමයේ නව සංකල්පයක් වන metabolic domino නමින් හඳුන්වන පරිවෘත්තීය දෝෂ නිසා හටගන්නා රෝග එකිනෙක අතර හේතු ඵල සම්බන්ධය මත ගොඩනැගෙන අහිතකර දාම බලපෑම ඉතා මනාව ආයුර්වේදය තුළ විස්තර කර තිබේ. මේ ජීවනරටා වෛද්‍ය ක්‍රමයේ සිද්ධාන්ත ආයුර්වේදය වැනි (පැරැණි) විද්‍යාවන් ගෙන් ගෙඩි පිටින් උදුරා ගත් සංකල්ප මත රෝපණය කොට තිබේ.
ආයුර්වේදය අනුව ආහාරයක් සම්බන්ධයෙන් ප්‍රකෘති, කරණ, සංයෝග, රාශි, දේශ, කාල, උපයෝග සංස්ථා, උපයෝක්තෘ යන කරුණු අට විමසිය යුතු බව මුල් ග්‍රන්ථ වල සඳහන් වේ. වර්තමාන විද්‍යාත්මක දැනුමට අනුව මේ කරුණු අට අවබෝධ කර ගත හැකි නම් ආයුර්වේදය ඒ යුගයේදී ඉදිරිපත් කළ මෙබඳු සිද්ධාන්ත වල විද්‍යාත්මක බව තහවුරු කිරීම උගහට නොවේ. ආහාරයක පෝෂණ ගොනුව (nutritional profile) ඇතුළුව එහි අන්තර්ගත රස, ගුණ, පණ සමුදාය මුලින් ම සොයා බැලීම ප්‍රකෘති යන්නෙන් අදහස් වේ. ඒ ඒ ආහාරය එකිනෙකින් වෙනස් වූ ගුණ සහිත බව වටහා ගැනීම හරහා ආහාරයේ අනන්‍ය ප්‍රකෘති විශ්ලේෂණය කිරීම මේ හරහා සිදු කළ යුතුය. එකම පෝෂණ සංයුතිය ඇතත් ආයුර්වේදය අනුව ඒවා අතර ගුණයෙන් වෙනස්කම් තිබිය හැකි බව මෙයින් අදහස් වේ.
මුල් යුගයේ දී ආහාරය පිළිබඳව බටහිර පෝෂණවේදය තුළ වූ ගතානුගතික ප්‍රවේශය වූයේ එහි අඩංගු මහාපෝෂක හා ක්ෂුද්‍රපෝෂක මගින් සිරුරට අවහය පෝෂණය, ශක්තිය හා ආරක්ෂාව සලසන බවයි. එරබදු කොළ මැල්ලුම් වටිනා බීටා කරෝටීන අඩංගු ප්‍රතිඔක්සිකාරක ගුණ සහිත ආහාරයක් මෙන්ම කුඩා දරුවන් ගේ පණු රෝග නසන ආහාරමය ඖෂධයක් ද විය. මදටිය කොළ මැල්ලුම් ඛණිජ ලවණ සපිරි ආහාරයක් පමණක් නොව ලේ වල විෂ නසන ඖෂධයක් ද විය. නීරමුල්ලිය මැල්ලුම පෝෂණ ගුණය මෙන්ම වකුගඩු ක්‍රියාව පණගන්වන ඖෂධයක් ද විය. හීන්බෝවිටියා ආහාරයට ගත්තේ පෝෂණය සඳහා පමණක් නොව අක්මාවේ ආරක්ෂාව ද සපයනු පිණිසය. මේ ආදී වශයෙන් සිරුර ආරක්ෂා කරන සෞඛ්‍ය ප්‍රතිලාහ ඒ ඒ ආහාරය තුළ අනන්‍ය ගුණයක් ලෙස පැරැණියෝ දැන සිටියහ. දැන් මේවා හඳුන්වන්නේ functional food යනුවෙනි.
