Taba Tsa Mjolo

🕊️🥀🥀
Sebabatso e ntse e tsoela pele ka WhatsApp baratuoa

🕊️🥀🥀
Ntšoareleng baratuoa, kannete ke qeta ho post Facebook ke eo e hlakola khaolo eo ka le reng ke sebelisa wrong way ho batla likes and followers 🤷

SEBABATSO 47🕊️🥀🥀

Sebabatso a se arabe letho a beha fono koana a boela a apara a roala lieta. A sheba h**e na o na le bo kae mokotleng oa hae a fumana ele makholo a mabeli. Ka lehlohonolo a ne a tla mo fihlisa moo a eang. Potso hona joale ea eba h**e na o tla fumana likoloi etsoe hora ho ne ho qeta ho otla ea bone mantsibuea. A tsoa a notlela a kena tseleng.

Ka mohau oa Molimo a fumana koloi e neng e tsoa hang-hang. Shale o ne a le sieo kelellong ea hae a inahanetse feela moo a eang. Ka koloing ka mona thapelo ea hae ene ele e senang amen. E re a sa rapela joaloka pelong ebe o se a tlohetse o se a ntse a ipotsa h**e na ha 'm'ae a ka mo sieang ho tlo etsahalang ka eena, a hopole h**e o ne a ntse a rapela a qalelle hape.....

Ha hora ea bosupa e otla ene ele ha a theoha setopong a kena ka hara motse. A hata maoto a mabeli a mararo a ntse a jarile mokotla , a utloa eka o ntse a sa etse letho, a jarolla mokotla a o tšoara ka letsoho a o tiisa joale a qalella ho le tipa-tipa ho ea kena lapeng habo hantle.

Ho ne ho ntse khantšitsoe kerese le eona e se e le tlase hoo e neng e kanna ea tima. A kokota

Sebabatso: koko 'm'e bula ke Sebabatso.
Motho a ea bula monyako, Sebabatso a fumana e ntse e le eena motho eane ea mo letselitseng.
Sebabatso: lumela 'm'e (a cho a petlenya mokotla fatše a fetela kamoreng) o joang?

"Ke nahana boesa re mo ise ngakeng. Ha a ile a khaleha joalo eba ke tšaba le ho etsa lerata h**e ke tloha ke mo tsosa. Lehlaba le mo totetse hoo a sa robeleng bosiu, hona kajeno esale a bobola letšeare lena, o bona h**e oa opeloa. Joale ke bona hape h**e o nahana ka thata hoba khoebo e ntse e sa tsamae hantle matsatsi ana, hoo maoba mona a neng a ntse a re o batla ho e tlohela. Joale a re na o tl'o phela joang "

Mosali enoa o qetile mantsoe ana Sebabatso a se a kheleletse meokho a shebile 'm'ae moalong moo a robetseng.
Sebabatso: kea leboha 'm'e, ka ho ntlhokomella eena hle. Ke leboha ho menahane"

"Che hahona bothata hle ngoan'aka, ke seo bohaisane bo leng sona. Ere ke tsamae ha u se u le teng tjena ke siile le bana ba le bang. Ke tla tla u bona hoseng"

Sebabatso: kea leboha 'm'e

Eo a tsoa Sebabatso a ema a nka mokotla moo a neng a o petlentse a o beha hantle a hlobola a kena ho tseo a tlo robala ka tsona, a nt'o lula pela 'm'e. Likhapha tsa keleketla marameng a hae "ntate Molimo ke kopa u mpolokele eena hle, kea mo hloka. Ke eena feela eo ke setseng ka eena (Sebabatso a rialo a buela fatše a shebile 'm'ae meokho e ntse e tsoa)

'MaSebabatso a sisinyeha
Sebabatso: 'm'e....'m'e ke Sebabatso
'MaSebabatso: .....metsi....

Sebabatso a re rao a tla le ona
Sebabatso: 'm'e....u ikutloa joang hle😭 ke tlile hang ha ke utloa ka bokulo bona (Sebabatso o ntse a bua a ntse a leka ho noesa 'm'ae metsi, a noa hanyane feela a khutlisetsa hlooho mosamong)...... 'm'e😭

'MaSebabatso a phahamisa letsoho a tšoara Sebabatso letsoho, a mo tlohela a le isa marameng a mo hlakola meokho buuutle.
Sebabatso: 'm'e ke kopa tšoarelo 😭 ke kopa u ntšoarele, u boemong bona ka lebaka laka 'me ke kopa u......😭
'MaSebabatso a boela a mo hlakola meokho "kea u rat....." O hema ka boima.

Sebabatso: 'm'e butle litlhare tsa hau li kae
Oa ema ho li sheba a li fumana a mo fa. Ha a qeta a bokolla ha bohloko😭

Ka mora metsotso 'MaSebabatso a boela a khaleha. Sebabatso a lula setulong moo, le eena a qala ho otsela a qetella a khalehile.

Ha Sebabatso a re phapha, ene ele hoseng a fumana 'm'ae a se a shebile feela thotse tu!
Sebabatso: 'm'e.... 😳 (a otloa ke letsoalo ha a bona a sa sisinyehe) 'm'e..... (A mo beha monoana nkong a utloa h**e o ntse a hema) 'm'e....
'MaSebabatso a mo sheba
Sebabatso: ae u lokela ho ea sepetlele.

