Lanka Thalassaemia Organization - Sri Lanka

😢කඳුළකට ඇරඹුමක්😢

කැදැල්ලට පොඩි සිඟිති පැටියෙක්
පිළිගන්න ඇය සිහින දකිමින්
නිදි නොලැබ රැය පහන් කරමින්
ඉන්න ඇති මම දන්නවා

ඇගෙ අතින් පොඩි ගවුම් මහලා
හිතින් අන්දා හැඩ බැලූ හැටි
මට හොරෙන් ඇය සුසුම් ලන කොට
තාම මැවිලා පේනවා

මටත් පස්සෙන් තවත් පොඩි පොඩි
පැටව් කූඩුව වෙත ගෙනෙන්නට
පෑන් පැන්සල් අතට දී උන්
ශිල්ප කිරුළක් හිස දරන්නට,
දයා දිය වගුරවා පොළොවට
ගහ වැලින් මුතු ඵල ලබන්නට
ඔහුත් පෙරමග බලා ඉන්නැති
ඒක තාමත් දැනෙනවා

ඈ සිතූ සිතුමන් සඵල වී
ඔහුගෙ පැතුමන් කෙමෙන් ඉටු වී
ඒ කැදැල්ලට සිඟිති දියණිය
සීත උදයක වඩිනවා

පොඩි පැටික්කිට සේද සළු පිළි
අතට රන් මිණි මුතු පබළු වැල්
නැතත් හිත පුරවා ලබා දුන්
ආදරේ එහි තියෙනවා

දිනෙන් දින කාලය ගෙවෙද්දී
සිඟිති ඇස් දෙක මළානික වී
ජීවයෙන් ගිලිහී හැලෙන බව
ඇයගෙ දෑසට පෙනෙනවා

ඈ නෙතින් කදුලැල් ගලද්දී
මොර දිදී ඔහු හඬ නගද්දී
කැදැල්ලේන් ආ සිනා හඬවල්
කෙමෙන් ඈතට ඇදෙනවා

තියුණු තුඩු දූ හම සිදුරු කර
බිඳෙන් බිඳ ලේ ගතට එක් කර
මගේ ජීවය රැකෙන හැටි දැක
ඔවුන් තාමත් සුසුම්ලන බව
නොකිව්වට මම දන්නවා...
තිසරි ධවලාශා
(2020/05/06)

පූර්ණ අවධානයෙන් යුතුව දුක්පීඩාවලට පත් අයගේ කතාවලට සවන්දෙමු. එයාලගෙ වේදනාකාරී ජීවිතවලට සහන් එළියක් ලබාදෙන්න ඔබ අපි හැමෝටම පුළුවන්. හැම කෙනෙකුටම තවත් කෙනෙකුගේ කාරුණික හදවතක රැකවරණය අවශ්‍ය වෙනවා. එවන් ප්‍රජාවක් අපි ගොඩනගමු.

ශ්‍රී ලංකා සුමිත්‍රයෝ
කතා කරන්න :
0707 308 308 (9.00 am - 4.00pm)
0767 520 620 (4.00 pm - 10.00pm)

WhatsApp:
0767 520 620

"Amidst the festivities of Eid-ul-Adha, we stand in awe of the bravery and resilience of Thalassemia patients worldwide. May your journey be adorned with moments of joy, surrounded by love, and illuminated by the unwavering light of hope. Wishing you a blessed Eid filled with strength, courage, and endless possibilities.

"
Thalassaemia International Federation - TIF
Thalassaemia Association of Malaysia
Thalassaemia Free Pakistan
Thalassimea free Pakistan
Thalassaemia Society Of Pakistan

මහනුවර ප්‍රාදේශීය තැලසීමියා ඒකකයේ ඒකක සම්බන්ධීකාරකවරයා ගේ ඉල්ලීම පරිදි එම ඒකකයේ රෝගීන් මුහුණ දෙන් ප්‍රශ්න ගැටළු පිළිබඳව සාකච්ඡා කිරීම උදෙසා කෙටි සාකච්ඡාවක් පවත්වන ලදී.

ලංකා තැලසීමියා සංවිධානයේ ගරු සභාපතිතුමන් නියෝජනය කරමින් එම අවස්ථාව සඳහා ජාතික සංවිධායකවරයා සහභාගි විය.

