روياتي My novels

..............💗💗💗 ليلة العرس .....
.............💗💗 #الحلقة التاسعة .....

_ وسام :- معقولة دايرة مشكلة مع راجلك علي خاطر
حاجة تافهة ..

_ وئام :- قصدك الإهتمام بيك إنت وبابا موضوع تافه..

_ موضوع تافه لأنه مايستاهلش يا بنتي راجلك أولى
وحني مش ناقصنا شيء ..

_ بالله عليك وسام خليني ..

سعيد فتح باب الحوش وخش ..

شاف لي وسام وهو مقعمز وقاله..

_ سعيد :- غدوة نبي السيارة كان ماتبيهاش عندي مشوار بعيد ومحتاجها..

_ وسام :- عادي ماعنديش مشكلة لكن كان تقدر تحطني في الجامعة في الصبح وبعدين عادي نصرف أموري ..

_ سعيد :- تمام ..

عدت الليلة و الثاني يوم جهزوا نفسهم و طلعوا وصل

سعيد ولده للجامعة وهو طالع ومتجه للمشوار اللي ماشيله..

و تقابله سيارة كانت معترضة طريقه ..

شاف كويس للسواق اللي كان بدوره يشبحله كويس بتركيز ..

و تذكر الراجل ذكرى صغيرة ..

_ يا أستاذ سعيد أني خوي بريء و ماليشي دخل في شيء ..

_ سعيد :- كل شي ليه ثمن أني مانعلمش بالغيب قدامي قضية والمتهم عارض عليا مبلغ بش نطلعه منه ..

المحاماة شطارة ..

_ المحاماة رسالة مش شطارة خوي بريء وإنت لما بطلع المتهم بريء وهو مذان بيخش خوي في مكانه ..

_ المحامين كاثرين تقدر توقفله محامي خير مني يدافع عليه ويطلعه ..

_ أني جيت كلمتك نحسابك بتحس بيا ..

_ اللي عندي قلته ..

_ حسبي الله ونعم الوكيل فيك..

الراجل تفكر كل كلمة صارت بينه وبين سعيد اللي واقف قدامه ..

أما سعيد فكان يشبحله ومستغرب نظراته اللي كانت كلها تحدي و فيها شيء من الحقد ...

وهني إدخل واحد راكب في سيارته ..

_ هيا واحد منكم يوخر سيارته سكرتولنا الطريق ..

وخر سعيد و وقف شوية وخطم الراجل اللي كان هو والد رؤيا زميلة ولده وسام وهو حاط عينه في عين سعيد لحد ماخطم وفات ..

سعيد سرح في شبحاته مع شوية إستغراب لكن إستطرد و حط علي ال D وفات ..
............💗💗 في حوش ياسمين 💗💗

_ حياتي كلها تعب عمري في السبعين ومازال ما إرتحتش .

_ يا فطيمة يا وخيتي سامحيني نقولك بنتك دلعتيها

هلبة قداش مرة زمان تنخطب و تفسخ وتسيب وهذا

إخي وهذا أعيي شوفيها وين توا ..

_ حتى إنت يا أمينة بالله توا هذا كلام خالة ..

_ بالله عليك إنت في قرارة نفسك ماتقوليش فيه الكلام

هذا مش حاسة بيه تبيني إنافقك بالله عليك حست بيك

اللي قعدتي عايشة علي خاطرها بعد وفاة بوها ترا

قوليلي كان من اللي توفى راجلك مشيتي شوفتي روحك وإنت مازال صغيرة راهو توا جايبة منها عشرة .

_ عشرة ..!!

_ إللي هو بمعنى ..

_ خلاص توا اللي صار صار ..

المهم المحامي صاحب راجل صاحبتها هو اللي بيطلعها
منها هكي قال

أمينة أخت فطيمة أصغر منها بي ثلاثة سنوات وعندها

بنت في عمر ياسمين إسمها عُلا ..

كانت في الكوجينة تجهز في القهوة لأمها و خالتها ..

وكانت تسمع في تهدريزهم وخشت للصالة وهيا شادة

سفرة القهوة علي كلمة خالتها الأخيرة ..

_ عُلا :- ياخالتي إنتم إضيعوا في الوقت ..

_ كيف نضيعوا في الوقت ..

_ فاكر هذا مش حا يدافع علي ياسمين ولا حايطلعها من

الحبس ..

_ أمها أمينة :- وعلاش مش واخد فلوس ..

_ فطيمة :- بالنسبة للفلوس سعيد قالي مش توا بعد
البراءة وأني والله موتيتهم مافي شي بالبلاش ..

_ علا :- هه حتى لو أعطيتوه مال قارون ..

وتشددت علي الشين ..

مشش حايدافع عليها خ خودوها مني

_ وعلاش شن السبب ..

سكتت علا و قعدوا أمها وخالتها يستنوا فيها تتكلم

لكن شيء ساكتة ..

لين عيطت عليها أمها وقلتلها

تكلمني فاهمينا علاش مش حا يدافع عليها ..

_ علا :- بصراحة فاكر و ياسمين علي علاقة من وقت

طويل و الفترة الأخيرة صارت بينهم هلبة مشاكل

تقدري تقولي ياسمين بدت تميل لي أيمن جاركم و فاتت

فاكر ومع الوقت فاكر عرف ودار عركة معاها وسيبوا

بعض أو بالأحرى ياسمين سيبت فاكر علي خاطر أيمن ..

وبعدين إكتشفت إنه يخون فيها سيباته..

_ مني اللي يخون فيها ..

_ أيمن إكتشفت إنه مش مخلي حد ..

فسحبت روحها منه لكن هو قعد يهدد فيها بصور وهلبة

حاجات ..

_ فطيمة :- بنتي أني هكي وأني وين ياربي يارب حسبي

الله ونعم الوكيل..

_ أمينة :- أهدي يا فطيمة خلاص توا اللي صار صار .

و وجهت سؤالها لبنتها ..

_ باهي يعني تقصدي بينتقم منها ومش حا يوقف

معاها ..

_ أكيد ..

٠٠٠٠٠٠٠٠٠٠٠٠٠٠٠٠٠٠💗💗💗💗💗٠٠٠٠٠٠٠٠٠٠٠٠٠٠٠٠٠٠٠

سعيد ماشي بسيارته وراء فاكر بعد ماكان مدرسله تحت عمارته و عازم علي مراقبته بش يعرف وين يمشي و وين يجي ...

ونرجعوا للأحداث فاتت لما خش الحمام و لقي سلسلة

سميرة وشافها لكن خلاها زي ماهي في مكانها بش فاكر مايحس بشيء ..

و وصل فاكر لمكان بعيد حوازة فيها إستراحة..