දෙවනුව එම ආහාර නිසි ගුණ රැකෙන පරිදි සකසා ගන්නේ කෙසේදැයි ඔවුන් ගේ දැනුමේ අන්තර්ගත විය. එය කරණ නමින් හැඳින්වනු ලැබිණ. එය ඉතා සුවිසල් දැනුම් පරාශයක් සහිත ආහාර සැකසුම් ක්‍රමවේදයන් බිහි කොට තිබේ. තෙවනුව ආහාර සංයෝගය ගැන දත යුතු කරුණු සියල්ලම ඔවුන් දැන සිටි අතර ගැලපෙන නොගැලපෙන සංයෝග මොනවාදැයි අත්දැකීමෙන් ඔවුන්ගේ දැනුමට ඇතුළත් විය. ඒ ඒ ආහාර අතර සිදු වන හෝ සිදුවිය හැකි රසායනික අන්තර්ක්‍රියා නිසා බිහි වන හිතකර අහිතකර සංයෝග ගැන මේ ඇසුරින් විමසිය හැකිය. සිව්වෙනුව වැදගත් නියමය වන්නේ රාශි යන්නයි. එහිලා ආහාරය ගත යුතු ප්‍රමාණය සම්පූර්ණ වශයෙන් හා ඒ ඒ වර්ගය සම්පූර්ණ ආහාරය තුළ තිබිය යුතු ප්‍රමාණ හෝ ප්‍රතිශත පිළිබඳ අදහස එන්නේ මේ හරහාය. පුද්ගලයා ගේ ස්වභාවය අනුව ලබා ගත යුතු ආහාර ප්‍රමාණය මෙන්ම එහි විවිධත්ව සංයුතිය ගැන සංකල්පය මෙහි ගැබ්ව තිබේ.
පස්වෙනුව ඒ ඒ ආහාරය ලබාගත්තේ කුමන ප්‍රදේශයකින් ද යන්න ඉතාම වැදගත් කරුණක් ලෙස ආයුර්වේදය සිය පෝෂණවේදය තුළ හඳුනා ගනී. මෙම ප්‍රශ්නය අද වන විට විද්‍යාත්මක දැනුම ඔස්සේ ඉතා ගැඹුරින් සාකච්ඡා කළ හැකි තත්වයකි. සයවෙනුව ආයුර්වේදය ආහාරයට අදාළව කාලය ගැන මතයක් ඉදිරිපත් කරයි. එහිදී සෞඛ්‍ය සම්පන්න ජීවිතයක් සඳහා ආහාරය ගැනීමේ දී අනුගමනය කළ යුතු කාල නියමයන් ඉදිරිපත් කරයි. හත්වෙනුව උපයෝග සංස්ථා යන්න තුළින් යම් පුද්ගලයෙකු ආහාරය ගැනීමේදී අනුගමනය කළ යුතු විවිධ නියමයන් ඉදිරිපත් කරයි. අවසානයේ දී උපයෝක්තෘ යන්න මගින් පුද්ගලයා සම්බන්ධ අදහස පැහැදිලි කරන අතර මේ සියලු කරුණු ඒ ඒ පුද්ගලයා අනුව සැකසුණු (tailor-made) රාමුවකට ගොනු වීමේ වැදගත් කම අවධාරණය කරයි.
1998 දී ලෝක සෞඛ්‍ය සංවිධානය ආහාර පාදක පෝෂණ මාර්ගෝපදේශ (food-based dietary guidelines) හඳුන්වා දීමෙන් පසුව මෙම සංකල්පයට තරමක් කිට්ටුවෙන් යන ආකාරයේ අදහසක් ඉදිරිපත් කළ නමුත් ආයුර්වේදය තවමත් ඉදිරියෙන් සිටින බව කරුණු සොයා බැලීමේ දී වටහා ගත හැකිය. සෑම ආහාරයක් සතු පෝෂණ ප්‍රතිලාභ මෙන්ම සෞඛ්‍ය ප්‍රතිලාභ ද පැරැණි දැනුම් සම්භාරය තුළ ගැබ්ව තිබූ බව බොහෝ විද්වතුන් වටහා ගත්තේ පර්යේෂණ වලින් අනතුරුවය. ඉංග්‍රීසියෙන් malnutrition සඳහා සිංහලෙන් මන්දපෝෂණය යන වචනය යෙදුණ ද එහි නියම වචනය දුෂ්පෝෂණය යන්නයි. ඒ අනුව වර්තමානයේ ආහාර හිඟයක් නොමැති මිනිසුන් පවා සිටින්නේ මේ malnutrition තත්වයේ ය.