Motho a kokota monyako, Sebabatso a bula

"Le robetse joang?"
Sebabatso: u fihla moo ke reng ho eena re itukise ree sepetlele 'na kea tšaba.
"Ke seo ke se nahanneng seo, beha metsi re mo photle feela"

Sepetlele
Ka mora lihora tse 'ne, Sebabatso o se a bile a khalehile setulong esale ho thoe a ema ka ntle ngaka e bone 'MaSebabatso.

Mooki: ausi...ausi(o sisinya Sebabatso)
Sebabatso: 😳 (a bula mahlo) o joang?
Mooki: ngaka e re u ee ofising ea hae.
Sebabatso: oh (oa ema) e ho kae?

Mooki a mo supisa, a leba hona teng a kokota a kena.
Sebabatso: ke kopa u ntjoetse h**e 'm'e oaka o hantle ntate
Ngaka: lula fatše

SEBABATSO 46🕊️🥀🥀

Sebabatso a fihla a beha lijo tafoleng a lula betheng a rola lieta, a utloa koko monyako.

Sebabatso: ke mang? Kena
Sipho a kena, Sebabatso a re rao betheng moo a neng a lutse "Sipho u batlang moo"

Sipho a mo nyolosa a mo theosa a re " ke uena motho ea qetang ho theoha koloi ena e tlohang mona"
Sebabatso:🙄
Sipho: ke mang moshanyana eo?
Sebabatso: ha keo kolote hlalose ea letho, ho tloha qalong, u batlang moo?

Sipho: Sebabatso u jere ngoan'aka, u keke oa tsamaea u kopana le bashanyana joaloka haeka u....
Sebabatso: oh kajeno oa tseba h**e ke jere ngoan'a hau? Ha u ne u ntšiea hlatheng male u batla ho mpolaea u ne u lebetse h**e ke mokhachane oa ngoana oa hau?
Sipho: kene ke sa batle ho u bolaea, kene ke mpa keo hlomphisa lelapa laka.

Sebabatso: na u imametse hantle Sipho 😧 oa hlanya uena. Ka mora lintho tsohle tseo u nkentseng tsona u na le sebete sa ho tla ho 'na u ntjoetsa ka moo ke jereng ngoan'a hau ka teng! Oh....😀 Kea bona joale. U mona hoba u bona h**e ekare ke tla fumana motho ea nthatang ea tla mphutha le mpa ena eo u e hanneng. 😀 Ere keo joetse hee, ha ke tlo u lumella oa utloa, hohang feela le ho leka. Ha u sa tla hlola u khutlela bophelong baka Sipho. U ntlhomphisitse lelapa la hau 'me kea le hlompha, joale khaohana le 'na.

Sipho: bona mona, ha kea tlela maseoana ana mona. Ke batla ke tlo hlakisa taba ena u e tsebe. Kena le tokelo ea hoba bophelong ba ngoana enoa (o supa mpa ea Sebabatso) joale ke tlo leka sohle se matleng aka h**e ke bone h**e u phetse hantle ka lebaka la ngoana.

Sebabatso: 😳 Sipho, ele h**e ha u thots......
Sipho: ele h**e seo ke se buang ke h**e, emisa ho kopana le sekatana seno sa moshanyana seo u ntse u robala le sona. Kor Sebabatso u hloleha hoo u utloileng u keke oa emele le h**e feela u be le ngoana pele u kanna oa matha le bashanyana hohle moo! Bothata ba hau bo ho kae?

Sebabatso: ho lekane, tsoa (o mo bulela monyako)
Sipho: tšoara (o ntša chelete oa mo fa) u qale ho ea tliliniking
Sebabatso: ha ke batle chelete ea hau Sipho.
Sipho: bakeng sa ngoana eseng sa hau.
Sebabatso: oa tseba na keng, ke tlo hoelehetsa hona joale ha batho ba fihla mona ke re u batla ho mpeta.

Sipho: seo u ne u loketse ebe u se etse ha sefebe sane sa hau se tlile mona.
Sebabatso: ho lokile (a rialo a memela a akhela sekipa koana a qoaholla borikhoe)

Sipho: u etsang
Sebabatso: thola u tla bona ........ Ahhhhh😩 batho thusang.... Ntlohele.... 'na ntlohele (Sebabatso a rialo a hoelehelitse a tapatapa a foka matsoho moeng a le mong, Sipho a le thokoana)
Sipho: 😧
Sebabatso: ntlohele....... Thusang.... Ahhhhh......😩 'na ntlohele
Sipho: u nahana u etsang uena? Hela uena....(Sebabatso a se momamele a hoelehetsa ho feta) Sebabatso.......nxa (a tsoa a tatile a tšohile h**e batho ba tloha ba kena ka moo ho tla bona se etsahalang, 'me ba be ba fumana eena, Sebabatso a setse ka tse ka hare feela. 'Me a bona hantle h**e li tlo mo tšoanela a ba kena ka hare.)

