CeyloAyur

Pimple care pack

ජාත්‍යන්තර වෛද්‍ය විද්‍යාඥයින් ගේ අවධානය දිනාගත් පාරම්පරික ඔසුව
++++++++++++++++++++++++

කොවිඩ් රෝගයේ බරපතලකම අඩු කළ හැකි බවට පර්යේෂණ
===================

සෙම පිටකර පෙනහළු රකින ප්‍රතිකාරයට නැතුවම බැරි “වෙද මව”
********************************

අපේ දේශීය වෛද්‍ය ග්‍රන්ථ වල වෙදමව් ලෙස හැඳින්වූ ශ්‍රේෂ්ඨ ඖෂධය වංඇපල, ආඩතෝඩා, පාවට්ටා, අගල්ආදාර නමින් ගැනේ. වෛද්‍යමාතා යන සංස්කෘත වදනෙන් බිඳී ආ වෙදමව යන වදනෙන් පෙනෙනුයේ එය වෙදකමේ දී කොතරම් වටිනා ශාකයක් ද යන්නයි. ආයුර්වේදයේ වාසා, වාසක, වාසිකා, සිංහමුඛී, සිංහාස්‍යා, වෘෂා යන පර්යාය නාමයන්ගෙන් හදුන්වන මෙම ශාකය ශ්වසන පද්ධතියේ රෝග වලදී ඉතාමත් ගුණදායි ඔසුවකි. මෙම ඖෂධීය ශාකයේ පංචාංගයම හෙවත් කොළ, පොතු, මුල්, මල්, නැටි විවිධ ඖෂධ යෝගයන් සදහා භාවිතා කරන අතර විවිධ රෝගාවස්ථාවන්‍ට ප්‍රතිකාර කිරීමේදි මෙම ශාකයේ විවිධ කොටස් විවිධ අකාරයන්ගෙන් ප්‍රයෝජනයට ගැනේ. Justicia ahatoda L. යන උද්භිද විද්‍යාත්මක නාමයෙන් හදුන්වන ACANTHACEAE කුලයට අයත් මෙම ශාකය ඉංග්‍රීසි භාෂාවෙන් හදුන්වන්නේ Malabar nut යන නාමයෙනි. මෙහි ඇති විශේෂ ගුණය වන්නේ පෙනහළු වල සෙම ඉවත් කිරීම සහ එහි ක්‍රියාකාරිත්වය දියුණු කිරීම සඳහා වන හැකියාව වේ. දේශීය වෛද්‍ය ක්‍රමයේ දී පපුවේ සෙම් සහිත අවස්ථා වලදී යොදනු ලබන දළු අනුපාන වල ප්‍රධාන ඖෂධයක් වන්නේ ආඩතෝඩා දළු ය. එබඳු ඔසු ඉතා හොඳින් නිසි වෙලාවට නිසි පරිදි සකසා රෝගීන්ට දීමෙන් සාර්ථක ප්‍රතිඵල ලැබෙන බව අත්දැකීමෙන් දනිමු.

මෙම ශාකයේ ඖෂධීය ගුණයට උපකාරී වන රසායනික සංඝටක රාශියක් තිබෙන බව තහවුරු කර ගෙන ඇත. ශාකයේ වායව කොටස් වල Triterpenoid, 3a-hydroxy-D-friedoolean-5-ene, Epitaraxerol, Peganidine යන සංඝටක ද Quinazoline, Alkaloids, Anisotine, 3-hydroxyanisotine, Vasicolinone, Vasicoline, Vasicine,Vasicinone, Betaine ඒවා පත්‍ර වල ද අන්තර්ගතය. අමතරව isoquinoline 1-phenyl-2-methyl-6, 7-dimethoxy-1,2,3,4-tetrahydroisoquinoline, b-sitosterol, tricontane, linolenic, arachidonic,linoleic, palmitic & oleic acids පවතින බව තහවුරු වී ඇත. මූල පද්ධතියෙහි vasicinol, 6-hydroxypeganine, vasicinine, tritriacontane, alkaloids -9-acetamido-3, 4-dihydropyrido-(3,4b)-indole & deoxyvascicinone අඩංගු වන අතර මල් වල vasicine, vasicinine, tritriacontane, α-amyrin, β-sitosterol, glucoside වන luteolin, quercetin, kaempferol, kaempferl-3-β-D-glucoside &kaempferol-3-sophoroside අඩංගු වේ. මෙම සංඝටක වල මට්ටම කාලය හා දේශය අනුව වෙනස් වන බව ද පෙනී ගොස් තිබේ. ඒ අනුව ඖෂධ සඳහා මේවායේ අංග නෙලා ගැනීමේදී අපේ පාරම්පරික දැනුමෙන් ලබා දෙන උපදෙස් අනුගමනය කිරීමෙන් ඖෂධයේ උපරිම ගුණය සලසා ගත හැකිය.

වාසක පැණිය හෙවත් ආඩතෝඩා ශාකය ඇසුරෙන් කැස්ස සහ පෙනහළු රෝග සඳහා නිපදවන නිෂ්පාදනයක් 1955 දී ඉන්දියානු ආයුර්වේද ඖෂධ සංග්‍රහයේ ප්‍රසිද්ධ කරනු ලැබීය. ආඩතෝඩා ශාකයෙන් ලබා ගන්නා vasicinone රසායනිකය 2,3-(α-hydroxytrimethylene)-4 quinazolone නම් සංයෝගය හා සමාන බවත් ඒ සඳහා 1957 නොවැම්බර් 27 වැනි දින ඉන්දියානු පේටන්ට් බලපත්‍ර අංක 62349 ලබා ගෙන ඇති බවත් Nature සඟරාව 1959 ඔක්තෝබර් මාසයේ දී පෙන්වා දුන්නේය. මෙම රසායනික සංඝටකය පෙනහළු වල ශ්වාස නාලිකා ප්‍රසාරණය කරන (bronchodialator) ක්‍රියාව සහිත බව සොයාගෙන තිබේ. 1963 දී Vasicinone. A Bronchodilator Principle from Adhatoda Vasica Nees (N. O. Acanthaceae) නමින් පළවූ පත්‍රිකාවක් මගින් මේ සම්බන්ධයෙන් විද්‍යාත්මක කරුණු රැසක් අනාවරණය විය (J. Org. Chem. 1963, 28, 2, 445–448). මෙහි දීර්ඝ රසායනික නාමය ලෙස පිළිගැනෙනුයේ bromhexine hydrochloride (N-cyclohexyl-N-methyl-(2-amino-3,5-dibromo-benzyl)amine hydrochloride) යන්නයි.