وسعيد مدرس بعيد يراقب فيه كيف خش للاستراحة..

إنفتح باب الجراج بالكهرباء ..

و خش فاكر وقعد مدة نصف ساعة ..

وسعيد مازال يراقب لكن بعدين قرر سعيد يخش وراه

وخر سيارته بعيد تحت سرولة ..( شجرة كبيرة ) ..

وخش يجري و تسحب من باب الجراج اللي كان نصه مفتوح ..

لقي روحه في قراج أرضي يعني باب الحديد لما فتح ماكانش باب يخشش للجنان .. لا كان كراج تحت الحوش ..

وقف يتفحص في المكان لقي روشن مستطيل للتهوية ..

لكن عالي شوية الروشن من جهة الجنان أرضي لكن في الكراج عالي ..

تلفت لقي طاولة حطها و ركب فتح الروشن ، الروشن كان فردة وحدة و سحاب من فوق لتحت..

نزل وطلع من المكان على طول ..

ركب سيارته ..

وطلع بيها طووول ..

💗💗💗💗💗💗💗💗💗💗💗💗💗💗💗

وصل سعيد للحوش لقي وسام و معاه ضيف ..

_ إنت 😒😒😒..

💗💗💗💗💗💗💗💗💗💗💗💗💗💗💗
............ 📱📱📱 ...........

_ فاكر :- ألو أيوة أني نبي نتكلم معاك ضروري ..

_ شن في .. أني مانقدرش نتقابل معاك

_ لازم نتقابلو في نفس المكان..

_ تمام..

💗💗💗💗💗💗💗💗💗💗💗💗💗💗💗

..............في حوش سعيد ..................

_ نسيتني ياسعيد ..

_ مش إنت اللي كنت في الجامعة ..

_ أيوة هو أني ..

_ إنت مني ..

_ أني من الماضي ..

تلفت الضيف لي وسام ولد سعيد وقاله ممكن تخلينا بروحنا..

شاف وسام لبوه و سعيد بدوره هز راسه لي وسام بالموافقة ..

طلع وسام وهو طالع قاله بوه ..

_ خلي أختك إدرلنا قهوة ..

_ وسام :- حاضر ..

_ الراجل :- مافيش داعي أني جاي بنقولك كلمتين..

_ إنت مني بالضبط ..

_ أني رضوان ، نسيتني ، نسيت رضوان يا سعيد ..

_ رضوان 😒

_ رضوان االي كان ضابط صغير في الشرطة ..

و خوه إنشد في قضية مخدرات محبكة و مفصلة عليه

بش تلبسه ...

وإنت يا سعيد دافعت علي الجاني وطلعته براءة لأنه عطاك مبلغ وقدره وحطيت خوي في مكانه ..

_ مش عارف أني مانتذكرش ولو كلام صح كيف بنحط

خوك في مكانه لو ماكانش فعلاً مدان ..

_ خوي مدان في قضية بالظلم و في الحقيقة هو مظلوم حبكوهاله بش يلبسها ..

وأني وقتها كنت ضابط صغير كيف متخرج ومانقدر ندير شيء

وإنت كنت محامي صغير وتبي توصل بأي طريقة ويبدأ عندك صيت ..

خليت خوي ينحبس في قضية وهو مظلوم لين توفى من القهرة..

_ أني مش متفكرك..

_ عارف ، وعارف وضعك كله .

اليوم أني جاي بش نقولك إني ماسك قضية زوجتك سميرة ..

_😮😮😮😮 سميرة إنت تعرف هيا وين ..

_ طبعاً أني اللي نعرف ..

وهني خش وسام وفي إيده سفرة القهوة ..

وقدم القهوة لي رضوان ..

_ رضوان :- مافيش داعي للقهوة نشربوها في وقت ثاني

وطلع رضوان و سعيد مشي وراه وهو يسأل فيه سميرة وين يا أخ رضوان لو سمحت نكلم فيك ..

تلفت رضوان و حط إيده علي كتف سعيد و تنهد و شبح لي وسام .. ورجع قال لي سعيد مش وقته توا ..

وطلع علي طول وسكر الباب وراه .

لكن سعيد قعد ينادي ويقول شن هو اللي بعدين يا أستاذ يا أفندي وتلفت لي ولده بعد ما ولده شده من إيده ..

وين مشي من غير مانفهم شيء ..

_ وسام :- خلاص فوته توا ..

_ كيف نفوته وبعدين منين يعرف إن أمك مختفية ..

وهني دخلت وئام أني بلغت عليها ..

_ سعيد :- إنتِ علاش ..

_ بش نعرفوا هيا وين ..

ضرب سعيد إيده كف بكف و خش لداره وهو يقول لاحول ولا قوة إلا بالله..

كانت ليلة ثانية علي سعيد وهو مازال مطّرب .

مع أحلام أو بالأحرى كوابيس مرعبة ..

كان يشوف في روحه وهو شاد وحدة والصورة مش واضحة لشكلها وهو يخض فيها فيها ..

( تكلمي قولي علاش درتي هكي )

خلاص ياسعيد أني ماشية ..

أطلع يا سعيد أطلع من هني بسرعة ..
.. مرت ليلة كلها كوابيس.. وجي الصبح ناض سعيد يجري جهز نفسه وطلع ..

وهو طالع ..

_ وسام :- بابا حتى اليوم تبي السيارة ..

_ أي في مشكلة ..

إستغرب من رد بوه وقاله ..

_ لا خلاص صاحبي جايني اليوم ..

طلع سعيد يجري ولع السيارة و مشي نفس المكان مشي للحوازة ..

درس سيارته بعيد و نقز من السور ..

وخش للجنان ولقي الروشن مفتوح زي ماخلاه خش من الروشن و نقز ..

لقي روحه في الكراج ..

رقب من الدورجات بش يخش للحوش لقي الباب مسكر ..

رجع دور علي حاجة يفتح بيها الباب لقي كتجافيتي خداه و فتح الباب بسهولة كان القفل والباب من النوع القديم..

خش وقعد يحوس في الإستراحة يدور علي أي دليل ..

فتح الدواليب خش لدار فيها زوز أسرة فرديات..

فتح الدولاب لقي حوايج مرا عبارة عن عباية وقفطان والرف فيه تشيرتات ..

الحوايج مش غريبة عليه خصوصاً العباية ..

وفجأة رجعتله ذكرى و سميرة لابسة العباية وتوري فيه فيها ..

_ ها شن رايك فيها طالعة عليا ..

_ باهية ..

_ إنت ديما هكي بارد علي قد ماندير معاك ونلبس ونتكم حراام عليك ..

_ 😮😮 سميرة ..

وفجأة يحس بحد خش للإستراحة تلخبط ومعرفش شن يدير و قعد في مكانه لابد ..