Sebabatso: nxa.... Hantle u nahana h**e mang uena (a rialo a khahlela lemati a bile a notlela a nanabela sekipa a apara)
Sipho a leba koloing a matha a sa batle batho ba tlo hlaha ba tle ba kopane le eena a tsoa ka moo.

Motho a kokota monyako "Sebabatso keng u hantle ho etsahalang?"
Sebabatso: che ke hantle, ke hantle ntšoarelo.

"Ae keng u re tšosa?"
Sebabatso: ke hantle hle.
Bao ba tsamaea, Sebabatso fono ea lla a sheba lebitso a fumana e sena lebitso 'me a sa e tsebe.

Sebabatso: hello
"Sebabatso, ke 'Marorisang mohaisane oa 'm'ao. 'MaSebabatso o kula hampe. Haeba u ka khona tloho hae. O ne a lla ka lehlaba matsatsi a ho feta empa kajeno le mo totetse hoo e kang le mo koala moea o hema ka thata. O sitoa ho etsa letho. U lokela ho tla hae. Etsoe ke nahana h**e a isoe sepetlele"

SEBABATSO 45🕊️🥀🥀

Lijong
Sebabatso o iname Shale o mo shebile. Sebabatso o ne a utloa eka motho e mong le e mong ea ka mono o shebile eena. A nyolla hlooho a qamaka, a fumana e mong le e mong a shebane le mabaka a hae ho sena ea shebaneng le eena.

Shale: phothuloha, u tla jang?
Sebabatso: drink e tlaba hantle😔
Shale: Sebabatso ha kene ke batla ho u rekela drink nkabe ke e rekile kao fella eona koloing koana, oa e noa oaba oa e qetela hona moo.

Shale a sheba lethathamo la lijo tse teng moo. Sebabatso a nyolla hlooho a mo sheba, eaka ke hona a qalang ho 'mona, ke cho sefahleho sena eaka ke hona a qalang ho kopana le sona. Litšobotsi li ne li le teng moo, o ne a sa hlaka ka lebala le teng o ne a se botšo bo tenang. A na le letheba phatleng, leo motho a neng a le bona ha a mo shebetse haufi. Sebabatso a bona a bona mohlankana ea leqophe ka tsela e makatsang, ea sa teleng ho fihlela a fumane seo a se batlang.
Eare ha Shale a qeta ho sheba lethathamo a nt'o re ho mothusi "re kopa tsena" (a li supa) ea ntseng a thusana a tsamaea ho ea lokisa lijo tsa bona.

Shale a mo sheba Sebabatso a inama
Shale:😊 ke lule ke iname h**e uena u inamolohe?
Sebabatso: ah?😧
Shale: aker oa bona, ho batla ho le betere.

Lijo tsa fihla, Sebabatso a koenya mathe ha a li bona, ho latela chebahalo ea tsona le monko.
Shale: ja
Sebabatso a se batle feela le ho soasoa ka h**e o khotše haholo motho ea neng a batlile drink feela. A ngoatha ha 'ngoe ha beli a fumana Shale a mo shebile.

Sebabatso: keng?
Shale: ke emetse karabo eaka.
Sebabatso:😳 (a nka drink a noa a beha) eee....ke...

Eaba Shale o mo shebile ka hara thaka tsa mahlo o hlile o emetse karabo.
Sebabatso: ke kopa ho u fa khoeli eo u e kopileng😔
Shale: ele h**e ka mantsoe a mang u mpha matsatsi a mashome mararo le motso o mong ho u kholisa h**e ke fela keo rata?

Sebabatso a lumela ka hlooho "feelaa... um....u-u u sa ntšoare re sa....re sa....kor" Sebabatso a rialo a ntse a tsamaisa letsoho ho leka ho hlalosetsa Shale taba ena ea soabelang ho e ntša ka molomo.

Shale: u cho ho metana kapa ho feta moo?
Sebabatso: e
Shale: haeba ke sona seo u se batlang ha kena bothata le sona moratuoa
Sebabatso: Moratuoa 😳
Shale: ee moratuoa
Sebabatso: le hora feela ha e-so fete ke se kele moratuoa? hape ha re e-so ratane.
Shale: empa ha ke thotse ke shebile ke bona eka monyetla oa h**e u seke oaba moratuoa oaka ka mora matsatsi ana oa fokola. Ke ka hona ke reng ke hle ke qale esale hona joale ho u bitsa lerato la pelo eaka.

Sebabatso: 🙄 (a ngoatha a ja) kea ipotsa h**e na kharebe ea hau e kae ha u....
Shale: ka mantsoe a mang u leka h**e "Shale u na le kharebe?" Ke seo u mpotsang sona?

Eaba Sebabatso ha a mo arabe o inametse sekotlolong oa ja
Shale: kena le eona kharebe.

Ka potlako e tšabehang Sebabatso a inamoloha ho mo sheba a tiisitse ka mahlong.
Shale a nka drink a noa

Sebabatso: kannete! Ke batlang moo u na le kharebe ea hau?
Shale: lebitso la hae ke Sebabatso empa ho tloha kajeno ke mo bitsa Setso.

