Mothipoloho-lipale

Lumelang bana be so...🙏
Ke kopa ho le tsebisa h**e ka mabaka ao ke sitoang hoa qoba,ke tlo koala leqephe le na mme ke etse le leng moo re tla nne re tsoele pele ho bala lipale ntle le ts'etiso ea letho. Qholotso eo ke kopaneng le eona e ntlama h**e ke koale leqhephe le na.

" MOFOLI-MOTSEKA" ke leqephe le lecha leo re tlo le sebelisa. Mme ke tlo sebetsana le ho le etsa ho na joale.

Ke sa tsoa ngola ka litaba tse ts'oanang le tsena! Itlhokomeleng hleng; lefats'e le jele boea!🙏

EA MOLATO KE MANG?

E na ke pale e tla latela e see neng ho tloha kajeno,mme ke ntse ke lumela h**e le eona e tla le natefela! Joale mona re tlo lokisa malapa,mme re tlo ithuta haholo ka emeng ea mefokolo e isang ts'enyehong ea malapa/manyalo.

Ke kopa hape ho araba potso eo hangata ke kopanang le eona,mme ke hlakise lintlhanyana tse itseng;

Potso eo ke lulang ke e thola kea h**e na lipale tseo ke li ngolang ke li nka kae; a na ho na le libuka moo ke li nkang!
KARABO:
Lipale tseo ke li ngolang ke boiqapelo ba ka; mme ke qapa lipale ho latela liketsahalo tse ling tse itseng bophelong. Ha buka eo ke nkang lipale tsa ka ho eona; ha ke ngole pale bukeng pele,ke qapa pale ke ts'oere Fono ke se ke ntse ke ngola; ha ke toute pele kapa ho thuisa na ke tlo ngola eng,hang ha ke qala ho ngola,litaba lia itlela.

Taba e nngoe ke ena ea batho ba bangata ba kenang inbox ba nkopa ho etsa libuka: Bana be so kea le leboha; taba e joalo e mehopolong ea ka,mme ke ntse ke leka ho etsa mekutu eohle h**e ke fumane mecha e nepahetseng ho le ngolla libuka! Mona ke kopa ts'ehetso ea lona haholo ka lithapelo, etsoe ka ho etsa joalo,ka letsatsi le letle le kheethiloeng ke Morena,le ka iphumana le le motlotlo ka ho lemoha h**e eo le mots'ehelitseng joale litholoana li teng.

Ke boele ke hlakise h**e; ke na le boqapi bo bongata haholo,ke ka hoo ke ngolang lipale e seng pale. Ha nka emella pale e le nngoe fela mocha-o-chele; seo se ka fokolisa mokhoa oo kelello ea ka e sebetsang ka teng.Ke rata h**e ke ngole,pale e fele e ntse e ts'oere morethetho,e e-so ho le tene.

Tsebang he h**e ka letsatsi le leng le tla bala libuka...ha Molimo o ratile le boele le be le monyetla oa ho shebella tse ling tsa lipale liea-le-moeeng-pono tsa lona; eo ke toro ea ka!

Khotso...Pula... Nala!🙏

Ke le kopela khotso le Mohau ho Molimo! A le boloke mme a le atlehise linthong tsohle tse thatong ea hae!🙏

Morao tjena likhaitseli tsa rona lia bolaoa,bo 'm'a rona b'a bolaoa; ntho e bohloko ke h**e ba oela melekong ka lebaka la lerato leo ba nang le lona malapeng a bona! Ha ho na motho ea thebelang ho bona tlala ka lapeng,h'a eo ea ratang ho bona bana ba robala ka lephako! Ke ka hoo likhaitseli tse na tsa rona le bo 'm'a rona ba etsang maoala ohle h**e ba thole mosebetsi e le ho phelisa malapa.

Tsietsi ke e na;
E re ka ha bohle re se sebelisa marang-rang,ke ho na moo boholo bo kenang melekong teng; e leng lepatlelo le leholo moo babolai ba qotsang teng ho ea etsa merero e mebe.

Ha se baroetsana le basali fela ba oelang molekong oo; esita le bahlankana le banna ba hlokometseng malapa,ka ho ts'oana le bona ke liphofu.

Morao tjena re lemohile h**e batho ba retliloe ka bongata bo nyarosang; ha e sa le re bona lits'oants'o tsa ba bolailoeng ka sehloho,re utloa liea-le-moeeng; mme taba e na ke tlhoba-boroko ka ha lefats'e ha la bolokehile.

Re phela nakong eo ho sa lokeleng h**e re ts'epe le ha e le mang, hobane le eena eo u mots'epileng,a ka rekisa ka uena kapa a u bolaea eena ka seqo.

Ke ngotse pale Ena e bohloko e le tlokomeliso fela, haholo joang mehleng ena eo mesebetsi e leng leqeme! Ha re itlhokomeleng bana be so,ha re tloheleng ntho ea ho kholoa batho bao re sa ba tsebeng ba ntseng ba re ts'episa mesebetsi! Ha re lemoheng mme re baballe bophelo ba rona sebakeng sa baratuoa ba rona!

Kea lumela h**e pale e na e khuts'oenyane e le rutile ho hong! Mme ho rona ho teng bao molaetsa o ba fihlileng ka botlalo!

Ke le kopela ts'ireletso ho Ntate Molimo! Ke le kopela bohlale; mme kea lumela h**e ka matla a hae le bolokehile,ha ho mang kapa mang ea ka le hohelang ho ea lefung hobaneng eo le lumelang ho eena; e leng Jesu Kreste o na le bophelo,mme Satane h'a na matla ho lona!

