RSU Gampaha

නිදහස් අධ්‍යාපනය වැනසීමට ගෙන එන ඊනියා ප්‍රතිපත්ති රාමුව
“නව අධ්‍යාපන ධවල පත්‍රිකාව” පරදවමු!
----------------------------------------------------------------
ආණ්ඩුව විසින් IMF හි කොන්දේසි අනුව අධ්‍යාපනය සම්බන්ධයෙන් ජාතික අධ්‍යාපන ප්‍රතිපත්ති රාමුව (National Educational Policy Framework) නමින් මේ වන විට නිර්දේශ හතළිස් එකක් සහිත පිටු තිස් තුනක වාර්තාවක් ඉදිරිපත් කර ඇත. මෙම වාර්තාව මගින් සමස්ථ අධ්‍යාපනය (විශ්වවිද්‍යාල, පාසල් හා උසස් අධ්‍යාපන ආයතන) ව්‍යුයාත්මක වෙනසකට යොමු කිරීමට අපේක්ෂා කරනු ලබයි.

නමුත් මෙම යෝජනාව හරහා සමස්ථ අධ්‍යාපනය සම්බන්ධයෙන් රජයේ ඇති වගකීම ඉවත් කිරීම, අධ්‍යාපනය පුද්ගලීකරණය කිරීම හරහා රටේ ජනතාවගේ නිදහස් අධ්‍යාපන අයිතිය පැහැරගැනීම හා නැවත වටයකින් අධ්‍යාපනයේ බර ශිෂ්‍යයන්ට හා දෙමාපියන් මත පැටවීම ආදී ලෙස කරුණු කාරණා පෙලගැසී ඇති බව එම වාර්තාව අධ්‍යනය කිරීමේදී පැහැදිලි ලෙස පෙනේ.

මේ වන විට මෙම වාර්තාව පාර්ලිමේන්තුව තුළ ජාතික අධ්‍යාපන ප්‍රතිපත්තිය ලෙස සම්මත කිරීමට කටයුතු සූදානම් කරමින් සිටින අතර ඒ සඳහා මේ වන විට අවශ්‍ය වී ඇත්තේ අධ්‍යාපනය සම්බන්ධ ආංශික අධීක්ෂණය කමිටුවේ නිර්දේශය පමණි.

පාසල් අධ්‍යාපනයත් විශ්වවිද්‍යාල අධ්‍යාපනයත් මුළුමනින්ම වෙළඳපොළකරණය සඳහා ප්‍රතිපත්ති සකස් කරන මෙය ජාතික අධ්‍යාපන ප්‍රතිපත්ති රාමුව නොව 1981 දී අධ්‍යාපනය පුද්ගලීකරණය කිරීම සදහා ගෙන ආ “අධ්‍යාපන ධවල පත්‍රිකාව” ම ලෙස නම් කිරීම වරදක් නැත.

එම නිසා 1981 දී ජනතා විරෝධී “අධ්‍යාපන ධවල පත්‍රිකාව” සමස්ථ ජනතාවම එක්ව සටන් කර පරාජයට පත්කලා සේම මේ මොහොතේ රනිල් - IMF - රාජපක්ෂ ආණ්ඩුව විසින් නිදහස් අධ්‍යාපනය වැනසීමට ගෙන එන මෙම ඊනියා ප්‍රතිපත්ති රාමුව හෙවත් “නව අධ්‍යාපන ධවල පත්‍රිකාව” පරාජයට පත් කිරීම අනිවාර්යය අවශ්‍යතාවයකි.

ජන අරගල විරෝධතාවයේ දී අත්අඩංගුවට ගෙන රක්ෂිත බන්ධනාගාර ගත කළ විප්ලවවාදී ශිෂ්‍ය සංගමයේ ජාතික කමිටු සාමාජික
රත්කරව්වේ ජිනරතන හිමි වහා නිදහස් කරනු.
-විප්ලවවාදී ශිෂ්‍ය සංගමය-

