Southern Province Governor
දකුණු පළාත් ආණ්ඩුකාරතුමන්ගේ මාධ්‍ය ඒකකයේ නිල ෆේස්බුක් පිටුවයි..
10/12/2023
දෙවිනුවර පුරාණ වැල්ල ධීවර සමිතියේ ධීවර ප්‍රජාව සදහා ඉලෙක්ට්‍රොනික් තරාදි ලබා දීම දකුණු පළාත් ගරු ආණ්ඩුකාරවර ආචාර්ය විලී.ඩබ්ලිව් ගමගේ මැතිතුමාගේ ප්‍රධානත්වයෙන් පසුගියදා 12/08 ජාතික ධීවර මහා සම්මේලනෙයේ මාතර දිස්ත්‍රික් ධීවර සංවිධාන ප්‍රධාන කාර්යාලය පුරාණ වැල්ල දෙවිනුවර පරිශ්‍රයේ දී සිදු කෙරිණ ..
ශ්‍රී ලංකා පොදුජන පෙරමුණ දෙවිනුවර කොට්ඨාසය අපේක්ෂක ශ්‍රී කැලුම් මහතාගේ හා දෙවිනුවර පුරාණ වැල්ල ධීවර සමිතියේ ඉල්ලීම පරිදි මාතර දිස්ත්‍රික් සම්බන්ධීකරණ කමිටු ගරු සභාපති පාර්ලිමේන්තු මන්ත්‍රී නිපුන රණවක මහතාගේ මැදිහත්වීම මත ගරු ආණ්ඩුකාරතුමාගේ ඉල්ලීම් ප්‍රකාරව රුපියල් ලක්ෂ දෙකක් වටිනා මෙම ඉලෙක්ට්‍රොනික් තරාදි දෙක දකුණු පළාත් ආණ්ඩුකාර වැය ශීර්ෂයේ ප්‍රතිපාදන මත දකුණු පළාත් ධීවර අමාත්‍යාංශයේ පූර්ණ අධීක්ෂණය හා මෙහෙයවීම මත ලබා දෙන ලදී...
මෙහිදී ගරු ආණ්ඩුකාරතුමා පැමිණි සිටි ධීවර ප්‍රජාව ආමන්ත්‍රණය කරමින් පුරාණ වැල්ල ධීවර සමිතියේ සභාපතිතුමාගේ ඉල්ලීම පරිදි ඉලෙක්ට්‍රොනික් තරාදි වලින් මාලු කිරීමෙන් ලැබෙන ආදායමෙන් කොටසක් ණය යෝජනා ක්‍රමයක් ලෙස පුරාණ වැල්ල ධීවර සමිතියේ මහත්ම මහත්මීන් හට ලබා දීමට යෝජනා වූ අතර ඒ සදහා අවශ්‍ය පූර්ණ සහයෝගය පළාත් සභාව හැටියට ලබා දෙන බවත් අවධාරණය කරන ලදී...
මෙම අවස්ථාවට දෙවිනුවර ප්‍රාදේශීය සභාවේ හිටපු ගරු සභාපති සුජීව වෙදගේ මහතා,හිටපු ප්‍රාදේශීය සභා ගරු මන්ත්‍රීවරුන් වන නිමල් මහතා සහ උපුල් මහතා ,දෙවිනුවර කොට්ඨාස අපේක්ෂක ශ්‍රී කැළුම් මහතා,ධීවර අමාත්‍යාංශයේ ලේකම් විදුර කාරියවසම් මහතා,ධීවර හා ජලජ සම්පත් දෙපාර්තමේන්තුවේ මාතර දිස්ත්‍රික් අධ්‍යක්ෂක මදුශාන් පද්මේන්ද්‍ර මහතා,පළාත් ධීවර අමාත්‍යාංශයේ නියෝජ්‍ය අධ්‍යක්ෂක රසාංග සූරියආරච්චි මහතා ,ප්‍රසාදිනී මහත්මිය,ඇතුළු ධීවර අමාත්‍යාංශයේ නිලධාරීන් ,පුරාණ වැල්ල ධීවර සමිතියේ සාමාජික මහත්ම මහත්මීන් ඇතුළු පිරිසක් සහභාගී වී සිටියහ ..
10/12/2023
මාර/බඹරැන්ද සද්ධර්මරාජ මහා විද්‍යාලයේ ,(රත්මලේ) දෙව්මි රාජපක්ෂ අනුස්මරණ පුස්තකාලය සිසු අයිතියට පත් කිරීම දකුණු පළාත් ගරු ආණ්ඩුකාරවර ආචාර්ය විලී.ඩබ්ලිව් ගමගේ මැතිතුමාගේ ප්‍රධානත්වයෙන් පසුගියදා 12/08 සිදු කෙරිණි ..
2022 වර්ෂයේ දිනෙක සද්ධර්මරාජ විද්‍යාලයට කීර්තියක් අත්කර දුන් අති දක්ෂ දියණියක වූ දෙව්මි රන්සරා දියණියගේ හදිසි අභාවය දැනගත් වහාම(මාතර කලාප අධ්‍යාපන අධ්‍යක්ෂක ඔමිනි මුදලිගේ මහතාගේ දැනුම් දීම ප්‍රකාරව)පැය දෙකක් ගතවන්නටත් පළමුව ඇයට අවසන් ගෞරව දැක් වීමට පැමිණි ගරු ආණ්ඩුකාරතුමා ඇයගේ පාසල වන සද්ධර්මරාජයට ද පැමිණ අතර එහි අඩුපාඩු සොයා බලා විදුහල්පතිවරිය පැවසූ ගොඩනැගිල්ලි නවීකරණය පසුවට තබමින් රන්සරා දියණියගේ මතකය ආවර්ජනය කිරීම උදෙසා ගත හැකි හොදම තීරණය ලෙස ගරා වැටී අබලන්ව පැවති පුස්තකාල ගොඩනැගිල්ල නවීකරණය සදහා රුපියල් ලක්ෂ 20 ක( මිලියන 2 ) මුදල් ප්‍රතිපාදනයක් සතිදෙකක් වැනි කෙටි කාලයක් තුළ පාසලට ලබාදුන් අතර ඒ මුදලෙන් නවීකරණය කරන ලද පුස්තකාල ගොඩනැගිල්ල ,දෙව්ම් දියණිය අනුස්මරණය කරමින් දෙව්මි රාජපක්ෂ අනුස්මරණ පුස්තකාලය ලෙස පසුගියදා සිසු අයිතියට පත් විය ..
ඊට අමතරව එම පුස්තකාල ගොඩනැගිල්ලේ ස්ථාපනය කරන ලද සුහුරු පංති කාමරය සහ ස්මාට් තිරය ද සිසු අයිතියට පත් කිරීම ද මීට සමගාමීව සිදු කෙරිණි .
ගරු ආණ්ඩුකාරතුමාගේ උපදෙස් පරිදි සුහුරු පංති කාමර සදහා ස්මාට් බෝර්ඩ් ලබා දීම දකුණු පළාත් අධ්‍යාපන අමාත්‍යාංශය විසින් සිදු කළ අතර එය ලබා දීම සම්බන්ධීකරණය කරන ලද්දේ දකුණු පළාත් අධ්‍යාපන අමාත්‍යාංශයේ( ක්‍රම සම්පාදන )අධ්‍යක්ෂක ශාන්ති බමුණුසිංහ මහත්මිය විසිනි...
මෙහිදී ගරු ආණ්ඩුකාරතුමා සුරතින් මාර/ බඹරැන්ද සද්ධර්මරාජ මහා විද්‍යාලයේ 2022 වර්ෂයේ අ.පො.ස ( සා.පෙළ ) විභායෙන් A9 ලබා ගත් ප්‍රාර්ථනා දැරියත්,2022 වර්ෂයේ අ.පො.ස (උ.පෙළ) ඉහළින් සමත්ව කොළඹ සෞන්දර්ය විශ්ව විද්‍යාලයට,කැළණිය විශ්ව විද්‍යාලයට සහ නැගෙනහිර විශ්ව විද්‍යාලයට තේරී පත්වූ දරුවන් වෙනුවෙන් සමරු තිලිණ ප්‍රදානය කිරීමක්ද සිදුවිය ..
ගරු ආණ්ඩුකාරතුමා සභාව ආමන්ත්‍රණය කරමින් විද්‍යාලීය සම්මන්ත්‍රණ ශාලාවේ වේදිකාව වසන රෙදි තිරය වෙනුවට විදුලියෙන් ක්‍රියාත්මක වන ඉලෙක්ට්‍රොනික් තිරයක් ලබා දෙන බවත් ඒ සදහා ඇස්තමේන්තුව සකස් කර ලබා දෙන ලෙසත් විදුහල්පතිතුමියට සහ මාතර කලාප අධ්‍යාපන අධ්‍යක්ෂක ඔමිනි මුදලිගේ මහතාට උපදෙස් ලබා දුන් අතර,සංවර්ධන සංසදය සද්ධර්මරාජයට කරන ලද අනූපමේය සේවාව අගය කරමින නගරයේ පාසල්වල ආදිශිෂ්‍ය සංගම්වලට පූර්වාදර්ශයක් සැපයූ බවත් මෙකී කටයුත්ත ඉතා අගය කළ යුතු බවත්,අවශ්‍ය උදව්වක් වෙතොත් එය නොපමාප ඉල්ලා සිටින ලෙසත් ගරු ආණ්ඩුකාරතුමා අවධාරණය කරන ලදී..