Ithuteng horapela ka mehla eohle; liqholotso li tla le fihlela,empa le tla lihlola! Le tla rohakoa,empa Molimo o tla le hlohonolofatsa,le tla sonngoa empa le tla thola thoriso ho Molimo,ba tla le soma empa le tla ts'elisoa ho Molimo; litlala li tla le fihlela empa Molimo o tla le hlokomela....

Ebang le moea o le mong le Kreste,phehellang ho morapela le tle le bolokehe,mme meea ea Lona e bolokehe!

AMEN!🙏

SEPHIRI SA MAHLOMOLA (47)

Ruri litaba tsa mohlang oo li ne li nyarositse batho,mme ba bang ba sa kholoe h**e litaba tseo ke tsa Mahlomola e le ruri! Koana joalo ka ha re ile ra bolela pele,ho ne ho se motho ea nahanang h**e Mahlomola ke motho ea mobe hakālo; e ne e le motho ea shebahalang a le bonolo haholo,ea lihlong;athe sephiri sa hae ke se tebileng haholo, sephiri se nyarosang.

Ka mora moo;Mmathepelo,Lisotha le Boits'epo ba isoa tlhabollong ea maikutlo ka ha ba ne ba harohile matsoalo hampe-mpe!Ka mor'a matsatsi a se makae,ha etsoa phatlalatso h**e batho bao e bang ba nyameletsoe ke beng ka bona tlo sheba na ba ka se ba tsebe moo.Ba seng ba kae ba ile ba hloauoa,ho kenyeletsa le Tatolo; ha e le litopo tse ling li ile tsa sitoa ho tsejoa,mme tsa bolokoa li le joalo.

Re tla utloisisa h**e,ho ne ho bolokoa litopo tse hlokang lihlōho,ho hong e le likokotoana tsa lihlōho fela tse hlokang mmele; e le matsoho le maoto,likarolo tse ling tsa mmele tseo ho sa tsejoeng le beng ba tsona.Ha e le ntlo ea Mahlomola ea chesoa,ka mora moo ha tlosoa lintho tsohle moo ha boela ha e ba sebaka fela se hlokang mong'a sona.

Mahlomola le monna ea setseng le eena,esita le monna ea thusitseng bo Mmathapelo,ha letsatsi la nyeoe le fihla; nyeooe ea chochisoa,mme bao ba sitoa ho latola molato,monna ea pholositseng Mmathapelo le bao a neng a e na le bona; a paka khahlanong le Mahlomola,a b'a fana ka leseli h**e Mahlomola o ne a sebetsa le bo mang mosebetsing oo oa bona o lits'ila,mme bao ba ile ba qhautsoa ka morao ho moo.

Mahlomola le monna ea nang le eena molao oa ba hlokela mohau,ba ahloleloa ho hlola chankaneng bophelo bohle ka makhetlo a leshome ntle le boipiletso,mme ba koalloa moo ba sa kapaneng le ho bonoa ke ha e le mang.

Monna ea thusitseng bo Mmathapelo,ka lebaka la seo a se entseng;a bona mohau o moholo,mme a fuoa kahlolo ea lilemo tse leshome fela,mme ha fanyehoa tse hlano tsa tsona.Ka mora h**e kahlolo e oe,Mmathapelo, Boits'epo le Lisotha;ba ile a ka monna eo haholo ka likhapha,ba mokhothatsa le ho moleboha haholo.

Lipatlisiso li ile tsa bonts'a h**e kaofela liphofu tsa Mahlomola ke tseo a li thotseng ho marang-rang,haholo Facebook ka ho ba ts'episa mosebetsi;esita le eena Boits'epo le Lisotha.

Sephiri sa Mahlomola;mmolai ea ruileng ka mali a bana ba batho,kajeno se pepeneneng,mme se mosenyelitse bophelo;batsoali ba hae ba soabile,mme mmae eena o bile a hloleha hoo a ileng bolaoa ke pelo hang fela h**e Mahlomola a kene ntloana-ts'oana!

SEPHIRI SA MAHLOMOLA

SEPHIRI SA MAHLOMOLA (46)

"Ke kopa ho hlalosa hle mong'aka; ha u ka khoehli-khoehlisa ntho tse na fela kea buoa. Ke khaoha matsoho nthuseng hle!"Ke Mahlomola eo a leka ho bokolla.

Leponesa le leng le pel'a hae pelo tlepe!Ha hoba mpama e nngoe tjena ea mofuta oa eona, le hona ka molumo o mong tjena o kopaneng ha monatjana; ha re fela tloanya!

"U tseba eng ka bohloko uena? U bona mmate ua hao mo? Ke hona u tlo buoa na batho ba na u no ba bolaela eng,le h**e u ba thotse joang!"Ho rialo leponesa le sa tsoa mohoba ka mpama.

"Ke kopa ho ea ntloaneng...ke kopa metsi...ke khaoha matsoho; jooo 'm'e oeeeee!"O rialo Mahlomola a utloa bohloko bo motabola pelo e na.

"Mobitse 'm'ao le eena rea mohloka mona!U khopo ntho tooe; se hlahile sephiri sa hao."Ke le ponesa le leng le bile le monoka ka enngoe mpama e boima.