1961 දී පේටන්ට් බලපත්‍රය ලබා ගත් Bromhexine නම් ඖෂධය නිපදවනු ලබන්නේ මේ ශාකයේ vasicinone නම් උපක්ෂාරයෙන් වේ. එහි ශ්ලේෂමනාශක ක්‍රියාව (mucolytic) සිදුවන්නේ පෙනහළු වල සෙම දිය කොට පිටතට ගෙන ඒමේ කඵනිස්සාරක (expectorant) ගුණය නිසාය. ඒ අනුව පසුගිය කාලයේ Barkacin, Benadryl, Chesty/Forte, Bisolex, Bisolvon, Brofentol, Brofentol Plus, Bromex, Bromhexin, Broncholyte Elixir, Cofdex, Duro-Tuss Chesty/Forte, Dysolvon, Flegamina, Movex, Mucolyte, Paxirasol, Robitussin Chesty/Forte, Solvex, Vasican, Ventilate Forte ආදී නම් වලින් වෙළෙඳපොළට පැමිණ තිබේ. එසේම මෙහි ක්‍රියාකාරිත්වය සම්බන්ධයෙන් විවිධ පර්යේෂණ සිදු කොට තිබේ. කොවිඩ් රෝගය සමඟ යළිත් මෙම ඖෂධය සම්බන්ධයෙන් ලෝකයේ අවධානය යොමු වෙමින් තිබෙනුයේ පෙනහළු වල සෙම එකතුවීමෙන් ඇතිවන හුස්මගැනීමේ අපහසුතා වැළැක්වීමේ ලා මෙහි බලපෑම කෙසේද යන්න සොයා බැලීමටය.

ආයුර්වේද වෛද්‍ය ක්‍රමයේ දී ඉතා බහුලව භාවිතා කරන මෙම ශාකය බොහෝ සෙයින් වෙනත් ඔසු සමඟ එකතු කොට වට්ටෝරු වල අන්තර්ගත වේ. ඒවායේ බලපෑම සිදුවන්නේ තනි ක්‍රියාකාරී සංඝටකයක් මත නොව ඉතා විශාල සංඛ්‍යාවක් වන රසායනික සංයෝග වල සාමුහික එකතුවෙනි.
1969 වර්ෂයේ දී ලෝකයේ ප්‍රකට වෛද්‍ය සඟරාවක් වන Lancet හි පළ වූ පර්යේෂණයකින් වාර්තා වූයේ ඇදුම රෝගීන් ගේ හුස්ම ගැනීමේ ධාරිතාව වැඩි කිරීමේ ලා එම ඖෂධයේ සැලකිය යුතු බලපෑමක් තිබෙන බවය (Effect of Bromhexine on Ventilatory Capacity in Patients with a Variety of Chest Diseases. 294(7630): 1094-1096). එසේම 1970 දී එබඳුම පර්යේෂණයක් එම සඟරාව Double-Blind Clinical Trial of Bromhexine as a Mucolytic Drug in Chronic Bronchitis. 295(7644): P448-450). එම වර්ෂයේ දීම බ්‍රිතාන්‍ය වෛද්‍ය සඟරාවේ ද (Expectorant Action of Bromhexine in Chronic Obstructive Bronchitis. Br Med J. 1970 Aug 1; 3(5717): 260–261). 1974 වර්ෂයේ දී British Journal of Diseases of the Chest සඟරාව පළ කළ Bromhexine and mucociliary clearance in chronic bronchitis යන අධ්‍යයනය මගින් ද එහි බලපෑම පෙන්වා දී තිබේ. එම සසඟරාවම 1975 දී පළ පර්යේෂණයක් අනුව ශල්‍ය කර්ම වලින් පසුව ඇති වන නියුමෝනියා තත්වය වැළැක්වීම සඳහා මෙම ඖෂධය යෙදිය හැකි බව පෙනී ගොස් තිබේ (Br J Dis Chest 1975 Jul;69:195-8). Med J Aust . 1976 දී පළ වූ අධ්‍යයනයක් පෙන්වා දුන්නේ චිරකාලීන ශ්වාස නාලිකා ප්‍රදාහය සඳහා සාර්ථක ප්‍රතිඵල අත්කර දෙන බවයි (Apr 24;1(17):612-617).

මෑතකදී කළ පර්යේෂණයකින් හෙළි වූයේ Bromhexine වලින් දැඩි සත්කාර ඒකකයට ඇතුළත් කිරීමේ ප්‍රතිශතය 28.2% සිට 5.1% දක්වා අඩු කර ගත හැකි වූ බවය. එසේම මරණ අනුපාතිකය ද 12.8% සිට බින්දුව දක්වා අඩු කිරීමට ද හැකි විය. හතිය සහ කැස්ස පිළිවෙලින් සාමාන්‍ය රෝගීන් කණ්ඩායමේ පිළිවෙළින් 48.3% ක් සහ 40% ක් වූ නමුත් ඖෂධය දුන් කණ්ඩායමේ එය 3.4% ක් සහ 6.9% ක් විය. තෙහෙට්ටුව ඖෂධය නුදුන් අය අතර 34.5% ක් ද ඖෂධය ලබා ගත් අය අතර 6.9% ක් ද විය. lactate dehydrogenase (LDH) සහ c-reactive protein (CRP) මට්ටම ද සලකිය ආකාරයෙන් අඩු කිරීමට ද මෙම ඖෂධයට හැකි විය (Effect of bromhexine on clinical outcomes and mortality in COVID-19 patients: A randomized clinical trial. Bioimpacts. 2020; 10(4): 209–215). මේ වසරේ මාර්තු මාසයේ දී සිදු කළ පර්යේෂණ සමාලෝචනයක් මගින් පෙන්වා දී ඇත්තේ මෙම ඖෂධය කොවිඩ් රෝගයේ පෙනහළු ගත ලක්ෂණ බරපතල වීම යම් තාක් දුරකට පාලනය කරන බවත් උග්‍ර රෝග ලක්ෂණ ඇති විට එමගින් ජීවිත අවදානම වැළැක්වීම ගැන සහතිකයක් දීම උගහට බවය.

