عشاق الزاوية

البيشي اسباطة يا بلاش عند خوكم محمد الحرم ب12 دينار بس
حوتة الله يبارك لحمة بيضاء طرية تمشي طبخ و قلي و شواء
عنوانهم شركة البوري للاسماك طريق قمودة

صابرين الشتيوي الله يرحمك يا بنت الزاوية
محمد الشتيوي الله يرحمك يا ولد الزاوية

محمد اب صابرين توفي سنة 2013 برصاصة .. وصابرين في بطن امها ..
واليوم الاحد صابرين ابنة محمد توفت سنة 2022 برصاصة وتودع امها واهلها ..

وداااااااااعا صاااااااابرين

حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل

انا لله وانا اليه راجعون ولاحول ولاقوة الا بالله

فاجعة والله فاجعة ..

عظم الله اجركم ال الشتيوي و ربي يصبركم يارب

🔴 #تونس ترفع أسعار البنزين لرابع مرة هذا العام حيث سجل البزين الخالي من الرصاص الممتاز 2.730 دينار تونسي أي مايعادل 4.50 دينار ليبي لليتر الواحد

في اي لحظة سترون الدولار في تونس ب6 دينار تونسية في ليلة بلا قمر وحيكون

100 دينار ليبي = 100 دينار تونسي

السلام عليكم
بنحكيلك قصة صارت معاي يوم الخميس بتاريخ8/9/2022
بعيادة البساتين او بالاصح السكاكين عباد المال وقتلت الاطفال
انزادت عليا بنيه في هالعياده في سوم الخميس المذكور اعلاه
البنيت جت علي الدنيا سليمه تنفس طبيعي وكل شي طبيعي ورضعت وتبكي كل شي كويس وسالنا عليا وضعها ممتاز وتمام التمام ومتشكيش من شي بشهادت دكاترة الاطفال والدكاتره الموجودين بالعياده
في دكتور يدور يدور وجي يبني ندخل البنت الحضانه وهي كويسه نقوله مش قلتو امورها تمام قالي ايه لكن اجراء احترازي واحتياطي لزم تقعد في الحضانه وهي المهم الدكتور مصمم وماشي جاي عليا ومشيت شفت البنت كل شي طبيعي وهو مزال يبي يفتحلها ملف للحضانه بعد شوي قالي بنتك تعبانه ولازم تجيبلي زوز ابر متع الرئه ولازم نضربهم للبنت وحالته تبي هكي خوفني وقتله افتح ملف وطلع ندور في الابر زوز ابر كل ابره ب1100دينار يعني مجموعهم 2200دينار ورفعتله الابر
وخلال دخولي سمعته يكلم في الاخصائيه يقله حالة البنيه كويسه وميه ميه لكن بوها بكري مسكر راسه ميبيش يفتح ملف فتت الي سمعته وعطيته الابر وضرب ابره يوم الخميس في اليل مع الساعه 5باليل
وتاني يوم الجمعه نسال عالبنت يقولو حالتها كويس في تحسن وتنفس طبيعي وظربنالها ابره وحده اليوم الجمعه بنزيدو نضربولها التانيه وهما كل منسال الدكاتره يقولو كويسه حالته ميه ميه لعند مانتفجاء يوم السبت الصبح باتصال من المصحه تعالا بنتك تعبانه هلبه ودبرلها حولها مصحه تانيه احني معندناش ليها حل وحضانتنا مش مجهزه والاكسجين متعها ضعيف وووو وعلي الفور توجهت للمصحه وننصدم بمنضر البنت داهشه وتاعبه وهي لعند الساعه 2باليل من يوم الجمعه حالته كويسه
المهم طول خشيت عالدكتوره توتو دبر لبنت طلعها ديرلها حل معندناش حل قلتلهم كيف اني مش في عياده
وانتم الي قبلتو الحاله وتو تقولو معندناش تجهيزات
لا طلعها المهم كل كلامهم واصرارهم طلعها طلعها وسالت دكاتره قالوله حالتها متسمحش تطلع لانها تنفس اصطناعي بمجرد كاتطلع نموت وهما يبو يطلعوها باش متموتش عندهم ناهيك عن الاسلوب الي عندهم وكانه مش روح الي بين ايديهم وهما كل همهم سكلمو فيا علي طلوعها ويبو فلوس المهم مال وفلوس عباد المتل زماهي الا اقل من ساعه داخل بنتفقد البنت منعوني من الدخول ولم دخلت لقيتها ميته والاجهزه وتقفه وميبوش يقولولي هي ميته وهما يبوني نطلعها
المهم توفت بنتي وعوضي علي الله وحسبي الله ونعم الوكيل فيهم
قتلو البنت وكل حديتهم عن المال والفلوس
وفي نقاش بيني وبين الاخصائي قتلي معنديش مانديرلك اني قلتلها بيني وبينك ربي وربي ياخد الحق وحسبي الله ونعم الوكيل
واني قعد مكملتش كلامي هاجت زي المجنونه متتحسبش فيا
قتلي بيني وبين ربي وهو شاهد وعارف وهو الي ياخد الحق وهي طعيت لا لا لو مش مدايره شي مكانتش خافت من هالكلام
وتفاجأت في تقرير الوفاة كتبو ان البنت مزيوده عمره 8اسهر وغير مكتمله وعندها هبوط يادم وووو
وهدي قصتي مع هالعصابه قتلت الاطفال وبالله عليك انشرها وخلي يتحسبو فيهم ربي وتعرفهم الناس علي حقيقتهم
علما باني دخلت علي المدير والمشرف وكان اسلوبه مش كويس وهمهم الوحيد هو المال واتعاب العياده
وخدو 1900عمليت ولاده
و2200تمن الابر متع الرئة
و2000دينار عالبنت الي قتلوها

