المتجر الصحي / طرابلس

أعزائنا أصدقاء الصفحه.
لصعوبة وصول البضاعه لطرابلس . ومتاعب الطريق . اضطررنا لايقاف نشاط المتجر في عاصمتنا الحبيبه طرابلس

في متجركم الصحي 🍀

كريم طبخ المراعي . #للكيتو

زيت جوز هند أورجنك . .

💚 💚 💚

فى متجركم الصحى 🍀🍀

بعد نفاذ الكميه للمره العاشره وتزايد الطلب عليه . وفرناه من جديد . .

جماعة الدايت الصح والأكل الصحي ( الهلثي ) 💚

ماأكثر ما سمعتوا . . بالخبز المشبع . . لسالي فؤاد . . سالي فؤاد . سالي فؤاد . . . . . . .. !

وتجروا عل مكوناته بين المحلات ونوع تلقوه ونوع لا ونوع ترجوه 🙄

لميناه لكم في باكو واحد غير اعجنوا بس . . 🙂

خليط ماااالتي قرين . . لصنع الخبز المشبع لسالي فؤاد

___ بجنين القمح اللى لو نقعدوا سنه نحكوا على فؤائده الربانيه ما انوفوه حقه
___ بذور الشيا .
___ بذر الكتان
___ كينوا المشبعه والخاليه تماما من النشااااا
___ شوفان
____ واخير دقيق قمح كااامل بالنخاله .

مناسب حتى لأصدقاء السكر . . وللدايت الصحي السليم

في المتجر الصحي 🍀 فقططط 😎

في متجركم الصحي 🍀🍀

لأصدقاء الذره . حساسية المعده .

مكرونه امبوخه 💚💚 خاليه من الجلوتين . .

في متجركم الصحي 🍀🍀

دقيق السمسم . ( الجلجلان ) . مطحون على الناعم . وكأنه دقيق فارينه .

والرائحه غير عاديه . 💚

طرفين جبنه كيري . بيضه . خميره كميائيه . كاشيكين زيت زيتون . قطرات خل تفاح عضوي . . رشة ملح . نص كوب دقيق سمسم . وتستعينوا بميه دافيه للعجن . . وتطلعوا باحسن والذ خبز كيتوني رأاااائع 🤗
ساندوتش تن وهريسة حوش وزيتون وجرجير وكباية عصير كركديه . 😂 خطير

لو اتزيدوها زهر درناوي وحبات كمون حلو وكمون اسعد . . تطلعوا بشبيه خبزة التنور طعمه ورائحه . . من الاخيرررر

لو تلغوا الملح وتحطوا سكر استيفيا تطلعكم كيكه حلوه

ياما يطلع منه دقيق السمسم . 😁

والسعر حتى هو من الاخيييير 🙂🙂

في متجركم الصحي 🍀

دقيق لوز 💚 450g

في متجركم الصحي 🍀

قشور السيليوم . .

تقدروا اتقولوا انه شئ اساسي ولازم في يوم الكيتوني . .

فعشبة السيليوم وهي عشبه تنبت في الهند وتسمى عالميا

( بالعشبه المعجزه او العجيبه ) . . هى عبارة عن الياف صافيه . مش تحتوي على الياف . لا. هى كلها الياف . والسحر انها الياف ذائبه

70% منها الياف ذائبه
السيليوم له دور رئيسي ومهم لهضم الدهون والكورسترول مما ينقص من مستوى الدهون في مجرى الدم . . يعني ياكيتوني لو كليت نسبه اكبر من احتياجك من الدهون اليوميه لو دخلت السليوم في يومك تنظم امورك 💚

يضبط السكر ويقلل من افراز الجلوكوز في الجسم 💚

عارفين مأساة الامساك للكيتوني . إضافة السيليوم الطعامك يمنع عليك الامساك ليش لانه سبحان الله اختلاطه بأي سائل ينتج عنه ماده جلاتينيه هلاميه اتخلى الطعام في المعده متميع هلامي سهل الانزال 💚

