Ven Wilachchiye Kashyapa Thero

කාන්තාවක් ඔබ වෙනුවෙන් :
● ඇගේ නම වෙනස් කරගනී.
● ඇගේ නිවස වෙනස් කරගනී.
● ඇගේ පවුල හැර යයි.
● ඔබ සමඟ ගමන් කරයි.
● ඔබ සමඟ නිවසක් ගොඩනඟයි.
● ගැබ් ගනී, ගැබ් ගැනීම ඇගේ ශරීරය වෙනස් කරයි.
● ඇය බර වැඩි වේ, අවලස්සන වේ.
● දරු ප්‍රසූතියේ දරාගත නොහැකි වේදනාව විද ඇය දරුවන් ප්‍රසූත කරයි.
● ඇය බිහි කරන දරුවන් පවා ඔබේ නම දරයි.
ඇය මිය යන දවස දක්වා ඇය සෑම දෙයක්ම ඔබ වෙනුවෙන් ඉටුකරයි.
ඉවුම් පිහුම්, ඔබේ නිවස පිරිසිදු කිරීම, ඔබේ දෙමාපියන් රැකබලා ගැනීම, ඔබේ දරුවන් ඇති දැඩි කිරීම, උපයා ගැනීම, ඔබට උපදෙස් දීම, ඔබට සැහැල්ලුවෙන් සිටිය හැකි බව සහතික කිරීම, සියලු පවුල් සබඳතා පවත්වා ගැනීම, ඔබට ප්‍රතිලාභ ලැබෙන සෑම දෙයක්ම...
සමහර විට ඇයගේ සෞඛ්‍යය, විනෝදාංශ සහ අලංකාරය ගැන තැකීමකින් තොරව එය ඉටුකරයි...
ඉතින් ඇත්තටම ඇය මේ දේවල් කරන්නේ කුමක් සදහාද..?
ඔබේ ජීවිතයේ හමුවන සෑම කාන්තාවක්ම, සැමවිටම අගය කරන්න, මන්ද කාන්තාවක් වීම පහසු නැත...
කාන්තාවක් වීම මිල කළ නොහැකි දෙයක්...
ඔබේ සම්බන්ධතාවයේ සිටින සෑම කාන්තාවකටම ඇය ගැන ආඩම්බර වීමට අවස්ථාවක් ලබාදෙන්න...
WOMAN MEANS:-
W - WONDERFUL MOTHER.
O - OUTSTANDING FRIEND.
M - MARVELLOUS DAUGHTER.
A - ADORABLE SISTER.
N - GIFT TO MEN FROM GOD.
I respect women..
කාන්තාවන්ට ආචාරයක්...!

ජය ❤❤
Jordan M Fernandes

උඳුවප් පුර පසළොස්වක පොහොය දිනය අදයි ......

සත්පුරුෂ මිනිසුනෙ...
ලෝකයේ ජීවත් වන සෑම සත්වයෙක්ම සතුටින් තෘප්තිමත්ව, ආරක්ෂිතව , ජීවිතය ගතකිරීමට කැමති ය. එසේ නොවන කිසිම ජීවිතයක් මිහිපිට ජීවමාන නොවනු ඇත . එහෙත් සත්වයින්ගෙ තණ්හාවෙ හා මුලාවෙ මහතක තරම නම් තව කෙනෙකුගෙ සතුට, තෘප්තිය , ආරක්ෂාව විනාශ කර හෝ අනතුරෙ දමා තමා ගැන පමණක් සිතීමට පෙලඹීමයි. එය මොනතරම් අවාසනාවන්තකමක් ද ? තිරිසන් සතුනට යමක් ගැන ගැඹුරින් සිතීමට නොහැකි වීම හෝ ආවේණික ගතික ස්වභාවයන් නිසා එසේ විය හැක. නමුත් මිනිසුන්ට එසේ කළහැකි ද ? හැකිනම් එවන් මිනිසුන් හා තිරිසනුන් අතර ඇති වෙනස කුමක්දැයි සිතනු වටී.