දෙව්මි රාජපක්ෂ අනුස්මරණ පුස්තකාලයට අවශ්‍ය පොත් ලබා දීම වෙනුවෙන්
"2023 ට පොත් 2023 ක්"
" පළමු පාසලට ප්‍රථම උපහාර "
දෙන විට එක පොතක් කරයි ජීවිත දහස් එළියක් " තේමාව ප්‍රධාන අරමුණ කොට ගනිමින් විද්‍යාලයේ සංවර්ධන සංසදය විසින් විද්‍යාලයේ විදුහල්පතිනිය,සහ ප්‍රධාන ශිෂ්‍යනායකයා වෙත පොත් භාර දීම සිදු කළ අතර ,ගරු ආණ්ඩුකාරතුමා සද්ධර්මරාජ විද්‍යාලයට කරන ලද අනූපමේය සේවාව අගයනු වස් සංවර්ධන සංසදය විසින් සමරු තිලිණයක්ද ප්‍රදානය කිරීම සිදු කළ අතර, ගරු ආණ්ඩුකාරතුමා විසින් දකුණු පළාත් ආණ්ඩුකාර ලේකම් දීපිකා ගුණරත්න මහත්මිය රචනා කරන ලද "නිල් නදී දියණිය " කෘති දෙකක්ද පාසලේ පුස්තකාලය වෙත පරිත්‍යාග කරන ලදී...
මෙම අවස්ථාවට මාතර කලාප අධ්‍යාපන අධ්‍යක්ෂක ඔමිනි මුදලිගේ මහතා,
දකුණු පළාත් අධ්‍යාපන අමාත්‍යාංශයේ( ක්‍රම සම්පාදන )අධ්‍යක්ෂක ශාන්ති බමුණුසිංහ මහත්මිය,මාතර කලාප කාර්යාලයේ නියෝජ්‍ය අධ්‍යක්ෂක (මානව ශාස්ත්‍ර,පුස්තකාල ) හරින්ද්‍රා මොහොට්ටාල මහත්මිය,සද්ධර්මරාජ
විද්‍යාලයේ විදුහල්පති රසිකා අබේවර්ධන මහත්මිය,විද්‍යාලයේ ආදිශිෂ්‍ය
රුහුණු විශ්ව විද්‍යාලයේ භූගෝල විද්‍යා අධ්‍යයනය අංශයේ අංශ ප්‍රධානී මහාචාර්ය එස්.ඩබ්ලිව් ප්‍රනාන්දු මහතා ප්‍රමුඛ ආදිශිෂ්‍ය නිලධාරීන් ,විද්‍යාලීය සංවර්ධන සංසදයේ රත්මලේ බන්දුල ගුණවර්ධන මහතා,ධම්මික ගමගේ මහතා,ලංකා රාමනායක මහතා,විශ්‍රාමික ආචාර්ය දයාරත්න මහතා, ප්‍රමුඛ නිලධාරී මණ්ඩලය,විද්‍යාලයේ නියෝජ්‍ය විදුහල්පතිවරුන්,ආචාර්ය මණ්ඩලය ,අනධ්‍යන සේවක මඩුල්ල,සිසු දරුවන්,දෙමාපියන් ,ප්‍රදේශවාසීන් ඇතුළු පිරිසක් සහභාගී වී සිටියහ...
09/12/2023
සුබම සුබ ජන්ම දිනයක් වේවා !
බුදු සරණයි !!
දීර්ඝායුෂ ලැබේවා සර් ....
09/12/2023
08/12/2023
රුහුණ නවෝත්පාදන සහ නව්‍යකරණ ප්‍රදර්ශනයේ සම්මාන සහ සහතිකපත්‍ර ප්‍රදානෝත්සවය ඊයේ 12/07 පස්වරුවේ දකුණු පළාත් ගරු ආණ්ඩුකාරවර ආචාර්ය විලී.ඩබ්ලිව් ගමගේ මැතිතුමාගේ ප්‍රධානත්වයෙන් රුහුණු විශ්වවිද්‍යාලීය රවීන්ද්‍රනාත් තාගෝර් ශාලා පරිශ්‍රයේ දී සිදු කෙරිණ..
මෙහිදී රන් ,රිදී,ලෝකඩ සහ කුසලතා සම්මාන දිනාගත් නව නිපැයුම්කරුවන්ට සහතික හා සමරුඵලක ප්‍රදානය සිදු වූ අතර,
ගරු ආණ්ඩුකාරතුමා විසින් පාසල් දරුවන්ගේ නව නිපැයුම් සිදු කිරීමට ඔවුන් දිරිමත් කළ ,දරුවන්ට මග පෙන්වූ නායකත්වය දුන් දකුණු පළාතේම ගාල්ල,මාතර ,හම්බන්තොට දිස්ත්‍රික් තුනේ අධ්‍යාපන කලාප වල ,අධ්‍යාපන කොට්ඨාසයන්හි පාසල්වල ඟුරු මහත්ම මහත්මීන් අගය කරනු වස් සහතිකපත් සහ සමරු තිළිණ ප්‍රදානය කිරීම සිදුවිය...
ආයතනික අංශයේ හොදම නව නිපැයුම ගොවි නැන app එක නිර්මාණය රුහුණු විශ්ව විද්‍යාලයේ ආචාර්ය මණ්ඩලය දිනා ගත් අතර,දකුණු පළාතේ හොදම අධ්‍යාපන කලාපය හම්බන්තොට අධ්‍යාපන කලාපය දිනා ගත් අතර හොදම පාසල හම්බන්තොට දෙබරවැව ජාතික පාසල දිනා ගනිද්දී 2022 වසරේ සමස්ථ ලංකාවේම හොදම නව නිර්මාණයට හිමි කුසලානය හා සහතිකපත්‍රය ගාල්ල සවුත්ලන්ඩ් විද්‍යාලයේ සවින්දි ලියනගේ දියණිය දිනා ගත්තේය.
විවෘත අංශයේ හොදම නව නිපැයුමට හිමි සම්මානය වාහන ටයර් වල ටියුබ් වලින් නිශ්පාදිත නව නිපැයුමකට හිමි වූ අතර ශාලිකා දීපානි මහත්මිය සහ සුමිත් වසන්ත මහතා සම්මානයට පාත්‍රවිය .
වැඩසටහන සංවිධානය හා මෙහෙය වීම ශ්‍රී ලංකා නව නිපැයුම්කරුවන්ගේ කොමිසම,දකුණු පළාත් කාර්මික සංවර්ධන අධිකාරිය ,අධ්‍යාපන අමාත්‍යාංශය සහ රුහුණු විශ්ව විද්‍යාලය ඒකාබද්ධවයි ..
මෙම අවස්ථාවට දකුණු පළාත් සභා හිටපු ගරු මන්ත්‍රී වත්මන් දකුණු පළාත් සභාවේ කාර්මික සංවර්ධන අධිකාරියේ ගරු සභාපති එස්.වී.පී ආනන්ද මහතා,දකුණු පළාත් සභාවේ නියෝජ්‍ය ප්‍රධාන ලේකම් (පිරිස් හා පුහුණු) කමල් රණසිංහ මහතා,දකුණු පළාත් අධ්‍යාපන දෙපාර්තමේන්තුවේ අධ්‍යාපන අධ්‍යක්ෂක ඡන්න උපාලි වීරසේකර මහතා,දකුණු පළාත් කර්මාන්ත අමාත්‍යාංශයේ ලේකම් විදුර කාරියවසම් මහතා,දකුණු පළාත් කාර්මික සංවර්ධන අධිකාරියේ අධ්‍යක්ෂක ජෙනරාල් ජයසිංහ මහතා,
දකුණු පළාත් තාක්ෂණික බීජ පෝශක මධ්‍යස්ථානයේ අධ්‍යක්ෂක(රුහුණ නව නිපැයුම් හා නව්‍යකරණ ප්‍රදර්ශනයේ සංවිධායක මණ්ඩලයේ ගරු සභාපති ) ආචාර්ය ජේ.ඒ.පී බෝධක මහතා ,රුහුණු විශ්ව විද්‍යාලයේ නියෝජ්‍ය උප කුලපති මහාචාර්ය සමන් චන්දිම මහතා,ශ්‍රී ලංකා නව නිපැයුම්කරුවන්ගේ කොමිසමේ කොමසාරිස් සිරිල් සුදුවැල්ල මහතා,අධ්‍යාපන අමාත්‍යාංශයේ අතිරේක ලේකම් (සංවර්ධන හා නවෝත්පාදන )සමන්ති වීරසිංහ මහත්මිය,රුහුණු විශ්ව විද්‍යාලයේ හෞතික විද්‍යා අධ්‍යනය අංශයේ ජේෂ්ඨ මහාචාර්ය කාන්ති යාපා මහත්මිය,ඇතුළු රුහුණු විශ්ව විද්‍යාලයේ ආචාර්ය මණ්ඩලය,අකුරැස්ස කලාප අධ්‍යාපන අධ්‍යක්ෂක නලීන් ජයමිණි මහතා, ,මුලටියන කලාප අධ්‍යාපන අධ්‍යක්ෂක ආකිල් මහතා සහ දෙනියාය කලාප අධ්‍යාපන අධ්‍යක්ෂක ප්‍රියදර්ශනී මහත්මිය,
නව නිර්මාණ කරන ලද පාසැල් දරුවන්,විශ්වවිද්‍යාල සිසුන්,විවෘත අංශයේ නව නිපැයුම්කරුවන් ,නව නිපැයුම් සිදු කිරීමට දැනුම උපදෙස් ලබා දුන් පාසල් සහ අනෙකුත් ආයතන වල ආචාර්ය මණ්ඩලය ඇතුළු පිරිසක් සහභාගී වී සිටියහ ..