Sebabatso a bososela hanyane. Sekolong ba ne ba 'mitsa Sbabi, 'm'ae ha a mo thabetse o re ke Babatso, ea Setso ene e fela ele ea Shale a le mong.

Shale: u bososele khafetsa, u ba motle ho feta.
Sebabatso: 🙄 joale ntjoetse ho tlile joang h**e mohlankana ea tšoanang le uena ebe ha a na kharebe?

Shale: kharebe eo ke neng ke e rata e ile ea etsetsoa ngoana ke moshanyana e mong ba ba ba nkana, ka mora moo ha ke e-so fumane eo ke utloang eka ke eena. Joale hape banana le rata chelete aker, ebile u le motho ea sebetsang mosebetsi o betere o e-so ho nyale, banana ba bangata ba itahlela ho uena. U qetella u se u sa tsebe ea tlileng ke pelo ea nnete le ea tlileng cheleteng. Ka qetella ke e ntse qeto ea ho khaohana le banana ke shebane le mosebetsi oaka. Empa hona le nako eo pelo e ileng eare "enoa ke eena"

Sebabatso: ke mang ea itseng 'na ha ke rate chelete?
Shale:😊 ha e jeoa ke eo ke mo ratang, ea nthatang ha ke bone bothata.

Ha Shale a qeta ho bua Sebabatso o ne a koenya mothamo oa ho qetela, joale a theolela ka drink. Shale esale a khoatha tsa hae ha beli.
Shale a bososela hanyane ha a hopola h**e o ne a batlile drink feela.

Shale: u hantle re ka tsamaea?
Sebabatso eitse ha a sheba lijo tsa Shale a fumana li ntse li tletse sekotlolo feela a re na ba tsamae, a utloa eka a kare "tseno ke kopa u li tšele hantle ke tsamae ka tsona." A mpa a qetoa ke lihlong. Ea neng a ntse a ba thusa a fihla, Shale a ntša chelete a patala.
Shale: ke kopa u tšele tsona tsena hape tseo ke tsamaeang ka tsona.

Mothusi a tsamaea, a khutla ka mora metsoatso ese mekae a fana ka tsona. Ba ema ho ea koloing, ba tsoa ka keiti. Sebabatso a thotse tu! a bile a shebile ka ntle ka fesetere.
Shale: ke kopa ho u bona hape hosane.
Sebabatso: aker u ntse u hopotse h**e ke kena sekolong?
Shale: ke sontaha hosane le haeba oa bala u keke oa bala letšeare kaofela. Empa hee ke tla utloa ka uena haeba u khona ho tla.

Ka mor'a tsena hoa thola tu! Shale o bile a letsa 'mino oa llela tlase. Ba baile ba fihla moo Sebabatso a lulang, ba paka keiting.

Shale: ho bile monate ho ba le uena.
Sebabatso: 😊
Shale a mo atamela a thotse ho mo aka.
Sebabatso a utloa a sa tsebe h**e na a etseng, a qetella a isitse matsoho le eena a mo akile. Shale a seba tsebeng ea hae "kea u rata Setso" ka pele Sebabatso a tloha ho eena a ba a bula lemati a tsoa.
Shale a theoha fesetere "ke tsa hau lijo tsena, u arabe mehala eaka"
Sebabatso a li nanabela, a lumela ka hlooho a nt'o tsamaea ho kena keiting ea malaeneng. A notlolla a kena ka tlung eaba ke hona Shale a tsamaeang. Hang ha a tloha moo ene ele ha Sipho a kena ka ea hae koloi hona tseleng eona eo.

Hanyane Sipho o bone h**e ekare motho ea theohang koloi eo ke Sebabatso feela o ne a sena bonnete boo, eare ha a feta pela Shale a theola fesetere ho sheba motho enoa. Shale a phahamisa letsoho ho lumelisa a nt'o iphetela.

SEBABATSO 44🕊️🥀🥀

Ke hoseng ha moqebelo Sipho o lutse sofeng o noa kofi, television e ntse e bapala feela ha a shebella o ntse a touta. "Ke nahana h**e ke lokela ho kopana le Sebabatso ke bue le eena ke utloe h**e na o reng, empa eena ha ana monyetla oa ho hana ka ngoana, ke ngoan'aka eno 'me kena le tokelo hoba bophelong ba hae. Le haeba eena ha a mpatle ha ke batle eena ke batla ngoan'aka" o nka fono o sheba nomoro ea Sebabatso, a e fumana a e letsetsa. Ea lla feela ea se arajoe. "Hmk! Ele h**e ehlile ke lokela ho tseba h**e Sebabatso ha a sa araba mehala eaka hohang?" A e letsetsa hape eaba ha e sa kena "nxa.... Hantle o ntse a ntloaetsoa ke mang eo, kapa o nahana h**e kea bapala moo? Ha ke batle eena ke batla taba ena ea ngoana e hlake h**e ngoana eo ke oaka 'me hang ha a hlaha kena le tokelo eohle bophelong ba hae" Sipho a rialo a ema ho beha kopi a leba kamoreng a hlobola a kena bathroom. Ha a qeta a ho otukisa a nka senotlo sa koloi a bula monyako oa kitchen a kopana le 'm'ae.