Ka mor'a h**e sepolesa se qete mosebetsi oa sona,Mahlomola a qhojoa le mmate oa hae ho ea kenngoa koloing ho ea litlamong!Ea re h'a qala a hlaha monyako fela,sechaba sa tsoa taolong; ha re fela soa! maponesa a k'a molesa hanyenyane h**e sechaba se monts'e mokubeloana.Khele!Ea re sepolesa se kena lipakeng,motho oa rona a be a lahlile libopeho;ka mahlong ka mona ea ka kotolahali ea k'habeche,melomo e oele;ba e leketlisitse ka majoe le makotofa.

Ha sechaba se se khotsofetse, Mmathapelo a kopa ho bona eo Mahlomola,a lumelloa ho moatamela.

"Se tsoile Sephiri sa mmolai! A ko ipone na u joang; empa ho na e sa le qalo fela ea Mahlomola a hao uena mmolai tooe! U nfetotse mohlolohali kajeno,likhutsana li atile,u noele mali a bana ba batho;u robile lipelo tsa beng ka bona! Kotula seo u se jetseng."Ke Mmathapelo eo a hlokofetse.

"N...n....ntharele...!"Ke Mahlomola eo a leka h**e nts'oarele.

"U tla etsa ntharele e na ea hao molaong koana,moo o tla kopana le lithaka tsa hao."Ha Mmathapelo a rialo,a mobeha sehlethelahali sa mathe mahlong.

Nnete batho ba ne ba halefile hampe,ba bile ba maketse haholo; etsoe Mahlomola o ne a sa shebahale a ka etsa liketso tse nyarosang hakālo,mme ke moo batho ba ileng ba ithuta h**e,e fela ke nnete h**e mofuta ha o nkhoe ka nko e se qoba la koae!

Hae koana litaba li kene li potlaka,ha hla ha tuma haholo h**e Mahlomola o betsitse khoba e mpe haholo teropong; e itse ha li fihla ho batsoali ba Mmathapelo le Tatolo,ea e ba bohloko bo khitlang pelo,mme hang fela ba theoha ea inoesa ka nkho. Batsoali ba Mahlomola bona e sa le ba setse ba ahlame,ba sa utloisise h**e na e fela ho buooa ka mor'a bona kapa che.

SEPHIRI SA MAHLOMOLA (45)

Monna ea neng a thusa bo Mmathapelo,eena o ile a potlakisetsoa kokelong;empa o ne a ntse a tlamiloe a bile a lebetsoe ka thata.Mmathepelo o ne a ile a buoa le leponesa le leng,mme a le kopa h**e eo a thusoe,etsoe e le eena ea entseng h**e e be ba ntse ba phela joalo.

Joale ke matlotlosiea fela,litaba li se li ntse hasoa batho ba bokana moo ka bongata;empa ba ne ba so bone mehau e ka hara ntlo eo,ha e se fela ho bala lifahleho tsa maponesa h**e e ka ho ho be ka ntlong eo.

Mmathapelo o ne a ile a hopola h**e Mahlomola o ne a re o rapaletse holim'a monna oa hae,a hopola le h**e o bone ka mahlo h**e monna oa hae o feletse moo.Ke moo a ileng a bolela h**e o belaela h**e litopo tse ling li tsetetsoe ka tlung ka moo,mme a fana ka mabaka.

Ho ile ha nts'oa masalla ao a batho ka tlung ka moo;batho bona ntho e nyarosang haholo.A nts'oa ka lipolasitiki,ea e ba pokella e kholohali ka ntle lebaleng.Joale ha batloa mekhoa ea h**e ho epolloe ka tlung ka moo.

Jo!Sehloho se sekālo!Liphaposi tse mmaloa ha epolloa masapo a batho,litopo tse ling li bile e le hona li ntseng li bola!Bohloko ke h**e li ne li tsetetsoe joaloka lintja.Ruri ntlo ea Mahlomola e ne e le mabitla,metheho ea eona e tiisitsoe ka mali a batho!Ntlo ea tlokotsi;moo ho sollang meea e se nang molato.

Tseo ha li etsahala,Mmathapelo a se khitla habohloko,sello sa hae tsetsepela lipelong tsa ba se utloang; sa tabola banna le basali maikutlo! A utloa a nyonya Mahlomola ka pelo eohle ea hae,senoa-mali se fenethileng motsoalle oa sona!

Boits'epo le eena a bokolla ha bohloko,ngoana batho a ipotsa h**e na ke hobaneng h'a ile a ts'epa motho ea sa motsebeng.Lisotha le eena,ea ka ntho e hlanyang,a raroloha a batla ho baleha,a tona mahlo ea ka hlōho ea baleha.Aoo! Sechaba sa qala mofere-fere,sa halefa hampe-mpe sa batla ho likolleloa Mahlomola; maponesa a thiba thibang-thibang.

Mahlomola seboko sa hae h'a utloa ho monyeloa ke mahlāhlela,ea e ba se sele.

"Joeee! Jo 'm'e oeee! Joooo...! Bo-ntate ke kopa ts'oarelo! Ntho tse na lia moplaea!" Ke Mahlomola eo a bokolla.

"Ua bona uena!Ha u so lle moleko tooe oa lihele...!Lefu la hao ha le tlo u tatela ua nkutloa?Le tlo u monyela butle-butle,u tlo shoa sehloho le ho feta sechaba se na seo u se bolaileng!"Ke Leponesa le leng la mme ea seng a tiile tje.

"Ke ne ke kenoe ke satane ke kopa ts'oarelo."ke Mahlomola.

"Uena u kene satane!Le etsa lintho ha le qeta le tlama satane; u tlo fela sehloho.."Ke leponesa le leng la monna le khokofetse.