08/12/2023
දෙසැම්බර් 03 වන දිනයට යෙදුණු ජාත්‍යන්තර ආබාධිත සහිත වූවන්ගේ දිනය සමරනු වස්, "හදවතේ රිද්මය දෙනෙතින් දකින්නට" යන තේමාව මූලික කොටගෙන මාගාල්ල සම්බෝධි නිවාසයේ නිවැසියන්ගේ සෞන්දර්යාත්මක හැකියා දැක්ම
"භාව රිද්ම 02 ",ගාල්ල හෝල්ඩිගෝල්ඩ් ශාලා පරිශ්‍රයේ දී දෙසැම්බර් 01 වෙනිදා දකුණු පළාත් ගරු ආණ්ඩුකාරවර ආචාර්ය විලී.ඩබ්ලිව් ගමගේ මැතිතුමාගේ ප්‍රධානත්වයෙන් පැවැත්විණි .
ගරු ආණ්ඩුකාරතුමා විශේෂ අවශ්‍යතා සහිත සම්බෝධි නිවාසයේ දරුවන් ,තරුණ සහ වැඩිහිටි ප්‍රජාව අගයමින් සිය සුභාෂිංෂණ එකතු කළේය..
මීට සමගාමීව සම්බෝධි නිවාසයේ විශේෂ අවශ්‍යතා සහිත දරුවන් ,තරුණ සහ වැඩිහිටි ප්‍රජාවගේ නර්තන හා ගායන හැකියා ඔප්නැංවීම අරමුණ කොටගෙන විවිධ ප්‍රසංගයක්ද පැවැත්විණි ..
වැඩසටහන සංවිධානය හා මෙහෙයවීම දක්ෂිණ ලංකා සම්බෝධි සුභසාධක පදනම සහ සම්බෝධි නිවාසය විසිනි..
මෙම අවස්ථාවට දක්ෂිණ ලංකා සම්බෝධි සුභසාධක පදනමේ ගරු සභාපති කුමාරසිරි සෙනවිරත්න මහතා ,දිස්ත්‍රික් සමාජ සේවා නිලධාරී රේනුකා මහත්මිය,සම්බෝධි පාසලේ විදුහල්පති කෝකිලා මහත්මිය,ජනාධිපති බාලිකා විදුහලේ සහකාර විදුහල්පතිතුමා ,අක්මීමණ ප්‍රාදේශීය ලේකම් කාර්යාලයේ සමාජ සේවා නිලධාරීතුමිය,අක්මීමණ ළමා කුසලතා මධ්‍යස්ථානය භාර නිලධාරී ප්‍රදීපා මහත්මිය ,නෙත්සෙවන විශේෂ පාසලේ විදුහල්පතිනිය,විශ්‍රාමික බ්‍රිගේඩියර් ගැමුණු වික්‍රමසිංහ මහතා ,එන් .පී.ටී දයාකුමාර මහතා,නීතීඥ චින්තා මහත්මිය,සාම විනිසුරු මාලනී ජයලත් මහත්මිය ,සම්බෝධි නිවාසයේ පාලිකාවන් ,ආචාර්ය මණ්ඩලය දෙමාපියන් ඇතුළු පිරිසක් සහභාගී වී සිටියහ .
07/12/2023
කාල්ටන් පෙර පාසල් සමූහයේ සංවත්සර උළෙල පසුගිය දෙසැම්බර් 03 වනදා පෙරවරුවේ හම්බන්තොට මාගම් රුහුණුපුර ජාත්‍යන්තර සම්මන්ත්‍රණ ශාලා පරිශ්‍රයේ පස්වන විධායක ජනාධිපති මහින්ද රාජපක්ෂ මැතිතුමා සහ ශිරන්ති රාජපක්ෂ මැතිනියගේ ප්‍රධානත්වයෙන් දකුණු පළාත් ගරු ආණ්ඩුකාරවර ආචාර්ය විලී.ඩබ්ලිව් .ගමගේ මැතිතුමාගේ සහභාගීත්වයෙන් පැවැත්විණි ..
මෙම අවස්ථාවට වැඩමවා වදාළා ගරුතර මහා සංඝරත්නය ,ගරු පාර්ලිමේන්තු මන්ත්‍රී නාමල් රාජපක්ෂ මැතිතුමා ,දකුණු පළාත් සභාවේ ගරු සභාපති සෝමවංශ කෝදාගොඩ ආරච්චි මැතිතුමා ,දකුණු පළාත් සභාවේ කාර්මික සංවර්ධන අධිකාරියේ ගරු සභාපති එස්.වී.පී ආනන්ද මැතිතුමා ,දකුණු පළාත් මාර්ගස්ථ මගී ප්‍රවාහන අධිකාරියේ ගරු සභාපති අරුණ ගුණරත්න මැතිතුමා ප්‍රමුඛ දේශපාලන නියෝජිතයන් ,හිටපු රුසියානු තානාපති උදයංග වීරතුංග මැතිතුමා ඇතුළු සම්භාවනීය අමුත්තන්,කාල්ටන් පෙරපාසල් සමූහයේ දරුවන් ,ආචාර්ය මණ්ඩලය ,පෙරපාසල් දරුවන්,දෙමාපියන් ඇතුළු පිරිසක් සහභාගී වී සිටියහ .
07/12/2023
අපවත් වී වදාළ ඓතිහාසික යටගල රාජමහා විහාරය, ඓතිහාසික සිතුල්පව් රාජමහා විහාරය, ඓතිහාසික මගුල් මහා විහාරය, තල්පේ සේලුත්තරාරාමය, යද්දෙහිකන්ද් අමරසිංහාරාමය, උණවටුණේ වැල්ලේ දේවාල විහාරය, උණවටුණේ බෝධිරුක්ඛාරාමය, අම්පිටියාගොඩ ගුණරතනාරාමය යන අෂ්ට මහා විහාරාධිපති, දක්ෂිණ ලංකාවේ ප්‍රධාන සංඝ නායක, සද්ධර්ම කීර්ති ශ්‍රී රතනසාර,
අග්ගමහාපණ්ඩිත මැටරඹ හේමරතන නායක හිමිපාණන් වහන්සේගේ ශ්‍රී දේහය පිළිබඳ වූ ආදාහන කටයුතු යටගල රජමහා විහාර පරිශ්‍රයේ ආදාහන මළුවේ දී දෙසැම්බර් 05 පස්වරුවේ පූර්ණ රාජ්‍ය අනුග්‍රහය මත පැවැත්විණි.
මෙහිදී ගරු ජනාධිපති රනිල් වික්‍රමසිංහ මැතිතුමාගේ ශෝක පණිවුඩය ගරු පාර්ලිමේන්තු මන්ත්‍රී වජිර අබේවර්ධන මැතිතුමා විසින් ද ,කම්කරු හා විදේශ රැකියා ගරු අමාත්‍ය මනූෂ නානායක්කාර මැතිතුමා විසින් ගරු අග්‍රාමාත්‍ය දිනේශ් ගුණවර්ධන මැතිතුමාගේ ශෝක පණිවුඩය ද ,සෞඛ්‍ය හා කර්මාන්ත ගරු අමාත්‍ය රමේශ් පතිරණ මැතිතුමා විසින් පස්වන විධායක ජනාධිපති මහින්ද රාජපක්ෂ මැතිතුමාගේ ශෝක පණිවුඩය ද ප්‍රකාශයට පත් කරන ලදී...