وهو يستنى مني اللي جي ..

خش فاكر ، جي للكوجينة طول فتح الثلاجة وخدي منها شيشة مشروب فتحها و قعمز يشرب .

شوية وجاته مكالمة ..

_ أيوة جيتي ، خشي ودرسي السيارة داخل مانبوش شبهة ..

_ سعيد بينه وبين نفسه ..

😒 في من ستنى هذا الباين عنده أسرار وأني

مانعرفش ..

وفجأة خشت اللي يستنى فيها فاكر ..

_ فاكر :- أهلاً وسهلاً بيك ولا زمان لينا فترة ماتلاقيناش.

_ ماكانش ساهل عليا بش نجيك لكن الموضوع يستاهل

المغامرة ..

😒😒 سعيد الصوت مش غريب عليه وفوضوله خلاه

يطبس من الباب بش يشوف شكون هيا هاذي ..

وهني كانت الصدمة اللي ماكانش متوقعها سعيد ..

😮😮😮😮😮😮😮😮😮😮😮😮😮😮😮

يتبع .... @الجميع

...........❤ ليلة العرس
............❤ #الحلقة الثامنة ..

الرسالة اللي كتب فيها فاكر تهديد لي ياسمين صاحبة سميرة في تلفون سميرة خلت سعيد يفكر
ومايرقدش الليل ..

علاش فاكر يكلم في سميرة ويهدد في ياسمين هل في بينهم علاقة باهي وشن دخل سميرة ..

لين صبح عليه الصبح وهو مش قادر يستوعب لكن قرر يكتشف بروحه من غير ما يبين شيء لي فاكر ..

❤❤❤❤❤❤❤❤❤
.....❤ في حوش أيوب ❤

_ وئام :- صباح الخير..

_ نهارك زين ياحلو ..

_ شن في ..

_ هو الواحد كان قال كلمة حلوة معناها في حاجة ....

_ عارفاتك إنت بو الكلام الحلو كله لكن مدام هكي عالصبح معناها في حاجة خصوصاً إن اليوم خميس ..

موعد زيارة بابا ..

_ بصراحة مزبوط ..

_ أيوب أرجوك الكلام هذا تكلمنا فيه

_ يا مرا إنتي تمشي الخميس الصبح تروحي السبت العشية وأني نقعد من أحد للإربعاء بس معاك وياريت شابع بيك إنت والولد كله في الخدمة من الصبح لليل والله هلبة هكي..

_ خلاص مافروغ منه الكلام هذا ..

_ لا مش مفروغ منه أني عييت وبوك مافيه شيء وحاله باهي وحوشكم مش محتاجك .

حوشك هو اللي محتاجك ..
خوك وبوك عندهم شغالة وبوك حالته ممتازة يقدر يجيب حتى طباخ و يشري من يونسه معاها .

خلاص عاد أني تعبت من المشي والجيان إرتاحي إسبوع يا ستي على الأقل ..

_ لا نبي نمشي ..

_ اللي يسمعك يقول الحب مقطع بعضه ..

مش هذا بوك القاسي مش هذا بوك اللي مش حاس بيكم ولا يعرف عليكم شي مش هو اللي السنتين الأهيرات يضرب في أمك و يهين فيها ..

مش هو اللي ليلة عرسك روحتيلي منكدة لأنه إختفي وماجاش حتى حضر زفتك صح ولا أني غالط ..

_ 😭😭 خلاص ياسر نفسيتي تعبت بس لأنك حكيت علي حاجات مانبيش نتفكرها حرام عليك بابا توا مريض ، مريض ..

_ لا مش مريض مش مريض قولي هذا الذنب اللي عايش بيه ..

_ ياسر خلاص حرام عليك ..

❤❤❤❤❤❤❤❤❤❤
..............في السجن...................

_ ياسمين :- أني تعبت لازم نطلع من
هني لازم.

_ فاكر :- هذا مكانك الطبيعي..

_ إسمع يا إما نطلع من هني يا إما نفضح كل شيء أهو قتلك عليا وعلى أعدائي ..

_ شن بديري ترا قولي ..

_ نحكي ونقول كل شيء ..

_ جربي ، وأني نخليك تعفني في
الحبس ..

_ إنت علاش كارهني هكي شن الذنب اللي درته ..

_ لأنك خاينة وتستاهلي الموت ..

_ الموت 😔 ياريتني متت ..

_ أني اللي ياريتني متت ولا ريت اللي ريته بعيوني ماحد قالي 😡.

لكن الحمد لله اللي خنتيني معاه قتلتيه بإيدك ..

خبطت ياسمين الطاولة بإيدها بغضب ..

_ 😡😡😡 إنت مصر إني أني اللي
قتلته علاش علاش ..

_ لأن هذه هي الحقيقة 😠 يالا مع
السلامة ..

_ فاكر فاكر ..😔😔.

❤❤❤❤❤❤❤❤❤❤

_ رؤيا :- عندك علم بابا قالي إن
يعرفكم ...

_ وسام :' كيف 🙄 وكيف يعرفنا مافهمتش.

_ ماهو لما هدرزتله عليك قالي ولد
منو قتله لقبك قالي نعرفهم ..

_ 😮😮 وعادي هكي هدرزتيله عليا

_ إييييه .

_ شن إيه يا سويسرية 😒

_ أولاً أني وبابا زي الأصحاب ، ثانياً

أني سألني من عطاك الشيت قتله

زميلي وقعدت نحكيله علي شطارتك

و إن متميز علي دفعتك فضول قالي ولد منو قتله لقبك ..

_ 😮😮 حني ماعندناش الجو هذا

أني ولد ومانقدرش نهدرز لي بوي .

والله يابوي عندي زميلتي بلا بلا بلاا

_ إسمع أني مافيش بيني وبينك شيء يحشم مانقدرش نهدرزه ،

واللي بينا قرايا فقط و بعدين بابا

يهدرز معاي هلبة وعاطيني مساحة

مش لأنه متساهل لكن هاذي طريقته بش يبدا عارف عليا كل شيء بدون مايتعب روحه ويراقب وعارف مستحيل نتجاوز حدودي ..

_ بصراحة .. باهي ربي يحفظهولك .

❤❤❤❤❤❤❤❤❤❤
.......جرس حوش فاكر ........

فتح فاكر باب الحوش ولقي سعيد قدامه ..

_ سعيد 🙂🙂 أهلا أهلا خُش ..

خش سعيد وهو يقول لفاكر.

_ الباين إنك طالع ..

_ لا لا كنت طالع وكيف روحت .

_ أه وين كنت ..

_ والله هلبة مشاغل مشيت بعتت
حوالة للأولاد يبوا فلوس..