අද වැනි පොහෝ දිනක බොහෝ ගැඹුරු දහම් කරණු මිනිසුන් අසනු ඇත . ස්වාම්න්වහන්සේ විසින් දේශනා කරනු ඇත . එය ඉතා වැදගත් ය. එහෙත් ඇසීම හෝ දෙසීම පමණක් ධර්මයේ උසස් , උතුම් ප්‍රතිඵල ලබාගැනීමට ප්‍රමාණවත් නොවෙයි . ධර්මයෙහි හැසිරීම එනම් එදිනෙදා ප්‍රායෝගික ජීවිතයේ දී ධර්මය භාවිතා කිරීම අත්‍යවශ්‍යය . පොහොය දින බණ මඩුවෙ සංවර වන මිනිසා සාමාන්‍ය ඇත්තම ජීවිතයේ දීද එසෙ වියයුතුයි . එවිට ඔහුටත් , ඔහු නිසා පවුල, ගම , රට සැමටත් එකසේ වටිනා , ප්‍රයෝජනවත් මිනිසෙකු නිර්මාණය වෙනු ඇත . ධර්මය දේශනා කිරීම ස්වාම්න්වහන්සේ නමකට ඉතා පහසුය. ධර්මය ශ්‍රවණය කිරීමත් ඉතා පහසුය. එහෙත් පිළිපැදීම දෙපාර්ශවයටම ඉතාමත් අපහසුය. අපහසුවෙන් හෝ ධර්මය ක්‍රියාත්මක කලහැකි නම් ප්‍රතිඵලය ඉතාමත් උසස් එකක් වේ. ඒ මරණින් මතු සුගතිගාමි වීමට වඩා හුස්ම ගන්න මේ ජීවිතය යහපත් , උසස් , තෘප්තිමත් , වැඩදායක එකක් කරගනු පිණිසය . අද අපායක සිට හෙට දිව්‍යලෝකයක් ගැන සිතීම බුදුන්ගේ දේශනාවට පටහැනි නිසාය. බුදුන් වදහළ දහම මේ ජීවිතයේදීම අත්හදාබලා ප්‍රතිඵල සාධනය කරගෙන ඉදිරියට යායුතු දේශනාවක් වන බැවිනි . එහි මැජික් නැත...

ඔබගෙත්, මගෙත් එදිනෙදා ගතවෙන ඇත්ත ජීවිතය පිළිබඳ අවංකවම කල්පනා කර බලමු. පුංචිම හෝ වටිනාකමක් ධර්මය තුලින් මගේ ජීවිතයට ඇතිකර ගැනීමට, මම මට අවංක විය යුතුමය. එවිට මගෙ ඇත්ත පිලිබඳව මටම හැඟීමක් ඇතිවනු ඇත . එය මාන්‍යයෙන් තොරව පිළිගනිමු. ඊලඟට මට පිළිපැදීමට හැකි ධර්ම කාරනා ගැන වැටහීමක් ලබාගමු. පිලිපැදීමට උනන්දු වෙමු. එවිට මටම මගෙ උසස් බව, වටිනා බව, අර්ථවත් බව තේරුම් ගත හැකිය. ධර්මය පිලිපැදීම නම් එයයි. ධර්මයට ආකෘතියක් නැත. එය ඕනෑම කෙනෙකුට ජීවිතයේ ඕනෑම වෙලාවක ආරම්භ කළ හැකියි . ලිංග භේද නැත. වයස් සීමා නැත. උවමාව පමණක් අවශ්‍ය වේ.