2017 දී Multidisciplinary Respiratory Medicine හි පළ වූ පත්‍රිකාවක් මගින් හෙළි වූයේ vasicinone මගින් පෙනහළු ගර්ත තුළ දෙවැනි කාණ්ඩයේ සෛල (type II alveolar cells) තුළ වන ආස්තීර්ණ දේහ (lamellar bodies) නම් ව්‍යුහයන් ගේ ක්‍රියාව දියුණු කරන බවයි (A reappraisal of the mucoactive activity and clinical efficacy of bromhexine). මෙම ශාකයේ අඩංගු vasicine මගින් බැසොෆිල් සෛල වල ඉන්ටර්ලියුකින් (IL-4 සහ IL-13) ශ්‍රාවය අඩු කරන හෙයින් අසාත්මිකතා වලදී යෙදිය හැකි බව 2011 දී වාර්තා විය. අනාදිමත් කාලයක පටන් ආයුර්වේදයේ ශ්වාස කාස ආදී ශ්වසන මාර්ගයේ ආබාධ වලට සහනය සැලසූ ආඩතෝඩා ශාකයේ ඖෂධීය ගුණ නවීන පර්යේෂණ වලින් ඔප්පු වෙමින් පවතින්නේ එලෙසින්ය. මීට මාස කිහිපයකට පෙර පළ වූ වාර්තාවකින් හෙළි වූයේ ස්ටෙරොයිඩ් වලට ප්‍රතිරෝධී ඇදුම තත්වයන් පාලනය කිරීමට මෙම ශාකයට හැකි බවය (Adhatoda vasica rescues the hypoxia-dependent severe asthma symptoms and mitochondrial dysfunction. Am J Physiol Lung Cell Mol Physiol. 2021. 1;320(5):L757-L769).

එසේම කොවිඩ් හා සමාන රෝග තත්ව වලදී පෙනහළු තුළ සිදුවන ප්‍රදාහ තත්වය සහ හුස්ම ගැනීමේ අපහසුව අඩු කිරීමට මෙම ඖෂධයේ ඇති හැකියාව මේ වසරේ මීයන් ආශ්‍රිතව කළ සිදු කළ පර්යේෂණයකින් හෙළි වී තිබේ (Adhatoda Vasica attenuates inflammatory and hypoxic responses in preclinical mouse models: potential for repurposing in COVID-19-like conditions. Respir. Res. 2021. 6;22(1):99). පෙනහළු වල ආසාදන වලට හේතු වන හෝ ආසාදන නිසා නිපදවන සෙම් කොටස් ඉවත් කිරීමට එහි ක්‍රියාකාරිත්වය වැඩි දියුණු කිරීමට අවශ්‍ය ඖෂධීය ගුණයට අදාළ රසායනික සංඝටක වල ක්‍රියාව මෙම පර්යේෂණ වල එක් අරමුණකි. ඒ අනුව තීව්‍ර ශ්වාස නාලිකා ප්‍රදාහය මෙන්ම චිරකාලීන තමකශ්වාසය (ඇදුම රෝගය) පාලනය කිරීමට ද මෙම ශාකයේ බලපෑම ඉතා පැහැදිලිව විද්‍යාත්මකව සනාථ කර තිබේ. විශේෂයෙන් ම සෙම් කොටස් දියකර හැරීමෙන් ගර්ත සහ ශ්වාස නාලිකා පිරිසිදු කිරීම ඒ හරහා සිදුවේ.

කොවිඩ්-19 රෝගයට හේතුවන SARS-CoV-2 වෛරසය ධාරකයාගේ සෛල වලට බන්ධනය වූ පසු සෛලය තුළට ඇතුළු වීමට උපකාරී කරගන්නා transmembrane serine protease 2 (TMPRSS2) නම් ප්‍රෝටීනය අවහිර කිරීමේ හැකියාවක් මෙම vasicinone වල ඇති බව ගිය වසරේ දී කළ පර්යේෂණයකින් පෙනී ගොස් තිබේ (Possible use of the mucolytic drug, bromhexine hydrochloride, as a prophylactic agent against SARS-CoV-2 infection based on its action on the transmembrane serine protease 2. Pharmacol Res 2020;157:104853). ඒ අනුව මෙම ඖෂධය කොවිඩ් -19 රෝගයේ මුල් අවස්ථාවේ දී ලබා දීමෙන් සාර්ථක ප්‍රතිඵල අත් කර ගත හැකි බව පෙන්වා දී ඇත (Bromhexine Hydrochloride: Potential Approach to Prevent or Treat Early Stage Novel 2019 Coronavirus Disease. J. Infec. Dis. Epid. 2020 6:135). මේ වසරේ පළ වූ පත්‍රිකාවක් අනුව කොවිඩ් -19 රෝගයට ගොදුරු වූ කුඩා දරුවන්ට ප්‍රතිකාර කිරීමේ දී පහසුවෙන් යෙදිය හැකි ඖෂධයක් ලෙස හඳුන්වා දිය හැකිය (Re-recognizing bromhexine hydrochloride: pharmaceutical properties and its possible role in treating pediatric COVID-19. European Journal of Clinical Pharmacology 77:263).