SEPHIRI SA MAHLOMOLA (44)

A mang a maponesa a ile a tsoa ka moo lihloho li kebile,e le ha ba khitlehile hampe ke ntho eo ba e boneng; empa hoo e ne e le linyane,ba tsoileng pele ho ea ka ntle,ba ne ba sa tsebe h**e ke ho na joale ba tlo bona liuta,botebo ba sephiri sa mahlomola!

Mmathepelo,Lisotha le Boits'epo,ba ile ba shebeloa seo ba ka patang mmele ea bona ba nto kakasoa ho ea ka ntle moo ho neng ho tletse batho ba bangata,athe ba mmuso bona ha ke sa buoa!E ne e le boemo bo nyarosang mmele,bo sithabetsang maikutlo le ho tetebetsa moea.

Ka mora tseo tsohle,joale mosebetsi oa ho phenyekolla ntlo oa qala;Aoooo!Maponesa a Molimo a haroha matsoalo,seo ba se bonang ha se be bobebe ho se kholoa;ba mpa ba nahana h**e ba shebeletse sets'oants'o se mona sa malimo a lifiliming(WRONG TURN).Ha e ba boima likelellong tsa bona,ba hopola fela h**e ho na le libuka tse kang MAHAHENG A MATS'O mehleng ea ne ea bo Mokopela,ea bo malimo bo Ramajoe,Mosonsoanya; Malimo bo Nyōko ka bo Motlejoa joalo-joalo.Ba ne ba sa hopole h**e mehleng e na ho se ho le teng malimo bo Mahlomola.

Ha ba kena liphaposing,ka ho ena ke pokello ea lihlōho tsa batho tse omeletseng,ka ho enngoe ke qubuhali ea matsoele a basali le bananyana,a mang ke lihoapa fela,a mang a tse a le macha. Ka phaposing e nngoe ke litopo tse bokolokoto fela,ha li na maoto le matsoho esita le lihlōho; ka phaposing e nngoe ke lihatsetsi tse kholohali,mme ka moo ke likaroloana tsa mmele ea batho ka ho fapana. Phaposi e nngoe eona,ea ne e ka tlase,ke lihoapa ke tseo tsa bana ba masea,ebile ho rapaletse setopo se secha sa monna.

Ruri ho na ke masisa-pelo fela! Motho o se a ka ipotsa h**e na litopo tsa batho ba bangata hakālo Mahlomola o ne khonne joang ho li boloka moo.Taba e bohloko ka hofetisisa,ke h**e na beng ka batho ba bolaetsoeng moo e be ba tlo ba boemong bo fe ha ba bona ketsahalo e sehloho hakālo e oetseng baratuoa ba bona.

Khele! Seo se bonoeng moo se ne se lekane h**e motho ea fokolang a ka hlanya; se ne se lekane h**e ea pelo e fokolang a ka senyeha bokoana bona,mme ea boi a ilibane ka ho panya ha nts'i.

Tseo tsohle li ne li etsahala Mahlomola a le mona,mme a talimile! Potso ke h**e na o ne a ikutloa joang h'a bona likeleli tsa banna le basali ba maponesa ba ba ngata hakālo; e be o ne a sa ipotse h**e na,ha esita ho lla maponesa a sa sa tsebeng batho bao e be beng ka batho ba bao a ba fenethileng ba tlo hlabeha ho le ho kae.

E be tseo maponesa a li bonang e se e le ha li feletse! Che,ba mpa ba sa tsebe!

SEPHIRI SA MAHLOMOLA (43)

Mahlomola o ne a lahlile sebopeho sa botho; mahlo a le mafubelu a tletse bobete, sefahleho sa hae hloentse se hloka mohau a bile a thothomela ke khalefo. O ne a rohakana ka mahlapa a tala,e ka motho ea lahlehetsoeng ke kelello,a bile a ts'ohletse makoeba.

Joale Mmathapelo, Boits'epo le Lisotha ts'epo ea fela; ba le bona lefu,la nkha linkong tsa bona.Ba ne ba sa lumele h**e lekhotlong le na ba tla phonyoha.Ka nako e no Mahlomola le baetsana ba hae ba phathahane b'a ba hlobolisa,mme lithipa tse ts'abehang ke tsena mme le loketse ho ba khaolela lits'iu ka lonya.Ntho e bohloko ke h**e ha ba ntse ba ba hlobolisa joalo,ba ntse ba ba tlapunya ka sehloho; ntho e bohloko hakālo!

Joale Mahlomola le bao a nang le bona ba loka,mme ba ts'oara Lisotha ho qala ka eena! Mmathapelo a koala mahlo,a ts'aba ho Sheba sehloho seo; ka pelong a re,"Molimo se na ha sea lokela ho etsahala!"

Le Boits'epo o ne a tutubetse a sa batle ho bona letho,a thothomela habohloko. Athe Monna ea ne h'a shoa,o ne a ile a ea le Maili-ili fela ke ho lahleheloa ke mali; mme ea re h'a bula mahlo,ka potlako a elelloa h**e ho etsahala eng.E re ka ha ne ba sa motlama ka ho le khongoana holimo h**e o se a shoe,a potlaka a re rao! A ba thola thipa e nngoe a kena ho bona ka sekhahla se nyarosang mmele; oa pele eena a mo monyela lipakeng tsa lehetla mona le molala thipa ea ba ea nyamella,eo a qhomela holim'a a bohla joaloka khomo a b'a ratlana a nto thakhinya moea oa phonyoha nameng.