ආයුර්වේදය අනුව කියැවෙන හිතකර ආහාර, නිසි ප්‍රමාණයෙන් හා සැකයෙන් තොරව භුක්ති විඳින සමාජයක් අද දකින්නට නැත. ඉතා පැහැදිලිව පෙනෙන පරිදිම අද වෛද්‍ය විද්‍යාව මුහුණ දී සිටින්නේ ආහාර නිසා ලෙඩ වූ සමාජයක ඛේදවාචකය විසඳීමේ අභියෝගයට වේ. ආයුර්වේදය එදා ඉදිරිපත් කළ ආහාර පිළිබඳ සිද්ධාන්ත අද සැකයකින් තොරව පිළිගන්නට අමුතුවෙන් පර්යේෂණ කරන්නට අවශ්‍ය නොවේ. ආයුර්වේදය ව්‍යාජවිද්‍යාවක් යැයි කියන විද්වතුන් හට ද මේ කියන සත්‍යය පොදුය. වර්තමාන ආහාර රටාව තුළ දක්නට ලැබෙන ආයුර්වේදය තුළ විස්තර කරනු ලැබූ ඉතා වැදගත් සංකල්පයක් “විරුද්ධාහාර” නමින් හැඳින්විය හැකිය. එය සරලව කිව හොත් එකිනෙකට නොගැලපෙන (incompatible) ආහාරයයි. මේ සංකල්පය ඔස්සේ ගොනු කරන බොහෝ දැනුම් මේ වන විට නවීන පර්යේෂණ මගින් ගවේෂණය කළ තොරතුරු හරහා අවබෝධ කර ගත හැකි හෙයින් ඒවායේ විද්‍යාත්මක පසුබිමග ගැන අටුවා ටීකා අවශ්‍ය නොවේ.
සිරුරේ නොයෙකුත් ස්ථානයන් හි සිටින බැක්ටීරියා හෙව්හ් ක්ෂුද්‍රජීවී සමුදාය මගින් අපේ සෞඛ්‍ය ය රැකගැනීමේ ලා ලැබෙන පිටිවහල ඉමහත් ය. සිරුරෙන් බාහිර සමේ මතුපිට පෘෂ්ඨයේ මෙන්ම ආමාශයාන්ත්‍රික මාර්ගයේ ද මෙම බැක්ටීරීයා වලින් වැඩි කොටස ජීවත් වේ. මව්කුසේදී සාමාන්‍යයෙන් ජීවාණු රහිත පරිසරයක වැඩෙන කලලය උපතේදී බාහිර ලෝකයට නිරාවරණය වීමත් සමඟ මෙම බැක්ටීරියාවන් අපේ සිරුර සිය වාසස්ථානය බවට පත් කර ගනී. Normal flora යනුවෙන් හඳුන්වන මෙම ක්ෂුද්‍රජීවී සමුදාය (microbiota) අපගේ ජීවිත කාලය පුරා අප සමඟ රැඳී සිට්මින් අන්‍යෝන්‍ය සම්බන්ධය මත අපගේ සෞඛ්‍ය ය හා පෝෂණය වෙනුවෙන් හෝ සේවාවන් ඉටු කරයි. එහෙත් සමහර අවස්ථාවන් හි ඔවුන්ට හිතකර තත්වයන් වෙනස් වීමෙන් ඔවුන් යම් ආකාරයක හානිකර බලපෑමක් සිදුකරන්නේ ද යන්නත් විද්‍යඥයින් ගේ අවධානයට යොමු වී තිබේ. මෙම ක්ෂුද්‍රජීවී සමුදාය මගින් සැලසෙන ප්‍රතිලාභ අතර ඔවුන් අපගේ සාමාන්‍ය ප්‍රතිශක්තිය වර්ධනය කිරීමේ ලා කෙතරම් දායකත්වයක් දෙන්නේ ද යන්න ගැන විද්‍යඥයින් ගේ අවධානය යොමුව තිබේ.