Sipho:😳 'm'e
'MaSipho: u tseleng u ea kae? (Oa mo feta ho kena ka tlung)
Sipho: ha-ha ha kea tseba h**e oa tla.
'MaSipho: ke se kele teng hee
Sipho: 😳
'MaSipho: kena u lule fatše re bue.
Sipho: u fihla hona le moo ke potlaketseng

'MaSipho: u ea ho matekatsi aa a hau u ntseng u matha le ona u bile u qetella ka ho ba etsetsa bana?

Sipho:😧
Sipho a makala h**e na 'm'ae o tsebella kae ele hona a ntseng a re o tla mo joetse.
'MaSipho: kena u lule fatše

Sipho a khutla a beha senotlolo tafong a lula fatše.
'MaSipho: ako ntjoetse.....
Sipho: ke kopa feela ebe ha oa ntlela ka litaba tsa Thulisile.

'MaSipho: tsa Thulisile kapa tsa hau?
Sipho: aa 'm'e haeba u tlo bua ka litaba tsa lelapa laka ha ke tlo mamela. Bona(oa ema) u fihla ke le tseleng ke kopa ho tsamaea. 'Na le Thulisile ha re sa le bana re baholo, ha rena le mathata re tla lokisa litaba tsa lenyalo la rona. Ke kopa ho tsamaea.

'MaSipho: Sipho!
Sipho a nka senotlolo sa koloi le fono a tsoa monyako a kena koloing ea tsoa ka keiti.

Sebabatso le Likhapha ba tsoa ka sekolong ba ne ba ilo etsa mosebetsi oa sekolo. Tsela ke e eang ha Sebabatso Likhapha oa mo chakela.

Likhapha: u utloile sephetho sea tsoa sa lihlahlobo tsale tse qetang ho feta?
Sebabatso: ke utloa ele ho hong ho nkopisang hlooho, tšepo ea h**e ke sebelitse hantle ke utloa e fokola haholo.

Likhapha a utloa a sa tsebe h**e na o reng etsoe ehlile nako eo lihlahlobo tseo li neng li ngoloa, ene le nakong eane eo Sebabatso a neng a phathahane haholo ka Sipho a sena nako ea libuka.

Sebabatso: butle! 😳 (oa ema)
Likhapha: keng?
Sebabatso: ke-ke ke..... Ha se koloi ea Sipho eo?
Ene e ema ka ntle ho keiti malaeneng ao Sebabatso a lulang ho ona.

Likhapha: ha ke e tsebe hantle atseba
Sebabatso: ke eona mokhotsi.
Likhapha: u batlang moleko oo?

Sipho a be a se a bile a hlaha, ho bonahala h**e o leba hona koloing o tsoa kokota lelaeneng la Sebabatso.
Likhapha: ha se eena eo?

Sebabatso ka pele bo tšabehang eaba o se a potetse ka koloi e neng a pakile pela bona moo a ipatela Sipho. Eo a kena koloi a tsamaea.

Likhapha: u tlo ipata ho fihlela neng? Na u ile oaka oa joetsa Sipho h**e ha u sa batle letho le tsoang ho eena?
Sebabatso: kea lakatsa h**e eke a ka utloa ha ke cho joalo ho eena empa mm, ke bona feela poli e ikemiselitseng ho ikhopisa, ha se moleko o utloang ono. Ke koatisoa feela ke h**e hona le ntho e ntseng e tlo re kopa kopanya 'na le eena...... ke cho e ntseng e tlo nkhopotsa eena. Be! Ke nako mang mokhotsi?😳

Likhapha a sheba fono ea hae "ho setse metsotso e leshome hora ea pele e otla.
Sebabatso: hora ea pele! Jooe....(a rialo a potlaka a siea Likhapha)

Likhapha: keng?
Sebabatso: bona, ke kopa u ntšoarele, ke lebetse ha u re oa nchakela h**e ho.....ho hona le.... Ke kopa u nchakele ka letsatsi le leng. Hona le moo ke lokelang ho potlakela....shapo ke tla u bona 'Mantaha aker (a cho a se a hoelehelitse a le pele koana.)
Likhapha: bathong 😧

Habo Shale
Shale o ntse a fasa lieta, ha a qeta a nka sekipa a apara a eme ka pela seipone. A nka perfume a itšela a nt'o nka watch a e roala. A nka hand lotion a itlotsa , a sheba nako letsohong la hae a fumana hora ea pele e qeta ho otla a nka fono ho letsa

Malaeneng
Sebabatso oa phothasela, oa tena oa tsola, o apara sekipa oa se hlobola o lata se seng o bona se se hantle oa se hlobola o sheba se seng. A lata fono o sheba nako a fumana h**e haesale a e tima nakong eo a neng a e koalla Sipho. "Kor oa tseba ke ntse ker ke qeteletse ke e......" Hang ha a qeta ho e bula mohala oa Shale oa kena

Ka mora hora le metsotso e kabang mashome a mabeli ka koloing ea Shale

Shale: kea tseba ha u batla u ka nna oa re re buele hona mona empa ke kopa re batle sebaka se hantle h**e re tsebe ho bua.

Sebabatso a lumela ka hlooho feela.