ධර්මයක් අවශ්‍ය මම වැනි, ඔබ වැනි විවිධ අඩුපාඩුකම් , දුර්වලකම් ඇති අතිශයින් සාමාන්‍ය , වැරදි සිදුවෙන/ සිදුකරන අයට ය. අංගසම්පූර්ණ මිනිසුන්ට ධර්මය උවමනා නැති නිසාය. මහලොකු බණ කතා කිරීමට හෝ පිලිපැදීමට පෙර අපිට එදිනෙදා ජීවිතයේ දී අනුගමනය කළ හැකි , පහසුවෙන් තේරෙන , අත්දැකීමක් බවට පත්කර ගතහැකි , මැජික් නොවන , පුංචි , සරල ධර්මයක් ගැන අවධානය යොමුකරමු. හිතලා බලන්න මෛත්‍රිය , කරුණාව , මුදිතාව , උපේක්ෂාව තේරෙනවා ද කියලා . ඒ ගැන ධර්මය විමසා බලා තවත් ධර්ම ඤාණය නිවැරැදි කරගමු. අපෙ බෞද්ධ ප්‍රතිපදාව එතනින් පටන්ගමු. හරි ලේසියි . ක්‍රියාත්මක කිරීමට හරි පහසුයි. අද ඉඳලා පටන් ගමු. ක්‍රියාත්මක නොකරන, මහ ලොකු ගැඹුරු ධර්ම කතාවලට වඩා මෙය අපට සතුට සැනසීම ගෙනදෙනු ඇත . අනුන්ගෙ මෛත්‍රිය කරුණාව විමසීමට හෝ විවේචනය කිරීමට පළමුව තමන්ගෙ තත්වය විමසීම ධර්මානුකූල වේ. මේ ඉහත කාරනා හතරවත් පිලිගන්න හා පිලිපදින මිනිසුන් අත්‍යවශ්‍ය කරන යුගයක අපි ජීවත් වෙමු. පොහෝ දින ධර්ම දේශනාව අවසන්. සැමට තෙරුවන් සරණයි .

( විලච්චියේ කාශ්‍යප හාමුදුරුවෝ )

Buddhist Storytelling with Bhante Kassapa at Blue Lotus Temple Join Bhante Kassapa for Buddhist storytelling, also known as the Jataka tales. All ages are welcome!

එක් ක්ෂණයක්, මොහොතක් , නිමේෂයක්, තප්පරයක්, විනාඩියක්, පැයක්, දවසක්, සතියක් , මාසයක්, අවුරුද්දක් වශයෙන් අපි කාලය ගණනය කරමු. ඇත්තටම ඒ ගෙවී ඇත්තෙ කාලය නොව ජීවිතය යැයි අපි ඔබට යෝජනා කරමු. ගිය අවුරුද්ද, මේ අවුරුද්ද, ලබන අවුරුද්ද වශයෙන් කතා කළ අවුරුදු කීයක් නම් මේ වන විට ගෙවා නිමකර ඇත්ද ?එවැනි තව අවුරුදු කීයක් නම් ගෙවා නිමකර ගැනීමට ඔබට, මට හැකිවේද ? මොහොතක් සිතා බලන්න. පසු ගිය අවුරුදුවල අපිත් එක්ක කිරිබත් කෑ කී දෙනෙක් මේ අවුරුද්දෙ අපට මතකයක් පමණක් ඉතිරි කර ඇති ද ? ජීවිතය යනු මතකයන් ගොඩක් ඉතිරි කර නික්ම යාමක් පමණක්ම ද ? මොහොතක් පාසා ගෙවෙන්නෙ කාලය නොව ජීවිතය නිසා, ජීවිතයේ යථාර්ථය තේරුම් ගෙන, ජීවිතයට සැබෑ අරුතක්, වටිනාකමක් එක් කිරීමට කැපවීම හෙටට කල් නොදා ඉමු. මොකද හෙට ගැන ඇත්තටම අපට ඇත්තේ අනුමානයන් පමණක්ම වන නිසා.....සුභවාදී හෝ අසුභවාදි වීම යනු ජීවිතය සම්බන්ධයෙන් ගොතන ලද විහිලුවකි. සැබෑවට මුහුණ පාන්නට සිදුවන්නෙ ප්‍රායෝගික වූ යථාර්ථයටයි. ඉතින් අපි ජීවිතය ගැන මොහොතක් කල්පනා කරමු......

මම
කාශ්‍යප හාමුදුරුවෝ .

දරාගත නොහැකි තැන
නෙතඟින් කඳුඑ කැට කඩා හැලුනා.......