وزيدوها اخرى هل عشبه المعجزه اتلم السموم من الجسم لم وتنزله مع البراز اكرمكم الله . .
ونزيدكم من الشعر بيت . . لما يدخل للمعده ويختلط مع السوائل فيها ينتفخ ويتحول لماده هلاميه كبيره تعبي نص المعده فمعش تاكل واجد . . وهذا حتى لمتتبعي الرجيم المعتدل العادي 😊😊 مايجوعوش واجد

بااااهي خبزتكم ياكيتونين . . دقيق لوز . مافش جلوتين والجلوتين هو اللي يجعل للدقيق علك او مرونه او سموها كيف ماتبوا .
بإضافة السيليوم لدقيق اللوز او جوز الهند او الطحينه يجعل عجينتكم طريه وفيها علك وهواء

فتاكلوا خبزه صح وتمتعوا بفوائد السيليوم المعجزه من شبع ومتصاص الدهون الزايده وتريحوا من الامساك 💚💚

ومش للكيتوني او متتبعي الدايت حتى الانسان العادي لازم من ادخاله لطعامه الهلثي

لذلك أصرينا على توفيره في المتجر الصحي فنحن ماعندنش حرمان 💚💚💚

400g 70 دينار

في متجركم الصحي 🍀

لأصدقاء السكر . . ومحبين الحياة الصحيه .

لأفطار أو سناك صحي 💚

قرانولا اصليه ... لحياة صحيه وافره 💚💚

موسلي . رائع 💚

‎المتجر الصحي / طرابلس‎ updated their business hours.

في متجركم الصحي 🍀

زبدة لوووووووووز صافيه غير مضاف اليها أي إضافات . .👌👌

بذور قرع جديده مفيده للصحه . 💚

وجمعتكم مباركه بطاعاتكم وصحتكم 💚

في متجركم الصحي 🍀

و

ناعم وخشن . 💚

في متجركم الصحي 🍀

إيطالي الصنع . معتق طبيعي 100% (أورجنك ) بالبكتريا النافعه . . 💚

في متجركم الصحي 🍀

#المورينجا

أمس حكينا على الماتشا وروعة الماتشا . . اليوم بنت عمها الموريجا . .

الماتشا شجره يزرعها الأنسان . المورينجا شجيره يأمرها الله بالانبات في الارض طبيعيا . . لحكمه

الماتشا في اليابان . المورينجا في الهند . وأي بلد استوائي او شبه أستوائي . .

من كثرة ما فيها من عناصر غذائيه طبيعه وصحيه ووقائيه
وفيتامينات ومعادن وحتى بروتينات مشبعه . اوجدها الله أكثر في مناطق المجاعه في أفريقيا فيتغذوا عليها وهكي يبقوا على قيد الحياة ومقاومين حتى وهم جلد على عظم. . حكمه على قدير . .

فلما اكتشفوها اقعدوا يزروعها بكثره وتعرف عليها العالم وأصبحت صرخة الصحه العالميه الحديثه .

لمرضى القلب علاج . . لمرضى السكر وقايه . . لمرضى الضغط وقايه . . للحهاز الهضمي للامساك . لألتأم الجروح والحروق .
لزيادة متانة وقوة أربطة عضلة القلب لغناها الرهيب بالبوتاسيم المفقود عندكم . فنجان مورينجا خيرلكم من كبسولات كميائيه بوتاسيم يومي

لعلاج ومشاكله والتأم مكانه بعد العلاج

علاج للسمنه . . أذا الماتشا اتزيد الحرق . . الموريجا تذوب الشحوم العنيده اللي اتمركز في اماكن حتى الرياضه ماتنفع فيها .

يصعب شرح ما للموريجا من فوائد . يكفى أنها أنبتها الله عز وجل والله لايخلق شيئ عبثا . .

المورنجا ياشعبنا العظيم في 🍀

في متجركم الصحي 🍀

مجمع الصحه 💚 وفرنا .



قبل لازم نعرفوا وناخذوا فكره عن شاي الماتشا شنو هو . عشان نعرفوا نحن أيش نبوا نشربوا .

ببساطه شاي الماتشا مُصنع من او هو الشاي الاخضر . أوراق الشاي الاخضر . . . #لكن مش أي أوراق .