බලහත්කාරයෙන් සම්මත කළ සමාජ මාධ්‍ය භීතික කඩිප්පුලි පනත පරාජය කිරීමට සැවොම එකතු වෙමු.
—-----------------------------------------------
මාර්ගගත ක්‍රමවල සුරක්ෂිතතාව පිළිබඳ පනත නොහොත් සමාජ මාධ්‍ය මර්ධනය සඳහා වූ පනත අප හඳුන්වන්නේ සමාජ මාධ්‍ය භීතික පනත ලෙසයි. මෙම පනත මුලින්ම ගැසට් කරනු ලැබූයේ 2023 සැප්තැම්බර් 15 දිනයි. විශාල ජනතා විරෝධයක් මැද මෙම පනත ඔක්තෝම්බර් මස සභාගත කර පසුව ඡන්ද 108ක වැඩි ජන්දයෙන් පාර්ලිමේන්තුවේ සම්මත කරගන්නා ලදී.
මූලික අයිතිවාසිකම් උල්ලංඝනය වන බවත්, ආණ්ඩුක්‍රම ව්‍යවස්ථාව උල්ලංගනය වන බවත්, මෙම පනත නිදහස උල්ලංඝනය කරන බවත්, සහ සමාජ විරෝධී පනතක් බවත් සඳහන් කරමින් ඉතිහාසයේ පනතකට විරුද්ධව ඉදිරිපත් වන විශාලම අධිකරණ පෙත්සම් ප්‍රමාණයක් ඉදිරිපත් කරන ලද පසුබිමක මෙම පනත දැඩි විරෝධයක් මැද සම්මත කරන ලදී. ඉතාමත් හදිසි අධිකරණ තීන්දුවක් ද ලබාගෙන මෙම පනත හදිසියේ පාර්ලිමේන්තුවේ සම්මත කරගන්නා ලද්දේ කුමන අවශ්‍යතාවයක් මත ද යන්න ඉතාමත් පැහැදිලිය.
මේ පනත කුමක්ද ?
……..
පනතේ සඳහන් වන ප්‍රතිපාදන යටතේ මේ සඳහා කොමිෂන් සභාවක් පිහිටවනු ලබයි. ඒ සඳහා ජනාධිපති විසින් පත්කරනු ලබන පස්දෙනෙකුගෙන් සමන්විත සාමාජිකයින් සංඛ්‍යාවක් ඇතුලත් වේ (5 වගන්තිය). ජනාධිපතිට අවශ්‍ය පරිදි එහි සාමාජිකයින් අවශ්‍ය ඕනෑම මොහොතක ඉවත් කළ හැකිය (7/2 වගන්තිය). එම කොමිසමේ විශාලම බලයක් ඇති සභාපති පත්කරනුයේ ජනාධිපති විසිනි (8/1 වගන්තිය). මෙම කොමිසමේ 05 දෙනකුගෙන් තීරණ ගැනීම සඳහා 03 දෙනෙක් සිටින අතර ඉන් 02 ක් සිටීම තීරණයක් ගැනීම සඳහා හොඳටම ප්‍රමාණවත්වේ (9/4 වගන්තිය). මෙම පනතට අනුව තහනම් ප්‍රකාශ (තහනම් අදහස්) නිකුත් කළ නොහැකි අතර තහනම් ප්‍රකාශයක් යනු කුමක්ද යන්න කොමිසමේ දෙදෙනාට තීරණය කළ හැකිය (55 පිටුවේ වගන්ති).
තහනම් අදහස් යනු කවරේද ? - (12 සිට 22 වගන්ති දක්වා)
ජාතික ආරක්ෂාවට, මහජන සෞඛ්‍යයට, මහජන සාමයට, පන්ති අතර සහයෝගීතාවයට, වැනි දේට හානිකර අදහස් තහනම් අදහස් ගණයට ගැනේ. එමෙන්ම අධිකරණයට අපහාස කිරීම, කැරලි ගැසීමට පෙළඹවීම, ද ඇතුලත් ය. යම් ප්‍රකාශයක් නිසා කැරලි ගැසීම් ඇති වුවහොත් දඬුවම අවුරුදු පහකි, එසේ නොමැති නම් අවුරුදු තුනකි. ඒ අනුව පසුගියදා පොලිස් නිලධාරියෙකු විසින් සිවිල් පුරවැසියෙකු වෙඩි තබා මරා දැමීමේ වීඩියෝව පළකිරීම කොමිසමට රිසි පරිදි අර්ථකථනය කළ හැකිය. මීට අමතරව ආගමික පූජාවකට බාධා කිරීම, ආගමික හැඟීම්වලට රිදවීම, ද තහනම් අදහස් ගණයට