Ao! Joale ea tjekana;he monna a e fekha eo!Hore na matla a makālo o ne a nkile kae,ha ho ea ka tsebang ruri.E loanne nakoana,ea re khabareng rabolloro ea khabola,athe maponesa a se a le teng. Mahlomola o lekile h**e oa tlhants'a; Jo..!Maponesa a mohata h**e a be a bitse 'm'ae sa mokana a ne a le teng mosebetsing eo ea hae.

Ma mora h**e Mahlomola a behoe tlasa taolo,a fasoa ka mahlāhlela le mmate eo oa hae,mmoho le monna enoa ea neng a thusa bo Mmathapelo! Khele! Pono eo maponesa a ileng a e bona e ile ea khitla lipelo tsa bona ha bohloko hoo banna ba ileng ba ts'olla meeokho; ea ba joale Maponesa a hobotse mahlo a tletseng likhapha ha ba bona bana bao ba batho ba neng le lekhatheng la ho shoa sehloho.

Ba lokolloa; Jo...!Bana ba batho ba sitoa le ho buoa,ba thothomela hoo ba le mangole a sitoang ho ba jara ka boraro ba bona! Monna ea neng a ba thusa eena o tlamiloe,empa o namaletse fela ho itse fi! Masetla-libete a joalo!Maponesa a mang a sitoa le ho its'oara,ke likhapa fela!😭

SEPHIRI SA MAHLOMOLA (42)

Monna eo ile he a siea bao moo!Che,nnete ke h**e ts'epo ea bona e ne e ntse e khutla; fela oho tlala e ne e ba qetile,le mmeleng joale ba se ba se na matla,athe Boits'epo eena ho hang o ne a bile e ka o lahleheloa ke kelello;se na seo ba leng ka har'a sona h'a tsebe le h**e ke ketsahalo eo a ka e phetelang motho joang ho latela bots'abeho ba eona.

Bosiu bo sele,mme ha utloahala molumo oa koloi e fihlang moo.E re ka ha Mmathapelo e le motho ea sebete,a phetla hanyane a hlahisa leihlo fela; e le ho bona fela na ho etsahala eng.Seo a se boneng ke h**e ho ne ho kakasoa lishobana tsa lipolasitiki li ts'eloa koloing eo;h**e na li ts'etse eng,moo h'a tsebe,o mpile a ts'ora nomoro polata ea koloi eo ka hlōho fela.

Mots'ehare o moholo,e se e le lihora tse ngata koloi e la e ile; monna ke enoa o eme pel'a bona mona o ntse a tsuba sakaterete.Ho banahala eo a ile a lahlela setompi moo,athe o se lahletse matlakaleng a nto ikela.Jo! Mmathepelo le bao a nang le bona ba utloa fela ka mosi ho nkha h**e moo ba ipatileng hoa cha; moo ba ntseng ba ipotsa na ba etsa joang,ha fela ruuuu...!

Ao!Ba hloka boikhethelo,ba lokela ho khoasoloha;athe ba khoasoloha joalo banna ba bang ba tla ba phaletse ba re ba tima mollo.Khele! Joale tsa sotha;ba re ba leka ho baleha empa hang fela ba ba qhautsa.

Mahlomola o hlahile ka ntle batho ba hae e le moo ba qetang ho tloangoa,mma ba reng b'a ba kakasa ho ba busetsa ka tlung. Monna eloa ea thusang bo Mmathapelo,h'a bona tseo,a ipolella h**e ho ka mpa ha shooa; ha re fi ka mahlong,a hula mosaqa oa thipa ho eena,mme ea re Mahlomola le ba bang ba lemoha; monna eo a be a hetse ba babeli ba le fats'e,mali tsapola e ka linko li khaotsoe melala.

Ao! Joale ha senyeha;monna eo a loana se nna,a setlela;a hlaba ka mona le ka mane! Ka nako eo Boits'epo le Mmathapelo ba tlatsitse lerata h**e batho ba utloe. Empa Jo...!le ha motho oa batho a ne a tiisitse hakalo,ka lebaka la ho hloka mothusi;ba mophunya,ba motabola linama,mali a phorosela ho eena,a b'a khathala.Mahlomola ea neng a tletse maqeba,le banna bao ba hae ba ka bang bararo,bao le bona ba tletseng mali; ba kakasa bo Mmathapelo,ha e le monna eo ba mohula joaloka ntja ho ea ka tlung ka ho lekanya h**e o shoele.

Batho ne ba utloile,mme ba bang ba bile ba hloelisa mme ba bona pono empe haholo hoo ba bileng ba hlaba mokhosi,mme maponesa a etsetsoa molaetsa.

Ka tlung ka mane Mahlomola le batho ba hae,ba batla ho qeta ka bone boo ka potlako.

Jo😭

SEPHIRI SA MAHLOMOLA (41)

Ea ba mona moo bo Mmathapelo ba leng ba felile;empa Lisotha a potlakela ho thola polasitiki eo ba ileng ba ikoahela ka eona ka mora ho lula khochelatsaneng. Ba ne se na bonnete ba h**e na ea bulang ke mang,mme khoao ea bona ea fela ea ba sebeletsa ka ha ho ile ha kena banna ba babeli ka moo.

Emong monna o fihlile a phopholetsa hohle mona sa mokana a batla ho hong,ea re h'a le lekhatheng la ho ea ts'oara polasitiki,ea nang le eena a re ba tsamaee o qetile.Monna eo ea reng o qetile,o fihle a hakolla litotsoana tse peli a li nokela polasitiking eo a neng a e nkile.