මෙම අවස්ථාවට වැඩමවා වදාළා වරක් ප්‍රමුඛ අති ගෞරවණීය මහා සංඝරත්නය , පස්වන විධායක ජනාධිපති මහින්ද රාජපක්ෂ මැතිතුමා ,සෞඛ්‍ය හා කර්මාන්ත ගරු අමාත්‍ය රමේශ් පතිරණ මැතිතුමා ,විදේශ රැකියා හා කම්කරු ගරු අමාත්‍ය මනුෂ නානායක්කාර මැතිතුමා ,දකුණු පළාත් ගරු ආණ්ඩුකාරවර ආචාර්ය විලී.ඩබ්ලිව් ගමගේ මැතිතුමා ,ගාල්ල දිස්ත්‍රික් සම්බන්ධීකරණ කමිටු ගරු සභාපති සම්පත් අතුකෝරළ මැතිතුමා ,ගරු පාර්ලිමේන්තු මන්ත්‍රී වජිර අබේවර්ධන මැතිතුමා ,ගරු පාර්ලිමේන්තු මන්ත්‍රී ගයන්ත කරුණතිලක මැතිතුමා ,ගරු පාර්ලිමේන්තු මන්ත්‍රී චන්දිම වීරක්කොඩි මැතිතුමා ,හිටපු ගරු පාර්ලිමේන්තු මන්ත්‍රී විජේපාල හෙට්ටිආරච්චි මැතිතුමා ,දකුණු පළාත් සභා හිටපු ගරු මන්ත්‍රී චානක මාදුගොඩ මැතිතුමා ප්‍රමුඛ දේශපාලන නියෝජිතයන් ,ගාල්ල දිස්ත්‍රික් ලේකම් ශාන්ත වීරසිංහ මහතා,දකුණු පළාත් ක්‍රීඩා හා සංස්කෘතික කටයුතු අමාත්‍යාංශයේ ලේකම් බිමල් ඉන්ද්‍රජිත් ද සිල්වා මහතා ,ගාල්ල අතිරේක දිස්ත්‍රික්වරුන් ,අක්මීමණ ප්‍රාදේශීය ලේකම්තුමිය ,සහකාර ප්‍රාදේශීය ලේකම්තුමිය ඇතුළු ආදාහන උත්සවය වෙනුවෙන් පැමිණි පළාත් සහ මධ්‍යම රජයේ ආයතනවල රාජ්‍ය නිලධාරීන් ,දකුණු පළාත් භාර ජේෂ්ඨ නියෝජ්‍ය පොලිස්පතිතුමා,ත්‍රිවිධ හමුදාවේ නිලධාරී ,මාධ්‍යවේදී මහත්වරුන්,විහාරස්ථ දායක සභාවන්වල මහත්ම මහත්මීන්, ප්‍රදේශයේ මහජනතාව ඇතුළු පිරිසක් සහභාගී වී සිටියහ ..
සම්බුදු සසුනෙහි චිරස්ථිතිය උදෙසා අනූපමේය සේවාවක් සිදු කළ මැටරඹ හේමරතන නායක හිමිපාණන් වහන්සේට උතුම් වූ නිර්වාන සුවයම ලැබේවා!!
06/12/2023
දෙසැම්බර් 03 වන දිනට යෙදුණු ජාත්‍යන්තර ආබාධිත දිනය 2023 ට සමගාමීව දකුණු පළාත් ආබාධිත දින සැමරුම් උත්සවය 12/06 අද පෙරවරුවේ දකුණු පළාත් ගරු ආණ්ඩුකාරවර ආචාර්ය විලී.ඩබ්ලිව් ගමගේ මැතිතුමාගේ ප්‍රධානත්වයෙන් හබරාදූව බණ්ඩාරනායක අනුස්මරණ රංග ශාලාවේ දී පැවැත්විණි ..
මෙම වැඩසටහනේ ප්‍රධාන අරමුණ වූයේ දකුණු පළාත තුළ විසිරී පැතිරී සිටින විශේෂ අවශ්‍යතා සහිත දරු දැරියන් ,වැඩිහිටි පිරිස ඒකරාශි කොට ඔවුන්ගේ නර්තන,ගායන හැකියාව එළි දැක්වීමයි..
ඒ වෙනුවෙන් වඩිගපටුන,පන්දම්පාලිය වැනි විවිධ වූ නර්තන අංග සහ විවිධ ගීත ගායන රැසක් ද පැවැත්විණි ...
මෙහිදී ගරු ආණ්ඩුකාරතුමා විසින් නර්තන සහ ගායන යන අංශවලින් විශේෂ දක්ෂතා හැකියා ඔප් නැංවූ විශේෂ අවශ්‍යතා සහිත දරුවන් වෙනුවෙන් සංකේතාත්මකව තිළිණ ප්‍රදානය කිරීමක් ද සිදු විය ..
වැඩසටහන සංවිධානය හා මෙහෙම වීම දකුණු පළාත් සමාජ සුබසාධන ,පරිවාස හා ළමාරක්ෂක සේවා දෙපාර්තමේන්තුව විසිනි..
මෙම අවස්ථාවට දකුණු පළාත් පරිවාස කොමසාරිස් රසිකා යූ.අයි දිසානායක මහත්මිය,හබරාදූව ප්‍රාදේශීය ලේකම්තුමිය,හබරාදූව ප්‍රාදේශීය සභාවේ ලේකම්තුමිය,පරිවාස හා ළමාරක්ෂක දෙපාර්තමේන්තුවේ නියෝජ්‍ය කොමසාරිස්තුමිය,නියෝජ්‍ය අධ්‍යක්ෂකතුමිය ,ක්‍රීඩා අමාත්‍යාංශයේ සහකාර අධ්‍යක්ෂකතුමා (සැලසුම් ),
ශ්‍රව්‍යාබාධිත දරුවන්ගේ භාෂාව හැසිරවීමට නවජීවන ආයතනයෙන් පැමිණි නිලධාරී මහත්මිය,දකුණු පළාත නියෝජනය කරමින් ස්ව ශක්ති සමාජවල රාජ්‍ය සහ රාජ්‍ය නොවන ආයතනවල නිවාස නියෝජනය කරමින් පැමිණි විශේෂ අවශ්‍යතා සහිත දරුවන් ,ඔවුන්ගේ ආචාර්ය මණ්ඩලය ,දෙමාපියන් ඇතුළු පිරිසක් සහභාගී වී සිටියහ ...
2023 12 06 දින ස්වාධීන රූපවාහිනී පුවත්
05/12/2023
2023 වර්ෂය සදහා දුෂ්කර ,අති දුෂ්කර හා හුදෙකලා පාසල්වල සිසුන් ,පිරිවෙන් වල ගිහි පැවිදි සිසුන්,තෝරාගත් පාසල්වල සිසුන් සදහා පාවහන් මිලදී ගැනීමට අවශ්‍ය වවුචර්පත් බෙදා දීමේ ජාතික උත්සවයට සමගාමීව දකුණු පළාත් වැඩසටහන ගාල්ල පරමානන්ද සෞභාග්‍යා මහා විද්‍යාලයේ දී දකුණු පළාත් ගරු ආණ්ඩුකාරවර ආචාර්ය විලී.ඩබ්ලිව් ගමගේ මැතිතුමාගේ ප්‍රධානත්වයෙන් 12/04 ඊයේ පෙරවරුවේ පැවැත්විණි ..
මෙහිදී ගරු ආණ්ඩුකාරතුමා විසින් 2023 වර්ෂයේ වාර විභාග වලින් 2 ශ්‍රේණියේ සිට 11 ශ්‍රේණිය දක්වා පළමු ස්ථානය හිමි කරගත් තෝරා ගනු ලැබූ දරුවන් වෙනුවෙන් පාවහන් වවුචර්පත් ප්‍රදානය කෙරිණ ..
ගරු ආණ්ඩුකාරතුමා සභාව ආමන්ත්‍රණය කරමින් පරමානන්ද විද්‍යාලයේ සමස්ථ ලංකා තරග වලින් දෙක සහ තුන ස්ථාන හිමි කර ගනිමින් ජයග්‍රහණය කළ දරුවන් සහ සභාව තෘප්තිමත් කරමින් රංගනයේ යෙදුණු දරුවන් අගය කරමින් විද්‍යාලයේ නර්තන කණ්ඩායම සදහා අවශ්‍ය උපකරණ ලබා ගැනීම වෙනුවෙන් ආණ්ඩුකාර වැය ශීර්ෂය යටතේ රුපියල් ලක්ෂ 02 ක මූල්‍ය ප්‍රතිපාදන ලබා දීමටත් ,දකුණු පළාතේ පාසල්වල කඩිනම් අළුත්වැඩියා කටයුතු සදහා අධ්‍යාපන අමාත්‍යාංශය වෙත නිදහස් කළ රුපියල් මිලියන 119 න් රුපියල් ලක්ෂ 31 පරමානන්ද විද්‍යාලයේ කඩිනම් අළුත්වැඩියා කටයුතු සදහා වෙන් කර ඇති බවත්,
විශේෂයෙන්ම මේ සතිය ඇතුළත පාවහන් වවුචර්පත් අනෙකුත් දකුණු පළාතේ තෝරාගත් පාසල්වල සියළුම සිසු දරුවන් සදහා ද ලබා දෙන බව අවධාරණය කරන ලදී..