شجر الشاي الاخضر امتاع الماتشا ما ينزرع في كل العالم الا في مقاطعة نيشيو في اليابان المعروفه بنظافة أرضها ومطرها

ومايستعملوش كل الشجره أخرى . . يقطفوا الاوراق اللى في الاطراف فقط الاوراق الصغيره الطريه ..

ينشروها فوق بخار لمدة عشرين دقيقه ويدخلوها بعدين لفرن ساااخن لعشرين دقيقه اخرى فقط كل هل سرعه عشان تحتفظ بفوائدها ومااتأكسدش .

بعدين يطحنوها بمطاحن حجريه قديمه مصنوعه من الاجرانيت . . تنطحن ناعم جدا .بودره . ويكيسوها بسرعه

شائع جدا في اليابان . كتقاليد . وما ياكلوا معاه الا نوع حلويات أسمه موتشي . . . ماعنديش نيه أنذوقه . 🥶

يشربوا فيها طلاب اليابان بكثره أيام الامتحانات . أزعمه عشان هكي نوابغ . 🤔 طبعا لان هو يزيد من التركيز

مليان فيتامينات ومعادن ومضادات أكسده وأهم مافيه مليان كلوروفيل . .

يعزز من فعالية الجهاز المناعي . .

يشعرك باسترخاء الاعصاب والهدوء وصفاء العقل ويعدل المزاج . . لان فيه حمض التيانين اللي يزيد من أرسال موجات الفا للدماغ فيفرز أوامر للاعصاب بالاسترخاء
لازم المواطن الليبي يشرب كاس يومي . .😌

ويزيد من الطاقه والجهد المبذول من غير أثر سلبي

يحسن أداء الغده الكظريه ويعدل الهرمونات في الجسم

يطلع السموم من الجسم

أهم حاجه سبحان الله وخاصه أنه يصنع درع وقائي حوالي الكبد والكلى . . المعروفات أنهن أكثر شي يتضرر عند اللي طريقته خطاء في الكيتو

يزيد بدرجه كبيره جدااا من حرق السعرات الحراريه لان شرب الماتشا يومي يزيد من عملية الايض او الحرق في الجسم اربع أضعاف المستوى العادي . . يعني ممتااااز في الرجيم المعتدل الصحي 💚💚

لمرضى القلب والسكر والضعط . . يعدلهن تعديله الله اكبر

يعلى من مستوى الذاكره بجد . حفظ صم أيام الامتحانات 😂

غير انه يحافظ على صحة الاسنان ويعطيهن بياض طبيعي يمنع التسوس تماما يحمي من نزلات البرد ويحمي الجسم من الالتهابات مهما كانت . . رهيب للبشره

توا انجوا او ناكلوه 😁

نعرفوا طعمته قبل . . لذذذذذذيذ بشكل 😋 يشبه للشاي الاخضر لكن أدسم وانعم وتحس بالطعم العشبي بطعم الاوراق الطريه . . يخطرن عليك غابات شحات ❤

نا صراحه عجبني بالطريقه العاديه كباية اميه مغليه وكاشيكين اصغار مليانات ماتشا وتضربوهن زين نين ايديرن رغوه وتحلوهن بعسل او استيفيا ( اليابانيين عندهم مضرب مصنوع من الخيزران يضربوا بيه الشاهي نين ايدير رغوه )

عادي حتى شيشة المربى اتأدي الغرض . .😊

ممكن أديروه لاتيه حليب ساخن وماتشا وعسل وتضربوه .

ممكن اتزيدوه لمنقوع بذور الشيا وشوفوا الفايده . . ينرش على القرانولا .ذوبوا شكولاطه دارك وحطولها كاشيك ماتشا وردوا جمدوها وخوذوا كل مره منها قطعه .

ممكن تضيفوه للزبادي للكيك للحلويات لكريم الخفق للسحلب ليش لا انطلقوا وابدعوا 😄 المهم أتحصلوا فايدته

المهم . . سعدنا جدا بتوفيرها لكم أيها الشعب العزيز في

متجركم الصحي 🍀🍀🍀

رقم للتواصل مع المتجر . . الاتصال ابتداء من الساعة 3 لتواجد المندوبين في العمل ..في حالة عدم الرد يتم معاودة الاتصال بكم .