කොවිඩ් -19 රෝගයට අදාළව bromhexine යොදා ගැනීමට සායනික පර්යේෂණ 8 ක් මේ වන විට යම් සතුටුදායක ප්‍රතිඵල පෙන්වා ඇති අතර ඒවා තවදුරටත් දියුණු මට්ටමට ගෙන් එමින් පවතී. එසේම මෙම ඖෂධය කොවිඩ් සඳහා ප්‍රතිකාරයක් ලෙස ප්‍රචාරය කිරීමෙන් පසුව බොහෝ රටවල ජනතාව මෙය මිළදී ගත් අතර එය විශාල රැල්ලක් බවට පත් විය. එහෙත් අපේ රටේ මේ ඖෂධයට පාදක වන නියම ආඩතෝඩා බහුලව තිබෙන හෙයින් ඊට අදාළ ඔසු නිර්මාණය කර ගැනීම අපහසු නොවේ. එසේම අපේ විද්‍යාඥයින් අපේම පාරම්පරික ඔසු වලින් මේ ආකාරයේ ප්‍රබල නිෂ්පාදන සඳහා අවශ්‍ය පර්යේෂණ සිදු කිරීම ද කාලීන අවශ්‍යතාවක් බවට පත්ව තිබේ. ඒ සඳහා මෙම වසංගතය ඉතා සුදුසු කාලයක් බව ඉතා හොඳින් පෙනේ. විශේෂයෙන්ම කොවිඩ් රෝගයට සාර්ථක ප්‍රතිඵල ලැබෙන ආයුර්වේද ප්‍රතිකාර පිළිබඳව පර්යේෂණ සිදු කිරීම ජාතික වැඩසටහනේ ප්‍රමුඛතාව ලබාදිය යුතුය. හුදු ශාකමය ඖෂධ වල රසායනික සංයුතිය පරීක්ෂා කිරීම පමණක් නොව ඒවායේ ඖෂධීය ක්‍රියාකාරිත්වය ද නිසි ක්‍රමවේද ඔස්සේ සනාථ කිරීම විද්වත් සමාජයේ වගකීමකි.

වෛද්‍ය ඩැනිස්ටර් එල්. පෙරේරා

දැඩි සත්කාර ඒකකයට නොගිහින් ජීවිතය බේරාගන්නේ කෙසේද?
============================

කොවිඩ් රෝගය බරපතල නොවීමට දේශීය ප්‍රතිකාර තිබේද?
++++++++++++++++++++++++++++

ගෙදර ඉන්න ආසාදිතයින් සුවකර ගන්න ක්‍රමයක් නැද්ද?
****************************************

ලැබෙන වාර්තා අනුව වසංගතය ක්‍රමයෙන් අපේ දොරකඩට පැමිණ තිබේ. දිනෙන් දින වාර්තා වන දෛනික ආසාදිතයින් සංඛ්‍යාව ඉහළ යමින් පවතී. නිරෝගී මිනිසුන් කොවිඩ් නිසා මියයන අවස්ථා අපිට අසන්නට ලැබේ. මේ තත්වය දිගටම පැවතුන හොත් මරණ සංඛ්‍යාව ද ඉතා ඉහළ යනු ඇතැයි වෛද්‍ය විශේෂඥයින් දැනටමත් අනතුරු හඟවා ඇත. 28% ක් මරණ සිදු වී ඇත්තේ නිවසේදී හෝ රෝහලට ගෙන යන අතර මගදී ය. රෝහල් ධාරිතාව ඉක්මවා ගොස් ආසාදිතයින් නිවෙස් වල රඳවන තත්වයක් උදාවී තිබේ. දැඩි සත්කාර ඒකක වල ඇඳන් සංඛ්‍යාව ප්‍රමාණවත් නොවන නිසා රෝගීන් ගේ ජීවිත අවදානමට ලක් වන අවස්ථා ද වාර්තා වේ. අඛණ්ඩව සේවයේ යෙදීමෙන් ඇති වූ වෙහෙස නිසාත් කොවිඩ් ආසාදනයට නිරාවරණය වූ අය නිරෝධානය වෙමින් හෝ ප්‍රතිකාර ලබමින් සිටින නිසාත් සෞඛ්‍ය කාර්ය මණ්ඩල වල හිඟයක් ද පවතී. එසේම රෝගයේ පැතිරීම වැඩි නිසා පරීක්ෂණ ප්‍රමාදය හා මගහැරීම් සිදුවීම ද බහුලව සිදුවේ. මේ සියල්ලේ ප්‍රතිඵලය කුමක් ද?

1. ආසාදිතයින් නිවෙස් වල තබා ගැනීමට සිදුවීම
2. නිවසේ සිටින අනෙකුත් අයට ද රෝගය ආසාදනය වීම
3. රොගීන් නිවෙස් තුළම බරපතල තත්වයට පත්වීම
4. සමහර විට රෝගීන් නිවෙස් තුළ මරණයට පත්වීම

දැන් අපි දකින්නේ ඊයේ ආසාදිතයින් ගේ සංඛ්‍යාව නොව ඊට දවස් කිහිපයකට පෙර තහවුරු කළ ආසාදිතයින් ගේ සංඛ්‍යාව වේ. එනිසා සමාජයේ ඇත්ත වශයෙන්ම වාර්තා නොවූ ආසාදිතයින් ගේ සංඛ්‍යාව එමෙන් තුන් හතර ගුණයක් විය හැකි බව විශේෂඥ මතයයි. ඒ නිසා පරීක්ෂණ මගින් තහවුරු නොකළ රෝගීන් ඔබේ නිවසේ ද සිටිය හැකිය. ඔබේ අවට සිටින ඕනෑම කෙනෙක් කොවිඩ් ආසදිතයෙක් විය හැකිය. කොවිඩ් ආසාදනය වී රෝග ලක්ෂණ ඇතිව හෝ නැතිව සිටින පුද්ගලයින් ගේ ශරීර ප්‍රතිශක්තිය නිසි ලෙස පවත්වා ගැනීම ඉතාම වැදගත්ය. නිවෙස් වල සිටින ආසාදිතයින් ගේ තත්වය බරපතල නොවීමට ප්‍රාදේශීය ආයුර්වේද ප්‍රජා සෞඛ්‍ය නිලධාරීන් ගේ මෙහෙයවීමෙන් සහ සුදුසුකම් ලත් දේශීය වෛද්‍යවරුන් ගේ අනුදැනුම යටතේ දේශීය වෛද්‍ය ක්‍රම වල සහය ලබාගැනීම කාලෝචිතය. විශේෂයෙන්ම අවදානම් නොවන රෝගීන් හඳුනාගෙන ඔවුන් ගේ රෝග ලක්ෂණ පාලනය කිරීමේ සාර්ථක දේශීය වෛද්‍ය ප්‍රතිකාර ක්‍රම යොදා ගැනීම හරහා ඉදිරියේදී රෝහල් වල දැඩි සත්කාර ඒකක වල තදබදය හා ඔක්සිජන් හිඟයට ද යම් විසඳුමක් වනු ඇත.