පරමානන්ද විද්‍යාලය සෞභාග්‍යා පාසල් යටතට ගැනුණු දා සිට සීඝ්‍ර භෞතික හා මානව සම්පතෙන් දියුණුවක් ලැබූ අතර,
තිස් (30) වසරකට පසු මෙවර 2023 අ.පො.ස ( සාමාන්‍ය පෙළ ) විභාගයට දරුවන් 17 කු පෙනී සිටි අතර ඉන් 12 කු සමත්ව A 8 ලබා ගත් දරුවකුද සිටීම විශේෂත්වයකි .
අ.පො.ස ( උසස් පෙළ ) විභාගය ට පෙනී සිටි දරුවන් සිව්දෙනා අතරින් එක් දරුවකු විශ්ව විද්‍යාලය වරම් ලැබීමද කැපී පෙනෙන කටයුත්තකි..
වැඩසටහන සංවිධානය හා මෙහෙය වීම දකුණු පළාත් අධ්‍යාපන අමාත්‍යාංශය ,පළාත් අධ්‍යාපන දෙපාර්තමේන්තුව ඒකාබද්ධවයි.
මෙම අවස්ථාවට දකුණු පළාත් අධ්‍යාපන අමාත්‍යාංශයේ ලේකම් රංජිත් යාපා මහතා,අධ්‍යාපන දෙපාර්තමේන්තුවේ අතිරේක අධ්‍යාපන අධ්‍යක්ෂක චිත්‍රා බමුණුසිංහ මහත්මිය,ගාල්ල කලාප අධ්‍යාපන අධ්‍යක්ෂක මදුශිනී වාසනා මහත්මිය,පරමානන්ද විද්‍යාලයේ විදුහල්පති ඩබ්ලිව් .ජී කරුණාරත්න මහතා ,සහකාර සැලසුම් විමලකීර්ති මහත්මිය,පරමානන්ද විද්‍යාලයේ නියෝජ්‍ය විදුහල්පතිවරුන් ආචාර්ය මණ්ඩලය ,පාසල් සංවර්ධන සමිතියේ නිලධාරීන් ,සිසු දරුවන් දෙමාපියන් ඇතුළු පිරිසක් සහභාගී වී සිටියහ ..
05/12/2023
ගාලු කොටුවේ සංචාරක කර්මාන්තය දියුණු කරන්න ශ්‍රී ලංකා යුධ හමුදාවෙන් පාපැදි ..
"ආඩම්බරයෙන් පදින්න" යන තේමාව මුලික කොටගෙන
ගාලු කොටුවේ සංචාරක කර්මාන්තය ප්‍රවර්ධනය කරනු වස් පාපැදියෙන් ගොස් කොටුව නැරඹීම,ව්‍යායාම් කිරීම ආදී කටයුතු සදහා පාපැදි යොදා ගැනීම වෙනුවෙන් ගාලු කොටුවේ පිහිටුවා ඇති
ශ්‍රී ලංකා යුධ හමුදා කදවුරේ ආපන ශාලාව අසල පාපැදි කුලියට ලබා දීමේ මධ්‍යස්ථානයක් ආරම්භ කළ අතර, ඒ වෙනුවෙන් සංවිධානය කළ කෙටි පාපැදි ධාවන තරගය ආරම්භ කිරීම 12/01 පස්වරුවේ දකුණු පළාත් ගරු ආණ්ඩුකාරවර ආචාර්ය විලී.ඩබ්ලිව් ගමගේ මැතිතුමාගේ ප්‍රධානත්වයෙන් සිදු කෙරිණි..
මෙම කෙටි පාපැදි ධාවන තරගය සදහා ශ්‍රී ලංකා යුධ හමුදාවේ 61 වන පාබල සේනාංකයේ ඉහළ නිලධාරීන් සහභාගී වූ අතර,
පාපැදි ලබා දීමේ මධ්‍යස්ථානය ගාලු කොටුවේ පිහිටුවා ඇති ශ්‍රී ලංකා යුධ හමුදා කදවුරේ ආපනශාලාව අසල ස්ථාපිත කොට ඇති අතර, ශ්‍රී ලංකා
යුධ හමුදාවේ පූර්ණ අධීක්ෂණය මත
උදෑසන 06.00 සිට පස්වරු 18.00 දක්වා මෙම වැඩසටහන ක්‍රියාත්මක අතර,මෙකී පාපැදියක් රුපියල් ලක්ෂ එකත් දෙකත් අතර ඉහළ මුදලක් වන අතර,
විදේශීය සංචාරකයන් සදහා පැයකට පාපැදියක් රුපියල් 350/=ක් වැනි මුදලකටත් ,
දේශීය සංචාරකයෙකුගෙන් පැයට රුපියල් 250/= ක් වැනි මුදලකටත් පාපැදි ලබා දීම සිදු කරනු ලබන අතර, පාපැදිය යම් දෝශයකට ලක් වුවහොත් ඒ පිළිබඳව දැනූවත් කිරීම සදහා දුරකථන අංකයක් ,ගාලු කොටුවේ සිතියම පාපැදියේ සදහන් Q ආර් කේතයක් මගින් ලබා ගැනීමට ද පහසුකම් ද සලසා ඇත .
ඔබත් පාපැදියක් වෙන් කර ගෙන අළුත් අත්දැකීමක් ගන්න,ගාලු කොටුවේ සුන්දරත්වය විදින්න පහත දුරකථන අංකයට 0742757370 ට ඇමතුමක් ලබා දෙන්න..
මෙම අවස්ථාවට 61 වන පාබල සේනාංකයේ සේනාධිපති මේජර් ජෙනරාල් ජනක රණසිංහ මහතා ,ගාල්ල දිසාව භාර නියෝජ්‍ය පොලිස්පති රොශාන් විජේසිංහ මහතා,කර්නල් සංජීව ගුණවර්ධන මහතා ,කර්නල් උශාන් ගුණවර්ධන මහතා,කර්නල් අජන්ත මෙන්ඩිස් මහතා,61 වන පාබල සේනාංකයේ සිවිල් සමාජ සම්බන්ධීකරණ නිලධාරී ලුතිනන් කර්නල් එරික් සොයිසා මහතා,ගාල්ල කොටුව කදවුරේ ගැමුණු හේවා බල ඇණියේ අණදෙන නිලධාරී මේජර් ලක්මාල් ද සිල්වා මහතා ඇතුළු ශ්‍රී ලංකා යුධ හමුදාවේ නිලධාරීන් ,විදේශීය සංචාරකයන් ඇතුළු පිරිසක් සහභාගී වී සිටියහ...
අද දෙරණ 6.55 ප්‍රධාන පුවත් විකාශය - 2023.12.02 | Ada Derana Prime Time News Bulletin
අද දෙරණ 12.00 මධ්‍යාහ්න පුවත් විකාශය - 2023.12.02 | Ada Derana Midday Prime News Bulletin
2023-12-02 | Rupavahini Sinhala News 12.00 pm | රූපවාහිනී 12.00 සිංහල ප්‍රවෘත්ති
01/12/2023
ගරු ආණ්ඩුකාරතුමාගේ සිව් වර්ෂ පූර්ණයට සමගාමීව ඔහුගේ ගම් ප්‍රදේශය වන අකුරැස්ස මලිදූව ග්‍රාමයට ආසන්න බෝලියද්ද ගමේ දිගිලි ඇල හරහා වැටී තිබුණු අබලන් වූ පාලම වෙනුවට නව පාලමක් ඉදි කිරීම සදහා මුල් ගල් තැබීම 11/30 ඊයේ දින දකුණු පළාත් ගරු ආණ්ඩුකාරවර ආචාර්ය විලී.ඩබ්ලිව් ගමගේ මැතිතුමාගේ ප්‍රධානත්වයෙන් මාතර දිස්ත්‍රික් සම්බන්ධීකරණ කමිටු ගරු සභාපති පාර්ලිමේන්තු මන්ත්‍රී නිපුන රණවක මැතිතුමාගේ සහභාගිත්වයෙන් පැවැත්විණි ..
වසර 04 ක් තිස්සේ ගම්වාසීන් අතර සහ පාලම සාදන නෙදර්ලන්ත අනුබද්ධ ෆෝසයිට් සමාගම අතර ඇතිවූ ගැටළු කීපයක් නිසා දිනෙන් දින පාලම සෑදීම ප්‍රමාද වූ මොහොතක ගරු ආණ්ඩුකාරතුමාගේ සෘජු මැදිහත්වීම මත සමාගමේ හිමිකාරත්වය (ෆෝසයිට්) සමග සිදු කරන ලද දුරකථන සාකච්ඡාවක ප්‍රතිඵල මත මාස 06 ක් වැටි කෙටි කාලයක් තුළ නෙදර්ලන්ත රජයේ මූල්‍ය ආධාර මත පාලම ඉදිකිරීමට නියමිතය ..