ගැනේ. මේ අනුව ආගමික මත ප්‍රතික්ෂේප කරමින් දාර්ශනික තලයේ අදහස් හුවමාරු වීම සහමුලින්ම උල්ලංඝනය කර ඇත මෙවැනි නීති පුරාතන යුගයේ මූලධර්මවාදී පල්ලි විසින් පවත්වාගෙන යන ලද නමුත් ජනතාව ඒවා බිඳ දමන ලදී. යම් තැනැත්තෙක් ප්‍රකෝප කරවීම, හමුදාව කැරලි ගැසීමට පෙළඹවීම, කෙනෙකුගේ පෞද්ගලික තොරතුරු හේදරාව කිරීම නිසා කෙනෙකුට හිරිහැරයක් ඇතිවීම වැනි ක්‍රියාද තහනම් අදහස් ගණයට ගැනේ. මෙය සාමාන්‍ය නීතියේ සිවිල් වරදකි. මෙම පනත මගින් එය අපරාධ වරදක් බවට පත්කර ඇත.
මෙම කොමිසමේ සාමාජිකයින්ට සමාජ මාධ්‍ය සඳහා විධාන නිකුත් කළ හැකිය (11/ආ වගන්තිය). සමාජ මාධ්‍ය ගිණුම් අක්‍රිය කිරීම සඳහා තීරණ ගත හැකිය (11/ඈ වගන්තිය). අන්තර්ජාල සේවා සපයන්නන්ට නිර්දේශ නිකුත් කළ හැකිය (11/ඊ වගන්තිය ).
මෙහිදී ලිවීම පමණක් නොව සෙයර් කිරීම ලයික් කිරීම කොමෙන්ට් කිරීම කාටුන් එකක් පළ කිරීම වීඩියෝ එකක් පළ කිරීම ෆොටෝ එකක් පළ කිරීම දඬුවම් කිරීමට නියමිතය.
මෙම පනත මගින් මූලිකවම අපේක්ෂා කර ඇත්තේ සමාජ මාධ්‍ය හරහා පවතින රාජ්‍ය පද්ධතියට හිරිහැරයක් වන පවතින ආණ්ඩුවලට හිරිහැරයක් වන විරුද්ධ මතධාරීන් මර්දනය කිරීම බව ඉතාම පැහැදිලිය.
මෙම පනත සම්මත නොකළ යුතු බවටත්, වහාම අත්හිටුවිය යුතු බවටත්, 28.09.2023 දින ආසියානු අන්තර්ජාල සේවා සපයන සියලු සමාගම් නිවේදනයක් නිකුත් කරමින් රජයට ලිපියක් යොමු කළේය. මෙම සමාගම් මෙම පනත වහා හකුලා ගන්නා ලෙසද නැතිනම් සේවා සැපයීම පිළිබඳ තීරණයක් ගන්නා බවද සඳහන් කරමින් 08.01.2024 දින මහජන ආරක්ෂක කැමති ටිරාන් අලෙස්ට විරුද්ධව ඔහු වෙත ලිපියක්ද යොමුකර ඇත.
මීට පෙර පුනරුත්ථාපන කාර්යාංශ පනතක් ඉදිරිපත් කරන ලදී. අධිකරණයට අපහාස කිරීම වැලැක්වීම නමින් විරුද්ධ මතධාරීන් මර්දනය කිරීම සඳහා පනතක් පසුව ඉදිරිපත් කරන ලදී. එමෙන්ම ATA නමින් ත්‍රස්ත විරෝධී පනතක් ඉදිරිපත් කරන ලදී. එම පනත නැවත කරළියට ගෙන ඇත. කම්කරු අරගල මධ්‍යස්ථානයේ සංවිධායක ලේකම් දුමින්ද නාගමුව සහෝදරයාද පසුගියදා මෙම පනතට විරුද්ධව අධිකරණය වෙත පෙත්සමක් ගොනු කරන ලද්දේය. ජනතා උද්ඝෝෂණය කිරීම, පෝස්ටර් ඇලවීම, අත්පත්‍රිකා බෙදීම, හඬ නැගීම වැළැක්වීම, සඳහා මෙම ත්‍රස්ත විරෝධී නමින් රාජ්‍ය ත්‍රස්තවාදී පනත ඉදිරිපත් කර ඇති බව පැහැදිලිවම පෙනේ. මේ අතර මාධ්‍ය ආයතන මර්දනය සඳහා, අවනත කර ගැනීම සඳහා විකාශන නියාමන කොමිෂන් සභා පනත නමින් පනතක් ඉදිරිපත් කරන ලද්දේය.