SEBABATSO 42 🕊️🥀🥀

Hora ea bone ha e otla Sebabatso a qala ho ferekana, a utloa a sa tsebe h**e na oa ea ho shale kapa joang. Haele hantle boemo bona boo a leng ho bona bo ne bo mo kokobelitse hoo ho ea ka eena eneng eka a kese kopane le batho hohang, empa ho ne ho keke hoa etsahala hoba joale o ne a lokela ho ea sekolong. Ho ea ka eena ene eka motho e mong le emong oa bona h**e ke moimana le hona oa monna oa motho le h**e o na le tšoaetso. O ne a bile a theohile 'meleng ka lebaka la ho nahana haholo ka boemo bona kaofela.

Joale ea h**e Shale o ne a bile a tseba boemo ba hau ea mo toutisa ho feta, a utloa a ipotsa h**e na o ilo shebana joang le eena. A bile a ikutloa eka ke ngoana ea sa ithuting ka liphoso haeba o se a ntse a mathela bashanyana le hona ka mpa, a qetella a entse qeto ea h**e ha a ee ho ea kopana le Shale.

Shale ha a tloha mosebetsing a qala ho letsetsa Sebabatso a re a mo tataise ho ea moo a lulang a mo late.
Sebabatso: (o araba mohala oa Shale) ke koenehile.
Shale: U.... U koeneha joang Sebabatso? U tsebe ke tseleng.
Sebabatso: khutla u ee moo u lulang, ha ke batle ho kopana le uena Shale 'me kea u kopa u ke kopa u khaohane le 'na. Joaloka ha ke ilo ka cho ke leboha ka sohle seo u nketselitseng sona empa ke kopa u khaohane le 'na. Ke moimana. Ke lokela ebe hona joale ke touta h**e na ke tlo nka chelete ea maleiri kae eseng ebe ke se ke ntse ke toutisoa ke bashanyana. Kannete re keke ra khona ho kopana....

Shale: Sebabatso butle mamela....... Sebabatso....hello.... Sebabatso (O boetse o nkoalletse mohala.)
A pakella ka theko o kena WhatsApp ho lata Sebabatso hona teng "hobaneng ha u nketsa tje, ha ke hloke ntho e ngata, ke batla feela metsotso ea hau e mehlano u 'mamele" a romella molaetsa ono empa Sebabatso a se o bale. A leka ho mo letsetsa hape eaba Sebabatso o ntse a sa arabe mohala. O bile a tsamaea a ea hae.

Ha Sipho, Thulisile oa kena
Sipho: moratuoa oaka, kea leboha ha u tlile. Ke kopa u lule fatše. Ke tle le metsi?
Thulisile: Sipho u itse re tlo bua joale.....
Sipho: ho joalo, ere ke kene tabeng(o lula pela Thulisile o mo tšoara letsoho) moratuoa oaka ke kopa u ntšoarele.
Thulisile: ha u entseng?
Sipho: ka taba tsena kaofela
Thulisile: li feng?
Sipho: kaofela ha tsona, ho u chita ke bile ke qetella ka ho etsetsa Sebabatso ngoana. Ke bile ke e nahanne taba ena 'me ke batla re tlo e shebisana, mohlomong ra qetella re fihletse qeto e tla re khotsofetsa bobeli.

Thulisile:😳
Sipho: ntšepe taba ena ke e nahanne ka mahlakore a mabeli 'me....
Thulisile: ke efe qeto eo?
Sipho: ke.....ke.... Bona empa feela ele maikutlo aka ker rea shebisane. Ha se qeto, kor ha ke e-so etse qeto ka eona taba ena, ke batla ho...
Thulisile: mphe seno seo u se nahanneng
Sipho: mohats'aka re ka nka ngoana ha a hlaha ra tla ra ikholisetsa eena

SEBABATSO 41 🕊️🥀🥀

Sipho a boela a letsetsa Thulisile, khetlong lena fono ea hae ea kena.
Thulisile: Sipho keng?
Sipho: re hloka ho bua, ke kopa u tle hae re tlo lula fatše re bue joaloka batho ba baholo.
Thulisile: hahona letho leo ke tlo le bua hoba ho hlakile h**e....
Sipho: ke kopa feela kajeno ha u tsoa sekolong u pote re tlo shebana ka mahlong re fihlele tharollo ea bothata bona.
Thulisile:...
Sipho: Thulisile
Thulisile: ke tla bona haeba ke tla atleha ho pota.
Sipho: kea leboha

Sipho a beha fono tafoleng "kor re nke ngoana re tlo ikholisetse eena. Aa, o tla utloa eka ha kea ikokobetsa. Thulisile moratuoa ho kaba joang ha re ka nka ngoana ho tla moholisa? Kapa o tla nahana h**e ke tla ho eena ke se ke ntse ke entse qeto?" Sipho a rialo a ntse a batla tsela e hantle ea ho kopa Thulisile h**e ba tlo ikholisetsa ngoana Sebabatso.