قرار غبى ..

عندما يكون هناك مستشارى من هذا الوطن لا يهمهم المواطن ...
اول الخير قطــــره بعد إنخفاض سعر الشحــــن من الخارج مستشاري رئيس الحكومه الموقرين أشاروا عليه بالقرار هذا اللي أدي الي إرتفاع تسعيـرة جمـرك السيـارات في المينـاء

السعـر السـابـق 850 ❌
السعـر الحـالـي 1700 ✅

انهيار سيشهده السوق الليبي في أسعار المنتجات الكهرومنزلية والمفروشات والأثاث
وهناك تخفيضات كبيرة تصل إلى أقل من 50 % من سعرها الحالي🔻 ...
بسبب نزول سعر شحن الحاويات 40 قدم من الصين من 17.000 دولار الى 7900 دولار ...

تعميم صادر لجميع فروع صندوق الضمان الاجتماعي بشأن صرف معاشات المتقاعدين بحد أدني 900 دينار بدلا من 450 دينار وذلك ابتداء من شهر 9

تركيز موجة الحر سيكون بالمناطق التالية:

- ساحل غرب طرابلس
- سهل الجفارة
- باطن وظاهر الجبل الغربي/نفوسة
- مناطق جنوب طرابلس

الحرارة المتوقعة بين 40° إلى 46° درجة بهذه المناطق خلال موجة الحر التي قد تستمر حتى الخميس.

والله تعالى أعلم

صباح الخير
اذا كان إخوتنا و اهلنا في السودان الشقيق في عز الفوضى الحالية ،ما سمحوا باستخدام المادة بروميد البوتاسيوم و
و سحبوا رخص و إغلاق المخابز التي تستخدمها .
فكيف بينا نحن ما نتعلموا و نستاقضوا بالقصة ، استفسر من اي سوداني عنده علم بالقصة ، جنبك منك لنفسك .

موطن إبليس !
. الدواء تاجروا فيه وحرموا مرضى الاورام منه ولعبوا في صلاحية الادوية ويبيعو فيها منتهية الصلاحية بتاريخ مزور!
. مرضى الكلى تاجروا بفلاترهم والهيبارين اللي بدونه دمهم يتجلّط في الماكينة!
. حليب الاطفال احتكروه وتاجروا بيه وحمّلو عليه مواد ثانية اجباري تشريها لرفع سعره!
. وأخيرًا الخبزة ضاعفو المحسنات فيها بحسب التقارير الرسمية الى 1300 ضعف عن المعتاد بمواد محظورة دوليًّا ومسرطنة!
. شن جنسكم؟ شن ملّتكم؟ شن الشرّ اللي قلوبكم؟

حتى الدواء والخبز ما سلموش من طمعكم وجشعكم وتجارتكم الرخيصة اللي مكاسبها في نهاية الامر حتصرفوها دواء على صحتكم بعد ما رب العالمين يبتليكم بالأمراض!

… دولة إبليس فيها أصبح عاطل عن العمل بعد ما تفوّقوا عليه فيها المصنّفين بشر!
. ومع الأسف ما فيش أجهزة او مؤسسات او جهات ممكن تلجألها او تطالبها بالحلول او معاقبة الجُناة، لأن المسؤولين كلهم شركاء في الجرائم، والقاضي هو الجلاد وحاميها حراميها!
. لكن الديّان لا يموت، ويوم الحساب تُوفى الحقوق يا حطب جهنّم!