Khele!Mona ruri ho batlile ho nkha ho sa bola,ntho e ileng ea baka letsoalo haholo,ke setopo sa monna ea ne ea neng a leka ho loants'a ea thusang bo Mmathapelo!Empa ho ile ha bonahala h**e ha ba se natse; ka mohlomong ba nkile fela h**e ke se seng sa litopo tse sebelitsoeng!

Ba lutse joalo he ka moo ba ntse ba letile,ea re ha e ka bosiu bo tlo oela fats'e,ba utloa h**e lemati lea buleha!Ba boela ba ts'oha,empa ea re ha monna eo a kena,ba phakisa ba motseba.

"Shebang he! Ke le lokiselitse moo le tla ipata teng ka ntle ka mane Rea utloanang?"Ho buoa monna eo.

"Rea utloa Ntate."Ho araba Boits'epo, Lisotha le Mmathapelo.

"Ho lokile.Le se ke be la leka la tsoa moo pele ke fihla ho lona,hobane ho lebetsoe ka thata haholo mona;mme nna ke loketse ho bona pele na maemo a joang."Monna a rialo.

"Rea leboha hle Mohlomphehi."Ke Lisotha eo.

Monna eo a thola hanyenyane ea ka motho ea nahanang ho hong,ba nto bona a ikoahela sefahleho a lla;mpa metsotsoana e se mekae.

"Kea le rapela hle!Ha le se le tsoile le nkhopole hle;Moea oa ka o litlamong,le nna ke hloka ho tsoa mona! Ke khathetse ke ho utloa liboko tsa batho ba shoang ka sehloho."Monna eo o rialo a sisa pelo.

Mmathepelo a re,"U bile molemo haholo ho rona,mme kea u ts'episa h**e,ka lebaka la seo u re etsetsang sona;kahlolo ea hao e tla bebofala,empa le teng ha u ka ba p**i ea mmuso mme ua buoa tsohle."Ho rialo Mmathapelo.

Ba tsoile ka moo ba nanya,ba ba ba fihla phaposing e nngoe eo monna eo a ileng bula fenstere ea eona e neng e neng e bonahala e robiloe lits'epe; ba nto tsoa ka eona.

Monna a ba bonts'a moo ho bokeletsoeng bohlasoa ba matlakala le linthoana tse ling,a ba laela ho its'unya moo,mme a ba kopa ho se etse phoso ea h**e ba tsoe moo a so ba laele ho etsa joalo.Ba setse moo ba khothetse haholo,mme ba ipolella h**e ba tla leta,etsoe joale ba bonela tokoloho ea bona haufi haholo.

(Jo! E be ba tlo lokoloha?)🙄

SEPHIRI SA MAHLOMOLA (40)

Bohloko ba ho lula ka har'a boemo bo joalo,ebile bo tebileng haholo ho Mmathapelo le bao a nang le bona!Empa bo neng bo le pelong ea Mmathapelo e ne e le bo fetisisang,haholo joang h'a se a iponetse h**e monna oa hae o feletse kae;a bile a bone le hlōho ea hae.Mmathapelo o ne a se a rapela fela h**e ba tsoe ka moo,mme a tsebe ho ea molaong h**e toka e tle e phethoe ka Mahlomola.

Letsatsi leo ba le qetile ho se motho ea hlahang,etsoe ba ne ba lebeletse ka ts'epo h**e monna ea ne o tla fihla ho tla ba lokolla.Joale tlala ha e kopana le letsoalo ea e ba ntho e sele,ba utloa ba khoehla mangole; le ha ho le joalo,
Mmathapelo o nile a ba khothatsa haholo,mme a ba bolella h**e,tumelo le mamello ke ntho e kholo;mme ho na le nako eo a ileng a kopa h**e ba rapele mmoho,ba fela ba etsa joalo.

Nnete ke h**e monna ea ne o ne a ntse a leka ho bona na a ka thola monyetla joang,empa ho ne ho se bonolo ka ha Mahlomola joale a ne a sa ba ts'epe ka lebaka la monna ea ne eo a belaelang h**e o thobile le liphofu tsa hae.

Joale ke shoalane,ho ntse ho se nko ho tsoa lemina!ke tlala,ke letsoalo ke serame ebile ho nkha le hampe ka moo.Ruri e bile bohloko bo keneletseng,mme mona joale ba se ba itlhokela thuso ea Molimo o matla ohle.

Ba kokometse joalo ka moo ho fihlela Mmathapelo a fihleloa ke boroko ba sekhahla se makatsang;mme hang hang a ipona a tetebetse ka har'a seretse se ts'abehang;mme o ne a leka ho tsamaea,empa maoto a hae a ne a le boima,mme a tsamaea ka thata haholo.Ke moo a ileng a bona hojana māne,ho hlaha motho.

Motho eo o ne a hoelehelitse haholo a ntse a re,"Hetla ka morao....hetla ka morao...!"

Empa Mmathapelo h'a hetla h'a bone letho! Motho a hoelehetsa hape,"Tiisa haholo u se ke ua nyahama,u se u ea feta moo! Nka mehato u se ke ua ema."

Mmathapelo o ile joalo a b'a tsoella,ea re h'a hetla;a ts'oha haholo h'a bona Mahlomola le sekhakhatha sa banna se mo setse morao! H'a sheba motho ea ne,h'a sa le eo; a re phapha!