0913097709

في متجركم الصحي 🍀

#للكيتو .
في أيام صقع هالشتاء 🥶

ايهف علينا المقطع بالقديد او بعصبان الشمس 💔

أو كيما يقولوا هلنا في طرابلس رشدة برمه 💔

ومع أنه الدقيق الكيتوني ألألماني اللي عندنا للتوست . لكن هريدوتس أبو التاريخ قال ( من لييييبيييا يأتي الجديد ) 😂

صديقي الكيتوني عجنه من غير ما يحطله خميره وريحه وقطعه مقطع بالقديد المرقد في دهان ليه صافي وملح مرقه بهملايا . وطلع مقطع ( رشده برمه ) لا اله الا الله . .

عذرا أيها الألمان نحن ليبيون 😎

اللي حاب ايجرب مازال كميه بسيطه من الدقيق . الكيس يصنع وجبتين مقطع على قولة صاحبنا .

في متجركم الصحي . .

تميزنا . وجاهدنا 😁 . ووفرنا لهلنا في بلادنا . كيف مامتوفر عند جميع دول العالم . .

#للكيتو . منتجات الدكتور #

ألألمانية العالميه للمنتجات الخاليه من الكارب تماما . وسهلة الاستعمال وسريعه . ونتيجه لذيذه جدااااا ❤ متماسكه ودسمه . تشبع تماما بدون أضرار النشويات . . والأهم ترضي الرياف على الخبزه والمعجنات بطعم ممكن الذ من العاديات .

بدينا بدقيق التوست . انشوفوه الاول نال أعجابكم . . ومن ثم انوفروا الباقي لو تم عليه طلب .

عشان تحصلوا الذ خبز ومشبع . مافش حرب دور دقيق لوز وحط دحي وبكن بودر ودور سيليوم . واضرب في الخلاط وقصه . .
هذا أعجن بميه دافيه. فقط.. وبالمقدار اللي تماسك بيه العجينه وتنعجن معاك .

تقدروا تضيفوله كرز ومكسرات وسكر استيفيا ودحي ويبقى توست حلو .

ركزوا . 👌

وزنه # 230g . . لما ينعجن وينضج يعطي # 540g . يعني فوق من نص الكيلو خبزه . يعني حوالي 10 وجبات مسموحه كيتو . 💚

عشان تعرفوا ايش تأكلوا . . فهو مصنع . من الياف البامبو . وآجار آجار والزنثان وقشور سيليوم اورجنك . و3 انواع من الدقيق المنخفض الكارب منهن دقيق اللوز .

توا هو مخصص للخبزه التوست النوع هذا . لكن نا عارف ابداعات الليبيين . توا ايديروا منه حتى البيتزا مع ان للبيتزا دقيق مخصص عند الموند . . بس شخصيا جربته للبيتزا وطلع حاجه خطيره ❤❤ حتى وهو للتوست 😂

فكيفنا كيف باقي العالم وفرنا من منتجات الدكتور الموند العالميه . .
فالا حرمان مع المتجر الصحي 🍀

في متجركم الصحي 🍀

لكثرة الطلب على تم توفيره من جديد 💚

نعرفوا بملح الدكتور سولت . هو من انواع الملح الصحي المفيد لفقره للصوديوم . ولمرضى لغناه بعنصر اليود . ولجماعة #الكيتو لغناه بالبوتاسيوم . المعروف بنقصه عند متتبعي دايت الكيتو جاك . . ومن المعروف ان البوتاسيوم هو من أهم المسؤلين على تشغيل عضلة القلب فنقصه عند الكيتونيين قد يسبب الوفاة لا قدر الله . .

وللصحه العامه والخياة الهلثيه . 💚

فملح د سولت يتحتوي على . .

صوديوم 29%
بوتاسيوم 70%
يود 5,47%

بينما الملح العادي ..يحتوي على صوديوم 99% بوتاسيوم ويود 0% .