වේලාව හවස 4ට විතර ඇති . වයස 60ක පමණ පෙනුමැති කාන්තාවක්. මා ඉන්නා තැනට මීටර 150ක් විතර දුරින් ඇති කසළ බඳුන් තුලින් යමක් එකතු කරනවා පේනවා. සැලකිල්ලෙන් බලන විට ඇය ණැනසලෙ පරිගණක පන්ති ආ ළමුන් කා ඉවත දමන ලද ආහාර එකතු කරන බව වැටහුනා. මම එම කාන්තාවට ආවාසය වෙත පැමිණෙන ලෙස පණිවිඩයක් යැවුවා. වරදක් කොට හසු වූවාක් මෙන් ඉතා යටහත් පහත් ලෙසින් මා වෙත පැමිණි ඇයගෙන් "අම්මා මොකද අතන කළෙ කියලා " ඇහුවා .( ඇයට තාමත් සැකයි ඇය කැඳවූයේ වරදකට දොස් කීමට ද කියා.) " අනේ හාමුදුරුවනෙ මම මේ බත් එකතු කළා ගෙදර බල්ලට දෙන්න ඕනෑ නිසා" කියලා ඇය පිළිතුරු දුන්නා . ඒ කතාව බොරුවක් බව මා දෙස බැලූ විදියෙන්ම මට තේරුනා . ඇත්තටම ඇය යාචිකාවක් නොවේ. මම තව ටිකක් පුද්ගලික තොරතුරු විමසුවා. මම පුලුවන් උදව්වක් කරන්න පොරොන්දු වුනා . ඇය මන්ද මානසික දරුවෙකු සමග තනිවුන බිරිඳ ක්. පවතින තත්වය හමුවේ ආහාර වේලක්වත් හදාගන්න විදිහක් නැතිව අසරණ වී සිටින බව විස්තර කළා. කාගෙන්වත් මොකුත් ඉල්ලන්න බැරිම තැන මෙහෙම ආව බවත් , මෙලෙස ඉඳුල් බත් එකතු කළ බවත් , ඇත්තටම ඒ ගෙදර බල්ලට විතරක් නොවෙයි මටයි දරුවටයි කියු ඇය හෙමින් බිම බලාගත්තා . එලෙස සොයාගෙන යන බත් පිලුණු නොවුනොත් අපිත් කටක් දෙකක් කනවා යැයි නැවතත් කීවෙ ඇගෙ ආත්මගෞරවය රැක ගැනීමට බව මට මොහොතකින් වැටහුනා . මේ අම්මගෙයි මට ජීවිතය දුන් අම්මගෙයි කිසිඳු වෙනසක් නැහැ . දෙදෙනාම දරු සෙනේහෙන් තම ජීවිතය දන්දුන් උත්තමාවියෝ ය. මොහොතක් ගොඑ වූ මා මට හැකි උපරිමයෙන් ඇයව සැනසීමට පත් කළා . මාසයක්වත් දරුවත් සමග ජීවත් වීමට හැකි පරිදි පිහිට වුනා . ඒ ගැන මට හිතට සතුටක් දැනුනත් මොහොතකින් ....................ඇත්තටම මෙහෙම සිදුවීම් අද දවසෙ විතරක් කොතරම් මේ රටේ ඇති ද ?

මා මේ සිදුවීම සටහන් කළෙ ඔබෙන් ඉතාමත් බැගෑපත්ව ඉල්ලීමක් කිරීමටයි. මේ දවස්වල හැමෝටම ගොඩක් අමාරු බව ඇත්ත. ඒත් ඔබට පුංචිම හෝ උපකාරයක් තව කෙනෙකුට කිරීමට හැකියාව තියෙනවා නම් මේ ඒක කරන්න හොඳම වෙලාවයි. මිනිසුන්ට විතරක් නෙමෙයි අහිංසක සතුන්ට පවා. අනුභව කොට ඉතිරි ආහාර ටික හරි කමක් නැහැ පාරෙතොටෙ ඉන්න සුනඛයෙකුට හරි දෙන්න . ඒක ඒ අයට මහමෙරක් තරම් වටිනවා. බොහොම ස්තුතියි .

මම
විලච්චියේ කාශ්‍යප හාමුදුරුවෝ