#طرابلس
شوارع شبه خالية محلات فاضية
ركود اقتصادي غير مسبوق مستوى الشراء نزل
أصحاب المحلات الصغيرة أغلبها أغلقت ابوابها
المواطن معاش قدر يشري بسبب إرتفاع الأسعار

وجوه المواطنين ضاربها البؤس والكأبة..بسبب الحال اللي وصلوا له
ولا حول ولاقوة الا بالله

اسوء فتره تمر علينا من بداية الأزمة

جميع البلديات قامت بنشر قوائم المستفدين من القروض الشبابية حسب مبادرة رئيس الحكومة للإسكان وكل القوائم منشورة في الصفحات الرسمية للبلديات على الفيس بوك الا بلدية الزاوية مازال جمال خمر داس القوائم على الناس

شاب مفقود الاسم اشرف ساسي كوديخة مواليد 1990 السكن في جلده قال ماشي للزاويه و بنجيب دخان مش معطل الهاتف ايرن مايردش وبعدين مقفل

تــنويه :-

- تــم الاعـلان عن تنفيـد جــدول المرتبـات الموحــد ، و البدء هذا الشهر كان من موظفي وزارة الداخليـة وموظفي الكليــات و المعــاهد حسب جدول المرتبـات الموحد

- تــم الاعــلان عن صرف مكأفاة لحافظين القرأن الكريـم

- تــم اعتمـاد زيــادة المتــقاعدين وصرفها سيـكون بداية من شهر 8 مع صرف الفروقـات

- تــم اعتمـاد صـرف 750 لكل طلــبة الجـامعات كمنــحة لهم

- تــُم اعتــماد صرف الفروقــات لكل الموظفيــن في كافة قطــاعات الدولة

- بخصـوص القروض السـكنية سيتم البدء الفعلي الايــام القـادمة

- سيُتم معالجــة مشكلـة نقص الاعلاف نهائيـاً

- سيُتم صرف منــحة لصندوق دعُم الزواج خلال الايام القـُادمة

ردو بالكم اليوم بس في قريب 7 حالات غرق تنبيه هام _ هذا الاسبوع 🌊

هذه الأيام البحر غير مناسب ابداً للسباحة
الامواج مرتفعه مع هبوب الرياح الأربعينية وكثره التيارات

فـا نرجو اخذ الحيطه والحذر

البحر غير مناسب ابداً للسباحة

منفذ رأس جدير أكثر من 16 ساعة انتظار لدخول تونس والمواطن الليبي يسأل … ماذا فعلت الحكومة في الإجتماعات السابقة مع الجانب التونسي ؟
من يجيب …

الأمير محمد الحسن الرضا السنوسي الشخصية التوافقية التي يُجمع عليها الليبيين كونه لم يتورط في الدم الليبي أو في الفساد المستشري.والواقع والتحديات التي يعيشها الليبيون اليوم جعل الكثير منهم ينظرون إلى عودة الملكيّة الدستورية لليبيا المنقذ والمخلص للشعب الليبي من المشاكل التي يعانيها ويرونها الحل الأمثل بعد فشل الاتفاقات السياسية والعسكرية والاقتصادية في توحيد البلاد.
مع او ضد

إذلال مابعده إذلال ف الحدود التونسية يخشو 400 سيارة بنزينه تونسية ما يخشوش 10 سيارات ليبيه

بجديات تشوف المعاملة ف الحدود كارثة بكل ماتعنيه الكلمة خارج سيطرة الدولة

ماذا يحدث في معبر راس جدير اين المسؤولين اين هم الوفود الحكومية والاجتماعات , المواطن يعاني الويلات ومعاناة انتظار تصل 14 ساعة , مسافرين مرضى عائلات وصغار وكبار في مكان يفتقر أبسط الضروريات وطقس حار أين إتفاقكم عن تذليل الصعاب أمام المسافرين .