අපේ ශරීරය හා ඉන් ලැබෙන පාරිසරික තත්වයන් ඔවුන්ට හිතකර වන තාක් ඔවුන් අපේ සිරුර අත් නොහැර සිටින හෙයින් අපේ සෞඛ්‍ය තත්වය මැන ගැනීමේ දර්ශකයක් ලෙස මොවුන් ගේ පැවැත්ම සැලකේ. මිනිස් සිරුර එකී බැක්ටීරියාවන් හට සුවසේ ජීවත් වීමට තරම් සෞඛ්‍ය සම්පන්න නම් එය හිතකර තත්වයක් ලෙස පෙන්වා දිය හැකිය. අපේ ආහාර වලින් පෝෂණය ලබන,සමහර ක්ෂුද්‍රජීවීන් විටමින් B සහ K සංශ්ලේෂණයේ ලා ඉතා වැදගත් කාර්යභාරයක් ඉටු කරයි. එසේම බාහිරින් පැමිණෙන රෝගකාරක ක්ෂුද්‍රජීවීන්ගේ ආසාදන වලට ඔරොත්තු දීමේ හැකියාව මෙම බැක්ටීරියාවන් නිසා ලැබෙන බව විද්වතුන් ගේ මතය වේ. ප්‍රෝබයොටික්ස් යනුවෙන් හඳුනාගෙන ඇති බැක්ටීරියා වර්ග මේ වන විට සෞඛ්‍ය ය වෙනුවෙන් ඉටුකරන මෙහෙය ගැනත් රෝග සුවයට උපයෝගී වීම පිළිබඳවත් බොහෝ පර්යේෂණ සිදුවේ. මෙම ක්ෂුද්‍රජීවී සමුදායේ තිරසාර පැවැත්මට බාධා කරන ආහාර පාන හා වෙනත් පුරුදු නිසා අපගේ සෞඛ්‍ය ය පිරිහෙන බව මතක තබා ගත යුතු වෙමු. විශේෂයෙන් ම අප ගන්නා කෘත්‍රීම ආහාර පාන වල ඇති රසායනික ද්‍රව්‍ය හෝ සිරුරේ ආම්ලිකතාවය ඉහළ යාම නිසා ද මොවුන් ගේ පැවැත්ම දුර්වල වේ.
එසේම නිතර ප්‍රතිජීවක භාවිතය ද මෙම බැක්ටීරියා ගහණය විනාශ වීමේ එක් ප්‍රධාන හේතුවක් ලෙස හඳුනාගෙන තිබේ. ඒවා යුද්ධයකදි හෙළන බෝම්බ මෙන් අහිතකර හිතකර සියලු ක්ෂුද්‍රජීවීන් විනාශ කරයි. විශේෂයෙන් විවිධ රසායනික ආලේපන භාවිතය හා කෘත්‍රීම රසායන ගැටීම ද සම මත ජීවත් වන ක්ෂුද්‍රජීවීන්ගේ පැවැත්මට තර්ජනයක් වේ. ඉතා වැදගත්ම කරුණ වන්නේ ස්වභාවික ඖෂධ මගින් මෙම ක්ෂුද්‍රජීවීන්ට කිසිදු අහිතකර බලපෑමක් සිදුනොවීම හා ඒවායෙ පැවැත්මට අවශ්‍ය සාධක සපයා දීමයි. යෝගට්, මුදවපු කිරි, මෝරු, වැනි ආහාර වලින් ලැබෙන ප්‍රෝබයොටික්ස් මෙන්ම අරිෂ්ට වර්ග වලත් එබඳු ප්‍රෝබයොටික්ස් අඩංගු බව පර්යේෂණ මගින් හෙළිවී තිබේ.
සමෙහි, මුඛයේ සහ ආමාශ ආන්ත්‍රික පථයේ සහ වෙනත් ස්ථාන වල සිටින ක්ෂුද්‍ර ජීවීන් මිනිස් සිරුරේ යුකැරියෝටික් සෛල මෙන් 10 ගුණයක් අතර මෙම ජීවීන්ගේ විශාලතම සාන්ද්‍රණය අමාශයාන්ත්‍රික මාර්ගය තුළ දක්නට ලැබේ. අමාශයාන්ත්‍රික මාර්ගය විවිධ බැක්ටීරියා විශේෂ 500 කින් සමන්විත වන අතර ඒවායින් සමහරක් වැදගත් සෞඛ්‍ය කාර්යයන් ඇති අතර ඒවාට ප්‍රතිශක්තිකරණ පද්ධතිය උත්තේජනය කිරීම, ධාරකයා හෙවත් මිනිසා බැක්ටීරියා සහ වෛරස් ආක්‍රමණය වලින් ආරක්ෂා කිරීම සහ ආහාර දිරවීමට උපකාරී වේ. මෙම ක්ෂුද්‍ර ජීවී ගහණය ජීවිත කාලය පුරාම සාපේක්ෂව ස්ථාවරව පවතින අතර මිනිස් සමස්ථායිතාව සඳහා අත්‍යවශ්‍ය වේ.