وملح د. سولت كيفه كيف ملح أبن النفيس الطبي وملح الهملايا الشهير . . فرق بينه وبين الهملايا اللون الوردي فقط لان ملح الهملايا ملح صخري من جبال في الباكستان مرتفعه فيها نسبة عنصر الحديد فكتسب لون الحديد وبه نسبه بسيطه من عنصر الحديد

يتميز بأنه أبيض ناعم صافي من الشوائب تماما
والميزه الأهم انه . . له طعم مطابق تماما للملح العادي 😁😁

فوفرناه من جديد . ونحن سعيدين جداااا بتزايد الوعي الصحي والهلثي في وطنا الحبيب 🍀

ملح الدكتور سولت سعودي المنشأ وبسعر ممتاز 9 دينار

فى متجركم الصحى 🍀🍀

جماعة الدايت الصح والأكل الصحي ( الهلثي ) 💚

ماأكثر ما سمعتوا . . بالخبز المشبع . . لسالي فؤاد . . سالي فؤاد . سالي فؤاد . . . . . . .. !

وتجروا عل مكوناته بين المحلات ونوع تلقوه ونوع لا ونوع ترجوه 🙄

لميناه لكم في باكو واحد غير اعجنوا بس . . 🙂

خليط ماااالتي قرين . . لصنع الخبز المشبع لسالي فؤاد

___ بجنين القمح اللى لو نقعدوا سنه نحكوا على فؤائده الربانيه ما انوفوه حقه
___ بذور الشيا .
___ بذر الكتان
___ كينوا المشبعه والخاليه تماما من النشااااا
___ شوفان
____ واخير دقيق قمح كااامل بالنخاله .

مناسب حتى لأصدقاء السكر . . وللدايت الصحي السليم

في المتجر الصحي 🍀 فقططط 😎

في المتجر الصحي 🍀

لكثرة الطلب على # الخاص والمخصص للكيتو. الماني واسباني المنشأ. . . وهو وكأنه سكر عادي جدا في الطعم لايوجد بيه المراره الاخيره في الطعم للمحليات الاخرى . . وأستعماله ملعقه ونص بملعقه .

فوفرناه من جديد . . 💚

وتم التوفير معه # النقي الخاص #بالقلي لتحمله درجة حراره عاليه من شركتين . بعبوه بوزن 700 g و 540g

ولكثرة الطلب ايضا من الكيتونيين ومرضى الضغط . وفرنا من جديد صديق الصحه

في متجركم الصحي 🍀

لا للحرمان . شوفوا . #للكيتو #للوكارب .

بأختصار للصحه وفي نفس الوقت لأرضاء النفس ورغبتها في الكارب 💚


سر تمتع الصينيين بصحتهم حتى مع تقدمهم بالعمر وسر رشاقتهم . ومش غريبه سر ذكائهم لان العقل السليم في الجسم السليم 😁

و

وهن الاثنين عديماااااات النشاء تماااما .

المكرونه مصنعه من الياف نباتيه مثل الياف ساق الفول الاخظر
والارز مصنع من جذور نبتة الكونجاك الصينيه العديمة النشا.

يعني غداء اليوم مكرونه امبكبكه من المكرونه الشيراكتي من الاخر . . تاكل للتخمه من غير ماتخاف السمنه او ارتفاع السكر

هى طريقة طهيهن مش مختلفه واجد . لكن بما ان المكرونه عديمة الطعم فتبي تنكيه واجد بس . مثلا الصلصه اتكون مليانه توابل ولحم او سمك او دجاج . ثوم ورق لاورو زنجبيل حرارات درناويه هريسه . 🤗.
والمكرونه تنسلق مده لاباس بيها وحدها مع ورق لاورو (غار ) وسن ثوم وقطعة بصل وجزر وملح . وبعدين تصفى وحدها وتضاف للصلصه وتطبخ معاها لمده عشان تجانس

اما الرز فهو اسهل بواجد ممكن بطبخه وحده وديروا صلصه جانبيه . ممكن تطبخوه بمرق وخضره . الخلاصه ابدعوا 💚💚 وعيشوا حياة خضراء