إنا لله وإنا إليه راجعون
الفنان يحي عبدالسلام في ذمة الله
اللهم أغفر له وارحمه

الله يبــــارك تقديرا لرجل شرطة المرور بادره طيبة من أهالي الزاوية

هديه. #سيــــاره 🚘🚘🚘

من اهالي الزاويه

وبالاخص اهالي شارع عمر
المختار وحي الوحده

للشرطي. #ابوبكرشلوش. (الجكترا )

بارك الله في مجهوداتك ولك كل الاحترام

الي محتاج سيولة محل العالمية للصرافة لخوكم أسامة لطيف في شارع العيادة المجمعة عنده بالبطاقة المصرفية لجميع المصارف و نسبة الخصم 20 دينار فقط ع الالف

جميع القطاعات العامه اعتبارآ من شهر يونيو(6)سيتم خصم الضمان 5.125% فالوقت الذي كان الخصم 3.75% ٠٠٠يعني بلغة الأرقام كل 100دينار من المرتب يخصم منها 5.125 دينار. فى السابق كان الخصم على كل 100دينار 3.75دينار .....عند إستلام مرتبك من الصراف لاتستغرب أنه نقص بمعنى ...مثال المعلمين كلهم سايجيدون مرتباتهم بها خصم من ثلاثين ل ستين دينار على السابق حسب الدرجة..
هذا الخصم تم إحالته لصندوق الضمان والتضامن ...حيث أن مرتبات المتقاعدين تصبح 900دينار إعتبار من شهر (8)
التطبيق على جميع الجهات بمعنى كل موظفى الدولة دون إسثناء.

⚠️الادارة العامة للدفاع المدني تنبه المواطنين و
المقيمين للتالي

🛑 بسبب أزدياد درجات الحرارة خلال الايام القادمة بين40 و45 درجة مئوية وظهور سحب ركامية تسبب الكتمه في الجو وذلك على معظم المناطق
وهذه بعض التحذيرات والتنبيهات ...

🔴 يجب إخلاء السيارات من:
1- المواد الغازيه.
2-القداحات .
3-المشروبات الغازية.
4- العطورات وبطاريات الاجهزة بشكل عام.
5- يجب فتح نوافذ السياره بشكل بسيط ( تنسيم ).
6- عدم ملئ خزان وقود السيارة بالكامل
7- تعبئة وقود السيارة في الفترة المسائية.
8- عدم السفر بالسيارة في الفترة الصباحية.
9- عدم تعبئة إطارات السيارات أكثر من اللازم وخصوصا في السفر.

🔴 يجب الانتباه من العقارب والثعابين فسوف تخرج من جحورها بشكل ملحوظ وقد تدخل المزارع والبيوت للبحث عن البراد.

🔴 الاكثار من شرب الماء والسوائل.

🔴 الحرص على عدم تشغيل سخانات الماء.

🔴 الحرص على عدم وضع إسطوانات الغاز في الشمس.

🔴 التأكد من عدم زيادة الأحمال على عدادات الكهرباء وعدم تشغيل المكيفات إلا في أماكن تواجد العائلة وخصوصاً في أوقات ذروة الحرارة.

🔴 البعد عن التعرض لأشعة الشمس مباشرة وخصوصاً خلال الفترة من الساعة ١٠ صباحاً وحتى الساعة ٣ ظهراً.

🔵 وضع علب ماء في الشبابيك والاحواش والاسوار والمزارع والبلكونات. وذلك لري عطش الطيور والقطط وغيرها من الحيوانات ...

وأخيراً: فضلاً شارك بنشرهذه المعلومات فغيرك لا يعلم و قد يقرأها لأول مرة ...

مع تحيات الادارة العامة للدفاع المدني

الكثير من المدونين و الناشطين في المنطقة الشرقية يتحدثون عن دخول مليون مصري الي ليبيا بدون إجراءات او قوانين من اجل توطينهم

عاااجل

#الدبيبة يحيل مجلس إدارة الشركة العامة للكهرباء، إلى التحقيق ويوقفه عن العمل، ويقرر أن يتولى بنفسه مهام رئيس مجلس إدارتها، ويكلف محمد إسماعيل مديرا عاما لها إلى حين انعقاد مجلس أمناء الشركة

أعلى درجات حرارة سجلت اليوم:

السبيعة 45°
زلطن 45°
الزاوية 43°
غدامس 43°
غات 43°
مرجح أن تكون الحرارة أعلى بمناطق أخرى تفتقر لأجهزة الرصد.

تحصلت دولة ليبيا على شهادة تسجيل الزيتون الابيض تحت اسم الزيتون الطرابلسي الليبي، تولت جامعة قرطبة باسبانيا القيام بالبحوث التقنية باعتبارها الجهة التي يعتمد عليها المجلس الدولي للزيتون في اجراء البحوث والدراسات وتسجيل اصناف الزيتون.
تولى مركز البحوث والتقنيات الحيوية بليبيا اجراء الوصف الظاهري للشجرة وكافة الاجراءات العلمية مما ادى الى تسجيل الزيتون الابيض باسم ليبيا.