මේ තත්වය ජනතාව ගේ සිත් තුළ බිය, සාංකාව හා ආතතිය ඇතිකිරීමට හේතුන් වේ. ආශ්‍රිතයෙකු බව දැනගත් පසුව පීසීආර් පරීක්ෂණයකට ලක් කරන්නට දින දෙකක් ගත වේයැයි උපකල්පනය කළ හොත් එහි ප්‍රතිඵල ලැබීමට ද තවත් දින දෙක තුනක් ගත වේ. එසේම ප්‍රතිඵලය ධනාත්මක නම් රෝහලකට යැවීමට ද තවත් දින දෙකක් ගත වේ. මේ අනුව මේ ක්‍රියාවලියට අවම වශයෙන් ගතවන කාලය සතියකි. සාමාන්‍යයෙන් දින 10 ක් වුවත් ගත වීමට ඉඩ තිබේ. මේ කාලය තුළ රෝගය වෙනත් අයට පැතිරීම මෙන්ම රෝග ලක්ෂණ බරපතල වීම ද සිදුවිය හැකිය. එනිසා මෙම දින කිහිපය තුළ ලැබෙන ප්‍රතිකාර මගින් ආසාදිතයෙකු ගේ තත්වය බරපතල නොවී තබා ගැනීමට හැකි වනු ඇතැයි අනුමානයක් තිබේ. එහිදී දේශීය වෛද්‍ය ක්‍රමයේ පිහිට ලබා ගැනීම එක් සාර්ථක විකල්පයකි. ඒ අනුව යම් පුද්ගලයෙකු ආශ්‍රිතයෙක් වූ අවස්ථාවක රෝහල් ගත කිරීමක් දක්වා නිවසේ රැඳී සිටින අවස්ථාවක රෝගය බරපතල නොවීම හා අන් අය ආරක්ෂා කරගැනීම සඳහා පිළිපැදිය යුතු සෞඛ්‍ය උපදෙස් හා දේශීය වෛද්‍ය ප්‍රතිකාර කිහිපයක් පහත දැක්වේ.

පොදු ප්‍රතිකාර
-------------
ආයුර්වේද දෙපාර්තමේන්තුව මගින් බෙදා දෙන ගුඩූච්‍යාදී චූර්ණය තේ හැඳි භාගයක් උණුවතුරෙන් දිනකට තුන් වරක්
සුදුළූණු, වියළි ඉඟුරු, ගම්මිරිස්, තිප්පිලි, සාදික්කා, එනසාල්, වියළි කහ, කුරුඳු පොතු, වෙනිවැල් ගැට, කොත්තමල්ලි, අරත්ත අල, යකිනාරන් කොළ, වියළි මදුරුතලා කොළ සමානව ගෙන, ආඩතෝඩා පංචාගය එයින් බරට බරක් දමා සියුම්ව කුඩු කර සුළං නොවැදෙන ලෙස භාජනයක තබා ගන්න. දිනකට තුන්වරක් තේ හැඳි එකක් උණුවතුරෙන්
ආඩතෝඩා මුල් ග්රෑම් 5 කට කළුමදුරුතලා කොළ 21 ගම්මිරිස් ඇට 5 ක් දමා වතුර කෝප්ප 8-2 ට සිඳ උදේ සවස බීම
සාදික්කා ඇට මද, වියළි ඉඟුරු, බැද ගත් කොත්තමල්ලි ග්‍රෑම් 100 බැගින් ගෙන වතුර මිලි ලීටර් 960 ක් දමා 4-1 ට සිඳ (මි.ලි. 240 කට) නිවුණු පසු ඊට සමාන ප්‍රමාණයක් (මි.ලි. 240 ක්) මීපැණි දමා මේස හැඳි 2 ක් බැගින් දිනකට දෙවරක්

කැස්ස ඇති විට
-------------
ඇඹුල් දොඩම්, ඉඟුරු ඉස්ම, සීනි, මීපැණි ඉස්ම 4:3:2:2 අනුපාතයට මිශ්‍ර කොට සාදාගත් ද්‍රාවණය බෝතලයක දමා තබා ගෙන දිනකට තුන්වරක් තේ හැඳි එකක් බැගින්
ආඩතෝඩා මල් වියළා තේ මෙන් පානය කිරීම

වියළි කැස්ස ඇති විට
------------------
ඇඹුල් දොඩම්, කප්පරවල්ලිය ඉස්ම හා මීපැණි 3;2;1; අනුපාතයට දමා තේ හැඳි 2 බැගින් දිනකට තුන් වරක්

උගුරේ සෙම පැටලීමට
-----------------
අමු ඉඟුරු පෙති කපා මී පැණි දමා සපා ගිලීම
ගම්මිරිස් හා ලුණු කුඩු උණු වතුරට දිය කර දෙහි ඇඹුල් දමා උගුර සෝදන්න

හුස්ම ගැනීම අපහසු විට
---------------------
කුඹූරු දළු, නික දළු, අමුඉඟුරු සහ සුදු ළුනු කොටා කොටා පොට්ටනි බැඳ වණ්ඩුවේ තම්බා මිරිකා මීපැණි දමා තේ හැඳි 2 බැගින්
එළබටු දළු, ආඩතෝඩ දළු, නික දළු, කිරි අඟුන දළු කොටා පොට්ටනි බැඳ වණ්ඩුවේ තම්බා මිරිකා ඇඹුල් දොඩම් යුෂ දමා තේ හැඳි 2 බැගින්
ඉඟුරු සුදුළූණු ඉස්ම මීපැණි සමඟ 3:2:1 අනුපාතයට මිශ්‍ර කොට තේ හැඳි 2 බැගින් දිනකට කීපවරක් (බඩේ දැවිලි සහිත රෝගීන් නොගත යුතුයි.)
සර්ෂපාදී තෛලය පපුවේ දෑලවර ආලේප කිරීම හෝ අබතෙලට වන්ඩු කපුරු දමා රත්කර ආලේප කිරීම හෝ කපුරු තෙල් ස්වල්පයක් ආලේප කිරීම
කොලශ්ලෙෂ්මා තෛලය පපුවේ ආලේප කරන්න. ගම්ම්රිස් කොළයක් හෝ බුලත් කොළයක් රත් කර තවන්න. නාසය දෙපස, කන් දෙක මුල හා බෙල්ලේ පිටතින් ආලේප කරන්න.