قعمز سعيد علي الصالون وكمل سؤاله علي أولاد فاكر اللي عايشين برا مع أمهم الأجنبية ..

_ كيف حالهم ..

_ أاه الحمد لله طلباتهم ماتكملش ..

_ ربي يخليك ليهم ويخليهم ليك.

وكمل كلامه بالسؤال علي ياسمين.

_ شن صار في ياسمين ..

قدم فاكر بعد ماكان واقف وقعمز بحدا سعيد وقاله ..

_ إسمع يا سعيد ياسمين مجرمة وقتلت الشيء اللي مايبيش عقلك يستوعبه ..

_ سعيد :- في هلبة حاجات عقلي مش مستوعبها ..

وكمل سعيد .

قولي يا فاكر إنت علاش لتوا ماحاولت إدور علي بنت الحلال .
بمأنك عزابي ومرتك الأجنبية خلاص مافيش فيها أمل ومعاش تبي ترجعلك .

_ اللي يعيش مرة تجربة فاشلة معاش يجرب ثاني .. وكان عالي الذرية عندي زوز رجالة سايورهم لما يكبروا يرجعولي ..

هز سعيد راسه

_ مفهوم ..
وخطر علي باله سؤال ..

_ إنت جيت لعرس وئام ..

_ أي طبعاً ويفوتني الغدي ..

_ لا لا يوم عرسها ..

_ أمالا كيف كنا مع بعض أني وإنت وو .

_ ومني ثاني ..

_ أأ ووو ال ااااا المعازيم ..

_ المعازيم في الغدي شن يديروا يوم حفلة بنتي 😒

_ أاااه 😒

_ قصدي حفلة بنتي ليلة النساوين مافيهاش رجالة ..

_ أي عارف أني وياك مشينا لصالة الفندق وقعمزنا في الإستقبال و إستقبلنا قداش شخص جايب مرته ويسكن بعيد و ضيفناهم نسيت ..

_ أا😒 مش عارف نسيت ..
علي العموم قتلك أني مشيت لحوش سهيلة ..

_ لا ماقلتش ..

_ مشيت و لقيت خالها ، قصدي اللي
قالت عليه خالها .

_ شن قصدك ..

_ نقصد ماطلعش خالها ولاشي ،
طلع راجلها ..

_ راجلها 🙄 وعلاش كذبت ..

_ قصة طويلة المهم نبي نعرف من هيا المرا الشقرة اللي كانت تتردد علي أيمن ..

_ 🙁🙁 .

_ نبي الحمام ..

_ تفضل خش إنت براني ..

خش سعيد للحمام وسكر الباب

وقف في الحمام بجنب الحوض وهو

يفكر شن بيدير يفكر يفتش تلفون فاكر .

أو شن يدير في ثواني تفكر كيف

فاكر كذب عليه وقال إن سهيلة دارت مع أيمن عركة يوم الجريمة و يلف و يدور في كلامه ..

وفاكر باعت رسالة تهديد لي ياسمين في تلفون سميرة

وفي وسط الصخب اللي في راسه

وكل الأحداث اللي مرت ويربط فيها مع بعض ..

و حلف ياسمين إنها مظلومة ..

و سهيلة وهيا تقول أني إنسانة في حالي وكل كلامها واضح إنه صدق.

جت عينها علي دولاب المرايا بتاع الحمام .

كان في سنسلة ذهب فيها حرف S .

_ سعيد :- سنسلة سميرة 😮😮

شن جابها هني ..

يتبع ... @الجميع

............❤ ليلة العرس .........❤ #الحلقة السابعة

سعيد خش بعضه ومعاش عرف وين يلبد لكن بسرعة لقي روحه قدامها وهي تشبحله إبتسم إبتسامة خبث.

😏😏😏.

_ أني كنت عندكم في الحوش نبي
نقابلك ..

_ خافت و توترت وحاولت تهرب من قدامه .
لكن هو إعترضها و وقف قدامها ..

_ كل الناس تعرف إن هذا اللي خاش طالع عليكم هو خالك ..

تخيلي 😉 باهي كان شافك حد غيري هي ، شن بيكون موقفك 🙄 بصراحة موقف ماتنحسديش عليه بوووكل ..

_ إنت شن تبي مني..

_ نبي نعرف شن بينك وبين أيمن .

_ تعالى أركب معاي ..

ركب سعيد معاها للحوش و ضيفاته أمها فنجان قهوة وبدت سهيلة تهدرز..

_ أني عايشة أني وأمي بروحنا
ماعندنا حد تقدر تقول مقطوعين من شجرة عايشة في حالي مانجبد حد ومانبي حد يجبدني

ربطتني علاقة عمل فقط بيني وبين أيمن يعني يطلب مني نجيه في الحوش نطبعله شغله وفي مرة قتله يبعتلي شغله علي إيميل وأني نتمهوله و نبته بالإيميل وتمت لكن

هو رفض قالي لا نبي قدام عيني ..
هو أصلاً عايش بروحه والشقة أصلاً مكتب مش شقة سكنية وطول اليوم الباب مفتوح علي فردتين الباب ، وبعدين بدي يبات فيها .

يعني لما يجوه هما يجوا لمكتب مش شقة خاصة فامكانوش يخافو.

وقعدت هكي لكن بعدين خفت علي سمعتي ..

وهني قاطعها سعيد بتهكم .

😏 هه ماهو باين ..

_ هذا زوجي زوجي علي سنة الله و رسوله هو يبي زواجنا في السر لأن مرته بنت واحد واصل و لو عرفت مش حاتسكت ..

وأني مانبي شيء غير راجل نحتمي فيه ويصرف عليا و علي الحوش فاكذبت علي الناس إنه خالي بش نعيش مرتاحة ..

_ سعيد :- باهي علاش تعاركتي
معاه .

_ لأن راجلي قالي خلاص معاش تخدميها الخدمة هاذي أني مش مخليك محتاجة شيء وعندك وظيفتك ..

مشيت وقتله يعطيني حقي ومعاش بنخدم معاه لزني وقالي ماعندك عندي شيء درت معاه عركة وقتله .

ورجعت بالذكرى لسنتين ..

_ سهيلة :- حسبي الله ونعم الوكيل
فيك برى دور وحدة تخدملك زي خدمتي بي ذمة و ضمير وتتحمل غرورك وأنانيتك مش مسامحاتك في عرقي ..

_ بري أعلى مافي خيلك أركبيه وماعندك عندي شيء ،

وطبس عليها همس في وذنها بخبث وزي ماقتلك لو تبي فلوسك زي ماقتلك تبي حقك أعطيني حقي.

_ تبوس عينك يا حقير أني أشرف منك و من عيلتك ..