මෙම ආන්ත්‍රික ක්ෂුද්‍ර ජීවීන් නව ජන්ම කාලය තුළ ආන්ත්‍රික ආශ්‍රිත වසා පටක වර්ධනයට හේතු වන බව පෙනේ. මෙම ශ්ලේෂ්මල ප්‍රතිශක්තිකරණ පද්ධතියට ඇති අභියෝගය නම්, අමාශයාන්ත්‍රික ශ්ලේෂ්මයේ අඛණ්ඩතාවට බාධා නොකරමින් පමුණුවන අධික ප්‍රදාහයික ප්‍රතිචාරයකින් තොරව ආරක්ෂිත ප්‍රතිශක්තිය උත්තේජනය කිරීමෙන් රෝග කාරක සහ ප්‍රයෝජනවත් ක්ෂුද්‍ර ජීවීන් අතර වෙනස්කම් හඳුනාගැනීම වේ. කෙසේ වෙතත්, මෙම දැවැන්ත ප්‍රතිදේහජනක අභියෝගය හේතුවෙන් ශ්ලේෂ්මල ප්‍රතිශක්තිකරණ පද්ධතිය නිරන්තරයෙන් සක්‍රීය හෝ භෞතවේදීය ප්‍රදාහයක පවතින බව පෙනේ. මෙම උත්තේජනය ව්‍යාධිජනක වලට එරෙහිව ධාරකයාගේ ආරක්ෂාව සඳහා ඉතා වැදගත් කාර්යභාරයක් ඉටු කරයි. මෙම ක්ෂුද්‍රජීවීන් හා සිරුර අතර සහයෝගී පැවැත්ම symbiosis නමින් ද , ඒවායේ පැවත්ම හා ක්‍රියාකාරිත්වය සමතුලිතව තබා ගැනීම eubiosis නමින් ද, එම සමතුලිතතාව නැති වී යාම හෝ අක්‍රමිකතාව dysbiosis නමින් ද, ඒවා විනාශ කරන ආකාරයේ ක්‍රියා antibiosis නමින් ද හැඳින්වේ.
මෙම dysbiosis තත්වය ප්‍රධාන ක්ෂුද්‍රජීවී ප්‍රභේදයන් නැති වීම, විවිධත්වය නැති වීම, පරිවෘත්තීය ධාරිතාවයේ වෙනස්වීම් සහ රෝගකාරක බීජ ඇතිවීම යන හේතු නිසා ඇති විය හැකිය. මෙම ක්ෂුද්‍රජීවීන් ගේ පැවැත්ම අඩුවීම හෝ ඒවායේ යම් අක්‍රමිකතා හෝ අක්‍රියවීම් නිසා ඇතිවිය හැකි රෝගාබාධ වළක්වා ගැනීමට F***l microbiota transplant (FMT) හෙවත් මළ ක්ෂුද්‍රජීව බද්ධ කිරීම කරනු ලැබේ. එහිදී නිරෝගීමත් පුද්ගලයෙකු ගේ මළ වල සිටින ක්ෂුද්‍රජීවින් රෝගී පුද්ගලයාගේ අන්ත්‍රයේ පහළ කොටසේ තැන්පත් කිරීම සිදුවේ. මළ වල තිබිය යුතු ක්ෂුද්‍රජීවීන් නිසි ලෙස පැවතීම ද නිරෝගී බවේ ලක්ෂණයක් බව මෙයින් ඉතා හොදින් පැහැදිලි වේ. අපේ ගැමියන් කුඩා කාලයේ සිටම දාරුවාගේ ආමාශයාන්තත්‍රික රෝග ගැන ඉතා හොඳින් අවධානය යොමු කළ නිසා රතකල්කය වැනි ඖෂධ හරහා ආන්ත්‍රික ප්‍රතිශක්තිය වර්ධනය කළ බව විද්‍යානුකූල පදනමක් සහිතව පැහැදිලි කළ හැකිය.