"Hang ha a lumela feela ke letsetsa Sebabatso re kopane, ae ebile eena le moo a lulang ke tla ikisa. Hoba o sele matsatsi ana ha a arabe mehala eaka"

Hora kea bobeli Shale ka ofising ea hae
A ema a hlaha monyako, ho sheba h**e na ho sana le batho litulong. A fumana 'm'e a le mong.
Shale: u tlo lata litlhare?
Mosali: ee ntate
Shale: ka nako ee? Bukana...
Eo a fana ka bukana a mo sebeletsa a e khutlisa.

Hang ha a iketla feela a lula setulong hoa tla Sebabatso kelellong ea hae. A khoehlisa tae a nka fono ho mo letsetsa.
Sebabatso: hello
Shale: ha re kopane re tlo bua.
Sebabatso a sheba nomoro e letsitseng a khutlisetsa fono tsebeng "ke mang?"
Shale: ke Shale, ke kopa u mphe metsotso e fokolang ea nako ea hau, re kopane re tlo bua.
Sebabatso: 🙄
Shale: kea kopa
Sebabatso: neng kae?
Shale: ka hora ea bone, ke tla u ngolla WhatsApp h**e na re kopane kae.
Sebabatso: haeba u tlake u khaohane le 'na ka mora mona ke tla tla.
Shale: ke tla khaohana le uena ka mora mona.

O ne a se a cho feela ho qoba likhathatso, h**e Sebabatso o tlaha a koeneha

Sebabatso: ke tla tla
Shale:kea leboha
Ba khaola mehala

Shale: tloho kajeno u tle u bone h**e na ke tla khaohana le uena kapa joale ke mohlang re seng re sa tlo sukulisana h**e re kopane (Shale a rialo a shebile fono ha a qeta ho khaola mohala)

Empa ka pele-pele sefahleho sa hae sa senyeha, a bonahala eka hona le seo a se hopolang se mo senyetsang khotso.
"Hana hape ke moimana....hmk, ke h**e ke lebetse..... Kelellong eaka ke taba ea tšoaetso feela. Mohlomong kea utloisisa joale h**e na hobaneng a le tjena, motho enoa o hloka nako a ke fole, o sa ntsane a utloile bohloko ke motho ea mo etsetsang ngoana ha a qeta a iphapanye. Empa hee ere ke tle ke utloe h**e na o reng"

SEBABATSO 40🕊️🥀🥀

Sebabatso o bile a koala buka a e beha koana a kena likobong a khaleha, eare hantle haeka boroko bo tla kopana fono ea lla. Ene ele Sipho empa kaha o ne a ile a mokiba nomorong e 'ngoe o ne a letsitse ka ea sa e tsebeng.

Sebabatso: hello
Sipho: Sebabatso (Sebabatso a be a se a tseba lentsoe lena)

Sebabatso: ke h**e Sipho.....nxa ha ke tlo ntšenyetsa khotso ka lebaka la hau. (A cho a khaola mohala a bile a beha fono tlasa mosamo a ikhukhumetsa)

Hoa se fete le metsotso e leshome fono ea boela ea lla.
Sebabatso a e hula tlasa mosamo a sa sheba le h**e na ke mang.

Sebabatso: hantle u ikemiselitse ho nteka, ke h**e u iphetotse moleko oaka, satane bophelong baka. Khaohana le 'na uena maan...... Nxa
A cho a bile a khaola mohala a khutlisetsa fono tlasa mosamo.

Shale: 😳 (o shebile fono ha a kholoe seo a qetang ho se utloa) satane bophelong ba hae! Ka mohala oo oa mohala feela! Bathong😧

Shale a batla ho letsa hape, a mpa a tšaba ho tla utloa mantsoe a mang a boima hape.

Letsatsi le hlahlamang. Hora kea leshome Likhapha le Sebabatso ha bana sehlopha ba ilo lula tlasa moriti oa sefate. Sebabatso esale a thola.
Likhapha: u hantle?
Sebabatso: oa tseba ho thata ho amohela h**e matsatsi a ntse a chaba a likela 'me nako eaka e ntse a tamela ea ho iphumana ke le motsoetse.

Likhapha a utloa a sa tsebe h**e na o reng a hemela holimo feela.

Sebabatso: ke entse qeto.
Likhapha: eang?
Sebabatso: ke tlo qala ho lata litlhare(o seka meokho, oa panya panya ho e thibela ho se tsoe)
Likhapha: kea tseba ha ho bonolo mokhotsi empa ke thabile ha qetellong u nka qeto ena.
Sebabatso: ha ke e-so utloisisi letho le ntseng le etsahala hona tjena bophelong baka. Ekare ke ntse ke lora, eka nka fumana motho ea ntsitsinyang a ntjoetsa h**e ke ntse ke phofa....hmk! u ka tseba ha Sipho a ntse a ena le sebete sa ho ntetsetsa!
Likhapha: ntjoetse h**e u itjoetselitse monna eno.
Sebabatso: ke mo siile moo ke mo lebetseng
Likhapha: sefelekoane seo, ke utloa ke monyonya h**e.