❤❤Happy Father’s Day to an Extraordinary Dad❤❤

Happy Father's Day to all the incredible dads who are heroes every day, especially those caring for Thalassemia patients. Your unwavering love and strength overcome every obstacle, making you extraordinary beyond measure. Thank you for your boundless dedication and unbreakable spirit.!

---

🔴🔴ජාත්‍යන්තර රුධිර පරිත්‍යාගශීලීන්ගේ දින ශ්‍රී ලාංකික සැමරුම 2024🔴🔴

🩸ලෝක සෞඛ්‍ය සංවිධානය සමඟ එක්ව වර්ෂ 2005 සිට සෑම වසරකම ජූනි මස 14 වන දින ජාත්‍යන්තර රුධිර පරිත්‍යාගශීලීන්ගේ දිනය සමරනු ලබයි.ශ්‍රී ලංකාවේ වසරකට ආසන්න වශයෙන් රුධිර ඒකක හාරලක්ෂ හැටහය දහසක් අවශ්‍ය වන අතර මෙම ඉලක්කය සපුරා ගැනීම උදෙසා ජංගම රුධිර දන්දීමේ කඳවුරු පන්දහසකට වැඩි ප්‍රමාණයක් වාර්ෂිකව සිදු කරනු ලබයි.ලෝකයේ ස්වේච්ඡා රුධිර දායකයින් සිටින රටවල් ඇත්තේ හැත්තෑවකටත් අඩු ප්‍රමාණයක් වන අතර ඉන් ශ්‍රී ලංකාව ප්‍රමුඛස්ථානය පසුවීම සැබැවින්ම සතුටට කරුණක්.

🩸ජාත්‍යන්තර රුධිර පරිත්‍යාගශීලීන්ගේ දිනය නිමිත්තෙන් මෙවර ශ්‍රී ලංකාවේ ජාතික උත්සවය නෙළුම් පොකුණ මහින්ද රාජපක්ෂ රඟහලේ දී පවත්වන ලදී.මෙම අවස්ථාව සඳහා ශ්‍රී ලංකා පාර්ලිමේන්තුවේ ගරු කතානායක මහින්ද යාප බණ්ඩාර මහතා, සෞඛ්‍ය අමාත්‍ය වෛද්‍ය රමේශ් පතිරණ මහතා ,සෞඛ්‍ය රාජ්‍ය අමාත්‍ය විශේෂඥ වෛද්‍ය සීතා අරඹේපොළ මහත්මිය,සෞඛ්‍ය අමාත්‍යාංශයේ ගරු ලේකම් විශේෂඥ වෛද්‍ය පාලිත මහී පාල මහතා සහ සෞඛ්‍ය සේවා අධ්‍යක්ෂකතුමන් ඇතුළු නිලධාරීන් පිරිසක් සහභාගී විය.

🩸මෙම අවස්ථාවේ දී ශ්‍රී ලංකාව තුළ වාර්ෂිකව රුධිර දන්දීමේ කඳවුරු සංවිධානය කරන සංවිධායක මහත්ම මහත්මීන් සහ රුධිර පරිත්‍යාගශීලීන් ඇගැයීමට ලක් කරන ලදි.එමෙන්ම තැලසීමියා රෝගීන්ට,ලියුකේමියා රෝගීන්ට ඇටමිදුලු බද්ධ කිරීමේ සැත්කම සිදු කිරීම සඳහා ජාන ගැලපීමේ කටයුත්ත වෙනුවෙන් ශ්‍රී ලංකා රුධිර ජනක සෛල ලේඛනය ද ආරම්භ කරන ලදි.

🩸මෙම උත්සවය සංවිධානය කරන ලද්දේ නාරාහේම්පිට ජාතික රුධිර පාරවිලයන සේවයේ අධ්‍යක්ෂකතුමන් ප්‍රමුඛ විශේෂඥ වෛද්‍ය කාර්ය මණ්ඩලය සහ අනෙකුත් කාර්ය මණ්ඩලයේ සුවිශේෂී කැපවීම තුළින් වන අතර මේ සඳහා මහජන සෞඛ්‍ය පරීක්ෂකවරුන්ගේ ද විශාල දායකත්වයක් හිමිවී තිබිණි..