O phaphama joalo o fihlela Boits'epo le Lisotha e le bane har'a ntlo ba leka ho baleha.

"Keng? Ho etsahala eng joale?"Ho botsa Mmathapelo.

"Jo!ausi...ho na le batho ka mona,re utloa mantsoe fela ha re ba bone;ba bang ba ne ba lla habohloko."Ho araba Lisotha a ts'ohile.

"Nna ausi kea ts'aba hle!Morusu o ka mona o balehisa mmele oa ka; ke kopa re etseng ho hong hle."Ke Boits'epo eo.

"Butleng pele!Ha re ka leka fela ho etsa ho hong,re ba shoeleng!"Ke Mmathapelo eo.

Ea re h'a qeta ho rialo,ba utloa qhu! Jo...!

SEPHIRI SA MAHLOMOLA (39)

Nnete ke h**e;ha e ne e ba monna enoa ea thusang bo Mmathapelo h'a k'a etsa qeto hang-hang,ha ho potang h**e re ka be re tlo buoa tse ling ho na joale.Ho ne ho se ka moo le eena a tlo phonyoha,joale boraro bona bona bo ne bo tlo jooa ke kōeoko;ba ne ba tlo finyella moo ba bang ba ileng ho se le mang ea tsebang moo ba feletseng.

Hang ho ba monna eo ba ikholise h**e o fapane le pula,ba lokela h**e ba mo kenye ka moo le bo Mmathapelo;se na ke sona se tlo etsa h**e Mahlomola le malimo a mang ba se be pelaelo ho enoa ea thusang boraro boo.

Ka mor'a h**e monna eo a boele a ba notlelle ka moo; Jo! bana ba batho ba batla ba fapoha lihlōho!Ho ne ho bonesitsoe ka moo,empa ka khanya e lerotho haholo;empa seo se ne se sa sitise pono ea motho.Ho ne hakiloe mmele e bonahalang e le ea bana ba banyenyane,mme e hakiloe hantle joaloka ka likolobe tse qetoang ho selakoa le ho phumuloa! E ne e le lethathamo fela la masea,mme e le lokokotoana tseo e kang li ile tsa manehoa letsatsing pele;lihoapa tse balehisang mmele.

Khele!monko o na e le ntho e sele;ba ile ba leka ho ikoala linko,empa kae!ea ka hoja ha ba e so ho qale,oa ba kenella mmetsong ea ba ea ka hoja ba noele mohalakane! Lehlakoreng le leng thokoana māne,ke pokella ea maoto a batho;a ba ba nyenyane le ba babolo,mme le ona ka tsela e ts'oana,ke likokotoana fela.Mmele ea boraro boo ea shoashoapana,ha sa le ba hobola mahlo,ba tsitsipane hoo ba ileng ba utloa e ka ba ka khutlela morao;empa monna ea ne o ne a ile a ba hlokomelisa boemo boo,mme lokela ho leta ka moo.

Bosiu joale bo sele,ntoa e ka holimo ka mane ha e na mong'a eona,Mahlomola o halefile hoo a ts'ohletseng mokoeba,o se a bile a hlathile monna emong ka selepe a moqhetdotse hlohoana e na joalo ka mokopo.Le ha ho le joalo, monna ea thusang Mmathapelo a mokenya kelello ea h**e e sa tla ke e be monna ea nyemetseng,ke eena ea thobileng le liphofu;mona Mahlomola a lumellana le eena.

Joale qaka ea e ba h**e monna eo ba tlo mothola joang;ea e ba tsietsi! Khopolo ea bona ea ba fa h**e,e se neng maponesa a tlo fihla moo,mme le ha ba ka re b'a baleha,ho ka etsahala ba khahlane le ona hekeng.

"He banna!Lea bona h**e litaba li mabelebetloa a nakana tsa ts'ēpe; ha maponesa a fihla mona re loanela lefu,mme e ka khona le hle le hlomele.Sephiri sa ka se haufi le ho hlahella;empa se tla utoloha ke loanne!"Ho rialo Mahlomola a iphehla khalefo.

Motho o se a ka ipotsa na e be moo ha Mahlomola,ho tlo hlahella batho ba ba kae bao a ba bolaileng!

SEPHIRI SA MAHLOMOLA (38)

Joale mona ea e ba tsietsi e kholo;etsoe ba ne ba nahana h**e monna eo o setsoe morao ke ba bang,ha e le Boits'epo eena o ne a felile tu! motho o ne a ka nahana h**e ke mocholoko hlopheng;o ne a sa thothomele a nka ntho fats'e!

Ba eme joalo metsotsoana,ba lebeletse h**e monna eo o tla etsa ho hong,ba bile ba hopotse h**e ho tla kena likoeta tse ling esita le eena Mahlomola.E se neng monna eo a hloelisa ka ntle a nto ba laela ho khutsa,empa o ne hoeshetsa.

"Le etse fela seo ke reng le se etse,mme ke ona fela mokhoa o bonolo oa ho le pholosa; lea utloa?"Ho rialo monna.

Boraro boo ba oma ka lihlōho fela.

Monna eo a ba kopa ho sala ka moo,mme a re eena oa tla;empa a ba kopa ka matla h**e ba se etse phoso ea ho tsoa ka moo e se re ba senya litaba!a ba joetsa h**e ha ba ka etsa joalo,le eena ruri a ka shoa lefu le sehloho haholo.H'a qeta ho rialo a tsoa a potlakile,empa a hata a nanyana.