මාර්ග ගත ක්‍රමවල සුරක්ෂිතතාව පිළිබඳ පනත ඉදිරිපත් කර ඇත්තේ සමාජ මාධ්‍ය අවකාශවල රජයට එරෙහිව හඬ නැගීම වැළැක්වීමටයි. එනම් එය සමාජ මාධ්‍ය සම්බන්ධව රජයට ඇති භීතිකා පනතකි.
මේ අනුව බැලූ විට මෙම පනත මගින් ජනතාවගේ මූලික අයිතිවාසිකම් උල්ලංඝනය වේ. එම නිසා මෙම සමාජ මාධ්‍ය භීතික පනතට එරෙහිව දැඩි සමාජ විරෝධයක් මතු විය. අධිකරණ පෙත්සම් ගණනාවක් ඉදිරිපත් විය. එහිදී නීතිපති අධිකරණය වෙත සඳහන් කළේ මෙම පනතට අදාළ සංශෝධන හතළිස් ගණනක් අධිකරණයට ඉදිරිපත් කරන බවයි. එම සංශෝධන ඇතුළත් කර සම්මත කිරීමට අධිකරණයෙන් අවසර ලබා ගන්නා ලදී. මේ වන විටද පනත සාම්පූර්ණයෙන්ම ගැසට් කර අවසන් වී තිබුණි.
පනතක් ගැසට් කිරීමේ අරමුණ කුමක්ද ? එමෙන්ම ගැසට් කිරීමෙන් අනතුරුව දින 14ක කාලයක් ලබාදීමේ අරමුණ කුමක්ද ? නීතිපතිවරයාගේ කාර්යභාරය කුමක්ද ?
මෙහිදී රජයේ නීතිපතිවරයා මේ සියල්ල අමු අමුවේම උල්ලංඝනය කර තිබුණි.
ප්‍රශ්නය නම් ගැසට් කිරීමට පළමුව සංශෝධන ඉදිරිපත් නොකළේ මන්ද යන්නයි. දෙවැන්න නම් මෙවැනි පනතක් ගැසට් කර දින 14 කාලයක් ලබා දෙන්නේ පුරවැසියන්ට අධ්‍යයනය සඳහායි. කියවා බැලීම සදහායි. රජයේ නීතිපතිවරයා අධිකරණය ඉදිරියේ මෙම පනත ව්‍යවස්ථාව උල්ලංඝනය වන බව පිළිගනිමින් කඩිමුඩියේ සංශෝධන හතළිස් ගණනක් අධිකරණයට ඉදිරිපත් කර සම්මත කිරීමට දින 03ක් ඇතුලත තීන්දුවක් ලබා ගනී නම් ඒ නීතිපතිවරයා කුමකටද ?
රජයේ පනත් සම්මත කිරීම සඳහා ඉදිරියේදී සැලසුම් කරනුයේ මේ අයුරින් නම් නීතිපතිවරයාගේ මැදිහත්වීම අනවශ්‍යයය. ව්‍යවස්ථාව උල්ලංඝනය වන පනතක් දින තුනකින් සංශෝධනය යොදා සම්මත කරයි. එහිදී මහජන අවධානය සඳහා අවස්ථාවක් ලබා දී නැත. අපට ඇති ගැටළුව නම් මෙම පනත ගැසට් කළේ කුමකටද යන්නයි.
පාර්ලිමේන්තුවට කැමති පරිදි නීතිය යොදාගෙන, නීති සකසාගෙන අවශ්‍ය නම් ඒ ඒ අවස්ථාවට ගැලපෙන ලෙස වෙනස් කරගන්නට ඉඩදී ජනතාව අප එම නීති අනුගමනය කළ යුතුද නැතිද යන්න හැකි ඉක්මනින් තීරණය කළ යුතුය.
රජය සහ ජනතාව අතර එතෙක් මෙතෙක් තිබූ අවම සම්මුතියද මෙම පනත සම්මත කිරීමේ ක්‍රමවේදය හරහා උල්ලංඝනය කර ඇත. පාර්ලිමේන්තුව යනු කුමක්ද? මේ පනත කාගේද ? කුමකටද ? පාර්ලිමේන්තුවට කළ හැකි කුමක්ද ? යන්න දැන් නිශ්චිතවම පෙනේ.
ජනතාවට ඉදිරියේදී වගකීමක් සහිත ඉදිරිපත් වීමක් ඇත. මෙවැනි බලහත්කාරී පනත් හැකි උපරිමයෙන් පරාජය කළ යුතුය. එමෙන්ම ඒවා සම්මත කරන අය ප්‍රතික්ෂේප කළ යුතුය. මේ අනුව මෙම මර්ධන පනත ඇතුළු සම්මත කරන බලහත්කාරී මර්දන අණ පනත් පරාජය කිරීමට සැවොම සාමූහිකව එකාවන්ව එක්වෙමුයි අපි යෝජනා කරමු.

