Dr. Mina Ben Saoud

Not all heroes wear capes 🩷

اليوم زبوني البطل محمد جاب قطوسة انقذها من الشارع عمرها تقريبا ثلاث اسابيع، دارلها تشيك اب تام و خذي معاي كورس ابوة مبكر كيف يخلط و يشربها حليبها ويهتم
بيها بالطريقة الصحيحة😂💗

على الرغم من عمرة الصغير الا ان كان مهتم و يحب القطوسة هلبا وكان مسؤول عليها 🐾

خليتلكم صور يشرحو غذاء القطاطيس الصغار مع الصور اطلعو عليها للفائدة✨

للحجز و الاستفسار التواصل على :
WhatsApp: ‪0928493618‬
Email📧 : [email protected]

دمتم سالمين 💗

للتوعية🤍

بحكم ان دخلنا موسم الڤايروسات، لاحظت هلبا بوستات في قروبات القطط ينزلو في حالات بأعراض فايروس الCalicivirus,

الكاليسي فايروس خطير في القطط وهو واحد من الفايروسات يلي موجودة في الRCP VACCINE او زي ما نقوللها بالليبي "التطعيمة الثلاثية" او "التطعيمة الاولى" للقطاطيس، يسبب في التهابات في اللثة و اللسان كأعراض اساسية وحنزل مع الصور صورة تغطي الاعراض الواضحة لفايروس الكاليسي ضروري تقروها✨

شفت فالكومنتات في القروبات ان هلبا ناس يعالجو فيه بالخل و التنتورة، و الزوز غلط لان ضروري من دكتور
متخصص يكشف عالحالة ويعالجها systemic.

للحجز و الاستفسار التواصل على انبوكس الصفحة او على الواتساب : 0928493618
📧: [email protected]

دمتم سالمين 💗

من زبائني🤍

واحد من حالاتي قاعدين ماسميناش، جاني للعيادة من اربع ايام متسمم على خاطر موكلينا دجاج من برا و كانت حالته تاعبه هلبا، وهذا خطأ يديرو فيه هلبا مربيين بنيه صافية، من حبهم لحيوانهم يبوهم يشاركوهم حتى ماكلتهم وهما مش عارفين ان البهارات و الثوم خطيرين على حياة حيواناتهم،

القصة مع الكلب اهوا ان هو اساسا صغير عمرة 38 يوم بس، المفروض ما ياكلش اكل هكي، ادخلت فالحالة بسرعة و الحمدلله اليوم جاني مراجعة صحته احسن من قبل🪷

حطيتلكم صور للنظام الغذائي للكلاب وشن مفروض توكلوهم وشن تتفادو، اطلعو عليهم✨

وللحجر و الاستفسار التواصل على بريد الصفحة او على الواتساب : 0928493618

دمتم سالمين💫

لنشر التوعية ✨
في فكرة شائعة خاطئة بين الناس يلي هي "القطاطيس يسببو عقم للنساء"، خلي نشرحلكم علاش خطأ،

في طفيل اسمه Toxoplasma gondii تسبب حالة اسمها Toxoplasmosis، التوكسوبلازما و هو معروف هلبا عند القطاطيس و ينتقل للبشر بس اهني الفكرة ما يسببش عقم، هو يهاجم جهاز المناعة و يسبب اجهاض في حالات الحمل في حالة اصابة قطوسك بيه بس، و هو زيه اي اي طفيل ثاني مش كل القطاطيس مصابين بيه.

من الشائع ان "كل القطاطيس يسببو عقم" ولا "وبر القطاطيس يسبب عقم" هذا كلام مفيش منه

الطريقة الوحيدة يلي يجيك بيها التوكسوبلازما من القطط هو لما تاكل ماكلة مش طايبة باهي، او خضرة/فواكه مش مغسولين كويس. ولا تغير رملة الليتر متاع قطوسك و تلمس فضالاتها بدون ماتغسل يديك.

للوقاية منه تابع دكتوره البيطري ودير toxoplasmosis rapid test يلي متوفر عندنا تواصلو معاي عليه.
اغسل يديك باهي بعد تغير رملة الليتر ✨
حافظ على نظافة اكلك و متخليش قطوسك يخالط البرانية🤣

للحجز و الاستفسار التواصل على الواتساب :
0928493618‬

دمتم سالمين 🦋