_ أطلعي برا ، براااا ماعندكش شيء
يالا هيا ..

_ سعيد :- باهي وبعدين ..

_ سهيلة :- شيء بعدين راجلي قالي فوتيه مانبو منه شيء معاش شفته إلا ...😔😔

_ إلا شني ..

_ يوم العركة الأخيرة اللي مات فيها.

_ شن صار ..

_ هذاكا اليوم أني كيف مروحة خطمت من قدام شقته وكانت مسكرة نسمع في دوة بصوت عالي حسيتها عركة بصراحة حطيت وذني علي الباب فضول حسيت إن أكيد في وحدة زيني وهني سمعت وحدة تقوله.

إنت تلعب علي الحبلين إنت وسخ خدعتني بي إسلوبك وثقافتك .

وبعد مالقيتني مافيش مني فايدة بديت تهدد فيا بش نقدملك تنازلات أني لازم نفضحك ..
وهو رد عليها جربي مكالماتك و رسايلك كلهم عندي حانهدملك حياتك..

وهو يقوللها هكي ، هيا فتحت الباب وطالعة أني الحق خفت ورجعت التالي . وفجأة فتحوا الجيران اللي في نفس الدور البيبان .

ورجعتله مرة ثانية قتله تعرف لو حاولت تهدلي حياتي و الله نهدلك حياتك ونقتلك و نخش فيك الحبس

وطلعت تجري ..

وبس ..

_ ماتعرفيش من هيا ..

_ لا مانعرفهاش لكن شايفتها مرة
قبل هكي ..

_ كيف كان شكلها ..

_ كانت بيضا و عيونها زرق ...

_ ماتعرفي شي ثاني ..

_ هذا كل اللي عندي و اللي نعرفه .

_ سؤال أخير ..

_ تفضل ..

_ إنتِ تعرفيني ..

_ علااااش .

_ نظراتك ليا و كأنك كنتي تعرفيني
أو شايفتيني قبل.

_ لا يتهيألك ..

_ تمام نستأذن أني..

_ إتفضل ..

إنسحب سعيد و روح و هو راجع تفكر تلفون مرته يبي شاحن خش لأول محل موبايلات و شري شاحن و روح ..
...........في الجامعة .............

_ زمان كنت صغير في عمر العشر
سنوات كنت نحب العيد الكبيرة

كنت لما يدبحوا الخروف ويجي بوي

يقطع في الخروف نجي نجري نشد

الموس و نبي اني نفتح البطن و

نسلخ كنت نحس بي متعة و أني

شاد الموس و نبدا نشلح في القلب و

بوي يعيط و يقولي قعمز يا ولد بتفسد الضحية ..

مانكذبش عليك كانوا يحسابو فيا حاجة غلط و خافو إني نكون عدواني و نحب الدم ..

لكن هههه أني بصراحة كنت نحس بالفضول نبي نعرف الخروف شن فيه من داخل نتمنى نشرحه و ونفحصه طرف طرف ...

_ هههههه هلبة هكي.

_ و الله بجد أني الحاجة هاذي تنمت بداخلي لين كبرت و من الإعدادي وأني عازم إني نطلع دكتور تشريح.

نحلم أمتى نشد المشرط و نبدا نشرح 😁😁

_ رؤيا :- مازال أني طريقي طويلة قاعدة في التمهيدي 😩😩😩.

_ وسام :- حسستيني أني بنتخرج غدوة تي راهو حتى أني في بداية الطريق ..

ورن موبايل وسام فجأة ..

_ دقيقة نرد 📱 ألو أيوة وئام ..
تم باه وأني مروح تو نشريه ..

_ رؤيا:- أني بنروح تبي حاجة ..

_ لا سلامتك إنت كان تبي مساعدة شيتات حاجة كلميني ..

_ تمام شكراً هيا باي ..

_ هاوينا ... تو منين بنجيبهم أني
الحلويات ..

ركب وسام سيارته وطلع مروح للحوش ..
.......في حوش سعيد...........

سعيد شحن التلفون وفتحه و أول مافتح خش علي الأستديو ..

قعد يتصفح صورها هيا و الصغار و صورها هيا و ياسمين و فجأة لفت نظره صورة غريبة ياسمين معاها واحد مصورين مع بعض ..
خش علي سجل المكالمات ..

رقم ياسمين رقم غريب عاود الإتصال مقفل ..

و بعدين أخر مكالمة منه رقمه بتاريخ عرس بنتهم ..

وفجأة لقي رقم فاكر 😮؟؟

غريبة شن يدير رقم فاكر عند سميرة .

خش للرسايل ..

لقي هلبة منهم رسالة من فاكر مكتوب فيها قولي لي صاحبتك عرفت كل شيء و مش حانسكت ..

😮😮 فاكر يكلم في مرتي وشن
بينه وبين ياسمين ..

يتبع ..... @الجميع

............❤ ليلة العرس......... ❤ #الحلقة السادسة

بعد ماكمل وسام الدوش وخش لداره لقي بوه واقف وقارن حواجبه وشاد التلفون .. وكانت الصدمة..

_ تلفون أمك شن يدير في دولابك علاش مش معاها .

_ أاااا بابا ماهو ..

_ ماهو شني ..

_ الباين يوم إختفت أمي خلت
تلفونها ..

_ كيف ؟!

_ مش عارف هذا اللي صار والباين
مش عارف كيف صار .

_ تي شن هو اللي كيف صار تكلم ..

_ قصدي التلفون أني مانعرفش إن
تلفون أمي موجود ..

_ إنتوا بتهبلوني بتهبلوني إنتوا شن
تبوا مني بس ..

_ بابا غر أهدى أهدى بس ....

_ حول خليني ..

خش سعيد لداره و لوح التلفون علي السرير وقعمز شوية وطق عليه ولده وسام..

_ بابا شوية و الجمعة بتأذن تعالى نمشوا نصلو ..

_ برا صلي بروحك ..

_ صل علي النبي يابوي وتعالى نمشوا نصلو وتهدأ نفسك شوية وكل شيء ليه حل ..

_ خلاص لما يقوم الأذان تو نطلع برى علي حالك ..

هدي سعيد ومشي صلى الجمعة وبعد ماكملو صلاة خلى وسام يمشي للحوش وهو قال لي ولده ..

_ نبي نتمشى شوية إسبقني للحوش

_ والغدي ..

_ خليلي صونيتي ..

مشي سعيد قعد يتمشى و وسام رجع للحوش ..

وفي الحوش إتصل بي أخته وئام ...

_ وسام :- أيوة أني نبي نعرف حاجة وحدة بس شن اللي وصل تلفون أمي في يده .

_ مش عارفة هو وين كان أصلاً .