ඩිස්බියෝසිස් ආශ්‍රිත රෝග සඳහා ප්‍රතිකාර කිරීම සඳහා ප්‍රෝබියොටික් භාවිතා කිරීමේ වාසිය පවතින්නේ එම රෝග සඳහා මූලික හේතුවට ප්‍රතිකාර කිරීමේ හැකියාව මත ය. ඒවාට මිනිස් ආහාර ජීර්ණ පද්ධතියේ දෘඩතාවයට ඔරොත්තු දිය හැකි අතර ප්‍රදාහයික සමබරතාවය වැඩි දියුණු කළ හැකිය. බහුලව භාවිතා වන ප්‍රෝබයොටික් ලැක්ටොබැසිලස් සහ බිෆිඩොබැක්ටීරියම් යන ප්‍රභේද 2 කින් පැමිණෙන අතර ඒවා මගින් ආමශයාන්ත්‍රික සෞඛ්‍යය වැඩි දියුණු කරන අතර රෝගකාරක ක්ෂුද්‍ර ජීවීන් ගේ ව්‍යාධිජනක විභවය සීමා කරයි. එසේම සාමාන්‍ය ප්‍රතිශක්ති පද්ධතියට ද මේ හරහා ඉතා ප්‍රබල බලපෑමක් තිබේ. ආන්ත්‍රික ශ්ලේෂ්මල ප්‍රතිශක්තිකරණ පද්ධතියේ විභව රෝග කාරක සහ එය නිරාවරණය වන ආහාර ප්‍රතිදේහජනකවල අතිවිශාල විවිධත්වය අතර වෙනස හඳුනා ගැනීමේ අවශ්‍යතාවය නිසා අද්විතීය හා විවිධත්වයෙන් යුක්ත වූ ආන්ත්‍රික ප්‍රතිශක්තිකරණ පද්ධතියක් ඇති වී තිබේ.
උපතේ සිටම නවජාතයා තුළ වර්ධනය වී ජීවිත කාලය පුරාම පවතින විට ධාරක ප්‍රතිශක්ති පද්ධතිය සමඟ ක්ෂුද්‍රජීවී ගහණය අතර අන්තර්ක්‍රියා ආරම්භ වන අතර පාරිසරික ප්‍රතිදේහජනක (ආහාර ප්‍රතිදේහජනක සහ ප්‍රෝබයොටික්) ඉවසීම සහ ශ්ලේෂ්මල ව්‍යාධිජනක ක්ෂුද්‍ර ජීවීන්ට එරෙහි ප්‍රතිශක්තිය එමගින් ඇතිවේ. මුඛයෙන් ඇතුළුවන බාහිර ද්‍රව්‍ය ආන්ත්‍රික ලුමිනල් ප්‍රතිදේහජනකයට දිගු කාලීනව නිරාවරණය වීමෙන් මුඛ ඉවසීම (oral tolerance) ලෙස හැඳින්වෙන ප්‍රතිශක්තිකරණ ප්‍රතිචාර නොදක්වයි. මුඛ ඉවසීමේ සහජ යාන්ත්‍රණයන් සම්පූර්ණයෙන් වටහාගෙන නැතත් ප්‍රධාන යාන්ත්‍රණයන් ක්ලෝන මකාදැමීම, ප්‍රතිදේහජනක විශේෂිත ටී සෛල වල ක්ලෝන නිර්වින්දනය හෝ ප්‍රතිශක්තිකරණ අපගමනය හරහා ක්‍රියාත්මක වන බව විශ්වාස කෙරේ. මෙම ස්වාභාවික ක්ෂුද්‍රජීවී ගහණය නිසි ලෙස කළමනාකරණය කිරීම සඳහා උපකාරී වන ප්‍රෝබයොටික් නමින් හඳුන්වන බැක්ටීරියා විශේෂ ගැන නවීන පෝෂණවේදයේ අවධානය යොමු වී ඇති අතර ඒවා පෝෂකෞෂධ (nutraceuticals) නමින් වෙළෙඳපොළට එයි.