حطيتلكم صوره لنبتة جذور الكونجاك الصيني

وزن العبوة 75 جرام للنودلز ووزنها بعد الطهي 160 ج وتكفي وجبتين مشبعات . ووزن الأرز جاف 50 جرام وبعد الطهي 225 جرام وتكفي وجبتين مشبعات

فعندنا ماحد ينحرم من نعم ربي . وفرناهن في المتجر الصحي 🍀

متجركم الصحي 💚💚💚

في متجركم الصحي 🍀

لأصدقاء السكر .. والدايت . . رز اسمر بري اورجنك ( طبيعي ) . 💚

في متجركم الصحي 🍀

لحساسية المعده . . أصدقاء الذره . والسالياك . .

ولاول مره في ليبيا . . Spiga . ماركة المكرونه الاكثر شهره في ليبيا . . الراعي الرسمي للمبكبكه الليبيه .

بس 🤗🤗

مكرونه اسباقيتي . . خرز . بانينه . الحلزونيه . والمقوسه . . حبوب شربه . .💚 السعر 13

ووفرنا أيضا . منتجات تونسيه شعبيه رائده في اطعمة الحساسيه . .

كسكسو حبه ناعمه . خالي من الجلوتين 16
كسكسو حبه متوسطه خالي من الجلوتين 16
دشيشه . خاليه من الجلوتين 13

وايضا . دقيق تونسي درجه أولي قمه في الامتياز . خالي من الجلوتين . .💚 16

وانواع من البسكويت المصنع بمهاره تونسي الصنع . خالي من الجلوتين . . 💚 نوعين ساده ب
15 . وبالشكولا ب
20

في متجركم الصحي 🍀

لمرضى الضغط ... . 💚

_____ملح اعشاب ملح الأعشاب
75% صوديوم أقل • ملح الأعشاب (طبيعي 100%) من إمتنان. استخدمه كبديل منخفض الصوديوم لملح المائدة العادي .
• ملح الأعشاب يُستخدم أثناء الطهي أو على المائدة مع الثوم والفلفل مع لمسة الليمون التي تُثري الطعم. • جذورهندباء برية عُضوية
• أوراق زعتر عُضوي
• براعم قرنفل
• ريزومات كركم
• فلفل أسود عُضوي
• ملح بحر

للطهي . . . . وللاضافه علي المائده

____ خل تفاح عضوي طبيعي 100 % صنع ايطالي

لا للحرمان في متجركم الصحي . . استمتعوا وتمتعوا بالصحه 💚💚💚

في متجركم الصحي 🍀

واجد يدخلوا علينا خاص يسألوا على شني هي الخميره الغذائيه ؟ هل هي خميرة البيرة اللي نستخدموا فيها في العجن ؟! وكيف ناكلوا خميره .؟

سموها خميره لانها تنتج من بعد تخمير بعض المواد الغذائيه قشره تنتج عليها من فوق . ايقشروها ويحتفظوا بيها على هيئة رقائق او يطحنوها على شكل بودره .

تقدروا اتقولوا هي الغذاء السوبر . غذاء كامل . عباره عن حزمه غنيه من الفيتامينات والمعادن والياف والبروتينات واجد نين سموها بالبروتين النباتي .

الها رائحه جذابه ومذاق لذيذ فيه ملوحه طبيعيه محببه

حتى لوجبة دحي مطبوخ او مقلي تنرش عليه اتزيده فائده وتغير طعمته ( للكيتونيين اللي زاعمه كبدهم من الدحي 😁) . . تنرش على البيتزا على البرودو على القرنبط الزهره 😣 يغير من طعمته وبنته . على السلاطه
ينرش على اي شي المهم ما يطيبش بيه مايدخلش للنار يقعد للمسه النهائيه

اشوي منها في كبايه اميه كفيل انه ايعيد للجسم نشاطه وحيويته في دقايق . تخفف من التعب وتزيل الارق والقلق
تقلل واجد من التوتر . خاصه لمن يكون في اول ايام الرجيم او العمل