_ أني لما لقيته حطيته في داره في الدولاب ولما رجع للحوش وبعد قاللنا الدكتور أبعدو عليه التوتر خديته و لو حته فوق الدولاب ..

_ حيييي أكيد آسيا ..

_ أني عارف مافيش غيرها لكن مابيتش نكلمها لأنها مش حاتفهم .

_ معليشي يا وسام أني قلتلها تخمل كل شي وأكدت عليها فوق الدواليب وتحت الصالونات وهيا دارت شغلها وأكيد لما لقاته جبداته وحطتهولك في دولابك تحسابه رايح منك أعذرها ..

_ باه نعذرها وكيف بنتصرف مع بوي

_ إسمع خش توا إخنب التلفون ثاني ودسه ولو سألك دير الحولة ..

_ بجديات تتكلمي ويقعد يسحن ويدير عركة ..

_ تي غر برا تو يدير عركة شوية وينسى ..

_ إستني علي الخط بنخش لداره ..

خشيت ندور ، مهناش قدامي ..

_ بالك دسه دور كويس ..

_ أهو ندور ..
..........في مكان ثاني.............

في جردينة صغيرة قريبة من منطقة حوش سعيد ، سعيد مقعمز وشاد تلفون مرته في إيده ..

حاول يفتح التلفون لكن الباين المدة الطويلة اللي قعد ملوح فيها خلى البطارية نازلة ما باش يفتح ..
شده بين إيديه وقعد يفكر شوية وبعدين إستسلم ورجع للحوش

رجع لقي ولده وجهه يتخضر ويتصفر ..

_ سعيد :- خيرك واقف زي العسكري

_ شيء كنت مشغول عليك ..

_ أني مش صغير ..

قال كلمته وخش طول يدور علي شاحن في كل الحوش مافيش شحن تلفون مرته سميرة ..

_ سعيد :- وسام وسام ..

_ نعم بابا ..

_ نبي شاحن لتلفون أمك .

_ للأسف ماعندناش كلنا تلفوناتنا مش نفس النوعية ..

رجع خش قعمز في الصالون وشد الريمود وفتح التلفزيون قعد يتفرج.

_ آسيا آسيا ..

_ نعم ..

_ شن نوع تلفونك ..

_ مش أعرف .

_ ماتعرفيش نوع تلفونك ! ومد تلفون سميرة وراه لي آسيا
زي هذا ..

_ لالا مش زي هذا ..

_ 😠 باهي باه .

إستسلم وفات الموضوع ..

ثاني يوم الصبح كانت المرافعة بتاع فاكر في قضية ياسمين ..

ناض سعيد الصبح وجهز نفسه في المحكمة ..

كانت مرافعة فاكر أقل من مرافعة مبتديء برغم إنه كان محامي مخضرم وبالرغم في هلبة معطيات تخليه يترافع لصالحها ويصرف نظر هيئة المحكمة عليها ويحط الأنظار على الأقل علي فرضية إنه رجل يحب النساء وممكن تكون ألف غيرها ..لكن غريبة ألف علامة إستفهام وتعجب ؟؟!! .
........ بعد المحكمة ..........

_ سعيد :- تقدر تقولي شن اللي درته

_ فاكر :- والله أني درت جهدي ..

_ وينه الجهد أني ماشفت شيء إنت لو بينك وبينه تار مش حاترضى ترميها هالرمية ..

_ نستأذن ..

_ تستأذن 😒😒؟

وفي المحكمة ياسمين تعيط وتقوله حسبي الله ونعم الوكيل فيك..

_ سعيد :- ياسمين ماتخافيش أني
معاك .

_ سعيد أني نبيك ضروري في موضوع مهم.. غدوة زيارة تعالى بالله عليك..

_ غدوة نجيك ..

_ سعيد برا طمن أمي إكذب حتى عليها بش مايصرلها شيء

_ حاضر توا ماشيلها ..

طلع سعيد علي طول ومشي لحوش ياسمين بش يطمن أمها عليها .

_سعيد :- إطمني خالتي فطيمة بإذن الله حاتطلع و تفرحي بيها ....

فجأة خطر علي سعيد سؤال .

_ خالتي فطيمة ياسمين تعرف
صاحبي فاكر ، المحامي ..

_ فاكر مش عارفة والله مانعرف
منين بتعرفه ..

سكت شويه وحس مافيش فايدة من السؤال ..

_ المهم أني جيت نطمنك وبإذن الله حانجيبلك أخبارها أول بأول ..

_ صحيت ياوليدي ..

طلع سعيد ونزل الدروج وقف ولع سيجارة وفكر إنه يجرب يخش للعمارة المقابلة وين تسكن سهيلة .

خش للعمارة و ركب الدروج ومش عارف أما شقة فقرر يرن علي أول شقة ويسأل ..

رن جرس شقة الدور الأول وطلعله وليد صغير ..

_ السلام عليكم..

_ وعليكم السلام ..

_ وين شقة أبلة سهيلة ..

_ مانعرفش ..

باين عليه عيل عدواني مايحبش يدير خير ..

وهني طلع صوت من داخل الحوش

_ مني يا فارس ..

_ ماما هذا راجل يبي أبلة سهيلة...

وجت وقفت وراء الباب ..

_ أيوة شكووون ..

_ السلام عليكم يا أختي بالله حوش
الأبلة سهيلة ..

_ الدور الرابع ..

_ شكراً ..

ركب ضرب الجرس طلعتله مرا كبيرة في السن ..

_ السلام عليكم..

_ وعليكم السلام تفضل يا ولدي .

_ نبي الأستاذة سهيلة .

_ مش قاعدة..

_ أني ضابط تحقيق معليش نخش شوية نسألك شوية أسئلة ..

_ سامحني يا وليدي أني مرا كبيرة مانقدرش ندخل حد و بنتي مهناش.

_ باه سامحينا يا حاجة ..

_ لا ولا معليشي تو بنتي علي جيا .

نزل سعيد من الدروج و هو ساخط علي العمارة اللي أسنسيرها فاسد

وهو نازل خلاص و وصل في الدور الأول حس بحركة في الدروج بين الدور الأرضي والدور الأول ..

طبس بالشوية لقي سهيلة ومعاها خالها وسمع صوتهم بهمس ..

_ سهيلة :- أركب ..

_ لالا مانقدرش تو نجي في الليل .

_ أركب مستاحشاتك ..

سعيد : 😮😮🙄 .

_ خليني توا مرات نجيك في الليل..

وطبس عليها باسها ومعاها حركة غريبة ..

سعيد 😮😮😮😮 كيف ..

توتر وخش بعضه ومعاش عرف وين يلبد

يتبع ..
التفاعل مش عاطي حافز بوووكل @الجميع ..

..........❤ليلة العرس............
.......❤ #الحلقة الخامسة ...