“ප්‍රෝබයොටික් බැක්ටීරියා” යනුවෙන් හඳුන්වන්නේ සිරුරේ සාමාන්‍ය ක්ෂුද්‍රජීවී ගහණයේ දක්නට ලැබෙන ක්ෂුද්‍ර ජීවීන් ආහාර වලින් හෝ ආහාරමය අතිරේක හරහා ව්‍යාධිජනක නොවන නමුත් ධාරකයා ගේ සෞඛ්‍යයට ධනාත්මක බලපෑමක් ඇති කරන සජීවී ක්ෂුද්‍රජීවින් වේ. ලෝක සෞඛ්‍ය සංවිධානය විසින් ප්‍රෝබයොටික් යන්න නිර්වචනය කරනුයේ “ප්‍රමාණවත් ලෙස ලබාදීමෙන් ධාරකයා හට සෞඛ්‍ය ප්‍රතිලාභයක් ලබා දෙන සජීවී ක්ෂුද්‍ර ජීවීන් වේ” යනුවෙනි. විද්‍යාඥයින් සම්ප්‍රදායික දැනුම ඔස්සේ පර්යේෂණ කරමින් සොයා ගත් මෙම හිතකර බැක්ටීරියා වල සෞඛ්‍ය ප්‍රතිලාභ වාණිජ නිෂ්පාදන ලෙස කාර්යබහුල සමාජයට හඳුන්වා දී තිබේ. ඒ අනුව වර්තමානයේ ඉතා සීඝ්‍රයෙන් ඉහළ යන ප්‍රෝබයොටික් ඉල්ලුම නිසා 2025 වන විට ඩොලර් බිලියන 77 ක් වන මෙම ප්‍රෝබයොටික් වෙළෙඳපොළ වාර්ෂික වර්ධන වේගය 7% කට ආසන්න වේ.
පුරාණයේ සිට අපේ ගැමි ආහාරය තුළ මෙන්ම ලෝකයේ බොහෝ රටවල සාම්ප්‍රදායික ආහාර වල මෙවැනි ප්‍රෝබයොටික් බැක්ටීරියා අඩංගු පැසවන ලද ආහාර භාවිතය හොඳින් පැවති නමුත් සම්ප්‍රදායික ආහාරයට සාපේක්ෂව නවීන ආහාර රටාව තුළ ඒවා ක්‍රමයෙන් වියැකී ගොස් තිබේ. විශේෂයෙන්ම ආසියාතික රටවල පැවති ආහාර පැසවීමේ සංස්කෘතිය තුළ මෙවැනි හිතකර බැක්ටීරියා වර්ග වර්ධනයට ඉඩදුන් අතර ඒවායේ සෞඛ්‍ය ප්‍රතිලාභ දැන සිටි බව ද අමුතුවෙන් කිව යුතු නොවේ. එසේම ඒවා සකස් කරගැනීමේ විශේෂිත ක්‍රමවේද හා ඒවා භාවිතා කළ යුතු ආකාරය ගැන මනා දැනුමක් හා පරිචයක් අපේ ගැමි ඉවුම් පිහුම් ශිල්පයේ ඇතුළත්ව තිබූ බව ද පැහැදිලිය.
විශේෂයෙන්ම කිරි මිදවීමේ ක්‍රියාවලිය තුළ බැක්ටීරියා මගින් සිදුවන දායකත්වය හා කිරි වලින් සකස් කරගන්නා මෝරු වැනි නිෂ්පාදන තුළ ද මෙම ප්‍රෝබයොටික් වලින් ලැබෙන ප්‍රතිලාභ ලැබෙන බව සොයා ගෙන තිබේ. එසේම සම්ප්‍රදායික ගැමියන් ගේ ආහාරය තුළ භාවිතා කළ කිතුල් හා පොල් රා වල මෙම බැක්ටීරියා වල පැවැත්ම හා ඒවායේ ක්‍රියාව ගැන නවීන ලෝකයේ අචධානය යොමු වෙමින් තිබේ. ඒවා රෝග සුවකිරීමේ ලා උපයෝගී කරගත හැකිදැයි නවීන පර්යේෂණ ඔස්සේ සොයා බලන අතර වැඩි කල් නොගොස් කිතුල් රා වලින් ඖෂධ නිෂ්පාදනය කිරීමට ද අවස්ථාවක් එළඹෙනු නියතය. ඒ අනුව බලන කල ආයුර්වේදය තුළ සන්ධාන කල්පනා නමින් ගැනෙන අරිෂ්ට ආසව හා වෙනත් කාඩි වර්ග නිපදවීමේ ක්‍රමවේදය තුළ ද මෙවැනි බැක්ටීරීයා වල ක්‍රියාවන් මගින් සෞඛ්‍ය ප්‍රතිලාභ ඖෂධ වලට එකතු කරන බව නොරහසකි.