(අයිතිය පුවත්පත)
(කම්කරු අරගල මධ්‍යස්ථානය)

බදු ඉවත්කර පාසල් උපකරණ - ලිපි ද්‍රව්‍ය -
නිල ඇදුම් මිල පහත හෙලනු

විරෝධතා බැනරය අත්සන් කිරීම
ජන 22

කොළඹ කොටුවේදී

-විප්ලවවාදී ශිෂ්‍ය සංගමය -

வரி இல்லாத பள்ளி உபகரணங்கள் - எழுதுபொருள் -
சீருடைகளின் விலை குறைக்கப்படும்

எதிர்ப்புப் பதாகையில் கையெழுத்திடுதல்
22 பேர்

கொழும்பு கோட்டையில்

-புரட்சிகர மாணவர் சங்கம்-

බදු ඉවත්කර පාසල් උපකරණ - ලිපි ද්‍රව්‍ය -
නිල ඇදුම් මිල පහත හෙලනු !

විරෝධතා බැනරය අත්සන් කිරීම
ජන. 10
පොළොන්නරුවේදී..

-විප්ලවවාදී ශිෂ්‍ය සංගමය -

வரி இல்லாத பள்ளி உபகரணங்கள் - எழுதுபொருள் -
உத்தியோகபூர்வ ஆடைகளின் விலை குறைப்பு!

எதிர்ப்புப் பதாகையில் கையெழுத்திடுதல்
ஜன. 10
பொலன்னறுவையில்..

-புரட்சிகர மாணவர் சங்கம்-

විරෝධතා බැනරය අත්සන් කිරීම
எதிர்ப்புப் பதாகையில் கையொப்பமிடுதல்.

ගම්පහ නගරය
கம்பஹா நகரம்

විප්ලවවාදී ශිෂ්‍ය සංගමය (RSU)
புரட்சிகர மாணவர் சங்கம்
Revolutionary Students' Union

Revolutionary Students' Union

ප්‍රතිපාදන කපන - පාසල් වසන ආණ්ඩුවේ සැලසුම පරදවමු !

විරෝධතා බැනරය අත්සන් කිරීම

ජනවාරි 06
ගම්පහ නගරයේදී

විප්ලවවාදි ශිෂ්‍ය සංගමය (RSU)

📍Remove taxes and drop school equipment - article material - uniform price!
📍Cutting grants - Let's defeat the government's plan for closing schools!
📍06% allocate to education!
📍Stop loading on the weight of education parents!

📍බදු ඉවත් කර පාසල් උපකරණ - ලිපි ද්‍රව්‍ය - නිල ඇඳුම් මිල පහත හෙළනු!
📍ප්‍රතිපාදන කපන - පාසල් වසන ආණ්ඩුවේ සැලසුම පරදවමු !
📍අධ්‍යාපනයට 06% ක් වෙන් කරනු!
📍අධ්‍යාපනයේ බර දෙමාපියන් මත පැටවීම නවතනු!

විප්ලවවාදී ශිෂ්‍ය සංගමය (RSU)