عريبي - Araeby

فلوس التأشيره حلايليات يا علي الشريف صحة والله 😂😂😂

لـ بيروحو بالبطولة عندنا تدريباتنا تبدا بعد نص ساعة مع اقليم المغوليين 🔥

افتحو الصورة ✈️
تصبحو ع الف خير 🚩

عيــد وسٌـوبر 🏆🌊

زي العادة بيطلعولك فرانسا والمانيا واسبانيا ويجو قدام رومانيا يطلعو ويشخولك في اليورو

رجـــااااااااال والله الحمد لله 🔥🔥🔥

طيــران الله يبارك ايرلي 🥶✈️ .

اواسط عميد وزعيم اللعبه الى السداسي كالعادة 👋🏻
بعد الفوز الاخير اليوم في الدوري ع نادي البشائر 2-0 🔥

موفقين الولاد وللبطولة من جديد يا رجال ❤️‍🔥

كرة اليد فوز رهيب بآخر دقيقة 24-23
انقاد خيالي من الحارس ربيع ضد الاولمبي اليوم 🔥

والسلة مواصلة النتائج الايجابية بعد مبارة النصر اليوم ضد المدينة فوز ثاني وبالمستريح الحمدلله فيه شوية اغلاط لكن تتصلح بإذن الله وتدور تاني السلة ونقعدو سيادها من قبل اللعبة 🔥

الاتحاد حتى في التعثرات يردلك الروح بآكثر من رياضة 🤍
يارب تكمل النتائج هذه ع الخير ونشوفو السلة بتتويج الدوري واليد برضو ومزال مشوار الذهاب و الإياب طويل وباذن الله خير 👋🏻

شئ فخم تم تقديمه اليوم 🔥
يارب نشوفو هالنسق يستمر ويتصاعد أفضل وأفضل
الفريق ناقصه لاعب ليبي سوبر فقط ويطير اكثر باذن الله ❤️‍🔥

برافو والله النادي هلكتوه 👋🏻

إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا .

الزقوزي وقع مع نادي الميريا الإسباني وكل التوفيق لولد آكبر مؤسسة في ليبيا ويشرفنا كعادته نادي الاتحاد يولد نجوم ،،، الموضوع المهم والاهم من هذا كله هل فيه نسبة إنتقال هل فيه فايده ترجع للنادي ؟؟ الموضوع هذا مهم جدااااا مش لتوا بس مستقبلاً تستفيد هلبا منه ، ان شاء الله الادارة تصرفت تصرف صحيح و استغلت الموضوع أفضل استغلال لمصلحة النادي .

درس بسيــط قبل النوم .. 👋🏻

الاهل - المدينة - السويحلي - الاولمبي - الملعب الليبي - ابوسليم .. اكثر من نص الاندية في المجموعة الثانية تلعب ضد الاتحاد ومسرحيات واضحة وعربية بدت ف مبارياتهم ..

تعثر الكبــار كبــيـــر هلبــــا 🔥
وكلكم قدام الاتحاد سقطتو وقاعدين تسقطو غر فيه كلام الله غالب خودوها فقش ف الاخيـر عايشين ف ليبيا ونعرفو اللي صاير ❌🤐

أفشل مدرب مر على تاريخ نادي الاتحاد
غبـاء لا محدود عنده ❌

شوط أول سلبي جداً من ناحية الاداء الهجومي
استحواذ ع الكورة ممتاز لكن فقط ف نص ملعبك وهذا شي ميخليكش تسجل بالعكس غلط واحد يجيبلك قول زي ماصار اكثر من مرة ف هفوات
معاد عيسى ضروري تبديل ضرووري يشد ف الكورة ويلعب لروحه ❌
رييس الحل مع الهرام او قجدار .

نص سـاعة ع بداية المُبـاراة والملعب فُل كالعادة قبلها بساعتين 🏟️

نبو اكـبر عدد من يـارب 🔥

يوم الثلاثــاء ملعب النهــر كالعادة فل داخل الملعب وخارجه والآهــم من هذا كله توحيـــد اللون الاحمر 🔴
تيشيرت الاتحاد و علمك والملعب 🏟️

و منصورين بعون الله 🚩

- التداكر وقف البيع توا في النادي ❌

- الصبح 9-10 حيفتحو البيع في النادي

- فيه خطأ في التذكره التاريخ مكتوب 22 مايو
والصحيح انه مفروض 21 بس اعتقد هذا في الطباعة الخطأ والتداكر اللي يقبلو فيهم قدام الملعب اللي عليها ( ختم من الخلف الداخلية فقط )

التداكر حاليا ينباعو في النادي اللي قريب يمشي توا فاضية
والباقي لـ ميلحقش غدوة من الصبح حيبدو في البيع باقي الكمية .

بـيان جماهيـر نادي الاتحـاد بخصوص الحُضور لمباراة السويحلي 🚩 .

الله اكبرررررر
حنوووووو علينااااا
ولدك بطل العااااالم ي امي 😭😭😭😭

شن سبب الاستقالة المفاجئ يا سيد أحمد باشا توا ؟

كلنا نعرفو السبب 👀

لما انجو شوية للمنطق والكلام الحقيقي مع احترامي لـ صحابنا واحبابنا في مصراته ومشجعين نادي السويحلي لكن من امتا السويحلي عنده معانا تاريخ او يقدر يلعب كورة قدام الاتحاد ؟ لو بنجو بالارقام حوالي 45 مبارة رسمية بيننا في التاريخ لينا الغلبة فـ 30+ و خسرنا ف 5 او 6 منهم والباقي تعادل وتو يجي خونا القلعي يصححلي المعلومة بزبط ، فـ يا طيب منك ليه لـ تتكلم ع الاتحاد و مداير فريق السنة هذه برقم وقدره وجاي تبي تلعب المبارة في آرضي وتبي كل شي ع مزاجك وتفصل ف التحكيم وتفصل ف الجمهور يخش او لا وتبي عقوبات وتبي اتحاد الكورة يديرلك شروط وقواعد زي ماتبي انت غر بش تتسهلك الطريق وتحصل تعادل مع الاتحاد ، وفي الاخير مهما درتو ومهما حاولتو الاتحاد باذن الله متقوي بالله واللي جاي كله بتسخير الله ، في الاخير الاتحاد لما يخش الملعب يخش بآسمه قبل كل شي والشي هذا كلكم تعرفوه وآقرب مثال قبل شهر السوبر عندكم وتفرجنا ع العرض كلنا والحمد لله ، والاتحاد في القمة بعون الله 1️⃣