දෑලවර වේදනාවට
----------------------
පපුවේ සෙම සහිත නොවන දෑලවර වේදනාව ඇතිවිට සිද්ධාර්ථ තෛලය පපුවේ ආලේප කරන්න. බැවිල, එඬරු මුල් සමඟ සුදුළූණු බික් දෙක තුනක් ගම්මිරිස් ඇට කිහිපයක් තැම්බූ වතුරෙන් බිංදු කිහිපයක් බීමට දීම සුදුසුය.

වේදු පෑමට
--------
දෙහි කොළ, දෙහි ලෙලි, යකිනාරන් කොළ, කොත්තමල්ලි, නික කොළ, කප්පරවල්ලිය, ඉරිවේරිය, මදුරුතලා වැනි දේ එකතු කොට වාෂ්ප මුට්ටිය සකස් කරගන්න. දිනකට වරක් හෝ දෙවරක් පාවිච්චි කරන්න.

හිසේ කැක්කුමට
-------------
නිර්ගුණ්ඩ්‍යාදී තෛලය හිසට දමන්න.

සාමාන්‍ය උණට
----------
ඉඟුරු, කොත්තමල්ලි, පත්පාඩගම්, වෙනිවැල්ගැට, සුදුළූණු තැම්බූ වතුර පානය කිරීම

උණ සමඟ අරුචිය හෝ ඔක්කාරය ඇති විට
------------------------------
ඉඟුරු කොත්තමල්ලි තිප්පිලි පේයාව (විළඳ පොරි දමා) දිනකට දෙවරක්
වමනය හෝ පාචනය ඇති විට
සූදුරු කබලේ බැද තේ මෙන් පානය කරන්න.
අමු ඉඟුරු, ඉරිවේරිය කොටා වණ්ඩුවේ තම්බා මිරිකා බීමට දෙන්න. එසේ නැතහොත් ඒවා කොටා ඉස්ම මදක් රත් කර දෙන්න. තිබේ නම් වරකට වර්තිකාව 4 ක් හෝ නවරත්න කල්කය මදට 2 ක් ඒ සමඟ දෙන්න.
බැදි හාල් සමඟ කළාඳුරු අලයක් හා සුදුළූණු බිකක් ගම්මිරිස් ඇට දෙක තුනක් අමු ඉඟුරු කැබැල්ලක් එකතු කොට කැඳ සාදා බොන්න
වියළි ඉඟුරු එක ගුණයක් බැදගත් කොත්තමල්ලි දෙගුණයක් සමඟ මිශ්‍ර කොටා අතරට තේ වෙනුවට පාවිච්චි කරන්න.

විශේෂ
-----
ආසාදිතයින් සිටින කාමරය තුළ කොහොඹ තෙල් පහනක් දල්වන්න.
දුම්මල හෝ වෙනත් දුම් කුඩු වර්ග යොදා ගෙන දුම් කබල් වලින් රෝගියා සිටින කාමරය තුළ දුම් ඇල්ලීමෙන් වළකින්න.
හිරු එළියට නිරාවරණය වන්න. හොඳින් වාතාශ්‍රය ලැබෙන පරිදි කාමරය සකසන්න. පෙනහළු වල හුස්ම රඳවා ගැනීමේ හැකියාව නිතර පරීක්ෂා කරන්න. ශ්වසන ව්‍යායාම වල යෙදෙන්න.
බර ආහාර වලින් වැළකීම හා කැඳ වැනි සැහැල්ලු ආහාර ගැනීම කළ යුතුය. ඇඳ විවේකය අවශ්‍යය.

සැලකිය යුතු කරුණු
---------------
• මෙය කිසි සේත්ම කොවිඩ් රෝගයෙන් වැළකීමට හෝ ආසාදනයෙන් බේරී සිටීමට ප්‍රතිකාරයක් නොවේ.
• වෛද්‍ය පහසුකම් නොමැති අවස්ථාවක හෝ නිසි උපදෙස් හෝ ප්‍රතිකාර ලැබෙන තෙක් රෝගියෙකු රැකබලා ගැනීමේදී කළ හැකි මූලික ප්‍රතිකාර පමණි.
• මෙය ආසාදිතයින් ගේ සාමාන්‍ය රෝග ලක්ෂණ පාලනය කිරීමට හා එම ලක්ෂණ වල බලපෑම අවම කිරීමට නිර්දේශ කරනු ලබන මූලික දේශීය වෛද්‍ය ප්‍රතිකාර කීපයක් පමණි.
• රෝහලකට යොමු කළ හැකි ප්‍රථම අවස්ථාවේ දීම රෝගියා නිසි වෛද්‍ය අධීක්ෂණය සහිත රෝහලකට යොමු කිරීමට පියවර ගත යුතුය.
• වෙනත් බරපතල රෝගාබාධ හෝ සංකූලතා නොමැති නම් දින 14 කින් පසුව රෝගියා පූර්ණ සුවය ලබනු ඇත.
• වෙනත් කාලීන ඇති රෝගීන් එම රෝග සඳහා ගනු ලබන ඖෂධ වර්ග නොකඩවා ගත යුතුය. යම් හෙයකින් බටහිර ඖෂධ ගන්නේ නම් මෙම ඖෂධ සහ බටහිර ඖෂධ එකට නොගත යුතුය. පැය දෙකක පමණ පරතරයක් තබන්න.
• සමහර රෝගීන් ගේ තත්වය අනුව ප්‍රතිකාරය වෙනස් කිරීමට සිදුවන හෙයින් එබඳු අවස්ථාවක වෛද්‍ය උපදෙස් ලබා ගත යුතුය.
• සෑම ව්ටෙකම හුස්ම ගැනීමේ අපහසුව ඇති බරපතල රෝග ලක්ෂණ සහිත රෝගීන් නිසි වෛද්‍ය පහසුකම් ඇති රෝහලකට යොමු කිරීමට උපරිම උත්සාහය ගත යුතුය.
• මේ දක්වා කොවිඩ් රෝගය වළක්වන හෝ එයට නිශ්චිතව ප්‍රතිකාරයක් බවට ඔප්පු කළ නිෂ්පාදනයක් වෙළෙඳපොළේ විකිණීමට නැත. එබඳු නිෂ්පාදනයක් සඳහා රජය අනුමැතියක් ද දී නොමැත.
• ආසාදිතයෙකු හට යම් ආයුර්වේද උපදෙසක් අවශ්‍ය නම් ප්‍රදේශයේ ආයුර්වේද ප්‍රජා සෞඛ්‍ය වෛද්‍ය නිලධාරී හෝ සුදුසුකම් ලත් දේශීය වෛද්‍යවරයෙකු අමතන්න.