අබලන් පාලම ඉවත් කිරීම නිසා කොහුගොඩ ,ඉහළ මලිදූව ගමට පිවිසීමට සහ පිටවීමට මාර්ගයක් නොමැති නිසා ඒ සදහා විකල්ප මාර්ගයක් ලෙස දැල්ඔරුව මැද මලිදූව මාර්ගය කොරි පස් යොදා ඉක්මනින් සංවර්ධන කිරීමට අකුරැස්ස ප්‍රාදේශීය සභාවේ ලේකම්තුමාට ගරු ආණ්ඩුකාරතුමා විසින් උපදෙස් ලබා දෙන ලදී.
මෙම අවස්ථාවට වැඩමවා වදාළා පුවක්වත්ත විහාරස්ථානයේ විහාරාධිපති ස්වාමීන්වහන්සේ ප්‍රමුඛ වරක් ප්‍රමුඛ මහා සංඝරත්නය , පළාත් මාර්ග සංවර්ධන අධිකාරියේ ගරු සභාපති හිටපු දකුණු පළාත් සභා මන්ත්‍රී චම්ලි විතානාච්චි මහතා,දකුණු පළාත් සභා හිටපු ගරු මන්ත්‍රී චන්දන ප්‍රියන්ත මහතා,ගරු පාර්ලිමේන්තු මන්ත්‍රී කරුණාදාස කොඩිතුවක්කු මහතාගේ පෞද්ගලික ලේකම්තුමා,
හිටපු ප්‍රාදේශීය සභා ගරු මන්ත්‍රී චමින්ද මහතා,කොට්ඨාසය සංවිධායක අරුණ දේශප්‍රිය මහතා,අකුරැස්ස සහකාර ප්‍රාදේශීය ලේකම්තුමා ,අකුරැස්ස ප්‍රාදේශීය සභාවේ ලේකම්තුමා ,පළාත් මාර්ග සංවර්ධන අධිකාරියේ නියෝජ්‍ය සාමාන්‍යාධිකාරී (මාර්ග හා පාලම් )ගුණවර්ධන මහතා ඇතුළු නිලධාරීන්,මලිදූව ග්‍රාමසේවක මහත්මිය,ගම්වාසීන් ඇතුළු පිරිසක් සහභාගී වී සිටියහ ...
01/12/2023
ගරු ආණ්ඩුකාරතුමාගේ සංකල්පයක් යටතේ ක්‍රියාත්මක ගාල්ල අධ්‍යාපන කලාපයේ ගාල්ල,අක්මීමණ ,බද්දේගම ,හබරාදූව ,
කොට්ඨාසවට අයත් පාසල්වල විදුහල්පති මහත්ම මහත්මීන් සමග මෙවර අ.පො.ස (සා.පෙළ )2023 විභායට පෙනී සිටීමට නියමිත සිසු දරුවන්ගේ
ප්‍රතිඵල සංවර්ධනය සම්බන්ධව සිදු කරනු ලබූ විශේෂ සාකච්ඡාවක් 11/29 පස්වරුවේ දකුණු පළාත් ගරු ආණ්ඩුකාරවර ආචාර්ය විලී.ඩබ්ලිව් .ගමගේ මැතිතුමාගේ ප්‍රධානත්වයෙන් ගාල්ල කොටුව සවුත්ලන්ඩ් විද්‍යාලීය ශ්‍රවණාගාර පරිශ්‍රයේ දී පැවැත්විණි ..
මෙහිදී 2005 සිට 2021 වසර දක්වා ගාල්ල අධ්‍යාපන කලාපයේ පාසල්වල අ.පො.ස සා.පෙළ පසුගිය විභාගයන්හි ප්‍රතිඵල සමාලෝචනයක් සහ 2023 මේ වසරේ පාසල්වල පවත්වන ලද වාර විභාගයන්හි ප්‍රතිඵල සහ ඒ තුලින් අත්කරගෙන ඇති ප්‍රගතිය පිළිබඳවද සමාලෝචනයක් සිදු කරන ලදී...
මෙහිදී ගරු ආණ්ඩුකාරතුමා පැමිණ සිටි විදුහල්පති මහත්ම මහත්නීන්ගේ ගැටළු පිළිබඳව ද වෙන වෙනම ද සාකච්ඡා කළ අතර ඒ සදහා ද විසදුම් ලබා දුන් අතර,
සභාව අමතමින්
දරුවන්ගේ ප්‍රතිඵල සංවර්ධනය,
පාසල් කළමනාකරණය (ඟුරු ,විනය, දෙමාපියන් සහ වෙනත් බලපාන ගැටළු )ස්ථානමාරු ගැටළු..
ගමේ පාසල්වල විෂය පාදක ගුරුවරුන් හිගවීම , චිත්‍ර,දෙමළ ,ඉංශ්‍රීසි ,ගණිතය,රසායන විද්‍යාවට නෑ..
ඇත්තෙන්ම දකුණු පළාතේ ඟුරු හිගයක් නැත දරුවන් 16කට එක් ගුරුවරයෙකු ඉන්නවා..
පුහුණු ගුරුවරු විෂය පාදක ගුරුවරු තමයි හිග,
විශ්ව විද්‍යාලයේ වසර 3ක් ඉදල තවත් පුහුණු වෙන්න අවශ්‍යයි ගුරුවරයෙක් වෙන්න .
මේ සදහා වැඩපිළිවෙළක් සකසන්න.
අවශ්‍ය නම් ප්‍රතිපාදන දෙන්නම්.
දරුවන්ගේ ගැටළු ( දෙමාපියන්ගේ උනන්දුවක් නෑ) මේක ට අපි වගකියන්න ඕන.පාසල් පද්ධතිය විදුහල්පති ආචාර්ය මණ්ඩලය වගකියන්න ඕන .ඒ සදහා මුලාම්භයක් දෙන්න ඕන ඒ සදහා වැඩපිළිවෙළක් කඩිනමින් සකසන්න.
අවශ්‍ය දේ අපෙන් ඉල්ලන්න
ඒව අපි දෙන්න සූදානම් .
පාසල් දරුවන්ගේ විනය පිරිහිලා. මේ තත්වය යහපත් තත්වයට ගේන්න ඕන .දරුවන්ගේ අධ්‍යාපන අයාලයේ යාවි ඒ නිසා මේ දරුවන්ගේ යහපත අගය කරමු.
ඔබේ දේශපාලනය ප්‍රතිපත්තිය මා ගරු කරනව ඒ වගේම දරුවන් ගේ අධ්‍යාපනයත් අපිත් සුරකින ඕන..පහුගිය මාසෙ මම පාසල් සංවර්ධනයට
මිලියන 119 දුන්න.ඒ මුදල් වලින් හදිසි අළුත්වැඩියාවක් කර ගන්න යනුවෙන් වැඩිදුරටත් ප්‍රකාශ කළේය ...
වැඩසටහන සංවිධානය හා මෙහෙය වීම දකුණු පළාත් අධ්‍යාපන දෙපාර්තමේන්තුව ,ගාල්ල කලාප අධ්‍යාපන කාර්යාලය ඒකාබද්ධවයි...
මෙම අවස්ථාවට ආණ්ඩුකාර ලේකම් දීපිකා ගුණරත්න මහත්මිය,දකුණු පළාත් අධ්‍යාපන දෙපාර්තමේන්තුවේ අධ්‍යාපන අධ්‍යක්ෂක ඡන්න උපාලි වීරසේකර මහතා,අතිරේක අධ්‍යාපන අධ්‍යක්ෂක චිත්‍රා බමුණුසිංහ මහත්මිය,ගාල්ල කලාප අධ්‍යාපන අධ්‍යක්ෂක මදුශිනී වාසනා මහත්මිය,ගාල්ල කලාපයේ කොට්ඨාස අධ්‍යාපන අධ්‍යක්ෂකවරුන්,සවුත්ලන්ඩ් විද්‍යාලයේ විදුහල්පති සුමේධා කාරියවසම් මහත්මිය,ගාල්ල කලාපයේ පාසල්වල විදුහල්පති මහත්ම මහත්මීන් ඇතුළු පිරිසක් සහභාගී වී සිටියහ ....
29/11/2023
"වනිතා ප්‍රතිභා 2023"
"රුහුණු ලක වනිතා දැයට අභිමන් ගෙනෙනා" සංකල්පය යටතේ ක්‍රියාත්මක
ස්වයං රැකයා පුහුණුලාභී කාන්තාවන්ගේ නිර්මාණ ප්‍රදර්ශනය අද 11/29 පෙරවරුවේ දකුණු පළාත් ගරු ආණ්ඩුකාරවර ආචාර්ය විලී.ඩබ්ලිව් .ගමගේ මැතිතුමාගේ ප්‍රධානත්වයෙන් ගාල්ල නගර ශාලා පරිශ්‍රයේ දී විවෘත කෙරිණ...