"Mmathepelo,ha re baleheng; nna monna enoa ha ke mots'epe,o ilo lata ba bang!"Lisotha o buoa a seba.

"Che,ha ke nahane e le bohlale ho etsa joalo,koana ha re tsebe na re tlo tsoa joang."Ho buoa Mmathapelo.

"Nna kea le siea! Ke batla ho phela nna;ha ke sa batla ho senya nako."Ke Boits'epo eo a bile a leka h**e o leba monyako.

"Butle hle Boits'epo! Tumelo ea ho e kae?A na ha u bone h**e Molimo o sebelisa monna eo h**e re lokolohe?Ke kopa le be le ts'epo,Molimo o iponahatsa maemong a tjena;moo rona bohlale ba rona bo fella,ke moo a nkang taolo."Ke Mmathapelo eo a ba khothatsa.

Monna ea ne a kena,a ba kopa h**e ba se etse liqi ha batsamaea,ba be hlokolosi ha ba hata,e se re ba tsosa banna ba bang.

"Empa ke lokela ho le hlokomelisa pele; phaposi eo ke le isang ho eona,ha e ba le fokola,le tlo fafoha matsoalo! Empa ke eona fela eo ke tlo tseba ho le nts'a ho eona; lona le tiee lipelo,le be le be le mamello,e tla re ha ho bolokehile,kea tseba ke tla le nts'a le ho kae."Ho rialo monna.

Ba ile joalo ba ntse ba nanya,ea re ha le kae kae,monna eo a nts'a senotlolo,a bula lematjana le neng le le fats'e a nto ba laela ho kena ka moo.E itse bao ba sa theohela ka moo,athe monna e mong o ne a ile a ba hlokomela,ke moo a ileng a ba sala morao.

Bo Mmathapelo ba utloile fela e se e le ntoa,ha Mmathapelo a khutla ho tla bona se etsahalang,ke h'a lemoha h**e monna ea ba thusang o se a kotsometsoe ke e mong!Mmathepelo ka sebete sohle,a fihla a nka monna eo ka mmetso; mothusi oa bona a khona ho phahama,ntle le boikhethelo,mothusi oa bo Mmathapelo a qeta ka eena.

SEPHIRI SA MAHLOMOLA (37)

Ruri ho utloisa bohloko ho lemoha h**e,ha ho le mang fela ea nahanang h**e Mahlomola ke mmolai ea lonya!Empa hoo ha ho makatse,etsoe o ne a le bonolo eo motho,mahlong a batho a hlompheha;ho ne ho se le ka mohla a qhoshelang batho,mme o ne a thusa batho moo ho hlokehang,a bonahala a le mosa haholo.

Ho totobetse h**e ho ne ho se ka moo batho ba ka monahanelang bobe,etsoe liketso tsa hae mahlong a batho li ne li khahla haholo! Batsoali ba hae ba ne le motlotlo haholo ka eena; empa ba ne ba sa tsebe h**e ba holisitse mmolai ea lonya,noha e mahloko a bolaeang.Ba ne ba sa tsebe h**e matsoho a ngoan'a bona a khenathetse mali a se nang molato.

Ntlo ea Mahlomola e koentse bophelo ba batho ba bangata,e tletse mabitla fela!meea ea bana ba batho e solla ka hare ho ntlo eo,ke sona selakhapane sa mahlomola;seo a khaolelang batho lits'iu ho sona.Boholo ba batho bo nyametse,le kajeno ha ho mang oa lelapa ka leng ea tsebang moo setho sa lona se ileng;ha ho ea tsebang h**e mali a hae a ntse a bokolla ka hare ho ntlo ea Mahlomola!ntlo ea khapha-mali.

Che,ha re li lese tseo re tla li bona mohla kotulo!Etsoe ntho e nngoe le enngoe e na le nako; o ne a rialo Moekelesia.

Boits'epo oa batho ha e sa le a finahana moo serameng sa samente a se na le khoele thekeng; a holehiloe joalo ka khoho e emetse mohlabi le mmolai oa eona.Serame le letsoalo ha likopana,tsa moetsetsa ntho e sele; o ne a se a sa thothomele joale a tsukutleha,pelo eona e kuputsa hoo e neng e la tloha phatlola sefuba sa hae.

Hantle ka khitla,Mmathapelo le Lisotha ba utloa h**e e ka ho khutsitse,etsoe ba ne ba sitoa ho tsoa moo e le ho thusa Boits'epo ka ha ba ne ba ts'ohile h**e ba se khaoletsoe mme joale ba senya litaba ho feta.

Ho ne ho le lefifi ka moo,mme ho se bonolo ho bona.Ke moo he Mmathapelo le Lisotha ba ileng ba khoasoloha,e le hona ho lokolla Boits'epo; tsa h**e na ka morao ho moo ho tla etsahala eng,eo eona ba iphapanyetsa eona,mme ba ipolella fela h**e ba se ba tla bona.

Jo!Boits'epo o utloile fela motho a se a mothetsa,a nahana fela h**e ke babolai ba hae; a utloa fela a se phasolohile a lla!Ka potlako Mmathapelo a mokoala molomo,a b'a itlhalosa;athe lerata la Boits'epo le tsositse e mong!

E itse fela moo ba qetelang ho molokolla,motho a kena monyako! Aoo! Joale sa khitla lejoe;ba tseba h**e ho felile ke lehlohonolo.Monna eo a ba bonesa ka lebone la letsoho,empa o ne a khutsitse! Boraro boo ea ba joale bo eme tlekelele!ba bona lefu,mme le ba tjametse.