මේ සම්බන්ධයෙන් යම් ගැටලුවක් තිබේ නම් පහත දුරකථන අංකය අමතන්න. ගුරු දෙමාපියන් හට පිං පිණිස රෝගීන් හට පිහිට වීම අපේ වෙදකමෙන් සිදු කළ උතුම් සේවාවකි. වසර දහස් ගණනක ඉතිහාසයක් සහිත දේශීය වෛද්‍ය ක්‍රමයක උරුමයක් ඇති මේ රටේ කිසිදු රෝගියෙකු නිවෙස තුළ ප්‍රතිකාරයක් නොමැතිව මිය යෑම සිදු නොවිය යුත්තකි.

වෛද්‍ය ඩැනිස්ටර් එල්. පෙරේරා
0715655618 / 0779319723

ඔසු ගැන දැනගනිමු..02
වර්තමානයේ පවතින රෝග සමග නිතර කතා බහට ලක් වුන ශාකයක් ලෙස කොහොඹ දක්වන්න පුළුවන්. පුරාතන කාලයේ දෙයියන්ගෙ ලෙඩ සැදුණු විට ඒ බව අවට පිරිසට දැනුම් දීමට නිවස ඉදිරිපිට කොහොඹ අතු එල්ලීම සිදු කර තිබෙනවා.ඒ නිවසේ බෝවන රෝගයක් තිබෙනබවත් එම නිවසට නොපැමිණෙන ලෙසත් ඉගි ලබාදේ.පැපොල ,සරම්ප වැනි රෝග සැදුණු විට කොහොඹ කොල මත නිදාගැනීම සිදු කරයි. ඒ මෙහි පවතින විශබීජ නාශක හැකියාව නිසාය.

කොහොඹ කෘෂිකාර්මික පරිසරයේ ඉතා හොඳ මිතුරෙකි. ස්වභාවික කෘමිනාශකයක් ලෙස කොහොඹ භාවිතයට ගත හැක. කොහොඹ ඇට කුඩු කර ජලය සමග මිශ්‍ර කර රැයක් තබා පසු දින වගාවට යොදනු ලැබේ. මෙය භාවිතයට ගන්නේ සවස් කාලයේ දී වේ. හේතුව වනුයේ හිරු 🌞රශ්මියට මෙහි ඇති කෘමි විකර්ශක ද්‍රව්‍ය වියොජනයවීමයි. කෘමි විකර්ශක හැකියාව නිසා දැව කර්මාන්තය තුලද කොහොඹ වලට ප්‍රදාන තැනක් හිමී වී ඇත.
වර්තමානයේ පවතින කෘතීම රසායනික දියර වර්ග යොදා දැත් පිරිසිදු කරනවිට සමට සිදුවන හානි අවම කර ගැනීමට නිවසේ සිටින විට කොහොඹ කොල,කහ තැම්බු වතුරෙන් අත් නිතර සෝදන්න. ඒවගේම ශරීරය පිරිසිදු කරනවිට ද හැකි සෑමවිටම කොහොඹ කොල,කහ,වෙනිවැල් තැම්බු මද උණුසුම් ජලයෙන් සෝදන්න. ඒ වගේම කොහොඹ කොල, පැගිරිමාන, වද කහ,මදුරුතලා,අගිල්, කුරුදු කොල,අබ පොල් කටු අගුරු මතට දමා ඒ දුම නිවසට අල්ලන්න. මේ මගින් අවට පරිසරයේ වාතය පිරිසිදුවනවා මෙන්ම මදුරුවන් විකර්ශනය ද සිදුවේ.
කොහොඹ හොඳ විශබීජ නාශක ද්‍රව්‍යක් වේ. මේ නිසා බොහෝ ක්ෂුද්‍ර
ජිවීන් නිසා ඇතිවන රෝග අවස්තා වලදී මෙය භාවිතයට ගනී. ඒවගේම මෙහි පවතින අධික තිත්ත ගුණය නිසා රුධිරගත දෝෂ නැසීමට යොදාගනී. අපි මෙය රක්ත ශෝධනය කරනවා යැයි සදහන් කරයි. මේ නිසාම ආයුර්වේදය තුල ද විවිධ සම ආශ්‍රිත කුරුලෑ,දද,කුශ්ඨ, සම මත ඇති වන කැසීම් වලට ප්‍රතිකාර කිරිමට යොදා ගනී. කුඩා දරුවන් ගේ ඇතිවන දාඩිය බිබිලි අවස්තා වලදී ද කොහොඹ කොල තම්බා මද උනුසුමෙන් ඇග සේදීම සිදුකරයි. රක්තගත දෝෂ නිවාරණය කරන බැවින් ශරීරයට පැහැපත්බවක් ද ලබා දේ.ඒ වගේම සෙම්,පිත්ත නාශක හැකියාවක් කොහොඹ වලට පවති.

කොහොඹ ශාකයේ පංචාගයම භාවිතයට ගනී. රුපලාවන්‍ය තුල කොහොඹ වලට ප්‍රදාන අංගයක් වේ. අධික තෙල් සහිත සමට කොහොඹ කොල,දෙහි 🍋යොදා පල්පයක් ආකාරයට මුහුණ ට විනඩි 20ක් පමණ තබා ඉවත් කරන්න.අකලට හිසකෙස් වැටීම, dandruff,උකුණන් වැනි හිසකෙස් ආශ්‍රිත ගැටලු වලට ද මෙය විසදුම් ලබා දෙයි.