🩸මෙම අවස්ථාව සඳහා ලංකා තැලසීමියා සංවිධානයට ද ආරාධනා කිරීම සම්බන්ධයෙන් ජාතික රුධිර පාරවිලන සේවයට අපගේ ගෞරවනීය ප්‍රණාමය පුද කර සිටිමු..

National Blood Transfusion Service - Sri Lanka
සමස්ත ලංකා රුධිර දායකයින්ගේ සංසදය
National Blood Transfusion Service - Sri Lanka / ජාතික රුධිර පාරවිලයන සේවය

💐💐නොනිමි මෙහෙවර💐💐

🩸රුධිරය අවශ්‍ය රෝගියෙකුට තමන්ගේ ඇඟට ලේ බිංදුවක් එනකන් තියෙන ක්‍රියාවලිය හරිම සංකීර්ණ ආරක්ෂිත ක්‍රියාවලියක්..මේ ක්‍රියාවලිය තුළ සාර්ථක රුධිර පාරවීලනයක අවසාන ප්‍රතිඵලය දකින්නට ඉතාමත් වෙහෙස වෙන කණ්ඩායමක් තමයි මහජන සෞඛ්‍ය පරීක්ෂකවරුන්..

🩸ලේ බැංකු වල රුධිරය නැති කාලවල රුධිර දායකයින්ට සහ සංවිධානය කරන පාර්ශවයන්ට කතා කරල කොහොම හරි ලේ ටිකක් හොයා ගන්න එක එයාලා කරනවා.එතැන් සිට ලේ දන් දීමේ කඳවුරු සංවිධානය කිරීම දක්වා සියලු සම්බන්ධීකරණ කටයුතු සිදු කරන්නේ මහජන සෞඛ්‍ය පරීක්ෂකවරුන්..

🩸රැකියාවට එහා ගොස් මානව හිතවාදීත්වයෙන් යුතුව ජාතික රුධිර පාරවිලන සේවය නගා සිටුවීමට කැපවන ඔබ සැමට ලංකා තැලසීමියා සංවිධානය ගෞරවනීය ප්‍රණාමය පුද කර සිටිමු.



Ragama Blood Bank
Sandeep Piumantha
Sandeep Piumantha

නිර්මාණ සංකල්පනාව මහර තැලසීමියා ඒකකයේ සේවාලාභී සිත්මි කාවින්දි මෙනවිය..

මහර නවයොවුන් හා වැඩිහිටි තැලසීමියා ඒකකයේ අප සමග සේවාලාභීව සිට ජීවන ගමන නිමාකළ අපේම සහෝදර සහෝදරියන්ට සහ​ අප අතරින් සමුගත් සියලුම තැලසීමියා රෝගීන්ට පුණ්‍යානුමෝදනා සිදුකිරීම වෙනුවෙන් ප්‍රථම වරට පවත්වනු ලබන සුප් දන්සැල උතුම් වූ පොසොන් පුන් පොහෝ දිනට පසු දින, එනම් පොසොන් මස 22 වන දින දහවල් 12: 00 සිට එම ස්ථානයේ දී පැවැත්වේ...

Thalassaemia Friends Club Ragama තැලසීමියා මිතුරු සාමාජය රාගම

සෝදුක් කදුළැල් කුමට අප ලද දිවි මගට
මිනිස්සු වන අපට මේ සැම නිති උරුම
මව්පිය වෙදැදුරු නිති රැකවරණය නිබද
හිනහෙන්න මැණික බාධක මැඩගමින..

"මගේ පුංචි මල් කැකුළ හියාරා ඉමන්දි වෙනුවෙන් මව අමිලා.."😢

"ජීවත් වෙන්න වෙර දරණ
පුංචි මල් කැකුළු වලට
ලේ බිදක් දන් දී.......
ජීවිතය ජීවත් කරවන
හදවත් වලට....
අපි සදා ණය ගැතී....ආදර සහෝදර සහෝදරියණි
ඔබට දීර්ඝායුෂ......"🙏🙏

In quiet rooms where hope and fear entwine,
Where faces blurred by tears and lines of pain,
The gift you give becomes a light to shine,
A lifeline cast, a pulse that beats again.

Your silent courage fills a vital need,
With every drop, a chance for life anew,
In shadows deep, where suffering may lead,
Your selfless act becomes the saving hue.