عكرش سعيد الورقة..

_ لااااا سميرةااااا إنت وين ..

_ آسيا جت تجري من الكوجينة
عمي سعيد في حاجة ..

_ مافي شي إمشي ..

وناض طلع من الحوش يجري ..
......................................

_ أيوة ويااام إنت قول نكلم إنت
كان في شي ..

_ وئام :- أي شن في آسيا ..

_ عمي سعيد جوه مش هلو ..

_ علاش شن في..

_ في وليد جاب ظرف هو افتح ظرف يقرا بعدين قول لااااا سميرة.

_ أااا ، باهي باه سكري توا شكراً
آسيا ..

_ أفواً ...
.............في للجامعة............

_ وسام :- شن في خيرك ..

_ وئام :- نبي نعرف شن قاعد يصير فهمني

_ والله أني بروحي والله.مانعرف.

_ في حد قاعد يلعب بينا ..

_ سكري تو نفهم شن صاير ..
.........في حوش ياسمين..........

_ خالتي فطيمة بالله عليك كان تعرفي حاجة علي مرتي قوليها ..

_ ياوليدي أني مانعرف شي وكان نعرف بندس عليك ..

_ ياسمين وسميرة خوات معقولة ماتجيش تطمن منك على الأقل علي صاحبتها ..

_ لا ..

_ تعرفي حاجة ..

_ مانعرف شي..

_ باهي يا خالتي فطيمة تذكري إني
جيتك نترجى فيك ..

وطلع سعيد يجري نزل من باب العمارة وقف ولع سيجارة وهو يفكر وفجأة شاف سهيلة من بعيد نازلة من سيارة واحد خدي تلفونه دار زووم وصوره وطلع يجري قبل ماتشوفه ..

مشي لين لقي روحه قدام قهوة خش قعمز علي طاولة ..

وطلع التلفون وكلم فاكر ..

_سعيد :- فاكر نبيك ضروري..

_ إنت وين ..

_ أني في قهوة مش عارف شن إسمها خشيت طول ماركزتش لكن المهم جاية مابين شارعنا وشارع حوش ياسمين ..

_ تمام عرفتها أني جايك ..

قعمز سعيد فترة ،

ماجاه حد يشوفه شن يطلب تلفت يمين ويسار يدور مالقي حد ناض بروحه وقف علي الكاسة طلب قهوة وخلص وقاله تفضل إرتاح شوية ويجيبولك طلبك.

رجع سعيد لطاولته يراجي في الطلبية ..

نص ساعة وجاته الطلبية جابها واحد وحط فنجان القهوة..
قام سعيد راسه وقاله نص ساعة علي قهوة ..

إنتبه الولد اللي حط القهوة وقاله ..

_ أوووو أستاذ سعيد كيف حالك
كيف حال عويلتك ..

_ أه خالد أسف ماركزتش ..

_ ولا يهمك يا أستاذ عادي شن
أمورك ، ربي معاك أستاذ سعيد والله قلبي معاك جيتك للحوش قالو خشيت للمصحة ..

سعيد مش فاهم شي وبإستغراب

_ أه شني علي شن ..

_ علي ال ..

وهني وقف فاكر ، خالد شن الأمور ..

_ خالد :- أاه أستاذ فاكر كيف حالك.

_ فاكر:- الحمد لله .

_ خالد :- والله توا كنت نهدرز لي أستاذ سعيد قتله .

_ فاكر :- خالد جيبلنا قهوة تو بتشد
معاش تطلق في الدوة .

_ أاه ههههه باهي باه حاضر أستاذ
فاكر شوية وتجيك قهوتك غر الكاسة بس ..

_ فاكر :- تو نجي هي ، سعيد نمشي نخلص ونجيك ..

مشي فاكر يخلص ورجع تلقاه سعيد طول

_ سعيد :- خالد شن كان يبي
يقول ..

_ فاكر :- شن كان يبي يقول وين نندري عليه وهو ديما يرغي فوته .

إستغرب سعيد وقعد يشبح لي خالد من بعيد ..

_ فاكر :- المهم توا خيرك جايبني نجري ..

_ جتني رسالة ثانية ..

_ رسالة من مجهول ..

_ لا المرة هاذي من سميرة ..

_ باهي شن مكتوب فيها..

_ ماتحولش ادور عليا ..

_ سعيد شوف يا صاحبي أني مانبيكش إتعب روحك وكل شيء تو نعرفوه كان مش اليوم غدوة ماتعبش روحك ..

_ باهي شوف الصورة هاذي..

_ هاذي هيا سهيلة صح ..

_ أيه هيا لكن مني اللي معاها ..

_ ترا ..

وركز فاكر مرة ثانية وقال ..

_ أااا هذا هو خالها ..

_ خالها ..

_ أي خالها مش قتلك ديما يجيهم وماعندهم حد ينشد عليهم غيره تقدر تقول مقطوعين من شجرة ماعندهم حد إلا خالهم هذا ..

_ أه به ، المهم شن وصلت في موضوع ياسمين ..

_ ماوصلت لي شيء محكمتها بعد غدوة توا نشوفوا ..

_ أني نبي نحضر لازم ..

_ تم ..
..............................................

وصل سعيد للحوش ولقي آسيا قالبة الحوش أضم ..

_ شن اديري يا آسيا ..

_ وياااام قالت لازم نخمل حوش.
كوله .

_ باه ربي يعاون .

وخش سعيد للكوجينة يدور علي حاجة ياكلها جت آسيا تجري ..

_ تبي نحطلك ماكلة ..

_ لا لا خليك تو نحط بروحي .

_ عمي سعيد ..

_ نعم يا بنتي لقيت هاذي طايحة
تحت الدولاب ..

عطاته آسيا ومشت تشوف في شغلها ..

_ شن هذا ؟

قلبها لقاها memory ..

_ هذا يجي علي أما تلفون زعما؟

خش فتش يدور كيف يشغله مالقاش كيف يشغله حطه في جيبه وفات..

قعمز علي الكرسي قعد سارح فجأة خطفت عليه ذكرة تذكر إنه مرة مد أيده علي سميرة وضربها كف ..

لكن أمتى، كيف ، علاش ،مش عارف.

قعد سعيد في الحوش إسبوع لا يطلع ولا يخش جاته حالة إكتئاب وحاس روحه إنه تايه ..

وفي اليوم الثامن جاه تلفون من واحد ..

_ ألو أستاذ سعيد ..

_ أيوة تفضل من حضرتك ..

_ أني الراجل اللي تلقيت معاك ساكن في عمارة أستاذ أيمن الله يرحمه..

_ أيوة أي عرفتك إن شاء الله خير.