55% منها بروتين عالي الجوده . .فيها معادن وأحماض امينيه
بديل ممتاز للحليب . ( المحرومين منه هل الكيتو )
اتخلي الجسم ينتج خلايا دم جديده وتزيد من انتاج كريات الدم الحمراء

تنظم عملية نقل المواد المغذيه لكل الجسم .
غنيه بالفيتامينات المعقده زي B1 .B2. B6 . B9 . وهذن مسؤلات على فقر الدم وانخفاض مستوى الطاقه

مافيهش B12 المسؤل على رفع معدل الايض في الجسم . ( عملية الاستقلاب ) الحرق يعني اللي يخليك تنقص بسرعه
فقعدوا ايزيدوا فيه الها في بعض الانتاج

غنيه بالالياف . عشان هك اتريحكم من الامساك وتقلل من الكرسترول

أهم مافيها انها بمثابه آليه كبيره للحمايه من السكري والشفاء من السكر النوع الثاني . . وتحمي من جلطات القلب . تشفي من الزهايمر والسرطان عفانا الله واياكم نوعا ما .

تخفض الوزن . . تكافح الشيخوخه 😊😊 . . تقوي الذاكره . . تقوي النظر . . توقف تساقط الشعر خاصه اللي ريحوا شعرهم مع الرجيم . . تحمي من التهاب المفاصل .

تعطي رقه ومرونه وشد ولمعه للجلد 👌👌👌

تعبت ونا نكتب وماوفيتهش حقها . . .

تناولها بجد يزيد الجسم الشعور بالارتياح وتبعث على السعاده ❤❤❤ من بعد القرأن .



😂أحسن مافي الأمر أن طعمتها لذيذه . صاح وله لا ؟ 😂

فلا للحرمان مع المتجر الصحي . . وفرناها من جديد الخميره الغذائيه الصافيه . والخميره الغذائيه المدعمه بفايتمن B12

.

في متجركم الصحي 🍀🍀

وعوده من جديد . .... #💚💚

للدايت المعتدل الجميل . . ولعيش حياة صحيه . هلثي

بطعمها اللذيذ . والفريد . والشبيه تماماااا بزميتتنا المعروفه

عشاء من الاخر مع كباية حليب وشاهي . امزمته بتمر عدد فردي وزيت زيتون . . من غير نشويات القمح والشعير 😊😊

فى متجركم الصحى 🍀 🍀

بذور . الشيا . .

هى حبوب صغيره مسطحه اشوى وتلمع . . لما تنضاف للسوائل ماء او عصير . او مرق . تنتج عنها ماده هلاميه خفيفه

احسن مافيها انها شبه عديمة النكهه . . فالما تنضاف لاى طعام تكتسب نكهة الطعام اللى انضافله . . . . يعنى لما اترشوها فى عصير فراوله ما اتخافوش انها اتغير طعمة العصير . . . . او الزبادى . او السلاطه . او الكيك

فهكى تستمتعوا بطعم العصير . . وزدتوه فائده من غير ما اتحسوا 😊

هى اصلها من امريكا الجنوبيه . . وكان شعب المايا فيها . . ايسموها . . ( بالقوه . . او الطعام الخارق )

عشان تعطى صحه وقوه من البروتين والالياف . والمعادن ومضادات الاكسده اللى فيها . .

تحمى من السرطان عفانا الله وعفاكم . تسيطر على السكر من النوع الثانى . . تنقص مستوى الكلسترول فى الدم

واخرى . . تعتبر غذاء مفيد للبكتيريا النافعه اللى فى المعده . .

تعتبر من أهم ركائز نجاح حمية الكيتو لازم من الحرص على إضافتها لاكلهم اليومي . .

عشان فيها كمية الياف كبيره . . . تمتص السوائل اللى فى الطعام او الماء اللى تشربوه . . فتعبى المعده . وتخليك تشعر بالشبع . فتره طويله . . . . يعنى مناسبه تماما . . للرجيم . .. اتساعد على انقاص الوزن

هى راهى . . تضاف للطعام إضافه . . يعنى ملعقه او ملعقتين . . لانها تكبر . . .
تنضاف للعصير . . للكيك . . للمرق . لان فيها ماده هلاميه اتخلى المرق ثقيل . . من غير ما اتحطوله دقيق .