The crimson flow you share, a sacred gift,
Not measured by its weight or golden worth,
But by the hearts you mend, the spirits lift,
Transforming darkest nights to new rebirth.

For in each vein where life is gently poured,
A testament of kindness, pure and grand,
To you, dear donor, gratitude is soared,
Your gift, a bridge of life, from hand to hand.
-Bhagi-





National Blood Transfusion Service - Sri Lanka
Ragama Blood Bank
සමස්ත ලංකා රුධිර දායකයින්ගේ සංසදය
ශ්‍රී ලංකා රුධිර දායකයින් இலங்கை குருதிக் கொடையாளர்கள் (SL Blood Donors)
National Blood Transfusion Service - Sri Lanka / ජාතික රුධිර පාරවිලයන සේවය
ලංකා රුධිර පරිත්‍යාගශීලීන්ගේ සංසදය - Ceylon Blood Donors Society
Thalassaemia International Federation - TIF

❤❤රුධිර පරිත්‍යාගශීල්න්ගේ දිනය❤❤

🔷මියැදෙන ජීවිතයකට පණ පොවන්නට හුස්ම හා සමාන විකල්ප නොමැති දෙයක් තමයි රුධිරය...අපේ රටේ තවවමත් කිසිදු අවස්ථාවක බරපතළ රුධිර හිඟයක් ඇතිවී නොමැති අතර අප තවමත් දන්දීම,පරිත්‍යාගශීලිත්වය යන උතුම් මානව ගුණාන්ග වලින් පොහොසත් රටක්..

🔷හදිසි අනතුරු,සැත්කම්,පිළිකා රෝගීන්ට හා තැලසීමියා රෝගීන්ට මෙම රුධිර අවශ්‍යතාවය තදින්ම දැනෙනව .උදාහරණයක් ලෙස ගත්විට ලංකාවේ සමස්ථ තැලසීමියා රෝගීන් තුන්දහසකට ආසන්න ප්‍රමාණයකින් මාසිකව අනිවාර්යෙන්ම 1500කට වැඩි ප්‍රමාණයක් අවම වශයෙන් 500ml ලේ පයින්ට් 2ක් ලබා ගයි..බොහෝ රෝගීන් හට රුධිර පයින්ට් 3ක් හෝ 4ක් අවශ්‍ය වේ...

🔷මේ රුධිරය රටේ පවතින අයහපත් තත්වයකදී හැර කිසිදු අඩුපාඩුවකින් තොරව අපට ලබාදෙන ආදරණීය රුධිර පරිත්‍යාගශීලි ඔබට අපගේ ප්‍රණාමය ....

🔷රටේ ඕනෑම හදිසි තත්වයකදී රුධිරය සපයන නාරාහේන්පිට ජාතික රුධිර දන්දීමේ සේවයේ ප්‍රධාන ලේ බැංකුවේ සියළුම කාර්ය මණ්ඩලය ඇතුළු ශ්‍රී ලංකාවේ සියළුම රොහල් වල ප්‍රාදේශීය රුධිර බැංකු වල කාර්ය මණ්ඩලයටත් අපගේ ප්‍රණාමය...

එක් වරක් හෝ රුධිර පරිත්‍යාග කරන ලද ඔබ සියළුම දෙනාට නිදුක් නීරෝගී දීර්ඝායුෂ ප්‍රාර්ථනා කරමු .....

සටහන ශාලුක හිරාන් ප්‍රේමචන්ද්‍ර
Lanka Thalassaemia Organization - Sri Lanka

සමස්ත ලංකා රුධිර දායකයින්ගේ සංසදය
ශ්‍රී ලංකා රුධිර දායකයින් இலங்கை குருதிக் கொடையாளர்கள் (SL Blood Donors)
ශ්‍රී ලංකා රුධිර පරිත්‍යාගශීලීන්ගේ සයිබර් එකමුතුව (Cyber Blood Bank of SL)

ලංකා රුධිර පරිත්‍යාගශීලීන්ගේ සංසදය - Ceylon Blood Donors Society
National Blood Transfusion Service - Sri Lanka / ජාතික රුධිර පාරවිලයන සේවය
National Blood Transfusion Service - Sri Lanka
Ragama Blood Bank