_ عندي معلومات مهمة نبي نقولهالك ..

_ معلومات بخصوص شني..

_ بخصوص الأستاذ أيمن بصراحة في الأول كنت خايف لكن توا قررت نقولك اللي نعرفه ..

_ باهي تمام وين تبي نجيك ..

_ في الكافي اللي في شارعنا وراء عمارتنا طول..

_ أي عارفه أصلاً أني من سكان المنطقة ..

_ مية مية نتلاقوا ..

_ تم ..

مشي سعيد بسرعة الريح وتلاقى هو و الجار ..

وعلي طول بدون تضيع وقت طلب منه يقوله اللي يعرفه ..

_ شوف يا أستاذ سعيد الأستاذ أيمن كان كاتب مشهور وعنده عدة كتب وكان ديما يجوه بنات علاش ؟؟؟

لأن اللي ماتعرفاش إنه الأستاذ أيمن يشتغل أون لاين يعني في كتب يطبع فيها وفي اللي ينشر فيها و حوشه هو مكتبه اللي يخدم منه ويجوه حتى شخصيات و حتى منتجين ويجوه بنات للعمل يطبعوله لحد ماخدي سمعة إنه نسوانجي ..

_ باهي علاش مايسلمهمش الشغل في الورق بعدين يطبعوه وينسقوه ويبعتوا بالميل علاش لازم يجوا لحوشه ..

_ اللي سمعته إنه يخاف من السرقة،
سرقة أفكاره يعني ..

_ أااه ، باه ..

المهم زي ماقتلك سمعته بدت مش كويسة لحد مافي يوم صارت عركة كبيرة بينه وبين وحدة وهدداته وقتله بالحرف الواحد لو يحاول يخربلها حياتها حاتخربله الدنيا ولو تقتله وتخش عليه الحبس ..

_ علاش ..

_ مش عارف لكن ممكن في كان بينهم شيء الله أعلم ..

_ أه والمرا هاذي هي سهيلة جارتكم.

_ لا لا مش سهيلة وحدة ثانية ..

_ أاااه فهمت ..

_ سهيلة دارت معاه عركة قبلها قديمة شوية يعني تقريباً من شهر قبل مايتوفى ..

وهني سعيد إنصدم لأن المعلومة اللي عنده إن سهيلة دارت معاه عركة يوم توفى ، وسرح وهو يفكر في كلام فاكر ..

_ سعيد :- إنت متأكد ..

_ من شني .

_ من إن سهيلة دارت معاه عركة من
قبل ..

_ أاا أي طبعاً متأكد وكانت العركة علي الخدمة قاتله دور من يتحمل غرورك ويخدملك بقلب زي ماتبي.

_ بالك بعدها دارت معاه عركة خصوصاً يوم توفى ..

_ لا يا أستاذ سعيد أني متأكد يوم توفى مافيش إلا المرا هاذي اللي دارت معاه العركة ..

_ كان نوريك صورتها تعرفها ..

_ أكيد أني كنت واقف 😁 هههه
نقصقص 😁😁 .

_ هه باه سلمك قصقاص أعطيني رقمك .

_ أه ماهو عندك ..

_ نقصد الواتس ..

_ نفس الرقم ..

_ تمام نتواصلو علي الواتس ونبعتلك صورتها وتقولي هيا ولا لا ..

_ تم بإذن الله..

طلع سعيد يجري علي السجن باش يقابل ياسمين لكن ممنوع ليوم الزيارة ..

إستنى سعيد يوم الزيارة ومشي

_ ياسمين بنسألك سؤال ..

_ صارحيني بعلاقتك بي أيمن ..

_ مافيش بينا علاقة مجرد جيران.

_ أرجوك قوليلي الحق باهي كل اللي تعرفيه .

_ ماعنديش مانقول ..

طلع سعيد تلفونه وخدي صورة لي ياسمين ..

_ سعيد شن ادير ..

_ معليش أني أسف مطر هي نستأذن ..

وقف سعيد يستعد للمشي

_ياسمين:- سعيد ..

طبس عليها وهي مازال مقعمزة وتشوفله

_ أاه نسيت نقولك سميرة بعتتلي
رسالة ..

وبصدمة إستمرت تشبحله وهو مشي وخلاها ..
.......في الشارع ...............

_ سعيد :- ألو أيوة بعتلك الصورة شوفها وقولي ..

شوية خمس دقايق ورن عليه ثاني

_ أيوة يا أستاذ سعيد هاذي جارتنا ياسمين ..

_ أي به هي ولا مش هيا ..

_ لا مش هيا يا أستاذ هاذيكا مش من العمارة ولا من الشارع بكل وكانت شقرة ..

_ كيف شقرة شعرها أصفر ..

_ لا يا أستاذ هيا متحجة لكن عيونها
ملونات ..

_ وركزت حتى. علي عيونها ..

_ طبعاً أمالا شني لأنها مش أول مرة تجيه ..

_ تمام مية. مية ..
............................................

روح سعيد للحوش لقي ولده مقعمز

_ وسام :- وينك نراجي فيك ..

_ إن شاء الله خير..

_ عندي ليك فيلم مش عادي ..

_ شوية نخش ندير دوش وناكل حاجة ونجي ، آسيا وتيلنا حاجة ناكلوها .

_ حاضر ..

_ وأني جايب مشقشقات زي العادة .

_ شويه ونجي ..

خش سعيد دار دوش وكمل ..

وكملوا السهرية زي ماكانو متعودين من زمان كل خميس ..

جي الثاني يوم كان يوم جمعة ..

سعيد دار دوش وطلع يدور في الحوش بالروب طلع ولده وسام مصدوم .

_ هههه بابا خيرك إدور في الحوش
بالروب .

_ ماتخافش آسيا طلعت من الصبح قاتلي عندي أقاربي بنزورهم بتجي المغرب ..

_ أاااا هههههه .

_ نبو نبخوا حاجة هكي لصلاة
الجمعة ..

_ عندي مسك وعندي عطر عود لو
تبي.

_ عطينا مانقولوش لا 😏😏.

_ خش لداري وشوف وأختار اللي يعجبك ، خلي بنخش ندوش حتى أني ..

خش سعيد يدور علي عطر فتح الدولاب لقي مجموعة وأحتار شن يختار وهو يتأمل في العطور

وحط عينه علي موبايل وردي ومعلقة فيه سنسلة صغيرة فيها حرف S ..
لحظة إدراك رجعتله فيها ذكرة .

سميرة هذا موبايل سميرة ..

مستحيل كيف ؟؟!!!!! .

وهني خش وسام وكانت الصدمة ..

_ سعيد :- موبايل أمك شن يدير
هني.. علاش مش معاها ..
.. يتبع .............
الجميع فداء لليبيا