Foodies

تجربة فروبيه البسيسة لأول مرة في معرض التمور بمدينة الزاوية.
الطعم لذيذ وغير مألوف في الفروبيه.
التقديم جيد.
النظافة جيدة.
بشكل عام تجربة مرضية ونعطيها ⭐⭐⭐

سندوتش لافينو من كودو فرع كشلاف طرابلس.
التقديم متواضع سندوتش ملفوف في ورق ألومنيوم مع كلينكس في كيس بلاستك عليه الشعار.
السعر 10 دينار، سعر متوسط في نفس الفئة.
الدجاج فيه منطقة متصلبة بلون مختلف وهذا مؤشر أنه تم تسخينه بعد طبخه وبردوته.
الصوص حار والماكلة سخونة بشكل مش متجانس.
بشكل عام التجربة غير مرضية ونعطيها ⭐⭐

سندوتش كبدة دجاج من طشطشة بمنطقة رأس حسن طرابلس.
التقديم أنيق سندوتش مع بطاطا ومخللات في باكج ورقي.
السعر 9 دينار، وهو منطقي مقابل ما تحصل عليه.
كمية الكبدة وفيرة، تتبيلتها والخلطة مناسبة مافيهاش زفرة ومش ناشفة.
بشكل عام التجربة جيدة ونعطيها ⭐️⭐️⭐️⭐️

برجر كلاسيك من T5 برجر بمنطقة الهاني طرابلس.
التقديم متواضع سندوتش ملفوف في ورق ألومنيوم مع كلينكس في نايلو.
السعر 9 دينار، زيادة شوية عن البرجر اللي من نفس الفئة.
اللحمة فيها طراوة زيادة اقرب للهشاشة ربما بسبب وجود خبزة بكثرة في مكونات الباتي "قرص البرجر".
الصوصات زيادة بشكل يطغى على المذاق.
مذاق الخضروات المشوية مميز ولذيذ.
بشكل عام التجربة مرضية ونعطيها ⭐️⭐️⭐️

سندوتش كبدة أسكندراني من مطعم الهبرة بمنطقة البطاطا طرابلس.
التقديم متواضع سندوتش ملفوف في ورق ألومنيوم مع كلينكس في كيس نايلو.
السعر 20 دينار، غالي لكن مبرر مع كمية الكبدة الكبيرة اللي في السندوتش مقارنة بالمحلات المماثلة.
الخلطة والتتبيلة نفس الخلطة الشائعة مافيهاش إضافات.
المذاق لذيذ لكن الكبدة مش طرية وفيها صلابة.
بشكل عام التجربة مرضية ونعطيها ⭐⭐⭐