SEBABATSO 39🕊️🥀🥀

Hora ho lata ea botšelela mantsibuea Shale o fihla hae o fumana 'm'ae a ntse a le lipolotong.
Shale: hosane e ntse e le letsatsi hle, phomola.
'MaShale: u entse hantle u fihle, hona kajeno lena ha kea phomola.... hao! Ae
Shale: ese ele joale?
'MaShale: ekaba eng haese "he he Shale o batla kebe ke shoe a e-so mphe setloholo" ('MaShale a rialo a entse lentsoe le letenya a etsisa monna)
Shale: jo ebe e ka nka fofa ho ea kena phapusing eaka ea boroko.
'MaShale: kajeno ekar o itjoetsitse, ha hona moqoqo ha ese setloholo.

'MaShale a phutha lintho tseo a neng a ntse a li sebelisa ba kena ka tlung le Shale.
Eaka Shale a ke se kene
Tatolo: hantle morero oa hau ke h**e kebe ke shoe ke e-so bone kapa hona ho aka setloholo saka?
Shale: khotso ntate.... U sa le mocha hampe butle ka lefu hanyane.
Tatolo: Shale...
Shale: ntate kea u kopa hle, keabe ke khathetse ke hloka ho phomola.

Totalo: mokhathaleng oo oa hau o tlo ngoatheloa ke mang, hoba ha ene eba u nyetse u kabe u fumana....
Shale: kharebe e teng ke tla e tlisa hae le tlo e tseba haufinyane.
Tatolo: ke eona ntho eo ke buang ka eona, bolehe bona bo bo kana kana 'na ntatao kene ke se bona. Ho fihla moo u mpelaetsang h**e ha u sa tšabe banana u mofuta ona oa mehla bofelo oa bashanyana ba luletseng ho bonya le bashanyana ba bang. 'Me ke hle keo joetse eseng mona haka, meleko eno o tla e etsetsa hole koana eseng u ntse u lula ka hara ntlo eaka.

'MaShale: bathong ntate, o se a chulo h**e o tlisa kharebe hae re tlo e tseba.
Tatolo: kena le bonnete ba h**e u bua ka mafelo a beke eona ena.
Shale: ntate!😳......ke kopa ho ea phomola(a leba phapusing ea hae ea boroko)
'MaShale: (o lula pela Tatolo) ntate oa bona h**e u beha ngoana eo tlasa khatello e joang!
Tatolo: khatello eang? Shale o na le mosebetsi o hantle, keng e setseng h**e a ka nyala. Lithaka tsaka li na le litloholo 'na ke kobile linala mona ka moshanyana eo ke seng ke sena bonnete ba h**e na ke moshanyana kapa keng.
'MaShale: kannete ntate!
Tatolo: ke reng hoba thaka tsa hae ke tsele li ntse li nyala
'MaShale: mxm..... Keo tšelle lijo? (oa ema o ea kitchening)

Ha Sipho
O qeta ho fihla o fumana ho thotse tu! Ka tlung. A fihla a beha mokotla sofeng, a tlamolla tae a rola lieta a kakalla sofeng. Fono ea hae ea lla ele 'm'ae.

Sipho: 'm'e
'MaSipho: haebo keng ntho eo ke e utloang ea h**e Thulisile o teng hae moo ka thoto?
Sipho: mmh
'MaSipho: mmh keng? O etsang moo Thulisile ka thoto? U seke oa ntjoetsa h**e u se u qalile ka bofebe bo mona ba hau.
Sipho:😶
'MaSipho: Sipho oe

Sipho: feela 'm'e ha re bue 'nete kea bona h**e kea sebetsa ke tiisitse feela joale ha kena mojalefa. Ntho tsee tseo ke ntseng ke li sebeletsa qetello ea tsona ke efe?
'MaSipho: oh kea utloa joale, taba ee kaofela ke taba ea Thulisile ea ho hloka ngoana?
Sipho: mm ha se eona

'MaSipho: keng haeba ha se eona? Keo joetsa mehlaena h**e haeba bana ba iketsetsoa Thulisile le eena a kabe a iketselitse oa hae aker. U nahana hona le mosali ea thabelang ho hloka ngoana?......nkarabe kea u botsa.
Sipho: 😶
'MaSipho: lata mosali oa hau u tlohele bohlanya joale u mo tšehetse o hloka tšehetso ea hau.
Sipho: ke.... kena le.....
'MaSipho: u na leng?
Sipho: che.... tla etsa joalo, ke tla mo lata (hoaba thata ho Sipho h**e a joetse 'm'ae h**e o na le ngoana le Sebabatso)

Ha 'm'ae a qeta ho khaola mohala, a utloa a ferekane h**e na o letsetsa Thulisile kapa Sebabatso. Taba ea Sebabatso ene e ntse e batla e mo tšoarisa hlooho ka h**e na o tla mo tšoarela ka mora ntho eo a mo entseng eona. "Ha a ka batla ho kutloa a ntšoarela, ke nka ngoana ke tlo moholisa le mosali oaka. Ese eka Thulisile aka lumela sena empa ere ke bue le eena pele nka ea ho Sebabatso"

Malaeneng ha Sebabatso
O tšoere buka o leka ho bala empa o se a na le metsotso e kabang mashome a mararo a ntse a pheta mola o le mong. Oa o bala hobe le ntho e tlang kelellong ea hae, a nahane ka eona a khutle a o bale hape. O bile a beha buka koana a ea noa metsi a khutla a qala ono mola oo hape.