මෙහිදී ගරු ආණ්ඩුකාරතුමා ප්‍රදර්ශනයේ සියළුම කුටි වෙත ගොස් කාන්තා ව්‍යවසායකයන් සමග සුහද පිළිසදරක නිරතවෙමින් ඔවුන්ගේ නිශ්පාදනයන් පිළිබඳව වූ ගැටළු පිළිබඳව ද සොයා බලන ලදී.
දකුණු පළාත් කාන්තා කටයුතු අමාත්‍යාංශයේ ව්‍යාපෘතින් හරහා වසර පුරා සිදු කරනු ලබන පුහුණු වැඩසටහන් වෙනුවෙන් දකුණු පළාතේ ප්‍රාදේශීය ලේකම් කාර්යාල මට්ටමින් තෝරා ගනු ලැබූ කාන්තා ව්‍යවසායකයන්ගේ විවිධ නිශ්පාදනයන් ( කේක්,බේකරි,ආහාර තාක්ෂණ ,ඉරටු ආශ්‍රිත නිශ්පාදන ,තිර රෙදි ,පාවහන්,විසිතුරු නිර්මාණ )ආදී අංශ වල ,නිශ්පාදන සහ නිර්මාණවල එකතුවක් ලෙස ,මෙම ප්‍රදර්ශනය හා අලෙවි සැල් ක්‍රියාත්මක අතර,
දකුණු පළාතේ ප්‍රාදේශීය ලේකම් කාර්යාලය 23 ක ව්‍යවසායකයන් තමන්ගේ නිශ්පාදන මෙහි ප්‍රදර්ශනයට සහ අලෙවි කිරීම වෙනුවෙන් තබා ඇති අතර ,හෙට 11/30 දිනයේත් දවස පුරා ප්‍රදර්ශනය හා අලෙවි සැල් විවෘතව පවතින අතර එය නැරඹීම සදහා සහභාගී වන මෙන්
සංවිධායක මණ්ඩලය
ඔබ සැමගෙන් ගෞරවයෙන් යුතුව ආරාධනා කරනු ලබයි....
වැඩසටහන සංවිධානය හා මෙහෙයවීම දකුණු පළාත් ක්‍රීඩා හා කාන්තා කටයුතු අමාත්‍යාංශයේ ලේකම්තුමා ඇතුළු නිලධාරීන් විසිනි..
මෙම අවස්ථාවට දකුණු පළාත් ප්‍රධාන අමාත්‍යාංශයේ ලේකම් ක්‍රිශාන්ත මහේන්ද්‍ර මහතා ,දකුණු පළාත් ක්‍රීඩා හා කාන්තා කටයුතු අමාත්‍යාංශයේ ලේකම් බිමල් ඉන්ද්‍රජිත් ද සිල්වා මහතා ,
අධ්‍යාපන දෙපාර්තමේන්තුවේ අතිරේක ලේකම් ශාමලී මහත්මිය,දකුණු පළාත් ක්‍රීඩා අධ්‍යක්ෂක එරන්දි උමංගා මෙනවිය, සංස්කෘතික අමාත්‍යාංශයේ සහකාර ලේකම් සකුන්තලා මධුවන්ති මහත්මිය,ක්‍රීඩා අමාත්‍යාංශයේ සහකාර ලේකම් අවංකා මුදලිගේ මහත්මිය
ඇතුළු ක්‍රීඩා හා කාන්තා කටයුතු අමාත්‍යාංශයේ රාජ්‍ය නිලධාරීන්,ව්‍යවසායකයන් ,මහ ජනතාව ඇතුළු පිරිසක් සහභාගී වී සිටියහ ..
29/11/2023
"දරුවන් ආයතනගත වීම වැළක්වීමේ ශිෂ්‍යධාර වැඩසටහන - 2023 "
යටතේ සිසු දරුවන් සදහා ශිෂ්‍යාධාර සංකේතාත්මකව බෙදා දීමේ උත්සවයක් ඊයේ 11/28 පස්වරුවේ
දකුණු පළාත් ගරු ආණ්ඩුකාරවර ආචාර්ය විලී.ඩබ්ලිව් ගමගේ මැතිතුමාගේ ප්‍රධානත්වයෙන් දකුණු පළාත් ආණ්ඩුකාර ලේකම් කාර්යාල ශ්‍රවණාගාරයේදී පැවැත්විණි ..
මෙහිදී ගාල්ල දිස්ත්‍රික්කයේ ශිෂ්‍යාධාර ලාභී දරුවන් 190 ක් අතරින් තෝරාගත් දරුවන් 30 කු වෙනුවෙන් සංකේතාත්මකව ශිෂ්‍යාධාර චෙක් පත් ප්‍රදානය ගරු ආණ්ඩුකාරතුමාගේ සුරතින් සිදුවිය ..
දකුණු පළාත් සමාජ සුබ සාධන, පරිවාස හා ළමාරක්ෂක සේවා දෙපාර්තමේන්තුව මගින් දකුණු පළාතේ දරුවන් හට සුරක්ෂිත හෙට දවසක් උදාකර දීම වෙනුවෙන් වැඩසටහන් රාශියක් ක්‍රියාත්මක කරනු ලබන අතර දරුවන්ගේ අයිතිවාසිකම් සුරක්ෂිත කිරීමත්, නොමග ගිය හා සමාජ අසාධාරණයන්ට ලක් වූ ළමුන් සඳහා රැකවරණය සපයමින් ඔවුන් සඳහා නිසි මග පෙන්වීම තුළින් විනය ගරුක මානව සමාජයක් බිහිකිරීම දෙපාර්තමේන්තු කාර්ය භාරය වේ.
ඒ අනුව දෙපාර්තමේන්තුව යටතේ දරුවන් වෙනුවෙන් සේවාවන් සපයන ආයතන රැසක් ඇත. අනාථ, අසරණ හා අතහල දරුවන් සඳහා රැඳවුම් නිවාස ස්ථාපිත කර ඇති අතර එම ආයතන සඳහා දරුවන් යොමු කිරීම විවිධ හේතුන් මත සිදු වේ. උසාවි නියෝග මත, භාරකරුවන් නොමැතිව, ආදී විවිධ හේතුන් මත මෙම නිවාස සඳහා දරුවන් යොමු කරන අතර නිසි අධ්‍යාපනයක් ලබා දීමට නොහැකි ආර්ථික අපහසුතා වලින් පෙලෙන පවුල් වල දරුවන් ද මෙසේ නිවාස ගත වන බව අනාවරණය වී ඇත.
ඒ අනුව 2023 වර්ෂය සඳහා අදියර 02 ක් වශයෙන් ශිෂ්‍යාධාර ලබාදීම සිදු කරන ලද අතර, ඒ අනුව ගාල්ල දිස්ත්‍රික්කයෙන් ශිෂ්‍යාධාරලාභීන් 190 ක්, මාතර දිස්ත්‍රික්කයෙන් 60ක් සහ හම්බන්තොට දිස්ත්‍රික්කයෙන් 152 ක් වශයෙන් ශිෂ්‍යාධාරලාභීන් 402 ක් සඳහා ශිෂ්‍යාධාර ලබාදීමට අපේක්ෂිතය. ඒ අනුව එක් ශිෂ්‍යාධාර ලාභියෙක් සඳහා රු. 18,000.00 බැඟින් ශිෂ්‍යාධාරලාභීන් 402 ක් සඳහා රු. මිලියන 7.2 ක මුදලක් දකුණු පළාතේ ආයතනගත වීමට අවධානමක් ඇති දරුවන්ගේ සුභසිද්ධිය සඳහා ශිෂ්‍යාධාර වශයෙන් ලබාදීමට නියමිතය.
මෙම අවස්ථාවට දකුණු පළාත් ක්‍රීඩා හා සංස්කෘතිය කටයුතු අමාත්‍යංශයේ ලේකම් බිමල් ඉන්ද්‍රජිත් ද සිල්වා මහතා,දකුණු පළාත් සමාජ සුබසාධන, පරිවාස හා ළමාරක්ෂක සේවා දෙපාර්තමේන්තුවේ පළාත් කොමසාරිස් රසිකා යූ. අයි. දිසානායක මහත්මිය ,ආණ්ඩුකාර සහකාර ලේකම් ජයන්ත මහත්මා ,ශිෂ්‍යාධාර ලාභී සිසු දරුවන් ,දෙමාපියන් ඇතුළු පිරිසක් සහභාගී වී සිටියහ..
28/11/2023
"භාව තරණ නෘත තරණ"
දකුණු පළාත් කෙටි නාට්‍ය හා නර්තන උළෙල 2023 අද පෙරවරුවේ 11/28 දකුණු පළාත් ගරු ආණ්ඩුකාරවර ආචාර්ය විලී.ඩබ්ලිව් ගමගේ මැතිතුමාගේ ප්‍රධානත්වයෙන් ගාල්ල හෝල්ඩිගෝල්ඩ් ශාලා පරිශ්‍රයේ දී පැවැත්විණි ..