اتحمس وتنرش على السلاطه خيار وطماطم وفلفل حلو . وفاصوليا بيضاء وجزر ومعدنوس قطع صدور دجاج . ملح وزيت زيتون وليم . ورشة بذور شيا . . فائده من الاخر . 💚

اللى يطبخوا فيها . يومى . ويشربوا منها فى كبايه يومى . على اساس تنقص الوزن غلط . . . لان كثرتها اتسبب ارتفاع مستوى السكر فى الدم . . . تخيلوا 😮 . . مع انها لو اكلتوها بتوازن . اتخفض السكر النوع الثانى وتسيطر عليه

هى بس اتساعد فى انك ما تاكلش واجد . لان فيها الياف واجد اتعبى المعده فما اتجوعش . . . وزياده . فوائدها العظيمه . .

فوفرناها فى المتجر الصحى . . . طعام القوه . 💚

في متجركم الصحي 🍀

قشور السيليوم . .

تقدروا اتقولوا انه شئ اساسي ولازم في يوم الكيتوني . .

فعشبة السيليوم وهي عشبه تنبت في الهند وتسمى عالميا

( بالعشبه المعجزه او العجيبه ) . . هى عبارة عن الياف صافيه . مش تحتوي على الياف لا هى كلها الياف . والسحر انها الياف ذائبه

70% منها الياف ذائبه
السيليوم له دور رئيسي ومهم لهضم الدهون والكولسترول مما ينقص من مستوى الدهون في مجرى الدم . . يعني يا كيتوني لو كليت نسبه اكبر من احتياجك من الدهون اليوميه لو دخلت السليوم في يومك تنظم امورك 💚

يضبط السكر ويقلل من افراز الجلوكوز في الجسم 💚

عارفين مأساة الامساك للكيتوني . إضافة السيليوم الطعامك يمنع عليك الامساك ليش لانه سبحان الله اختلاطه بأي سائل ينتج عنه ماده جلاتينيه هلاميه اتخلى الطعام في المعده متميع هلامي سهل الانزال 💚

وزيدوها اخرى هل عشبه المعجزه اتلم السموم من الجسم لم وتنزله مع البراز اكرمكم الله . .
ونزيدكم من الشعر بيت . . لما يدخل للمعده ويختلط مع السوائل فيها ينتفخ ويتحول لماده هلاميه كبيره تعبي نص المعده فمعش تاكل واجد . . وهذا حتى لمتتبعي الرجيم المعتدل العادي 😊😊 مايجوعوش واجد

بااااهي خبزتكم ياكيتونين . . دقيق لوز . مافش جلوتين اللوز والجلوتين هو اللي يجعل للدقيق علك او مرونه او سموها كيف ماتبوا .
بإضافة السيليوم لدقيق اللوز او جوز الهند او الطحينه يجعل عجينتكم طريه وفيها علك وهواء

فتاكلوا خبزه صح وتمتعوا بفوائد السيليوم المعجزه من شبع و امتصاص الدهون الزايده وتريحوا من الامساك 💚💚

ومش للكيتوني او متتبعي الدايت حتى الانسان العادي لازم من ادخاله لطعامه الهلثي

لذلك أصرينا على توفيره في المتجر الصحي فنحن ماعندنش حرمان 💚💚💚

- الخميرة الغذائية غنية بفيتامينات ب ١ و ب٢ و ب٣ وب ٥ و ب٦ و ب ٧ و ب ٩
-إضافة ممتازة لوجبتك خصوصاً لو تتبع حمية نباتية لأنها تضيف البروتين والمعادن ومضادات الأكسدة إلي الوجبة
فهي تحتوي علي ال ٩ احماض امينية التي يحتاجها الجسم من الطعام
-تعمل علي حماية خلايا الجسم باحتوائها علي glutathione and selenomethionine
- تضاف الي السلطات والشوريات دون تعريضها للحرارة وفي تصنيع الجبن النباتي لإعطاء النكهة المميزة للجبنة

ممتازه وموصى بها لمتتبعي حمية الكيتو