ඔසු පැළ - osupala.lk
ඖෂධීය ශාක පිළිබඳව කරුණු සොයා බලන සියළුදෙනාට ම ඉතාමත් වැදගත් වෙබ් අඩවියක් අද දින දකුණු පළාත් ආයුර්වේද දෙපාර්තමේන්තුව මගින් එළිදැක්වීම සිදු කරන ලදි.
www.osupala.lk
http://osupala.lk

Ready to dispatch..😘 Thank you shopping with CeyloAyur🌿🌿

Introducing............................

ඔසු ගැන දැන ගනිමු ..........01
මෑත කාලයේ දී බොහෝදෙනා අතර කතා බහට ලක් වුන නිල්කටරොලු ගැන දැනගනිමු.

ඉංග්‍රීසි භාෂාවෙන් Butterfly tea ලෙස හදුන්වන මෙය තායිලන්තය , වියට්නාමය වැනි රටවල blue tea ලෙස එම රටවල ආපනශාලා වල ජනප්‍රියත්වයට පත්ව ඇත. ඒ වගේම පිලිපීනය , තායිලන්තය , වියට්නාමය වනි රටවල කෘතීම වර්ණකාරක වෙනුවට මෙම මල් වල පැහැය යොදාගනී.

ලංකාවේ ඔනෑම පලාතක ඉතා හොදින් වර්ධනය වන මෙම ශාකය ගැන සැලකිලිමත් වීමේදී මෙය අතීතයේසිටම ජන ජීවිතයට සමීපව පවතී. අතීතයේ කෘෂිකාර්මික කටයුතු වලදී නයිට්‍රජන් අඩු පස පෝෂණය කිරීමටද මෙම ශාකය භාවිතා කර ඇත මෙය ට හේතුව වනුයේ නිල්කටරොලු රනිල කුලයේ ශාකයක් වීමයි. ඒවගේම මෙයට කෘමී විකර්ශක හැකියාවක් පවතින බැවින් මෙය කෘමිනාශක ලෙස ද යොදා ගෙන ඇත. එම නිස මෙය කෘෂිකාර්මික පරිසරය ට හොඳ මිතුරෙකි.

ඒවගේම මෙහි පැහැය නිසා ආගමික කටයුතු වලදී බහුල භාවිතයක් ඇත.

වර්තමානයේ දී මෙම ශාකය පරීක්ෂණ වලට කරලියට පැමිනියත් ආයුර්වේදය තුල මේ ගැන සංහිතා ග්‍රන්ථ, සාරාර්ථ සංග්‍රහය පවා මේහි ගුණ දක්වා ඇත. ආයුර්වේද තුල සෙම් රෝග, වාත රෝග, උණ රෝග, ඉදිමුම්, විශ නැසීමට පවා මෙය යොදාගනී. තව ද නිල්කටරොලු ඖෂධීය කැද ලෙස ද භාවිතයට ගෙන ඇත.

වර්තමානයේ සිදු කරන පරීක්ෂණ වලින් සොයාගෙන ඇත්තේ මෙහි නිල් වර්ණයට හේතුව වනුයේ ඇන්තෝසයනීන් නම් රසායනිකය වේ. සතුන් මෙන්ම මිනිසුන් ද යොදා ගෙන ලෝකයේ බොහෝ රටවල පරීක්ෂණ සිදු කරන අතර ඒ මගින් සොයාගෙන ඇත්තේ මෙහි රුධිරගත සීනි මට්ටම මෙන්ම රුධිරගත කොලෙස්ටරෝල් මට්ටම ද පාලනය කිරීමෙ හැකියාවක් පවතින බැවින් මෙය භාවිතය යහපත් ප්‍රතිඵල ගෙනෙන බවයි. දිනකට 1-2g ප්‍රමාණයක් ගැනීම මගින් hypoglycemia තත්ත්වයක් ඇති නොවන බවද සොයාගෙන ඇත.

රූපලාවණ්‍ය කලාව තුල මෙය භාවිතයට ගෙන ඇත්තේ මෙහි පවතින antiaging effect නිසාවෙනි.මෙය මගින් සමේ ඇතිවන ඉතා සීයුම් ඉරී, රැලි ස්වභාවය නැති කර සම පෝෂණය කිරීමටද අව පැහැ ගැන් වූ දෙතොල් වලටද මෙය හොඳ ඔසුවකී.
වෙළඳ පොළ තුල පවතින කෘතීම රසායනික පානයන් වෙනුවට මෙම පාන ශරීරයට ඉතාමත් යහපත් වේ.

පානයක් ලෙස -- නිල්කටරොලු මල් කිහිපයක් නටන උනු වතුර කෝප්පයකට දමා මිනිත්තු 15 ක් පමන තබා බීමට ගන්න. මෙය රස ගැන්වීමට ලුනු සීනි එකතු කර ගත හැක. මෙයට 🍋 දෙහි යුෂ එකතු කල විට මෙහි පැහැය දම් පැහැයක් ගනී. මද උනුසුමෙන් හෝ ශීත කර ඔබට පානයට ගත හැක.
ඒ වගේම ඖෂධීය කැද සැදීමේදි මෙහි දලූ යොදාගත හැක.
ආර්ථික වටිනාකමක් පවතින නිල්කටරොලු එහි ගුණ හානි නොවන පරිදි වේලා මූල්‍යමය වාසියක් ද ලබාගත හැක.

Do you know your skin type? There are 4 skin types.
1. Oily skin - Shiny appearance,
Pimples,
Whiteheads,
Blackheads,
Enlarge pores,
Thick complexion,
Prone to blemishes due to dead skin buildup
2. Dry skin – Black appearance,
Red patches,
Scaly appearance,
Less elastic,
Wrinkles,
Fine lines,
Rough texture,
Sebum is minimal,
Pores are usually small
3. Normal skin - Not too dry or not too oily,
Good oil - water balance,
Follicles are normal size,
Usually blemish free
4. Combination skin – Combination of all type skin

CeyloAyur updated their business hours.

🌿🌿🌿Nature for Beauty🌿🌿🌿