මෙහිදී ගරු ආණ්ඩුකාරතුමාගේ සුරතින් කෙටි නාට්‍ය තරග,නර්තන තරග,රංග වස්ත්‍රාභරණ,රංගාලෝක කරණය,සංගීතය,
දකුණු පළාත් ප්‍රශස්ත ස්වකීය නාට්‍ය රචනය වෙනුවෙන් සම්මානලාභීන් වෙත සහතිකපත් හා කුසලතා සම්මාන ප්‍රදානය කෙරිණි...
දකුණු පළාත් ප්‍රශස්ත ස්වකීය නාට්‍ය රචනය තෙවන ස්ථානය "ජාතික වීරයා",දෙවන ස්ථානය "රතු ඉර",ප්‍රථම ස්ථානය "විකිණීමට ඇත." කෘති වෙනුවෙන් හිමිවිය..
වැඩසටහන සංවිධානය හා මෙහෙයවීම දකුණු පළාත් සංස්කෘතික හා කල කටයුතු අමාත්‍යාංශයේ ලේකම් බිමල් ඉන්ද්‍රජිත් ද සිල්වා මහතා ඇතුළු අමාත්‍යාංශයේ නිලධාරීන් විසිනි..
මෙම අවස්ථාවට ආණ්ඩුකාර ලේකම් දීපිකා ගුණරත්න මහත්මිය ඇතුළු දකුණු පළාත් සභාවේ සියළුම අමාත්‍යාංශ ලේකම්වරුන්,නාට්‍යවේදී ඩගලස් සිරිවර්ධන මහතා,ප්‍රවීණ නාට්‍යවේදී අජිත් ලොකුගේ මහතා,මහාචාර්ය ධම්මිකා ලංකාතිලක මහත්මිය,ජේෂ්ඨ කථිකාචාර්ය බුද්ධික රණවීර මහතා,කථිකාචාර්ය උත්පලා සූරියආරච්චි මහත්මිය ,සම්මාන ලාභීන්,මාධ්‍යවේදී මහත්වරුන් ඇතුළු පිරිසක් සහභාගී වී සිටියහ ..
27/11/2023
ආසියානු වෙළද කටයුතු වලදී දායකත්වය සැපයූ චීන සමූහාණ්ඩුවේ සේද මාවත පවත්නා කාල වකවානුවේ සිට පැවත එන
ශ්‍රී ලංකා චීන ,ෆූජියානු පළාත් දිගුකාලීන මිතුදම ශක්තිමත් කරමින් ෆූජියානු පළාතේ වාණිජ මණ්ඩලයේ
Mr. Huang Chaoshun. Vice President.
Mr. Lu Zengshan. Secretary General.
Myself Olu Zheng, Advisor of the Chamber දූත පිරිසක් අද 11/27 පස්වරුවේ ආණ්ඩුකාර ලේකම් කාර්යාලයේ දී දකුණු පළාත් ගරු ආණ්ඩුකාරවර ආචාර්ය විලී.ඩබ්ලිව් ගමගේ මැතිතුමා හමුවිය..
මෙහිදී දෙරටේ පළාත් දෙකේ දිගුකාලීන මිතුදම ශක්තිමත් කරමින් දකුණු පළාතේ දේශීය කර්මාන්ත ,ආර්ථිකය නගා සිටුවීම,සාගරික කලාපයේ උන්නතිය ,සංචාරක කර්මාන්තය ප්‍රවර්ධනය ,වැවිලි කර්මාන්ත ක්ශේත්‍රය නගා සිටුවීම ,ආයතන ඩිජිටල්කරණ ,AI තාක්ෂණය ලබා දීම වෙනුවෙන් අවශ්‍ය පූර්ණ සහයෝගය ලබා දීමට එකගතාවය පළ කළ අතර,
චීනයේ තේ කර්මාන්තයට තිර ප්‍රසිද්ධ ෆූජියානු පළාතේ තේ කර්මාන්තය වෙනුවෙන් යොදා ගනු ලබන නවීන තාක්ෂණය,ඔවුන් නිපදවනු ලබන කළු තේ,පිච්ච තේ වැනි විවිධ රස තේ නිශ්පාදනය කිරීමේ උසස් තාක්ෂණය දකුණු පළාතේ තේ කර්මාන්තය නගා සිටුවීම වෙනුවෙන් ලබා දීමට ද විශේෂ අවධානය යොමු විය.
දෙරටේ පළාතේ දෙකේ මිතුදම ශක්තිමත් කරමින් සමරුඵලක හුවමාරුවක්ද මෙහිදී සිදුවිය ..
මෙම අවස්ථාවට දකුණු පළාත් ආණ්ඩුකාර ලේකම් දීපිකා ගුණරත්න මහත්මිය ඇතුළු පිරිසක් සහභාගී වී සිටියහ..
18/11/2023
ආයු බෝ වේවා.!!
පස්වන විධායක ජනාධිපති මහින්ද රාජපක්ෂ මැතිදුනි,
ඔබතුමන්ට සුබ උපන් දිනයක් වේවා!!
17/11/2023
"ලෝකය අයිති කියවන්නාටය."
2023 ජාතික කියවීමේ මාසයට සමගාමීව සංවිධානය කරන්නට යෙදුණු සාහිත්‍ය තරගාවලියේ ත්‍යාග සහ සහතිකපත්‍ර ප්‍රදානෝත්සවය, දකුණු පළාත් ගරු ආණ්ඩුකාරවර ආචාර්ය විලී.ඩබ්ලිව් ගමගේ මැතිතුමාගේ ප්‍රධානත්වයෙන් ඊයේ 11/16 ගාල්ල නගර ශාලා පරිශ්‍රයේ දී පැවැත්විණි ..
ජාතික කියවීමේ මාසය වෙනුවෙන් ගාල්ල මහ නගර සභා සීමාව තුළ පාසල්වල දරුවන් වෙනුවෙන් සංවිධානය කරන්නට යෙදුණු සාහිත්‍ය තරගාවලියේ චිත්‍ර තරග,බිත්ති පුවත්පත්,කෙටි කථා,බැහැර දෙන අංශයේ හොදම පාඨකයා,ළමා අංශයේ හොදම පාඨකයා ආදී තරග වලින් ජයග්‍රහණය කළ පළමු ,දෙවන සහ තෙවන හා කුසලතා ලබා ගත් දරුවන් වෙනුවෙන් සහතික පත් සහ ත්‍යාග ප්‍රදානය සිදු වූ අතර,
අන්තර් විද්‍යාලීය රචනා තරගයෙන් (සිංහල,දෙමළ ,ඉංග්‍රීසි භාෂා තුනෙන් )ජයග්‍රහණය කළ දරුවන් වෙනුවෙන් සහතික පත් ප්‍රදානය ගරු ආණ්ඩුකාරතුමාගේ ප්‍රධානත්වයෙන් සිදුවිය ..
මෙහිදී දරුවන් වෙනුවෙන් ලබා දුන් ත්‍යාග 9 ක් සදහා ගාල්ල දිස්ත්‍රික් පාර්ලිමේන්තු මන්ත්‍රී දිස්ත්‍රික් සම්බන්ධීකරණ කමිටු ගරු සභාපති සම්පත් අතුකෝරළ මහතා ද දායකත්වය සපයා ඇත...
වැඩසටහන සංවිධානය හා මෙහෙය වීම ගාල්ල ආචාර්ය රිචඩ් පතිරණ මහජන පුස්තකාලයේ පුස්තකාලායාධිපතිතුමා ප්‍රමුඛ නිලධාරීන් සහ ගාල්ල මහ නගර සභාව ඒකාබද්ධවයි...
මෙම අවස්ථාවට වැඩමවා වදාළ පූජ්‍ය කලුමුල් දෙනියේ චන්ද්‍ර විමල නායක ස්වාමීන්වහන්සේ ,හිටපු ගරු නාගරික මන්ත්‍රී පරාක්‍රම දහනායක මහතා,ගාල්ල මහ නගර සභාවේ නාගරික කොමසාරිස් ආර්.එම්.ටී.කේ රස්නායක මහ්ත්මිය,දකුණු පළාත් අධ්‍යාපන දෙපාර්තමේන්තුවේ අතිරේක අධ්‍යාපන අධ්‍යක්ෂක චිත්‍රා බමුණුසිංහ මහත්මිය,හෘද කන්‍යාරාමයේ කන්‍යා සොහොයුරිය ඇතුළු අවට පාසල් වල විදුහල්පතිවරුන්,ආචාර්ය මණ්ඩලය ,සම්මානී විජේසිංහ මහත්මිය,නාගරික ලේකම්තුමා ප්‍රමුඛ නගරසභාවේ මාණ්ඩලික නිලධාරීන් ,රිචඩ් පතිරණ පුස්තකාලයේ හිටපු පුස්තකාලායාධිපතිතුමා,සම්මානයට පාත්‍ර වූ සිසු දරුවන් ඇතුළු පිරිසක් සහභාගී වී සිටියහ ..
Videos (show all)