අපේ රටේ මෙන්ම ඉන්දියාවේ ප්‍රචලිත සහල් මගින් සකස් කර ගනු පැසවන ලද ආහාර පාන ගැන කරන ලද පර්යේෂණ හරහා බොහෝ කරුණු සොයා ගෙන තිබේ. ඒ අනුව ගැමියන් ගේ දියබත මෙන්ම පරණ කැවුම් වලින් ලැබෙන සෞඛ්‍ය ප්‍රතිලාභ මේ හරහා සකච්ඡා කළ හැකිය. එහෙත් සම්ප්‍රදායික ආහාරය තුළින් මෙම බැක්ටීරියා වලින් ස්වාභාවිකව ලැබෙන ප්‍රතිලාභ ඖෂධීය උපයෝගීතා ඒ අයුරින්ම යොදා ගැනීමේ දී මතුවන අපහසුතා ගැන ද විද්වතුන් ගේ අවධානය යොමු වී තිබේ. සාම්ප්‍රදායික ආහාර රටාවේ ආහාර පැසවීම (fermentation) සිදු කළේ ඒවා කල්තබා ගැනීමට පමණක් නොව ඒවායේ ඇති වන හිතකර බැක්ටීරියාවන් ගේ සෞඛ්‍ය ප්‍රතිලාභ අපේක්ෂාවෙන් ද බව වටහාගත හැකිය. කෙසේ වෙතත් ආයුර්වේදය විද්‍යාත්මක දැයි අසන අයට පිළිතුරු දෙන්නට අපේ දියබත් මුට්ටියක්, රා කට්ටක්, පුස්කැවුමක්, මෝරු වීදුරුවක් වුවත් ප්‍රමාණවත් බව මෙයින් පෙනී යනු ඇත.
වෛද්‍ය ඩැනිස්ටර් එල්. පෙරේරා
07/11/2021
උරහිස් වේදනාව සදහටම නැති කරගැනීමට මෙම ව්‍යායාම සිදුකරන්න....
ෆ්‍රෝසන් ශෝල්ඩර්(Frozen shoulder), බයිසිපිටල් ටෙන්ඩිනයිටිස්(Bicipital tendinitis ) වැනි උරහිස් රෝග තත්වයන් ට ඉතා සුදුසුය....
මෙහි දී ඇති එක් එක් ව්‍යායාමය සාමාන්‍යයෙන් වාර 10-15 සිදුකර යුතුය. එහිදී මාංශ පේශියේ ඇදීමේ කාලය තප්පර 15ක්-30ක් අල්ලා සිදුකරන්නේ නම් වඩාත් යෝග්‍යවේ. එම ආකාරයට දවසට දෙවතාවක්වත් සිදුකර යුතුය. ව්‍යායාම කිරීමට පෙර විනාඩි 10ක් වේදනාව තිබෙන ප්‍රදේශය උනුසුම් වතුරෙන් තැවීමෙන් වඩාත් සාර්ථක ප්‍රතිපල අත්කරගත හැකිය. මෙම ව්‍යායාම අවම වශයෙන් සති දෙකක් පමණ සිදුකර ඔබගේ වේදනාවෙහි වෙනසක් සිදුවන්නේ නැත්නම් වෛද්‍යවරයකු හමුවීම යෝග්‍යවේ.
Kasun Basnayake
BSc. Physiotherapy(Hons)
Dip. Sports and Exercises Sciences
Physiotherapist(Sri Lankan Medical Council Registered)
Department of Musculoskeletal Sciences
University Hospital KDU
SLMC Reg No : 1066
30/10/2021
Need to make your body slim and healthy?
🔥It is no longer a burning issue.🔥
👉Stay tuned for the best solution.
21/10/2021
21/10/2021
අක්මාවේ තෙල් හෙවත් Fatty Liver සඳහා සාර්ථක ආයුර්වේද ප්‍රතිකාර
20/10/2021
14/09/2021